✅ Kunning birinchi qismida bo'lib o'tgan tadbirlarda viloyatdagi OTM rektor,prorektor, rektor maslahatchilari, Viloyat Adliya boshqarmasi rahbar-xodimlari, Namangan shahar, Davlatobod, Yangi Namangan, Kosonsoy, Uychi, Yangiqo‘rg‘on, Namangan tumanlari maktab direktorlari – jami 1 500 dan ziyod ishtirokchi qamrab olindi.

🔹Shuningdek, so‘zga chiqqanlar tomonidan aqidaparastlik, ekstremizm va radikalizmning ma’naviy barqarorlikka tahdidi, yoshlarni jamiyatga zid bo‘lgan yot g‘oyalardan asrash, farzand tarbiyasida mas’uliyatni kuchaytirish masalalari bo‘yicha tushuntirishlar berildi.

‼️ Shu sababli, ota-onalar farzandlarining kimlar bilan muloqot qilayotganiga, internetda qanday ma’lumotlarni o‘qiyotganiga va qanday takliflarga javob berayotganiga e’tiborli bo‘lishlari shart!

🔰 Hozirda O‘zbekiston musulmonlari idorasi tasarrufida 4 ta oliy va 10 ta o‘rta maxsus islom ta’lim muassasalari faoliyat ko‘rsatib kelmoqda. Shu bilan birga, 2018-yildan buyon hududlardagi 28 ta “Qur’on va tajvid” kurslarida 77 mingga yaqin fuqaro ta’lim oldi.

📱 Diniy idoraning “muslim.tv” internet platformasida barcha yosh toifalari uchun mo‘ljallangan onlayn Qur’oni tajvidi darslari tashkil etilgan.

❓Shu o‘rnida ta’kidlash lozimki, xorijiy diniy ta’lim muassasalari diplomlari O‘zbekiston hududida diniy sohada faoliyat yuritish uchun asos bo‘lmasligi, ta’limdan so‘ng ishga joylashishda noqulayliklar keltirib chiqarishi mumkinligini eslatib o‘tamiz.