رد الضعن بس ياضعن
نمشي الدرب بالكوه
وحسين كدام برمح
هل رمح بينه شسوه
احنه بكتر هوه بكتر
بهل قافله دموع شكثر
*****^^**
ردينه هسه بياوجه
وحسين موش ويانه
وديارنه ضلمه اصبحت
والهيبه خالي امجانه
والبيت إذا مابي زلم
ماينجهب ديوانه
ضلو اخوتي بكربله
جا ياهو يتلاكانه
*****^^
ردينه لديار الاهل
والدار هسه شتسوه
جانت زهيه بكل وكت
واللمه جانت حلوه

شلون لو طال العمر
بهل قافله دموع شكثر
____
ام البنين بحركه اجت
تتلكه ضعن الوالي
جا وين عمت هل ضعن
ام عون موش اكبالي
حكج ييمه تغيرت
وشصار هسه بحالي
والله النهر يم الوفه
ماخذ عزيز وغالي
********
حسين كدامي انذبح
وبالخيل داسو صدره
كلبوه يمه عالوجه
وبسيف كطعو نحره

لوعني يايمه الشمر
بهل قافله دموع شكثر
_______
وعباس شفته عالنهر
ويمه رحت محنيه
كتله انه زينب يل كمر
اكعدلي خويه شويه
ولكيت نبله بكل كتر
كل نبله بي ملويه
احتاريت اضمد ياجرح
وجروحه موش شويه
*******^
ولكيت يايمه بعد
طالع سهم من ظهره
لا والهضمني وأيست
بالهامه جرحه شكبره

رديت امشي وانهطر
بهل قافله دموع شكثر
____
جروح بيه انه سكثر
كل جرح ينعد ميه
اكبر جرح ماينوصف
ياكل ويشرب بيه
من كالو اعليه اجت
ام الخدر مسبيه
من كل كتر كلها اطلعت
يتفرجون اعليه
******
طبيت لشام وشفت
شمات كلها كبالي
ايهوسون كدام الضعن
ابراس اخوي الغالي

لاضل دمع لاضل صبر
بهل قافله دموع شكثر
_______
طبيت ديوان القصر
طبت زلم عالنيبه
كالو علي مسبيه اجت
شو طبتلنه بهيبه
طبيت وبهيبة جبل
بس انه بيه امصيبه
ماينسلب حكنه وعلي
بحلك السبع ونجيبه
********
ارتجت اركان القصر
رجفت زلم كدامي
علويه وبراسي الكمر
ياضلمه تلوي احزامي

هيبه انه اضل ما انكسر
بهل قافله دموع شكثر
______
كلمات علي ربيع الغزي

https://youtu.be/rjGna0cqheg?si=fCN3l-Bn_6W1LxIM

https://youtu.be/8BFfiF4QuJU?si=F4zjOwksqCqgB_ta

الخير كله العندي بس من منبرك
منين ما التفت حضرة اتصورك
واحسيناه واحسيناه

******
بيه شوگ الما افسره وحيرة بيه منين ابدي
عالطفوف وكل حزنها اتجيبني الحسبة وتودي
الدنيا لوما بيها انته شتسوه هاي الدنيا عندي
مجدي احسبني اعله بابك وانا اتمنى واجدي
منين ما اريدك ابكلشي استشعرك
الخير كله العندي بس من منبرك
واحسيناه واحسيناه

******

حسين يلماعندي غيرك بس الك مديت ادية
شوية هاي الخدمة تبقى وانته تقبلها الشوية
بدفتر الخدام اريدن خلها تذكرني الزجية
بحسرت الفاگد عشيرة هواية كاتب عن رقية
جاه عندك الله بألطف بشرك
الخير كله العندي بس من منبرك
واحسيناه واحسيناه

******

مرتبط عقلي وكياني وياك تفكيري ملكته
عاشگك يا كل حياتي ومحد اخلافك عشگته
المجلس البيه طاري اسمك حضرة يحسين اعتبرته
ويومي إذا ما بيه اذكرك اعتبر كل يومي سكته
النور واضح عرش ربك مصدرك
الخير كله العندي بس من منبرك
واحسيناه واحسيناه

******

ضايعة امالي ابغيابك بس امنيها ابزيارة
دللتني وشيمتني وياك هاي اعظم تجارة
بيش اجازيك وحضرتك دومك مسويلي چارة
عيوني تتكحل يغالي من تصد اعله المنارة
والله سبحان الله هو الكبّرك
الخير كله العندي بس من منبرك
واحسيناه واحسيناه

******

عندي لهفة بأربعينك شوگي مجنون وخرافي
اعترفلك يا امامي وكون تقبل اعترافي
بموكب المشاية رايد اعتنيلك هيجي حافي
والطم اعله اضلوعي لحد كون انته اتگلي كافي
عمية عيني اشلون حزو منحرك
لخير كله العندي بس من منبرك
واحسيناه واحسيناه

******

الدمعة من تهمي لمصابك گبل لا تنزل اسمّي
اسمع بلوعة مصابك يحترك ياغالي دمي
حسين وصيلي الكفيل وگله خلي يسجل اسمي
گله لا ينساني قلمه وخله فدوة ايسجل امي
بگلبي ساكن ما اتعب لو دورك
الخير كله العندي بس من منبرك
واحسيناه واحسيناه

******
******
الشاعر
محمد العرجاوي

https://youtu.be/5yPVbmOBoAU?si=uEZmbxsWcQ5GOGrp

https://youtu.be/djVOA8w-cpk?si=PW_8oGnvgYAxeYma

https://youtu.be/vBEPo6VZYnw?si=h1RDc2gFHcA0iojs

https://youtu.be/C1KoumkWvsY?si=zG3_591WTwIKguBt

https://youtu.be/RRNecEg0kYI?si=96ExuIvtbzabAP6o

https://youtu.be/3pD65gYaT_g?si=SWzctDWZilX5vmV6

https://youtu.be/hCGV0BmmxHg?si=HnE7UnWjtGjcag2p

https://youtu.be/X9F8y3AYcYk?si=cUyQ9baYGWg56Kvk

نعي السيده رقيه
****
فزت من حلمها تريد ابوها
وجابو راس ابوها وسكتوها
التراجي اتكله عكبك سلبوها
وامتوني يبويه ورموها
شمسويه وديه جتفوها
وضلوعك شفتهم رضرضوها

ردتك يالحنين تشوف حالي
عيني الراسك ودمعي يلالي
غربه الشام كلها وعرف مالي
وانه ميسره وما عندي والي

ما ضلت معزه ولا مهابه
وكعدنه اخلاف عينك عالترابه
عكبك ما لفاني النوم بابا
وابد ما تنحمل ذيج الخرابه

امسح دمك وامسح بالتراب
وشكيلك عذابي ودمعي سجاب
وكلك وين عني كل هالغياب
ما طاب الجرح بجفاك ما طاب

علي السجاد صاح بهل المسيه
عمه اعله الطشت ماتت رقيه
وزينب عمتي شبكت عليه
ومن ذاك الحبل دم تجري اديه

الشاعر
تحسين الخفاجي

دورتك بذاك الضهر
ورجليه محترگه بجمر
ودمعي اعله خدي

يابويه اصبعك منكطع
وما خلو بصدرك ضلع
وتكلي ردي

ماي انه اشربك جيت اشويه
السلاب اجاني وصاح عليه
ومن اذني جر حيل الترجيه
وبيده دفعني

طيحني عالكاع وبجاني
حاولت اجيك وما خلاني
وجم حافر بحافر داساني
وصرخ سمعني

دمي اعله متني ايسيل
ومرعوبه من الخيل
والمثلي وين تروح
ورايح يجيها الخيل

ترجيتي. بس طحت سلبوها
ترجيتي. بذني ما خلوها
ترجيتي. بويه ما ردوها

**
يا بويه عدل نومتك
خلي الهوه يطب ريتك
ورحم دليلي

يابويه من ثگل الفرس
ما تكدر تجر النفس
هديته حيلي

جفوفي الزغيره اشلون اتلمك
سابح لكيتك بويه بدمك
حارت رقيه امنين اتشمك
هاي الهضيمه

ليش السهم طالع من ضهرك
وجهك ذبل وتكسر صدرك
تكعد رقيه تريد بكترك
ما عدها خيمه

يالعل وجه مگلوب
ومن السحك متعوب
ضليت الوج وياك
يالمحبس مسلوب

حالي عگبك يبجي الصخر
حالي والجرح بيه كبر
حالي. والكلب توه نكسر
****
شبسرعه كبرني الزمن
من البجي عيوني عمن
وعمري خسرته

ما يرحم افراگ المشو
ثلثين من حيلي خذو
وكلشي فكدته

والفاركوني اشلون انساهم
كون العمر يخلص وياهم
والضيعتهم وين الكاهم
ظلمه حياتي

يا ليل اخذني الأبعد ديره
حيرة هجرهم اصعب حيره
عالون بعدني انه زغيره
يا نايباتي


شعنده الوكت وياي
وغيرني ليش اهواي
جا يمته جرحي يطيب
حاجيني يا رجواي

روحي تعذبت من فركتك
روحي. تنتظر بس شوفتك
روحي. بويه تكعد رادتك
***
يهل الرحم شيلو الطشت
السجاد ناداني اسمعت
ماتت رقيه

دم تجري اديها امن الحبل
عمي السبي مو للطفل
شفت المنيه

شمت ابوها وحضنت راسه
اتلوع كلبها وفاض احساسه
من نحره تسمع صوت انفاسه
خايف عليها

اكعد تگله وشوف امتوني
بويه بغيابك ما رحموني
شمسويه وبالصوط ايضربوني
عاين اديها

من عندي ليش اتروح
ما بيه حيل جروح
عمه رقيه تخاف
وشمت هوه المذبوح

وينك تگله تعبني الزمن
وينك. شيبيت امن المحن
وينك. عيوني بفراگك عمن
**
حته التغسل ما رضت
تغسلها والدمعه جرت
صاحت مريضه

وزينب تنادي بالغرب
اسود متنها امن الضرب
راح الفريضه

هايه رقيه الماتت حسره
حنت لبوها وهمها شكبره
تعبها ضيم الشام واسره
طفله غريبه

بجفوفي حيره اشلون ادفنها
ما ادري دهري يحرمني منها
بذيج الخرابه طول حزنها
حاله عجببه

اتحير علي السجاد
وكل اهله عنه ابعاد
الفرگه رقيه ينوح
وجرح الاخت ما هاد

ناده. عمه زينب بالحزن
ناده. للاخت خليني اون
ناده. بكلبي شيصير اليحن
*****
تمت
تحسين الخفاجي

وين كضيت العمر وين كافي امن الهجر وين جا يمته تمر
يابو صالح
********
يابو صالح نار هجرك ما يطفيها البحر
ما شفت انسان مثلك عايش وهالكد صبر
اسال ويالمهدي عنك دورت ماكو اثر
صوره الك بالبيت عدنه احله من كل الصور

بيك روحي اتعلكت بيك جم شده كضت بيك كتله امن الجمر
يابو صالح
*****
عيني للسرداب ودعي بلكت احضي بشوفتك
غيبتك يالمهدي طالت يمته تنشر رايتك
انه مو يعكوب كلبي وانته يوسف فركتك
عمت من البجي عيوني امنيتي اشمن ريحتك

غاب شمعة دنيتي غاب وتصب دمعتي غاب عن عيني البدر
يابو صالح
******








انقذ العالم يمهدي بعينك تشوف الظلم
البعض بوجودك تشكك والكلب شابع هظم
والفساد انتشر تدري وهتكوا شهور الحرم
يابو صالح هذا يومك ليش منك ننحرم

شوف ترويع وقتل شوف ذبحو جم طفل شوف آثار الذعر
يابو صالح
****
ارفع جفوفي ونادي العجل مولاي العجل
جارت الدنيه علينه وغير جيتك ماكو حل
شيب امن الغيبه راسك وجفنك امن الون ذبل
ازرع بروحي الاماني ووكف ابابك خجل

هاي مرت جم سنه هاي ما شفت الهنه هاي لوحه امن الصبر
يابو صالح
*******











يابو صالح نستجيرك سيدي من هالفتن
اقتربت الساعه ونريدك ترجع الهذا الوطن
سيدي بسامره باجر توكف وتخطب علن
والامان يعود لينه بطعلتك يبن الحسن

ذاب كلبك سيدي ذاب وامنين ابتدي ذاب من كثر الصبر
يابو صالح
****
عايش بديره غريبه وتنزف جروحك الم
انته كل مغرب تنادي ليش حركوها الخيم
اتصيح ليش الطفل ضامي وحرمله صابه بسهم
وجدك بذيج الصحاري ولا ضلع منه سلم

ليش جدك ينذبح ليش راسه اعله الرمح ليش ضهرك ينكسر
يابو صالح
*****
تمت
تحسين الخفاجي

يا ناس الحسن تدرون. خط منهاج الاحرار
اسس دوله الإصلاح وبوجه الظلم ثار
شيد دين الإسلام. ****زيف كلشي الإعلام
***
اتمنه اليكتبون
بالمصدر ينصفون
تاريخ الحسن وين

حجبوها العبارات
اصحاب السياسات
وهتكو حرمة الدين

الحقائق زيفوها وجهلو المصدر
الحسن قران ناطق صعبه يتفسر
تره الحيدر ابوه يطلع مثل حيدر
رسم درب الهدايه وحارب المنكر

ما شارك حروب اتكول. وتضيع جهاده
وتزكي بني سفيان. وتبالغ زياده
اكسر ذيج الأقلام **** زيف كلشي الإعلام
*
يحفظ راد الارواح
قائد درب الاصلاح
يبقه اعظم مفكر

واصحاب التخاذل
حرفوها الدلائل
ما رادوه يسطيره

زورها الكتب وبراحتك اكتب
اذا حاججتك تسميني متعصب
تره الكطع النحر غير الحسن منحب
احنه اعله الايدك كل زمن نعتب

جف اليكتب التاريخ. حرف بالقضيه
والباع الحسن يا ناس. باع الله ونبيه
مو مفرط بالاحكام *** زيف كلشي الإعلام
****
من ياخذ قراره
يعلنها البشاره
صاحب حكمه معروف

ما يخضع للأموال
اسمه بكل الأجيال
وبالايمان موصوف

الحسن صاحب مبادء حافظ اعليه
فاوض حته ذيج الناس يحميها
بعض الناس مزروع الغدر بيها
تخونك لو ركبتك الها تنطيها

لو ثار الحسن للدين. ما نلكه مناشير
تفشل ثورته وتضيع. بين اهل الدنانير
وبعض الناس اوهام****زيف كلشي الإعلام
**
شحجي عن حياته
معروفه صفاته
عنوان الكرم جان

لا ما سد مضيفه
ويحجون برغيفه
وهوه اينام جوعان

هله ايصيح الحسن ويعزب الوادم
وباب المضيف ايوكف القاسم
كريم وعالدرب كلمة هله راسم
يشبع جاره ويضل الحسن صايم

جان بجفه يشعل نار. خاف ايتيه الضيف
ومن باب الشجاعه نشوف. بس سيف الحسن سيف
يسلك نهج الكرام***زيف كلشي الإعلام
***
معروفه الموازين
جان ايشبه الحسين
وبأمره يقاتل

هيبه وما يطخ راس
وماخذ طبعه عباس
وبالغيره يباهل

فقيه ال النبي والناس عادلها
واكبر مسألة بالعالم ايحلها
افكار الحسن جا ليش تعزلها
وثورات الحسن رايد تقللها

الباهل بي نبي الاسلام. ما يهتز كيانه
اتعدد تكتب الزوجات. وتخون الامانه
قلمك يدخل اعدام ****زيف كلشي الإعلام
****
الشاعر
تحسين الخفاجي

اصعب الجروح غربة الحسن
مره وحده كون. ينصف الزمن
بصاحب الزمان. ينبني الصحن

بجيت الإمام
يرجع السلام
ويفرح الحمام
ويبني الصحن
***
بعيوني دمعه. وبجفوفي شمعه
واعله اليتاني. صعبه الثواني رايد حبيبه


ايام سهرت عيني ولهفه بكلبي بكد عاشور
ايام. والكه المهدي ياخذ بيدي ونمشي نزور
ايام عصر الرجعه قادم ويزول اهل الجور

وكربله تعود احله من امس
ويحضر الحسن. باجر العرس
ورمله تنسعد. وما تضل محن
****
ابعث سلامي. المرقد امامي
والمهدي حاضر. ايجبر الخواطر مالك شعوري

يايوم. يشهر سيفه وانه اطوع جندي وياه
يايوم. ايزول الغمه وبيده الحجه يشيل الواه
يايوم. نبني الغرغد والشم عطره يصيح الله

المهدي من يرد. ينتهي الظلم
والكلب تره. شيعي للعظم
بجيت الإمام تنتهي الفتن
*****
مشتاك ازوره. والكاله صوره
عاش بخيالي. ودوم اعله بالي. روحي بقيعه

مشتاگ حيل الكبره والحب يكثر ضل كل يوم
مشتاگ شوگ مهاجر ويريد أهله وكله هموم
مشتاگ مثل اليسأل عن احلام وعاف النوم

امن اوصل البقيع. انسه كل جرح
وللهله الحسن. بابه مفتح
هوه مبدئي. وبالكلب سكن
**
روحي وحياتي. وكل امنياتي
الفرگه حبيبي. كل هذا شيبي. خلوني اشوفه

حنيت اشتم عطره ووكف يمه واحجي وياه
حنيت. والحب يشهد انسه الدنيه وما انساه
حنيت نار بشمعه ولو ضيعته بكلبي الكاه

انه كلبي كاع. وشتها المطر
بجيت الحبيب. يطلع الكمر
دموعي للبقيع. نزلن وجرن
****
تمت
تحسين الخفاجي

بعيونه ليش يطيح التراب
كل ساع كلب حسين ينصاب
تدري الهوه بالصيف لهاب
ويحرك اوجوه التسوه العتاب

ياماي كلي اشعندك وياه
جا ليش هيج اتفطر اشفاه
محد اجه امن الكاع شالاه
شابع رفس بالخيل ويلاه

محتار والحيره جبيره
ما لمتك حته الحصيره
يحسين منهوبه العشيره
واختك عله الهزل اسيره

افراك الحبايب ياخذ الحيل
والدنيه دوم بزينب تعيل
تتعثر بين المجاتيل
بحسين شوف اشسوت الخيل

فوك الترب متمدد اشلون
اعله حسين صحت اعمن يالعيون
بثياب ابو اليمه يسلبون
غير الينهبون واليحركون

الشاعر
تحسين الخفاجي

جفي بحبل مكيود. ترضه يعباس
احجي بدمعتي وياك
عكبك سبتني اعداك
ترضه يعباس
*
يا جفيل اختك. اهنا يبو الغيره
زينب اخلافك طاحت بحيره
ترضه من ديره. انسبي الديره
امجتفه بحبال. حرمه واسيره

شتموني يا عباس. وكالولي وينه
خدري انسلب بجفاك
عكبك سبتني اعداك
ترضه يعباس
**
عاين الحالي. وجلب امتوني
التفت للراس. ما يخلوني
انضرب بالصوط. وتهمل عيوني
امن اليسر عباس. كومو خلصوني

حركت وجهنه تشوف. شمس الظهاري
ما ينحمل فركاك
عكبك سبتني اعداك
ترضه يعباس
***
عكبك الحداي. ما رحم بينه
نستراح نريد. ما يخلينه
تصرخ الاطفال. عمنه جا وينه
والرمح كل ساع. ضل يصد لينه

ياخويه نوخ كوم. نوگ السبايه
يابه الفضل ننخاك
عكبك سبتني اعداك
ترضه يعباس
**
انه بت حيدر. اشلون اطب للسوك
عاتبت راسك. والكلب محروگ
الناس تتفرج وحجر ترمي النوگ
الشام عدهم عيد. وكلها صعدت فوگ

واسمعهم ايكولون. هاي العقيله
ادخيلك صحت بحماك
عكبك سبتني اعداك
ترضه يعباس
**
صعبه يا عباس. فركت الخوان
ومن رحت بينه . فرو البلدان
اشلون ترضاها. ادخل الديوان
وبخرابه انبات. واحنه بس نسوان

طبينه قصر ايزيد. وكلنه ثكاله
تشوف الوضع ردناك
عكبك سبتني اعداك
ترضه يعباس
**
تمت
تحسين الخفاجي

https://youtu.be/ALmUBAxAwTk?si=0_RDKBjaoBnRcVOO

https://youtu.be/vCgJkxQmi0k?si=r3toEDLMHJIk4LLg

نعي
***
علي السجاد ضلت تربي عينه
وكل اهل المحنه مفاركينه
عله افراش المرض محد يعينه
وينه حسين يحضر لبنه وينه

حزنان ويحن كلبه اعله الحنان
شيسوه العمر بله بدون خوان
واحد من هله يتمنه دفان
مثل حسين راد يموت عطشان

علي السجاد ناده بصوت الآلام
ما اناسي الطفوف وحرك الخيام
راحن كل خوات حسين للشام
وبدرب اليسر يا عين التنام

دمع عيناي سال بساع وجره
وبعدهي اكلوبنه اعله حسين وجره
ضيمي ما سده اعله انسان وجره
عليل وبالحبل مجتوفه اديه

****
علي السجاد انه والدمع حي لاي
اهواي اتعذبت والجفن. حي لاي
من ذيج الخرابه نهدم حيلي حي لاي
متت من ماتت بصفي رقيه


يشيعي الباقر اعله النوح. عيناه
انرسم طف كربله والجرح. عيناه
علي السجاد غمضت صحت عيناه
ويم اجنازته تنوح الزجيه

الشاعر
تحسين الخفاجي