#СУННАТГА_ЭРГАШАЙЛИК

Азиз намозхон биродар ва опа-сингиллар!
Ҳуфтон намозида витрдан сўнг ана шу зикрни айтиш суннатдир. Келинг, суннатга эргашайлик!

✅ Уни ўқиш тартиби:
Витр намозини салом билан тугатгач, одатда айтиладиган «Астағфируллоҳ» ни уч марта такрорлаш шарт эмас. Шунинг ўрнига:

«Субҳанал-Маликил-Қуддус» — икки марта паст овозда;

Учинчи марта эса овозни бироз чиқариб, чўзиброқ айтилади.

👆 Бу зикрни эркаклар билан бирга аёллар ҳам айтадилар. Чунки Аллоҳ таоло охират неъматларини ҳам эркак, ҳам аёл бандаларига баробар ваъда қилган. Амалларда ҳам улар тенгдирлар, фақат баъзи шаръий ҳукмлардагина фарқ қилади.
Валлоҳу аълам
http://myurls.co/doniyorqori

#ҚУРЪОН

📖 "ФАЖР" СУРАСИ

🔊 Дониёр қори

⌚️ 03:18

💡Фажр - тонг, бомдод вақти.
Сурада Фиръавн, Од қавми каби бузғунчи кофирларнинг қилмишлари, бойликка берилмаслик, қиёмат ҳодисалари, инсоннинг ношукурлиги, жаннат аҳлидан бўлиш учун нима ишлар қилиш лозимлиги илоҳий таълимот асосида талқин этилади.

👉🏻 http://myurls.co/doniyorqori

#Кундалик_эслатма

ҲАЁТИНГДА СОЛИҲЛАРНИНГ ҲУЗУРИГА БОР!

Эй мўмин биродарим, мўмина опа-синглим!
Сизга холис ва самимий маслаҳатим шундан иборатки:

Сиз ҳаётингизда Аллоҳни яхши таниб, динимизни тўғри тушунган, фақат ўзини эмас, бошқаларни ҳам нажотга етказиш учун яшайдиган солиҳ, аҳли илм инсонлар билан кўришиб туринг, улар билан ҳамсуҳбат бўлинг.

Зеро, у зотлар – Пайғамбарлар меросининг ворисларидир. Улар билан ўтказилган ҳар бир сония, ҳақиқий нажот сабаби эканлиги ҳақида уламолар таъкидлашган.

Солиҳлар билан учрашиш инсонни олти ҳолатдан, олти бошқа ҳолатга ўзгартиради.

Қуйида шуларни изоҳлар билан келтирамиз:

1️⃣ Шак-шубҳадан ➡️ аниқ ишончга

🌿 Чунки уларнинг суҳбатидан сўнг сиз Қуръон ва суннатга асосланган илмли жавобларни эшитасиз. Иккиланишлар, шубҳалар йўқолади, қалбда соф эътиқод ва ҳузур пайдо бўлади.

2️⃣ Риёдан ➡️ ихлосга

🌿 Чунки улар сизни одамларга эмас, Аллоҳга мақбул бўлишга чақиради. Сиз қилган ҳар бир амализни одамлар кўрсин деб эмас, Аллоҳ кўрсин деб қилишга ўтасиз.

3️⃣ Ғафлатдан ➡️ зикрга

🌿 Чунки уларнинг сўзлари сизни уйғотади. Қалбингиз Аллоҳни эслаш билан жонланади. Фақат моддий ҳаёт эмас, руҳий етуклик ҳақида ҳам ўйлай бошлайсиз.
«Огоҳ бўлингизки, Аллоҳни зикр этиш билан қалблар ором олур (ва таскин топур)».
("Роъд" сураси, 28-оят)

4️⃣ Дунё рағбатидан ➡️ охират рағбатига

🌿 Чунки бу дунёда фақат дунё деб яшаган, дунё учун барча нарсани қурбон қилган, охир оқибатда охиратни унутган одамлар кўп эътироф этилади, улар ҳақида кўп гапирилади, улар мадҳ қилинади. Шунинг учун, ҳақиқий охират мақсадини ўйлайдиган инсонлар озайиб кетяпти.
Солиҳлар эса сизни чинакам абадий ҳаётга тайёрлайди.

5️⃣ Кибрдан ➡️ тавозега

🌿 Чунки улар сизни камтарликка, ўзингизни катта кўришдан сақланишга ўргатади. Зеро, камтар инсонга Аллоҳ ўзиздан нур ва иззат беради.

6️⃣ Бадниятликдан ➡️ самимийликка

🌿 Чунки улар сизни нифоқдан, ҳасаддан, иккиюзламачиликдан сақлайди. Тўғри ният, холис муҳаббат, самимий биродарликни ҳаётингизда жорий қилади.

ХУЛОСА:

Эй биродарим, эй опа-синглим!
Ҳар кунингизнинг бир қисмини дин илмига бағишланг. Динини яхши билган, ҳаёти билан ибрат бўлган, илмига амал қилган кишиларнинг суҳбатида ўтиринг. Агар уларни топсангиз – нажот йўлини топасиз. Агар улардан юз ўгирсангиз – ўзингизни йўқотасиз.

Солиҳлар суҳбатида ўзингизни танийсиз. Ҳақиқатни билиб, охиратни соғина бошлайсиз.
Ёрдам ва нажот Аллоҳдандир.
Дониёр Файз

Улашинг 👉👉👉
http://myurls.co/doniyorqori

📌 БУ ДУНЁГА КЕЛГАН ҲАР БИР ИНСОН ўз-ўзига шундай савол бериши керак:
«Мен нима учун яратилдим? Яшашимнинг мақсади нимада?
Бу дунёдан ўтгач мени нима кутиб турибди?»

Агар инсон бу саволларга жавоб изламаса, унинг ҳаёти мазмунсиз ўтади. Чунки ҳаёт фақат ейиш-ичиш, ишлаш ва ҳузур қилишдан иборат эмас.

Инсон — барча махлуқотдан афзал яратилган зотдир.
У масъулият ва вазифа билан яратилган.

Аллоҳ таоло Қуръонда марҳамат қилади:

«Мен жинлар ва инсонларни фақат Ўзимга ибодат қилишлари учунгина яратдим».

Демак, инсон ҳаётининг асосий маъноси — Аллоҳни таниш, Унга ибодат қилиш ва охиратга тайёрланишдир.

Бу дунё — бир имтиҳон майдони. Ҳар бир одимимиз ё жаннатга, ёки дўзахга олиб борувчи йўлдир. Аммо бу йўлда алданмасдан, сабр ва мужоҳада билан юра олганларгина охир-оқибат нажот топадилар.

Шунинг учун ҳаёт ҳақида ўйлаган ҳар бир киши ўзидан сўраши керак:
— «Мен Аллоҳ олдида қандай жавоб бераман? Менинг кунларим нималарга сарф бўляпти? Вақтимдан, саломатлигимдан, ёшлигимдан қандай фойдаланяпман?»
Дониёр Файз
http://myurls.co/doniyorqori

Бисмиллаҳир Роҳманир Роҳийм

#СЎРАГАН_ЭДИНГИЗ

Изоҳ: Бу зикр-дуони Расулуллоҳ соллаллоҳу алайҳи васаллам кечаси таҳажжуд ўқиётганларида айтардилар.
Ибн Аббос разияллоҳу анҳумодан ривоят қилинади: «Пайғамбар саллаллоҳу алайҳи васаллам тунда таҳажжуд намози ўқиш учун турсалар бундай дер эдилар: «Аллоҳумма лакал-ҳамду….».
(Бухорий ривояти).

Абу Довудга оид бир ривоятда келишича, Расулуллоҳ саллаллоҳу алайҳи васаллам бу дуони таҳажжудда такбири таҳримадан кейин (яъни сано дуоси сифатида) айтганлар. Фақиҳ уламоларнинг таъкидлашича, мӯмин инсон мазкур дуони галма-галдан, яъни таҳажжуд намозида такбири таҳримани айтиб, “Фотиҳа” сурасидан аввал айтиши ёки намозни якунлаб ҳам айтиб юриши мақсадга мувофиқдир. Ўшанда суннатнинг ҳаммасига амал қилган, суннатни жонлантирган бўлади.
Валлоҳу аълам

Яқинларингизга ҳам улашинг!

http://myurls.co/doniyorqori

ТАҲАЖЖУД НАМОЗИДА АЙТИЛАДИГАН ДУО

اللَّهُمَّ لَكَ الْحَمْدُ، أَنْتَ نُورُ السَّمَوَاتِ وَالأَرْضِ وَمَنْ فِيهِنَّ، وَلَكَ الْحَمْدُ، أَنْتَ قَيِّمُ السَّمَوَاتِ وَالأَرْضِ وَمَنْ فِيهِنَّ، [ وَلَكَ الْحَمْدُ، أَنْتَ رَبُّ السَّمَوَاتِ وَالأَرْضِ وَمَنْ فِيهِنَّ] [وَلَكَ الْحَمْدُ، لَكَ مُلْكُ السَّمَوَاتِ وَالأَرْضِ وَمَنْ فِيهِنَّ] [وَلَكَ الْحَمْدُ، أَنْتَ مَلِكُ السَّمَوَاتِ وَالأَرْضِ] [وَلَكَ الْحَمْدُ] [أَنْتَ الْحَقُّ، وَوَعْدُكَ الْحَقُّ، وَقَوْلُكَ الْحَقُّ، وَلِقَاؤُكَ الْحَقُّ، وَالْجَنَّةُ حَقٌّ، وَالنَّارُ حَقٌّ، وَالنَّبِيُّونَ حَقٌّ، وَمُحَمَّدٌ r حَقٌّ، وَالسَّاعَةُ حَقٌّ] [اللَّهُمَّ لَكَ أَسْلَمْتُ، وَعَلَيْكَ تَوَكَّلْتُ، وَبِكَ آمَنْتُ، وَإِلَيْكَ أَنَبْتُ، وَبِكَ خَاصَمْتُ، وَإِلَيْكَ حَاكَمْتُ، فَاغْفِرْ لِي مَا قَدَّمْتُ، وَمَا أَخَّرْتُ، وَمَا أَسْرَرْتُ، وَمَا أَعْلَنْتُ] [أَنْتَ الْمُقَدِّمُ، وَأَنْتَ الْمُؤَخِّرُ، لاَ إِلَهَ إِلاَّ أَنْتَ] [أَنْتَ إِلَهِي لاَ إِلَهَ إِلاَّ أَنْتَ)

«Аллоҳумма лакал-ҳамду анта нурус-самаваати вал-арди ва ман фиҳинна, валакал-ҳамду, анта қоййиммус-самаавати вал-арди ва ман фиҳинна ва лакал-ҳамду, анта роббус-самаваати вал-арди ва ман фиҳинна, валакал-ҳамду, лака мулкус-самаваати вал-арди ва ман фиҳинна, ва лакал-ҳамду, анта маликус-самаваати вал-арди ва лакал-ҳамду антал-ҳаққун ва ва’ъдукал-хаққун ва қовлукал-ҳаққун валиқооукал-ҳаққун вал-жаннату ҳаққун ван-наару ҳаққун ван-набиййууна ҳаққун ва Муҳаммадун (соллалоҳу ъалайҳи васаллама) ҳаққун вас-сааъату ҳаққун.
Аллоҳумма лака асламту ва ъалайка таваккалту ва бика ааманту ва илайка анабту ва бика хосомту ва илайка ҳаакамту фағфирлий маа қоддамту вамаа аххорту вамаа асрорту вама а’ъланту.
Антал-муқаддиму ва антал-муаххир лаа илааҳа иллаа анта, анта илааҳий лаа илааҳа иллаа анта».

(Маъноси: Эй Аллоҳ! Сенга ҳамд бўлсин! Сен осмонлару ер ва улардагиларнинг нуридирсан. Сенга ҳамд бўлcин. Сен осмонлару ер ва улардагиларни тутиб турувчидирсан! (Ва Сенга ҳамд бўлсин. Сен осмонлару ер ва улардагиларнинг Парвардигоридирсан!) (Сенга ҳамд бўлсин. Осмонлару ер ва улардагилар Сеникидир!) (Сенга ҳамд бўлсин! Сен осмонлару ер Подшоҳидирсан!) (Сенга ҳамд бўлсин!) (Сен Ҳақсан. Ваъданг ҳақ, сўзинг ҳақ, Сен билан учрашмоқ ҳақ, жаннат ҳақ, дўзах ҳақ, набийлар ҳақ Муҳаммад (соллаллоҳу алайҳи ва саллам) ҳақ ва қиёмат ҳақдир). (Эй Аллоҳ! Сенга бўйсундим ва Сенга таваккал этдим. Сенга иймон келтирдим ва Сенга тавба қилдим. Сен учун талашдим-ёмон кўрдим ва Сени ҳакам қилдим. Менинг олдин қилганларимни ҳам, кейин қилганларимни ҳам, яширин қилганларимни ҳам, ошкор қилганларимни ҳам мағфират этгин). (Аввал қилувчи ҳам, кейин қилувчи ҳам Сенсан. Сендан ўзга ҳақ илоҳ йўқ). (Илоҳим Сенсан. Сендан ўзга ҳақ илоҳ йўқдир).
(Бухорий ривояти)

Яқинларингизга ҳам улашинг!

http://myurls.co/doniyorqori

#Кундалик_эслатма

​ЁЛҒИЗЛИК ЭМАС — РОББИНГ БИЛАН ЯҚИНЛИКДИР

Эй мўмин укам, мўмина синглим!
Сенинг дуо қилишинг, зикр айтишинг, қалбингни ислоҳ қилишинг, намозда қалб билан туришинг ва ҳаётингни таҳлил этиб, ўзингни ҳисоб-китоб қилиб кўришинг учун албатта бир пайтлар ёлғиз қолишинг керак.

Бундай ёлғизлик — ғамгинлик эмас, балки Роббинг билан яқинликдир.
Хоҳ уйингда бўл, хоҳ табиат бағрида — гўёки дунё шовқинидан узилиб, қалбинг ила Роббингга юзланган ҳолда бўл!

🌿 Шуни билгинки, баъзи ҳақиқатлар фақат сукунатда эшитилади.

📌 Шундай экан, қалбини тирик сақламоқчи бўлган мўмин киши баъзан ўзини дунё шовқинидан четга олиб, охират ҳақида фикр қилиб, Роббисига юзланиши керак. Ана шунда у ўзини ҳам, ҳаётини ҳам, ниятларини ҳам тозалаб олади.
Дониёр Файз
@doniyorqori

#ЗИКР

🔊 Дониёр қори:

🖋 КЕЧКИ ЗИКРЛАР

👉🏼 http://myurls.co/doniyorqori

КЕЧКИ ЗИКРЛАР

АЛЛОҲГА БОҒЛАНИНГ!

#ҚУРЪОН

📖 "ИНСОН" СУРАСИ

🔊 Дониёр қори

⌚️ 05:24

💡Сурада Аллоҳ таоло инсон зотини йўқдан бор қилгани, сўнгра икки қарама-қарши йўналишга равона қилиб қўйгани, куфр ва имон эгаларининг оқибатлари, Пайғамбар алайҳиссаломга тасалли берувчи ўгитлар ва бошқа илоҳий кўрсатмалар мавжуд.

👉🏻 http://myurls.co/doniyorqori

#ЭНГ_БИРИНЧИ_ДУШМАН

"Эй, имон келтирганлар! Шайтоннинг изидан эргашманглар! Ким шайтоннинг изидан эргашса, бас, албатта, (шайтон) бузуқлик ва ёвузликка буюрур. Агар сизларга Аллоҳнинг фазли ва раҳмати бўлмаганда эди, сизлардан бирор киши (гуноҳдан) пок бўлмас эди. Лекин Аллоҳ ўзи хоҳлаган кишини поклар. Аллоҳ эшитувчи ва билувчидир."

("Нур" сураси, 21-оят, "Қуръони Карим маънолари таржимаси")

👉🏻 @doniyorqori

#КУНДАЛИК_ЭСЛАТМА

📌 «Албатта, шайтон сизларга душмандир, бас, уни душман тутинглар…».
(«Фотир» сураси, 6-оят)

👉 http://myurls.co/doniyorqori

#Кундалик_эслатма

​#Сўраган_эдингиз

Қуръонни ёдлаш ёки ёдда сақлаш учун махсус тўрт ракатли намоз ҳақидаги ҳадис: илмий таҳлил ва раддия.

❓Савол:

Кўпчилик орасида тарқалган қуйидаги ҳадис ҳақиқатда саҳиҳми?

Ибн Аббос (розияллоҳу анҳумо)дан ривоят қилинади: «Биз Расулуллоҳ (соллаллоҳу алайҳи васаллам) ҳузурларида эдик. Шу пайт Али (розияллоҳу анҳу) келиб: “Қуръон хотирамдан чиқиб кетмоқда, уни ёдда сақлаб қололмаяпман”, деди. Пайғамбаримиз (соллаллоҳу алайҳи васаллам) унга жума кечаси махсус тўрт ракъат намоз ўқиш, биринчи ракъатда “Фотиҳа” ва “Ясин”, иккинчида “Фотиҳа” ва “Духон”, учинчида “Фотиҳа” ва “Сажда”, тўртинчида “Фотиҳа” ва “Таборак” сураларини ўқишни тавсия қилганлари ривоят қилинади...»

📌 Жавоб: Бисмиллаҳир Роҳманир Роҳийм
Аллоҳнинг ёрдамига суяниб шундай деймиз:

Бу ҳадис Термизийда (3570), Ҳокимнинг “Мустадрак”ида, Байҳақийнинг “Асмо ва сифат”ида ва Ибн Асокирнинг “Тарих Димашқ”ида келган.


❌ Илмий таҳлил: бу ҳадис саҳиҳ эмас

1. 📚 Ушбу ҳадисни рад этган уламолар

🔹 Имом Заҳабий (р.ҳ):

«Бу ҳадис — мункар (инкор қилинган). Менимча, у мавзуъ (ўйлаб чиқарилган уйдирма).
Балки хатони Сулаймон ибн Бинти Шархабил киритган. У мункар ривоятлар қилувчи эди, гарчи зоҳирда ҳофиз бўлса ҳам.»
📘 Манба: Сияр Аълам ан-Нубало (9/217-218)

🔹 Ибн Ҳажар ал-Асқалоний (р.ҳ):

«Бу ҳадиснинг икки йўли ҳам муаммоли. Валид ибн Муслим эҳтимол бу ҳадисни заиф ривоятчи Муҳаммад ибн Иброҳимдан олган ва уни Ибн Журайж орқали “тадлис” қилган.»
📘 Манба: Ан-Нукат аз-Зираф ала Таҳфатул Ашроф (5/91)

🔹 Ибн Жавзий (р.ҳ):

«Бу ҳадис саҳиҳ эмас, мавзуъ – тўқимадир. Валид ибн Муслим заиф ровийларнинг исмини санаддан ташлаб, улар ўрнини кучли ровийлар билан боғлаб қўяр эди.»
📘 Манба: Аль-Мавзуъот (2/138–140)

🔹 Имом Шавконий (р.ҳ):

«Бу ҳадис на мақбул, на “ҳасан” бўлиши мумкин. Унинг мазмунида ҳам ноаниқлик ва шубҳа бор. Шунинг учун “фойдали” дейиш ҳам хато.»
📘 Манба: Аль-Фавоид ал-Мажмуъа фи Аҳадиси ал-Мавзуъа.

2. Саҳиҳ санад талабини бузган ривоятлар

Валид ибн Муслим — "тадлис" қилувчи ровий.

📌Изоҳ: "Тадлис" нима?
Тадлис — ҳадиснинг исноди (ривоят занжири) ёки ровийларида мавжуд иллат (нуқсон)ни яшириб, уни гўёки соғлом ва мукаммал қилиб кўрсатишдир.
Бошқача айтганда, тадлис — эшитувчига ҳадисни маълум бир шайхдан тўғридан-тўғри эшитгандек таассурот қолдириш, ҳолбуки, у шайхдан бевосита эмас, балки орадаги бошқа бир шахс орқали эшитилган бўлади.
Бу амал одатда "ъан" (фалончидан) ёки "қола" (у зот айтдики) каби сўзлар билан ифода этилади. Бу сўзлар эса эшитган-эшитмаганлик эҳтимолини қолдиради — яъни эшитгани ҳам бўлиши мумкин, эшитмагани ҳам.
Бу эса ҳадисни сохта кўрсатишга олиб келади.

3. 📜 Ҳадис мазмуни — шариатга хилоф

Пайғамбаримиз соллаллоҳу алайҳи васалламдан намознинг шариатда белгиланган шакллари собитдир. Унда бундай тўрт ракатли, муайян суралар ўқилиши шарт қилинган “Қуръон ёдлаш намози” ёки ”хотирани кучли қилувчи намоз” деган ибодат йўқ.

Бундай ривоят шариатдаги суннат ва нафл намозларга зид бўлгани учун мақбул эмас.

✅ Хулоса

📌 Ушбу ҳадис ишончсиз ва инкор қилинган. Муҳаддислар ва танқидчилар унинг сўзларини на Расулуллоҳга, на саҳобаларга тегишли деб қабул қилишмаган.

Бу ҳадис асосида ибодат қилиш — бидъат ҳисобланади. Чунки бу амални Пайғамбаримиз ҳам, саҳобалар ҳам қилмаган.

📌 Қуръонни ёдлашнинг энг тўғри йўли — тақво, такрор, сабр ва дуо. Аллоҳдан ёрдам сўраб, суннат асосида ҳаракат қилиш лозим.

🌿 Холис насихат:

Азиз толиби илмлар. Сизларга такрор ва яна такрор мурожаат қилиб айтамизки, Расулуллоҳ соллаллоҳу алайҳи васаллам номларидан бирор ҳадис айтаётганда унинг сиҳҳатига яхшилаб аҳамият бериб, сӯнг уни халқимизга тақдим қилайлик. Бу иш қийин эмас.
Зеро, илм омонатдир.

Ҳар қандай ривоятни амал қилишдан олдин таҳқиқ қилиш, муҳаддис (ҳадисшунос)ларнинг гапига таяниб, ҳақиқий динни ҳимоя қилиш ҳар бир илм аҳлининг бурчидир.
Валлоҳу аълам
Дониёр Файз
@doniyorqori

#КУНДАЛИК_ЭСЛАТМА

​​ИСТИХОРА НАМОЗИ ҲАҚИДА

Луғатда "Истихора" сўзи хайр (яхшилик) талаб қилиш, деган маънони англатади.
Мусулмон киши бошламоқчи бўлган бир неча ишдан қай бирини қилишни билмай иккиланганда, улардан
хайрлироғини танлаш учун "Истихора" намозини ўқиши мақсадга мувофиқдир.
Чунончи, бу намозни
бирор киши билан шерикчиликда иш бошлашдан олдин, уй олди- соттисида, янги уй сотиб олишда, шунингдек, қиз ва йигит тӯй олди учрашувга чиқишлари ёки сафарга кетиш ва шу каби дунёвий ишлар олдидан ўқиш ҳам жоиз ҳисобланади. Чунки, "Истихора" намози пайтида Аллоҳдан тўғри, яъни хайрли йўлни кўрсатишни сўраб илтижо қилиш имконияти бўлади.
Иншааллоҳ, ихлос билан ўқилган ушбу намоздан сўнг Аллоҳ таоло хайрли йўлни инсон кўнглига солиб, ундаги иккиланиш йўқолади.
Бунда қайси йўлни танлаш ҳақида тушда аён бўлиш-бўлмаслиги шарт эмас. Лекин баъзи ҳолатларда тушда аён бӯлиш эҳтимоли ҳам бор.
"Истихора" намозида худди икки ракъат зам сурали намоз каби ният қилинади ва намоздан сўнг "Истихора" дуоси ўқилади.
Агар инсон шундай ҳолатларда тезда бир қарорга кела олмаса, бу намоз бир неча марта такрор ўқилаверади.
"Истихора" намози намоз ӯқиш ман қилинган вақтлардан ташқари, исталган пайтда ӯқилиши мумкин.

❗Эслатма: Баъзилар, "Истихора намози учун азон айтиладими?" деб сӯрашади.
Жавоб: Йӯқ, "Истихора" намози учун азон айтилмайди. Ушбу дуони икки ракъат "Истихора" намозини ӯқиб тамомлагач, ӯқилади. Дуонинг бошида Аллоҳ таолога бир ҳамду сано ва Набий соллалоҳу алайҳи васалламга бир саловот айтиб, сӯнгра "Истихора" дуосини ӯқиб, охирида яна бир бор Набий алайҳиссаломга саловот айтиб тугатилса, мақсадга мувофиқ бӯлади, иншааллоҳ.
Валлоҳу аълам
Дониёр Файз

Дуонинг арабча матни👇

اللَّهُمَّ إنِّي أَسْتَخِيرُكَ بِعِلْمِكَ, وَأَسْتَقْدِرُكَ بِقُدْرَتِكَ, وَأَسْأَلُكَ مِنْ فَضْلِكَ الْعَظِيمِ فَإِنَّكَ تَقْدِرُ وَلا أَقْدِرُ, وَتَعْلَمُ وَلا أَعْلَمُ, وَأَنْتَ عَلامُ الْغُيُوبِ, اللَّهُمَّ إنْ كُنْتَ تَعْلَمُ أَنَّ هَذَا الأَمْرَ خَيْرٌ لِي فِي دِينِي وَمَعَاشِي وَعَاقِبَةِ أَمْرِي أَوْ عَاجِلِ أَمْرِي وَآجِلِهِ, فَاقْدُرْهُ لِي وَيَسِّرْهُ لِي ثُمَّ بَارِكْ لِي فِيهِ, اللَّهُمَّ وَإِنْ كُنْتَ تَعْلَمُ أَنَّ هَذَا الأَمْرَ شَرٌّ لِي فِي دِينِي وَمَعَاشِي وَعَاقِبَةِ أَمْرِي أَوْ عَاجِلِ أَمْرِي وَآجِلِهِ, فَاصْرِفْهُ عَنِّي وَاصْرِفْنِي عَنْهُ وَاقْدُرْ لِي الْخَيْرَ حَيْثُ كَانَ ثُمَّ رَضِّني بِهِ

📌 Азизлар, ушбу намозни қалбдан ӯтказиб: "Истихора намози", дея ният қилинади. Тил билан талаффуз қилиб айтиш шарт қилинмаган.
Аллоҳ таоло қалбимиздаги ниятларимизни билиб турган Зот. Ва У бизнинг тилимиз билан баланд товушда ният қилишлимизга асло муҳтож эмас. Зеро, ният қалб амалидандир. 
Роббимиз қайси намозни ӯқимоқчи эканимизни кӯриб, билиб туради.

Каналга уланиш👇🏼

@doniyorqori

Бисмиллаҳир Роҳманир Роҳийм

🚫Кундузи гуноҳ қилган банда, кечаси Аллоҳ ҳузурида қиёмда туриш шарафидан маҳрум бўлади.

Эй, мўмин биродарим, мўмина синглим!
Фарздан кейинги энг афзал намоз — таҳажжуд намозидир.
Бу намозни тиклаб, суннатни тирилтиринг. Ҳеч бўлмаса икки ракат билан! Балки шу икки ракат сиз учун тарозида тоғдек оғир келиб, нажотингизга сабаб бўлар.

Расулуллоҳ ﷺ дедилар:
«...Фарз намозларидан кейинги энг афзал намоз – тундаги таҳажжуд намозидир».
(📚Муслим ривояти)

✨ Қисқа изоҳ ✨

🕌 Энг афзал намоз — фарз намозларидан кейинги қиёмул-лайл (таҳажжуд) намози.

📌 Фарздан кейинги — бу фазилат 5 вақт фарз намозидан кейин энг афзал – тунги нафл намоз эканини англатади.

🌙 Тунги намози — кечанинг сўнгги қисмида (ухлаб туриб) ўқиладиган намоз.

🕋 Нафл ибод>атлар аҳамияти — мусулмон ҳаётида нафл ибодатлар катта ўрин тутади.

⏳ Энг яхши вақт — туннинг учдан бир қисми. Бу вақтда Аллоҳнинг раҳмати ёғилади. Дуолар мустажоб бўлади.
Валлоҳу аълам
http://myurls.co/doniyorqori

Ушбу дуоларнинг арабча матни, ўқилиши ва маънолари билан қуйидаги линк орқали танишишингиз мумкин 👇

ҚУРЪОН ВА СУННАТДА КЕЛГАН БАЪЗИ ДУОЛАР

#ДУО_АЙНИ_ПАЙТДА

Эй, мўмин биродарим, мўмина синглим...
Бугун ҳаётнинг беихтиёр шиддати сизни қайларга бошлаб кетганини ўзингиз ҳам билмай қолгандирсиз. Телефон ғовғосидан, дунё ташвишларидан бир лаҳза ўзингизни узиб, қалбингизни сукутга чорланг.
Бу фурсат – ҳеч қачон қайтмас фурсат бўлиши мумкин. Балки ҳозир, айнан шу соат дуолар қабул бўладиган олий пайтдир. Роббингиз сиздан тиловсиз ҳам огоҳ, аммо сизнинг оғритиб айтган дуоларингиз У Зотнинг меҳрибонлигини янада оширади.

Нега ҳозир дуо қилиш керак?

Чунки ҳаёт дуо билан равшан, қалб дуо билан тинч, тилак дуо билан ижобат. Пайғамбаримиз Муҳаммад соллаллоҳу алайҳи васаллам бундай деганлар: "Уни (дуо ижобат бӯладиган соатни) асрнинг охирги соат (лар)идан изланглар".

Эй дуога муҳтож қалб, балким ҳозирги дуо – келажакдаги ажиб ижобатдир.

Келинг, шу лаҳзани ғанимат билайлик!
Қалбимиз билан, сўзларимизнинг софлиги билан, муҳтож юракларни эслаб дуо қилайлик. Аллоҳ дуоларни эшитувчи ва ижобат қилувчи Зотдир.
Дониёр Файз
@doniyorqori

#ДУОНИНГ_АЙНИ_ПАЙТИ

👉 Эй мӯмин биродарим, мӯмина синглим. Дуолар мустажоб бӯладиган вақтдан ғафлатда қолмаслик учун, ҳозироқ бир лаҳза дунё ташвишларидан шу каби телефонлардан тин олиб,
Роббимизга чин ихлос билан дуолар қилайлик. Ахир барчаларимизнинг Меҳрибон Роббимиздан сӯрайдиган қанчадан-қанча тилакларимиз бор.

Иншааллоҳ, ҳозир айнан дуолар мустажоб бӯладиган вақт, дея умид қилган ҳолда Раббимизга дуо қилайлик. Зеро, Набий соллаллоҳу алайҳи васаллам ҳадиси шарифда жума куни мустажоб дуо вақти борлиги ҳақида: "Уни (дуо ижобат бӯладиган соатни) асрнинг охирги соат (лар)идан изланглар", деганлар.
(Абу Довуд ва Насоий ривояти. Ҳоким саҳиҳ деган).
Дониёр Файз

@doniyorqori

#Тирик_эканмиз
♻️ Энди эса бир зум тўхтаб ўйланайлик...
У кетди, унинг дафтари ёпилди. У энди фақат умид билан кутган ҳолда ётади.

Лекин биз-чи?
биз ҳозир тирикмиз, бизда ҳали имконият бор.
Танамизда жон бор экан, тилимизда субҳаналлоҳ дейиш имкони бор.
Соғ-саломат юрибмиз — масжидга боришга, садақа қилишга, истиғфор айтишга, тавба қилишга, кунда бир оят ўқишга имконият бор!
Бас шундай экан...
Қани, ҳозироқ САЛОВОТНИ биргаликда айтайлик...

http://myurls.co/doniyorqori

#КУН_ҲИКМАТИ

Абдуллоҳ розияллоҳу анҳудан ривоят қилинади:
«Расулуллоҳ соллаллоҳу алайҳи васаллам: «Мўмин (киши) сўкмайди, лаънатламайди, қўполлик ва беҳаёлик қилмайди», дедилар»
(Термизий ривояти).

👉Дўстларингизга ҳам улашинг
@doniyorqori

ЮЗГА УРИШДАН САҚЛАНИНГ!

#ХОЛИС_ЭСЛАТМА

📌 ҚАЛБИ САЛИМ НАЖОТ ТОПАР

🔉 Дониёр Файз

👉 http://myurls.co/doniyorqori

#СУННАТГА_ЭРГАШАЙЛИК!
(☝️Ҳадис санади ҳасан)

Оиша розияллоху анҳодан ривоят қилинади. Расулуллоҳ соллаллоҳу алайҳи васаллам:
"Агар биронтангиз таом ейдиган бўлса, Аллоҳ таолонинг исмини зикр қилсин. (Яъни «Бисмиллаҳи – Аллоҳ номи билан», деб айтсин.) Агар таомдан аввал айтишни унутса, (унда) «Бисмиллаҳи аввалаҳу ва ахироҳу», (яъни) «Аввалида ҳам, охирида ҳам Аллоҳ номи билан (ейман)», деб айтсин" дедилар.
(Абу Довуд, Термизий ва Ибн Можа ривояти).

http://myurls.co/doniyorqori

Бисмиллаҳир Роҳманир Роҳийм

🚨☀️БУГУНДАН ФОЙДАЛАНИБ ҚОЛ, ЭРТАНГ КЕЛМАСЛИГИ ҲАМ МУМКИН!

Азиз диндошлар, бу дунёда бизга берилган ҳар бир кун — охиратимизни обод қилиш учун қўлимиздаги қимматли сармоядир. Ундан унумли фойдаланайлик.

Ӯтиб бораётган ҳар бир кун, ҳафта, ой ва йил — умримизнинг камайиши, ажалимизга яқинлашиш демакдир.

👆Юқоридаги эслатмалар биз учун ҳар куни, ҳатто ҳар соатда ёдга солинишига арзийди.
Дониёр Файз

#унутманг

#ҚУРЪОН

📖 "ИНШИҚОҚ" СУРАСИ

🔊 Дониёр қори

⌚️ 02:21

💡Суранинг номи ўзидан олинган бўлиб, ёрилиш деган маънони билдиради. Зеро, сурада қиёматда осмон ёрилиб, кўп аломатлар рўй бериши баён этилган. Бу сура инсон доимий равишда ҳаракатда бўлиб, ё эзгу ёки ёвуз ишлар билан банд бўлиши, охиратда шу ишлари бўйича савол-жавоб бўлиши ва азоб-уқубатлар билан бир қаторда солиҳ бандлар учун улуғ мукофотлар тайёрлаб қўйилгани ҳақидадир.

👉🏻 http://myurls.co/doniyorqori

#ҚУРЪОН

📖 "МУТОФФИФИН" СУРАСИ

🔊 Дониёр қори

⌚️ 04:02

💡Суранинг номи «уриб қолувчилар» деган маънони англатади. Яъни, тарози ва ўлчовдан уриб қолиб, харидор ҳаққига хиёнат қилишнинг оғир гуноҳ экани бу сурада энг диққатга сазовор ва ажиб услубда баён қилинган. Сурада яхшилар ва ёмонларнинг қилган амаллари ёзилган битикларнинг қаерда сақланиши, қиёмат воқеалари ва қатор илоҳий ўгитлар баён этилган.

👉🏻 http://myurls.co/doniyorqori

#Холис_эслатма

👉🏼 Ушбу зикрни бугун тонгда ёки кундузи айтишни унутганлар бӯлса, қани ҳозироқ бошлайлик!

УХЛАШ ОЛДИДАН АЙТИЛАДИГАН ЗИКРЛАР

​🌙 ҚАЛБИНГИЗГА ОРОМ БЕРИБ, КЕЧАНИ ЗИКР БИЛАН ЯКУНЛАНГ...

Эй мўмин биродарим, мўмина синглим!
Бугун тонгда зикрларингизни айтдингиз, кун давомида илоҳий вазифаларни адо этдингиз.
ИншаАллоҳ, умид қиламизки, кечки зикрларни ҳам чиройли тарзда бажардингиз.

Энди эса... яна бир вазифа қолди.
Қайси вазифа дейсизми?

👉 Уйқудан олдинги зикрлар.
Ҳа, айнан ўша – Расулуллоҳ соллаллоҳу алайҳи васалламнинг суннатларида келган, ухлаш олдидан Аллоҳни зикр қилиш...

Бир кунни Аллоҳ номи билан бошлаш... ва У билан якунлаш – қанчалик буюк неъмат!
Уйқуга кетар эканмиз, бизни ким асрайди?
Қалбимизни, жисмимизни, рўҳимизни ким муҳофаза қилади?
Албатта, Роббимиз – Ал-Ҳафиз, Ал-Қовий, Ар-Роҳим!

Шундай экан, бундан ортиқ мукаммал хотимани тасаввур қилиш мумкинми?

Ғойибона муҳаббат билан:
Билингки, кимда ким таҳлил, тасбеҳ, дуолар, зикрлар билан тонгни бошлаб, кечани ҳам Аллоҳ зикри билан якунлаб юрадиган бўлса...
Биз уларни Аллоҳ учун яхши кўрамиз!
Ғойибона дуо қиламиз:

📌 Эслатма:

🌅 Тонг – сизнинг ҳаётингиздаги янги саҳифа.
🌇 Кеч – илоҳий назоратда тугаётган ҳаётингизнинг фасли.
🛏 Уйқу – бу дунёдаги кичик "вафот"...
Шундай экан, унга тайёргарлик ҳам зикр билан бўлсин!
Дониёр Файз
@doniyorqori

📌 Laa Ilaaha Illallohu – Allohdan boshqa (haq)iloh yo'qdir.

📌 Ey mo'min birodarim, mo'mina singlim, bugun ushbu ☝️ zikrni aytingizmi? Hoziroq boshlang....

http://myurls.co/doniyorqori

АЛЛОҲНИ ЗИКРИДАН ҒАФЛАТДА ҚОЛМАНГ!

#Холис_эслатма

📌 СУҲБАТ ҲАМ СИЙРАТДАНДИР

🔈 Дониёр Файз

📲 Яқинларингизга ҳам улашинг!

👉 http://myurls.co/doniyorqori

#КУНДАЛИК_ЭСЛАТМА

📌 Изоҳ: Нима деб ўйлайсиз, шундай тоифа инсонлар орамизда йўқми? Афсуски, бор!
Азизлар, бировга яхшилик қилсангиз, уни холис ният билан амалга оширинг. “Куни келиб менга ҳам қайтарар” деган умид билан қилманг.
Зеро, холис амалнинг мукофоти фақат Аллоҳнинг ҳузуридадир.
Яхшиликни миннат қилиш эса қилган солиҳ амалингизни йўққа чиқаради.
Дониёр Файз

#Кундалик_эслатма

​#ЯНГИ_РУКН (5-қисм)

ЭЙ, АЗИЗ МЎМИН БИРОДАРИМ!
НЕГА ҲАДЕБ ҒАМ-ТАШВИШГА БОТИБ ЮРАВЕРАСАН?

Эй, қалби ғамга чўккан биродарим, эсингда бўлсин–ғам абадий эмас. Дунё машаққатларини табассум билан қарши ол! Ахир, тун қай даража узун бўлмасин, барибир тонг отади. Ҳар бир зулмат кечанинг ортидан нурли тонг келади.

🕌 Сенга берилган энг улуғ неъмат иймон эканини эсла!

Иймон – сенинг энг катта бойлигинг. Аллоҳ сени мўмин-мусулмон оилада дунёга келтирди. Бу — олтиндан ҳам, дунё хазиналаридан ҳам улкан неъмат. Зеро, сенга ота-онанг ва яқинларинг иймон нелигини болалик чоғинданоқ ўргатишди. Шу неъматга шукр қил!

📖 Қуръоннинг тасаллиси

Аллоҳ таоло Қуръони Каримнинг бир неча оятида мўминларни бўшашишлик ва ғамгин бўлишдан қайтарган:

«Сустлашманглар, ғамгин ҳам бўлманглар! Агар мўмин бўлсангизлар, сизлар устунсизлар».
("Оли Имрон" сураси, 139-оят)

"(Эй, Муҳаммад)... Уларга (яъни, мушрикларнинг қилмишлари сабабли) ғамгин бўлманг! Уларнинг макр қилишларидан сиқилманг ҳам!"
("Наҳл" сураси, 127-оят)

Ғор ҳодисасида Расулуллоҳ соллаллоҳу алайҳи васаллам Абу Бакр розияллоҳу анҳуга:

«Маҳзун бўлма, Аллоҳ биз билан биргадир», деб тасалли бердилар.
("Тавба" сураси, 40-оят)

Шуайб алайҳиссалом Мусо алайҳиссаломга
«Қўрқма» — деб таскин берганлар.

Юсуф алайҳиссалом инисига:
«Ташвиш чекма» — деганлар.

👉 Кўриб турибсанми, эй мўмин биродарим — Аллоҳ таоло ва барча пайғамбарлар (алайҳимуссалом) мўминларнинг қалбига таскин беришга, уларга умид ва куч беришга чақирганлар.

⛓️ Ғам — қалбнинг занжири

Ғам-қайғу қалбни заиф қилади, иродани сустлаштиради, ҳаракатга тўсқинлик қилади. Аллоҳ таоло айтади:
«Албатта, яширин гаплар — шайтондан, мўминларни ғамга солиш учун».
("Мужодала" сураси, 10-оят)

Шайтон мўминнинг руҳан мағлуб бўлишини, умидсиз қолишини истайди. Шунинг учун ҳам, мўминлар ҳар қийинчиликдан сўнг енгиллик борлигига ишониши керак.
«Бас, албатта, ҳар бир қийинчилик билан бирга енгиллик бордир».
«Албатта, ҳар бир қийинчилик билан бирга енгиллик бордир».
("Шарҳ" сураси, 5-, 6-оятлар)

🔗 Қолаверса, тиббий жиҳатдан ҳам доимий ғам ва ташвишда юриш соғлиққа салбий таъсир кўрсатиши аниқ. Бу ҳолат инсон иммунитетини пасайтиради, юрак ва қон босими билан боғлиқ касалликлар, асаб тизими хасталиклари каби муаммоларга сабаб бўлади.

🌍 Дунё — ўткинчи ҳовли

Бу дунёнинг ҳақиқатини англаш, унинг вафоси оз, лаззатлари вақтинчалик эканини, у ҳеч кимга абадий кулиб боқмаслигини, хурсандчилигидан хафагарчилиги кўпроқлигини, мўмин киши унда гўё бир маҳбус эканини билиш ҳам ғамларга яхши малҳам бўлади.

Расулуллоҳ соллаллоҳу алайҳи васаллам айтганларидек: «Дунё мўминнинг зиндони ва кофирнинг жаннатидир»
(Муслим ривояти).

Мўмин киши фақат дунёдан ажралиш билангина ҳақиқий роҳатга эришиши мумкин. Бу борада Ҳасан Басрий шундай деганлар: «Мўминга фақат Аллоҳга йўлиққандагина роҳат бўлади».

Шунинг учун ҳам Набий соллаллоҳу алайҳи васаллам Абдуллоҳ ибн Умар розияллоҳу анҳуга:
«Дунёда бир ғариб ёки йўловчидек бўлгин» — деб васият қилганлар.

Дунё — ўткинчи ҳовли, охират эса ҳақиқий қароргоҳ.
Қароргоҳга етиб бориш учун бу машаққатли йўлни босиб ўтиш зарур.

Хулоса

Эй, азиз мўмин биродарим!
Ғамни орқага ташла, иймон ва умид билан юр! Аллоҳ сени кўраяпти, эшитаяпти ва қалбингдаги ҳар бир оғриқни билади. Унинг раҳмати сен ўйлаганингдан ҳам яқинроқдир.

🤲 Дуо:

Аллоҳим! Бизга иймон ва умидда собитқадамлик бер, қалбимиздан ғам ва хавотирни кетказ. Ҳар бир қийинчиликда бизга ёрдамчи бўл ва қалбимизга Сени зикр қилишдан ҳузур бер.
Омийн.
Ёрдам ва нажот Аллоҳдандир
Дониёр Файз

@doniyorqori

Бисмиллаҳир Роҳманир Роҳийм