مشت كلها مشي متوجهه لحسين

محمد النوري

اريد زيارتك والحيل خوان
      واطلب حاجي بس اخجل احجيها




مشت كلها مشي متوجهه لحسين
         وانا اعاين بعيني وگلبي موجوع
كل ظني اروحن واحچي وياه
            واسولفله واگولن اهم موضوع
احچيله اشكثر بيناتنا اسرار
              اشكثر سولفنا أنا وياه بدموع
اسولفله بيوم النصب أخيام
               وهو كلبه عليهن يون ويلوع
يحسين النوايب كثرن اعليك
              وانت لوحدك كالجبل مجموع
اليشوفك يرق وگلبه ينلام
                   ويظم الألم مابين الضلوع
اناديك واصيح اقبلني مولاي
               ما اكدر أجيك وكلبي مشلوع
الله يساعدك من طاح عباس
        عرفت شلون حاله الظهره مكطوع
اجيتك من گبل بس زرت عباس
        گبل لاطب واجيك ودمعي مطبوع
استحيت وطلبتي رديتها وياي
             شطلب وانا جاي لبيت مفجوع
أخيام محرگه واعيال طشار
                 أزلام مذبحه والطفل متبوع
فداكم كل عمر المن نخليه   
     يللي انطيتو كل شي بصوت مسموع


محمد دعبل النوري

ها هنا دولة المواكب
ها هنا ثامن العجائب
من تگصدر الصوبين يفرح عراق حسين🚩

قصيدة ( دولة المواكب ) لمناسبة زيارة الأربعين


هــا هنـــا       دولـــة المـــواكب
هــا هنـــا       ثامــن العجــــائب
من تگصد الصوبين       يفــرح عراق حسين

*

بس بالعــراق      مـا لا يطاق       منْ الكرم
مو بس فنون       حد الجنون      بي للخدم
من الحسن اخذو درس معنى العزوبيه
مـدو السفره لكربله السفــره الحسينيه
مو دوله لا خــلّ تعتنينا الكره الارضيه
نطعـمـهـا وأحنه أعلى الوعد بالاربعينه
هــا هنــــا      دولـة الامامـه
هــا هنــــا      منبع الخدامـه
لو تعتنينا الصــين      يفرح عراق حسين

**  

كــل البــلاد      تعلن جهــاد       الخــدمتــك
والعـاشقين       بـالأربعيــن        لـو گصدتك
يا سيدي اتشوف العجب في دولتــك هـايه
متجــوع لــو كـــل الـــدول تتعنــه مشـايه 
الينظــر مواكــب خدمتـــك يتحيـّـر بــرايه
بمصحف غرامك سيدي هالخدمه چـن ايه
هــا هنـــا          دولــة العجائب
هـــا هنــا          تسمو بالمراتب
ابخــدمتنا  مفتخــرين        يفرح عراق حسين

**

في كربــلاء       سر السمــاء       ســر الأرض
لكل الوجود       ارض الخلود      صارت نبض
ثامــن عجيبه دولتــك يحسـين مـوصـوفــه
أول بلـد تتعــارك أهلــه لخدمـــة أضيـوفـه
ولــو تخلص الخدمه تظـل دمعاته مـذروفه
ويتــاني جيت أزيــارتك وبــروح ملهوفــه 
هــا هنــا       منبع الابــائي  
هــا هنــا        يُـرفع الندائي
خل المسير اسنين         يفرح عراق حسين 
  
**

لجــل الإمــام      دولـة غرام         من تنوصف
سرها عجيب     لجل الحبيب        مـــا تختلف  
هذا العشگ محد عــرف بالعالم إسـراره 
حتــى الفقيــر بدولتــه ميعــوفه خطــاره
لو يعتني العالم مشي بكل ناسه وأقطاره
بالاربعينـــه  تظـــل  بالكــرم  محتــــاره
هــا هنــا       جنة السمائي   
هــا هنــا      دولــة ألولائي 
بالخدمه گرت عين        يفرح عراق حسين

*


چم فيلسوف    لمن يشوف       هــذا الشعــب
بيهـم يحيــر     لمــن يسير        بأرض العجب
ما چنه يمشي أعلى الأرض من ينظر الخدمه
چنـه مشــه بجنــة عـــدن والنـــاس ملتمّـــه
وأهــل المــواكــب للمشو تهتــف فــرد كلمـه
أتفضــل يزاير يــا هـــلا بفردوس أبــو اليمه
هــا هنــا         دولــة العـوابس
هــا هنــا         ما مــن  منافس
للخدمــه مخلوقين        يفرح عراق حسين 

*
الشاعر
موسى البديري

لـحـن ثـانـي

أطـهـر دمـعـه


مـلا عمار الديـباجـي الحـسينـي

للشاعـر الحسيني علي القريشي

أطـهـر دمـعـه


مـلا عمار الديـباجـي الحـسينـي

للشاعـر الحسيني علي القريشي

ونـيــن         أنــيــن         حـنـيـن
أطهر دمعـه مـن نزلت على حسيـن
جفوف         سيوف         طفـوف
ماضمت حــرف مـن أسم الحسيـن

              🔅🔅🔅🔅

سـجـل يامحمـد ويم الباري اشهـد
           لـحـسيـن الإمــام
عن لوعة رضيعه وأخبار الشريـعـه
           وأحسب بالسهام
شـوف الغاضريـه وطـيـور المـنـيـه
           تـفـتـر عـالخـيام
عاين بله عالتل وأسأل زينب أسأل
           شنو چان الكلام

غـياب          عـتاب          جـواب  
طـايـح عـالـنـهـر أبـــن أم البـنـيــن

             🔅🔅🔅🔅

قصه نكتبت بدم واليقراهـا نـعـلـم
           ينتابـه الخشـوع
رحله بـلا سلامـه بيها شگـد يتامـه
           وألـوان الـدمـوع
ونه تحاچي ونه عرس بلايـه حنـه
           ومطفيه الشموع
مـنبـر للـمـناحـر بـرمـاح وحــوافــر
           مهشومه الظلوع

بـــلاء          دمــاء            عــزاء
مـنصـوب وأبـد مايـخلـص أسنيـن

              🔅🔅🔅🔅

ثـوره وكلها غيره زينب بيها اميره
           وقائـدهـا الكفيل
وحسيـن المناره  واصحابه الغياره
           غـيرتـهـم تـسيـل
غالي واسمه غالي صار لكل موالي
           مـثـل السلسبـيـل
خدمه وبيها نعله وكـل عاشـر نگله
           نعوفك مستحيل

شهيد           بـعـيد           وحـيد
مـاتـبـقى ونـجـي لـو حتى ميتيـن

              🔅🔅🔅🔅

عـاشـور المصـيبـه واجـسـاد السليـبـه
            ودمـوع الصغار
طـوفـان المشاعـر مـن تبـدي الشعائر
            تـشعل بـيـنه نار
مـشايـه ومـواكـب چن صورة كواكب
            ورايـات وشعار
دمعه تجرها دمعه حسين متاني ربعه
            مـن تاخذله ثار

غريب           سليب          حبيب
كـل عـام المحب يـنذرلـه چـفــيـن

              🔅🔅🔅🔅

عشرتنه الطويله وي صوت العقيله
            تـرجـمها الشعـور
كل عـاشر محرم يگوم يسولف الدم
            بينـه يظل يفـور
والينشد عـلينـه بـ أرض الطف ربينه
           ومختومه الصدور
رايه وچف يشاهد نصبح كلنه واحد
           مـن نـوصل نـزور

خـشـوع          دمـوع        جـمـوع
نــتمـنـه بـخـدمتـك عـدنـه عـمـريـن

              🔅🔅🔅🔅

للشاعـر الحسينـي علي الـقـريـشـي

تم نشر قصائد جددة بقناة الحجيه ام علي من اروع القصائد تعالو وياي لقناة الشاعرة الحجيه ام علي البصره تحصلون بيها كولشي جديد

ماعليج بس تشتركين من هنا


👇🏻👇🏻👇🏻👇🏻👇🏻

https://t.me/ahzan2018

https://t.me/ahzan2018

يا هله المشايه جونه يا هله
.
:::::-----:::::
.
طلعو المشايه من طرف البلاد
الله حيهم يا ملوك الساحه
وياكم الزهره مشت طول الطريق
مو تعب هذا تحس بالراحه
.
الطلع مشاي ، جده الرايه
حسن تربيته
الله حياه . علي وياه
يدخله البيته
بدفتر الخدام راح يسجله
.
:::::-----:::::
.
اعلان هذا الما سمعكم بلغوه
خلي يسمع حته لو ما عاجبه
راية العباس توصل للسماء
الما قبل رايح نشلع شاربه
.
كدها وكدود . اهل زود
كفو المشايه
كحل للعين ، على حسين
نشيل الرايه
بعد مو اخر مطاف التكمله
.
:::::-----:::::
.
يا ملوك الارض انتم والشيوخ
حسين عدكم ما يشبهه الثاني
الحقيقه هاي وانتم عن يقين
مـو تصنع هـل امـر رباني
.
الله خصاه . مشيناه
طريق الجنه
الفخر دوم . ولا يوم
تشوف المنه
جنة الباري لكينه بكربله
.
:::::-----:::::
.
حسين قدوتكم يشيعه لا يزال
ينتظر زواره الي يكصدونه
وسط روحه يحطكم وهذا يقين
حسين هوه يحب اليحبونه
.
الجنه وياه . لكيناه
نعيش بخيره
نعمة حسين . ضوه العين
صعب تفسير
ظعن زينب من يجي نستقبله
.
:::::-----:::::
.
هيه مو سهله القظيه وبس كلام
لاوحك عباس صعبه عل دول
محد مسويها بس اهل العراق
بالكرم يمنه اذا حاتم خجل
.
نعزب هواي . بلا راي
جنون براسنه
ما يهمون . الي يحجون
وحك عباسنه
الضيف لو مر بينه راح ندلله
.
:::::-----:::::
.
حسن صالح العيساوي

نعي للمشايه
.
.
يحسين هذا اليوم اجينه
ننعاك ما ضل حيل بينه
هيهات مــا ينفع بجينه
ماشوفن ترد حلوه اليلي
.
.
اربعين ليله صار صيام
يحسين تكتل غربت الشام
تدرون بيش الغاليه تنام
بفراش المنيه وضيم حالي
.
.
تموت كون المات اخوها
باجر بالغرب يستوحدوها
بعد اهل الحميه مايجوها
مسيوره مشت من غير والي
.
.
من حن الكلب من راد ليكم
يحسين مـا نكدر نجيكم
جنت مدلله يا خويه بيكم
هسه افكدت عزي ودلالي
.
.
وينك ماتشوف شحالها اختك
تشكي من الهظم زينب اجتك
تظل نايم يخوها لـــو نختك
لو تبقى اعله نومك ها يغالي
.
.
حسن صالح العيساوي

قصيدة للمشايه ع شكل هوسات
.
.
ماتخلص حد الموت هل مشايه
.
:::::-----:::::
.
مـن اخر دنيا اتعنينه
الاول ما يدري بتالينه
شط وما يخلص جارينه
للغالي حسين . ها ها
رخصنه العين . ها ها
.
والكافل راح يلاكينه
بالرايه وسيفه وجفينه
هم يمشي ويانه يحامينه
من كل مكروه . ها ها
يحب الحبوه . ها ها
.
لازم نوصل يحسين وانته الغايه
.
:::::-----:::::
.
لو زاير لو شلي بعمري
لوما ابجي والطم صدري
ياهو الغيرك يحضر كبري
باجر مولاي . ها ها
تحضر وياي . ها ها
.
مشايه العالم عرفونه
مـا كدرو والله يمنعونه
عشاك حسين يسمونه
نوصل حفاي . ها ها
صفينه الراي . ها ها
ماعوفك حد الموت هاي احجايه
.
:::::-----:::::
.
نتوكل بالله و مهدينه
شط ومـا يخلص نارينه
الخادم خلصها اسنينه
نواسي الكرار ها ها
نوصل للدار ها ها
.
للعاشك هم تحصل توبه
راد امن الله اطيح ذنوبه
وبس لحسين و محبوبه
المخلص وياه ها ها
الياخذ يمناه ها ها
حبك من الله حسين موش سوايه
.
:::::-----:::::
.
تورث مشايه المشايه
وللكافل منطين احجايه
الحب انته وانته الغايه
لازم تختار . ها ها
بيت الاطهار ها ها
.
ما نتعب ما نترك كربك
يحسين مغطينه بحبك
متأكد مـا جاي نجربك
حبك بالروح ها ها
يابعد الروح ها ها
يم كبرك يا مظلوم عدنه اقرايه
.
:::::-----:::::
.
يحسين الاول و الاخر
انته ويانه بكلهن حاظر
بس حبك يشفيلي الخاطر
عيون الخدام . ها ها
لجلك منام . ها ها
.
نمشي وما تتعب رجلينه
والكبرك عنوه تعنينه
طرواك يشرف ماضينه
وياك نموت . ها ها
نادينه بصوت . ها ها
خدامك ينتظرون تدري اهوايه
.
:::::-----:::::
.
حسن صالح العيساوي
.
.
https://t.me/hsan12

راس ابطشت من ذهب
ظل يبتسملي أبتعب
دمه إعله خده النزل
صبراً يزينب كتب
——-
للشام أنه إمن أوصلت .. هيبة علي هيبتي
جيش ال اميه إنهدم .. من رفرفت رايّتي
طاحت الدنيا وبقت .. جوه الجِفن دمعتي
كل الشماته أنحنت .. ومرفوعه روس إخوتي

خذت التحيه وصحت
يحسين أبد ماطحت
هايه آنه حٌرّة علي
ماعندي حيره وعتب
———
يالغالي من كربله .. بيه العزم يالولي
ويه الظعن بالمشي .كل خطوه أصيحن علي
أسمع حچي والتفت .. وأنظر رمح كافلي
أيديرونه عني ورجع .. بالبسمه ينظر ألي

يحچيلي چن بالسهم
من گتله سهله أبتسم
امشيها شنهي الارض
آنه العبرت العجب
——-
عفتك جسد عالثره .. يوم أهداعش بالصبح
بيرغ أشوفك صرت .. مو راسك إعله الرمح
صح جرحي مابي شفه .. والدنيا تمطر ملح
بس من مشيت ورحت دست الملح بالجرح

هايه آنه بنت النبي
ميهمني درب السبي
مادام أعاين علم
راسك يشيخ العرب
——-
ذبحوك أبد ما متت .. عايش تظل كل زمن
وحرگوها كل الخيم .. وأبالي شفتك وطن
عافوني بس أرفضت .. واجب أتبعك لأن
عندك بعد طف إبه .. للشام أخذت الظعن

كلما عليكم نصد
ضلينه نقره الحمد
وللشام أنه إمن إوصلت
ثورتنه ثورة غضب
——-
شفت الخرابه أعز .. لَمّن دخلت القصر
أبكبر السمه من فتت.. وإشزغره درب الكفر
جابولي كرسي إگعدت .. وبراسي تاج الخِدر
جابولي راسك گمت .. بس گومة المنتصر

ضَل يضرب إشفايفك
وشتحچي ما يعرِفَك
طبعاً كلام الشرف
يعبر عديم الأدب
——-
أبصوتك يبن فاطمه .. وهيبة علي والِدي
أعلن خِطاب النصر .. وبخطبتي أبتدي
القصر الظلم هَدمت .. وأفنيته كل مٌعتدي
وراح أرجع الكربله .. ياسيدي وقائدي

يوم أربعينك يضل
ثوره يخير العمل
وبكل سنه الحضرتك
خِدامك أشچم شعب
——-
سيد مرتضى الموسوي

‏مقطع صوتي من حيدر بشار الدراجي

شدو احزامين هاليله الخدم
تحزمو للخدمه واحدهم علم
يرتجون الليله نظره
من علي وفاطمه الزهره
ياحسين مولاي ٠٠ ياحسين مولاي
ــــــــــــــــــــــــــــــــــــــــــــــــــ
كل عمل معروف لازم قبلَ نيه اتأكده 
نية الخادم الخدمه وكربله كل مگصده
شگد روايات القرينه في كتبنه وارده
وكل احاديث الزياره والخدامه مُسنده

خطوه الماشي تُعد سبعين اجر
شگد احاديث التأكد هالامر
والاجر حجه اويه عمره
من علي وفاطمه الزهره
ياحسين مولاي ٠٠ ياحسين مولاي
ــــــــــــــــــــــــــــــــــــــــــــــــــ
نحسب ايام ونناطر يمته توصل الاربعين
نريد نخدم من فدانه بروحه ابو گلب الحنين
ويه النفس عايش اويانه وكل صبح نصرخ حُسين
وين نلگه مثل گلبه نتعب وما نلگه وين

نبتعد عنه ويردنه للطريق
بالشدايد يفزع النه اشما تضيق

بالمحن احنه ننطره
من علي وفاطمه الزهره
ياحسين مولاي ٠٠ ياحسين مولاي
ــــــــــــــــــــــــــــــــــــــــــــــــــ
خلصيناها المجالس واعتنينه الكربلاء
بين موكب بين ماشي للحسين احنه فداء
حب ابو اليمه جمعنه والگمر حامي اللواء
موعد الخدام كلها بالصحن ترجو اللقاء

هالخدم چنها عشيره من صدگ
مونسب يجمعها يجمعها العشگ
ابصوت واحد كلنه نقره
من علي وفاطمه الزهره
ياحسين مولاي ٠٠ ياحسين مولاي
ــــــــــــــــــــــــــــــــــــــــــــــــــ
محله ابو الموكب ينادي يلي گاصد كربله
الليله شرفني بمضيفي ياهله ومية هله
والخدم شدت حزمها اشكال كلها امشكله
ابهل امر محله التنافس وابد مابي مُشكله

چلبو بهدوم زوار الحسين
هاي وادم بالخدامه هايمين
واليجينه شكد نقدره
من علي وفاطمه الزهره
ياحسين مولاي ٠٠ ياحسين مولاي
ــــــــــــــــــــــــــــــــــــــــــــــــــ
شلون من تگضي الزياره والمواكب تنهدم
مثل أم الولد تبچي بالدمع هاي الزلم
محله وناته  وعبرته محله دمعاته الشهم
يحسب ايام ويتاني بالزياره شگد يهم

يشعر بتقصير ويكتله الندم
يرجع شلون ويهد هاي الخيم
بالخدامه يگضي عمره
من علي وفاطمه الزهره
ياحسين مولاي ٠٠ ياحسين مولاي
ــــــــــــــــــــــــــــــــــــــــــــــــــ
حيدر بشار الدراجي

قصيدة ثكيله لأربعين الحسين

#من_ديوان
#مواجع_الطف_الجزء_الثاني


{ ضميت راسك يالولي }


ضميت راسك يالولي جوه العبايه
من الشمس يحسين متغير اهواايه

•───✧◐◐✧───•

متغيره اوصافك يخويه وكل معانيك
فوك الرمح مرفوع راسك وانه اصد ليك
من كربله للكوفه خويه العده اموديك
وللشام راسك يالولي ويانه حمايه

•───✧◐◐✧───•

راسك يخويه كبال عيني رافعينه
طول الدرب يحسين ينظر عالضعينه
وكلما يضربون الحرم يندار لينه
وابنك علي السجاد ضل مشدوه رايه

•───✧◐◐✧───•

لمن وصلنه الشام هاي اعضم مصيبه
من جابو الراس بطشت مخضوب شيبه
ورقيه فوك الراس موتتها الحبيبه
يبن امي واحتاريت بيها بهالولايه

•───✧◐◐✧───•

شفت العجايب بالدرب واليوم اجيتك
انصب عزيه بكربله تكعدلي ريتك
يم الكبر يحسين اسويها اربعينك
اكعد وخل احجيلك الصاير اويايه

•───✧◐◐✧───•

ضيم وهظم يحسين راووني هالانذال
ضيم العلي ماينحمل ويهدم اجبال
واصعب واشد من الجره يحديني جتال
بحجار اهل الشام شمروهن ورايه

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫لايجوز حذف براء الذمه من القصيدة


https://t.me/um_ali313

قصيدة لأربعين الحسين تنقري اهوازي وشور وفزاعيه

#جديدحصريآ 🔥💔

وصلت شيخة النسوان
يـاجــابــر تـلكـاهـا

•───✧◐◐✧───•

وصلت بنت الهيابـه
افتـح للكبــر بـابــه
تــرد الراس بترابــه
تون ردت لملفاها

•───✧◐◐✧───•

اجت لكبور اهاليها
زينب حيل مابيهـا
تريد تشوف واليها
فراكـه حيل اذاها

•───✧◐◐✧───•

توجع فركة الغالي
وتخلي الدمع هالي
تون وتنوح للوالي
جابت راسه وياها

•───✧◐◐✧───•

مغطيته بعبايتهــا
من الشام ردتهــا
العبره حيل خنكتها
وكتها بظيم خلاها

•───✧◐◐✧───•

وصلت للكبر كــوه
وصاحت يهل المروه
اكعدو فلت الخوه
اختكم ظيم غطاها

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫لايجوز حذف براء الذمه من القصيدة


https://t.me/um_ali313

بربعينك بالدمع ياخويه أجينه
من بعد الفراگ
بدموع الاشواگ
بربعينك بالدمع ياخويه أجينه🚩

بربعينك





بربعينك       بالدمع ياخويه أجينه
من بعد الفراك
بدموع الاشواك
بربعينك           بالدمع ياخويه أجينه



للشام رحنه بيا بخت وبيا حزن ياجمره
مچتوفه كل هاي الحرم ودروب نمشي وخطره
رحنه ورجعنه بالدمع والراس جبناه يقره
الحمدلله والشكر يقره ويردد نحره

بربعينك              من أجينه امچتفينه
بنيران الأحزان
وبلايه صيوان
بربعينك          بالدمع ياخويه أجينه



راسك حملناه عالرمح لمن رجعـنـه بدمعه
يقره ويرتل بالدرب بيا حاله صاير وضعه
يسمعني راسك عالرمح يحسين لمن انعه
وينظرلي وانه بيا وضع بس بالسواد امگبعه

بربعينك                    والگبر ناشدنه وينه
محنيه لضلوع
ردينه بدمــوع
بربعينك        بالدمع ياخويه أجينه



مابين دمعات اليسر مابين شوگي البيه
رديتلك دمعه وحزن امشيلك ومچويه
جبت اشتياقي الكربله يحسين الك حنيه
راح اگعد اباب الگبر واقرالك اللطميه

بربعينك               وأنظر امحرگات ادينه
اگــعــد يمذبــوح
مو خلصت الروح
بربعينك       بالدمع ياخويه أجينه



ياخويه فك باب الگبـر يحسين وانظر حالي
رحت ورجعت الكربله لا كافل ولا والي
ارد انه اخبرك يالولي من بعد چف الغالي
عباس كافل محملي صار الشمر  يبرالي

بربعينك              من اجيناك اشلگينه
گبـرك لگيناه
بالدمعه والآه
بربعينك         بالدمع ياخويه أجينه



يحسين راح امشي بدمع واحچايه عندي احچيها
يم گبر عباس بحزن ودموعي يمه ابچيها
ماتت رقيه اعله النحر ارد أنه اخبره اعليها
واحچيله قصة رحلتي يم الگبر ارويها

بربعينك                     والأخو مطفيه عينه
من بعد الغياب
اشتــم التـراب
بربعينك          بالدمع ياخويه أجينه








لاتنسون والدي ووالدتي وأبني عباس من الرحمه والمغفره خادمكم رياض الرسل الجابري

مشايه لگبرك نتعنه🚩

مشـــايـــــه لگبــــرك نتعـنــــه

***

هاليوم    لگبــــرك   عنــايــه
گبـرك يحسين أصبــــح غايه
بيد أحبابــــك تحلـه الرايــــه
فـــوگ الــرايه أبــــدم وقعنه

***

وقعنـــه أبـــدم  مـــا نتغــيــر
لــو نتگـطـــــع لــــو  نتــــوذر
نبقه انحبــــك يـــا أبو الأكبـر 
وصحنك يحسـين اليجَمّعنــه

***

صحنـــك يجمـع كل أحبابـك
عطشــانه وتــورّد منْ  بابـــك
بابــك ميــِـرجـــــع طـــلابــك
وكـــل محتـــاج ابلهفه أتعـنه

***

مشــايــه اتعنينــه الحضــره
لمصابــك نجـــريها العبــــره
نقسملك بــمصـاب الزهــــره
لــــو نتفجــــر لا ميّهمنـــــه

*** 

لــــو نتفجــر  لا  مـــا نرجــعْ
أرواح ابگبـــرك   نتجــمــــــعْ
شيعـــه وخـــل العالم يسمـعْ
حسين الـدين حسين الجنه

***

حسين الـــدين ولا منبــدلـه
حسين الايه واحنـــه أنرتلــه
حسين الإيمــــان وي القبلـه
يحسيـن بحبــــــــك آمنـــــه
***

بحبــك آمنـــه و منعـــوفه
أرواح لــدربـــك ملهـوفــه
شـوگ البينه أعداك تشوفه
ويـا حاقـــد عنـــك يمّنعَنه

***
الشاعر
موسى البديري

العالم بأسره گاصد الحضره

يعني هذا الكون كلّه كربلائي 🚩

قصيدة ( عاصمة السماء )) 


العــالــم بأســره         گاصــد الحضـره
يعني هـــذا الكــون كلّــه كربلائي

*------------*----------*

العالــم أتـعنـه لضريحــك سيــدي رافـــع لــواء
أنَخّــطْ عليه لبيك كلنا ودونـك أنضحــي الدمــاء
عاصمه لكل دوله ندري وياهي عاصمةْ السماء
بالدمــه انّخطـتْ أسسهـا العاصمه بس كــربلاء

العاصمه الكبره            مصدر الثوره
ويفخر العالم يصيح ألها انتمـائي
يعني هذا الكــون كلــه كــربلائي

*------------*----------*

الكون مشــاي اعتنالك قــادم مـن أربع جهـات
حسين يــا قبلـة غــرام أطــوف بيـه الكائـنـات
المـا فهم يحسين حبـك مــا فهم هــاي الحيــاة
يا حسين الكِره دربــك هـــذا احسنله الممـات

أيه ظل حبك           ثوره ظل دربك
لان حبــك أيه فــارضته السمائي
يعني هذا الكــون كلــه كــربلائي

*------------*----------*

حسين يا ســرْ الخليقـه وبسملـة كـل الخـلــود
حسين يــا صـرخة ضماير فززت هـذا الـوجود
ألك من كل صوب گصدت سيدي تمشـي الوفود
والسفـارات ودولهــا لمــرقـك گصـدت حشـود

احتارت أبنصرك          كلها يـم گبـرك
ترفـع الصـوت وتنـادي خذ ولائي
يعني هذا الكــون كلــه كـــربلائي

*------------*----------*

الدّول لــو رفـَرف علمها كلـها تشعـر بالفخـر
والعلم بحسين رفـرف مــن نــزف دم النحـر
انظــر الشــام وتوجـه للحسين بهـل النظــر
وين صـارت ال اميه وياهو گلي الي انتصر

السيف لو نحره         ياهو شع بدره
الكون كلـه يهتف حسين الفــدائي
يعني هـــذا الكــون كلــه كربلائي

*------------*----------*

حسين أنت الجــاذبيه وبضـريحـك تجتمــع
والدليــل ابكبــريائك كـــربلــه ظلــت تشــع
أنــت فلسفــة الغـــرام وفلسفة كـل الـدمـع
العالم لصوت الضماير مِـن ضريحك يستمع

منـــك أتِعّــلم           أَنتصـــار الدم
تعلم العالم درس نصــر ألـــدمائي
يعني هــذا الكـــون كلـه كربلائي

*------------*----------*

الشاعر
موسى البديري

قصيدة مشايه
(الطم بالدرب عالحسين)

مشايه للحسين مشايه
مشايه للحسين مشايه
....................
لكربله قافله نعتني وممشه العمر
منزله وتكمله من المهد حد للقبر
واعتله صوت اله خادم الموكب يِسُر
ياهلا وكل هلا لو سمعنه نفتخر
وفايه للحسين وفايه
مشايه للحسين مشايه
....................
باللطم والهضم نكَصد الكَبر السبط
والدمع جن شمع وي ترابه ينخلط
مارجف والنجف قسم هذا وبي شرط
ابلا جنح بالجرح طير وابابه نحط
عنايه للحسين عنايه
مشايه للحسين مشايه
....................
لدمعته وصيحته بالطف ابطيحة زلم
للثره وقسوره كافل اضعونه الشهم
نعتني وننبني سور مادون الخيم
بهالزمن للضعن احنه انصار القيم
والرايه للحسين والرايه
مشايه للحسين مشايه
....................
موكبي مذهبي ويه أهلي وصحبتي
بالجزع وانصدع كل كَلب من شوفتي
هالدرب جن حرب والسلاح ابلطمتي
انتصر وافتخر لو حفظت ازيارتي
والغايه للحسين والغايه
مشايه للحسين مشايه
....................
رفرفت واعتلت بالمشي راية وهدف
للخدر نستمر واحنه عد وعد الشرف
كل سنه واعتنه هالجمع بيهه اعترف
بلوعته ودمعته جن بحر لا ما نشف
هالأيه للحسين هالأيه
مشايه للحسين مشايه

الشاعر ياسر العارضي

قصيدة اربعينيه لطميه

رد الضعن باربعين الوالي
وكلهن اجن يبجن اعله الغالي
.............................
من يسر رجعن وكلهن تعب
والعمر من الايام انسلب
مو صبر جن صبح نار وحطب
ينتشر بالدمع مثل اللهب
وعلي الساجد حادي ياحسين اينادي
سيدي اتعنينه من اليسر للوادي
نسوه وبجن واشبقه ابدلالي
وكلهن اجن يبجن اعله الغالي
.............................
مو هوه هب رماد اخيامه
ونينوه لخنصره وابهامه
يادوه والجروح ايتامه
والتوه ظهره يم ازلامه
زينب ويه العيله من بعد توميله
من اليسر مهضومه تكَعد وتحجيله
دار الزمن والدموع اتلالي
وكلهن اجن يبجن اعله الغالي
.............................
جف سبع من بِعِد حياهم
وينسمع هالحديث وياهم
منكَطع بمشرعه اتلّكَاهم
وابدمع عينه من ترعاهم
استقبل اخته بعينه امكَطعه جفينه
للخدر والعيله فدوه كال اسنينه
وزينب تون وينه جا كّفالي
وكلهن اجن يبجن اعله الغالي
.............................
بالترب وسفه زلم الهيبه
والحرب عاليتامه امصيبه
بالرعب والعدو تعذيبه
شكَد صعب وعلي منين اتجيبه
عيد شام اعداهم حيل والله اذاهم
بالشتم عالعيله وسوط يتلكَاهم
وابلا وطن رجعن ابهَم عالي
وكلهن اجن يبجن اعله الغالي
.............................
استقبله جابر الانصاري
بكل هله وبدمع دم جاري
يسأله والعليل اخباري
قافله جاوبه بكل ناري
ها يعمي جابر على اجروحي مكابر
انظر اعله سكينه وكَوه كَلبي صابر
كَلبي انطعن من اشوف اعيالي
وكلهن اجن يبجن اعله الغالي
الشاعر ياسر العارضي

موشح عودة السيدة زينب لكربلاء ع
……………………………… .
جيت من بعد السبي ياكربله
بين اخوتي ومحد يگلي هلا
……… .................
جيت ودموعي  تنادي ياهلي
جيت وبكل خطوه اندبك يالولي
ليك مشتاگه وعلي يابو علي

حايره ومدولبه ومعلعله
بين اخوتي ومحد يگلي هلا
..........……………… ..
معلعلة وتعبانه من ضيم العجف
وخاف برسومي تضيعون العرف
بچفي عنكم راح اضمنّه النزف

اجروحي وادموعي عليكم هامله
بين اخوتي ومحد يگلي هلا
……… ........
لاگو اختكم حيل تعبها الكُبر
جايه عدها امنية بهذا العمر
تريد بين اگبوركم الها گبر

ارد اردن بينكم ومدلله
بين اخوتي ومحد يگلي هلا
………………… ..…………
ارد ارد امدلله و اشبه گبل
السوط تعبني وترس عيني الرمل
بنت اصول الطگني خويه ابلا اصل

وصرت خويه بالرماد امشيله
بين اخوتي ومحد ايگلي هلا
……………………
جيت وبعيني الزمن ماخله ضَي
واني من ذاك الظهر وبگلبي شَي
الك مطلوبه اشكثر ياخويه فَي

وراح افيي اعليك وي العايله
بين اخوتي ومحد يگلي هلا
……… .
باربعينك راح افيي اعله الترب
وادري من تشوفهن كلش صعب
راگده اعبينه يخويه من الضرب

اشلون اضمها اعليك هاي المشكلة
بين اخوتي ومحد يكلي هلا
………………… .
الليله بلكت يمكم ايخف الحزن
صار الي شهر وعشرتيام اون
لاهدت روحي ولا غمض جفن

خلصتها انطر عليها القافله
………… ..  
حگي خويه اعليه لو بان التعب
خلصتها انطر خويه من السلب
خايفه اعلروس موش اعل الذهب

وهسه هل رديت الكم ناحله
………………… ..
راجعه واعيوني تارسها  الندم
ما متت وياك يا راعي العلم
يا ألم روحي الجزه حدود الالم

گلي شله بدنيته الماتو هله
………………… ..
اشلون اضمن گلي ياعذر اليسد
حييل مستحيه واخافن انشد
الضعن ما بيه بناتك من يرد

شرد اگلك دافنتهن بالفلا
بين اخوتي ومحد يگلي هلا
…………………………
ايوب يوسف الطوگي
22

مانقبل شعر عن العقيله يگول
عگب اخوانها العدوان ذلوها

ومانقبلها نكتب صرخت ولطمت
زينب بت علي هايه تعرفوها

ولا نقبلها نکتب حافية رکضت
هل الاشياء أسألنكم تعقلوها

يشاعر الشعر احساس مو كلمات
اوزنوها القصيدة. من.  تكتبوها

راعوها المشاعر لمن تكتبون
وكل كلمه ابعقلكم دوم وزونها

اشكثر شافت هضم زينب ابدنياها
وترفه اجروحها لا لا تلچموها

هاي الي ابصبرها ذلت الطغيان
يوم المجلس الملعون جابوها

العفة والشجاعة والصبر زينب
رباطة جاش عدها ما تنكروها

ابصبرها حيرت لعقول بت حيدر
اكتبو الزين عنها من توصفوها

صح عدها       الحزن.    بركان
لجن دمعاتها مالحظة شافوها

بقت زينب جبل ماهزته النكبات
ولا أنفاسها  العدوان     سمعوها

هاي اخت الكفيل الحير العدوان
ابكل   الوكت.   زينب.    اذكروها


✍🏻ام زهراء الزيداويه البصراويه

كلهن جربتهن بيك وشفت مولاي بيك الأبد ماشفته
اعوفك بالنفاه وارجع من اتضيج والأمر العظيم اعليه هونته

عاشرت اشكثر خلان يامولاي يديرون الوجه لو شخص عاتبته
لجن مثلك ابد ماشايف ابدنياي بعطفك سيدي كل عقل حيرته

كم مرة بفعلتي نزلت دمعك وجرح گلبك اشگد مولاي هيجته
ولمن اعتنيلك تنسه كل فعلي وبجفك دليلي النار بردته

لذلك سيدي وقعت عهد اوياك عهد حب وولاء بدماي وقعته
غيرك مااريدن للگلب محبوب اليسكن ابگلبي كون بس انته

يالحبك وحزنك سكن وسط الروح من وني عليك اليل سهرته
والدنيا عفتها وعشت كالمجنون والون والدمع مولاي عاشرته


ياابا عبدالله. ياابا عبدالله

تبكيك عيني لا لجل مثوبه لاكنما عيني لأجلك باكيه
تبتل منكم كربلاء بدم ولاتبتل مني بالدموع الجاريه


✍ام زهراء الزيداويه البصراويه

بسم الله الرحمن الرحيم
اللهم صل على محمد وآل محمد وعجل فرج مولانا الإمام المهدي المنتظر

رسالة الى جميع خدمت وشيعة اهل البيت عليهم السلام اجمعين الذين ابتعدت اجسادهم لا اقول قلوبهم لان القلوب لا تبتعد عن محبيها
الذين لم يكتب لهم  زيارة الحسين عليه السلام  سوء كان المانع بسبب نقص الاموال او بسبب بعد الطريق اوالمرض او أسباب اخرى فااقول لهم يااحبابي صدقوني الحسين عليه السلام معاكم ويرى لهفة قلوبكم وشوقكم اليه البعد يااحبابي ليس بعد الدروب وانما البعد بعد القلوب وانتم قلوبكم وارواحكم حاضره الحسين عليه السلام يسمع اصواتكم فاذا لم يكتب لكم الزيارة يكفي ان تقولوا وانتم في بيوتكم السلام عليك ياابا عبدالله يامولاي اكتبنه من زوارك في هذا اليوم وفي كل يوم يامولاي انته الحاضر في القلوب والبعيد في الدروب  والحسين عليه السلام سوف يسمع اصواتكم ويسجل أسماءكم بإذن الله تعالى صدكوني يااخواني مو كلمن وصل للزيارة ولزم الشباك انكتبت ازيارته مرات اكو شخص كاعد ابيته ويسلم على الحسين عليه السلام تنقبل ازيارته وشخص وصل للحضره ماتنقبل ازيارته اتعرفون ليش لان العمل بالنيات ويكفي نيتكم الصافيه وشغفكم ورغبتكم بالزيارة ربي يحفظكم بحفظه ويبعد عنكم كل شر وبلاء بحق محمد وال محمد وان لا يحرمكم من زيارة اهل البيت عليهم السلام في هذه الدنيا ولايحرمكم من شفاعتهم وصحبتهم يوم القيامه يا رب العالمين بحق محمد وال محمد

روحي الشوفتك مولاي محتامه
مثل معلول صرت وليلي مانامه
كلبي ابلايا حبك وحشه ايامه

اتمنى ابكل وكت مولاي ازورنك
ترد الروح الي   لمن   اشمنك
اذا ماجيت ازورك اعتذر منك

عاشك وبدليلي   نار    ملتهبه
وتدري الروح ابد ماتحمل الفركه
حياتي ابلايه حبك سيدي صعبه

اذا مااعتنيلك ناري تحركني
اتمنى يبو السجاد    تعذرني
ابسجل زواركم مولاي سجلني

ماعوفك ابد يحسين للتالي
حبك وسط روحي وسكن دلالي
يامحبوب كلبي واغلى كل غالي

عاين ياحسين اليوم لحبابك
حزنانه وتون ابحسره لمصابك
مشتاكه تريد   اتقبل   اترابك

عاين يبو اليمه وشوف لهفتنه
لمصابك بالگلب تلتهب جمرتنه
لجلك ماهدت  لليوم.   دمعتنه

✍️ام زهراء الزيداويه البصراويه

عليك الدمع ضل ياحسين .  ينهال

ومن عندك دروس الكون .   ينهال

على جسمك اتراب اشلون.   ينهال

وانت ابن الوصي حامي الحميه

✍ام زهراء الزيداويه البصراويه

قصيدة على وزن الطويل ((شوط کربلائي))
〰️〰️〰️〰️〰️〰️
رسالة الملايين الى كعبه العاشقين مولانا الحسين عليه السلام صوت ذلك الزحف المليوني
〰️〰️〰️〰️〰️〰️〰️
عن حبك يبو السجاد ماگدرو  يبعدونه
عشاگك نظل  للموت   خليهم  يسمعونه
〰️〰️〰️〰️〰️〰️〰️〰️
منعوفك يبو الاحرار خل الكون يسمعنه
شيعة وعالعهد باقين وعله الموت وقعنه 
عنك ياحبيب الروح ياهو اليوم يمنعنه

يل حبك سكن   بالروح
الك فدوه يغالي نروح
لمصابك مانبطل النوح

تحدينه العده ابحبك وخليهم يشوفونه
〰️〰️〰️〰️〰️〰️〰️
وقعنه العهد بالدم وبصدر السمه اتسجل
يالساكن ابنص الروح ومنك ابد ما ينمل
اشماقدمنه ونضحي قليل ابحقك و نخجل

ننادي  سيدي     كلنه
دنيا  واخره      فزنه
ابحبك.  لو تگطعنه 

اعله دربك ياابو السجاد نتمنى يفجرونه
〰️〰️〰️〰️〰️〰️〰️〰️〰️
عشاگك يبو السجاد بالموت ابد ماتهتم
الف مرة نرد ونموت وابد مالحظه نتندم
كل قطرة عشگ بينه نزرعها وتخضر دم

اشمابيهم حقد موجود
عشاگك   ترد    وتزود
حبك ماله كل   حدود

اعله حبك من يموت اليوم الف مليون خيعونه 
〰️〰️〰️〰️〰️〰️〰️〰️
مو منه يبو السجاد اليخاف ويرتجف گلبه
مانهوى السهل للموت نتعنى ابشوگ للصعبه
تدري  كل فرد بينه صاير منهجك دربه

مانهتم   ابد    هيهات
مفطومين   عالصعبات
ابحبك نرفع   الهامات

نمشي ونلطم ونبجي رغم كل اليضدونه
〰️〰️〰️〰️〰️〰️〰️
نتعناها الصعاب ازحوف يالمظلوم تدرينه
فتحنه للمنايا   اصدور   وبلهفه  تعنينه 
نتلگى الموت متلهفين نحضنه لو يلاگينه

كلها اتنادي   احبابك
يبو السجاد ومصابك
ابدمنه انروي اترابك

دمهم تدري يالعطشان لترابك يرخصونه
〰️〰️〰️〰️〰️〰️〰️
يالعطشان مو بلماي ابدمنه الطف نرويها
ونار اخيامك التلهب ابدمع جينه نطفيها
قربان الدماك   اهناك   هاي الروح  نهديها

يبو السجاد لو متنه
فدوه نروحلك كلنه
وتظل دوم بضمايرنه

وكل عدوانك ابهليوم خليهم يشوفونه
〰️〰️〰️〰️〰️〰️〰️〰️〰️

بقلم✍ام زهراء الزيداويه البصراويه

للمشايه
على طور حلو بيارغهم
➖➖➖➖➖➖
نصبو      مواكبهم
وتحزمو.     كلهم
شيب وشباب اتعنو    المشايه
لگلوب رفت ويه رفت   الرایه
ماكو مثل حبهم
ماكو مثل حبهم
➖➖➖➖➖➖➖
اتعنت الخدام تمشي ابلهفه
موج هايج لو نريد انوصفه
گدامهم تسهل يناس  الكلفه
والهم التاريخ   سجل   وگفه


من ناده ابو اليمه
اتعنوا.     ابهمه

الروح لأجل حسينهم رخصوها
بالدمع والون . زينب.  اتلگوها

ايخاف العدو منهم
نصبو    مواكبهم
➖➖➖➖➖➖
من الشام ردت زينب اتلگوها
بنفس واحد  كلهم     اتعنوها
مو بالدمع بالروح من واسوها
عالصار بالطف بالدمه عازوها

نادوها وحسينچ
برواحنه انعينچ

انموت كل احنه ابدربكم نهوه
الدنيا عگب حسين ابد ماتسوه

وهزوهارأيتهم
نصبو مواكبهم
➖➖➖➖➖➖➖
من كل مكان أحبابه ويلي التمو
كلهم مثل بركان   هايج.    هدو
من المشي لحسين  ابد.   ماملو
أكبر طواغيت.   الزمان.   اتحدو

العدوان ذلوها
والرايه علوها

لامرض لاخوف   ابد.   يمنعهم
ابدرب ابو اليمه تحس راحتهم

ماواحد ايردهم
نصبو    مواكبهم
➖➖➖➖➖➖➖➖
من كل مكان اتعنو.   المشايه
وسدو اجروف  الفرات.  ومايه
شيعه وتظل اعله العهد وفايه
الموت بدرب لاحرار هاي الغايه

الكربله اتعنو
بالموت ماهمو

عطشانه الطفوف اعتنو يحيوها
مو دمع بالدم.  هل اجو. يرووها

خل ترتوي ابدمهم
نصبو مواكبهم
➖➖➖➖➖➖➖➖
هاي الدرب يحسين ابد منملها
نزحف ازحوف وكربله نوصلها
اچفانه فوگ الچتف.    نحملها
بجدامنه اگلوب العده  انزلزلها

يحسين ومصابك
وفايه.  . خدامك

اجدام الخدم عن هلدرب لامتزل
وكل ظالم ابحبك يبو اليمه انذل

بوحدتنه نهزمهم
نصبو مواكبهم
➖➖➖➖➖➖➖
للموت ثابت هلعهد.    مولانه
يزلزل اجبال الأرض. ممشانه
شيعه ويويله اليوم من عادانه
خسران يرجع كلمن  اتحدانه

يحسين  تعرفنه
كل خطر ميهمنه

خل الإرهاب ابكل حقد   يلفينه
شيعه وعلى الحب سيدي اتربينه

ابوحدتنه نكسرهم
نصبو مواكبهم
➖➖➖➖➖➖➖➖
زوارك اتعنو.     مشي.  استقبلهم
ابهذا الوكت كل عام الك موعدهم
ولا مانع العنك .  ابد      يمنعهم
أرض الطفوف   ابتهجت ابجيتهم

كربله ناحت
ياهلا صاحت

مية هلا.   بزواري.      التعنوني
مو بالدمع بأرواحهم.  واسوني

من العام انطرهم
نصبو مواكبهم

➖➖➖➖➖➖➖➖
بقلم ✍🏻ام زهراء الزيداويه البصراويه

ضلت غريبه بلايا اهلها

محمد النوري

نعي الفاجعة
إلى العقيلة زينب بنت أمير المؤمنين عليه السلام



ضلت غريبه بلايا اهلها
ودمعة العين بهم تهلها
لا والي لا خي يبرى الها
تربي على راعي المحنه

وين الولي الروحه حنينه
يعاين بروحه كبل عينه
حن الكلب واعلن ونينه
يلفون لو يكطع الظنه

وين النشامى حيود الرجال
يعدلون حمله الدهر لو مال
زينب وحدها بنص الاهوال
من يلحك الطايح بمحنه

يهل الوفه ومنبع الغيره
وبزودكم ماتضل حيره
حره صفت بالغربه اسيره
تون أعلى اهلها الف ونه

يحتار كلمن ماله خوان
عكب الحمى وخيرة الشبان
زينب بقت مابين عدوان
وين الذي لزينب تعنه


محمد دعبل النوري

شخصو الاجساد في حر الشموس

محمد النوري

القصيدة للخدم والزوار (طلب حاجة)

شخصو الاجساد في حر الشموس
كتبو بدرب الحسين اعظم دروس



قدمو كل شي لجل حب الرسول
النبي الهادي محمد والبتول
القدم النه الغالي يستاهل نكول
الك كل مانملك وحتى النفوس

ناس تمشي وناس وكفت عالدروب
تخدم الزوار وبحبهم تذوب
اليحب حسين مو بس حب وجوب
اله يقدم كل شي مايمنع فلوس 

شيب والشبان واطفال الزغار
وكفو بدرب الحسين وكل شي حار
وكفت النسوان واتخذن قرار
تواسي زينب عالدرب كلها جلوس

اليحب القوم وياهم يكون
اندعولي وياكم بكل لحظه كون
الما تمكن عنه ابد لاتبخلون
رحمة الله والدعا ماهو محبوس

ياحبيبي فراگگ يهيج الجروح
وانا لا اگدر اجي ولامن اروح
الك عند الله مكانه وعندي روح
اتعلعلت والعله بكليبي تدوس


محمد دعبل النوري