شهادة الامام الرضا ع

يحزان صيحي اليوم يحزان 
أي وا غريبًا في خرسان 
@@@
بضعة نبي عنه النبي بروايته گال 
هاللي يزوره تنكشف من حشره لهوال
هاليوم مفتوت الچبد مسموم دلال 
بجنازه في دار الغرب ياناس منشال 
…
مغدور ويلي بإيد عدوان  
أي وا غريبًا في خرسان 
@@@
هالچان رحمه عالبشر وافضاله اطوف
ومثله ابد ذاك الزمن بالطيبه متشوف  
كافي الغزاله اشگد كفه عالناس لصروف
وعن جوده تحچي لو حچت مبسوطه لچفوف
… 
للجود چفه چان نيشان 
أي وا غريبًا في خرسان 
@@@
اتسلطن ابگلب المحب محبوب هالناس 
واليحدي بالعله إله مكشوف كل باس 
مولانه بن موسى الرضا نبضات وانفاس 
وامصابه للدمعه سچب ويفت لحساس
… 
سلطان حزني يبچي سلطان
أي وا غريبًا في خرسان 
@@@
المأمون في سم العنب وذر دليله
وبحشاه جمره لاهبه ابدمه اليسيله   
متجلط الدم ملتضي لله الوسيله 
مشحوب وجهه جثته بالسم نحيله 
…
السم شاحب وجنته ألوان 
أي وا غريبًا في خرسان 
@@@
عطشان وگت المحتضر مولانه ياحيف 
چن جده بوالاكبر علي في حرّة الصيف 
صح ما توذر عالارض لا طاعنه سيف 
بس الظليمه گطعت بن مكه والخيف 
…
چن جده مات ابغربة اوطان
أي وا غريبًا في خرسان 
@@@
مولانه يا علي الرضا هاليوم ميشوم 
وركن الهدايه چن علي الكرار مهدوم 
هذي الثريه امن الحزن مدمعها لغيوم 
وجرح الارض بالزلزله عالنوح ملچوم 
…
وتنوح نوح افلاك وكوان 
 أي وا غريبًا في خرسان 
@@@
علي أحمد الحمود 
٧-٨-٢٠٢٥
شهادة الرضا ع 

ياناكه ودي بالمشي كونج تسرعين
تعبانه ويفور الدليل الشوفة حسـين
***

ياناكه تعبانه اشـــــكثر جــــدي بالمسير
في بالي احزان وهظم واشــكد تصاوير
مالت بنا ياناكتـــــــي كـــــل المكَـــادير
ياوسفه عيني شافتو وصار الي ميصير
واعيوني مر الشافت فوكي الهموم اتلاكت
من يوم فاركته عزيزي وذاك الحنين
***

ياناكه مشتاكه الهلي واهـــــل المحنه
شاف المصايب بالسبي والهم ضعنه
ودي الاكيها اخوتي واشجي الهظمنه
ادريبهم من اشتجي ايفزعـــون اهلنه
عالهظم لامايرضون حيف بتراب اينامون
اهلي زعايم بالكبايل موش سهلين
***


اهلي زعايم عالكبايل هيبـــه واعلام
اشيوخ المظايف ياكفوهم كلهم ازلام
هينه يناكه جانت الهم ناصبــه اخيام
هاذي للأكبر والكفيلي وذيجه جسام
ذولي محاري الهيبه اهل الكرم والطيبه
هاذي مضاربهم اثرهه شافت العين
***
ذوله هلي ياناكيتـــــــي واهلي المعازيب
اهل الحميه والفخــــــــــر ذوله المذاريب
صحراء جاليش اصبحت وين المحاريب
كلبي تجوى وانكسر واجروحـــه متطيب
ودي هلي يلاكوني وعن السبي اينشدوني
رد الضعن ياناكيتي بس النسواين
***
ياناكه من نوصل هلـي فتري بالرواح
كل السبايه البالضعن ماذيهـــــا النياح
نوخي بعد مافي صبر تلجمه الجراح
خلينه نبجي وعالاهل نومي بالصياح
بلكت تفز احبابي وتنشدنه عن اغيابي
ماصدك احباب الكلب بالرمل ميتين
***



ابو علي الركابي

زينب عاودت يحسـين ماتكعـــــد تلاكيها
مشتاكه وتريد اتشوف والله اوجوه اهاليها
آه اعليج زينب آه اعليج يازينب

***
زينب هاي فوك النوك من درب السـبي ردت
من ابعيد تومي ليـــــك والصوب الأهل صدت
تبجي والدموع اتسيل عالخـــــد عبره وانهدت
مابيها بعــــد كل روح مثل المـــــاي واتبدت
شوف اشحالها امن الضيم مانشــــفت بواجيها
آه اعليج زينب آه اعليج يازينب

***
فك كبرك تلكَاهـــــــــا وانشدها اعله بلواها
منته الي تحبها اهواي واللي جنـــت سلواها
واسمع يالحنين اليوم منها اهـــــواي شكوها
وياجرح الاشد يحســـين من سفرتها جواها
امبين هالجرح مشروح تلكَـــــــاه ابنعاويها
آه اعليج زينب آه اعليج يازينب

***
تريد اتشوفك وترتاح واتسولف حزن همها
كون امكابل النظرات كاعد تســـــتمع يمها
تحجيلك يخوه الصار وياجـــــــرح اليألمها
من امتونها يحســـين يجري وماكطـع دمها
ها كثر الحجي المتعوب من تحجي ابلاويها
آه اعليج زينب آه اعليج يازينب

***
خاطره اجت مكسور وضيم الشــام محنها
محنيه ظهر واتنــوح ومايكســــت ابد ونها
ياهو اليجبر المكسور وايشيل الحمل عنها
موش انته اخوها العود واتزيج الحزن عنها
اتريدك ياعزيز الروح انته الــــي تحاجيها
آه اعليج زينب آه اعليج يازينب

***
تدري بالفكَد ســبعين وخلاهـم علـى الغبره
كلبه امعطب وجانون جمره امدخنه بجمره
غير احجاية الخــوان كلبه ياهوالي ايجبره
وزينب عاودت يحسين ياهو اينشف العبره
من غير الاخو هاليوم ياهـــــــوالي يعزيها
آه اعليج زينب آه اعليج يازينب

***



ابو علي الركابي

ابوذيه
السيده زينب اتخاطب الامام الحسين


دوس الـخـيـل يـبـن امـي   مرع ليك
بـهـذا الــحــال والـحــادي   مر اعليك
خـذونـه ومـابـقـت تـنـعـه   مره اعليك

الـك فـوگ الـهِـزل نـنـصـب عَـزيـه


                       *---------------*--------------*
✍خادم السيده زينب ع
الشاعر رعد الجربخي

أبوذيه
(السيده زينب اتخاطب ابي الفضل ع


عباتي السوط من عـگـبـك  .. هـزلـهـه
ونــوگ الـسـبـي جـابـولـي  .. هـزلـهـه
اصــدن رايـــتــك غَــيــرك  .. هـزلـهـه

ونَفسَه الهزّهه اخـذنـي ايـگـود بـيـه

                      *------------------*--------------*

خادم زينب (ع)
✍الشاعر رعد الجريخي

قصيدة للمشاية  … توجيهية 
ــــــــــــــــــــــــــــــــــــــــــــــــــــــــــــــــــ

إحسِب خطواتَك زين
يالگاصِــد گـبر حسين

بهمومك هاي
مِتعنّي وجاي
ــــــــــــــــــــــــــــــــــــــــــــــــــــــــــــــــ

يالجاي وعايف دارَك
صَـفّي النيّة وأفكارَك
لا مـا تِنــفَع أعــذارَك
لو يِحدِث تقصير

وعلِيك آنه ألقِي الحُجّة
بهـــذا الشـــــأن وأترَجّه
چِلــماتي ٱقرَأ وتهـــــجّه
أثناء التفكير

باچر نِيتَك تِمشي ٱتزور
لو رَايد تِرجَــــع مأجـور
لازم من هذا المنـظـــور
هَذّب روحَك

هاي السفرة مو تَرفيه
والضـايع بيها ٱتلاگـيه
إعرِف ياهو المِتـعَـنّيه
هَذّب روحَك 

وتأمّــل وفهَـــم زين
يالگاصد گبر حسين

ثَبّــــتلَك راي
مِتعنّي وجاي
ـــــــــــــــــــــــــــــــــــــــــــــــــــــــــــــــــــ

لو تدري بهــــاي السفرة
شنهو الصار ٱويَ العِترة
زينب عـــافت عالغَبــرة
أولاد وخُوّان

حسـين ومذبوح ٱتشوفه
وكافِل مگطوعة ٱچفوفه 
بحـــــبال الهَم مچتـــوفة
حُرمة بلا وِلـيان

لابُـد كل خطوة إنتَ ٱتشوف
ظامي الســــجّاد ومچـــتوف
لازم وجهك هَم مخـــــطوف
مِنّ أحزانه

واجـــب تِذكُر مِـــن ترتاح
صورة روس وفوگ ٱرماح
وزينب يِحديـــــها الذّبّــاح
وَيّه أعوانه

بحـــــبال ومچتوفين
يالگاصــد گبر حسين 

إنحَب بِهداي
مِتعنّي وجاي
ــــــــــــــــــــــــــــــــــــــــــــــــــــــــــــــــــــ

لازم تِحذَر من كل شي
من أفعــــالَك لو تمـشي
وبتهذيبك مِـــــــــتغَشّي
وعيونك بالگاع

تدري الســـجاد ٱشـلونه
بالسوط ٱمورمة ٱمتونه
عالنّاگة ٱتهِـــلّ ٱعــيـونه
ومَحنِيّة الأضلاع

بالَك تِثـــــــقِل عالخِــدّام
إذكُر عَـــيلة بدرب الشـام
چَنّك تِرمي حسين ٱسهام
من تِتبَسّم

خَـــلّي بذِهنَـــك هالمأساة
زينب وَسطِ الخِربة ٱتبات
هِيّـــه وباقـــــي العِلويّات
مَدمعهِن دَم

يصيحَن يالكافل وين
يالگاصـد گبر حسـين 

ويــن الوفاي
مِتعنّي وجاي 
ــــــــــــــــــــــــــــــــــــــــــــــــــــــــــــــــــــ

من تِمشي وبيدَك رَاية
أخلاقك هِيّه ٱمــــرَاية
لَيكون الهَـم والغــــاية
تِجذِب بالأضواء

باچــر تِشــــهَد جِـــدمينك
إيـــدك تِنطِــــق وَي عَينك
هل ماشي بدَرب ٱحسينك
لو دَربِ الأهواء 

عَوّد نفــسك عالإيثار
ولا تِقبَل بالذّل والعار
ولا تِرضَخ للإسـتكبار
إنتَ حُسيني

وترَفّــــع عَنّ الإســـفاف
إنطُــق بالحــقّ ولَتـخاف
ولا تِكسِر گلب المِضياف
إنتَ حُسيني

وإفـــزَع للمظلومين
يالگاصد گبر حسين

وإحذَر دنياي
مِتعنّي وجاي 
ـــــــــــــــــــــــــــــــــــــــــــــــــــــــــــــ

لا لَتـــــبَذّر بالنّــــعمة
خَل شُكـــرانَك بالقِمّة
زينب چانت مِنهَضمة
من رَاحت للـشام

جَــدّد بالمَمشـــى البِيعة 
وإهتِف وَي هاي الشيعة
هيهـــات ٱحسين ٱنبيعه
شما مَرّت أعوام

قَدّر كل خــادم تِلگاه
ولبِـيــته ٱنزل وتعنّاه
إشكُر تَرحيبه ومَلگاه
لا تِتكبّر

زيـنب من طَبّت للشام
ضِربوها ٱحجار الظلّام
ونظُـــــــر بعيون الآلام
ذاكه المنظَر

صابَنها ٱسـهام البِين
يالگاصد گبر حسين 

لِختِ الرّوّاي
مِتعنّي وجاي 
ـــــــــــــــــــــــــــــــــــــــــــــــــــــــــــــــ

بقلم الأستاذ / ستار عذاب الحچامي 


 

وين راعي الثار وينه اليوم احشمه لثاري 
الـ أميه  أســتوحــدوني  ومنــعو  زواري 
⇔⇔⇔⇔⇔⇔⇔

كتبو وگالولي شليلي مو الچ هذا المكان 
عايشه وميته سبيه مني شيريد الزمان 
كون يم عباس گبري ما تجاسر أي لسان 
مايصير أبن الدعيه يم ضريحي وجاري 
⇔⇔⇔⇔⇔⇔⇔

مايصير الصار بيه كون ميته ويخوتي 
لا نسد بابي اعله زايرلا نجاست رايتي 
اه يالمـهدي يعمه الأه حـرگـت مهـجتي 
عمه يانار المخيم مو أشد من ناري 
⇔⇔⇔⇔⇔⇔⇔

وين يا صـبح الهــواشم عـمه يا اخــر ضوه 
الشام يالمهدي أخنگـتني وريتي بعازت هوه 
هــونت كــل المصــايب يامصــــيبت نيـنوه 
أبچي وانه بگبري الها ودمعي يضل جاري 
⇔⇔⇔⇔⇔⇔⇔

وگـفت الـديـوان صعبه لچــانت بمجـلس يزيد 
عمتـك  مابـين غــربه  وچـان موقفـها  شـديد 
عاينت يبچي أعله حالي وينتحب راس الشهيد 
حزني يهد الرواسي يالتعرف أخباري 
⇔⇔⇔⇔⇔⇔⇔

عمه وانه بگبري ادعي لطلعتك صبح ومسه 
ويه عمـتك يابو صالح هالدهر  كلـش قـسه 
اه ياهــمي الثـجيل  ولا تضـن  يـوم  أنســه 
شلون بالطف واليتامه أدور أعله أكـتاري 
⇔⇔⇔⇔⇔⇔
لخادم صاحب الزمان عج 
علي عگاب العمري 


/////////////////////////////////////////////////
قناة الحان الرادود احمد الزوار
للاشتراك اضغط على الرابط

https://t.me/+QYhwKs0Xy1h303S6

يحسين مشايه ــ نمشي لزيارتك
        ــ⊱☆☆❀☆☆⊰ــ

يوم اربعينك ياضـــوه العين
تمشــــــــيلك الوادم ملايين
عالعهد دوم اوياك يحســـين
فوگ الجمر تسحگ الرجلين
منعوفك ــ ونطوفك ــ يااغلى محبوب
من دربك ـ من حبك ـ صـدگني ماتوب
وطيب انفاسي ــ من اشم تربتك
يحسين مشايه ــ نمشـي لزيارتك
        ــ⊱☆☆❀☆☆⊰ــ

ما نهـتم ابطول المسـافات
نمشـي وبدينه نعلي رايات
نترك طريقك والله هيهات
بيه شفـنه انواع الكرامات
مانرجـع ـ مانشــبع ـ من لطم الصـدور
وبدربك ـ كل ليله ـ عدنه احنه عاشور
منبطل اقرايه ــ نقســم ابغربتك
يحسين مشايه ــ نمشي لزيارتك
        ــ⊱☆☆❀☆☆⊰ــ

كعبه ابضريحك نحج ونطوف
وخل التضدنه ابعينها اتشوف
انحور الك قدمـــــنه وچفوف
شيــــعة علي مانعرف الخوف
هيبتنه ـ وسمعتنه ـ منك يالحســـين
أمنيتنه ـ ابدمعتنه ـ نعميـلك العـــين
وبشرف هالخدمه ـ فازت الوالتك
يحســين مشايه ــ نمشي لزيارتك
          ــ⊱☆☆❀☆☆⊰ــ

ابدربك بيارغ ترفع الناس
ويفرح اذا شاهدها عباس
حگه اليزورك يرفع الراس
منك يرد امحمل احساس
يا آيــه .. وفــايه .. نبقه احنه وياك
اقبلنه .. وسجلنه .. وعيشنه بحماك
كل العمر فدوه ــ  ينفني الخدمتك
يحسين مشايه ــ نمشــــي لزيارتك
          ــ⊱☆☆❀☆☆⊰ــ

حفاي اجت يحسين شبان
اتواسيك بالأكـبر العطشان
وشالو بديهم شمع عرسان
الجسام شـــمعة ال عدنان
احـبابك .. لمصـابك .. ما بطــــلو نوح
وعيونك .. يفدونك .. يحسين بالروح
انته الوسله انته ــ وعاشو ابنعمتك
يحســــين مشايه ــ نمشي لزيارتك
          ــ⊱☆☆❀☆☆⊰ــ

✍الخادم
كامل السعيدي

/////////////////////////////////////////////////
قناة الحان الرادود احمد الزوار
للاشتراك اضغط على الرابط

https://t.me/+QYhwKs0Xy1h303S6

يا زهـــــراء وفايه ــ انزور حسين مشايه
            ــ⊱☆☆❀☆☆⊰ــ
اي وحق نحر الحسين وغربته
انمـوت كلنه ومانعـوف ازيارته
هوه ابونه وعايشـــين ابنعمته
غيره ماعــــــدنه وسيله وغايه

يا زهـــــراء وفايه ــ انزور حسين مشايه
            ــ⊱☆☆❀☆☆⊰ــ

بيــنه ابقي يم حسن مســـــروره
ابكل سنه حسين الحبيب انزوره
نقســــــــم ابدمه وجرح عاشوره
انمـــــــوت لجله ومانعوف الرايه

يا زهـــــراء وفايه ــ انزور حسين مشايه
            ــ⊱☆☆❀☆☆⊰ــ

حسين كل خطوه اعله دربه تنحسب
وعـن الف حــجه ومحمــــد تنكــتب
اشگد فخور الخدمت حسين انتسب
وافتــــــخر لجله اســـــــوي اقــرايه

يا زهـــــراء وفايه ــ انزور حسين مشايه
            ــ⊱☆☆❀☆☆⊰ــ

وحـــق آيـة. قـل هــــوا اللـه احد
دمنه لجل حســـــين مالحظه برد
مشي نروح وكل سنه ايزود العدد
عهد هذا واخـــــــذي منه احچايه

يا زهـــــراء وفايه ــ انزور حسين مشايه
            ــ⊱☆☆❀☆☆⊰ــ

اربعين حســـين ثوره ابكل زمن
التضحيات السابقه عنها اشهدن
دربه حتى اچفوف بيه اتگـطعن
ثمن حــــبه.  وما نهـــــم ابهـايه

يا زهـــــراء وفايه ــ انزور حسين مشايه
            ــ⊱☆☆❀☆☆⊰ــ

حاربونه اعـداكم ابعصر الظلم
ومنعو المشــايه والون والطـم
لچن ماخفنه وتحدينه الخصم
ورحنه نركض للصـــحن عنايه

يا زهـــــراء وفايه ــ انزور حسين مشايه
            ــ⊱☆☆❀☆☆⊰ــ

✍الخادم
كامل السعيدي

/////////////////////////////////////////////////
قناة الحان الرادود احمد الزوار
للاشتراك اضغط على الرابط

https://t.me/+QYhwKs0Xy1h303S6

رايتنه رفت يحسين
من طلعت المشايه
🏴🚩🏴🚩🏴🚩🏴🚩

رفت الرايه وطلـعنه اوياها
الشالها ابچفه اشكثر يتباها
هاي ترمز للرفعها ابكربلاء
رايـــــة العبــاس ما ننساها

ماعفنه دربك يحسين
للموت الك وفايه
🏴🚩🏴🚩🏴🚩🏴🚩

وحق عباس الگطيعه اچفوفه
خلت بگلب النواصـب خــوفه
تدري راية ثورة المشايه هاي
بربعيـــــــنك ترتفع معــــروفه

والعالم بأسره احتار
شنهو الاسرار بهايه
🏴🚩🏴🚩🏴🚩🏴🚩

عالعهد كل عام نمشي انزورك
وبينه عايش سـيدي عاشورك
انته نعمه ومانعوف النعمه دوم
نوصـــــل ونتبرك احنه بنورك

وتنطي اليجهبك محتاج
عاگد ابصحنك رايه
🏴🚩🏴🚩🏴🚩🏴🚩

ابلهفه كلمن شـــــالها اوعلاها
يترك ابكل درب بصمه اوياها
الرايه ثوره موفقط وصلة اغماش
ويفرح العباس اذا شافاها

والعارف ابحقك زار
يربح اوياك هوايه
🏴🚩🏴🚩🏴🚩🏴🚩

ينكسر ظهر الدرب لوجينه
الدنيه يامولاي حارت بينه
اشما قست ويانه يحسين الضروف
انزود همه ابكل وكت تدرينه
لاخر نفس نبقه اوياك
منطينك احنه احچايه
🏴🚩🏴🚩🏴🚩🏴🚩

✍الخادم
كامل السعيدي

/////////////////////////////////////////////////
قناة الحان الرادود احمد الزوار
للاشتراك اضغط على الرابط

https://t.me/+QYhwKs0Xy1h303S6

يا زينب يا زينب يا زينب
...............................................
زينب وديعة فـــاطمة درب اليسر ماذيهـــا
مجتوفه بحبال ومشت وجـان الشمر حاديها
محتــــارة ألمن تلتفت ويا هو الي يفزع ليها
أخوتهـــا كلها أمذبحه وضيم الدهر واليهـــا
شما تعثر أيطكها الشمر
وبسوطه أذاهـــــا شكثر
يا ويلي زينب بت علي
هــــاي العقيلة أم الخدر
يا زينب يا زينب يا زينب
......................................................
بعيون زينب جم جرح لا ينســــــــي ولا يلم
من شافت حسين أنذبح وأمغسل أبفيض الــدم
من شافت راسه عالرمح وبعده الخدر مــا يسلم
ركضت على التل صيحت عباس حركوها الخيم
وبين الزلم صعبة المره
تركض تضل أمحيــــره
يا كافل أختــــك عالهزل
بـــــــاجر تروح أميسره
يا زينب يا زينب يا زينب
.......................................................
زينب على الهزله تون بين الزلـــــــم محتاره
شما تنضر الحال الضعن دمــع الحزن يتجاره
تنضر رقية أمن العطش ونـــــار الهجر وجاره
تركض على حسين وترد تنشدها عن أخبــــاره
وتكلها أبوج أعله الرمح
راســـــــه هذاك المنذبح
يــــــا عمه ما يرجع بعد
من عسن ما شفنه الصبح
يا زينب يا زينب يا زينب
......................................................
طبن سبايا يـــــــــا خلك للشـــام لمن وصلن
أتلكوهن بحجار وعصي وأتشتــــمن وأنسبـن
عاينت زينــــب وأنحنت ودم المدامــــع صبن
من صابوا حسين بحجر ونسوانه أجن وألتمن
هـــاي التطيح وتنولي
وذيج التون نزلوه الي
زينب تلــــم بيهن بقت
لا ضل كفيل ولا ولي
يا زينب يا زينب يا زينب
...............................................
للقصر يا ويلي مشن وطبن ثكاله وهزله
وزينب تعاين عالشمر يتبختر أبين أهله
وشافت يزيد وزمرته يتمضحك أمن أيسأله
حسين هذا العالرمح وعباس ذاك أيكله
جيبوه ألي كله بطشت
وزينب تسمعه وتلتفت
خافن رقيــــــة تستمع
ولو شافته تكلهم متت
يا زينب يا زينب يا زينب
.......................................................
خادم خدمة الحسين
الشاعر
محمد الموالي


/////////////////////////////////////////////////
قناة الحان الرادود احمد الزوار
للاشتراك اضغط على الرابط

https://t.me/+QYhwKs0Xy1h303S6

وين كضيت العمر وين كافي امن الهجر وين جا يمته تمر
يابو صالح
****
يابو صالح نار هجرك ما يطفيها البحر
ما شفت انسان مثلك عايش وهالكد صبر
اسال ويالمهدي عنك دورت ماكو اثر
صوره الك بالبيت عدنه احله من كل الصور

بيك روحي اتعلكت بيك جم شده كضت بيك كتله امن الجمر
يابو صالح
*
عيني للسرداب ودعي بلكت احضي بشوفتك
غيبتك يالمهدي طالت يمته تنشر رايتك
انه مو يعكوب كلبي وانته يوسف فركتك
عمت من البجي عيوني امنيتي اشمن ريحتك

غاب شمعة دنيتي غاب وتصب دمعتي غاب عن عيني البدر
يابو صالح
**








انقذ العالم يمهدي بعينك تشوف الظلم
البعض بوجودك تشكك والكلب شابع هظم
والفساد انتشر تدري وهتكوا شهور الحرم
يابو صالح هذا يومك ليش منك ننحرم

شوف ترويع وقتل شوف ذبحو جم طفل شوف آثار الذعر
يابو صالح
****
ارفع جفوفي ونادي العجل مولاي العجل
جارت الدنيه علينه وغير جيتك ماكو حل
شيب امن الغيبه راسك وجفنك امن الون ذبل
ازرع بروحي الاماني ووكف ابابك خجل

هاي مرت جم سنه هاي ما شفت الهنه هاي لوحه امن الصبر
يابو صالح
***











يابو صالح نستجيرك سيدي من هالفتن
اقتربت الساعه ونريدك ترجع الهذا الوطن
سيدي بسامره باجر توكف وتخطب علن
والامان يعود لينه بطعلتك يبن الحسن

ذاب كلبك سيدي ذاب وامنين ابتدي ذاب من كثر الصبر
يابو صالح
****
عايش بديره غريبه وتنزف جروحك الم
انته كل مغرب تنادي ليش حركوها الخيم
اتصيح ليش الطفل ضامي وحرمله صابه بسهم
وجدك بذيج الصحاري ولا ضلع منه سلم

ليش جدك ينذبح ليش راسه اعله الرمح ليش ضهرك ينكسر
يابو صالح
*
تمت
تحسين الخفاجي


/////////////////////////////////////////////////
قناة الحان الرادود احمد الزوار
للاشتراك اضغط على الرابط

https://t.me/+QYhwKs0Xy1h303S6

هذا العزه وهذا اللطم دائم
منا لحد مايضــــهر القائــم
——————-
لو هل محرم تهمل الدمعه
وهذا الشعار الخالد نرفعه
دائم عزانه لفاطمه البضعه
والخادم يضل كل سنه خادم
——————
اول محرم نرفـــع الــرايه
وعن الشعائر كالت الايــه
تقوى القلوب الكم يوفايـه
هاي الشعائر ترعب الضالم
—————
تبقه الملابس للابد ســــوده
وهاي المجالس تبقه موجوده
كلمن يضدها ايامه مـعدوده
باجر نشوفه بالحشر نادم
——————
عاهدنه ربنه ونرجع نعاهد
بهاي الخدامه لازم نجاهـد
مايبقه شيعي بمنزله كاعد
جوه المنابـر كـعدته لازم
——————
ياناعي يلا أتـــوكل واقــره
واقوى نريده الشاعر بشعره
جمره وابد ماتنطفي الجمره
تجوي گلبنه والگلب هايم
—————
شهر الحسين شمحله ايامه
وكل خادم يشد للعزه حزامه
بعاشر محـرم نطبر الهامــه
والدم يواسي المرتضى وفاطم
____
مهدينه بعد غيابه من يضهر
تصير المـجالس اكثر واكـثر
وبالعشره الاولى يرتقي المنبر
ينعه اعله جده الذبحته الوادم
——————
سيد معتز سلام الحسيني


قناة الحان الرادود احمد الزوار
للاشتراك اضغط على الرابط

https://t.me/+QYhwKs0Xy1h303S6

قصيدة للمشاية (عگيلي)



مشاية لگبرك والينة
ونجدد حزنك تدرينة
=============
زينب هاليوم انواسيها
ونشاركها احزان البيها
ونتذكر ما صار اعليها
ومصاب الطف ما ناسينة
================
نمشيلك ونجد ممشانة
ويمشي المهدي انحس ويانة
عينة اعله امصابك حزنانة
يا جدي ايندبك مهدينة
================
من يمشي المهدي بيا حالة
مصاب الطف يصير گبالة
كل آه التطلع چتالة
ينوح اعليك وعالي ونينة
================
انواسي اعيالك من سلبوها
من بعدك هزل ركبوها
ومن ديرة لديرة ايطبوها
يحسين الصار امأذينة
===============
نمشي ابهم وحزن ولوعة
من نذكر جسمك وضلوعة
آثار بجسمك مطبوعة
ويا حيف بسيف موذرينة
===============
علويات الهادي ابهيمة
وثمانين ايتيم ايتيمة
وبحر الصيف ابلا خيمة
وسفة السجاد امگيدينة
===============
كل عام انجدد ذكراكم
ليوم المحشر ما ننساكم
نعيش انموت انضل وياكم
حبكم مولاي اينجينة
==============
تلگاها الشيعة اتعنتك
وباحزان الطف گصدتك
يحسين اباهلك واستك
ترضى انريدك يا ابو سكينة
===============
اسالكم الدعاء رائد الاسدي