موشح عودة السيدة زينب لكربلاء ع
……………………………… .
جيت من بعد السبي ياكربله
بين اخوتي ومحد يگلي هلا
……… .................
جيت ودموعي  تنادي ياهلي
جيت وبكل خطوه اندبك يالولي
ليك مشتاگه وعلي يابو علي

حايره ومدولبه ومعلعله
بين اخوتي ومحد يگلي هلا
..........……………… ..
معلعلة وتعبانه من ضيم العجف
وخاف برسومي تضيعون العرف
بچفي عنكم راح اضمنّه النزف

اجروحي وادموعي عليكم هامله
بين اخوتي ومحد يگلي هلا
……… ........
لاگو اختكم حيل تعبها الكُبر
جايه عدها امنية بهذا العمر
تريد بين اگبوركم الها گبر

ارد اردن بينكم ومدلله
بين اخوتي ومحد يگلي هلا
………………… ..…………
ارد ارد امدلله و اشبه گبل
السوط تعبني وترس عيني الرمل
بنت اصول الطگني خويه ابلا اصل

وصرت خويه بالرماد امشيله
بين اخوتي ومحد ايگلي هلا
……………………
جيت وبعيني الزمن ماخله ضَي
واني من ذاك الظهر وبگلبي شَي
الك مطلوبه اشكثر ياخويه فَي

وراح افيي اعليك وي العايله
بين اخوتي ومحد يگلي هلا
……… .
باربعينك راح افيي اعله الترب
وادري من تشوفهن كلش صعب
راگده اعبينه يخويه من الضرب

اشلون اضمها اعليك هاي المشكلة
بين اخوتي ومحد يكلي هلا
………………… .
الليله بلكت يمكم ايخف الحزن
صار الي شهر وعشرتيام اون
لاهدت روحي ولا غمض جفن

خلصتها انطر عليها القافله
………… ..
حگي خويه اعليه لو بان التعب
خلصتها انطر خويه من السلب
خايفه اعلروس موش اعل الذهب

وهسه هل رديت الكم ناحله
………………… ..
راجعه واعيوني تارسها الندم
ما متت وياك يا راعي العلم
يا ألم روحي الجزه حدود الالم

گلي شله بدنيته الماتو هله
………………… ..
اشلون اضمن گلي ياعذر اليسد
حييل مستحيه واخافن انشد
الضعن ما بيه بناتك من يرد

شرد اگلك دافنتهن بالفلا
بين اخوتي ومحد يگلي هلا
…………………………
ايوب يوسف الطوگي

https://telegram.me/aabas78
قصائد لكل ايام محرم اشترك بالقناة

ناصب الموكب وصيح هله بالمشايه
حسين كاتب عالضريح هله بالمشايه
*
يله زوار استريحو يا بعد روحي وهلي
زاير بزينب احلفك تهدي جم خطوه الي
واكف المهدي ويكلكم علي وياكم علي
من تطب صحن ابو اليمه والله كل هم ينجلي

ورايتك لا ما تطيح هله بالمشايه
حسين كاتب عالضريح هله بالمشايه
****
كالو الزوار طلعو وانه من بيتي اطلعت
بالدرب فارش سفرتي وللخدامه اتحزمت
والله عد حسين زاير ما يضيع اجرك صحت
الليل كلها اتنام تدري وانه لحضه ما نمت

بموكبي الليله استريح هله بالمشايه
حسين كاتب عالضريح هله بالمشايه
*
متعني وكاطع مسافه وبيدك البيرغ حله
احنه كل زاير يجينه كمنه والله اندلله
حته ابو فاضل يزاير واكف بنص كربله
ايوزع الماي وينادي هله بالزاير هله

وذوله خدام الذبيح هله بالمشايه
حسين كاتب عالضريح هله بالمشايه
*
طلب عندي ولا تردني اعليك محزوز النحر
وانته تمشي ادعي يزاير للامام المنتظر
هيجي والعالم ينادي ضهر مهديكم ضهر
باجر المهدي النصرته تطلع الاف البشر

ويسلك النهج الصحيح هله بالمشايه
حسين كاتب عالضريح هله بالمشايه
****
ادعيلي بالحضره يزاير كون اخدم كل سنه
انه لجل حسين تدري اهدومي دوم امطينه
حسين والرادوني اعوفه هاي ناس امسودنه
انه لو ماشم عبيره لحضه ما عيشن انه

وهالامر واضح صريح هله بالمشايه
حسين كاتب عالضريح هله بالمشايه
****
زاير اتفضل عليه ومرني خليني استثاب
انه مو بس زاد روحي اتمنه اوزعها ثواب
ادعيلي كل ما تمشي اخدمك يالدعائك مستجاب
اغسل بمايك يزاير وادري يشفيني التراب

خدمتك كلش تريح هله بالمشايه
حسين كاتب عالضريح هله بالمشايه
****
تمت
تحسين الخفاجي


https://telegram.me/aabas78
قصائد لكل ايام محرم اشترك بالقناة

اليوم وصلت كربله بضعونها
زينب شغير الدمع بعيونها
**
جايتهم من سفر كله قهر
مفارگتهم صار أكثر من شهر
هيه تجري عيونها مثل المطر
وين أهلها هلبت يشوفونها
**
باالصحار گطعت دروب الألم
ركض بيها العمر چن ركضت سهم
تجري دمعتها اذا شافت علم
باالكفيل ورايته يذكرونها
**
لكربله متعنيه اجتهم زايره
چم مدينه وچم خرابه عابره
چم گبر صاح الها نرجو المعذره
على الفرگه زينب يحاچونها
**
من دمعها نگع اتراب الثره
شسوت بزينب هذيچ المگبره
ياخواني جيت اشوفنكم تره
صاحت ورادتهم يسمعونها
**
يهل گلبي تصيح صيحت فاجده
وعله گبر حسين خرت ساجده
جيت اشوفك كلشي أبد مارايده
وانه ادري الخوه انت تصونها
**
الافراگ هوايه اخذ منها عمر
مدلله وتجرعت ضيم وهجر
بكربله اخر مره يمكنها تمر
تموت برض الشام ويدفنونها
**
الشاعر سعد العبودي

https://telegram.me/aabas78
قصائد لكل ايام محرم اشترك بالقناة

خويه من سبينه يم كبرك اجينه.
كلب العيله مكسور
وننشد وين الگبور
يم كبرك اجينه
**
امن الناكه رميت بروحي يم كبرك
وذكرت الخيل ذيج الكسرت صدرك
السهم يحسين طالع عفته من ضهرك
شخبارك صحت يالمنكطع نحرك

من الشام اجيتك
ولحضه ما نسيتك
شفنه الضلم والجور
وننشد وين الكبور
*
رحت صوب الشريعه بدمعي ملهوفه
ادور عالجفيل الكطعو جفوفه
زينب مو طبعها تمشي وتعوفه
تعمه عيوني لو بعيوني ما شوفه

ويم كبرك يعباس
كمت الطم عله الراس
اختك رادت تزور
وننشد وين الكبور
**
ليلى تكلي دليني بعلي الأكبر
اريد ابني بعد عالفرگه ما اكدر
اجت يم الكبر وبهمها تتعثر
ودمعتها جرت يم جسمه الموذر

شوف اتگله حالي
انه امك يوالي
يسهر جفني معذور
وننشد وين الكبور
***
رمله تصيح كوم اكعد يبعد امك
يجاسم ليش يابس عالرمح دمك
مثل الطير احومن يالولد يمك
وحضن بالتراب بدمعي وشتمك

تعبني غيابك
بحسره ابجي الشبابك
يمك اشعل بخور
وننشد وين الكبور
***
بعبد الله الرباب تصيح دليني
بلكت يكعد اوليدي ويحاجيني
ناغيت الولد شو ما يناغيني
انه ادري الطفل كاعد يتانيني

يعرف ريحة امه
اريد الصدري اضمه
دم المنحر يفور
وننشد وين الكبور
*,
تمت
تحسين الخفاجي

https://telegram.me/aabas78
قصائد لكل ايام محرم اشترك بالقناة

لا تلــــــومنـــي   لاتلــــــومنـــي
مـن انوحــن عــله الـــحسين
==============================

باربعينك  ثوره  عدنه بكربلاء
انت   يارمز  البطوله  والاباء
يبقى حد الموت قائم هل العزاء

وتبچي تبقى اعله المصيبه عيوني
==============================

ما نزل وياك  حد  يوم  الممات
يلي اسمك صار عنوان الحياة
اربعينك ثورة صار اعله الطغاة

وبيك  خليهه  تجن  اجنوني
===============================

هل المسيره الخالده تئبه الافول
يلي جننت  بمحبتك  هل  العقول
نواسي امك فاطمه وفحل الفحول

اتباهه  مجنونك  لون  سئلوني
================================

ما تمل  اجدامه  ونطوي  الدرب
نهوه  دربك  حتلو  دربك  صعب
انت صرت النبض عدنه لكل گلب

وانه   بيك  العالم   يضدوني
================================

حبي نحبي ونستمر اعله المسير
انت  حيرت  العقول   ةالما  تحير
النال  حبك  سيدي  صار  الامير

ياحياتي ويامماتي وعوني
==========================
الشاعر احسان الحميداوي


https://telegram.me/aabas78
قصائد لكل ايام محرم اشترك بالقناة

قصائد الاربعين 👇👇👇👇

نزله للامام الحسن ع

نرفع اصوات الولاء. للحسن هذا العزاء
...............

احنا صح تقصير عدنا والله بمصاب الحسن
لكن تعاهدنه نبقه بخدمته طول الزمن
نحضر بليلة مصابه عيونّه لجله بچن
نلطم ونكسر صدرنه ما نوافي المؤتمَن

صرخه دوّت بالسماء. للحسن هذا العزاء
..................

هذا ريحانة مُحمّد هذا مهجة فاطمه
عالحسن مو ماي نبچي كون نبچيله دمه
يالله ياخدام يالله رفعوا هاي المَضلَمَه
ألحسن مظلوم لازم نحيي يومه ومأتَمَه

بالنياحه والبكاء. للحسن هذا العزاء
..................

احنا مطلوبين نلطم للحسن صبح ومسه
من كراماته علينه هالهوى النـتـنـفّـسَه
منهجه وفكره وعطائه للاجيال أنـدرّسَـه
والدليل القاسم ابنه النه اعظم مدرسه

بكربله ضحّه بوفاء. للحسن هذا العزاء
.................

يالله يالشيعي الموالي للحسن ادّي الفرُض
ألطم وغيض المعادي خل يشوف اليعترُض
عالحسن ناحت سمانه شاركت حزن الارُض
والله ما نترك عزائه حد ظهور المنتفُض

لمن يشيل اللواء. للحسن هذا العزاء
...................

عشره عاشوراء عدنا ما يقل سابع صفَر
ألحسن وحسين واحد والله خدمتهم فخر
لا تقصرون بعزاهم يالتخدمون الحذر
ألحسن يحضر عزاكم والحُسين عله الأثر

نستمع من كربلاء للحسن هذا العزاء
.....................

يشفه چبد الحسن يشفه من تذكرون الغريب
هوه هم يحضر معانه. بالمدامع والنحيب
يصيح مامثله مصابك خويه يحيسن الحبيب
راسك عله الرمح عالي والجسم دامي سليب

يا مُعزّ الاولياء. للحسن هذا العزاء

#سيد_زيد_الفحام
_____

https://telegram.me/aabas78
قصائد لكل ايام محرم اشترك بالقناة

خلص عمري ودليلي ذايب بصبره
عله البـرض البقيـع ومـــنهدم گبره
========================

خل نبچي يشيعه وخل نهل  ادموم
عله البرض البقيع وگبره ظل مهدوم
ونـــادي  بـــحزن  واويــلي  علمسوم

وبحاله  نواسي   المهدي   ونخبره
عله  البرض البـقيع  ومنهدم گبره
===========================

نحشم الـمهدي بلكن يرفع  الگبه
ويــم گبره  عزانه  نعتني  انـصبه
عـلى سبط الرسول الطاهر وحبه

بلچن يحظه واحدنه بأمل نظره
عله  البرض البـقيع ومنهدم گبره
============================

نحشمه  نـريده  باچر يعله فقاره
ويـكصد  للبقيع  ويــاخذ بــثاره
وگلب الشيعي بلچن تنطفي ناره

وخاطر ينسه  همه وتبرد الحسره
عله البرض البـقيع ومنهدم گبره
=============================

نــتعنه  ونــقيم  الـــمأتم   بــگبره
وتجي ويانه تلطم  فاطمه الزهره
علمسوم والــضامي انـگطع نـحره

والمـله  نـــريده  لمقــتله يــقره
عله البرض البقيع ومنهدم گبره
=============================

وتـجي المسبيه زينب موكب وياهه
ونـگلهه  امـــصيبتج لا مـــا نسيناهه
وتنعه اعله الحسن وبــدمعه ننعاهه

بــلــچن تنطفي نــار الغدت كبره
عله البرض البقيع  ومنهدم گبره
=============================

وتجي  المشايه والمدمع  دمه هامل
وتــنادي  اويلي  اعليك   ابو فاضل
وچف امنه الزچيه اجفوف اله شايل

وامـلاك  السمه هذا الـعزه تحضره
عله البرض  البقيع  ومنهدم  گبره

=========================
الشاعر احسان الحميداوي

https://telegram.me/aabas78
قصائد لكل ايام محرم اشترك بالقناة

يالحسن ريتك معاي **بكربله وتـلـزم كفاي
من يـذبحوني يخوي ** عــيلتي تـشربها ماي
------------------------------------------------
1= بوكــعــتي أتمنــــيت أشمك ** شـــمـــة الأم الأبــــــنها
وأشمر جفوفي أعله ضهرك ** وأذكر الزهره وحضــنها
وأترس عــــيوني بالحيتك ** الجنها لحــية جدي جنها
وألــــــزم جفوفــــك وأكلك** زينب تــــردها الوطنها
--------------------------------------------
كل أخوه يحتاج أخوه ** بشدته أيريد أبن أبوه
ردتك بحـرك الخــيام ** عيلـتي تشربها ماي
***
2= ردتك بشمس الضـهـــيره ** توكف أتفيي أعله أخوك
والصعد صدري تـدفـــعه ** بوكـفه من وكفات أبوك
والنهب خاتــــم أصبعي ** تكـــطع أيــده ومـن يجوك
توكف أدافــــــــع عليه ** وأدري مثــــلي يسلبوك
----------------------------------------------
شيبك تصبـــغه بدماي ** يالحــــسن متمــني هاي
ميت وتفكـــيري بيك ** عيلــــــتي تشربها ماي



3= يلي عطرك ريحــــة أمي ** وهـــيبتك هـــــيبة رسول
بالطشت وكعـــت جبدتك ** ياجـــــــــرح أمي البتول
كون حاضرني بغربــتي ** يالحسن خـــــويه شتكول
والسهام بــصدري نامت ** وعالجسد تســـــحك خيول
--------------------------------------------------
ثــوبي لــمن سلــــبوه ** خاتم بجــــــفي خــــذوه
يبو محــمد كون جاي ** عيلتي تـشربها ماي
***
4= بنعشك أشجم نبله طاحت ** بصدري أكثر منها صار
ماخفــــــت من المنيه ** خوفي بس أعله الزغار
ياسهــــــم يجبل وأشوفه ** بصدري يدخل جنه نار
أصبر وأذكـــر رقيه ** الضاعت أبعــــز النهار
---------------------------------------------
ماشغل بالي اليـريـد **معـتــني ويكطع وريد
بالي يـــــمك خويه راح ** عيلتي تـشربها ماي


5= وداعـــت أيام الطفـــوله ** وبيت أبونه الكله طـــيب
قصة أحــــزاني عجيبه ** والطفـل منها يـــشيب
عالرمح راســـــي تعلك ** خويه كبل أمن المغيب
عالرمل تـركوني عاري ** مثلي هم شايف غريب
---------------------------------------------------
عالثره طايح ذبــيح ** والنحر بسمك يصيح
كون حاضر بالطفوف ** عيلتي تشربها ماي
*
خادم العتره عبد الجليل المالكي


https://telegram.me/aabas78
قصائد لكل ايام محرم اشترك بالقناة

هذا الحسن ياشعيته...نترست سهام اجنازته
//
ولا چنه النبي جده....الوادم ما رعت قدره
شجرة خير ابو محمد..وناس اگلوبهم صحره
كل اهل الكرم والصيت...نقطه تصير وي بحره
باالتشيع هذا اليوم.. .ياچتف الصبح حدره
بس بني هاشم رفعته نترست سهام اجنازته
//
ميت وبنعش محمول...وعليه اقواس رمايه
غريبه صيغت التشيع..ولا صارت گبل هايه
حچو وحقادهم طلعت..الما چان الهم احچايه
طاحت دمعة أهل البيت..بس ماطاحت الرايه
مرفوعة ضلت رايته...نترست سهام اجنازته
//
اخذ هيچي بشر مظلوم...عليه انگلبت أعوانه
على نعشه بحقد ركضو..كلمن سرفن اردانه
فزعو باالسهام عليه.... ومافزعوله دفانه
بهذا الموقف وعاالصار .... الله يساعد اخوانه
عباس فارت غيرته...نترست سهام اجنازته
//

حرگه وهظمه وي دمعه...مشاعر وصف ماالها
على ابن امه ابو سجاد....حزين ودمعته يهلها
يم جده الدفن منعوه..........روايه الراوي ينقلها
دمعت زينب بهليوم...........ماگطعت قوافلها
اصعب خبر من سمعته...نترست سهام اجنازته
//
لازم كل مضيف اليوم...ادلاله يچفيها
ولازم كل مضايفنه.....ننصبله عزه بيها
ابحار الكرم والجود..خل تلطم شواطيها
مايرجع بعد هيهات..شالو نعشه راعيها
راحت أرواح بروحته....نترست سهام اجنازته


الشاعر سعد العبودي

https://telegram.me/aabas78
قصائد لكل ايام محرم اشترك بالقناة

يمته ننصب بالبقيع قرايه
ونعتني لكبر الحسن مشايه
****
شوكت ننصب بالبقيع احنه العزاء
تمشي رايات النصر من كربلاء
تصير ارض الحسن بالعز والأباء
وتكصد الشيعه مشي عنايه
****
والمسيره الكبرئ من ارض النجف
يالثار الحسن زلزلال وهتف
جن مدار الارض يهتز ورجف
ثار ابو محمد يصير الغايه
****
انسوي حنه جاسم إبكبر الحسن
والمناحه تصير بدموع وشجن
والنوارس مشن ويانه وسعن
تعتبر هاي المسيره إبدايه
****
نروح يم كبر الوفه كبر الونين
بينه ريحه تشمها من كبر الحسين
هذه هذه الطاهره ام البنين
ام ابو فاظل تظل وفايه
*
انأذن بارض البقيع المايلي
لافتئ إلا ابو الحمله علي
صوت من عند الروافض يعتلي
وصوت فاطم بالعزه بجايه

رايه نرفع للحسن بين النجوم
بيها مكتوب الظلم لا مايدوم
عالكبر نبقه بحزن والله نحوم
الطاغي باجر منهو يمش برايه ؟
**
تمت ولله الحمد / المقصر مع الحسين
الشاعر علي النائلي


https://telegram.me/aabas78
قصائد لكل ايام محرم اشترك بالقناة

صفر 1447ه‍-2025م
قصائد استشهاد الامام الحسن ع

(مقدمه أو نزله)

غدرتك أهل الفتن يا حبيبي يالحسن
؛★★★★★★★★★★★★★★★؛

خويه يبن امي يمن بالگلب ساكن
انا اخوك حسين يعيوني وضواهن
صار من فرگاك خويه الحيل واهن
ذكرياتي وياك گلبي ما نساهن

يالچنت لينه وطن يا حبيبي يالحسن
؛★★★★★★★★★★★★★★★★

ما تفارگنه عمر چنه سويه
شگد احن اعليك وانت تحن عليه
تدري خويه من وراك شصار بيه
انهدم حيلي وظلت الدمعه جريه

من دمه عيوني جرن يا حبيبي يالحسن
؛★★★★★★★★★★★★★★★★

صار عشر سنين من فارگنه ابونه
وصرت والينه ونعم منك يخونه
ياللي سيفك بالحرب ميواجهونه
درع للإسلام ظل شوكه بعدونه

واجهت كل المحن يا حبيبي يالحسن
؛★★★★★★★★★★★★★★★★

شلون يرتاح الاخيه بعيد عنه
يا حنين ومن شلت شلت المحنه
خويه من بعدك صبح خالي نزلنه
چنه وكت الشدد بيك انشد ظهرنه

چبدك بسم انطحن يا حبيبي يالحسن
؛★★★★★★★★★★★★★★★★

فراگك مخليني اگظي اليوم حسره
خويه والما شاف وجهك شاف كسره
خذتي حيدر والحسن يمچ يزهره
يمه وحسينچ بقى منخوگ صدره

ابقى وحدي بهالزمن يا حبيبي يالحسن
؛★★★★★★★★★★★★★★★★

تدري يا خويه وراك بوضعي تدري
بكربله العدوان تگطع خويه نحري
ترى عشر خيول تسحگ فوگ صدري
والمصيبه الكبرى من يسبون خدري

بنات هاشم ينسبن يا حبيبي يالحسن
؛★★★★★★★★★★★★★★★★

جعفر عطيه البزوني

https://telegram.me/aabas78
قصائد لكل ايام محرم اشترك بالقناة

استشهاد المام الحسن ع

عذابي ومماتي اعله جرحچ يهون
وغربتچ يزينب ابهذيچ الضعون
مثل هيچي ليله
اعله ظهر الهزيله
بهذيچ الضعون
++++++++
تودعين الحسن وانتي دمعتچ هسه مستوره
چبير اخوانچ واعرف دمعتچ يختي معذوره
عزيزه انتي ونظرتي اعليچ اشوف بدمعتچ صوره
ماتبجيها يم حسين دمعتج هايه مجبوره

بحرگهن خيامچ يشغلچ يتيم
يلوذ بعباتچ وصياح الحريم
حسرتچ طويله
اعله ظهر الهزيله
بهذيچ الضعون
+++++++++
مو آخر طشت هذا يختي اتشاهده اعيونچ
ولا آخر چبد مفتوت تخطف شوفته لونچ
هسه اگبالي من تبچين واخوانچ يسكتونچ
تجيلچ فتره من تبچين سوط ايدگ عله امتونچ

اموت ابدياري وعيالي ابأمان
يزيتب غربتچ تحير الزمان
العظيمه العقيله
اعله ظهر الهزيله
بهذيچ الضعون
++++++++
قبل موتي اريد العين عليچ دموعي تهملها
يزينب دخلتچ للشام شده وياهو ليحلها
تذكريني وعليچ اتصيح هاي اخت الحسن كلها
ادموعچ لو اجه طرواي لثيابچ تبلـلها

زمن مايرجعه اليدفنه التراب
يريت انه يمچ بهذاك المصاب
عذابچ اشيله
اعله ظهر الهزيله
بهذيچ الضعون
++++++++
يصادفكم سنة وانتي بخرابه الذكرى تحييها
اعله رمله تنظر اعيونچ بدموعچ تعزيها
اشلون الحرمه تلطم عاد ومچتفات ايديها
الراس احسينچ وجسّام نظراتچ تديريها

تذكروني كلكم وتزيد الجروح
يعين الله حالچ تخلصيها نوح
ولا تبقى حيله
اعله ظهر الهزيله
بهذيچ الضعون
++++++++
يغسلوني الاهل باچر اخواني اليشيعوني
راسي اعله الجسد موجود وبطولي يدفنوني
اعليه ماتم اينصبون وادمهم ينوحوني
تجيني انتي بظلام الليل اويه اخوانچ تزوروني

لچن يالعقيله اضل تالي وين
بعيده دفنتي اعله اخوي الحسين
طويله الرحيله
اعله ظهر الهزيله
بهذيچ الضعون

الشاعر ثائر الربيعي


https://telegram.me/aabas78
قصائد لكل ايام محرم اشترك بالقناة

شهادة الامام الحسن المجتبى
كريم اهل البيت (ع)
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
بين العرش واللوح صرخات المنادي
مسموم هذا اليوم ريحانة الهادي
ــــــــــــــــــــــــــــــــــــــــــــــــــــــــــــــــــــــــــــ
هذا الي لولاه الفلك والله مادار
رابع الخمسه في الكسا شعشت انوار
واليوم بفراشه يون قلبه التهب نار

قلبه توجر • • • حالة تغير
وحسين كبر • • • وهو يتصبر

عنى تروح شلون يا روحي ومُرادي
مسموم هذا اليوم ريحانة الهادي
ــــــــــــــــــــــــــــــــــــــــــــــــــــــــــــــــــــــــــــ
بين العرش واللوح صوت الحسرة صايح
سبط الرسول المصطفى بهاليوم رايح
وكل ملك يلطم هامته وبلوعة نايح

والمفجوع هاليوم • • • إلحسن مسموم
والكون مهموم • • • دمعاته دموم

بكل السموات القهر والحزن بادي
مسموم هذا اليوم ريحانة الهادس
ــــــــــــــــــــــــــــــــــــــــــــــــــــــــــــــــــــــــــــ
جاب الطشت يمه وفاضت منه ادماه
جبده لفضها من الألم حس الأجل جاه
بواليمه لمن سمع اخته الطشت غطاه

يسمع بكيها • • • خايف عليها
تنظر وليها • • • راح من لديها

تنادي ياسور البيت ياخويه وعمادي
مسموم هذا اليوم ريحانه الهادي
ــــــــــــــــــــــــــــــــــــــــــــــــــــــــــــــــــــــــــــ
فاطمة الزهرة بالقبر نصبت غزيه
تلطم على الخدين والدمعه جريه
وتنادي يوليدي الدهر جاير عليه

قطعو جبدك • • • وروعو جدك
وفيت عهدك • • • وحسين عندك

وسم إلذبل جبدك ترى قطع افادي
مسموم هذا اليوم ريحانة الهادي
ــــــــــــــــــــــــــــــــــــــــــــــــــــــــــــــــــــــــــــ
جبریل غمض عينه ومحتار بامرة
ينادي ياروح العالم العلوي وسره
جدك محمد يالحسن حيرني صبره

شاهدك مطروح • • • وضل دمعه مسفوح
ومن يسمع النوح • • • تتفجر جروح

أول غصن مقطوع من شجرة اولادي
مسموم هذا اليوم ريحانة الهادي
ـــــــــــــــــــــــــــــــــــــــــــــــــــــــــــــــــــــــــ
شالو النعشه والحزن زلزل الأكوان
وسبعين نبله صابته من آل سفيان
تزلزل الكرسي والعرش وتبكي الجنان

وتبكي السماوات • • • ونة بحسرات
سبط النبي مات • • •وتصيبه رميات
والزلزلت من هالبكى كل البوادي
مسموم هذا اليوم ريحانة الهادي
ـــــــــــــــــــــــــــــــــــــــــــــــــــــــــــــــــــــ
يمتى يبوصالح تجر سيف لوعود
وتاخذ بثال الغترة صار القلب ممرود

أحنا عطاشا • • • بحسرة صبحنا
حرقو خيمنا • • • ومحد رحمنا

نفس الجريمه بكربله نفس الاعادي
مسموم هذا اليوم ريحانة الهادي
ــــــــــــــــــــــــــــــــــــــــــــــــــــــــــــــــــ
نسألكم الدعاء
الشاعر ابوحيدر الحمد

https://telegram.me/aabas78
قصائد لكل ايام محرم اشترك بالقناة

نزلة // للإمام الحسن المجتبى عليه السلام

يا امامي الثاني
ما نسيتك آني
٠٠٠٠٠٠٠٠٠٠٠٠٠٠٠٠
سيدي يبن الزجية ويا ابن حامي الحمه
حبك عله الأمه كلها فرض من رب السمه
افتخر اني بولائك فايز البيك احتمه
حبك بگلبي مكانه يسري بي مسره الدمه
اسمك عله الساني
ما نسيتك آني
٠٠٠٠٠٠٠٠٠٠٠٠٠٠٠٠
يالحسن مولاي حبك ينجي من موج الخطر
شلون ما اهوى واحبك. وانت اغله امن النظر
الله خصك بالإمامة. فرض واجب عالبشر
اكتمال الدين بيكم واليحبكم ما خسر
منهجي وعنواني
ما نسيتك آني
٠٠٠٠٠٠٠٠٠٠٠٠٠٠٠٠
طالعت سيرة حياتك. يا امامي يالحسن
كلها نور وكلها رحمه وانت للخايف وطن
تهدي للحق والهداية ودرع يحمينه الفتن
للكرم فاتح مضيفك. سيدي بطول الزمن
عايش بوجداني
ما نسيتك آني
٠٠٠٠٠٠٠٠٠٠٠٠٠٠٠٠
شكد جرعت جروح كلفه. گلبك شيحمل ألم
مرّه طعنه من عدوك مرّه من خِلّك سهم
والأشد طعنة خليلك من تخاذل ونهزَم
لو جبل صبرك يغالي. جا تضعضع وتهدم
ذكرك باحزاني
ما نسيتك آني
٠٠٠٠٠٠٠٠٠٠٠٠٠٠٠٠
فوك كل هاي المصايب. آل اميه ظلمتك
ابن ابو سفيان ظالم. انتهك كل حرمتك
غَرر بجَعدَه اللعينه. نفذتله وسمّتك
چبدك بسمها تكطع صايم ومارحمتك
مقتلك بچّاني
ما نسيتك آني

سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

https://telegram.me/aabas78
قصائد لكل ايام محرم اشترك بالقناة

زيــد لـحسين انتفض /// ثـائــر وفـه الغرض
لابو الاكبر والجـره /// ضحه روحه ومنحره
==============================

زيد غيـره ومرجله وثوره وعـزم
بنهج حــيدر بالــحرايب مـــلتزم
مايـــهاب الــموت لا هـــاب الزلم
حـگهه مـن عنده الــعساكر تنهزم

رخص ال جده الـنحر/// يوم ثالث من صفر
رغم قلة ناصره /// ضحه روحه ومنحره
=============================

خرج ضد اهل الكفر ضد الطغاه
بلايه ثار حسين ماتسوه الحياة
يصيح وي حسين يحلالي المماة
دربه جـاه ومفخره وعزه ونــجاة

بدرب الحسين افتخر /// ودمه عالسيف انتصر
لاجل طفله وخنصره/// ضحه روحه ومنحره
==============================

مثل جده ابراسه طافوا چم بلد
ابــلايه ناصر لا معـين ولا سـند
عـاهد الـجده وفــه ابنود العهد
عـرش الله اعـلجره نــاح وشهد

علجذع ظل منصلب //// وجسمه عاري ومنسلب
شبـل طـه وحيدره /// ضحه روحه ومنحره
==============================

مثل جده حسين محزوز النحر
علــرزيا وعــلبلايا اشــگد اصبر
تالي گبره انبش مـن جرف النهر
لا جــل هذا الموقف الكون انـبهر

من الجسد راسه انگطع/// وعلرمح هم ارتفع
الشيعه ثاره تنطره /// ضحه روحه ومنحره
==============================

جبهته انصابت مثل جده الحسين
وعلجذع ظل منصلب اربع سنين
ظل صريع ونحره دامـي الـوتدين
خلــوا لــمصابه تهل دمـــعة العين

يـوم گربت ساعته /// وصـه يحيئ بثورة
بروحه ذيج الطاهره /// ضحه روحه ومنحره
========================
الشاعر احسان الحميداوي

https://telegram.me/aabas78
قصائد لكل ايام محرم اشترك بالقناة

قصيده لمولاي زيد الشهيد عليه السلام بمناسبة ذكرى استشهاد

تشبه حسين بكل صفاته
من مولده الساعة مماته
والزمن يازيد  ايدور
تشبهله حتى ابعاشور
........................
اهل بيت الرساله ومنبع الحكمه
لولا اوجودكم تدارك الامه
لجن عشو هضم كل واحد وهمه
بين المنذبح والمارحم سمه
وانته الله خصاك ابرحمته
تشبه للحسين ابثورته

منحور يشبه منحور
والزمن يازيد ايدور
........................
الك نفس القضيه والعدو نفسه
ولاكيت اليضد ابروحك الشرسه
اكبالي الطف رسمته وثورتك هسه
من حسين زيد الي اخذ درسه
لو سولفت هاي القضيه
انته الحسين وخصمه اميه
لحسين عمرك منذور
والزمن يازيد ايدور
.........................
كضيت ايام عمرك تنعه منحورك
لحدما قررت بالموزمه دورك
مثل عاشور جدك صار عاشورك
حسين ابموتتك متأكد ايزورك
وادري عليك يهل دمعته
يالثورتك تشبه ثورته
وايلجمه ضلع المكسور
والزمن يازيد ايدور
.......................
امس بالطف وحيد وانته هم وحدك
وصيحة ماكو ناصر تشبه الجدك
نفس الداسته هم وصلت الحدك
حقد لحسين بي عدوانك اتضدك
جسمه انسحك وامكطعينه
وانته الي جسمك صالبينه
هم انته جسمك منثور
والزمن يازيد ايدور
.............................
اكو حرگة دليل وبالگلب غصه
عليكم والنظر حگ لو فكد فصه
من ضيم الزمن كلمن اخذ حصه
وعليكم بالرده الحكام تتوصه
كلهه حقد وابلا حميه
هيج الله خالق ال ميه
عالحقد كلمن ناطور
والزمن يازيد ايدور

خادم اهل البيت علي الزرگاني

https://telegram.me/aabas78
قصائد لكل ايام محرم اشترك بالقناة

استشهاد زيد الشهيد ابن علي السجاد عليهم السلام


يفجع امصابك... تشبه احبابك
صابوك بسهم.... ضل بيك الالم
...............

شكد شايل بروحك حزن وبكلبك النار
يابن علي السجاد الك قصه ودمع حار
عالجذع صلبوك بحقد ياابن الاطهار
زيد الشهيد اسمك يضل للثوره تذكار

ثابت بعزمك... من نزف دمك
جسمك ماسلم... ضل بيك الالم
.................

ثائر بغيره ومرجله ياكرة العين
وأفعال عندك تنذكر زين اباثر زين
ايردد السانك كل وكت هاي الكلمتين
عاشت إوياك أمن الزغر ثارات الحسين

كربله بروحك... وزادت اجروحك
من حرك الخيم.... ضل بيك الالم
....................

يالماحضرت بكربله وطاريها اذاك
الباقر اخوك بدمعته بطف كربله هناك
وشاف الجره اعله ام الخدر والبجه الأملاك
ذيجه المصيبه الما بعد تنظرهه عيناك

وبضهر عاشر.... كلشي ضل حاير
من طاح العلم.... ضل بيك الالم
...................

زينب گلبهه امن الهظم عالخوه لهفان
مدلله وخلاهه الزمن من غير وليان
يازيد مكسورت ضهر ضلت بله خوان
مسبيه راحت للغرب دخلوهه ديوان

تجري دمعتهه... بطيحت اخوتهه
دنياهه وهم..... ضل بيك الالم
.................

كل هاشمي لاماسلم مارحمته الناس
لامو غريبه من تضل جثتك بلا راس
عالنهر كبلك سيدي ذبحو العباس
وكطعو يساره ويمنته وضل ينزف احساس

جثث خلوهم.... هوايه اذوهم
الكل حيل انهدم..... ضل بيك الالم
...............

الخدام اجوا بمصيبتك وعيونك تشوف
سيدي ونته ابن الكرم  بالكرم معروف
نقسم عليك بمحنتك وبراعي الجوف
يرزقنه الله برحمته لجمه امن الطفوف

ونخدم بهمه... بشهر ابو اليمه
واسوك الخدم.... ضل بيك الالم

الشاعر محمد هادي العقابي


https://telegram.me/aabas78
قصائد لكل ايام محرم اشترك بالقناة

استشهاد زيد الشهيد ابن علي السجاد عليهم السلام


يفجع امصابك... تشبه احبابك
صابوك بسهم.... ضل بيك الالم
...............

شكد شايل بروحك حزن وبكلبك النار
يابن علي السجاد الك قصه ودمع حار
عالجذع صلبوك بحقد ياابن الاطهار
زيد الشهيد اسمك يضل للثوره تذكار

ثابت بعزمك... من نزف دمك
جسمك ماسلم... ضل بيك الالم
.................

ثائر بغيره ومرجله ياكرة العين
وأفعال عندك تنذكر زين اباثر زين
ايردد السانك كل وكت هاي الكلمتين
عاشت إوياك أمن الزغر ثارات الحسين

كربله بروحك... وزادت اجروحك
من حرك الخيم.... ضل بيك الالم
....................

يالماحضرت بكربله وطاريها اذاك
الباقر اخوك بدمعته بطف كربله هناك
وشاف الجره اعله ام الخدر والبجه الأملاك
ذيجه المصيبه الما بعد تنظرهه عيناك

وبضهر عاشر.... كلشي ضل حاير
من طاح العلم.... ضل بيك الالم
...................

زينب گلبهه امن الهظم عالخوه لهفان
مدلله وخلاهه الزمن من غير وليان
يازيد مكسورت ضهر ضلت بله خوان
مسبيه راحت للغرب دخلوهه ديوان

تجري دمعتهه... بطيحت اخوتهه
دنياهه وهم..... ضل بيك الالم
.................

كل هاشمي لاماسلم مارحمته الناس
لامو غريبه من تضل جثتك بلا راس
عالنهر كبلك سيدي ذبحو العباس
وكطعو يساره ويمنته وضل ينزف احساس

جثث خلوهم.... هوايه اذوهم
الكل حيل انهدم..... ضل بيك الالم
...............

الخدام اجوا بمصيبتك وعيونك تشوف
سيدي ونته ابن الكرم  بالكرم معروف
نقسم عليك بمحنتك وبراعي الجوف
يرزقنه الله برحمته لجمه امن الطفوف

ونخدم بهمه... بشهر ابو اليمه
واسوك الخدم.... ضل بيك الالم


الشاعر محمد هادي العقابي


https://telegram.me/aabas78
قصائد لكل ايام محرم اشترك بالقناة

اسمك بالذهب // يازيد انكتب
تشهدلك دمائك
ناصر كربلائك
/////////////////////////////
اعظم ثوره بعد حسين _ هزت دولت الضالم
ميزت الحجي مولاي _ دمك فهم الوادم
مصيبة يومك المعروف _ بجت كل بني هاشم
عله جذع النخله يامصلوب _ مشي نتعنه الك لازم

مصلوب بجذع// نواسيك بدمع
ماعفنه عزائك
ناصر كربلائك
/////////////////////////////
كسرت جم خشم مولاي _ المناره وكبت انوارك
يازيد الشهيد اليوم _ هنياله الاجه وزارك
ياباب الله شوف الحال _ علينه وجه انضارك
حوائج عدنه من جيناك _ وطبعك تنطي خطارك

صحنه بالصحن // اكظي الماكضن
مخطوك بسمائك
ناصر كربلائك
/////////////////////////////
كل ما جاله يتجدد _ ذكرك سيدي يعله
كراماتك عله شوف العين _ وعدوك باقي بالذله
الاجاك امحزم ابيرغ _ كض شباجك وفله
الناس اتسولف ابصيتك _ زيد ايطيب العله

يومك ماجزه // بي جم معجزه
يشهدلك وفائك
ناصر كربلائك
/////////////////////////////
الكصدلك تقره البوجهه _ ابابك نيته مقريه
جم واحد اجاك اليوم _ يريد ترزقه ذريه
ورافع ايده يتوسل _ وذمت دمعه مبريه
يزيد ابجاهك وطيبك _ هواك انشمه بالريه

عجبت العجب // يالتقدر التعب
غطينه ردائك
ناصر كربلائك
/////////////////////////////
عله عمتك يبو يحيى _ دمعتك كل وكت تهمل
غيور وحزت ابروحك _ حرمه بالسبي شتحمل
شيصعدهه عله الناكه _ من يوكع طفل تنزل
يزيد وطبت الديوان _ هاي السالفه التكتل

لثارات السبي // طبعك زينبي
عله زينب بكائك
ناصر كربلائك
/////////////////////////////
ابن معصوم واخو معصوم _ شكبرهه المنزله العندك
طلعت بسيفك اتجاهد _ لثار المنذبح جدك
بعد قصت عطاشه الطف _ تميزت بحزن وحدك
وهسه سيدي الوادم _ بحظرتك لاذت ابسدك

نعرف هيبتك // لذنه بحظرتك
بحبابك لقائك
ناصر كربلائك
/////////////////////////////

تمت _ الشاعر علاء الزيدي


https://telegram.me/aabas78
قصائد لكل ايام محرم اشترك بالقناة

قصيده عكيلي لرقيه (ع)

يابويه طفله ويتموني

يتموني يابويه ابفكدك
شفت أمصايب أنه بعدك
يابويه مَرحمنه خَصمَك
بعدك يابويه ظلموني

شحجي يابويه الحالتنه
وشحجيلك أنه أمصيبتنه
بعدك هالكوم أتولتنه
وضربوا الأيتام وضربوني

يابويه أخيمنه حرگوها
وأضعونك بويه سلبوها
أطفالك لا لاما رحموها
عذبوها بويه وعذبوني

أنظر بويه العمتي زينب
حارت بين النار التلهب
وبين الأيتام التتعذب
المارحموها ومارحموني


حارت للنار اطفيها
لو هالايام اتلم ليها
صدت بالدمعه الواليها
اتكله يالكافل هضموني

اتنادي وينك يابو فاضل
غيرك منهو أيرد العايل
كوم أنهض لأختك يالكافل
عباس الكوم اتولوني

وتالي بحبال ايجتفونه
وأيساره بويه أخذونه
يابويه لمن مشونه
ضلت تربي أعليك أعيوني

خادم الحسين (ع) ابو ادم الحلي


https://telegram.me/aabas78

بذيچ الخرابه من الحلـم  فـزت رقـيـه
واتـصـيح اريـدن والـدي  جيـبـوه اليه


تعـبانـه من ذاك السـبـي غمـض جفنـها
نامت خـطيه من الوجع  هــود مـتـنـها
طفله ومصيبات السبـي  مرادف لفنـها
واشتحمل احزان ومحن  طفله وسبيه


حـلمـانـه بالوالـد اجـه  يمـسح دمـعـها
الله  يـا فـگــد  الابـــو  كـاسـر ضلـعـها
من كربله الشام الحزن  ما خف وجعها
بالشام ضعـفـين الهـظم  بـالغـاظـريـه


گـعدت لگت ما مش ابو  بذيـچ الخرابه
اتـفـرفـح وتصرخ غـدت  چـا وينـه بابه
تشكيله من ضيم السبي  ورادت عـتابه
ما تـدري بـغـيـابـك انــه   شصاير عليه


وجـابــولـهـا راس  الابــو  نـاگــع ابـدمــه
وبلـهـفـه گـعـدت شبگـتـه  وگـامت تشمه
بوجهه غميجه اجروح اله  بـهـيده تـلـزمه
وگـالـتـلـه مـثلك صـد الي  مجروحه اديه

تحچـيلـه عالصار وجـره   عـن ذيـچ الايــام
عن  فرگـته وعن السبـي  وعن حرگ الخيام
لحد ما وصل بيها الوكت  يـم خـربـت الشام
وبـويه اشـدهـن فرگـتـك  چــانـت عـلــيـه

راوونـي انــواع  الـهـظــم   بـويـه  يـمـذبـوح
هـواي مصايب عشت انــه  واهـواي الجـروح
وشهگت رقيه عله الطشت  ولن طلعت الروح
بـذيـچ الخـرابـه وبـالغـرب  جـتـها المـنـيـه

الشاعر عقيل الحسناوي..


.https://telegram.me/aabas78
قصائد لكل ايام محرم اشترك بالقناة