#Биласизми

❗️Фарзанди боғчага борадиган камбағал оилаларга моддий ёрдам берилади

Батафсил инфографикада👆

      @Huquqshunos_yordami

      Савол юбориш учун 👇👇

      @Online_maslaxatchii

❓ Вафот этган ота ёки она номидаги омонатни олиш учун қандай ҳужжатлар талаб қилинади?

Cавол❓Oнам банкка омонат қойгандилар,онам вафот этдилар ,биз онамнинг омонатларини қандай олишимиз мумкин.Яъни Омонатни олиш учун кандай хужжат талаб килинади

ҲУҚУҚШУНОС ЖАВОБИ: Фуқаролик кодексининг 1135-моддасига мувофиқ мерос қолдирувчининг болалари (шу жумладан фарзандликка олинган болалари), эри (хотини) ва ота-онаси (фарзандликка олувчилар) тенг улушларда қонун бўйича биринчи навбатдаги ворислик ҳуқуқига эга бўладилар.

Мана шу қоидага мувофиқ сиздаги вазиятда онангиздан қолган мол-мулкларга (омонатга) фарзандлар ҳамда хотин ва эрнинг ота-онаси 1-даражали меросхўр ҳисобланади.

Ушбу кодекс 1150-моддасига кўра 1-даражали меросхўларнинг меросдаги улушлари тенг саналади. Шу қоидага кўра онангиз вафотидан кейин ундан қолган меросга фарзандлар 1-даражали меросхўр ҳисобланасизлар.

Онангиздан қолган меросни яъни омонатдаги пулни олиш учун дастлаб мерос гувоҳномаси олиш талаб этилади.

Фуқаролик кодекси 1146-моддасига биноан мерос очилган жойдаги нотариус меросхўрнинг илтимосига кўра унга меросга бўлган ҳуқуқи тўғрисида гувоҳнома бериши шарт. Фуқаролик кодексининг 1117-моддасига кўра кўчмас мулкка нисбатан мерос иши у жойлашган ҳудуддаги нотариус орқали очилади.

Бунда омонатни олишингиз учун меросхўрлар яъни бошқа фарзандлари мерос (омонат)дан воз кечишлари керак. Фуқаролик кодексининг 1147-моддасига биноан меросхўр мерос очилган кундан эътиборан исталган вақтда меросдан воз кечишга ҳақли.

Бошқа меросхўлар мерос(омонат)дан сизни номингизга воз кечадиган бўлса, омонатдаги пулни сиз олишингиз мумкин.

Банкка, Паспортингизни ва мерос гувоҳномасини ҳамда омонат дафтарчасини тақдим этсангиз, сизга омонатдаги пулларни беради.
     
@Huquqshunos_yordami

      Савол юбориш учун 👇👇

      @Online_maslaxatchii

⚡️Yoshlar daftariga kiritilgan talabalarning 20 mln 600 ming so‘mgacha bo‘lgan to‘lov-kontrakt pullari to‘lab beriladi

Ariza berish uchun mahalla yoshlar yetakchisiga murojaat qilish, yoshlardaftari.uz sayti orqali onlayn ariza yoki 1093 raqami orqali bogʻlanish mumkin.

Vazirlar Mahkamasining 312-sonli (7.06.2022) qarori 35-bandi va mazkur nizomning 8-ilovasiga ko‘ra, quyidagi toifalar:

➖ Temir daftarga kiritilgan oila farzandi;
➖ Ayollar daftariga kiritilgan ayollar farzandi;
➖ Ijtimoiy himoya yagona reestri ATga kiritilgan oilaning professional yoki OTM da taʼlim olayotgan farzandi;
➖ Mehribonlik uyi yoki Bolalar shaharchasida tarbiyalangan o‘quvchi-talaba;
➖ Ota-ona qaramog‘idan mahrum bo‘lgan, vasiylikka olingan kam taʼminlagan o‘quvchi-talaba;
➖ Oila aʼzolarining kamida bittasi I guruh yoki har ikkisi II guruh nogironligi bo‘lgan kam taʼminlagn oilaning professional yoki OTM da taʼlim olayotgan farzandi;
➖ Nogironligi yoki salomatligida nuqsoni bo‘lgan o‘quvchi-talaba;
➖ Oilasi kam taʼminlangan talabaga to‘lab berilishi nazarda tutilgan.

Respublikamizdagi professional taʼlim tashkilotlarida taʼlim olayotgan, shuningdek, O‘zbekiston Respublikasida faoliyat olib borayotgan davlat, nodavlat oliy taʼlim tashkilotlari va xorijiy oliy taʼlim tashkilotlarining filiallarida:

➡️ bakalavriatning kunduzgi shaklida;
➡️ magistraturaning kunduzgi yo‘nalishida taʼlim olayotgan talablarga to‘lov-kontrakt asosida o‘qish bo‘y

icha yillik xarajatlarining bir qismi to‘lab beriladi.

✔️ Ushbu xarajatlarni to‘lab berish yoshlar yetakchisining ijobiy tavsiyasi asosida to‘lov

-kontraktining 50 foizigacha, biroq BHM ning 50 baravari (18.750.000 so‘m) dan oshmagan miqdorda sxemaga muvofiq amalga oshiriladi.

rel="nofollow">❌ To‘lov-kontrakt xarajatlarining bir qismini qoplab berish quyidagilar toifalarga amal qilmaydi:

➖ ikkinchi va undan keyingi mutaxassislik;
➖ qo‘shma taʼlim dasturlari;
➖ tabaqalashtirilgan to‘lov-kontrakt asosida taʼlim olayotganlarga nisbatan tadbiq etilmaydi.

      @Huquqshunos_yordami

      Savol yuborish uchun 👇👇

      @Online_maslaxatchii

Неустойка тўлаш қандай шаклларда амалга оширилади?

Неустойка тўлаш турли шаклларда амалга оширилиши мумкин ва бу жараён ҳуқуқий муносабатларда муҳим аҳамият касб этади.

Неустойка, асосан, шартнома шартларини бузганлик учун жавобгарликни таъминлаш мақсадида қўлланилади. Ушбу механизм орқали тарафлар ўртасидаги келишувларга оид бажарилмаётган мажбуриятларнинг ижроси таъминланади.

Қонунчилик ёки шартнома билан белгиланган, қарздор мажбуриятни бажармаган ёки лозим даражада бажармаган тақдиpда кредиторга тўлаши шарт бўлган пул суммаси неустойка ҳисобланади.
Неустойка тўлаш ҳақидаги талаб бўйича кредитор ўзига етказилган зарарни исботлашга мажбур эмас.

Неустойка билан фақат ҳақиқий талаб таъминланади.
Агар қарздор мажбурият бажарилмаганлиги ёки лозим даражада бажарилмаганлиги учун жавобгар бўлмаса, кредитор неустойка тўлашни талаб қилишга ҳақли эмас.
Неустойка жарима ёки пеня шаклида бўлади.

Қарздор мажбуриятларни бажармаган ёки лозим даражада бажармаган ҳолларда тўлайдиган ва қоида тариқасида, қатъий пул суммасида ҳисобланадиган неустойка жарима ҳисобланади.

Қарздор мажбуриятларнинг бажарилишини кечиктириб юборганида тўлайдиган ва ўтказиб юборилган муддатнинг ҳар бир куни учун мажбуриятнинг бажарилмаган қисмига нисбатан фоиз билан ҳисобланадиган неустойка пеня ҳисобланади.

Неустойка тўғрисидаги келишув ёзма шаклда тузилиши керак. Неустойка тўлаш тарафларнинг келишувида назарда тутилган ёки тутилмаганлигидан қатъи назар, кредитор қонунда белгиланган неустойка (қонуний неустойка)ни тўлашни талаб қилишга ҳақли.

Қонуний неустойканинг миқдори, агар қонун тақиқламаса, тарафларнинг келишуви билан кўпайтирилиши мумкин.

      @Huquqshunos_yordami

      Савол юбориш учун 👇👇

      @Online_maslaxatchii

❓ Ходим иш берувчи билан келишмаган ҳолда ўз ҳисобидан иш ҳақи сақланмаган ҳолда таътил олиши мумкинми?

Cавол❓Мен хозирги вактда мехнат татилигаман татилим тугаб ишга чикишим керак лекин ишга чикмасдан уз хисобимдан ойлик маош олмаган холда ишдан бушамаган холда 3 ойлик мехнат татили олсам буладими?
Иш берувчи билан келишмаган холда.Ишдан бушамаган холда кандай килиб 3 ой уз хисобимдан олишим керак илтимос ёрдам берсангиз

ҲУҚУҚШУНОС ЖАВОБИ: Меҳнат кодексининг 241-моддаси 2-қисмида "иш ҳақи сақланмаган холда бериладиган таътил ходим ва иш берувчи ўртасида келишувга кўра белгиланади", дейилган.

Шу сабабли, фақатгина иш берувчининг розилиги билан 3 ойлик муддатга иш ҳақи сақланмаган ҳолда таътил олишингиз мумкин.

      @Huquqshunos_yordami

      Савол юбориш учун 👇👇

      @Online_maslaxatchii

❓Алимент тўловчилар четга чиқиши қонунан тақиқланганми?

Савол❓Укам алимент тўлайди.Четга чиқишга тақиқ қўйилибди. Бу қанчалик тўғри,четга чиқса бўладими?

ҲУҚУҚШУНОС ЖАВОБИ: “Суд ҳужжатлари ва бошқа органлар ҳужжатларини ижро этиш тўғрисида”ги Ўзбекистон Республикаси Қонунининг 42-прим 1-моддасига кўра, суд ҳужжати асосида берилган ижро ҳужжатидаги ёки ижро ҳужжати бўлган суд ҳужжатидаги талаблар белгиланган муддатда қарздор жисмоний шахс томонидан узрсиз сабабларга кўра ижро этилмаганда, давлат ижрочиси ундирувчининг аризаси бўйича ёки ўз ташаббуси билан қарздор жисмоний шахснинг Ўзбекистон Республикасидан чиқишини вақтинча чеклаш тўғрисида қарор чиқаришга ҳақли.

Бунда алимент тўловларини ундириш бўйича қўзғатилган ижро иши юзасидан алимент тўловчининг қарзи мавжуд бўлмаганда, давлат ижрочиси мазкур қонун нормасига асосан алимент тўловчининг Ўзбекистон Республикасидан чиқишини вақтинча чеклаш тўғрисида қарор чиқариши мумкин эмас.

Сизда алиментда қарздорлик йўқми, тамом. Сизга нисбатан чеклов қўйилиши ноқонуний. Сиз шу ҳолатда чекловга сабаб бўлган қарорни аниқлайсиз. Ўша қарор устидан маъмурий судга ариза киритасиз.

      @Huquqshunos_yordami

      Савол юбориш учун 👇👇

      @Online_maslaxatchii

❓ Ходимларга меҳнат таътили таътиллар графигида белгиланган ойда бериладими?

Савол❓Мен туман Тиббиёт бирлашмасида ҳамшира булиб 7 йилдан бери ишлайман меҳнат таътилига чиқмоқчи эдим лекин кадр 11 ой булса келасиз деб аризамни қабул қилмади олдинги меҳнат таътилим октябрь ойида олган эдим,олдинлари 6 ойдан кейин меҳнат таътилига чиқар эдик,ҳозир эса 11 ой булгани юқ дейди шунақа булиши мумкинми?

ҲУҚУҚШУНОС ЖАВОБИ: Меҳнат кодексининг 228-моддаси иккинчи ва кейинги иш йиллари учун ҳар йилги меҳнат таътилини бериш тартиби ҳақида.

Унга кўра: Иккинчи ва кейинги иш йиллари учун ҳар йилги меҳнат таътили иш берувчи ва ходим учун мажбурий бўлган таътиллар жадвали билан белгиланадиган ҳар йилги меҳнат таътилларини бериш навбатига мувофиқ берилади.

Таътиллар жадвали календарь йил бошлангунига қадар иш берувчи томонидан касаба уюшмаси қўмитаси билан келишувга кўра тасдиқланади.

Ходим ҳар йилги меҳнат таътили бериладиган вақт тўғрисида таътил бошланишидан камида ўн беш кун олдин хабардор қилиниши керак.

Ходимнинг хоҳишига кўра ҳар йилги меҳнат таътили унга қулай бўлган вақтда қуйидагиларга берилиши керак:

аёлларга — ҳомиладорлик ва туғиш таътилидан олдин ёки ундан кейин;

болани парваришлаш таътилидан фойдаланаётган ходимга ушбу таътильдан олдин ёки кейин;

ўн тўрт ёшга тўлмаган бир ёки ундан ортиқ нафар болани (ўн олти ёшга тўлмаган ногиронлиги бўлган болани) тарбиялаётган шахсларга (ёлғиз ота-онага, шу жумладан бева аёлларга, бева эркакларга, никоҳдан ажралганларга, муддатли ҳарбий хизматдаги ҳарбий хизматчиларнинг хотинларига, ота-онанинг ўрнини босувчи шахсларга);

I ва II гуруҳ ногиронлиги бўлган шахсларга;

1941 — 1945 йиллардаги уруш қатнашчиларига ва имтиёзлари бўйича уларга тенглаштирилган шахсларга;

ўн саккиз ёшдан кичик бўлган шахсларга;

ишдан ажралмаган ҳолда таълим ташкилотларида ўқиётганларга, агар улар ўзининг ҳар йилги меҳнат таътилини имтиҳонлар, синовлар (зачётлар) топшириш, битирув малакавий ишларини, магистрлик диссертацияларини, курс, лаборатория ишларини ва бошқа ўқув ишларини бажариш вақтига тўғрилаб олишни хоҳласа;

“Ўзбекистон Республикаси фахрий донори” кўкрак нишони билан тақдирланган шахсларга;

жамоа келишувларида, шунингдек жамоа шартномасида ёхуд бошқа ички ҳужжатларда белгиланган ҳолларда бошқа ходимларга.

Ишлайдиган эркакларга ҳар йилги меҳнат таътили уларнинг хоҳишига кўра хотинининг ҳомиладорлик ва туғиш таътили даврида берилади.

Жадвалда белгиланган ҳар йилги меҳнат таътилини бериш вақти ходим ва иш берувчи ўртасидаги келишувга биноан ўзгартирилиши мумкин.

Меҳнат кодексининг 228-моддасига мувофиқ сизга меҳнат таътили таътиллар графигида белгиланган ойда берилади. Агар сизни меҳнат таътили олиш муддатиз таътиллар графигида май ёки июнь ойида белгиланган бўлса, май ойи охири ёки июнь ойи бошларидан бошлаб йиллик меҳнат таътилига чиқишингиз мумкин.

Агар Сизда Меҳнат кодексининг 228-моддаси 4-қисмида белгиланган имтиёзлардан бири мавжуд бўлса, истаган вақтингизда йиллик меҳнат таътилига чиқишингиз мумкин.

      @Huquqshunos_yordami

      Савол юбориш учун 👇👇

      @Online_maslaxatchii

БУГУНГИ КУН ҲОЛАТИГА БОЛАЛАР НАФАҚАСИНИНГ АНИҚ МИҚДОРЛАРИ

📄 Президентнинг жорий йил 2 июнь куни қабул қилинган 91-сон фармонига мувофиқ,

Бугунги кун ҳолатига кам таъминланган оилаларга тайинланадиган болалар нафақасининг ҳар ойлик миқдори:

➖ 3 ёшгача бўлган битта кичик фарзанди учун – 360 000 сўм;

➖ 3 ёшдан 18 ёшгача бўлган битта фарзанди учун – 275 000 сўм;

➖ оиланинг иккинчи фарзанди учун қўшимча – 165 000 сўм;

➖ оиланинг учинчи ва ундан кейинги ҳар бир фарзанди учун қўшимча - 110 000 сўмни ташкил қилмоқда.

      @Huquqshunos_yordami

      Савол юбориш учун 👇👇

      @Online_maslaxatchii

БИР МАРТАЛИК 1 МЛН 600 МИНГ СЎМ МОДДИЙ ЁРДАМ!
Хотин-қизлар учун махсус ижтимоий ёрдам

👩‍🦱 Қандай хотин-қизлар олиши мумкин?
✅ Аёллар дафтарига киритилган ва қуйидаги тоифага мансуб хотин-қизлар:

1️⃣ Боқувчисини йўқотган эҳтиёжманд хотин-қизлар
2️⃣ I ва II гуруҳ ногиронлиги бўлган ҳамда тезкор тиббий муолажага муҳтож хотин-қизлар
3️⃣ Қарамоғида ногиронлиги бўлган фарзанди мавжуд хотин-қизлар

💰 Ёрдам миқдори:
Базавий ҳисоблаш миқдорининг 4 бараваригача

📑 Керакли ҳужжатлар:

Боқувчисини йўқотганлар учун: ўлим гувоҳномаси, суд қарори ёки бошқа тасдиқловчи ҳужжатлар
I ва II гуруҳ ногиронлиги бўлганлар учун: ногиронликни ва тиббий муолажа эҳтиёжини тасдиқловчи ҳужжатлар
Қарамоғида ногирон фарзанди борлар учун: фарзанднинг ногиронлиги ҳақида тасдиқловчи ҳужжатлар

🕒 Берилиш тартиби: бир марта

📝 Эслатма: Ҳужжатлар асосан идоралараро электрон ҳамкорлик орқали олинади

Имкон бўлмаган ҳолларда тегишли ҳужжатлар шахсан сўраб олинади.

      @Huquqshunos_yordami

      Савол юбориш учун 👇👇

      @Online_maslaxatchii

❗️ Ҳозирги кунда Ўзбекистон ҳудудида:

🔹меҳнатга ҳақ тўлашнинг энг кам миқдори – 1 271 000 сўм;

🔹базавий ҳисоблаш миқдори – 412 000 сўм;

🔹пенсияни ҳисоблашнинг базавий миқдори – 471 000 сўм;

🔹ёшга доир энг кам пенсия – 918 000 сўм;

🔹ногиронлик пенсиялари, жумладан иш стажи тўлиқ бўлмаган чоғдаги ногиронлик пенсиясининг энг кам миқдори – 1 012 000 сўм;

🔹меҳнатга лаёқатсиз фуқароларга бериладиган ногиронлик нафақаси ва болаликдан ногиронлиги бўлган шахсларга бериладиган нафақа – 1 012 000 сўм;

🔹белгиланган ёшга доир энг кам пенсия миқдоридан (918 000 сўмдан) 1 012 000 сўмгача пенсия олувчиларнинг ёшга доир пенсиялари – 1 012 000 сўм;

🔹зарур иш стажига эга бўлмаган кекса ёшдаги фуқароларга бериладиган нафақа – 820 000 сўм;

🔹иш стажи тўлиқ бўлмаган чоғдаги ёшга доир пенсиянинг энг кам миқдори қўшимча тўловни ҳисобга олган ҳолда – 820 000 сўм.

      @Huquqshunos_yordami

      Савол юбориш учун 👇👇

      @Online_maslaxatchii

⚡️Talabalar turar joyi uchun ariza yuborish jarayonlari 1-avgustdan boshlandi!

Vazirlar Mahkamasining 376-son qarori (14.08.2023-y.) bilan tasdiqlangan reglamentga asosan 1-avgustdan boshlab talabalar arizalarini my.gov.uz portali orqali yuborishlari mumkin.

Reglamentga muvofiq dastlab imtiyoz va ustuvorliklarga ega talabgorlar talabalar turar joylariga qabul qilinadi.

Shundan so‘ng, umumiy ro‘yxatdagi talabalar uchun yotoqxonada ortib qolgan o‘rinlar soniga nisbatan navbat asosida quyidagicha taqsimlanadi:
▪️1-kurs talabalari uchun 55 — 65 foiz;
▪️2-kurs talabalari uchun 15 — 20 foiz;
▪️3-kurs va undan yuqori kurs talabalari uchun 20 — 25 foizgacha ajratiladi.

Arizalar qabuli 1-avgustdan boshlab o‘quv yili yakuniga qadar davom etadi.

❗️Ma’lumot uchun, 2025/2026-o‘quv yilida OTM 1-bosqichiga tavsiya etilgan abituriyentlar yakuniy natija chiqqandan so‘ng ariza yuborishlari mumkin bo‘ladi. Ular uchun ham joylar yuqoridagi tartib asosida ajratiladi.

@Huquqshunos_yordami

❓Мактаблар, бошқармалар ва вазирлик раҳбарияти таълим муассасалари ходимларини мажбурий равишда ижтимоий тармоқлардаги каналларга обуна бўлишга мажбурлаш ҳуқуқига эгами?

Cавол❓Масала қуйидагичадир: мактаблар, бошқармалар ва вазирлик раҳбарияти таълим муассасалари ходимларини мажбурий равишда Телеграм, Ютуб, Инстаграм, Фейсбук каби ижтимоий тармоқлардаги каналларга обуна бўлишга мажбурлаш ҳуқуқига эгами? Ахир, мазкур платформалардаги раҳбарият ўзгаргани муносабати билан биз ушбу каналларга бир неча бор обуна бўлганмиз. Бу талаб фуқароларнинг ахборот платформалари ва каналларини ўз хоҳишига кўра танлаш ҳуқуқини бузиш эмасми?

ҲУҚУҚШУНОС ЖАВОБИ: Меҳнат кодексига мувофиқ ходимларни уларнинг ёзма розилигисиз, жумладан шундай розилик беришга мажбур қилинган ҳолда иш ҳақидан обуна, коммунал тўловлар ва бошқалар учун ушлаб қолиш қонунга зид ҳисобланади.

Шунингдек, Ўзбекистон Республикаси Президентининг 2018 йил 14 августдаги ПҚ-3907-сонли қарорига мувофиқ халқ таълими ходимларини хизмат мажбурияти билан боғлиқ бўлмаган ишларга, уларнинг касбий фаолияти билан боғлиқ бўлмаган йиғилишлар ва бошқа тадбирларга жалб қилиш, уларнинг босма нашрларга ва ижтимоий тармоқлардаги каналларга мажбуран обуна бўлишини ташкил этиш тақиқланган.

Шундай вазиятларда иш берувчининг ҳаракатлари устидан туман прокуратурасига шикоят қилишингиз мумкин.

Ҳодим Ўзбекистон Республикасида тақиқланмаган истаган ижтимоий тармоқлардаги каналларга обуна бўлиши мумкин.


      @Huquqshunos_yordami

      Савол юбориш учун 👇👇

      @Online_maslaxatchii

⚡️ Tanlov ustuvorligini belgilashda e’tiborli bo‘ling!

👨‍💻Abituriyentlar onlayn ro'yxatdan o'tganda ta’lim yo‘nalishlarini tanlash bilan birga tanlov ustuvorligini ham belgilaydi.

✅Bunda 2 ta tanlov ustuvorligi mavjud bo‘lib, abituriyent ustuvorlik sifatida:

⏺“Davlat granti”ni tanlasa — tanlagan barcha ta’lim yo‘nalishlarida dastlab davlat granti, so‘ngra to‘lov-kontrakt asosida;

⏺ “Ta’lim yo‘nalishi”ni tanlasa — har bir ta’lim yo‘nalishida davlat granti va to‘lov-kontrakt asosida ketma-ket tanlovda ishtirok etadi.

👆 Yuqoridagi rasmda ularning aniq mexanizmi ko‘rsatilgan.

💬 Tanlov abituriyent tanlagan ta’lim yo‘nalishlarining qat’iy ketma-ketligi bo‘yicha u tanlagan ustuvorlik asosida amalga oshiriladi.

      @Huquqshunos_yordami

      Savol yuborish uchun 👇👇

      @Online_maslaxatchii

❓”Декрет”га кетган ходимнинг иш ўрни (лавозими) қанча муддатгача сақланади?

Caвол❓Мен ўриндош бўлиб ишга киргандим. Мен ўрнига кирган ходим туғруқ таътилига чиққан. Яқинда улар оилавий Греeн Чард ютиб олишди. Яқинда Америкага учиб кетишади. Саволим: бошқа давлатнинг фуқаролигини олиб туриб ҳам 3 йилдан сўнг ўз ишига қайтмоқчи бўлса, иш ўрни сақланадими? Мен ўриндошлигимча қолиб, қайтмоқчи бўлган вақтида бўшатиб бераманми?

ҲУҚУҚШУНОС ЖАВОБИ: Меҳнат кодексининг 405-моддаси 5-қисмига асосан, Болани парваришлаш таътиллари даврида ходимнинг иш жойи (лавозими) сақланади. Бу таътилларнинг кўпи билан олти йили меҳнат стажига қўшилади, шу жумладан мутахассислиги бўйича иш стажига ҳам қўшиб ҳисобланади.

Юқоридаги қоидага асосан, бола парваришлаш таътилида бўлган ходимнинг ўрни фарзанди 3 ёшга тўлгунига қадар сақланади. Агар ходим фарзанди 3 ёшга тўлгандан сўнг ишга қайтмаса, иш берувчи ходим билан тузилган меҳнат шартномасини бекор қилади.

Агар ходим фарзанди 3 ёшга тўлгунига қадар ишга қайтса, сиз билан тузилган меҳнат шартномаси бекор қилинади. Ходимнинг ўрнини бўшатиб беришиз керак бўлади.

      @Huquqshunos_yordami

      Савол юбориш учун 👇👇

      @Online_maslaxatchii