Россия дронлари ҳужуми натижасида Одессадаги ёқилғи-энергетика инфратузилмаси объекти ёниб кетди — Украина Фавқулодда вазиятлар хизмати

Ижтимоий тармоқларда тарқалган хабарларга кўра, мазкур объект Озарбойжоннинг SOCAR энергетика компаниясига тегишли.

👉 @Energetika

Сузувчи қуёш электр станцияси

❗️Бугунги кунда дунёнинг 20 мамлакатида жами 80 МВт қувватга эга 85 дан ортиқ сузувчи қуёш электр станциялари барпо этилган. Ривожланган давлатларда бу табиий ҳолга айланиб бормоқда, чунки илгари бўш турган сув ҳавзаларидан энди электр энергияси олиш мумкин бўлади.

👉 @Energetika

Дунёдаги биринчи гибрид мойли трансформатор

Хитойда дунёдаги биринчи 220 кВ кучланишли гибрид мойли трансформатор ишга туширилди. Уни Хитой давлат электртехника институти, Чунцин университети, Shandong Electrotechnical ва Chongqing Borui компаниялари ҳамкорликда ишлаб чиқди.

Аньанавий моделлардан фарқли ўлароқ, янги трансформатор мойли изоляцияни замонавий қаттиқ материаллар ва такомиллаштирилган совитиш тизими билан уйғунлаштиради. Бу эса унинг ишончлилигини оширади, авария хавфини камайтиради ва хизмат муддатини узайтиради.

Трансформатор Чунцин шаҳридаги 220 кВ қувватли Тяньцзя подстанциясида муваффақиятли ишга туширилди.

👉 @Energetika

Шамол ёрдамида машина заряди

Австралияда бир ҳайдовчи Toyota RAV4 Hybrid машинасининг томига 800 Вт қувватли шамол турбинасини ўрнатди.

У генераторни Redarc тизимига улаган ва у орқали машинанинг гибрид аккумулятори қувватланган.

❗️Ҳозирча у турбинани қайси жойга маҳкамлаш қулайроқ эканини синовдан ўтказмоқда ва ишлаб чиқилган энергия бўйича дастлабки маълумотларни йиғмоқда. Бу унинг иккинчи лойиҳаси бўлиб, бу сафар вертикал турбинадан фойдаланган. Шамолдан қувват олиб машина батареясини зарядлаш ғояси ғалати кўринса ҳам, амалда ишлаяпти.

👉 @Energetika

ФВВ: Газ қуйиш шохобчаларида хавфсизлик талабларига қатъий риоя қилинг!

Фавқулодда вазиятлар вазирлиги мутахассислари газ тақсимлаш ва газ қуйиш шохобчалари раҳбарларига мурожаат қилди.

👉 @Energetika

Газ баллонли транспорт воситаларига ёнилғи қуйишда хавфсизлик талаблари

Қонунчиликка кўра, агар шохобчада газ сизиши аниқланса ҳудудда бегона шахслар бўлмаслиги таъминланиши, 50 метр радиусдаги барча машиналарнинг двигателлари ўчирилиши ҳамда ҳолатни бартараф этиш чоралари кўрилиши шарт.

❌ Қуйидагилар қатъий таъқиқланади:

➖Маиший газ баллонларини тўлдириш;
➖Техник кўрик муддати ўтган баллонларни тўлдириш;
➖Газ қуйиш шохобчаси ҳудудида алоқадор бўлмаган ишлар билан шуғулланиш;
➖Автоцистернадан газни тўкиб олиш вақтида газ баллонли автомобилларнинг баллонларини тўлдириш. Бундай вақтларда объект ҳудудига киришни тақиқловчи белги ўрнатилиши керак;
➖Суюлтирилган газ қувурларини ерлантирувчи ток ўтказгич сифатида ишлатиш;
➖Зичлаш материали яроқсиз бўлган насос ва компрессорлардан фойдаланиш;
➖Двигатели ишлаётган ёки капоти/багажи ёпиқ ҳолда ёнилғи қуйиш;
➖Газ босими остидаги қурилмаларни очиш ёки металл буюмлар билан уриш.

👉 @Energetika

"Қачонки шамол душманга айланса"

25 м/с (90 км/соат) дан кучли шамол турбинага хавф туғдиради: пичоқлар, вал ёки устун шикастланиши мумкин. Шу боис турбиналарда анемометр ва автоматика ўрнатилган — шамол меъёрдан ошса, система уни тўхтатади. Бу — бўрон ҳимояси.

Ҳимоя самараси фақат шамол кучига эмас, балки аккумулятор сифат ва қувватига ҳам боғлиқ. Нотўғри батарея турбинани ортиқча юк остида қолдириб, қисмларни тез ишдан чиқаради.

Шамол генераторлари ўнлаб йил хизмат қилади, аммо пичоқнинг сингани — видеодагидек — ҳам ҳайратли, ҳам қўрқинчли.

❗️Кучли шамолда турбина тўхтаса, бу носозлик эмас, балки ўзини ҳимоя қилишидир.

👉 @Energetika

бир гап бўлар)

👉 @Energetika

Хитойнинг Гансу вилоятида жойлашган қуёш электр станцияси 30 минг дона ойна (гелиостат) билан жиҳозланган бўлиб, ҳар йили 1,8 миллиард киловатт-соат электр энергияси ишлаб чиқаради.

Бу эса тахминан 170 минг хонадонни энергия билан таъминлашга етади ва йилига 1,53 миллион тонна углерод гази чиқиндиларини камайтиради.

Ушбу қуёш электр станциясининг асосий технологияси — консентрациялашган қуёш энергиясидан фойдаланишга асосланган. Бу ерда кўплаб ойналар (гелиостатлар) қуёш нурларини баланд минораларга йўналтириб, энергия ишлаб чиқаришни таъминлайди.

👉 @Energetika

Электр таъминоти тизими рақамлаштирилмоқда

Электр таъминоти корхоналари ва истеъмолчилар ўртасидаги муносабатларда шаффофликни таъминлаш ва коррупциянинг олдини олиш мақсадида замонавий технологиялар жорий этилмоқда.

“Ҳудудий электр тармоқлари” АЖга қарашли “Энергосавдо” МЧЖнинг Самарқанд филиали раҳбари Асад Шукуровнинг айтишича, ҳозирда “E-далолатнома” тизими йўлга қўйилган бўлиб, 158 та инспектор планшет билан таъминланган. Энди ҳар бир далолатнома электрон шаклда тузилади ва назорат қилинади.

Шунингдек, Самарқанд шаҳар ва туманидаги 54 нафар инспекторга боди-камералар берилган. Бу камералар доимий назорат остида бўлиб, инспектор уларни ўчириб қўя олмайди. Тизим синов тариқасида қўлланилиб, ижобий натижа берган.

Жорий йилнинг дастлабки олти ойида 3893 та далолатнома расмийлаштирилиб, 186,3 млрд сўмлик қайта ҳисоб-китоб ишлари амалга оширилган.

👉 @Energetika

Ҳа демай АЭС ҳам пайдо бўлади, 2024-йил 27-май куни "Rosatom" билан шартнома имзоланган ва 2030-йилгача биринчи блок ишга туширилиши тасдиқланган

Вақт тез ўтмоқда)

​​Жиззахдаги кичик АЭС учун реактор жиҳозлари Россияда ишлаб чиқарилмоқда

2024-йил май ойида Ўзбекистон ва Россия Жиззах вилоятида қуввати 110 МВт бўлган кичик атом электр станцияси (АЭС) қурилиши бўйича шартнома имзолаган эди. 2025-йил май ойида Санкт-Петербургдаги “Росатом” корхонасида ушбу лойиҳа учун реактор жиҳозларини ишлаб чиқариш бошланди.

Ишлар “АЭМ-Спецсталь” заводида бошланган. Бу ерда реактор корпуси учун зарур бўлган 205 тоннлик пўлат қуймаси тайёрланди. Реакторлар замонавий РИТМ-200Н турига мансуб бўлиб, бу технология аслида атом музқир кемалари учун ишлаб чиқилган.

❗️АЭСда 2 та реактор ўрнатилади (ҳар бири 55 МВт).

Биринчи блок 2029-йилгача ишга туширилиши режалаштирилган. Ускуналар ишлаб чиқарилишида пўлатни 1700°C да эритиш, вакуум остида тозалаш, зарур шакл ва хоссаларга келтириш босқичлари мавжуд.

Реактор корпуслари Москва яқинидаги “ЗиО-Подольск” заводида йиғилади. Жами 6 та реактор қурилмаси ишлаб чиқарилади.

❗️Лойиҳа доирасида 2000 та вақтинчалик ва 250 та доимий иш ўрни яратилади. Узоқ муддатли ишлаш учун ўзбекистонлик ёшлар Россия университетларида ўқитилади.

“Росатом” вакиллари РИТМ-200Н реакторларининг ишончлилигини таъкидламоқда: улар оғир шароитларда музқир кемаларда синовдан ўтган, ерда эса янада барқарор ишлайди. АЭСда ҳавога сув чиқарилмайдиган "қуруқ совитиш" тизими қўлланилади.

📌 Лойиҳада “Росатом” билан бирга “Ўзатом”, АЭС қурилиши дирекцияси ва “Enter Engineering” ҳам иштирок этмоқда.

👉 @Energetika

Зато пешона тер)

Чиқиндидан энергия — муаммодан фойдага

Ҳозирда кўплаб мамлакатларда шу жумладан ўзимизда хам чиқиндига фақат муаммо деб қаралади. Айрим давлатларда эса у электр ва иссиқлик манбаига айланмоқда.

Европа шаҳарлари чиқиндиларни полигонга ташлаш ўрнига, махсус заводларда ёқиб, ундан энергия олишни йўлга қўйган. Олинган иссиқлик ва электр аҳоли уйлари, мактаблар ва кўчаларни таъминлайди.

Ҳар бир европалик йилига ярим тоннача чиқинди чиқаради. Унинг тўртдан бири аллақачон энергия учун фойдаланилмоқда.

➖ Буюк Британия: Шарқий Суссексда чиқиндидан 25 000 та уйга электр берилади.

➖ Лидсда эса чиқиндиларнинг 90% қайта ишланиб, 20 000 одамга yetarli электр энергияси ишлаб чиқарилади.


➖ Лилль (Франция) — чиқиндидан олинган иссиқлик 70 000 оилани қишдан чиқаради.

➖ Порту (Португалия) — йилига 390 000 тонна чиқинди қайта ишланиб, 150 000 нафар аҳоли яшайдиган ҳудуд учун етарли 162 000 МВт·соат электр энергияси беради.

❗️Чиқиндилар энди муаммо эмас — қимматли ресурсга айланиши керак!

👉 @Energetika

Кеча Хиросимада атом бомбардимонининг 80 йиллигига бағишланган бир дақиқалик сукут сақланди. Замонавий можаролар шароитида минбардан асосий ғоя янгради: Хиросима ва Нагасакида содир бўлган воқеалар ҳеч қачон такрорланмаслиги керак.

Портлашлар деярли 4,5 километрга ёйилган зарба тўлқинини келтириб чиқарди: қизиган ҳавонинг ҳарорати 4000°C дан ҳам юқори эди.

Турли баҳолашларга кўра, 1945 йил декабрга келиб, иккала шаҳарда ядро ҳужумларидан ҳалок бўлганларнинг умумий сони 110 мингдан 210 минг нафаргача етган.

👉 @Energetika

Ўзтрансгаз АЖ Муборак магистрал газ қувурлари бошқармаси ходими назоратчи вазифасига ишга жойлаб қўйиш эвазига 4000 доллар олганда қўлга олинди.

Шунингдек, Геология вазирлиги тизимида ишлаган собиқ ходим олтин конлари жойлашган махфий хариталар ҳақидаги маълумот учун 10000 доллар олганда қўлга олинди.

Премиум телеграм фойданланувчиларидан овоз беришларини сўраб қолган бўлардим! 👇

Сиз билан биз бир кучмиз!

https://t.me/boost/Energetika

"Vemork"— собиқ Г ЭС (гидроелектр станцияси) бўлиб, ҳозирда саноат ишчилари музейига айлантирилган. У Норвегиянинг жанубида жойлашган Рюкан шаҳри яқинида жойлашган. Станция 1911-йилда очилган бўлиб, ўша пайтда дунёдаги энг қудратли ГЭС ҳисобланган. Бироқ, бу ГЭСнинг ягона ютуғи эмас. Кейинчалик у оғир сувни саноат миқёсида ишлаб чиқарувчи дунёдаги биринчи заводга айлантирилди, аммо бу завод 1971-йилда ёпилган. Бинода эса 1988-йилда музей очилган.

👉 @Energetika

"Ҳар қандай маданий империализм аслида маданият эмас — бу ниқобланган зўравонликдир.”

Лев Николаевич Толстой

Шунга ўхшаш хабарларни яъни Марказий Осиё давлатлари бошқа давлатлар билан алоқаси кучайса ёки туркий давлатлар савдо-сотиқда бирлашаётганини кўрган руслар қанақа аҳволга тушишини реакциялардан ҳам билиб олса бўлади😄

Одаммас бу руслар (балки руспарастлар)

Ўзбекистонни ёки Марказий Осиёни ҳанузгача ўзининг бир қисми деб биладиган руслардан☝️ узоқлавериш керак

👉 @Energetika

BIPV-фасад нима?

BIPV (Building-Integrated Photovoltaiss) — бу қуёш панелларининг бино фасадига тўлиқ интеграцияланган шакли бўлиб, улар нафақат электр энергияси ишлаб чиқаради, балки қурилиш материали сифатида ҳам хизмат қилади. Яъни, бу технология билан оддий фасад материаллари ўрнига махсус фотоелектр панеллар ишлатилади.

Бу панеллар бинонинг ташқи кўринишини яратади, уни ёмғир, шамол каби ташқи таъсирлардан ҳимоя қилади, товуш изоляциясини таъминлайди ва айни пайтда қуёш нурларидан электр энергияси ҳосил қилади.

Оддий қуёш панелларидан фарқли равишда, BIPV панеллар фақат томда эмас, балки бинонинг олди фасадида ҳам эстетик ва фунционал ечим сифатида ишлатилади. Улар турли ранг, шакл ва дизайнда бўлиши мумкин, бу эса меъморлар ва дизайнерларга замонавий, чиройли ва энергия тежамкор бинолар яратиш имконини беради.

👉 @Energetika

Қозоғистон Туркия орқали кўпроқ нефт экспорт қилмоқчи

Қозоғистон Президенти Қосим-Жўмарт Тоқаев ва Туркия раҳбари Ражаб Тоййиб Эрдўған кеча Боку–Тбилиси–Жайҳон (БТЖ) нефт қувури орқали Қозоғистон нефтини экспорт қилиш ҳажмини ошириш имкониятини муҳокама қилишди.

Расмий статистика маълумотларига кўра, 2025 йилнинг биринчи ярмида Қозоғистон БТЖ қувури орқали нефт экспортини ўтган йилнинг шу даврига нисбатан 12 фоизга ошириб, 785 минг тоннага (кунига 34 минг баррел) етказган.

👉 @Energetika

😐👍

2026-йилда электр энергиясига бўлган эҳтиёж 29 000 тераватт-соатга етиши мумкин – Халқаро энергетика агентлиги (IЕА)

Бу тарихий даражадаги истеъмол асосан қуйидаги омиллар ҳисобига юзага келади:

➖ саноатнинг энергияга бўлган талабининг ошиши,

➖ маълумот марказлари кўпайиши,

➖ электромобиллар сонининг ортиши,

➖ аҳолининг уй-рўзғор техникаларидан кўпроқ фойдаланиши.


Шунга қарамай, глобал иқтисодиёт ўсиш суръатларининг пасайиши сабабли электр энергиясига бўлган талаб ўсиши секинлашмоқда. Масалан:

➖ 2024-йилда талаб 4,5% га ошган бўлса,

➖ 2025-йилда бу рақам 3,3%,

➖ 2026-йилда эса 3,7% бўлиши кутилмоқда.


IEA нинг “2025-йил ўрталаридаги электр энергетикаси бўйича таҳлилига” кўра, 2025–2026-йиллар атом энергияси ишлаб чиқариш бўйича ҳам рекорд йилларга айланиши мумкин. Бу қуйидагилар билан боғлиқ:

➖ Японияда реакторларнинг ишга туширилиши,

➖ АҚШ ва Францияда барқарор ишлаб чиқариш,

➖ Осиёда янги атом электр станцияларининг ишга туширилиши.

❗️Дунё бўйича электр энергияси талабининг 60% дан ортиғи Хитой ва Ҳиндистон ҳиссасига тўғри келади.

➖ Хитойда талаб 5,7% га,

➖ Ҳиндистонда эса 6,6% га ошади.

АҚШда эса маълумот марказлари сонининг кўпайиши сабабли 2025–2026-йилларда ҳар йили электрга бўлган талаб 2% га ошади. Европа Иттифоқида эса бу кўрсаткич атиги 1% ни ташкил қилади.

👉 @Energetika

Тожикистонда электр тўловлари бўйича жумбоқ: "оддий халқ нега тезда узилади" лекин қарзлар ошмоқда?

Тожикистонда аҳолининг электр энергияси учун қарздорлиги йилдан-йилга ошмоқда. Масалан, 2019 йилда қарз миқдори 1 млрд сомони бўлган бўлса, 2023 йил бошида 1,5 млрд, ҳозир эса 1,7 млрд сомонидан ошган.

❓ Одамлар ҳақли равишда савол бермоқда: агар оддий фуқаро бир неча кун тўловни кечиктирса электр дарҳол узилса, унда бу катта қарзлар қандай йиғилмоқда?

Тожикистон энергетика расмийлари бунга турлича изоҳ бермоқда:

Баъзилар бу қарзлар 1990-йилларда тўпланган, дея даъво қилмоқда.

Бошқалар эса "қўл тегмайдиган" айрим фуқаролар борлигини, уларга назоратчилар яқинлаша олмаслигини айтмоқда.

❗️Расмийлар бу каби ҳолатларни очиқ тан олмаяпти — на тасдиқлашмоқда, на рад этишмоқда.

Бу эса одамлар орасида норозиликни кучайтирмоқда ва тизимдаги адолатсизлик ҳақида саволларни кўпайтирмоқда.

шунақа гаплар)

👉 @Energetika

​​2025-йил августидан бошлаб “Озарбайжон–Сурия–Туркия” энергетика коридори ишга тушади: Озарбайжон Туркия орқали Сурияга 1,2 миллиард куб метр газ етказиб беради.

Йўналиш "Kilis" қувур линияси орқали ўтади ва Ҳалаб ҳамда Ҳимс шаҳарлари эҳтиёжларини электр энергияси билан таъминлайди.

Бу келишув минтақанинг тикланаётганини кўрсатади ва Туркияни муҳим энергетик марказ сифатида кўрсатмоқда, деб хабар бермоқда Туркия разведкасига яқин манба — Clash Report.

👉 @Energetika

SOCAR Озарбайжоннинг энг йирик нефт-газ компанияси

SOCAR (State Oil Company of the Azerbaidjan Republic) — 1992-йилда ташкил этилган Озарбайжон давлат компанияси бўлиб, мамлакатдаги барча нефт ва газ ишларини бошқаради. Компания қазиб олишдан тортиб, қайта ишлаш, экспорт ва сотишгача бўлган бутун жараённи ўзи амалга оширади.

SOCAR Озарбайжондаги “Shah Deniz”, “Azeri–Chirag–Gunashli”, “Umid” ва “Babek” каби йирик конларда ишлайди.

Нефтни қайта ишлаш заводлари Боку ва Туркияда (Star заводи) жойлашган.

Компаниянинг Грузия, Туркия, Руминия, Украина ва бошқа давлатларда ёқилғи шохобчалари ва газ қувурлари бор.

БП, Тотал, Лукоил каби йирик халқаро компаниялар билан ҳамкорлик қилади.

➖Компанияда 100 мингдан ортиқ ходим ишлайди.

👉 @Energetika

👀!

❗️ Иссиқхона хўжаликлари қўллаб-қувватланади. Эндиликда:

➖ ички бозор билан бир қаторда экспортга ҳам маҳсулот етиштириш мажбуриятини олган, табиий газда ишлаётган иссиқхоналарга қишки мавсумда газ кафолатли ҳажмда берилади;

➖ кўмир ёки бошқа муқобил иситиш тизимида ишлаётган ҳамда экспорт мажбуриятини олган иссиқхоналарга ҳам табиий газга қайтиш имкони берилади;

➖ айланма маблағ етарли бўлиши учун олдиндан тўлов октябрь-март ойларига 50 фоиз қилиб белгиланади. Бунда, иссиқхоналар газ корхоналари билан 1 октябргача шартнома имзолайди;

➖ табиий газдан кўмир ёки бошқа муқобил иситиш тизимига ўтган иссиқхоналарга ажратилган кредит муддати узайтириб берилади;

➖ иссиқлик насослари технологияларида ишлайдиган иссиқхона ташкил қилганларга харажатларнинг 20 фоизгача қисми, бу ишлар кредит ҳисобидан бўлса, кредит ставкасини 4 фоизи қоплаб берилади.

Хитой Хитой Хитойники деймиз-ку, Хитойни "калласи" ишлайди деган гапни тагида мағзи бор экан-да!

СССР нинг 50 йил олдинги нарсаси, ҳозирги Хитойнинг нарсасидан ўн карра яхши деган инсонлар ҳар биримизнинг атрофимизда етарлича топилса керак.

Ўша даврни кўрган ва ҳозирги Хитой махсулотлари билан таққослаган Ўзбек Хитойликларга савол берган экан, нега сизларни махсулот 4-5 йил, кўпи билан 10 йилгача сифатини йўқотади деса, улар жавоб берган экан : "Нега бизда ишбилармонлар кўп, нега Хитой молиявий гегемон, СССР бир чиқарганда 50 йил ва ундан ортиғига кафолат қилиб махсулот чиқариб қўйган шунинг учун кўп корхоналар банкрот бўлган, а биз чиқарсак 4-5 узоғи 10 йилга чидайдиган нисбатан арзонроқ махсулот чиқарамиз ва иш муддатини ўтаб ишдан чиқади қарабсизки ҳаридор яна бизнинг ёнимизга келади,мана биз нега Хитоймиз" деган экан 😅

👉 @Energetika

Хитой Ўзбекистонда “яшил” энергетикани ривожлантиради

Ўзбекистон Энергетика вазирлиги матбуот хизматининг хабарига кўра, мамлакат “яшил” (яъни экологик тоза ва қайта тикланувчи) энергетика йўналишидаги лойиҳаларни ривожлантириш мақсадида Хитой компаниялари билан учта келишув имзолади.

Мазкур ҳужжатлар қуйидаги компаниялар билан тузилди:

➖ Wind and Solarshine for Electricity Distribution Panels Manufacturing

➖ China Energy International Group

Имзоланган келишувлар Ўзбекистонда қуёш ва шамол энергияси асосидаги қайта тикланувчи манбаларни кенгайтириш, шунингдек, мавжуд электр таъминоти инфратузилмасини янгилаш ва замонавийлаштиришга қаратилган.

👉 @Energetika

“Саноат энергетика гуруҳи” МЧЖ томонидан нефтни қайта ишлаш натижасида содир бўлган авария сабабли Булоқбоши туманидаги каналда нефт оқиб кетди.

Ҳозирда ҳолат бартараф этилган бўлиб, “Саноат энергетика гуруҳи” МЧЖга тегишли тартибда текширув ўтказиш учун ҳужжатлар расмийлаштирилган.

pressuzb

👉 @Energetika

Мўйноқдаги қудуқдан чиқаётган газ аҳоли турар жойларидан узоқда ва таркиби зарарсиз

2025-йил 26-июл куни Қорақалпоғистон Республикаси, Мўйноқ тумани, “Учсой” ОФЙ ҳудудида жойлашган “Муйноқ” конида олиб борилаётган бурғилаш ишлари давомида 5000 метр чуқурликка мўлжалланган 1-сонли қудуқда 4707 метр чуқурликдан газ чиқиши кузатилди. Бу қудуқ — ушбу конда бурғилаш ишлари бошланган биринчи қудуқ ҳисобланади.

Газ босими кутилган даражадан юқори бўлганлиги сабабли, барча хавфсизлик қоидаларига амал қилган ҳолда қудуқни ликвидация қилиш ва босимни бартараф этиш ишлари олиб борилмоқда. Воқеа содир бўлган пайтдан бошлаб барча тегишли ташкилотлар — “Ўзбекнефтгаз” АЖ Бошқарув раиси бошчилигидаги Жамиятга қарашли “Очиқ нефт ва газ фаввораларини олдини олиш ва бартараф этиш бўйича Ўзбекистон ҳарбийлаштирилган қисмининг Марказий ҳарбийлаштирилган назорат отряди”, Фавқулодда вазиятлар вазирлиги, “Ўзбекгеофизика” АЖ ҳамда маҳаллий ҳокимият мутасаддилари воқеа жойида бўлиб турибди.

Энг асосийси, ушбу қудуқ аҳоли яшаш жойидан узоқда ва газ таркибида олтингугурт йўқ бўлган тоза метан ҳисобланади. Қайд этиш жоизки, Устюрт ҳудудидаги барча конлардан олинадиган табиий газ таркибида олтингугурт учрамайди.

Маълумот учун, айни дамда ҳолатни бартараф этиш учун хизмат қилаётган ишчи ходимлар соғлиғини сақлаш, шунингдек, атроф-муҳит ва ҳайвонот оламига зарар етишининг олдини олиш мақсадида газ назорат остида ёқиб қўйилди.

Ҳеч ким тан жароҳати олмаган.

Шу сабабли одамлардан ваҳимага тушмасликларини сўраймиз.

Энергетика вазирлиги

👉 @Energetika

Биламизки дунёда иқтисодий пойга кетмоқда ва бу борада барча мамлакатлар ўз холатидан келиб чиқиб натижалар,баъзи давлатлар эса ақл бовар қилмас натижалар қайд этмоқда. Иқтисод деганда айни вақтда асосан АҚШ ва Хитой кўз олдимизга келадиган бўлиб қолган. Факт ўлароқ айтаман рекордлар эски йилларда қолади ёки уни қанчадир йиллардан сўнг янгиланади. Биз бугун бу иборани Энергетика сохасида қўллай олмаймиз сабаби ҳар йили бу рақамлари янгиланиши мумкин!

➖ Электр ишлаб чиқариш бўйича Хитой 2024 йилда 10 000 TWh(петтават баъзи холатларда) рекорд билан

➖ Табиий газ ишлаб чиқариш бўйича АҚШ 2023–2024 1,35 трл м³ рекорд билан гигант бўлиб туришмоқда.

👉 @Energetika

Электр, сув, газ, чиқиндидан бўлган қарздорлик учун камбағал оилаларга Саховат ва кўмак жамғармасидан бир йилда кўпи билан 2 марта 2 060 000 сўмгача пул берилади.

“Тошкент шаҳар электр тармоқлари” МЧЖ бошлиғи ва 11 нафар туман электр таъминоти корхоналари бошлиқлари интизомий жавобгарликка тортилди

Тошкент шаҳрининг турли туманларида электр энергияси таъминоти билан боғлиқ авариялар ҳамда тармоқларда кучланишнинг пасайиб кетиши ортидан “Тошкент шаҳар электр тармоқлари” МЧЖ бошлиғи ва 11 нафар туман электр таъминоти корхоналари бошлиқлари, 13 нафар туман корхонаси бош муҳандислари, 3 нафар туман корхонаси диспетчерлик хизмати ходимлари — жами 28 нафар мансабдор шахс интизомий жавобгарликка тортилди.

Бош прокуратура ўрганишларига кўра, “Тошкент шаҳар электр тармоқлари” масъулияти чекланган жамиятида тизимли муаммолар борлиги маълум бўлди:

Штат етарли емас. Жамиятнинг 410 нафар ишчи-ходимдан иборат 78 та авария бригадаси, 34 та махсус автотранспорт воситаси юзага келаётган авария ҳолатларини бартараф этиш учун етарли эмас. 35 та штат бирликларига эҳтиёж мавжуд.

Кадрлар қўнимсизлиги. Сўнгги уч йилда жамиятда фаолият юритиб келаётган ходимларнинг 30 фоизи иш ҳақининг камлиги ва иш ҳажмининг катталиги сабабли тизимдан бўшаган. Шундан 228 нафари ёки 45 фоизи айнан эксплуатация хизмати мутахассисларини ташкил этади.

Тармоқ модернизацияга муҳтож. 9 749 километрдан ортиқ электр тармоғининг 2 540 километр ёки 26 фоизи таъмирталаб аҳволда, мавжуд 90 та подстанциянинг 9 таси модернизация қилиниши, 2 тасининг қуввати оширилиши лозим.

Махсус лабораториялар аҳволи оғир. Мавжуд 11 та махсус лаборатория автомашинасининг 6 таси замон талабларига жавоб бермайди, шундан тунги вақтда бор-йўғи иккитаси навбатчи сифатида ўз хизматини ўтамоқда. Бу бир вақтнинг ўзида бир нечта ҳудудда ўчишлар содир бўлган тақдирда қисқа муддатда аварияни аниқлаш ва тўлиқ бартараф этиш имкони бермаяпти.

Call-марказга уланишда катта навбат. Ҳозирда тизимдаги 1154-рақамли CALL-марказ орқали мурожаатларни қабул қилувчи операторлар 5 нафарни ташкил этади. Шу сабабли оператор билан уланиш учун 60-70 тагача навбат юзага келган. Ўрганиш натижасида марказга қўшимча 10 нафар оператор бириктирилди.

Истеъмолчиларни огоҳлантириш. Чекловлар ва авариялар ҳақида истеъмолчиларни вақтида хабардор қилиш ҳам талаб даражасида ташкил этилмаган. Июль ойининг 23 кунида 64 та авария бўйича истеъмолчилар огоҳлантирилмаган, 112 таси бўйича эса кеч огоҳлантирилган.

👉 @Energetika

Табиий газнинг ишончли (расман тасдиқланган) захиралари бўйича етакчи давлатлар.

👉 @Energetika

Хитой – Юннан провинсиясининг жанубида, 3200 метр баландликдаги ҳудудда жойлашган 500 кВ кучланишли электр узатиш линиясига техник хизмат кўрсатиш ишларини дронлар ва роботлар муваффақиятли амалга оширди.

👉 @Energetika

Microsoft АҚШнинг Техас штатида 408 МW қувватга эга янги Ash Creek қуёш энергияси лойиҳасини ишга туширди.

Олти ойда Ўзбекистон электр энергиясини $100,6 млн га экспорт, $65,3 млн га импорт қилди.

Шамол гигантларини қандай ўрнатишади

Видеода шамол турбинасининг улкан қанотларини (лопастларини) ўрнатиш жараёни тасвирланган. Ҳар бир бундай “қанот”нинг узунлиги 80 метрдан ҳам узун бўлиши мумкин — бу йўловчи самолётининг қанотига тенг. Битта қанотнинг оғирлиги 20 тоннагача етади. Уни 100 метрдан баландроқ минорага ўрнатиш учун махсус баланд кранлар ва жуда аниқ, синчковлик талаб қилинади.

Замонавий шамол турбиналари — ҳақиқий гигант иншоотлар. Масалан, ГЕ компаниясининг энг кучли Ҳалиаде-Х модели 14 мегаваттгача электр энергияси ишлаб чиқаради. Бу қувват 16 минг хонадондан иборат бутун бир шаҳарчани энергия билан таъминлашга етади. Бир йил ичида бундай битта турбина шамол кучидан фойдаланиб, 50 минг тоннадан ортиқ CО₂ чиқиндисини камайтиради.

👉 @Energetika