‌‎يارب ترحم كل غالي فقدناه
واصبح مكانه فا الحشا خالي

الله عسى ياخذ كتابه بيمناه
ويفوز با الفردوس في منزل عالي

‏حدد مسارك واترك الناس للناس
ورفع طموحك فوق ظهر المجره

دور على اللي خوته ترفع ..الراس
اللي على المجد المسمى .مقره

ابغاك مثل الذيب قطاع الارماس
يسري ولا يمشي على ..كل جره

‏والله إن الظرف يعطيك درسٍ بالحياه
والحياه دروس والناس تجهل ماخفا

الخـوي الكفو وافي وعالـي مسـتواه
أشـهد إنـه عملـةٍ نادره يااهـل الوفـا

يوم أبو وجهـيـن بـيّـن وشـفنا ماوراه
عدّ نفسه وين راسه وبالظرف إختفا

‎الصريح

حنا كذا صافين دايم و وافين
ما عندنا في الناس نية خباثه

الطيب والمعروف والصدق والدين
والجود والأخلاق فينا وراثه

اصحابنا سبعين مدري ثمانين
والصادقين اثـنين مدري ثلاثه

فهد العبدلي

‏عرف النشاما لنشاما تجاره
أهل الفعائل والمزايا الحميده

وانا كسبت اللي رفيعٍ وقاره
اللي يسولف عن قديمه جديده

الطيّب اللي مايغيّر مساره
اللي ،بحزات ،المواقف ،واليده

ماهي علوم اللي حياته خساره
اللي يخاف الطيب ينقص رصيده

ابوسلطان

‏ياكثر ماقلنا استرحنا ولافـاد
واشغـالنا واعمـالـنـا مشغلتنا

نجاهد الدنيا وصكاتها جهـاد
وظروفنا عـن بعضنـا مانعتنا

دنياً غثاها طول الايام يزداد
نركـض ورى لـذّاتهـا واتعبتنا

اليا قِربنا احلامنا راحت بعاد
واليا وصلنـا احلامنـا بعّدتنـا


شريف العضياني

‏اليوم صار الطّيب ٠٠شكل وتصنّع
قليل تلقاء الطّيب حتى من العود

وخبل العرب ٠٠٠تايه ولاله مسنّع
والياء نصحته ٠حطّبك كل منقود

ولاعاش غير ٠٠٠ اللّي بوجهٍ مقنّع
لوكان لاينفع ٠٠٠٠ولايعرف الجود

والكفو من ٠٠ قوم الحناجر يشنّع
شيءٍ نشوفه شوف بالعين ماكود

محسن المداريه

‏دنياً تصفقنا من يسار ويمين
والحال يرقى شوي وشوي نازل

تلمسوا في حال بعض القريبين
اشوف من بين القرايب عوازل

الخير منكم عم ناسٍ بعيدين
وقريبكم تاقع عليه النوازل

تفقدوهم زين ترى الفقر شين
اقولها من جد مانيب هازل

الحال فيما يظهرونه تقل زين
والله يعلم مابوسط المنازل

‏ابشركم الراتب قرب

يقولون الرواتب قربت ما باقي الا يوم
الا يافرحة اصحاب المتاجر والشريطيه

نمر بفرحت الراتب مثل مر الحلم فالنوم
يخلّص ماشرينا بعض الاغراض الاساسيه

لأنا نقتدي في صرفنا بهياط بعض القوم
ولا نعرف نطبّق خطة الصرف المثاليه

النجم العالي .

‏كل شي جميل اذا رزقت القناعه
وكل شي قبيح اذ تبعت الطمايع
.
ما دام رزقـك عـنـد ربـك وداعـه
لاهوب متاخر .. ولا هوب ضايع
.
خالد

‏والله إن الظرف يعطيك درسٍ بالحياه
والحياه دروس والناس تجهل ماخفا

الخـوي الكفو وافي وعالـي مسـتواه
أشـهد إنـه عملـةٍ نادره يااهـل الوفـا

يوم أبو وجهـيـن بـيّـن وشـفنا ماوراه
عدّ نفسه وين راسه وبالظرف إختفا

‏ياصباح الشكر والشاكرين الذاكرين
في بلادٍ جعل رب العباد يصونها

مهبط الإسلام قبلة جميع المسلمين
دارنا اللي نرخص ارواحنا من دونها

ساحوق

‏و لست أدعو سوى الرحمن يحفظكم
يا خير من سكنوا في القلب إخوانا

طــبتم فـطابت بكــل الـود صحبتكم
حتى جــزيتم مـن الرحــمن رضوانا

أدعــو اللــه لــكـم دومـاً لـيكرمكــم
في السر عـفواً و فـي الإعلان غفرانا.

للمتابعين

ياكثر كرهي للعفون اللي مثل شغل النمل
اللي تجمع للـــوريث ولا تـــــسر نفوســها

وياكثر حبي للرجال اللي يلــــمون الشمل
اللي يصادمها الزمان ولا يلـــــــين روسها

الراي يبغاله رجل والحـــمل يبغاله جمل
والطيب يبغاله رجال ماتــــــصر فلوسها

مفلح الرقابي

وجيه الردى ماتستحي من وجيه الطيب
بعد ما بدى الماقف وكل ن بدى وجهه
.
وجيه نقلطها على الطيب والترحيب
ووجيه نعرّضها على الصد والسفهة
.
لاشك الوجيه اللي كساها الردى والعيب
ترى ذكرها شرهة و تقديرها شرهة
.
اعد الصراحة والبشر مخطي ومصيب
ولا نيب راعي هرجة ما لها وجهة

علي_الشنّاني

لاصارمالك من وراء الناس حاجه
مالك ومـال الخلق واللي يقولون

ريح ضميرك واطلب الله ونـاجه
وخل البشر لله هـو خالق الكـون

سعود_العتيبي

الردي بع رفقــته وانتبه لا تشتريه
سلعةٍ في السوق ما ربّحت جلابها
،
أبتعد عن ديــرته لا يجيك ولا تجيه
رفقةٍ ماترفع الراس وش يبغابها

قل للوجيه اللي زعلها على ماش
ما الله خلقنا لاجل نطلب رضاها
-
يعيش راسي بالمعزه ولا عاش
يطرد ورى العالم ويطلب رضاها
-
فيصل الزلامي

ساس الرجوله كلها دين وافعال
ومن غير هالثنتين ماهي رجوله

ماهي تراها بالمهايط ولا المال
ولا هي بكبر المرتبه والحموله

المال كل"يملكه حتى الانذال
والمرجله ماكل رجلّ" يطوله

لان المراجل ماتجي بأي رجال
الا الذي تشهد لهرجه .. فعوله

انا بفضل الله تراني من النوع
اللي يموت .. ولا يبيح كنينه

الفرحه اعرفها من اسبوع لـ اسبوع
واتصنع اني عايشٍ في سكينه

ما تِسمن الشكوى ولا تغني الجوع
شكوى لـ غير الله بعدها غبينه

تكفون يا شيبان وانتم يا شباب

اكثر ما يضحكني بعالَم تويتر
اللي اشترىَ له بالريال متابعين

مهما يهايط .. حالته في توتر
ومتابعينه .. لو دفَع متناقصين

مثله مثِل بعض الصور بالفلاتر
وضع المفلتر والأصل متناقضين

النجم_العالي

‏صار التعامل . صعب جداً مع الناس
ماعاد تعرف صاحبك من عدوّك

حاول تصير انسان ماعندك احساس
يمكن يزين الوضع وتعيش جوّك

سعيد_العلياني

يا اللي تشوف المصحف وترجع على الجوال

وإذا خلوت بريبة في ظلمة والنفس داعية إلى الطغيان
فاستحيي من نظر الإله وقل لها إن الذي خلق الظلام يراني

‏يقول غلاب الثبيتي بعد قاس
الفرق بين ... الطيبة والرديه