Енді әлеуметтік желілер де құпия агент болады

Өйткені олар келесі жылдан бастап салық органдарына қазақстандықтардың табысы туралы есеп беріп отырады.

Мемлекеттік кірістер департаментінің мәліметінше, бұл қазақстандықтарға ақша төлейтін шетелдік интернет-платформаларға қатысты. Олардың қатарында YouTube, Instagram, TikTok бар. Бұл әлеуметтік желі арқылы сыйақы алатын жеке тұлғалардың кірістерін бақылау үшін қажет екен.

Ереже 2026 жылдың 1 қаңтарынан бастап күшіне енбек.

t.me/stankznews

❓ Мектептерде оқу жылы 1 маусымға дейін ұзартыла ма

Оқу-ағарту министрі Ғани Бейсембаев биыл мектептерде оқу жылын ұзарту мәселесі қаралмайтынын жеткізді.

Айтуынша, елдегі барлық мектепті талапқа сай етіп, заманауи кабинеттермен жабдықтау керек. Олар 100% дайын болғанда ғана ұзартылуы мүмкін. Білім беру ұйымының инфрақұрылымын дамыту мәселелері жабылмайынша, бұл мәселені қозғамаймыз, дейді министр.

t.me/stankznews

Президентіміз спорттан да құр алақан емес екен…

Бүгін мемлекет басшысы тоғызыншы дан қара белбеуін алды. Оны Бүкіләлемдік таеквондо федерациясының президенті табыстады.

Сондай-ақ Тоқаев жаттығу тақтайшасына қолтаңбасын қалдырды. Артынша Чунгвон Чоудың өтінішімен таеквондо дәстүріне сай тақтай сындырды.

Мына соққыдан Генаның духы сынып қалған болар… 🤭

t.me/stankznews

Трамп жақын арада Путинмен кездеспек

Мұны АҚШ президенті өзі хабарлады. Ол осы апта, жұма күні Ресейге баратынын мәлімдеді.

Бұған дейін 15 тамызда Трамп пен Путиннің АҚШ-та кездесетіні хабарланған еді.

t.me/stankznews

Әйелін өлтіріп, үй ауласына көміп тастаған ер адам 20 жылға сотталды

Оқиға Түркістан облысы Жетісай қаласында болған. Ер адам 38 жастағы жары Айгерім Әжікееваны шөп байлайтын жіппен буындырған. Сосын денесін үйінің алдына көміп тастаған.

Кейіннен сотталушының алғаш рет қылмыс жасамағаны анықталған. Бұған дейін Төрехан Ералханов екі рет бас бостандығынан айырылған екен. Ол бірінде психикалық ауытқуы бар деген анықтамамен ауруханаға жіберілген. Ал екіншісінде 10 жылға сотталып, мерзімінен бұрын босатылған.

Нәтижесінде сотталушы 20 жылға сотталды.

t.me/stankznews

🇰🇿🌎 Дүйсенбі күні елімізде және әлемде қандай оқиғалар болды

🔶 Түркияның Балыкесир провинциясында 6,1 балдық жер сілкінісі болып, 16 ғимарат құлады, бір адам қаза тапты

🔶 Перизат Қайрат аппеляциялық сотқа шағым түсірді, мұны адвокаты растады

🔶 Украинадағы соғысқа қатысқан атыраулық 5 жылға сотталды, ол Ресейде жұмыс істеп жүріп, сол елдің қорғаныс министрлігімен шарт жасасып, соғысқа кеткен

🔶 Жапония Семейдегі ядролық сынақтардан зардап шеккендерге 4 миллиард теңге бөлмек, бұл ауруханаға медициналық жабдықтар алу үшін жұмсалады

🔶 Енді Қазақстанда асыққан жедел жәрдем мен полицейлерге жол бермеген жүргізушілер көше сыпырады

🔶 Түркістан облысында 19 жастағы жігітті пышақтап өлтіргендерге үкім шықты, басты күдікті 15 жылға сотталды

t.me/stankznews

"200 мың теңгеден төлеген": Дженнифер Лопестің концертіне билет алған қазақстандықтар алаяқтардың құрбаны болды

Қолында билет болса да, есіктегі тексерушілер бұл билеттердің қолданылғанын, оған дейін дәл сол билетпен басқа келуші кіріп кеткенін айтқан. 

“Алыпсатарлардан JLO-ның концертіне 2 билет сатып алдық. Сағат 16:00 келіп алып, кіргізу басталғанын күтіп тұрдық. Бірақ кірерде біздің билеттердің қолданылғанын, басқа келушілердің кіріп кеткенін білдік. Жанымда 200 мың теңгеге билет алып, кіре алмаған тағы 3 әйел тұрды. Олардың билеттері де қолданылған болып шықты”, – деп жазды желі қолданушыларының бірі. 

Билетті сатқан алыпсатарлар “бірінші есікке барыңыз, тыныш өтіңіздер”, “бірінші күзетші қаталдау” деген секілді сылтаулар айтқан. Алайда келушілер бәрібір концертке кіре алмапты. 

t.me/stankznews

"Күндіз мал бағып, түнде намаз оқуға мәжбүрлеген": Жамбыл облысында құлдықта болған балаларға қатысты тың деректер пайда болды

Балалардың туысы Жанерке Нұрмұханбеттің айтуынша, балаларды жүйелі түрде өгей әкелері ұрып-соғып, қорлаған. Ер адам оларды күндіз мал бағып, түнде намаз оқуға мәжбүрлеген. Өзі болса жұмыс істемеген.

Ол балалардың да жылағанын, оны шақырып, алып кетуді өтінгенін айтты. Сондықтан келесі күні таңертең фермаға барып, балаларды Талғарға алып кеткен.
Сол жерге балалардың Нарынқолда тұратын әкесін шақырған. Әкесі келгеннен кейін балаларды медициналық тексеруден өткізіп, полицияға зорлық-зомбылық туралы арыз берген.

Балалардың анасы Назерке Нұрмұханбетова туралы нақты ақпарат жоқ. 

Тек әйелдің балалардың қарауын бірінші күйеуіне, яғни балалардың әкесіне тапсыруға дайын екенін айтқаны белгілі. 

Балалардың бірі мектепке мүлдем бармайтынын айтады. Өгей әкесі оларды жиі мектептен алып, фермаға мал бағуға жіберген. Алдымен қой, кейін ірі қара малға салған.

t.me/stankznews

Абай облысындағы Абайдың 180 жылдығына арналған шарада жастардың қоршауында жүрген шенділердің видеосы тарады

Желіде тараған видеода жастардың қол ұстасып, бір топ шенеунікті қоршап жүріп келе жатқанын көруге болады.

Видеоның сипаттамасында қоршаудың ішінде мерейтойға келген сенат спикері Мәулен Әшімбаев, Абай облысының әкімі Берік Уәли және ғылым министрі Саясат Нұрбектің кетіп бара жатқаны айтылған.

Жастар еріктілер ме, әлде күзет агенттігінің қызметкерлері ме, әзірге белгісіз…😄

t.me/stankznews

❓ Қай өңірлер қыста жылусыз қалуы мүмкін

Қазақстанда 10 ЖЭО әлі де "қызыл" аймақта

Семей, Теміртау, Петропавл, Орал, Қызылорда, Тараз халқы алдағы қыста жылусыз қалуы мүмкін. Себебі аталған аймақтардағы жылу электр орталықтары (ЖЭО) апат қаупі жоғары "қызыл аймаққа" кіріп отыр. Соңғы жылдары жөндеу және жаңарту жұмыстары жүргізілгенімен, оннан астам нысан энергетикалық қауіп деңгейінде тұр.

Толығырақ СІЛТЕМЕДЕН оқи аласыз!

t.me/stankznews

19 жастағы жігітті пышақтап өлтірген сарбаз 15 жылға сотталды

Оқиға биыл Түркістан облысында болған.

Марқұм Жасұлан Әбдіманаптың анасының айтуынша, 19 ақпанда ұлына қарыз туралы сөйлесу үшін таныстары хабарласқан. Сол күні кешке оны көлікке отырғызып, қала сыртына алып кеткен. Онда жігітті соққыға жығып, 14 жерінен пышақтаған. Кейін Жасұланның атынан сегіз несие мен шағын несие алынғаны анықталған.

Нәтижесінде сот сарбаз Мурод Әбдіжәмиловті 15 жылға соттаған. Ал екінші күдікті Диас Ибрагимов 2 жыл 8 айға, Адина Мамаева 4 жыл 6 айға бас бостандығынан айырылған.

t.me/stankznews

"Тұрып қалған котлетті қайта қуырады"

Бұл жағдай Алматыдағы №67 мектепте болған. Мұны сол оқу орданың мұғалімі Сәуле Сейдахметова анықтаған. Ол бес жыл бойы оқушылардың асханада берілген тамақты жемейтінін байқаған. Бір күні бейнебақылау жазбаларын қарап, балаларға бірінші ауысымнан қалған ас беріліп жүргенін анықтаған.

Мұғалімнің сөзінше, тұрып қалған котлеттерді табаға салып, үстіне су құйып, пешке салып қайта қуырған. Бұл әдіс жаңа піскендей түр береді екен. Оның үстіне аспаздар тамақ қалдықтарын мұқият сұрыптап, балаларға қайта ұсынып келген.

Мұны мұғалім ата-аналарға және мектеп әкімшілігіне хабарлаған. Тамақтың сапасын тексеруге негіз табылса да, олар мұғалімге қарсы шығыпты. Тіпті асхананы жалға алған компания оны сотқа берген. Алайда, нәтижесінде олармен келісімшарт бұзылған.

t.me/stankznews

⚠ Көше сыпырғыңыз келмесе сақ жүріңіз

Енді елімізде асыққан жедел жәрдем мен полицейлерге жол бермеген жүргізушілер көше сыпырады. Бұл жаза жаяу жүргіншілер мен самокат тізгіндегендерге де қатысты.

Егер жүргізуші бір жылда екі рет ереже бұзса 20 сағаттық қоғамдық жұмысқа жегіледі. Олар "қоғам алдындағы борышты өтеу" деген жазуы бар күртеше киіп, парызын орындайды.

Бұл ереже 1 қыркүйектен бастап енгізілмек.

t.me/stankznews

Ер адам 17 жастағы қызды бір жыл бойы зорлап келген

Оқиға Түркістан облысы Мақтарал ауданында болған.

Жәбірленушінің айтуынша, бәрі өткен жылы тамыз айында күдіктінің көлік жүргізуді үйретемін деген ұсынысынан басталған. Ер адам "ақша алып шығамын" деген сылтаумен бір жерге кіріп кеткен. Бес минуттан соң келіп, көлік есігін құлыптап, қызды зорлаған. Мұны видеоға түсіріп алып, әлеуметтік желіге таратамын деп қорқытқан.

Араға уақыт салып ол жәбірленушіні басқа еркектермен жыныстық қатынасқа түсуге мәжбүрлеген. Бұған шыдамаған қыз өзіне қол салмақ болған. Оны ата-анасы аман алып қалған. Мән-жайды біліп, дереу полицияға арызданған.

Полиция ақпаратты растап, қылмыстық іс қозғалғанын айтты. Іс бойынша қанша күдікті бары әзірге белгісіз.

t.me/stankznews

Жапония Семейдегі ядролық сынақтан зардап шеккендерге 4 миллиард теңге бөлмек

Денсаулық сақтау министрлігінің мәліметінше, қаржы ядролық сынақтан зардап шеккендерге көмек көрсететін Университеттік ауруханаға медициналық жабдықтар алу үшін жұмсалады.

Бұл қаржыға:

🔶 магнитті-резонанстық томограф;

🔶 компьютерлік томограф;

🔶 видеоэндоскопиялық жүйе;

🔶 жасанды қан айналымы аппараты және басқа да медициналық құрал-жабдықтар алынады екен.

t.me/stankznews

Қазақ-қырғыз шекарасында төбелес болды

“Қордай” бақылау-өткізу бекетінде техникалық ақау болған. Салдарынан кезек бірнеше шақырымға созылған. Ал сол сәтте шекарадан өтіп жатқан азаматтар жанжал шығарған. Қазақстандық шекарашылар оларды ажыратып алған.

t.me/stankznews

Баяғы жартас, сол жартас...

Алматыда өткен Дженнифер Лопестің концертіне кіру кезінде адамдар бірін-бірі таптап кете жаздады. Джей Ло концертін тегін бермеген секілді еді. Дегенмен біздікілер оған қарамастан әдетіне басты...

Желіде оқиға орнынан видео тарады. Кадрлардан VIP алаңға кірмек болған адамдардың бірін-бірі итеріп, жұлқып жатқанын көруге болады.

Ал сіз концертке бардыңыз ба? 🤔

t.me/stankznews

⚖ Украинадағы соғысқа қатысқан атыраулық 5 жылға сотталды

Тергеу мәліметінше, ер адам Ресейде жұмыс істеп жүріп, сол елдің қорғаныс министрлігімен шарт жасасқан. Сосын соғысқа барып, жарақат алған. Ер адам Атырауда қолға түскен.

Осылайша ол "Шетел аумағындағы қарулы қақтығысқа қатысқаны" үшін кінәлі деп танылған.

Бұған дейін Украина үшін соғыспақ болған 19 жастағы қазақстандық Ресейде 12 жылға сотталған еді.

t.me/stankznews

Перизат Қайрат аппеляциялық сотқа шағым түсірді

Ақпаратты адвокат Асланбек Давлетьяров растады. Дегенмен ол егжей-тегжейлі ақпарат беруден бас тартты.

Бұған дейін ол тағылған айыппен келіспейтінін айтқан еді.

Перизат Қайрат 2024 жылы 14 қарашада су тасқынынан зардап шеккендерге жиналған 1,5 миллиард теңгені жымқырды деп күдікке ілінген. Сондай-ақ ол Палестинаға жиналған қаражаттан тағы 200 миллион теңге жымқырған. Одан кейін Қазақстандағы су тасқыны кезінде халыққа, мүгедек балаларға көмек көрсету үшін қаражат жинаған. Осылайша ол 3,5 миллиард теңгеге жуық қаржыны жымқырған. Осы үшін оның мүлкі тәркіленіп, 10 жылға, Ғайни Алашбаева 7 жылға сотталды.

t.me/stankznews

🥲 "Бет-келбеті сақталып қалған": Сорбұлақтағы тікұшақ апатында көз жұмған командирді туыстары жер қойнына тапсырды

"Жастайынан әскери болуды армандады ғой. Кішкентайынан тәртіпке бағынып, бізді де тәртіппен жүргізетін. Аспанда қалықтап жүруді бала кезінен армандады. Бүкіл өмірін осы әскери авиацияға арнады ғой. Күндіз-түні ұшты. Мыңдаған сағаттар жинады. Санатын да көтерді. Бүкіл оқуын оқыды. Қандай жаңа шыққан оқу болса біреуінен қалмады ғой. Қатарының алды болды. Өзінің техникасын жан-тәнімен жақсы көретін еді гой. Мамам мен аспанда ұшсам, құстай қалықтаймын дейтін", – деп еске алды ұлын кара жамылған ана.

Түркістан облысы, Төлеби ауданы, Ленгір қаласының тумасы отбасында екі ұлдың үлкені екен. 2008 жылдан бастан армандаған мамандығына оқуға түсуге дайындалыпты. Алғашында жолы болмай, ақыры 2010 жылы Актөбедегі "Әуе қорғаныстарына" түседі. Содан бері 15 жыл бойы әуеде мінсіз қалықтау үшін дамылсыз білім алған екен.

t.me/stankznews

Зеленский Тоқаевқа қоңырау шалды: Қос президент нені талқылады

Ақорда мәліметінше, Қасым-Жомарт Тоқаев қазақ халқының украин халқына, оның тарихына, мәдениетіне және тіліне ерекше құрметпен қарайтынын атап өтті.

“Мемлекет басшысы Қазақстанның Украинада халықаралық құқық қағидаттары негізінде бейбітшілік орнауына сөзсіз мүдделі екенін жеткізді. Атап айтқанда, Президент Астананың әуел бастан әділдік негізінде бейбітшілік формуласын бірлесе іздеуді жақтағанын, БҰҰ Жарғысын, мемлекеттердің егемендігі мен аумақтық тұтастығына қолсұқпаушылық қағидатын сақтау туралы жүйелі түрде пікір білдіргенін еске салды”, – делінген хабарламада.

Қасым-Жомарт Тоқаевтың пікірінше, қазіргідей өте күрделі жағдайда Украина мемлекеттілігін сақтау мен қорғауды қамтамасыз ете отырып, қақтығысты байыпты түрде шешу маңызды. Сонымен қатар Қасым-Жомарт Тоқаев Қазақстан Украинамен өзара мүддеге сай келетін түрлі салада белсенді ынтымақтастық құруға ниетті екенін атап өтті.

t.me/stankznews

Алматы облысында тікұшақ құлаған жерден екінші адамның мәйіті табылды

Қорғаныс министрлігі мәйітті анықтау жұмыстары жүргізіліп жатыр. іздеу жұмыстары Қорғаныс министрлігінің, ТЖМ, ІІМ және басқа да ведомстволардың барлық қажетті күш-құралдарын жұмылдыра отырып, тәулік бойы іске асырылуда.

t.me/stankznews

‼️СҚО-да төрт адам донер жеп уланып қалды

Оқиға Мағжан Жұмабаев ауданындағы аудан орталығында өтіп жатқан "Жастар-2025" облыстық спартакиадасы кезінде болған.

Облыстық санитариялық-эпидемиологиялық бақылау департаментінің баспасөз қызметінің хабарлауынша, бұл фактіге байланысты тергеу басталды.

Денсаулық сақтау басқармасы уланғандардың барлығы Петропавлдағы жұқпалы аурулар ауруханасына жатқызылғанын хабарлады.