قصيدة مشي من كل مدينه 📝👆

(﷽)
✨خدمة محبي باسم الكربلائي تقدم:
📜قصيدة: مشي من كل مدينة
✒️للشاعر: السيد رفعت الصافي
📀اصدار : مشاية 1447 هـ
https://t.me/m7bebasim/58777
يلا يا اطفال نحيي الاربعين
ونرفع الرايات ونلبي النداء
يله خل نمشي الى بابا حسين
نواسي عبد الله و رقية بكربلاء
وبيبي فاطم هيه تنطينا الثواب
وبالمشي انقيملها مجلس للعزاء
▪️▪️▪️▪️▪️
مشي من كل مدينة مدينة
إلى اسرع سفينة سفينة
نهر جبنه واجينه واجينه
نشربك من ادينه
▪️▪️▪️▪️▪️
قبل دار وقبل دور
حُسَيْنَاً حُسَيْنَا
حفظنه حروف عاشور
حُسَيْنَاً حُسَيْنَا
لبسنه جناح من نور
حُسَيْنَاً حُسَيْنَا
اجينه لكربله طيور
حُسَيْنَاً حُسَيْنَا
فدوة الك هدفنه
فدوة فدوة فدوة
خطوة ما وگفنه
خطوة خطوة خطوة
▪️▪️▪️▪️▪️
وصايا الرحلة بإيجاز
حُسَيْنَاً حُسَيْنَا
اليساعد زاير انجاز
حُسَيْنَاً حُسَيْنَا
ودعاء الندبة عكاز
حُسَيْنَاً حُسَيْنَا
اليذكرك بالدمع فاز
حُسَيْنَاً حُسَيْنَا
بهمة يا غيارى
بهمة بهمة بهمة
ذمة هالزيارة
ذمة ذمة ذمة
▪️▪️▪️▪️▪️
تهجينه وقريناك
حُسَيْنَاً حُسَيْنَا
معلك حب لگيناك
حُسَيْنَاً حُسَيْنَا
مؤسس كلمة الهاك
حُسَيْنَاً حُسَيْنَا
النجاح الفعلي وياك
حُسَيْنَاً حُسَيْنَا
جينه لأربعينك
جينه جينه جينه
بينه من أنينك
بينه بينه بينه
▪️▪️▪️▪️▪️
الامام الباقر يگول
حُسَيْنَاً حُسَيْنَا
عمر زوارك يطول
حُسَيْنَاً حُسَيْنَا
اليطب للحضره مشلول
حُسَيْنَاً حُسَيْنَا
شفاء وعافية ينول
حُسَيْنَاً حُسَيْنَا
نظرة وحده تكفي
نظرة نظرة نظرة
ذرة منه تشفي
ذرة ذرة ذرة
▪️▪️▪️▪️▪️
زيارة من العمر هاي
حُسَيْنَاً حُسَيْنَا
وبيها المهدي مشاي
حُسَيْنَاً حُسَيْنَا
الرايح يبجي والجاي
حُسَيْنَاً حُسَيْنَا
ابلاش الزاد والماي
حُسَيْنَاً حُسَيْنَا
خدمة جوهرية
خدمة خدمة خدمة
نعمة للبرية
نعمة نعمة نعمة
▪️▪️▪️▪️▪️
طريق الخدمة معراج
حُسَيْنَاً حُسَيْنَا
صعود الفقره للتاج
حُسَيْنَاً حُسَيْنَا
اللطم فوگ الصدر باج
حُسَيْنَاً حُسَيْنَا
مشينه ابحرك أمواج
حُسَيْنَاً حُسَيْنَا
نمشي وبعزمنه
نمشي نمشي نمشي
وكلشي ما يهمنه
كل شي كل شي كل شي
▪️▪️▪️▪️▪️
على عناد اليحسدون
حُسَيْنَاً حُسَيْنَا
السنة ثلاثين مليون
حُسَيْنَاً حُسَيْنَا
احترام الجية ام عون
حُسَيْنَاً حُسَيْنَا
بمشينه نزلزل الكون
حُسَيْنَاً حُسَيْنَا
ثورة حيدرية
ثورة ثورة ثورة
نبرة زينبية
نبرة نبرة نبرة
▪️▪️▪️▪️▪️
ذكرنه بهالدرب ناس
شَهِيْدَاً شَهِيْدَا
صورهم تشبه الياس
شَهِيْدَاً شَهِيْدَا
مشوا للجبهة حراس
شَهِيْدَاً شَهِيْدَا
الك ضحوا بالأنفاس
شَهِيْدَاً شَهِيْدَا
هيبة يا صورهم
هيبة هيبة هيبة
شيبة يا هجرهم
شيبة شيبة شيبة
▪️▪️▪️▪️▪️
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://facebook.com/m7bebasim
📷Instagram
https://instagram.com/m7bebasem
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
+96170873295🇱🇧
+989371659815🇮🇷
*💠خدمة محبي باسم الكربلائي💠*

قصيدة حروب المجتبى 📝👆

(﷽)
✨خدمة محبي باسم الكربلائي تقدم:
📜قصيدة: حروب المجتبى
✒️للشاعر: محمد قحطان الرميثي
📌 : استشهاد الامام الحسن المجتبى (ع)
📅: ليلة 8 صفر 1447 هـ
🕌: هيئة خدمة علي الأكبر (ع) - كربلاء المقدسة
🎵 طور : #شوط_كربلائي
https://t.me/m7bebasim/58759
حُـروب المُجتبى التّاريــخ
عَليها خَــل يــديــر العيــن
اِبحَــرب النّهــروان اِشصار
اِو حَرب الجَمَل وَيْ صِفّين
▪️▪️▪️▪️▪️
الحَسَن أَهلَه بَني هاشِم
ليوث اِو ما يهِمْهُم موت
"حِجازيّــون" لو صالــوا
بَعَد ما ينسِمع أَي صوت
إلهُــم تشهَــد البَطحــاء
إذا مِنهُم شُجاع اِيفوت
تِصعَــد غَبــرة الفِرسان
جَماجِم يمتلي الميدان
يصير المـوت بالميزان
التِرجَح كفِّته اِمن الخوف
يمــوت اِبرمشَـة الجِفنين
▪️▪️▪️▪️▪️
الإمــام المُجتبى لا شَك
مُسالِـم، واضــح اِكتابــه
الكرَم عِنده تِعِرفه النّاس
كريـم اِو ما يســـد بابــه
ولكن بالحَرب صِنــديــد
كـل العَسكــر اِيهــابـــــه
إبن الأَنــزَع القَســـوَر
إذا يوم الحَرب زَمجَر
أَشجَعهُــم تشوفـه فَر
مِــن حيــدر علي الكــرّار
أصلَه اِو فَصلَه والتّكوين
▪️▪️▪️▪️▪️
سِجل كل مَعركة اِنفتحه
اِو چَف المُنصِف اِنصافح
اِبحرب النّهروان اِنشوف
دور المُجتبى واضِـــــح
أَسَــد مِــن يزأر اِبصوتـه
صَگِــر وبنظــرِته جـارِح
إذا أَرعَـــد واذا دَمْدَم
يصبَــغ گاعهُــم بالدَّم
مِن رُمحه الذي يسلَم
راسه مِن يلاگي السّيف
حَتمًــا ينشِطُــر نُصيّــن
▪️▪️▪️▪️▪️
اِبحَرب الجَمَـل يا سامِع
الإمــام اِستَبسَل اِبدورَه
مِن طَب ساحـة الميدان
صــارت كلها مَــذعــورَة
كأَن قامَت قيامة اِهناك
الحَسَن بيها نُفَخ صُورَه
ابقانون الحَــرُب يُفرُض
وارواح العِـــــده يقبُض
اِبگلبه الهاشمي الينبُض
مــوت المــوت عالأَعـــداء
عَكِس مِن يطعِم المِسكين
▪️▪️▪️▪️▪️
حَــرُب صِفّين تشهَــدلـه
مِثل ما شِهدَت الـ حيدَر
الأوامــر مِــن علي هٰذي
اِبگاع الحـومــة تتصَدَّر
الخطوط الأولى قائِدها
الحَسَن وي مالِك الأَشتَر
اِبكتائب حيــدَر الكــــرّار
كل واحد بَطَــل مِغـــوار
الحَسَن والأشتَر اِو عَمّار
أشاوس والكتيبة اِهناك
نَعَم قائدها صار اِحسين

▪️▪️▪️▪️▪️
مَعــــارك بيها سيــــف الله
عَلــي والمُجتبــى بيهـــــــا
اِو حَرْب الطَّف فقط عَبّاس
وحسيــــــن الإجـــــوا ليها
گِصَــــد للمَشــرعة الكافِـل
اِو حيـــــن الگــرَّب اِعليها
ما ظَــل للعَســاكـــــر راي
لَمَّــــن شــافَت السَّگــــاي
صِعَد لچفوفَه حتى الماي
واحــــــــــــــد أرعَب الآلاف
اِو گِــدّامَــــه رُعُب مَيتيــن
▪️▪️▪️▪️▪️
ابوذيات : بلادار ، بلاها ، بسمها

يخويه من غبت عني بلا دار
عليه وشفت موت الطف بلا دار
بعد دارك يبو محمد بلا دار
بخرابة وطال درب الشام بيه
▪️▪️▪️▪️▪️
ابد ما مرت ايامي بلاها
وروحي انشده بفراگك بلاها
بلوة الدمع يا عيني بلاها
انعمت لو ما لطف رب البرية
▪️▪️▪️▪️▪️
خسرت كلمن تسومك بسمها
لو ما الفتنة اسميها بإسمها
جعده السمتك سمت بسمها
النبي وحيدر علي وگلب الزجيه
▪️▪️▪️▪️▪️
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://facebook.com/m7bebasim
📷Instagram
https://instagram.com/m7bebasem
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
+96170873295🇱🇧
+989371659815🇮🇷
*💠خدمة محبي باسم الكربلائي💠*

قصيدة كلمة منطين 📝👆

(﷽)
✨خدمة محبي باسم الكربلائي تقدم:
📜قصيدة: كلمه منطين
✒️للشاعر: عبداللطيف خالدي
📌 : استشهاد الامام الحسن المجتبى (ع)
📅: ليلة 8 صفر 1447 هـ
🕌: هيئة خدمة علي الأكبر (ع) - كربلاء المقدسة
🎵 طور : #سدوا_الماي_وابو_الماي
https://t.me/m7bebasim/58758
كِلمة مِنطين لـلـحسين نِـظَـل يَـمّـه
▪️▪️▪️▪️▪️
ابـعـالـم الأصــلاب وَقـعـنـه الـعَهَد
وِ احنه وَيّـه الـزَهـره واعَـدنَـه وَعَـد
اِمـچَـلِـبـيـن اِبـثـوبَـك اِحـنَـه لـلأبَـد
اِحسين بَـس اِحسين وِ الـباقي بَـدد
مو بـالأقوال بـالأفعال تـرى الـزِلمَه
كِلمة مِنطين لـلـحسين نِـظَـل يَمّه
▪️▪️▪️▪️▪️
مِن سَـلَـفْـنَـه اِحنه خَذنَه هـالـعَزاء
اُو نِـسـتِـمُـر اِبـرُغُم كَـيْـد الأدعـيـاء
كِل تَـعَـب هَـيِّـن ولا اِيـهِمنَه الـعَناء
المُهم راضي اعلينه سـيْـدِ الشُهداء
المُهِم نِلگاه على اشفاه رِسَـم بَسمَه
كِلمة مِنطين لـلـحسين نِـظَـل يَـمّـه
▪️▪️▪️▪️▪️
مِـجلِسَك هُـوَ الـبِـذَر بينه الـعِـلِـم
اُو بـيـنـه كَـبّـر يـا أبـو الأكـبـر عَــزِم
بـالـنَعي وِ الـوَنّـه صـار إلـنـه فِـهِـم
والـلـطُـم خــلانــه مِـن زودَك زِلِـم
و شِفنه الاحساس اِذا الراس نِزَف دَمّه
كِلمة مِنطين لـلـحسين نِـظَـل يَـمّـه
▪️▪️▪️▪️▪️
اِبـخَنگتِ الـدنـيّـه هَـوا نِـتـنَـفَـسَـك
اُو شِفنه جَنة رَبنَه سـاحـة مَجلِسَك
أحـمَق الـي اِبـغَيْرك اِنته اِيـقـايِسَك
الناس مـا تِسوى شِسِع يَـم عـابِسَك
عُـروة الـدِيـن إلـك دَيْـن على الأُمَـه
كِلمة مِنطين لـلـحسين نِـظَـل يَـمّـه
▪️▪️▪️▪️▪️
الله فَـضّـل أرضَــك اِبــيْــن الـفَـلَـه
گــاع مِـن جَــنــة عَـــدَن مِـتـنَـزِلَـه
كـربـلـه اُو منهو يِـصَـل يم كـربـلـه
هِـيّـه قُـــرآن الأرُض وِ الـبَـسـمَـلَـه
اِتراب الطفوف يِرِد شـوف إلى الأعمه
كِلمة مِنطين لـلـحسين نِـظَـل يَـمّـه
▪️▪️▪️▪️▪️
الـعِندَه قـائـد مِثلَك اِمـرَكِـع يَـزيـد
مـا تِهِمَه اِشما حِـچَـت عَنه العَبيد
اِنـمـوت ألِـف مَـرّه ولا عَـنّـك نِحيد
و الله يِـخـلِـقـلَـك ألِف خادِم جِديد
يبقى هالصوت إلى الموت إله نَغمَه
كِلمة مِنطين لـلـحسين نِـظَـل يَـمّـه
▪️▪️▪️▪️▪️
عبداللطيف خالدي
٢-٨-٢٠٢٥ مـ
يوم ٧ صفر ١٤٤٧ هـ
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://facebook.com/m7bebasim
📷Instagram
https://instagram.com/m7bebasem
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
+96170873295🇱🇧
+989371659815🇮🇷
*💠خدمة محبي باسم الكربلائي💠*

قصيدة ما عاش إلينساك 📝👆

(﷽)
✨خدمة محبي باسم الكربلائي تقدم:
📜قصيدة: ما عاش الينساك
✒️للشاعر: حمزه السماوي
📌 : استشهاد الامام الحسن المجتبى (ع)
📅: ليلة 8 صفر 1447 هـ
🕌: هيئة خدمة علي الأكبر (ع) - كربلاء المقدسة
🎵 طور : #معقولة_انت_حسين
https://t.me/m7bebasim/58854

ما عاش الينساك برمحه ما عاش الينساك
مذبوح بفركاك وابجي مذبوح بفركاك
ميت خويه عليك .. نحري يسولف بيك
▪️▪️▪️▪️▪️
يبو محمد اخوك انه ابو الاكبر
شهر صاير الي فوگ الرمح افتر
اخوك حسين وجهه من الضمه تغير
تعال وشوفني شمسوي بيه الحر
قبل عام اعله گبرك ابجي اتذكر
السنه من ابعيد ابجي عليك واتحسر
قبل اثلث اتيام ابنيتي قبل اثلث تيام
ماتت برض الشام بحضني ماتت برض الشام
والليلة بطاريك .. نحري يسولف بيك
▪️▪️▪️▪️▪️
سويه اصغار چنّه انصلي بالحجره
وفرحانين محسن جاي ننتظره
اهنا لن صوت عالي و عصرو الزهره
لزمت ايدي تخاف تلوحني الجمره
تعال وشوفني بصدري بقت حفره
طلع من ظهري سهم مثلث شكبره
يبن امي اتمنيت اويايه يبن امي اتمنيت
اتلفت ضليت لگبرك اتلفت ضليت
الامي اتاذيك .. نحري يسولف بيك
▪️▪️▪️▪️▪️
علي بالكوفه تذكر من نزف جرحه
تغمض عيني جنت ومدمعي اتمسحه
الزموا حسين ما اريد البجي ايطيحه
ذكرته بكربله هالموقف وشرحه
على مهري ودفعني واحد برمحه
حرت بالوگعه يا خويه اعله يا صفحه
صاير كلي اسهام وانزف صاير كلي اسهام
وانه العندي ايتام اتباوع وانه العندي ايتام
دمعاتي اتحاجيك .. نحري يسولف بيك
▪️▪️▪️▪️▪️
عشت فترة امية بالحكم تلعب
تره الخذلان من سم الجبد اصعب
بطشت جبدك نظرته لمن اتصوب
تكلي بساع ضمه من اجت زينب
وشضم عنها بحوافر جسمي يتگلب
ونذل لابس اجاها ثوبي المسلب
زينب شوفي زين ينادي زينب شوفي زين
لابس ثوب حسين واضحك لابس ثوب حسين
ظل دمي يناديك .. نحري يسولف بيك
▪️▪️▪️▪️▪️
ذكرتك بالطفوف هواي بالقاسم
كانّه انته من فوگ الارض نايم
وبعد اخبار عندي والدمع ساجم
عن اثلاثه من خيرة بني هاشم
الگمر يم النهر ما بي كتر سالم
بسوگ الكوفه جروا مسلم الوادم
لو شفت السجاد شحاله لو شفت السجاد
يدفن بالاجساد ويلطم يدفن بالاجساد
اشلائي اتبجيك .. نحري يسولف بيك
▪️▪️▪️▪️▪️
يبو محمد اذا كلبك بعد يسمح
عله زينب اسولف والحجي يجرح
القبل محد خيال الها بحلم يلمح
يبو الغيره بوجها الناس تتصفح
تغطي بروحها والمستحه يذبح
زعل عباس واعيونه بقت تجدح
اتمنيت الجفين بزندي اتمنيت الجفين
والله اعميها العين التنظر والله اعميها العين
بهالموقف انبيك .. نحري يسولف بيك
▪️▪️▪️▪️▪️
الدمع بعيوني شكثر رايد ايخبرك
اكولن عظم الله اجري لو اجرك
المهم ما ناسي وعيونك إنه بذكرك
الهوه مكطوع بس ابقه اشم عطرك
وكل سابع صفر معتاد اجي بكترك
السنه بالشام ما اگدر اجي لكبرك
اعذرني ما جيت ازياره اعذرني ما جيت
والمجلس سويت براسي والمجلس سويت
خدامي اتراويك .. نحري يسولف بيك
▪️▪️▪️▪️▪️
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://facebook.com/m7bebasim
📷Instagram
https://instagram.com/m7bebasem
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
+96170873295🇱🇧
+989371659815🇮🇷
*💠خدمة محبي باسم الكربلائي💠*

قصيدة لؤلؤ الزهرا 📝👆

(﷽)
✨خدمة محبي باسم الكربلائي تقدم:
📜قصيدة: لؤلؤ الزهراء
✒️للشاعر: لؤي حبيب الهلال
📌 : استشهاد الامام الحسن المجتبى (ع)
📅: ليلة 8 صفر 1447 هـ
🕌: هيئة خدمة علي الأكبر (ع) - كربلاء المقدسة
🎵 طور : #بعيد_الشر
https://t.me/m7bebasim/58756
بِعَيْنِ اللهِ نَمْ يَا لُؤْلُؤَ الزَّهْرَا
بَقِيعِيًّا وَتُدْمِي القُبَّةَ الخَضْرَا
فِي حَرْبٍ وَسِلْمِ
مِن سُمٍّ لِسُمِّ
▪️▪️▪️▪️▪️
1/ تَقَدَّسْتَ إمَامًا حَسَنَ الوَجهِ بَهِيَّا
إذا تَبْدُو رَأَى النَاسُّ ملاكًا وَنَبِيَّا
وليًّا مُجْتَبى مِنْ مُرْتَضَى صِرْتَ عَلِيَّا
وَمِنْ تُفَّاحَةِ الفِرْدَوْسِ قَدْ جِئْتَ زَكِيَّا
نَقِيَّا يَا وَزِيرَ النُّورِ يَا شُبَّرْ
ويا سِرًّا بَدَا مِنْ سُورَةِ الكَوْثَرْ
حقٌّ وسطَ وَهْمِ
مِن سُمٍّ لِسُمِّ
▪️▪️▪️▪️▪️
2/ هُوَ الإحْسانُ والأفْكَارُ عَنْ مَعْنَاهُ تَبْعُدْ
هُوَ الإيمانُ والأملاكُ فِي جَنْبيْهِ تَسْجُدْ
هُوَ الرَّيْحَانُ مِنْ طه بِهِ الجَنَّاتُ تَخْلُدْ
هُو الحِلْمُ الذي إنْ صُبَّ فَوْقَ النَّارِ تَخْمُدْ
شَبِيهُ المُصْطَفَى خَلْقًا وَأَخْلَاقَا
يَسِيلُ الجُودُ مِنْ كَفَّيْهِ دَفَّاقَا
بالفَيْضِ الأتَمِّ
مِن سُمٍّ لِسُمِّ
▪️▪️▪️▪️▪️
*3/ وَيا مَنْ هُو عَدْلٌ كَيْفَمَا وَالى وَعَادَى
وَيَشْفِي كُلَّ ذِي سُقْمٍ إذَا مَا هُوَ عَادَا
وَفِي السِّلْمِ بِهِ العِزُّ لِدِينِ اللهِ عَادَا
وَفِي الحَرْبِ كَريحٍ صَرْصَرٍ يَجْتَثُّ عَادَا
رَأى بَالحِكْمَةِ العَلْيَاءِ أَبْعَادَا
إلى نَصْرِ حُسَيْنٍ خَطَّ مِيعَادَا
يَقْضِي كُلَّ يَوْمِ
مِن سُمٍّ لِسُمِّ

*الجناس في المقطع (3) بالترتيب:
١/ من العداوة ومنها عدو لمن عاداكم
٢/ عيادة المريض اي زيارته
٣/ من العودة
٤/ قوم عاد
▪️▪️▪️▪️▪️
4/ بِثَوبِ الأنبيا فِيكَ الإلهُ يَتَجَلَّى
وتدعو الناسَ حَتَّى يَعْبُرُوا الآفاقَ سَهْلَا
ولكن أَنْكَروُا الآياتِ والآياتُ تُتْلَى
وَهَلْ مِنْ رَحْمَةٍ إنْ نَهَبُوا مِنْكَ المُصَلَّى
إمامٌ نَهَبُوا مِنْهُ مُصَلَّاهُ
فَهَلْ مِنْ بَعْدِ هَذَا يُعْبَدُ اللهُ
هذا أَيُّ جُرْمِ
مِن سُمٍّ لِسُمِّ
▪️▪️▪️▪️▪️
5/ إِلَهيَّا بِمِحْرَابٍ تُصَلِّي أَوْ بِمِنْبَر
وَتَعْلُو إنَّمَا مَثْلَ عَلِيٍّ إذْ تُكَفَّرْ
إذا مَا شَجَرُ الخُبْثِ عَلَى القَوْمِ تَجَذَّرْ
إذنْ هَا هُم بِغَدْرٍ أنَبْتُوا بالفَخْذِ خِنْجَرْ
عَلَى التَّقْوى صَبَاحًا عَاهَدُوا المَوْلَى
وللطّاغُوتِ شَدُّوا رَحْلَهُمْ لَيْلَا
والمولى بِهَمِّ
مِن سُمٍّ لِسُمِّ
▪️▪️▪️▪️▪️
6/ وهذي جَعْدَةٌ قَدْ دَسَّتِ الحِقْدَ سُمُومَا
فَأحْشَا سَيِّدِ الجَنَّاتِ قَدْ صَارَتْ حَمِيمَا
وهذِي كَبِدًا بالطشْتِ أَلْقَى أَمْ رَمِيمَا
ألا تَبَّتْ يَدَا مَنْ أَسَّسَ الظُّلْمَ القَدِيمَا
طَرِيحٌ لكِنِ الآتي هُوَ الأصْعَبْ
إذا للشَّامِ قَهْرًا أَدْخَلُوا زَيْنَبْ
في كَرْبٍ وَغَمِّ
مِن سُمٍّ لِسُمِّ
▪️▪️▪️▪️▪️
7/ وَمَحْمُولاً مَضَيْتَ اليَوْمَ كَيْ تَلْقَى مُحَمَّدْ
كَمَا نُورٍ عَلَى الخَلْقِ جَمِيعًا قَدْ تَبَدَّدْ
شهِيدًا وَعلَى جُثْمَانِكَ النَّبْلُ تَشَهَّدْ
كأنَّ الطفَّ بالتَّشْيِيِعِ قَدْ أَمْسَتْ تُجَسَّدْ
أيُرْمَى خَازِنُ الجُودِ الإلهيِّ
وَتَمْضِي بِامْتَدَادٍ كَرْبَلَائِيِّ
سَهْمًا فَوْقَ سَهْمِ
مِن سُمٍّ لِسُمِّ
▪️▪️▪️▪️▪️
لؤي حبيب الهلال
1/8/2025م
الرياض
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://facebook.com/m7bebasim
📷Instagram
https://instagram.com/m7bebasem
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
+96170873295🇱🇧
+989371659815🇮🇷
*💠خدمة محبي باسم الكربلائي💠*

🏴 ليلة 8 صفر 1447 هـ
ليالي استشهاد الأمام الحسن المجتبى (ع)
و السيدة رقية (س)
-هيئة خدمة على الأكبر (ع)

لتحميل المجلس صوت Mp3 👇
https://t.me/m7bebasim/58761
https://t.me/m7bebasim/58761
السلام على الامام الحسن المجتبى المظلوم و السيدة رقية سلام الله عليهم

هوسات اجينه إنشارك القائم 📝👆

(﷽)
✨خدمة محبي باسم الكربلائي تقدم:
📜هوسات: إجينه انشارك القائم
✒️للشاعر: ناظم الحاشي
📌 : استشهاد الإمام السجاد (ع)
📅: ليلة 30 محرم 1447 هـ
🕌: ديوان انصار الحسين (ع) البصرة - الجنينة
https://t.me/m7bebasim/58699
اجينه نشارك القائم عزاء القامته الزهره
بالعبره البجاها عليك اجينه نشاركه العبره
ليش نعوفها وندري بألف حجة وألف عمره
كل خطوة بدربك محسوبة
▪️▪️▪️▪️▪️
يوم الهل شهر عاشور هلت بي القدسية
فتحنه گلوبنه يحسين للخدمة الحسينية
عراقيين ونعزب جميع الكرة الأرضية
لو رادت توصل مشاية
▪️▪️▪️▪️▪️
ما نترك طريق حسين من المهد للتابوت
وفتحنه بيوت للخدمة كلها گلوب موش بيوت
الإجت تتلگه زواره يتلگاها من تموت
وحسين بنفسه يجازيها
▪️▪️▪️▪️▪️
يزيد الثاني خل يسمع صوت وصرخة الخدام
الفرحان بشهر عاشور مو من ملة الإسلام
عليمن هالفرح هذا وصدر حسين كله سهام
والعاده حسين يعادينه
▪️▪️▪️▪️▪️
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://facebook.com/m7bebasim
📷Instagram
https://instagram.com/m7bebasem
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
+96170873295🇱🇧
+989371659815🇮🇷
*💠خدمة محبي باسم الكربلائي💠*

قصيدة أدخلوها بسلامٍ آمنين 📝👆

(﷽)
✨خدمة محبي باسم الكربلائي تقدم:
📜قصيدة: ادخلوها بسلامٍ امنين
✒️للشاعر: محمد شلال الجبوري
📌 : استشهاد الإمام السجاد (ع)
📅: ليلة 30 محرم 1447 هـ
🕌: ديوان انصار الحسين (ع) البصرة - الجنينة
https://t.me/m7bebasim/58698
أدخـلـوها بِـسـلامٍ أمِنين
▪️▪️▪️▪️▪️
يَـله يَـا زوار خـل يحيـيه النَبضْ
كِلنه نمشي لـكربله انئدي الفَرُض
الله خَـلــه سِـره في هَـاي الأرُض
والـملائَكْ كِـلهـا يم قَبـر الحُسين
▪️▪️▪️▪️▪️
خـالـده هـاي الـمسيره لـلأبد
وكل سنة بفضل الله يزداد العدد
بالمشي نشاهد طفل وسط المهد
عَاشقيـنْ لدربه والله عاشقين
▪️▪️▪️▪️▪️
الدنيا ظلمه ودرب ابو اليمه ضوه
هاي رايـة حُبنه غازلها الهـوه
وكل مـريض بكربله يـكله الدوه
جنه الله مأوئ كل الزائرين
▪️▪️▪️▪️▪️
مانمل من المشي ومن الحزن
وبالزياره والله ما نطبك جفن
وباجر أرقام المـسـيره تنـعلـن
الملايين أعله قبره طائفيِن
▪️▪️▪️▪️▪️
شيب واطفال وشبابْ محزمهْ
ملحمه هاي الزياره ملحمه
والمهم ترضه علينا فاطمه
من نجيّ زوار يوم الأربعين
▪️▪️▪️▪️▪️
دربه جنه ونعرفه بلا بُوصلـه
احـنه مخـلوقين نعشك كربله
لو نموت ونحيه هم نرجع ئله
واعله بابه نقره وأحنه خاشعين
▪️▪️▪️▪️▪️
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://facebook.com/m7bebasim
📷Instagram
https://instagram.com/m7bebasem
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
+96170873295🇱🇧
+989371659815🇮🇷
*💠خدمة محبي باسم الكربلائي💠*

قصيدة وصلو ليزيد الخبر 📝👆

(﷽)
✨خدمة محبي باسم الكربلائي تقدم:
📜قصيدة: وصلوا اليزيد الخبر
✒️للشاعر: إيهاب المالكي
📌 : استشهاد الإمام السجاد (ع)
📅: ليلة 30 محرم 1447 هـ
🕌: ديوان انصار الحسين (ع) البصرة - الجنينة
https://t.me/m7bebasim/58766
وصلوا ليزيد الخبر
هاي الصور .. هاي الصور
خل ينصعق بالاثر
خاف اعتقد .. هو انتصر
موج موج بالبحر أوله
فوج فوج يعتني لكربله
▪️▪️▪️▪️▪️
سواءً هو أو اليحمل أفكاره
نوصل له رسالة والعقر داره
نذكره بالخيمهم شبت بناره
طفوها ورجعوا أقوى قوة جبارة
رضوا بالكاتبه الله وإلهم اختاره
أبوهم هاي دنيه تمشي زواره
خلي يشوف العدد
يحسب بعد .. يحسب بعد
شايب مع الـ بالمهد
يعني العدد .. شي ما له حد
مجموع ناتجه معضلة
فوج فوج يعتني كربلا
▪️▪️▪️▪️▪️
صورة أم وقورة بهيبة الشيلة
تعنت للحسين بغيرة تمشيله
تمثل وجه أم بكل تفاصيله
حسينية بختها يعدل الميلة
تگول شلون اظل وگلبي يا ويله
ترد اليوم زينب هي والعيلة
من دلها من الدمع
تترك اثر .. خطوة شمع
من تنعى شي ينصدع
جوه الضلع .. لليستمع
إحساس غايب إجه لهله
فوج فوج يعتني لكربله
▪️▪️▪️▪️▪️
صورة شاب گلبه مخلص النية
يوزع ماي وإيده كلها حنية
لهيب الشمس يچوي كل معانيه
ولكنه يحسها ليله گمريه
حسبنه باليوزعه بيده يوميه
طلع يم النتيجة العلگمي شويه
ما ينحصن بالنظر
جم علگمي .. وشجم نهر
كل گطره صارت بحر
اللي انچفن .. من الگمر
گطرات مرجلة مرجلة
فوج فوج يعتني لكربله
▪️▪️▪️▪️▪️
صوره للمواكب عدت العده
مثل صحب الحسين بساعة الهده
إبْنَ عوسجة معلمهم الشدة
زهير اتمعنوا واتدربوا عنده
ولا تلكه فراغ بعينك تصده
بقه بين الخيام الوحده يم وحده
خادم جدم يم جدم
چنه الخلق .. كله احتدم
ما نلگه موطئ قدم
خالي عليه .. يثبت علم
انصار قافلة قافلة
فوج فوج يعتني لكربله
▪️▪️▪️▪️▪️
صورة أب تعنه شايل بإيده
أظن صورة شهيد مبين وليده
كتب جملة عليها مؤلمة بعيدة
أخذتك يا حبيبي الواحد تريده
نجددله عهدنه يسوى تأييده
يبويه الأربعين الجاية نعيده
يحجي اويه ابنه الرحل
والفارگه .. عنه الأجل
دمعه التهل للمقل
يحجي الجره .. يروي الحصل
أحداث تنقره عـ المله
فوج فوج يعتني لكربله
▪️▪️▪️▪️▪️
صورة طفل توه بالحزن يحدي
يگول هناك عندي صاحب ابگدي
سهم عنده برگبته والدمه مندي
رگبته كل محرم بالنزف تبدي
صديقي واني احبه واحظنه إبودي
أريد انطي هدية دمعي الـ بخدي
گلته أعثم بعبرته
ظيء البرا ءة بدمعته
قصة طفل جذبته
عاش الألم .. وي قصته
وإشتاگ خاطره يوصله
فوج فوج يعتني لكربله
▪️▪️▪️▪️▪️
صوره للسلام الأمره رباني
ملايين التفده واحد الثاني
بلا هذا الفلاني وذاك الفلاني
كل واحد يگول حسين عنواني
يلمنه حسين كلنه القاصي و الداني
والكل عنده رحمة وموقف إنساني
فيض الحقد ينطفي
يجلي الگلب .. ملگه الوفي
ريح الزعل تختفي
عطر الصحن .. بي نكتفي
وهواي أمثلة امثلة
فوج فوج يعتني لكربله
▪️▪️▪️▪️▪️
صوره من البياض تغوش النظرة
علي الموجود بيها وفاطمة الزهره
يحيون الجموع التوصل الحضرة
حشود وصوت دعبل بالصحن يقره
وراهم لافتات ترحب العترة
بمن زار حسينا عارف بقدره
صوت النبي من السمه
يعلن ختــــــام المحلمه
شكراً يبن فاطمة
شكراً يبن .. حامي الحمه
بإعناد قاتله قاتله
فوج فوج يعتني لكربله
▪️▪️▪️▪️▪️
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://facebook.com/m7bebasim
📷Instagram
https://instagram.com/m7bebasem
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
+96170873295🇱🇧
+989371659815🇮🇷
*💠خدمة محبي باسم الكربلائي💠*

قصيدة لاعناً آل اميه 📝👆

(﷽)
✨خدمة محبي باسم الكربلائي تقدم:
📜قصيدة: لاعناً آل امية
✒️للشاعر: علي عسيلي العاملي
📌 : استشهاد الإمام السجاد (ع)
📅: ليلة 30 محرم 1447 هـ
🕌: ديوان انصار الحسين (ع) البصرة - الجنينة
https://t.me/m7bebasim/58696
إشربِ الماءَ هنئياً لاعناً آلَ أُميَّهْ
حرمُوا منهُ حسيناً وهْوَ مَهْرٌ للزكيَّهْ
▪️▪️▪️▪️▪️
١/عظَّمَ اللهُ تعالى في الورى أهلَ الكساءِ
إنَّهُمْ للضوءِ ضوْءٌ وسماءٌ للسَّماءِ
فيهمُ المولى حُسينٌ لمْ يَزَلْ ماءً لِماءِ
فعلى أنْفِ أُمَيٍّ، كلُّ ماءٍ كربلائيْ
خُلِقَ الماءُ دُموعاً فوقَ خدِّ الغاضريَّهْ
جارياً ينعى حُسيناً والبدورَ الهاشميَّهْ
▪️▪️▪️▪️▪️
٢/مَنْ سِوى فاطمةٍ زوَّجَها اللهُ الإماما؟!
ولقدْ أمهرَها اللهُ فُراتاً يتطامى
وَبِخُمسِ الأرضِ خُصَّتْ، فاحْفَظُوا هذا الكَلَاما:
كلُّ مَنْ أبغَضَها يمشي على الأرضِ حراما!
ويلَ قومٍ منعوا الماءَ القلوبَ الكوثريَّهْ
عندَ حوضٍ كوثريٍّ، خَصْمُهمْ حامي الحميَّهْ!
▪️▪️▪️▪️▪️
٣/وعنِ "الرَّقِيِّ" يرويْ قَوْلَ ثانِيْ الصَّادِقيْنِ:
فازَ منْ يلعنُ عندَ الشُّربِ أعداءَ الحُسينِ
لعنةُ اللهِ عليهمْ..بعدَ لعْنِ الصَّنمينِ
لا لِأجرٍ إنَّما أُسْعِدُ أمَّ الحسنينِ
واقفاً فاشربْ نهاراً ، قاعداً فاشربْ عشيَّهْ
إحْمَدِ اللهَ وأمْطِرْ لعَناتٍ رافضيَّهْ
▪️▪️▪️▪️▪️
٤/قيلَ ما للماءِ لونٌ، قلتُ يا أهلَ البصائرْ:
لونهُ لونُ يتيمٍ ظامِئٍ في الطَّفِّ حائرْ
طعْمُهُ طعْمُ أنينٍ لإمامٍ ظلَّ عافرْ
وهْوَ حيٌّ! وهْوَ ميْتٌ! قدْ سَقَوْهُ بالحوافِرْ
إنَّ خيلاً قدْ سقاها عندما كانتْ ظميَّهْ
ردَّتِ الحُسنى وداستْ في الضلوعِ الأحمديَّهْ!
▪️▪️▪️▪️▪️
٥/إعتقاديْ، بِحُسينٍ جُعِلَ الماءُ حياةَ
والفراتُ العذبُ بالعباسِ قدْ صارَ فُراتا
عجباً! كيفَ عُطاشىً في الفلا ذاقوا المماتا؟
كلُّ رأسٍ في قناةٍ دمعُهُ بلَّ القناةَ!
آهِ يا رأسَ حُسينٍ فوقَ رأسِ السَّمهريَّهْ
يشهدُ الشمرَ بماءٍ قد رمى وجهَ رُقيَّهْ!

▪️▪️▪️▪️▪️
٦/حينما أنظرُ نهراً مُفعَمَاً يجريْ لَموعا
أسألُ النهرَ أَماءٌ أنتَ أمْ صِرتَ دموعا؟!
وأرى اللَّمعةَ في عينِ أَبٍ ضمَّ رضيعا
جاءَهُ سَهْمٌ ثُلاثيٌّ سقى النحرَ نجيعا!
كيفَ تلتذُّ بشُربٍ أمُّهُ وهْيَ الوفيَّهْ
إذْ ترى في كلِّ كأسٍ طفلَها يَلقى المنيَّهْ
▪️▪️▪️▪️▪️
تمت بعناية الحجة (عجل الله تعالى فرجه)
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://facebook.com/m7bebasim
📷Instagram
https://instagram.com/m7bebasem
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
+96170873295🇱🇧
+989371659815🇮🇷
*💠خدمة محبي باسم الكربلائي💠*

قصيدة مهيوبه طبت الشام 📝👆

(﷽)
✨خدمة محبي باسم الكربلائي تقدم:
📜قصيدة: مهيوبة زينب طبت الشام
✒️للشاعر: السيد سجاد القزويني
📌 : استشهاد الإمام السجاد (ع)
📅: ليلة 29 محرم 1447 هـ
🕌: ديوان انصار الحسين (ع) البصرة - الجنينة
https://t.me/m7bebasim/58680

مهيوبه زينب طبت الشام
مهيوبه زينب طبت الشام
▪️▪️▪️▪️▪️
هيبه ووقار اتباوع الناس
هاي الاميره الترفع الراس
جا غير اخوها البطل عباس
ما يلوي زينب جيش ضلام
▪️▪️▪️▪️▪️
تمشي ابثقه وماهمها طاغوت
تسحگ شوارب لمن اتفوت
ماترجف الداست على الموت
بزينب بقت محتاره الايام
▪️▪️▪️▪️▪️
من رادو ايشدوها بحبال
ذيج المسيه صار زلزال
زينب تعادل الف رجال
شلون بحبل ينشَد الاسلام
▪️▪️▪️▪️▪️
بالشام لمّن خطبت ام عون
من صوتها حيدر يسمعون
بت الزجيه هزت الكون
والحره هيه القائد العام
▪️▪️▪️▪️▪️
هيبة علي و دخلت على ايزيد
كلما سألها موعظه اتزيد
عرشك يظالم والله ميفيد
لاتبقه عايش بين الاوهام
▪️▪️▪️▪️▪️
يسأل عليها ويصفك ايدين
هاي المَرَه يا عالم منين
كالوله يمكن هاي الحسين
نفس الشجاعه ونفس الاقلام
▪️▪️▪️▪️▪️
كالتله عدنه الموت عادات
هيهات نرضه ابذله هيهات
عايش اخويه حسين مامات
دايم يظل والظُلم مادام
▪️▪️▪️▪️▪️
كد كيدك اسعه وانته غلطان
باجر مصيرك كان ماكان
وحسين باقي ابكل الازمان
بسم الغريب اترف الاعلام
▪️▪️▪️▪️▪️
ابوذيات: يميت ، خي ماي ، يراني
https://t.me/m7bebasim/58681
بعدكم بالتراب الوجه يميت
هلي ويا يوم التردون يميت
متت لمن شفتكم ميت يم ميت
وصرت لا حول إلي ولا حال إليه
▪️▪️▪️▪️▪️
وگع بعد يا كافل عمد خيماي
ولا اشوفن الطولك يرد خيماي
عساني ما گلتلك جيب خي ماي
عطش ميته ولا فرگاك إليه
▪️▪️▪️▪️▪️
لون عدلين يهلي ما يراني
الشمر وبحبل گيده ما يراني
العقيلة الچان ظلي مايراني
بعدكم رحت عالهزل سبية
▪️▪️▪️▪️▪️
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://facebook.com/m7bebasim
📷Instagram
https://instagram.com/m7bebasem
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
+96170873295🇱🇧
+989371659815🇮🇷
*💠خدمة محبي باسم الكربلائي💠*

🏴 مجلس الملا باسم الكربلائي
🏴 ليلة 30 محرم 1447 هـ
ليالي استشهاد الأمام الحسين (ع)
-ديوان انصار الحسين (ع) - البصرة

لتحميل الصوت + فديو كامل 👇
https://t.me/m7bebasim/58700
https://t.me/m7bebasim/58700
اشترك ب اجر المشاركة

قصيدة قيدوا بحبلكم 📝👆

(﷽)
✨خدمة محبي باسم الكربلائي تقدم:
📜قصيدة: قيدوا بحبلكم
✒️للشاعر: حسين مردان البديري
📌 : استشهاد الإمام السجاد (ع)
📅: ليلة 28 محرم 1447 هـ
🕌: ديوان انصار الحسين (ع) البصرة - الجنينة
🎶طور: #يا_صادق_العترة
https://t.me/m7bebasim/58649

قَيْدُو ابْحَبِلكُم يِسْـرِتي اوْ يِميْني
( إنّيْ أُحامِيْ أبدًا عَن دِيني )
▪️▪️▪️▪️▪️
لا هَمنِي گيدِي اوْ لا يهِمنِي مُوتي
أسْتِمِد مِنْ عبّاس اَخُويَه قُوتِيْ
قَـيَّدتُو إيدِيْ بَس نِسيتُو صُوتي
كِل ظَنْكُم اَضعَف من تِمُوت اِخُوتي
گلبي انكِسَر لاكِن بُقَه يَقيني
( إنّيْ أُحامِيْ أبدًا عَن دِيني )
▪️▪️▪️▪️▪️
( لا أرهبُ الموتَ ) وَلا قَصِركُمْ
انْباعَتْ ذِمَمكُمْ وانحِسَمْ أمُركُمْ
إلنَه النَصُر واِنتُم مَهانَه إلكُم
زينَب أنَه وابصُوتي راح اَذِلكُم
ما هَمنِي حِزنِي اوْ لا كُبُر سِنيني
( إنّيْ أُحامِيْ أبدًا عَن دِيني )
▪️▪️▪️▪️▪️
مِنْ عِدكُمْ آخِذ يَالبَغايَه ثارِي
اتْحِيرُون يا مَاي اليِطَفّي نارِي
أحچِيْ ابعِبارَه اوْ أعلِنِ انْتِصارِي
( يا نَفْسُ لا تَخشَيْ مِنَ الكُفَّارِ )
زُود الكَفِيل ابكِل وقتِ مُعيني
( إنّيْ أُحامِيْ أبدًا عَن دِيني )
▪️▪️▪️▪️▪️
مُو حَل إذا قيَّدتُوْ هاي اِديَّه
غيرَة عَليْ محفُوظَه كِلْها بيّه
شِتْسوّي ظَنْكُمْ كِلمَةِ السِبيَّه ؟
أطْـفِيْها عِين الباوِعَت عليَّه
يِنضَح شَجاعَه اوْ مَرجَلَه جَبينيْ
( إنّيْ أُحامِيْ أبدًا عَن دِيني )
▪️▪️▪️▪️▪️
آني الأميرَه اوْ راح اَظَل أمِيرَه
ايشاهِدني ثَورَه الينظُر ابَّـصِيرَه
وغَلطَان كل الّي يظِن أسِيره
لثَورَة أخُوي آني صرِت سَفيرَه
كِلشِي يِهُون لخاطِرَه حُسَيْني
( إنّيْ أُحامِيْ أبدًا عَن دِيني )
▪️▪️▪️▪️▪️
يَالما عِرفتُو لهَالوكِت قَدِرنه
إنتُو الخِسَرتو وإحنَه النْتِصَرنه
إحنَه النِمُوت اوْ ما يقِل صَبُرنه
والله لَنْ تَمحُو أبَد ذِكِرنه
ما أضعَفْ اوْ لا يِنسِمِع وِنيني
( إنّيْ أُحامِيْ أبدًا عَن دِيني )
▪️▪️▪️▪️▪️
إحنَه الحِمَدنَه رَبنَه عالرَزايه
إحنَه لْأجِلْنَه انخِلْقَتِ البَرايَه
هايِ الأرُض إلنَه مِنِ البِدايَه
وإلنَه تِـظَل نُـورِثْها بِالنِهايه
أصرَخ علىٰ الشِدَّه لَمَن تِجينِيْ
( إنّيْ أُحامِيْ أبدًا عَن دِيني )
▪️▪️▪️▪️▪️
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://facebook.com/m7bebasim
📷Instagram
https://instagram.com/m7bebasem
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
+96170873295🇱🇧
+989371659815🇮🇷
*💠خدمة محبي باسم الكربلائي💠*