#Yaxshidan_buyukka

Haqiqiy beshinchi darajali rahbarlik

   Deyv Pakkard bilan oʻlimidan sal avvalroq uchrashishga muvaffaq boʻlgandim. Silikon vodiysining oʻz kuchi bilan badavlat boʻlgan ilk milliarderlaridan biri boʻlishiga qaramay, 1957-yilda rafiqasi bilan birga qurgan, uncha katta boʻlmagan bogʻchaga qaragan derazalari bor kichik uyda yashardi. Boyligini koʻz-koʻz qilishga, “men milliarderman, muhim shaxsman, muvaffaqiyatliman” deb kerilishiga zarurat sezmaydigan odam uchun linoleum titilgan oshxona, odmi jihozlangan mehmonxona kifoya edi. “Doʻstlari bilan yigʻilish va gitarada xirgoyi qilib oʻtirish uning uchun eng yoqimli mashgʻulot edi”, - deydi Pakkard bilan 36 yil birga ishlagan Bill Terri. Pakkard bisotidagi 5,6 mlrd dollarni xayriya tashkilotiga vasiyat qilib qoldirdi, oʻlimidan keyin oilasi uning fermercha kiyimda traktorda oʻtirgan surati tushirilgan yodnoma chiqardi. Matnda uning XX asrdagi eng yirik sanoatchilardan biri boʻlgani haqida hech narsa deyilmagandi. Unda shunchaki “Devid Pakkard, 1912-1996-yillar, fermer” degan soʻzlar yozilgan edi xolos. Haqiqiy beshinchi darajali rahbarlik mana shu boʻladi.

- Jim Kollinz, «Yaxshidan buyukka» kitobidan

📚 @e_kutubxona

#Koʻrilma

"Bo‘ylab" turkumidan

📚 @e_kutubxona

#Yaxshidan_buyukka

Beshinchi darajali rahbar

   O‘tishni amalga oshirish uchun qanday turdagi boshqaruv zarurligini anglab yetganimizda hayron qoldik, ta'bir joiz bo‘lsa, hatto shokka ham tushdik. Kuchli xarakterga ega bo‘lgan, nomi jurnal va gazeta sahifalaridan tushmay keladigan taniqli korporativ yetakchilardan farqli ravishda, o‘z tashkilotida tub o‘zgarishlar qila olgan va yaxshidan buyukka o‘ta olgan rahbarlar Marsdan uchib kelganga o‘xshab tuyuladi. Xotirjam, ko‘zdan panada yuruvchi, bosiq va hatto tortinchoqroq bo‘lgan bunday rahbarlar o‘zlarida kamtarlik va kasbiy irodaning noyob uyg‘unlashuvini namoyish qilishadi. Ular Patton yoki Sezardan ko‘ra ko‘proq Linkoln yoki Suqrotga o‘xshab ketishadi.

- Jim Kollinz, «Yaxshidan buyukka» kitobidan

📚 @e_kutubxona

Xorijiy atamalarning o‘zbekcha muqobillari

O‘zbek tilida qo‘llanib kelayotgan 40 ta xorijiy atama o‘zbekcha muqobillariga almashtirildi. Vazirlar Mahkamasi huzuridagi Atamalar komissiyasi tomonidan tasdiqlangan yangi atamalar ro‘yxati.

📚 @e_kutubxona

"Maʼnaviy to‘yinganlik moddiy ehtiyojlarni tiyadi" yoxud "Kitobxon millat" uchun saboqlar

📚 @e_kutubxona

#Yaxshidan_buyukka

To‘xtatish kerak bo‘lgan ishlar ro‘yxati qilinishi kerak bo‘lgan ishlar ro‘yxatidan ko‘ra muhimroqdir.

- Jim Kollinz, «Yaxshidan buyukka» kitobidan

#Maqola

📓 «Qalbning ichidagi nur...»
✍ Akrom Malik
⚙ Maqola

("Hayratul abror" uchun muxtasar sharh va izohlar)

Ilmning shartlaridan biri uni ustozdan o‘rganmoqdir. Ustozning qoshida o‘tirib, xizmatini qilib, ustozning yaxshi-yomon kunida yonida bo‘lib ilm o‘rganish bilan ilm hosil bo‘ladi. Chunki ilm ma’lumotlarni xotiraga jamlab, uni saqlashdangina iborat emas. Ilm hayotni yaxshi tomonga o‘zgartirsa, inson qalbini, ruhini poklasa, nafsini tarbiyalasa, turmushga tartib va halovat olib kirsa, odamlar orasini isloh etsa, fitnalarga barham berib, birdamlikka yetaklasa, insonni Allohdan qo‘rqishga o‘rgatib, jasoratga boshlasa, ana shu haqiqiy, kashfiy bir Ilmdir. Bu ilm kitobni o‘qish, yodlash, birovlarga mazmunini aytish bilan emas, bir Ustozning go‘zal namunalarini ko‘rish va uni o‘zlashtirish ila nasib etadi. Afsuski, aksarimiz Ustoz ko‘rmadik, o‘tkir zehnlar, shijoatli qalblar Ustoz yo‘qligi uchun arosatda qoldi.
Sahobalar, Alloh ulardan rozi bo‘lsin, eng baxtli inson edilar, chunki insoniyat ustozi, buyuk muallim Muhammad sollallohu alayhi va sallamdan ilm oldilar. Bu ilm sahobalarni insoniyat yo‘lboshchilariga aylantirdi.
Bugun Internetdagi video darslarda ilmni olish mumkin, o‘zlashtirish qiyin. Suv ichida qo‘lingni va oyog‘ingni silkitasan, degan bilan suzishni o‘rganib bo‘lmaydi. Albatta, suvga tushib, suzishni ko‘rsatish bilan suzish o‘rgatiladi. Demakki, nasihat va ma’lumotlarni tinglash bizning ilmimiz oshishi uchun emas, chalasavod va o‘zini olim deb o‘ylaydigan johil bo‘lishimiz sababiga aylanishi mumkin. Agar shunday bo‘lmaganida oramizda ixtilof gurkiramasdi, g‘iybat urchimasdi, haqorat alangalanmasdi. Afsuski, hayo qiladiganimiz bir Zotni faromush etib, ko‘pchiligimiz beodobliklar ila mashg‘ul bo‘ldik, ko‘p xatolar qildik, hozir ham shu nuqsonlar ustida bardavommiz.

📚 @e_kutubxona

#Savdogarlar_ustozi

Ahadquli Holmuhammad O‘g‘li, «Savdogarlar ustozi yoxud haqiqiy omad kaliti 2» kitobidan tagiga chizib o‘qilgan satrlar (3-qism)

[1-qism bu yerda]
[2-qism bu yerda]

• 21. Oilasini taʼminlab, ularni salohda ushlab turish va issiq-sovug‘idan xabardor bo‘lish g‘azotdan afzaldir.

• 22. - Oddiy bir inson qancha ilm olishi kerak?
- Hayotiga keraklisini va ishi tushadiganini olmog‘i yetarli.

• 23. Inson bir ishni to‘g‘risidan boshlagani maʼqul, avval xatolarni o‘rganib olay, keyin to‘g‘rilarini yodlayman, deyishingiz noto‘g‘ri va bu niyat bilan ilmni boshlaganingizdayoq ilk nuqtasidan xatodasiz.

• 24. Bugun ko‘pchilik biror ishga sarmoya kiritmoqchi bo‘lsa, yo hammasini yo asosiy qismini sarflaydi. Bu chuqur o‘ylanmagan ish. Aslida yigirma dirham puli bor odam besh dirhamini sarmoya qilishi, besh dirhamini zahirada qoldirishi, qolgan o‘nini yangi ishlar uchun olib qo‘yishi foydaliroq.

• 25. Ilmingiz, tajribangizni vafot etmasingizdan oldin boshqalarga ulashing.

• 26. Bir tangani burchingiz sababli berishingiz, ming tangani sadaqa qilishingizdan yaxshidir.

• 27. Har kimning Holiqdan umidi bo‘lsa, maxluqdan hurmat istamaydi.

• 28. O‘zim uchun qilgan ishlarim yolg‘iz mening rivojim, ko‘pchilik uchun harakatim ummatning salohi uchun bo‘ladi.

• 29. Halol boylikning eng kam foydasi — vaqtingizni tejab beradi. U orqali ko‘proq ilm olishga va musulmon bo‘lishga erishasiz.

• 30. Taomlanishning oltin qoidasi — meʼdangizni ortiqcha to‘ldirmang. Ushbu hikmatni mingta muborak Hadisi sharifni o‘rganib, tanlab olganman.

📚 @e_kutubxona

#Saboqlar

Muhabbat madrasasida ta'lim bundaydir, avval o'zing xohlab tanla, so'ngra yaxshi ko'r hamda yaxshilik qil, hamda oxirida o'zing yaxshi ko'rib tanlaganingga qanoat qilib yasha! Yo'qsa majburlik yoki qistov bilan bilan rozi bo'lish, bosim ostida tanlash, ko'ngilsiz munosabat va so'nggida noshukrlik ayblovi bilan hayot kechirasan.

- Mustafo Mahmud, "Muhabbat madrasasi"

📚 @e_kutubxona

#Maqola

📓 «Shu qadar yaqin, shu qadar farqli»
⚙ Maqola

«Mamlakatlar tanazzuli sabablari»dan

📚 @e_kutubxona

#Marketing

   Filip Kotler, «Marketing A dan Z gacha» kitobidan tagiga chizib o‘qilgan satrlar (4-qism)

[1-qism bu yerda]
[2-qism bu yerda]
[3-qism bu yerda]

• Atrofdagilarning tovar haqidagi fikri reklamadagi bayonotlardan salmoqliroqdir.

• Agar qirq yoshdan oshgan bo‘lsangiz, siz chakana savdoga to‘g‘ri kelmaysiz.

• Muvaffaqiyatli savdoning uchta sababi bu «joylashtirish, joylashtirish va joylashtirish»dir.

• Savdodagi munosabatlarda eng ahamiyatli narsa — bu halollik va samimiylikdir.

• Tabassum odamlar orasidagi eng qisqa masofa.

• Jangga tayyorlanishda men har doim, rejalar foydasiz, ammo rejalashtirish majburiy ekanligini aniqlaganman.

• Brendlashtirishning maqsadi mahsulot uchun o‘z qiymatidan kattaroq daromad olishdir.

• Brendni reklama qilmang — u bilan yashang.

• Kompaniyaning ichki tub o‘zgarishlarining tezligi tashqi o‘zgarishlar tezligidan orqada qolsa, biznesning oxiri yaqindir.

📚 @e_kutubxona