❗️Больш за 3670 асуджаных: як беларусаў пераследуюць за ўдзел у пратэстах ў 2020-м

Пяць гадоў таму па ўсёй краіне беларусы стыхійна выйшлі на вуліцы супраць фальсіфікацыі выбараў. З таго часу ўлады пачалі актыўна пераследваць беларусаў за ўдзел у мірных акцыях пратэсту як паводле адміністрацыйных артыкулаў, так і паводле крымінальных. Агулам з 2020 года паводле арт. 342 КК і ч. 2 арт. 293 КК асудзілі больш за 3 670 чалавек.

Праз тое, што хутка скончыцца тэрмін даўніны прыцягнення да адказнасці паводле арт. 342 КК, цягам апошніх некалькі месяцаў павялічылася колькасць затрыманых за ўдзел у пратэстах.

«Вясна» распавядае, як улады працягваюць судзіць беларусаў за ўдзел у мірных акцыях пратэсту, а Юрыдычная служба тлумачыць, што такое «тэрмін даўніны», і каго змогуць прыцягнуць да адказнасці пасля сканчэння гэтага тэрміну.

Чытаць па спасылцы 👉 https://spring96.org/be/news/118463

🌿Паведаміць пра палітычны пераслед 👉 @ViasnaSOS | @viasna_bot | @viasnainfo

Паведамляйце праваабаронцам інфармацыю пра суды за ўдзел у пратэстах

Праваабаронцы атрымліваюць інфармацыю, што ў апошнія месяцы сталі актыўней прад'яўляць абвінавачванні паводле «народнага» арт. 342 КК (арганізацыя або ўдзел у дзеяннях, што груба парушаюць грамадскі парадак). Толькі ў адным Мінску вядома пра сотні чалавек, што абвінавачваюцца ва ўдзеле ў пратэстах.

Гэта звязана з тым, што хутка міне 5 гадоў з моманту акцый пратэсту, а значыць скончыцца тэрмін даўніны прыцягнення да адказнасці паводле гэтага крымінальнага артыкулу, пасля чаго іх ўдзельнікаў нельга будзе асудзіць. Але, адзначым, што працягнецца пераслед паводле арт. 293 КК (удзел у масавых беспарадках).

Калі ласка, паведамляйце пра суды і іншы пераслед. Паводле вашага жадання, інфармацыя будзе непублічнай. Дзеля бяспекі, вы можаце перадаць звесткі праз вашых сяброў, што жывуць у бяспечных краінах.

@ViasnaSOS | @viasna_bot | @viasnainfo

✊«Правасуддзе патрабуе свабоды для ўсіх палітвязняў у Беларусі»: як міжнародная супольнасць падтрымлівае Беларусь

У гэтым жніўні мінула 5 гадоў з пачатку масавых пратэстаў у Беларусі. Разам з тым, 5 гадоў працягваюцца жорсткія і бесчалавечныя рэпрэсіі, якія абураюць людзей па ўсім свеце. Сабралі рэакцыі міжнароднай супольнасці з нагоды пятай гадавіны масавых рэпрэсій у Беларусі.

🇱🇹Кіраўнік МЗС Кейстуціс Будрыс: «Гэта грандыёзнае грамадзянскае абуджэнне, якое ледзь не зрынула рэжым Лукашэнкі, служыць яркім напамінам пра дэмакратычную Беларусь, якая цяпер змагаецца з таталітарным праўленнем»;

🇫🇮Кіраўніца МЗС Эліна Валтонен: «Мы падтрымліваем народ Беларусі, які працягвае дэманстраваць сілу і рашучасць перад тварам рэпрэсій»;

🇪🇺Сябра Камітэта па абароне і ПАСЕ Густаў Ётберг: «5 гадоў таму я асабіста стаў сведкам мужнасці беларускага народа, які сабраўся ў Мінску, каб адстаяць свабоду. Аднойчы Беларусь стане свабоднай еўрапейскай дэмакратыяй».

Чытаць па спасылцы 👉 https://spring96.org/be/news/118461

🇮🇹У Фларэнцыі адкрыўся Цэнтр беларускай дэмакратычнай супольнасці

Адкрыццё цэнтра стала магчымым праз падтрымку офіса Святланы Ціханоўскай, а таксама праз супрацу Народнай амбасады Беларусі ў Італіі і асацыяцыі Talaka.

Гэта прастора для культурніцкіх ініцыятыў і мастацкіх падзей, пляцоўка для сустрэч, абмеркаванняў і ўзаемадапамогі, а таксама пункт збору і падтрымкі для беларусаў у Таскане і па ўсёй Італіі.

Крыніца: @belarusinitalia

У гродзенскіх арганізацыях працягваюцца палітычныя звальненні

Чалавек, знаёмы з сітуацыяй у заводакіраванні на «Гродна-Азоце», кажа, што не так даўно звальнялі тых, каго адшукалі сярод удзельнікаў аднаго з пратэсных маршаў, і чалавека з каманды Віктара Бабарыкі. Раней на заводзе актыўна высвятлялі, у каго з супрацоўнікаў ёсць карта паляка. Цяпер гэтым менш займаюцца. За наяўнасць карты паляка з працы не звальняюць, але новы кантракт не падпішуць.

У Гродзенскім дзяржаўным універсітэце таксама працягваюць звальняць — дакладней, не працягваць кантракты — недастаткова лаяльным выкладчыкам.

Са слоў чалавека, знаёмага з сітуацыяй, гэтую практыку не спыняюць нават нягледзячы на недахоп выкладчыкаў. Крыніцы вядома адразу пра некалькі калег, якія не выйдуць на працу з 1 верасня з-за таго, што ім не працягнулі кантракт з-за палітычных прычын.

Выяўляць нелаяльных супрацоўнікаў працягваюць і ў «Гроднааблгазе». Хоць за столькі гадоў ужо амаль не засталося людзей, на якіх можна адшукаць кампрамат.

Крыніца: «Наша Ніва»

📍Паведамляйце пра перавод на турэмны рэжым і новыя крымінальныя справы супраць палітвязняў

Калі палітвязні трапляюць у калоніі, ціск на іх працягваецца: іх пазбаўляюць званкоў, спатканняў і перадач, змяшчаюць у штрафны ізалятар (ШІЗА) або памяшканне камернага тыпу (ПКТ). На палітвязняў «вешаюць» шматлікія парушэнні, за што іх пераводзяць на турэмны рэжым або ўзбуджаюць новыя крымінальныя справы па арт. 411 Крымінальнага кодэкса (злоснае непадпарадкаванне патрабаванням адміністрацыі папраўчай установы).

Праваабаронцам вядома пра як мінімум 110 палітзняволеных, якіх перавялі на турэмны рэжым і пра яшчэ 68 чалавек, якіх асудзілі паводле арт. 411 КК.

🌿Калі вам вядома пра палітвязняў, якіх працягваюць пераследаваць у калоніях, — калі ласка, пішыце праваабаронцам на @ViasnaSOS, @Viasnainfo

🇪🇺ЕС: Рэпрэсіі, якія працягваюцца ў Беларусі, непрымальныя і павінны спыніцца

Сумесная заява Высокага прадстаўніка ЕС, віцэ-прэзідэнта Каі Калас і Камісара Кос з нагоды 5-й гадавіны сфальсіфікаваных прэзідэнцкіх выбараў:

«Мы заклікаем улады Беларусі неадкладна вызваліць усіх палітычных зняволеных, спыніць рэпрэсіі і ўвайсці ў інклюзіўны нацыянальны дыялог. Разгром грамадзянскай супольнасці, што працягваецца, павінны спыніцца. Беларусь таксама павінна спыніць падтрымку незаконнай вайны Расіі супраць Украіны.

Мы поўнасцю салідарныя з народам Беларусі. З 2020 года ЕС мабілізаваў 170 мільёнаў еўра на падтрымку грамадзянскай супольнасці Беларусі, незалежных СМІ і ахвяр рэпрэсій і будзе працягваць уводзіць санкцыі ў дачыненні да тых, хто падаўляе дэмакратыю і парушае правы чалавека».

Чытаць па спасылцы 👉 https://spring96.org/be/news/118457

⁉️ Што пагражае ўдзельнікам акцыяў за мяжой?

Каментуе Юрыдычная служба «Вясны».

«За садзейнічанне экстрэмісцкай дзейнасці прадугледжаная крымінальная адказнасць у выглядзе абмежавання волі на тэрмін ад двух да пяці гадоў або пазбаўлення волі на тэрмін ад трох да сямі гадоў са штрафам або без штрафу (ч. 2 арт. 361-4 КК).

Што тычыцца штрафу, то згодна з артыкулам 50 КК, яго памер вызначаецца судом з улікам памеру базавай велічыні, вызначанай на дзень пастановы прысуду, у залежнасці ад характару і ступені грамадскай небяспекі здзейсненага злачынства і матэрыяльнага становішча асуджанага. За злачынства, прадугледжанае артыкулам 361-4 КК, памер штрафу вызначаецца ў межах ад пяцісот да пяцідзесяці тысячаў базавых велічынь.

Каб штраф быў аплачаны, у следчага ёсць паўнамоцтвы накласці арышт на маёмасць падазраванага. З гэтай нагоды супрацоўнікі арыштоўваюць маёмасць».

🔹Ператрусы, арышты маёмасці, допыты: як у Беларусі пераследуюць удзельнікаў акцый салідарнасці за мяжой

✍️Amnesty International Polska збірае подпісы пад зваротам да польскіх уладаў з заклікам дапамагчы беларусам

«Польшча здаецца бяспечнай гаванню, але гэта толькі павярхоўна: людзі з Беларусі апынуліся ў пастцы заганнага кола бюракратыі, дзе лягчэй атрымаць пашпарт для сабакі, чым дакументы для дзіцяці. Без дакументаў яны не могуць хадзіць у школу, звяртацца да лекара, легальна працаваць або здымаць кватэру. Яны не могуць купіць квіткі на цягнік анлайн або ажаніцца са сваімі блізкімі. У іх няма гарантаванай прававой, сацыяльнай або эканамічнай бяспекі».

Праваабаронцы збіраюць подпісы пад зваротам да Міністра ўнутраных спраў і Адміністрацыі.

Падпісаць па спасылцы

📄 Што пачытаць у нядзелю? Сабралі для вас галоўныя матэрыялы «Вясны» за тыдзень:

🔹Пяць гадоў рэпрэсій у Беларусі: больш за 100 000 зафіксаваных фактаў пераследу

🔹Ператрусы, арышты маёмасці, допыты: як у Беларусі пераследуюць удзельнікаў акцый салідарнасці за мяжой

🔹«Важна, каб суды адбыліся над самім злачынным рэжымам»: як былыя палітвязні бачаць аднаўленне справядлівасці

🔹«Рэпрэсіі, якія датычацца цэлага грамадства». У цэнтры Варшавы з’явілася сімвалічная клетка

🔹Front Line Defenders: «Мы глыбока ўзрушаныя жорсткімі ўмовамі ўтрымання Насты Лойкі»

🔹«Не толькі ў 2020 годзе пачаліся рэпрэсіі». 4 жніўня — Міжнародны дзень салідарнасці з грамадзянскай супольнасцю і праваабарончым рухам у Беларусі

🔹Сітуацыя з правамі чалавека ў Беларусі. Ліпень 2025

💳Падтрымаць «Вясну» на Patreon | Аднаразовым данатам

У Брусэлі прайшоў Дзень Годнасці — акцыя салідарнасці і падтрымкі

У межах мерапрыемства былі падведзены вынікі пяцігадовай дзейнасці беларускай дыяспары ў Бельгіі, прэзентаваны асноўныя ініцыятывы і падзеі за гэты перыяд.

Асобная ўвага была нададзена напісанню лістоў беларускім палітвязням як сімвалу падтрымкі і салідарнасці.

🥀Пяць гадоў таму ў Мінску быў забіты Аляксандр Тарайкоўскі

10 жніўня 2020 года ў Мінску ў ходзе пратэстаў быў забіты Аляксандр Тарайкоўскі — ён стаў першай ахвярай з ліку мірных дэманстрантаў. Мужчына быў застрэлены сілавікамі, але ніякай крымінальнай справы з гэтай нагоды заведзена не было.

У 2022 годзе з-за перажыванняў з-за сына памёр бацька Аляксандра — Валеры. За некалькі месяцаў да гэтага ён даў шчымлівае інтэрв'ю, дзе распавёў, як часта ходзіць на месца забойства сына і як за гэта на яго сварацца міліцыянты: «Гэта для вас Саша мёртвы, для мяне — жывы. Хаджу туды [на месца забойства] часта, часам кветкі пакладу, часам проста пастаю пакуру».

✊У Беластоку прайшлі акцыя салідарнасці беларусаў

На плошчы Касцюшкі ў Беластоку сабраліся беларусы і сябры Беларусі, каб ушанаваць пятую гадавіну падзей 2020 года

«Мы прыйшлі, каб нагадаць: нашыя патрабаванні застаюцца нязменнымі, мы памятаем кожнага, хто заплаціў высокую цану за свабоду, мы не губляем веры ў будучыню вольнай, дэмакратычнай і беларускай краіны».