https://youtu.be/1VwkAj5ww60?si=0hG0NmixF6ywCMSE

شوط كربلائي
[ زينب ردت من الشام ]

الحاج باسم الكربلائي
للشاعر: سيد زيد الفحام
-
ليلة ١٥ صفر ١٤٤٧ هـ
ليالي اربعين الإمام الحسين (ع)
-ديوان أنصار الحسين (ع)
كربلاء المقدسة

#اللهم_عجل_لوليك_الفرج
💠telegram
https://telegram.me/m7bebasim

https://youtu.be/CXxD3V4zgyo?si=Av8C27OhsLSlrlrs

قصيده في رجوع زينب والسبايا يوم الاربعين


يخوتي       ما دريتو بحالي
يخوتي       ماكو من يبرالي
............

والله من يوم العفتكم ما شفت اي راحه
گلبي ذايب من فگدكم ما تطيب جراحه
والفـگـد اهـله واخوته ما تفيـده نياحه
حالي حال الطير يوگع من يموت جناحه
سبوني       وانه زينب اني
سبوني       للغرب يخواني
..........

ليكم خواني رجعنه والسبي اذّانه
خويه يبن امي رقيه ما اجت ويّانه
بالخرابه هناك ماتت خايفه وحزنانه
شافتك بالطيف يمها شبگتك لهفانه
رقيه      بالغرب عفناها
رقيه      خويه ما جبناها
.........

خويه يم گبرك گعدنه ننحب ونشكيلك
حسين جاوبنه يخويه ياولينه دخيلك
نشفت دموع النواظر خويه دم نبچيلك
يامصيبه النّبدي بيها ياجرح نحچيلك
مصابك      نبچي دم خلّانه
مصابك      باليسر أذّانه
............

وينه وينه اللي كفلنه عالنهر ما شوفه
وينهن دلوني بالله ارد اشوف چفوفه
جيت من سبي وعذابي بالظعن ملهوفه
بالترب مدفون جسمه والسبايا اطّوفه
كفيلي       وفّه كل عهوده
كفيلي       گطّعوها زنوده
............

آنه والايتام جينه بالدمع يخواني
ما دريتو الصار بينه من يسر عدواني
آنه باريت اليتامه ماكو من يرعاني
خوفي تتأذون مني  لو شكيت احزاني
غريبه        بالسبي عفتوني
غريبه        حايره بظعوني
...........

والله لو بيدي يخوتي يمكم اگضي سنيني
شلون ارد لرض المدينه بغيبتك يحسيني
وانت ياعباس خويه جمرتك تچويني
منهو بغيابك كفيلي يالگمر حاچيني
وداعاً       للوطن ردّينه
وداعاً       بس حرم ظلينه

سيد زيد الفحام
__

لسان حال مولاتي زينب عليها السلام يوم الاربعين

خويه وينك. جايه من درب اليسُر
خويه وينك. جايبه جروح شكثُر
خويه وينك. تدري ضيّعت الكبُر
خويه وينك. خويه وينك
٠٠٠٠٠٠٠٠٠٠٠٠٠٠٠
آني زينب. حسين يبن امي وحبيبي رد علية
ما شفتني. جيتك بيا حال مهضومة وسبية
وينه گبرك. ارد اشم ترابه وشكي الصار بية
عذبوني. بيا وكت عالناكه مچتوفه ادية
خويه دليني عله گبرك ياحسين
صدك ما تسمع نحيبي والونين
جيت ازورك وبچي دم بالاربعين

هذا حالي مو مثل ما چنت امس
هذا حالي. غيّرت شكلي الشمس
هذا حالي. ميته من دونك احس
خويه وينك. خويه وينك
٠٠٠٠٠٠٠٠٠٠٠٠٠
اشتكيلك. خويه من يا لوعه ابدي ويا مصيبه
ابدي بيها من رحت للشام عالناكه غريبه
تدري بية. يحدي بية الشمر مجتوفه وسليبه
بت محمّد. عالهزل تنشاف زينبكم عجيبه
تنظر عيون الشماته بلا خجل
وآنه حرمه بلا كفيل ولا اهل
لا عشيرة ولا وفزع واحد سئل

من زلمنه. بس عليل بكربله
من زلمنه. امگيّدينه بسلسله
من زلمنه. ماكو يحمي العايله
خويه وينك. خويه وينك
٠٠٠٠٠٠٠٠٠٠٠٠٠
والمصيبه خويه للشام بقساوتهم خذونه
من وصلنه. شتم وحجار وشماته ستقبلونه
والله متنه. لمجلس يزيد النذل من دخّلونه
انتهينه. الناس تتفرج علينه وما حمونه
يضرب براسك يبواليمه النذل
وآنه اباوع خويه والمدمع يهل
فوگ هذا الصار مچتوفه بحبل

يا هضيمه. بية يتشمّت عدو
يا هضيمه. يشتم باقدس ابو
يا هشيمه. بعازت لفزعت اخو
خويه وينك. خويه وينك
٠٠٠٠٠٠٠٠٠٠٠٠٠
جينه يمك. امن السبي يحسين يم گبرك اجينه
تدري بينه. حرم وطفال شكثر نحنه وبچينه
يا ولينه. انفض تراب الگبر ونظر علينه
مو شكلنه. مصايب الشام الجرت شمسويه بينه
راسك براس الرمح ينزف ألم
لحالي شيّب ادري ولحال الحرم
جبته ليك لكربله وحيلي انهدم

رد علية حسين يبن امي صحت
رد علية. خويه يم گبرك طحت
رد علية ليش ياخويه رحت
خويه وينك. خويه وينك
٠٠٠٠٠٠٠٠٠٠٠٠٠
لا تگلي. وين يازينب رقيه الدلّلتها
ما جبتها. ماتت وبالشام يبن امي ادفنتها
يتمتّها. بالخرابه اشكد بچت من فاركتها
بالمناحه. خويه شبكت راسك وماتت شفتها
چم يتيمه العذّبوها وچم طفل
خويه واليبچي عليكم ينقتل
وسوط عدوانك مثل رمي النبل

عذبونه. خويه من درب لدرب
عذبونه. عالهزل بين الغرب
عذبونه. دارت علينه الحرب
خويه وينك. خويه وينك

اللحن على لحن قصيدة الشيخ حسين الاكرف ( اوعديني )

سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

زيارة الأربعين

جينه براية العباس للعباس مشايه
...........

جينه عله العهد زوار للعباس مشايه
من كل موطن وكل دار للعباس مشايه
فاتح بابه للخطار. للعباس مشايه

نمشي وخل تشوف الناس. للعباس مشايه
جينه براية العباس للعباس مشايه
................

درب الممشه يامحلاه. للعباس مشايه
سنين سنين ما عفناه. للعباس مشايه
كل زاير يجي بحماه للعباس مشايه

نتعنّه لبو النوماس. للعباس مشايه
جينه براية العباس للعباس مشايه
.................

محلاها المواكب هاي للعباس مشايه
مابين اليوزع الماي. للعباس مشايه
وبين اليصنعلنه افياي. للعباس مشايه

عطره يعطّر الانفاس. للعباس مشايه
جينه براية العباس للعباس مشايه
.................

البصره وبابل وبغداد. للعباس مشايه
ومن واسط اجت وفّاد. للعباس مشايه
كل يوم العدد يزداد. للعباس مشايه

تاج الزاير عله الراس. للعباس مشايه
جينه براية العباس للعباس مشايه
.................

عماره ونينوى وذي قار. للعباس مشايه
الكوفه والنجف انصار للعباس مشايه
اهل القادسيه احرار. للعباس مشايه

غصباً عالعده الارجاس. للعباس مشايه
جينه براية العباس للعباس مشايه
.................

كركوك وسماوه الخير. للعباس مشايه
كلها بهالطريق تسير للعباس مشايه
ما يحتاج كل تفسير. للعباس مشايه

املاك السمه حرّاس. للعباس مشايه
جينه براية العباس للعباس مشايه
................

ديالى وكل اهلها اسباع للعباس مشايه
انفرشت للزياره الگاع للعباس مشايه
ماضاع التعب ماضاع. للعباس مشايه

يتلگه اليجي عباس. للعباس مشايه
جينه براية العباس للعباس مشايه

#سيد_زيد_الفحام

________

نعي + ابوذيات في رجوع زينب والسبايا عليهم السلام


تسيل دموعي عالردت سبيه
شبعت ضيم من جور ال اميه
زينب هاي بت حامي الحميه
رجعت بالظعن للغاضريه
جابت كل يتاماها الوفيه
لكن طفله ما رجعت رقيه
برض الشام وافتها المنيه

تنشد عالسبط زينب حزينه
وصلت كربله بيوم اربعينه
گبر حسين ابو الروح الحنينه
صاحت عمه يالسجاد وينه

گلها حسين ذاك وذاك گبره
روحي هناك وتشمين عطره
مدفون بلحد مگطوع نحره
جسمه مگطع بالفين طبره

ركضت زينب وكل النساوين
مهضومه وتون لگبر لحسين
طاحت عالگبر بدموع وونين
تشكيله العقيله بدمعة العين
جيتك خويه من الشام هالحين
ريت تشوف حالي ياضوه العين


علية الدهر بغيابك تراها
اجتّك زينب وريتك تراها
اذا ما جاوبت خويه تراها
اموت من القهر هاي المسيه



انوحـن عالگبر وشتـم تراباك
جروحي البية يبن امي تراباك
يخويه حسين اخبرنك تراباك
مصاب امي وعلي وطه سويه

سيد زيد الفحام
________

نعي لسان حال زينب عليها السلام عند رجوعها يوم الاربعين.

يلحباب. اجيت امن السبي ليكم يلحباب
بلتراب يخوتي مگبعه بهمي وبلتراب
ولاطاب. عكبكم جرح البگلبي ولاطاب
ولعتاب يحگلي النايحه عليكم ولعتاب
بلحساب. ابد ما چان يخواني بلحساب
الاجناب اروح ميسره ما بين الاجناب

ضوه العين. زينب آنه جيتك يا ضوه العين
الگبر وين صحت بدموع يبن امي الگبر وين
تره حسين يصيح الگلب يازينب تره حسين
تنشدين. اندفن بترابه چا المن تنشدين
تعرفين ذاك الگبر من عطره تعرفين
تونّين. بهيده عله الگبر لمن تونّين
تموتين اخاف امن البچي وهمچ تموتين

صحت آه. الك مشاتگه يحسين وصحت آه
لگينـــاه. جسمك ماكو بس گبرك لگيناه
حچيناه. يخويه الضيم يم گبرك حچيناه
حملناه. يخويه العبئ من بعدك حملناه
سمعناه. الشماته والشتم بعدك سمعناه
جمعناه. الظعن يحسين يم گبرك جمعناه

النهر ذاك. صحت ياگلبي نتعنّه النهر ذاك
الوفه هناك اندفن يم النهر كلّه الوفه هناك
صحت هاك. يعباس انظر لحالي صحت هاك
تره اعداك سبوني وسلّبو خدري تره اعداك
الي وياك. عتب ومناشده ودمعه الي وياك
بيمنـاك. جبتني امن الوطن خويه بيمناك
ندبنـاك. يخويه بساعة الرحنه ندبنــاك

سيد زيد الفحام

_________

https://youtu.be/Dzd6E_1LGZs?si=EchAcnh5Dz-M-yku

https://youtu.be/3q5PodN6tl8?si=QUqsTlvCRoz0XDog

https://youtu.be/ULXkCsv-H4s?si=PWmgkaosv68DRu6F

اه يحسين ومصابه

الرادود كرار الوحيلي
الشاعر سيد زيد الفحام
محرم ١٤٤٧هـ

اللهم عجّل لوليك الفرج
.......

يالمهدي نحتاج. عطفك علينه
لهاي المجالس. لاشك تجينه
دمعاتك تسيل. تشارك بچينه
بحبك يمولاي. صرنه اوّعينه

اللهم عجّل لوليك الفرج
.........

يالمهدي مولاي. احضر عزانه
بالدمعه والنوح. شارك معانه
من ندعي مولاي. أمّـن ورانه
والباري بس بيك يقبل دُعانه

اللهم عجّل لوليك الفرج
........

خدامك احنه. بهاي المجالس
لوما دعـائـك. ما بينه واهس
هـاي المــآتـم. صارت مدارس
عشگ المجانين. علّمنه عابس

اللهم عجّل لوليك الفرج
.........

يالغايب اهواي طوّل غيابك
كل جمعه ننخاك. نبچي عله بابك
يا ساعه يا يوم نسمع خطابك
بالكوفه مولاي. يبدأ حسابك

اللهم عجّل لوليك الفرج
...........
يوم النصر صار. ساعة ظهورك
كل شيعي يرتاح. من يبدي دورك
نور النبي نشوف. يالمهدي نورك
من تطلب الثار. بالطف حضورك

اللهم عجّل لوليك الفرج
.........

صح بينا تقصير. لكن نعاهد
نبقه عله نهجك. عالحق نجاهد
ما عـدنا غيرك. يالمهدي قائد
شيعه ويعرفون. مبدئنه واحد

اللهم عجّل لوليك الفرج
..............
راية علي تشيل. بالغاضريه
يم جدك حسين. ذيج المسيه
وطّالب الثار. من ال اميه
ثار الذبح مات. وثار السبيه

سيد زيد الفحام
_______

ردّينه ردّينه يبن امي ردّينه
بالدمعه منّ الشام. يبن امي ردّينه
٠٠٠٠٠٠٠٠
جبت الراس وياي واجيتك
خويه حسين بالطف ما لگيتك
ويلي شلون مدفون بجراحك
گبرك وين مجروحه اعتنيتك

حاچينه حاچينه يالغالي حاچينه
ما تسمع الأيتام يالغالي حاچينه
٠٠٠٠٠٠٠٠٠
زينب ياخو زينب ما شفتني
الشام الشام بعدك شيّبتني
تتفرج علية الناس يحسين
بعيون الشماته العذبتني

ضلينه ضلينه بالغربه ضلينه
نجرع قهر وآلام. بالغربه ضلينه
٠٠٠٠٠٠٠٠٠٠
آنه ام الحزن خويه عله گبرك
عني وعن خواتي جيت اخبرك
گوم وياي ونشدني عله حالي
تعبانه واريد اغفه عله صدرك

ياذينه ياذينه كل لحظة ياذينه
سوط العده الظلّام كل لحظة ياذينه
٠٠٠٠٠٠٠٠٠
خويه حسين جبت طفالك وياي
متغيرين من جور السبي هواي
مظلومين مقهورين يحسين
اسكت هاي تبچي وتنتحب هاي

تچوينه تچوينه دمعتنه تچوينه
ياطفله بينه تنام. دمعتنه تچوينه
٠٠٠٠٠٠٠٠٠٠٠
لتگلّي رقية ما شفتها
خويه حسين عذراً ما جبتها
تبچي عليك ماتت بالخرابه
خويه هناك يبن امي ادفنتها

مسكينه مسكينه اذّوها مسكينه
ماتت گبل ايام اذوها مسكينه
٠٠٠٠٠٠٠٠٠
تدري الصار لوما تدري بينه
نايم بالگبر وحنه انسبينه
خويه حسين متنه امن المصايب
الله وياك نرجع للمدينه

چا وينه چا وينه كافلنه چا وينه
راعي العلم ما گام. كافلنه چا وينه

سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

شيعه وفّايه. جينه مشايه
نرفع الرايه. كربله الغايه


للحبيب حسين مشايه اعتنينه
ركض نركض مو مشي واللهفه بينه
كل موالي لكربله مشتد حنينه
لكعبة العشّاگ لـبّـيـنــه وسعينه

المهدي ويّانه. وعينه ترعانه
نرفع الرايه. كربله الغايه


احنه زوّار الذبيح ابن الزچيه
عالجدم مشايه نتحدّه المنيه
خل يشوف العالم ويقره القضيه
نواسي زينب من اجت للغاضريه
نواسي دمعتها. احنه شيعتها
نرفع الرايه. كربله الغايه


وينه وينه الگال ممنوعه الزياره
خل يجي يشوف المشي لهل الغياره
إلا نوصل كربله لذيج المناره
نوصل وعالرايه نكتب هالعباره
الشيعه منصوره. كلمن بدوره
نرفع الرايه. كربله الغايه


احنه مجنونين بحسين وّلائه
عالجدم مشايه نوصل كربلائه
انعوف كلشي عدنه ونلبي ندائه
الشيعي بالشدات معروف بوفائه
عالعهد جينه. والعشگ بينه
نرفع الرايه. كربله الغايه


حب ابو السجاد غايتنه واملنه
اغله من ارواحنه ودمنه واهلنه
بالزيارة الأربعينية انشغلنه
زغار وكبار ابمسيره نمشي كلنه
ما يمنعونه. فدوه لعيونه
نرفع الرايه. كربله الغايه


احنه زوار الحسين الرافضيه
مستحيل انعوف ممشه الزينبيه
عوض عن الينقتل نزداد ميه
نعشگ الموت بدرب حامي الحميه
والله ميهمنه. لو نزف دمنه
نرفع الرايه. كربله الغايه


نواسي زينب بت علي بهاي المسيره
والله ما ذلت وإن راحت اسيره
هاي كافلها الگمر بدر العشيره
ما تذل زينب اميره وبت اميره
جينه ويّاهه. نواسي ممشاهه
نرفع الرايه. كربله الغايه

سيد زيد الفحام
محرم الحرام ١٤٤٧هـ
______

أذّن آذان المشي بالراية
وللحُسين اتعنّت المشاية
٠٠٠٠٠٠٠
طلعت امن البصره اول قافله
عالجدم مشايه كلها لكربله
امن البحر حد النحر متواصله
نواسي زينب بالمسيرة الغايه
٠٠٠٠٠٠٠
هلا بزوار الحسين المؤمنه
على اعناد اهل الحقد متراهنه
هالسنه اكثر عدد من كل سنه
والنعم شيعة علي وفايه
٠٠٠٠٠٠٠٠
بالزيارة نترس دروب المشي
ما يوگّفنه التعب شيعة علي
الموت لجل حسين عدنه احله شي
نضحّي ونّول الكرامه بهايه
٠٠٠٠٠٠٠٠
مثل امواج البحر نطلع سوه
مشي نوصل للذبيح ابنينوه
للحُسين المات ضامي وماروه
فزعت الشيعه واجت عنايه
٠٠٠٠٠٠٠٠
احنه معروفين شيعة حيدره
بالصداره نبقى والباقي وره
بالشجاعة عدنه سبع الگنطره
الشيعه بسمه بالوفه مسمّايه
٠٠٠٠٠٠٠
ما نهاب الموت ما نخشه الخطر
يمشي ويانه الامام المنتظر
هذا ممشانه على مر الدهر
مو قليله الشيعه صرنه هوايه
٠٠٠٠٠٠٠
لاشك المهدي يشاهد شيعته
بالمشي ويانه رفت رايته
يعطف علينه بحنانه ورحمته
نظرة المهدي ودعائه كفايه

سيد زيد الفحام
محرم ١٤٤٧هـ
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

نزلة // للإمام الحسن المجتبى عليه السلام

يا امامي الثاني
ما نسيتك آني
٠٠٠٠٠٠٠٠٠٠٠٠٠٠٠٠
سيدي يبن الزجية ويا ابن حامي الحمه
حبك عله الأمه كلها فرض من رب السمه
افتخر اني بولائك فايز البيك احتمه
حبك بگلبي مكانه يسري بي مسره الدمه
اسمك عله الساني
ما نسيتك آني
٠٠٠٠٠٠٠٠٠٠٠٠٠٠٠٠
يالحسن مولاي حبك ينجي من موج الخطر
شلون ما اهوى واحبك. وانت اغله امن النظر
الله خصك بالإمامة. فرض واجب عالبشر
اكتمال الدين بيكم واليحبكم ما خسر
منهجي وعنواني
ما نسيتك آني
٠٠٠٠٠٠٠٠٠٠٠٠٠٠٠٠
طالعت سيرة حياتك. يا امامي يالحسن
كلها نور وكلها رحمه وانت للخايف وطن
تهدي للحق والهداية ودرع يحمينه الفتن
للكرم فاتح مضيفك. سيدي بطول الزمن
عايش بوجداني
ما نسيتك آني
٠٠٠٠٠٠٠٠٠٠٠٠٠٠٠٠
شكد جرعت جروح كلفه. گلبك شيحمل ألم
مرّه طعنه من عدوك مرّه من خِلّك سهم
والأشد طعنة خليلك من تخاذل ونهزَم
لو جبل صبرك يغالي. جا تضعضع ونهدم
ذكرك باحزاني
ما نسيتك آني
٠٠٠٠٠٠٠٠٠٠٠٠٠٠٠٠
فوك كل هاي المصايب. آل اميه ظلمتك
ابن ابو سفيان ظالم. انتهك كل حرمتك
غَرر بجَعدَه اللعينه. نفذتله وسمّتك
چبدك بسمها تكطع صايم ومارحمتك
مقتلك بچّاني
ما نسيتك آني

سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

للأمام الحسن المجتبى عليه السلام
مقدمه

يا نور عيني يالحسن جرحك يأذيني
..................

علمتني آنه اخوك حسين وانت حزام ظهري
رافگتني يالحسن ويّاك عايش طول عمري
لو عفتني ينكسر ظهري واموت بهاي تدري
سلّمتني. للدهر من بعدك ومخنوك صدري

ما يرحم بحالي الزمن. ياشمعة سنيني
يا نور عيني يالحسن جرحك يأذيني
............

ريته بيه سَمّك ولا ينجرح چبدك يغالي
حن عليه. يالحسن بعدك تظل ظلمه الليالي
چم اذيه. تحمّلت طول العمر يبن الغوالي
ال اميه. سمّموك بلا ذنب يالحسن تالي

شبسرعه ايامك گضن. تمشي وتخلّيني
يا نور عيني يالحسن جرحك يأذيني
..............

بالسلامه. اندعيلك يالحسن والله المشافي
عاليتامه. انت خيمه ومنهو بعدك يوافي
ابتسامه بوجهك وحزنك علينه هواي خافي
للقيامه. يا اخو المثلك حنين وگلبه صافي

وعيوني لعيونك بچن ياهو اليواسيني
يا نور عيني يالحسن جرحك يأذيني
...............


اشتكيلي يالحسن حاچيني خويه حسين اني
يا خليلي من ألم سمّـك اشوفنّـك تعـاني
هدم حيلي. چبدك المسموم عذبني وچواني
آ يويلي. لو عفتني منين اجيبن حسن ثاني

يالشوفتك جنّة عدن فكدك يبچّيني
يا نور عيني يالحسن جرحك يأذيني
...............

يا ولينـــه الله يلعن جعده مسمومه وتسمّك
دم بچينه. چبدك تگطع وذر والسم يألمك
رد علينه. ليش ماتحچي وتغيّر لون جسمك
اتحيّرينه. يالحسن نبچي ونون الليله يمك

عيونك يبومحمد غفن. افتحهن بعيني
يا نور عيني يالحسن جرحك يأذيني
...............

يومك اصعب من مصابي حسين لا تبچي عليه
ابچي ونحب. لليصير عليك يوم الغاضريه
ما تسلّب جسمي لكن جسمك يضل عالوطيه
آ يزينب. تنوخذ للشام من بعدك سبيه

ايامك التفجـع اجـن بسما تواريني
يا نور عيني يالحسن جرحك يأذيني

سيد زيد الفحام
_______

الامام الحسن المجتبى عليه السلام

للامام الحسن. دمعتي اجريها
٠٠٠٠٠٠٠٠٠٠٠٠٠٠
للإمام المجتبه وروح الزجية
دمعت عيوني جرت هاي المسية
عاش مظلوم وگضه بسمّ المنية
شگد تحمّل من بني مية الأذية

بالدمع والشَجَن. فاطمه انواسيها
للامام الحسن. دمعتي اجريها
٠٠٠٠٠٠٠٠٠٠
للحسن عند الله چم جاه وكرامه
وارث الهادي النبي علمه وكلامه
الناس ما عرفت عُظُم فضله ومقامه
شكد التحمّل من حچي الناس الملامه

ما ضعف لا وهَن اول وتاليها
للامام الحسن. دمعتي اجريها
٠٠٠٠٠٠٠٠٠٠٠٠٠٠
حفظ دين الله وكدر يحمي الرساله
وكشف وجه الظالم وأهل الضلاله
مشه بمنهج جده وتأسّه بخصاله
ختاره حجه عله البشر رب الجلاله

تصده لهل الفَتَن. ترجف مخليها
للامام الحسن. دمعتي اجريها
٠٠٠٠٠٠٠٠٠٠٠٠٠٠
للحسن دور الجبير بحفظ الاسلام
خَلّه كل شيعي وموالي ما يطخ هام
ويلي من سل ذوالفقاره وللحرب گام
رجفت العدوان كلها وحاكم الشام

القائد المؤتمن. وشيعته يحميها
للامام الحسن. دمعتي اجريها
٠٠٠٠٠٠٠٠٠٠٠٠٠٠
ابن ابو سفيان خايف ينهي حكمه
بيد جَعدَه الظالمه قرر يسمّه
قدمت سم اللعينه بلايه رحمه
گطع احشائه يويلي وسره بدمه

بياذنب يا زمن. چبدته تأذيها
للامام الحسن. دمعتي اجريها

سيد زيد الفحام

https://youtu.be/URGlpgK5SgM?si=xpTBeFfjN7KucNYf

https://youtu.be/hM7azz0PuXQ?si=ZQhKZvuifZ4bPXmX

https://youtu.be/EIi24LYurzU?si=89W6FKknen7TjhZd