Ўзбекистонда сифатли сервис яратиш — тадбиркор учун энг оғриқли ва чарчатадиган жараёнлардан бири. Бу муаммонинг илдизи чуқур: кадрлар савиясидан тортиб, умумий иш маданиятигача.

Кўпчилик "нарх, тезлик ва сифат" учбурчагида адашиб қолади. Ҳамёнбоп, тезкор ва айни пайтда юқори сифатли хизмат кўрсатиш деярли имконсиз вазифа. Учбурчакнинг икки томонини танласангиз, учинчиси доим "оқсайди".

Бу ботқоқликдан чиқишнинг ягона йўли "кайзен"дек кўринади. Лекин, ўрта ва катта бизнесда ўша ўзгаришларни кўриб биладиган, уни амалга ҳам ошириб биладиган, нархи ўз малакасидаги шартли Россиялик ёки Қозоғистонлик мутахассисдан қиммат бўлмаган топ менежер топишнинг ўзи катта муаммо.

Сифатли хизмат — "спринт" эмас, бу — марафон. Бу — тезкор натижа кутмасдан, ҳар куни, ҳар ҳафта тинимсиз равишда жараёнларни 1%га бўлса-да яхшилаб бориш демакдир. Бу — йиллар давомида тўғри жамоани шакллантириш, ходимларни ушлаб қолиш, ҳар бир ходим онгига сифат стандартини сингдириш ва хатоларни дарҳол тузатадиган назорат тизимини яратиш.

Бу жуда секин, асабни эговлайдиган ва қиммат йўл. Лекин Ўзбекистон шароитида барқарор ва сифатли сервис қуришнинг бундан бошқа самарали усули, афсуски, ҳозирча кўринмайди.


PS: Пост ижтимоий тармоқда мижознинг ҳақорат аралаш ёзилган навбатдаги постидан кейин ёзилди.

PS2: Asaxiy мингта буюртмага тўғри келадиган муаммолар камлиги бўйича Ўзбекистонда топ брендлардан бири эканлигига, 11 йилда шаклланган тизим сифатига ишонаман. Лекин, олдинда сифат масаласида жуда кўп ишимиз бор.

#servis #biznes

Muammolarga yechim beradigan biznes-roman!

#kitob

Бугун Марказий банк ташкиллаштирган "Банк ва маърифат" форумида қатнашдим. Форумда соҳа ривожи учун фойдали бўлган ўнта китоб таржимасини эълон қилишди. "Молиявий билимлар" лойиҳаси доирасида таржима қилинадиган ўнта китобдан иккитасини бизни нашриётга буюртма қиладиган бўлишди. Умид қиламан, фойдали бўлади.

Ундан ташқари, нашриётлар ва банклар ўртасида ҳамкорлик масаласида меморандум имзоланди. Биз ҳам "Халқ банки" билан меморандум имзоладик. Биз банк билан шундоқ ҳам ҳамкормиз. Меморандум шу ҳамкорлик доирасида қилинадиган ишларни янги даражага олиб чиқиш, фокусни нималарга қаратиш ҳақида бўлди.

Шу муносабат билан сизга "Халқ банки" билан ҳамкорлигимиз қандай бошланганини ва нима натижаларга олиб келганлигини айтиб бермоқчи эдим. Ҳамкорлигимиз ҳақида турли хил гап сўзларни айтиб кўришди, лекин аслида вазиятни бошидан кўрган, ҳатто банкка алоқаси йўқ етарлича гувоҳлар бор.

Ҳаммаси "Банк 4.0" китоби билан бошланди. 2021 йили офисимизга соҳадаги катта блогерлардан бири Исмоил ака (bankers_uz) ва бир банкнинг матбуот котиби келиб, китоб ҳақида айтиб беришди. Банк китобни молиялаштиришга тайёр эди. Китобни ўқиб чиқдим ва ҳам бугунги банкирлар, ҳам бўлажак банкирлар учун қанчалик муҳимлигини англадим. Китобни таржима қиладиган бўлдик. Лекин, нариги банк раҳбариятида ўзгаришлар бўлди ва ҳаммаси орқага қолди. Биз маркетинг жамоаси билан бирма-бир Республиканинг катта банкларига мурожаат қилдик. Энг йирик банклардан бирининг раиси ўринбосари китобхон одам экан, жуда қизиқди ва музокаралар анча давом этди, банк раиси ҳам розилик билдирди. Ҳаммаси келишиб бўлиниб, банк раисига имзога олиб кирилганда, нимагадир лойиха бекор қилинди. Ундан кейин яна бир нечта банкка мурожаат қилдик, афсуски фойдасиз бўлди.

Шу билан умидни узиб, бу масалага қайтмадик. 2023 йил китоб бозори учун, айниқча биз учун оғир келди. Асосий бизнесимизга катта рақобатчи пайдо бўлган, катта ўзгаришлар (харажат ҳам) қилиш зарур, ундан ошириб, катта миқдорда китобга инвестиция килолмаймиз. Лойиҳа босмахоналар, муаллифлардан қарзга ботган, маошлар кечикиши қийнаб қўйган бир даврлар эди. Бу руҳиятга ҳам таъсир қилган, “Asaxiy Books” масаласида одам пессимистик ҳолатда эди. Ўша вазиятда бир спортчи билан банклардан бири 100 000 АҚШ долларига шартнома қилганлиги ҳақида янгилик айланди. Спортга пул бор, лекин китобга ҳеч ким эътибор қилмайди деб бироз нолиб телеграмда пост ёздим. Шу постдан кейин манга банк раиси Шуҳрат аканинг ўзлари алоқага чиқиб, келинг бир дардингизни эшитайлик деб қолишди. Унгача ҳам жуда кўп ташкилотлар нима қилайлик деб чақириб, масала пиар учун расмга тушишдан ошмаган учун унча жиддий ўйламагандим ҳам. Очиғи нима таклиф билан боришни ҳам билмасдим. Битта “Банк 4.0” китоби нари борса 100-150 миллион сўм пул олиб келади, бу бўлса лойиҳани давом эттиришга катта рол ўйнамайди.

Лекин бизда ижтимоий фойдали, аллақачон миллионлаб зиёли китобхон аудиторияга эга лойиҳа бор эди. Шу учун ҳам маркетинг шартномаси таклифи билан бордик ва банк раҳбарияти ҳам бизни қўллаб-қувватлади. Ўша вақтда келишувдан келган пул қарзларни деярли ёпди ва бу худди тузалиш учун қуйилган янги қон ролини бажариб берди.

Натижа энг муҳими десак, Халқ банки кўмагидан кейинги икки йилди “Asaxiy Books” бир эмас, уч маротабага кенгайди. Иккита янги редакция, болалар адабиёти ва Asaxiy Pro редакциялари очилди, биргаликда 42та китобни чоп этдик, миллионлаб китоблар ўқувчи қўлига етиб борди. Муҳими, мана 2 йилдирки китобларнинг ўртача нархини деярли оширмасдан ушлаб туриммиз.

Ҳозир ҳам ҳамкорлигимиз давом этмоқда. Халқ банки кўмаги ҳар бир янги китобнинг 20 % атрофида харажатини қоплаб беради. Бу бизга сезиларли ёрдам, банкка бўлса китобхон, зиёли аудиторияга етиб бориши имкони.

Бу учун бутун банк жамоасидан чин кўнгилдан миннатдорман.

#kitob #bank

BMB AGRO PLUS “яшил энергетика”дан унумли фойдалана бошлади

Ўзбекистонда энергия тежамкор технологияларни жорий этиш ва қайта тикланувчи энергия манбаларидан самарали фойдаланиш ишлари изчил давом этмоқда.

Президентнинг 2023 йил 16 февралдаги ПҚ–57-сон қарори ижроси доирасида BMB HOLDING тизимига кирувчи BMB AGRO PLUS корхонасида замонавий қуёш панеллари ўрнатилди. Бу ҳақда ҳолдинг ахборот хизмати хабар берди.

Қайд этилишича, ушбу ташаббус замирида экологик жиҳатдан тоза ҳудудларни шакллантириш ва “яшил энергетика“ тамойилларини жорий этиш каби мақсадлар ётади. Қолаверса, бу корхонанинг электр энергиясига бўлган эҳтиёжини мустақил таъминлаш имконини яратади. Ортиқча ишлаб чиқарилган энергия эса давлат электр тармоқларига сотилиши назарда тутилган.

Шундай қилиб, корхона фаолиятида муқобил энергия манбалари татбиқ этилиши нафақат иқтисодий жиҳатдан самарали, балки экологик барқарорликни таъминлашда ҳам муҳим ўрин эгаллайди.

Реклама

АҚШ доллари расмий курси 12 138 сўмгача (-61,04) пастлади.

#kurs
@allaevuzb

Audio kitob. "Katta o'yin. Ikki imperiya to'qnashuvi". 1-bob, 4-bo'lim

1. So'z boshi
2. Muqaddima
3. 1-bob, 1-bo'lim
4. 1-bob, 2-bo'lim
5. 1-bob, 3-bo'lim

Audio kitobni Hamza Jumayev o'qidilar.

Qog'oz kitobni xarid qilish: https://asaxiy.uz/product/piter-hopkirk-katta-uiin-ikki-imperiya-tuknashuvi

#audio #kitob

АҚШ доллари расмий курси 12 171 сўмгача (-86,10) пастлади.

#kurs
@allaevuzb

АҚШ Президенти Дональд Трамп "Truth Social" ижтимоий тармоғидаги саҳифасида қуйидаги постни ёзиб қолдирди:

"Шу ой бошида мен Ўзбекистон Президенти ҳурматли Шавкат Мирзиёев билан суҳбатлашган эдим. Бугун мен Президент Мирзиёевни "Boeing" билан УЛКАН битим имзолангани билан табриклайман! "Uzbekistan Airways" 8 миллиард доллардан ортиқ маблағ эвазига 22 та 787 Dreamliner самолётини харид қилади. Бу Қўшма Штатларда 35 000 дан ортиқ иш ўринларини яратади. Президент Мирзиёев - бир сўзли инсон ва биз бошқа кўплаб масалалар устида биргаликда ишлашда давом этамиз! Бу масалага эътиборингиз учун ташаккур".


Таъкидлаб ўтиш керакки, ҳозирда миллий Uzbekistan Airways авиакомпаниясида 7та Boeing 787 Dreamliner бор. Ҳаво йўллари Dreamliner га эга Марказий Осиёдаги ягона авиакомпания.

#prezident #aqsh

Айни дақиқаларда Тошкент дунёнинг ҳавоси энг ифлосланган шаҳри бўлиб турибди.
Ишончим комил, хоҳиш бўлса, бугунги бирдан кескин ифлосланиш сабабини топса бўлади.

#ekologiya

Bugun sog'liq va uzoq umr man uchun kun mavzusi bo'ldi. Ertalabdan bir klubda shu mavzu bo'yicha kitob muhokamasi bo'ldi.

Endi bo'lsa, mavzuga doir boshqa bir kitobning mualliflik huquqini qo'lga kiritdik. Muzokaralar 6 oy oldin boshlangan ediyu, bugun yakunlangani qiziqarli.

Taniqli kardiolog, olim va yozuvchi Erik Topolning "Super Agers: An Evidence-Based Approach to Longevity" (Super-eyjerlar: Uzoq umr ko'rishga ilmiy dalillarga asoslangan yondashuv) kitobi uzoq umr ko'rish va "super-eyjer" deb ataluvchi, ya'ni yoshi ulug' bo'lishiga qaramay, aqliy va jismoniy salomatligini a'lo darajada saqlab qolgan insonlar fenomenini ilmiy nuqtai nazardan tahlil qiladi.

Kitob uzoq umr bilan bog'liq asossiz da'volar va mo'jizaviy tabletkalarga qarshi chiqib, buning o'rniga ilmiy dalillar va so'nggi texnologik yutuqlarga asoslangan holda sog'lom qarish strategiyasini taklif etadi.

Umid qilaman, sog'liq masalasida hamma uchun foydali kitob bo'ladi.

Kitob 2026-yilning so'nggi kvartalida o'zbek tilida chiqishi ko'zlangan.

#kitob

АҚШ доллари расмий курси 12 257 сўмгача (-92,74) пастлади.

#kurs
@allaevuzb

Audio kitob. "Katta o'yin. Ikki imperiya to'qnashuvi". 1-bob, 3-bo'lim

1. So'z boshi
2. Muqaddima
3. 1-bob, 1-bo'lim
4. 1-bob, 2-bo'lim

Audio kitobni Hamza Jumayev o'qidilar.

Qog'oz kitobni xarid qilish: https://asaxiy.uz/product/piter-hopkirk-katta-uiin-ikki-imperiya-tuknashuvi

#audio #kitob

АҚШ доллари расмий курси 12 349 сўмгача (+35,16) кўтарилди.

#kurs
@allaevuzb

Тақиқланган материаллар рўйхати

Ўзбекистон Республикаси Олий суди томонидан экстремизм ва терроризм ғоялари билан йўғрилган деб топилган, республика ҳудудига олиб кириш, тайёрлаш, тарқатиш ва намойиш этиш тақиқланган материаллар рўйхати

(2025 йил 2 сентябрь ҳолатига)

Ҳавола: https://api-portal.gov.uz/uploads/76/2025/09/18/106b2a17-af78-6bfe-00df-07d9b741abc9_media_.pdf

Audio kitob. "Katta o'yin. Ikki imperiya to'qnashuvi". Muqaddima.

1. So'z boshi
2. Muqaddima
3. 1-bob, 1-bo'lim
4. 1-bob, 2-bo'lim

Audio kitobni Hamza Jumayev o'qidilar.

Qog'oz kitobni xarid qilish: https://asaxiy.uz/product/piter-hopkirk-katta-uiin-ikki-imperiya-tuknashuvi

#audio #kitob

АҚШ доллари расмий курси 12 314 сўмгача (+60,44) кўтарилди.

#kurs
@allaevuzb

"Юрак касали билан вафот этганлар статистикаси тўғри эмас. Чунки ким уйида вафот этса сабабини юрак қон томири деб ёзиб беришади. Ҳақиқий ўлим сабабини эса экспертиза хулосаларидан кейин билиш мумкин. Бунга эса доим ҳам рухсат беришмайди яқин қариндошлар"

Инфаркт ва юрак касалликлари бўйича мутахассислар билан Қўштирноқ подкастида суҳбат. Албатта кўринглар.

▶ https://youtu.be/-BC8MXe8wLs

#podcast

Audio kitob. "Katta o'yin. Ikki imperiya to'qnashuvi". So'z boshi.

Audio kitobni Hamza Jumayev o'qidilar.

Qog'oz kitobni xarid qilish: https://asaxiy.uz/product/piter-hopkirk-katta-uiin-ikki-imperiya-tuknashuvi

#audio #kitob

Технологик нуқтаи назардан, дунёдаги барча сотувларни иккита катта стратегик йўналишга бўлиш мумкин: "биз мавжуд талабга хизмат кўрсатамиз" ёки "биз талабни ўзимиз яратамиз". Бу иккиси ўртасидаги фарқни тушуниш — бутун бизнес-моделингизнинг тақдирини ҳал қилади.

Талабга хизмат кўрсатиш

Бу — сотувларнинг энг кенг тарқалган ва тушунарли шакли. Мижоз аллақачон дейлик Тошкентда ҳаво 45 даражага чиққанда кондиционер сотиб олишга қарор қилди. Унинг миясида эҳтиёж шаклланган. Сизнинг вазифангиз — у "Google"га кирганида ёки дўконга келганида айнан сизнинг кондиционерингизни таклиф қилиш.

Бунда сотув — бу аниқ технологиялар ва воситалар тўплами:

- Яхшироқ реклама бериш.
- Фойдалироқ чегирма таклиф қилиш.
- Рақобатчилардан устун жиҳатларини кўрсатиш.
- Хизмат сифати
- Тўғри нарх

Бу худди балиққа тўла кўлда қармоқ ташлашга ўхшайди. Сизнинг вазифангиз — энг яхши ўлжа ва энг яхши қармоқни танлаш.


Талабни яратиш

Энди тасаввур қилинг, уй бекаси уйига робот-чанютгич олиш ҳақида умуман ўйламаган. Сизнинг вазифангиз — унинг онгида шу эҳтиёжни "экиш" ва "ўстириш".

Буни қилишнинг фақат битта йўли бор: контент.

Талабни фақат контент орқали яратиш мумкин. Бу блог, видео, ижтимоий тармоқлардаги постлар, тренинглар ёки ҳатто индивидуал лекциялар бўлиши мумкин. Машҳур "Kirby" чанютгичларини сотиш жараёни ҳар доим сизнинг уйингиздаги кир ва чанглар ҳақидаги бутун бошли лекция ва қизиқарли спектаклдан бошланган.

Бу — балиқ овлаш эмас. Бу — қўриқ ерни ўзлаштириб, унга уруғ экиб, парваришлаб, ҳосил олишга ўхшайди. Бу узоқроқ ва қийинроқ, лекин ҳосили ҳам салмоқлироқ бўлади.

Тўсатдан қилинган харидлар-чи?

Дўкондан 15 дақиқа олдин ҳеч нарса олмоқчи бўлмаган одамнинг янги сумка билан чиқиб келиши ҳам "талабга хизмат кўрсатиш"дир. Фақат бу ерда талаб "сумка сотиб олиш" эмас, балки "пул сарфлаб, лаззат олиш" эди.

Ҳар қандай бизнес мавжуд талабга хизмат кўрсатишдан бошланиши мумкин. Аммо ўз бозорини яратадиган, одамларнинг фикрини ўзгартирадиган ва узоқ йиллар давомида етакчилик қиладиган буюк брендлар — булар доим талабни ўз контенти орқали ярата олган компаниялардир.


#biznes #savdo #marketing

АҚШ доллари курси 12 344.62 Сўмгача (-82.22) пасайди.

#kurs

2025 йилнинг биринчи етти ойида энг кўп солиқ тўлаган савдо корхоналари.

Korzinka биринчи ўринда, 222.5 млрд солиқ тўлаган. Uzum 137.6 млрд билан учинчи ўринга чиқиб олибди.

#biznes #soliq

Қизиқарли факт, Исроил XXI асрда бир уруш доирасида олтита давлат ҳудудида ҳарбий амалиёт (ҳужум) қилган илк давлатга айланибди. 7 октябръ воқеаларидан бери Исроил Фаластин, Эрон, Ливан, Сурия, Яман ва Қатар ҳудудида ҳарбий амалиётлар қилган.


Ҳатто XXI аср боши билан умумий урушларни олса ҳам бунақа катта натижа дунё полицияси бўлган АҚШда бор холос. Аср бошидан бери турли урушлар доирасида ёки терроризмга қарши кураш мақсадида АҚШ Афғонистон, Эрон, Ироқ, Сомали, Яман, Покистон ва Ливия ҳудудида (7та мамлакат) тўғридан тўғри ҳарбий амалиётлар қилган. Яна қайсидир давлатга кириб қўйса, Исроил бу борада АҚШга етиб олади.


#siyosat

Аутизмли болани ўстириш мураккаб жараён. Parda podcast нинг навбатдаги сонида аутизмли фарзандини ривожлантираётган ва ижобий натижаларга эришган Фарангиз ҳикояси билан бўлишган.

Тўлиқ видео: https://youtu.be/sqNgzwoaP1Y

#podcast

АҚШ доллари расмий курси 12 447 сўмгача (+86,49) кўтарилди.

#kurs
@allaevuzb

Бир оила — бутун Сурия сиёсатининг акси.


Суриядаги янги ҳокимиятнинг келажагини тушуниш учун унинг раҳбари Аҳмад аш-Шараа (ал-Жоланий) оиласининг ўзига хос портретига назар солиш кифоя. Бу оила — сўнгги 50 йиллик Сурия тарихидаги барча зиддиятли мафкураларнинг ажойиб йиғиндисидир.
Оила аъзолари билан танишинг:
* Ота: Иқтисодчи, социалист ва араб миллатчилиги (носирчилик) тарафдори.
* Катта Ўғил (Аҳмад аш-Шараа): Янги давлат раҳбари, собиқ жиҳодчи, яқин-яқингача Асад режими ва Россиянинг ашаддий душмани.
* Кичик Ўғил (Маҳер аш-Шараа): Шифокор. Бир акаси Россия билан урушаётган бир пайтда, у кўп йиллар Россияда яшаган, рус аёлига уйланган ва рус тилида бемалол сўзлашади. У бугунги кунда Россияга энг яқин оила аъзоси ҳисобланади.
* Амаки (Фаруқ аш-Шараа): Эски Баас партияси аъзоси. У 21 йил давомида айнан Асадлар даврида Сурия Ташқи ишлар вазири, кейинчалик эса Башар Асаднинг вице-президенти бўлган.


Бу оддий оилавий дарахт эмас. Бу — янги Сурия режими қанчалик мураккаб эканининг ёрқин далили.
Бир томондан, давлат тепасига келган Аҳмаднинг ўзи Россиянинг душмани эди. Иккинчи томондан, айнан унинг Россияга мойил укаси Маҳер бугун Дамашқда Россия делегациясини кутиб олиб, икки давлат ўртасидаги алоқаларни қайта тиклаш учун масъул бўлмоқда.
Бугундан ташқари, амакининг Асад режимидаги юқори лавозими бу оиланинг илдизлари эски тизим билан ҳам чамбарчас боғлиқ эканидан далолат беради.
Бу бир оиланинг портрети эмас. Бу — Суриянинг келажаги қанчалик зиддиятли, кутилмаган ва олдиндан айтиб бўлмас бўлиши мумкинлигининг кичик бир моделидир.

#siyosat

Хива хонлигида 19-аср бошида қабул қилинган фармон давлатнинг тил тарихида бурилиш ясаган: барча ҳужжатлар туркий тилга ўтказилиб, форсий ёзув батамом тўхтатилган. Натижада кейинги юз йиллик давомида туркий тилдаги ниҳоятда бой ҳужжатлар мерос бўлиб қолди.

Бугун эса ўзбек тилида тўлиқ юритиладиган журналлар кам учрайди. Айниқса, илмий-оммабоп журналлар — ноёб артефактга тенг хазинадир. Шу маънода “Ватан” журнали замонамиз учун олтиндек қимматли манба сифатида алоҳида аҳамият касб этгани боис қурултойчиларнинг асосий суҳбат мавзуси ҳам айнан шу журнал атрофига қурилди.

🔗 Подкастни томоша қилинг: https://youtu.be/tdkLYGerSkg

#podcast

Bundan biroz oldin Asaxiy Pro loyihasini e'lon qilgandim. Loyihadan asosiy maqsad professionallar uchun adabiyotlarni ko'paytirish.
E'londa ilk kitob Eliyahu Goldrattning “Maqsad” biznes-romani bo'lishini aytib o'tgan edim. Bugun "Maqsad"ga oldindan buyurtma boshladik.

Bu kitob biznesdagilarga va sohasidan qat'iy nazar menejerlarga yaxshi tanish.

“Maqsad” - boshqaruv haqidagi oddiy qo‘llanma emas, biznes-roman. Unda daromadi tushib, qarzlari ko‘paygan va yopilish arafasida qolgan zavod boshlig‘i Aleks Rogo taqdiri hikoya qilinadi. Unga zavodni qutqarish uchun 90 kun vaqt berildi, yuzlab ishchilar kelajagi esa xavf ostida qolmoqda.

Kitobni o‘qir ekansiz, Aleksning qarorlariga sherik bo‘lasiz, xatolardan saboq olib, kichik g‘alabalardan quvonasiz. Shu jarayonda sezdirmay boshqaruv sirlarini ham o‘rganasiz: jamoani uyg‘un ishlatish, samaradorlikni oshirish va foydani ko‘paytirish yo‘llarini bilib olasiz.

Kitob “Xalq banki” bilan hamkorlikda chop etildi. Kitobxonlikka qo‘shayotgan hissasi uchun bank rahbariyatidan minnatdormiz.

Tarjimon: Saodat Abdurahmonova
Muqova: qattiq
Sahifa: 552 bet
Narx: 129 000 so‘m 99 000 so‘m

Kitobga oldindan buyurtma bering va birinchilardan bo‘lib o‘qing:
https://asaxiy.uz/u/maqsad

Oldindan buyurtmalar 20-sentyabrdan boshlab yetkaziladi.


#kitob #asaxiypro #biznes

АҚШ доллари расмий курси 12 360 сўмгача (+5,72) кўтарилди.

#kurs
@allaevuzb

Asaxiyda yangi tanlov boshladik.

📢 Kreativman deb o'ylaysizmi?
Kitobni kreativ reklama qilib, tanlovda 500 $ yutib olish mumkin.

Sharti oddiy: "Yapon zobiti" kitobi haqida istalgan turdagi kontent - video, rasm yoki matn yarating. Uni xohlagan ijtimoiy tarmoqqa joylang va havolasini @asaxiy_tanlov profiliga yuboring.

Sovrinlar:
🥇 1-o‘rin - 500$ pul mukofoti
🥈 2-o‘rin - 50 talik kitob to‘plami
🥉 3-o‘rin - Asaxiy bestsellerlari to‘plami

Ijodiy ishlar 25-sentyabrgacha qabul qilinadi. Eng kreativ g‘oliblar Asaxiydagi komissiya tomonidan ovoz berish yo‘li bilan aniqlanadi. O‘zingizni sinab ko‘ring va ijodda ham, hayotda ham g‘olib bo‘ling!

Kitob havolasi: asaxiy.uz/u/yapon_zobiti

АҚШ доллари расмий курси 12 355 сўмгача (-84,27) пастлади.

#kurs
@allaevuzb