"Sizni yaxshi koʻraman"

🙂 Farzandingizga yaxshi koʻrishingizni tez-tez aytasizmi? Ular-chi, sizga boʻlgan mehrini ifoda etib turadimi?

Gʻiyosiddin Yusufning "Ota-onamni yaxshi koʻraman" kitobi – maktab yoshidagi bolajonlarimiz uchun.

🩷 Kichkintoylarni hayotga, yaqinlariga muhabbatli, atrofdagilarga eʼtiborli qilib tarbiyalashga xizmat qiladigan mazkur qoʻllanmani "Qamar"dan topasiz.

• Muqovasi – yumshoq;
• Sahifa – 95 bet;
• Narxi – 21.000 soʻm.

⚪️ Do‘konimiz ta’mirlanayotgani sababli, barcha kitoblarni onlayn tarzda sotib olishingiz mumkin!

🚗 Viloyatlar bo‘ylab pochta ofislarigacha yetkazib berish 15.000 so‘mdan.
‌
Xarid qilish uchun:
✍ @qamar_delivery
+998712037004
+998998454400

🧠 Bolalar xotirasini rivojlantiruvchi o‘yinlar

🔶 “Shkafchalar”
Bir nechta gugurt qutichalaridan “shkafcha” yasang. Kichik o‘yinchoqni bola ko‘rib turganida qutichalardan biriga yashiring. Bir necha soniyaga olib qo‘yib, qayta ko‘rsating. Bola o‘yinchoq qaysi qutida ekanini topishi kerak.

🔶 “Nima yo‘qoldi?”
Stolga bir nechta predmet yoki rasm qo‘ying. Bola ularni ko‘rib chiqadi, keyin ortga o‘girilib turadi. Siz bitta predmetni olib tashlaysiz. Bola qaysi predmet yo‘qligini aytadi.

🔶 “Nima o‘zgardi?”
Stolga bir nechta o‘yinchoq qo‘ying. Bola ularni yodlab oladi. U o‘girilgach, o‘yinchoqlar joyini almashtiring yoki bitta yangi o‘yinchoq qo‘shing. Bola o‘zgarishni topishi kerak.

🔶 “Rassom”
Bola “rassom” bo‘ladi. U avval odam yoki o‘yinchoqni diqqat bilan kuzatadi, keyin ortga o‘girilib, uni so‘z orqali tasvirlab beradi.

🔶 “Eslab ayt”
• 1-variant: Bolaga ketma-ket raqamlar ayting, u ularni qayta aytadi. Raqamlar soni asta-sekin oshadi.
• 2-variant: 4–10 ta so‘z ayting, bola ularni qaytaradi.
• 3-variant: Raqam yoki so‘zlarni aralash tartibda ayting, bola ularni teskari tartibda aytadi.

🔶 “Harakat zanjiri”
Bola bir nechta ketma-ket vazifani bajaradi. Masalan: “Shkaf yoniga bor, kitobni ol, stol ustiga qo‘y".

#tarjima #oyin

@GiyosiddinYusuf

"Sevdirib tarbiyalang" kitobini nega yozdim?

Hozirgi kunda ko'pchilik ijtimoiy tarmoqdagi qisqa matnlarni o'qishga odatlanib qolgan, uzunroq matnga toqat qila olmaymiz. Shuning uchun avvalroq qisqa tavsiyalar, tarjimalardan iborat qilib "Tarbiya-chi?" kitobini yozgan edim. Alhamdulillah, bu kitob juda yaxshi qabul qilindi.

Oradan vaqt o'tishi bilan tarbiyaga doir yana shunday qisqa tavsiyalar, tarjimalar yig'ilib qoldi va ayni "Tarbiya-chi?" kitobining uslubida "Sevdirib tarbiyalang" kitobini yozdim.

Kitobdagi tavsiyalar ko'proq ota-onani mehr bilan tarbiya qilishga, baqir-chaqir, janjallarsiz tarbiya qilishga chorlagani uchun kitobga "Sevdirib tarbiyalang" deb nom berdik.

Kitob oila qurish arafasida bo'lgan yoshlar hamda har bir ota-ona uchun tavsiya qilinadi.

Kitobni xarid qilish

#Sevdirib #Tanishuv

@GiyosiddinYusuf

Ilk kitobimni nashrga berayotganimda Ziyovuddin Rahim domladan maslahat so‘raganman. Shundan beri domladan ko‘p narsalar o‘rganib kelyapman. Ba’zida maslahat so‘rab turaman, ba’zan o‘zlari taklif beradilar.

Yaqinda bolalar uchun kitoblarimda rasmlarga milliy ruh berish kerakligini aytgan edilar. Bu narsa e’tiborimdan chetda qolgan ekan, shuning uchun taklifni xursandchilik bilan qabul qildik va "Ota-onamni yaxshi ko‘raman" kitobimning qayta nashrida rasmlarni o‘zgartiryapmiz.

#ijod

@GiyosiddinYusuf

⏺Biz telefonga termilganimiz kabi kitobga termilsak edi, oramizda olim bo'lmagan kishi qolmas edi!

#Kitob

@GiyosiddinYusuf

Mehringizni ko‘rsating

Bolaga mehr berish faqat g‘amxo‘rlik bilan cheklanmasligi kerak. Uni quchoqlash, yuzidan o‘pish, sochlarini silash, yonida turib “Men seni yaxshi ko‘raman” deyish — bular bolaning qalbini sururga to‘ldiradigan eng oddiy, lekin ulkan hislardir.

100 ming nafar bola ishtirokida o‘tkazilgan tadqiqot shuni ko‘rsatdiki, ota-onalarning atigi 1 foizi farzandiga muntazam ravishda bu so‘zlarni aytadi. Bizga go‘yo parvarish qilishning o‘zi yetarli bo‘lgandek tuyuladi. Ammo shoshqaloqlikda shu uch so‘zning nechog‘li muhimligini unutamiz.

Bu oddiy ibora hayotda hammasi joyida ekanining, seni har doim yaxshi ko'rishlarining ramzidir. Har bir bola — har bir inson — suhbatga, eshitilishga muhtojdir. Muhimi, bu suhbat ota-onaning uzun nasihatlariga aylanib ketmasin. Bu haqiqiy dialog bo‘lsin. Shu maqsadda kamina "Bolamni yaxshi ko'raman" kitobimda bola bilan samimiy suhbatlashish uchun ellikta savol keltirganman. Savollarning javobi "Ha" yoki "Yo‘q" deyish bilan cheklanmaydi. Ana shunday savollar farzandingizning qalbini ochishga, fikrini bemalol aytishiga yordam beradi.

#tarbiya

@GiyosiddinYusuf

Qaysi soha vakili bo‘lsangiz ham shoshilinchda kamchilik qoldirib ish qilishdan saqlaning. Undan ko‘ra o‘sha ishni qilmang — aynan sizga qildirish zarur bo‘lsa, ish beruvchilar vaqtini uzaytirib berishadi. Bir martalik emas, doimiy mijoz orttirishga harakat qiling.

#hayotiy_saboq

@GiyosiddinYusuf

"Sevdirib tarbiyalang" kitobi kimlar uchun?

Avvalo, bu kitob kattalar uchun ekanini eslatamiz. Bolalar o'qib, menga unday muomala qilishingiz kerak ekan, bunday muomala qilishingiz kerak ekan deb qolmasin. )

Kitobni oila qurish arafasidagi yoshlar va farzandli har bir ota-ona o'qib manfaat olishi mumkin.

"Sevdirib tarbiyalang" kitobining tarbiyaga oid boshqa kitoblardan farqi shundaki, unda faqatgina farzand tarbiyasiga oid ma'lumotlar emas, bolani parvarish qilishga doir ma'lumotlar ham berilgan. Tarbiyaga doir ma'lumotlardan baqir-chaqirlarsiz, urish-janjallarsiz bola katta qilish haqida o'rganishingiz mumkin.

Kitobni xarid qilish

#Sevdirib #Tanishuv

@GiyosiddinYusuf

«Лопесга кўрсатган бағрикенглигимизни диндор аёлларимизга ҳам кўрсатайлик» – Алишер Қодиров

«Миллий тикланиш» партияси раҳбари Ўзбекистон дунёвий давлат экани тортишиладиган мавзу эмаслигини таъкидлаш билан бирга аёлларни паспортга рўмолини ечиб тушишга мажбурлашни тўхтатишга чақирди. «Лопесга қандай кийинишни ўргатмаганимиздек эътиқодли аёлларимизга рўмолни қандай ўрашни ўргатмайлик», – деди у.

👉 https://kun.uz/kr/73157091

Kun.uz расмий канали

Kechinmalar

Hozir sizga bir tavsiya bersam, "Bunga vaqt qayoqda?!" deyishingiz mumkin. Lekin har kuni deyarli barchamiz soatlab vaqtimizni ijtimoiy tarmoqni shunchaki "Nima yangiliklar ekan?" deb kuzatmasdan, 5-10 daqiqa shu tavsiyaga amal qilishga vaqt ajratsak, yillar o'tib bebaho xazinaga ega bo'lishimiz mumkin.

Xo'sh, tavsiya shuki, haftada bir marta bo'lsa ham farzandlaringizga doir xotiralar, kechinmalardan qisqa-qisqa yozib boring. Yoki kelajakdagi o'g'lingiz/qizingizga bugungi amallaridan kelib chiqib maktub yozing.

Tasavvur qiling, oradan 15 yil o'tib, u bu haqida o'qiganda qanday hissiyotlarni tuyamiz. Hatto biz o'tib ketsak ham unga bu bebaho esdalik bo'lib qoladi.

Albatta, bu ish imkonsiz emas. Hatto har kun farzandi haqida yozib boradiganlar bor. Masalan, do'stimiz Doniyorbek Nasriddinov oilasi bilan har kuni farzandlariga doir qisqa bir taassurotlarini yozib qo'yishlarini aytgan edilar.

Balki shuning uchun Doniyorbek xabarlarimga qarash uchun vaqt topmasmikan-a? )

#tarbiya

@GiyosiddinYusuf

Namangandagi Najot Ta’lim maktabiga qabul boshlanganini ma’lum qilamiz

Maktabda millatni yaxshi ko’radigan, ertanggi kun uchun aniq maqsadlar qo’ygan , axloqiy tarbiyaga ega bolalarni tarbiyalashni maqsad qildik.

Najot Ta’lim maktabida 3ta xorijiy til, aniq fanlar, AyTi va robototexnika chuqurlashtirib o’rgatiladi.

Bundan tashqari maktabda 3 mahal vitaminga boy taomlar beriladi. Kunlik taom menyusi va farzandingizda qanday o’zgarishlar bo’layotganini maxsus ota- onalar ilovasida ko’rib borishingiz mumkin.

Farzandingizni Najot Ta’lim maktabida o'qitishni istasangiz, quyidagi havola orqali ro'yxatdan o'ting

👉 Ro'yxatdan o'tish

📞 78-777-1234 | maktab.najottalim.uz

Farzand tarbiyasi uchun:

• Onasiga yaxshi munosabatda bo‘ling;
• Bahs-munozaralarni bolalar oldida qilmang;
• Onasini asabiylashtirmang — bolalardan alamini olmasin;
• Siz ham bolalar tarbiyasi bilan shug'ullaning, faqat onasiga tashlab qo‘ymang.

#Erkaklar #tarbiya

@GiyosiddinYusuf

Bola professional sportchidan ko‘ra chidamliroq

Ko‘p onalar hayron qoladi: “Qayerdan shuncha kuch oladi bu bola?” deb. Chunki bolalar soatlab yuguradi, sakraydi, o‘ynaydi — charchash nimaligini bilmaydi. Olimlar esa bu holatni tajriba orqali tasdiqlashdi.

Tadqiqotda o‘smir bolalar, oddiy kattalar va professional yengil atletikachilar ishtirok etdi. Ularning barchasiga bir xil mashqlar bajarish taklif qilindi. Natijada eng yoshlari — bolalar — jismoniy zo‘riqishni eng yengil ko‘targan. Eng ajablanarlisi, ular mashqdan keyin professional sportchilardan ham tezroq tiklana olgan.

Shunday ekan, bola doimo harakatda bo‘lishi tabiiy. Uni “o‘tir”, “jim tur” deb tiyishga urinish emas, harakatini to'g‘ri tomonga yo‘naltirish kerak.

#tarjima #tarbiya

@GiyosiddinYusuf

O`rgana olmasa...

Agar bolalar biz o'rgatgan usulda o'rgana olmasa, biz bolalar o'rgana oladigan usulni o'rganishimiz kerak.

Bolalar ko'p narsani bilmaydi, tushunmaydi deya ko'pchilik ota-onalar xato fikrlashadi...

Farzand tarbiyasiga doir ilmlarni o'rganish har bir ota-ona uchun zaruratdir. Kimlardir bilganicha, kimlardir bilmasdan bolasiga tarbiya berib kelmoqda. Ba`zilar esa tarbiya berish kerakligini ham bilmaydi.

"Tarbiya-chi?" kitobidan siz bola tarbiyasiga oid eng zarur bilimlarni olishingiz mumkin.

• Narxi -33.000 so’m
• Muqovasi - qattiq
• Sahifa - 204 bet

🛍 Bu<i>yurtma uchun: @zumar_delivery

📍 Manzilimiz: Toshkent, Chilonzor tumani, Chilonzor massivi, 5-kvartal, 24-uy.

Onaning qo‘llarini sevuvchi bolajonlar

Yangi tug‘ilgan chaqaloqni ko‘p quchoqlab yurish bilan uni “qo‘lga o‘rgatib qo'yasan” degan gaplar bor.

Aslida bu — mutlaqo noto‘g‘ri qarash. Ayniqsa, 3 oygacha bo‘lgan bolalarda qo'lda olib yurishga o‘rganib qolish degan narsa yo‘q.

Bu yoshdagi go‘daklar uchun eng tinchlantiruvchi narsa onaning hidi va mehridir. Aynan shuning uchun chaqaloqni tez-tez quchoqlash, erkalash, bag‘ringizga bosish juda muhim. Ular onasining bag‘rini juda yaxshi sezadi va onasining bag'rida o‘zini xavfsiz his qiladi.

Shuning uchun, qadrli onalar, bolangizni mehringizdan ayamang — u bunga juda muhtoj.

#tarbiya #tarjima

@GiyosiddinYusuf

Instagramdagi bir videom ostida birov "Bekoringizni aytibsiz!" deb yozibdi. "Siz ham!" dedim. 🫢

#Tabassum

@GiyosiddinYusuf

Shu kitobni o'qiyapman. Kerakli mavzu, foydali gaplar yozilgan, lekin mening uslubimga teskari ekan. Ya'ni 10-15 bet o'qib, 2-3 ta gapni xulosa qilasiz. Shu jihatdan ancha zerikarli ekan. Ilmiy atamalar, murakkab jumlalar ancha.

Shu mavzuda ommabop kitob yozish kerak deb o'ylab qoldim.

#Mutolaa2025

@GiyosiddinYusuf

ZAMONAVIY TARBIYA

Bugungi bolalar axborotga chanqoq. Shuning uchun ular planshet, telefon, noutbukka intiladi. Kattalar uchun bu qulay: bola jimgina ekranga termulib o‘tiradi, ishlarini bitirib olishadi. Ammo aynan 2–3 yoshli bolalarda bu holat tezda odatga aylanadi. Rivojlanish o‘rniga qaramlik paydo bo‘ladi.

Asl muammo shundaki, bu axborotlar ularga juda oson kelmoqda. Oson kelgan narsa esa qadrsiz bo‘ladi. Shunday ekan, dunyo kengayish o‘rniga toraymoqda. Eng yomoni, bu qanday dunyo? Virtual. Demak, haqiqiy hayotdan yiroq.

Ilmning qadri nimada edi ilgari? Bilim topish mushkul edi. Kitob izlab kutubxonaga borish, yuzlab sahifalarni varaqlab, fikrni o‘rganish kerak edi. Bugun esa bola bir necha marta bossa, hammasi tayyor bo‘lib chiqadi. Ammo bu tayyorlikning ichida izlanish yo‘q, his yo‘q, qadr yo‘q.

Shuning uchun planshet emas, siz bo‘lishingiz kerak bolangizning eng qiziqarli va ishonchli axborot manbasi. Eng muhim “tarmoq” — bu sizning mehringiz, so‘zlaringiz, hayotingiz.

#tarjima #tarbiya

@GiyosiddinYusuf

"Asliyat" nomli yangi podkast tashkil qilinibdi. Shunda tarbiya mavzusida suhbatlashdik. Shuningdek, orada oila qurish, oilaviy munosabatlar mavzularida ham so'z bordi.

📸 Videoni ko'rish: https://youtu.be/l6o3oxMfPMM?si=Mf2zvvThinAHxLKL

@GiyosiddinYusuf

Nega chet tillarini o'rganish kerak?

Javohir Izzatulloh yoshligidan ko'plab yutuqlarga erishib kelayotgan do'stlarimizdan biridir. Alloh ziyoda qilsin, bugungi kunda ham muvaffaqiyat zinalaridan birma-bir yuqorilab bormoqdalar.

Do'stimiz ingliz tili bo'yicha ustoz, til targ'ibotchisi, ta'lim sohasida bir necha yillik tajribaga ega bo'lganlari sababli u kishi bilan Robbit akademiyasi uchun bolalarga ingliz tilini o'rgatish mavzusida suhbat qilibdilar.

Suhbatda ingliz tilini o'rganishning ahamiyati, zarurati, oliy ta'lim, o'rta ta'lim mavzularida atroflicha so'z yuritilibdi. Temurbek Adhamov yaxshi suhbatdosh va suhbatdosh tanlashni bilishi yana bir bor ko'rindi.

Farzandlarining ta'limiga, ularga xotijiy tillarni o'rgatishga befarq bo'lmagan ota-onalarga suhbatni ko'rishni tavsiya qilaman.

📸 Video uchun havola: https://youtu.be/M1h-X3pnCk0

#Suhbat

@GiyosiddinYusuf

FARZANDINGIZNI TINGLANG

Har bir bola eshitilishi va tushunilishini his qilishi kerak. Hatto oilada yettita farzand bo‘lsa ham, har birining ota-onasi bilan alohida gaplashish uchun vaqti bo‘lishi kerak — hech bo‘lmaganda haftasiga bir soat. Bu vaqt faqat unga atalgan bo‘lishi, o‘sha daqiqalarda ona butun e’tiborini faqat unga qaratgan bo‘lishi zarur.

Buni “onalar soati” deb atang yoki “dadam bilan uchrashuv” — farqi yo‘q. Muhimi, bu orqali bola shuni o‘rganadi: “Men istagan paytim gaplashsam bo‘ladi, onam/dadam meni tinglaydi, maslahat beradi”. Va bu odat albatta o‘smirlik davrida ham saqlanib qolishi kerak.

Bolani tinglayotganda hech qachon bir qo‘l bilan ovqat pishirib, ikkinchi qo‘l bilan kir yuvib, quloq bilan esa yangilik eshitib turmang. Chunki siz bola bilan orqangizni o‘girib gaplashsangiz, bu uning dardlariga ham yuz o‘girish bo‘ladi. Har doim uning ko‘ziga qarang, yonida o‘tirib, u bilan barobar bo‘ling. Tepasidan egilib gapirmang, bosim o‘tkazmang.

Qanday holatda bo‘lsa ham, ko‘z bilan bog‘lanish ishonchni mustahkamlaydi, o‘zini xavfsiz his qilishga yordam beradi.

Farzandingizning xatti-harakatini baholang, lekin shaxsini emas. Har bir bola xatoga yo‘l qo‘yishi mumkin — axir tajriba shunday orttiriladi.

#tarbiya

@GiyosiddinYusuf

Kitobning muqovasida muallifning ismi yoziladi, lekin...

Lekin bu kitob ortida o'nlab fidokorlarning mehnati, xizmati singgan bo'ladi. Avvalo, oila — eng katta fidoiylar. Izohga hojat yo'q, menimcha.

Ijodkor uchun moliyaviy tirgak, qo'llab-quvvatlov juda zarur — taxminan, 5-10 yil — ishlar iziga tushguncha. Kimdir ijarasiga, kimdir yashashiga, kimdir kitob chop qilishiga ko'mak beradi (berishi kerak). Ular ham "sahna ortidagi" ko'rinmas qahramonlardir. Zotan, "uyida uni yo'qdan savol so'rama" deganlaridek, moliyaviy xotirjamliksiz ijod qilish juda qiyin.

Ustozlar, do'stlar ma'naviy ko'makchilardir: dalda, maslahat, turtki beradi. Xususan, bugungi kunda kitoblar tarqalishiga, targ'ibotiga hissa qo'shadigan do'stlar ham ijodkor uchun juda muhimdir.

Sodiq muxlislar, kitobxonlar hammasidan muhimi! Siz o'qiysizki, biz yozamiz. Siz o'qiysizki, biz kitob nashr qilamiz. Muqovada nomimiz savlat to'kib turgani bilan siz o'qimasangiz, hammasi bekor. Aslida muqovada "Kitobxonlar uchun yozildi!" desak munosib edi.

Yana kitobni nashrga tayyorlashda muharrir, musahhih, dizayner, sahifalovchi, texnik muharrir, muqova dizayneri, rassom, bosmaxona ishchilari va boshqa bir qancha jonkuyar xodimlar ham borki, ular bo'lmasa, kitoblar sizga yetib bormas edi.

Barchangizga samimiy tashakkur, azizlar! Alloh sizlardan rozi bo'lsin! Kitoblarga biz ramziy ma'noda muallifmiz, aslida, u hammamizniki!

#Tashakkur

@GiyosiddinYusuf

🎓 Туркияда ўқишни хоҳлайсизми?
🇹🇷 Карабук университети — бу сиз излаётган имконият бўлиши мумкин!

Ушбу кўрсатувимизда:
✅ Ректор ва деканлар билан эксклюзив суҳбатлар
✅ Талабалар учун яратилган шароитлар
✅ Ўқиш, яшаш ва стипендия имкониятлари
✅ Халқаро талабалар учун қабул шартлари

🎥 Туркиянинг нуфузли университетларидан бири, юздан ортиқ давлатлардан халқаро талабалар, жумладан, тўрт юзга яқин Ўзбекистонлик талабаларни ўзида жамлаган илмий маскан — Карабук университети ҳақида барча саволларга жавоб шу видеода!

https://youtu.be/ugEzlQukKS8

Mualliflik huquqi masalasida ba’zilar boshqacha qarashda bo‘lsa-da, ehtiyotan, birovning haqqiga tajovuz bo‘lmasligi uchun unga rioya qilish kerak deb o‘ylayman. Xususan, birovning kitobini ruxsatsiz elektron/audio shaklda tarqatmaslik yoki ruxsatsiz tarjima qilmaslik avlodir.

Shuningdek, bunday ishlarni qiluvchilarni qo‘llab-quvvatlamaslik, targ‘ib qilmaslik tarafdoriman. Masalan, telegramda ko‘plab audio/elektron kitoblar kanallari bor. Ular bu ishni ruxsatsiz qilayotgan bo‘lsa, ulardan foydalanmaslik, targ‘ib qilmaslik afzal, menimcha.

#Mulohaza

@GiyosiddinYusuf