Муқаддам хабар берилганидек, Бош прокурор ўринбосари И.Адхамов томонидан ҳудудда аҳоли бандлигини таъминлаш, камбағалликни қисқартириш, маҳалла инфратузилмаларини янада яхшилаш мақсадида Бухоро вилоятида ўрганиш ишлари олиб борилмоқда.

Хусусан, масъуллар Бухоро шаҳрида жойлашган "Кўкалдош" маҳалласида эҳтиёжманд оилалар хонадонига бориб, уларнинг турмуш тарзини янада яхшилаш, бандлигини таъминлаш орқали даромадларини ошириш борасида олиб борилаётган ишлар аҳволини ўрганишди.

Шунингдек, эҳтиёжманд оилалар билан индивидуал ишлашда ижтимоий ходимлар ҳамда ҳоким ёрдамчиларининг кундалик фаолияти билан танишилди ҳамда ҳар бир меҳнатга лаёқатли оила аъзосини даромад келтирувчи фаолият билан банд бўлишини таъминлаш хусусида манзилли кўрсатмалар берилди.

Бундан ташқари, Бухоро тумани “Работиқалмоқ” маҳалласида йўлга қўйилган қўзиқорин етиштириш фаолияти билан танишилиб, аҳоли бандлигини таъминлаш йўналишида ишларни жадаллаштириш бўйича тегишли тавсиялар берилди.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Sayt |Telegram | Instagram | YouTube | Facebook

Хоразм вилоятида инвестицияларни жалб қилиш, саноатни ривожлантириш ва савдони тартибга солиш масалалари бўйича Ҳукумат комиссиясининг навбатдаги йиғилиши бўлиб ўтди.

Бош прокурор ўринбосари Д.Касимов, Бош вазир ўринбосари Ж.Ходжаев ҳамда Божхона қўмитаси раиси А.Мавлонов билан биргаликда ўтказилган ушбу йиғилишда вилоятдаги муаммоли масалалари мавжуд бўлган 42 нафар иссиқхона эгалари ва экспорт билан шуғулланувчи тадбиркорлар иштирок этиб, уларнинг муаммолари масъул вазирлик ва идоралар раҳбарлари иштирокида муҳокама қилинди.

Натижаларига кўра, 5 нафар тадбиркорларнинг муаммолари жойида ҳал этилиши таъминланди, муайян вақт ва қўшимча ўрганиш талаб этадиган қолган муаммоли масалаларни ҳал этиш юзасидан муддатлари ва масъуллари аниқ кўрсатилган “Чора-тадбирлар дастури” ишлаб чиқилиб, ижрога қаратилди.

Шунингдек, тадбирда хорижий инвестициялар иштирокида амалга ошириладиган лойиҳаларни амалга оширишда ишларни янада жадаллаштириш, прогноз кўрсаткичларини белгиланган муддатларда бажарилишини таъминлаш, лойиҳаларни амалга оширишда юзага келаётган муаммоли масалаларни тез фурсатларда ижобий ҳал этиш борасида мутасаддиларга топшириқлар берилиб, ижроси алоҳида назоратга олинди.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Sayt |Telegram | Instagram | YouTube | Facebook

Тошкент вилоятида пробация рўйхатида турувчи шахслар билан ишлаш тизими

🌐 Бош прокуратуранинг ижтимоий тармоқлардаги саҳифаларига аъзо бўлинг!

Sayt |Telegram | Instagram | YouTube | Facebook

Мажбурий ижро бюроси Наманган вилояти бошқармаси ва унинг ҳудудий бўлимлари томонидан иш юритувдаги фуқаролар фойдасига  давлат ва бюджет ташкилотлардан   қарздорликларни ундириш борасида тегишли чора-тадбирлар олиб борилмоқда.

Хусусан, жорий йилда  ҳудудий бўлимлар иш юритувига жами 76,4 млрд. сўмлик 668 та ижро ҳужжатлари келиб тушган.

Олиб борилган ижро ҳаракатлари натижасида 30,6 млрд. сўмлик 240 тадан ортиқ ижро ҳужжатлари амалда тамомланган.

Мисол учун, суд қарорига асосан Наманган туман ҳокимлигидан  фуқаро А.Т. фойдасига меҳнат муносабатига оид устама ундириш белгиланган. Олиб борилган ижро ҳаракатлари даврида, туман ҳокимлиги ҳисобидан 35 млн. сўм ундириб берилди.

Бу борадаги тадбирлар давом эттирилмоқда.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Sayt |Telegram | Instagram | YouTube | Facebook

Андижон вилояти прокурори М.Абдухакимов ҳамда вилоят ИИБ бошлиғи С.Джабаровлар иштирокида Андижон шаҳридаги "Яхши" маҳалласида содир этилган жиноятлар ва ҳуқуқбузарликлар профилактикаси юзасидан олиб борилаётган ишлар муҳокамасига бағишланган йиғилиш ўтказилди.

Муҳокама жараёнида, шаҳар ҳокимлиги, маҳалла еттилиги, нуронийлар, маҳалла фаоллари ва бошқа мутасадди ташкилотлар раҳбарларининг содир этилган жиноятларнинг келиб чиқиш сабабларидан хабари бўлмаганлиги, ҳудудда олиб борилаётган ижтимоий профилактика тадбирлари етарли самара бермаётганлиги танқид қилинди.

Шунингдек, маҳаллаларда криминоген вазиятни барқарорлаштириш, коррупцияга қарши курашишнинг кескин чораларини кўриш, маҳалла ҳудудида жиноятчиликни олдини олиш, аҳоли ўртасида кибержиноятчиликка қарши курашиш, маҳалланинг жиноятчиликдан ҳоли ҳудудга айлантиришга алоҳида тўхталиб, масъулларнинг жиноятчиликни барвақт олдини олиш бўйича масъулиятни янада оширишга чақирилди.

Якунига кўра, муҳокама қилинган масалалар бўйича билдирилган таклифлар, мутасаддиларнинг тушунтириш ва ҳисоботлари инобатга олинган ҳолда, келгусида амалга оширилиши лозим бўлган вазифалар ва зарур чора-тадбирлар белгилаб олинди.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Sayt |Telegram | Instagram | YouTube | Facebook

Бош прокурорнинг биринчи ўринбосари Б.Валиев ҳамда Коррупцияга қарши курашиш агентлиги директори А.Бурхановлар томонидан Давлат раҳбарининг жорий йилнинг 5 март куни ўтказилган Коррупцияга қарши курашиш Миллий кенгаш йиғилишида берилган топшириқлари ҳамда ҳудудларда коррупциянинг олдини олиш, унга қарши курашиш, шу жумладан маиший коррупцияга барҳам бериш, коррупцияга нисбатан муросасиз муносабатда бўлиш муҳитини шакллантириш бўйича тасдиқланган “Йўл харита” ижросини Фарғона вилоятида ўрганиш натижалари бўйича муҳокама йиғилиши ўтказилди.

“Йўл харита”да белгиланган коррупциявий омилларни келтириб чиқаришни олдини олишда энг самарали тадбирлардан бири бўлган соҳаларни рақамлаштириш, электрон платформаларни ишга тушириш каби вазифалар айрим давлат ташкилотлари хусусан, мактаб ва мактабгача таълим ҳамда соғлиқни сақлаш бошқармалари томонидан бажарилиши кечикаётганлиги танқид остига олинди.

Шунингдек, ҳудуддаги 54 та бозорлардан “рақамли бозор” дастури ишга тушмаганларида ушбу йўналишдаги фаолиятни амалга оширишда масъулиятсизликка йўл қўймаслик, ишларни жадаллаштириш, қисқа муддатларда ишларни якунлаш зарурлиги таъкидланди.  

Якунида “Йўл харита”да белгиланган тадбирлар ижросини ўз муддатларида сифатли таъминлаш шунингдек, вилоятни коррупциядан холи ҳудудга айлантириш борасида тегишли идораларнинг таклифлари муҳокама қилинди ва уларни амалиётга жорий қилиш чораларини кўриб чиқиш бўйича масъул идоралар раҳбарларига топшириқлар берилиб, ижроси алоҳида назоратга олинди.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Sayt |Telegram | Instagram | YouTube | Facebook

Жиззах вилояти прокурори Б.Иброхимов Зарбдор туманида "Камбағалликдан фаровонлик сари" дастури ижроси юзасидан амалга оширилган ишлар билан танишиб, ўзига бириктирилган камбағал оилалар ҳолидан хабар олди.

Хусусан, ушбу оилаларнинг соғломлаштириш, иқтисодий барқарорлигини ошириш юзасидан олиб борилган ишлар аҳволи ва ногиронлиги мавжуд болалар учун кундузги парвариш хизмати йўлга қўйилганлиги ўрганилди.

Шунингдек, тумандаги 8-сонли ДМТТдаги "Инклюзив гуруҳлар" фаолияти ва "Betlis textil" МЧЖга тикувчилик фаолияти учун ишга қабул қилинган "Камбағал оилалар реестри"да турувчи ва ногирон фуқаролар иш фаолияти билан танишилди.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Sayt |Telegram | Instagram | YouTube | Facebook

Қорақалпоғистон Республикаси прокурори Ш.Аминов Нукус туманида бўлиб, Президентнинг 03.01.2025 йилдаги ПҚ-1-сон қарори ижроси ҳамда туманда ижтимоий ва иқтисодий соҳада амалга оширилаётган  ишлар аҳволи билан танишди.

Дастлаб, “Ақманғит” ШФЙда маҳалла еттилиги ва маҳалла фаоллари билан учрашилиб, қарор ижроси бўйича тасдиқланган “Йўл харита”да ю белгиланган вазифалар ижроси, олиб борилаётган профилактик ю тадбирлар ва соҳага оид фаолият юзасидан маҳалла еттилигининг ҳисоботлари тингланди, маҳалла фаолларининг ишларни самарали ташкил этиш ва мавжуд муаммолар юзасидан билдирган таклифлари ижро учун назоратга олинди.

Сўнгра, туманнинг “Дарсан” маҳалласидаги ер остидан ўтган эскирган ва яроқсиз ҳолга келиб қолган 2,5 км  газ қувурларини янгисига алмаштириш ва ер устига чиқариш ишлари, туман прокуратураси томонидан табиий газ етказиб берилишида тармоқдаги йўқотишлар сабабларини аниқлаш юзасидан амалга оширилаётган ишлар аҳволи ўрганилди.

Бундан ташқари, “Ақманғит” каналининг бетонлаштириш ишлари билан танишилди.

Шундан кейин, туман прокуратурасида ходимлар учун яратилган шароитлар, иш юритиш тартиби, ходимларнинг билим савияси ўрганилиб, устоз-шогирд анъанаси асосида ёш мутахассисларнинг малакасини ва касб маҳоратини ошириш, идорада ишчан муҳитни яратиш бўйича вазифалар белгилаб берилди.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Sayt |Telegram | Instagram | YouTube | Facebook

Бош прокурор ўринбосари – Ўзбекистон Республикаси Ҳарбий прокурори О.Холбоев раислигида маҳкама ва ҳудудий ҳарбий прокуратуралар ходимлари иштирокида навбатдаги тадбир ташкил этилди.

Видеоконференцалоқа тарзидаги мулоқотда Ҳуқуқни муҳофаза қилиш академияси вакили томонидан замонавий ахборот-коммуникация технологиялари даврида ҳуқуқий тарғибот-профилактика тадбирларини ташкил этишда тингловчилар билан мулоқотга киришиш масалаларида маҳорат дарси ўтилди.

Жараёнда ҳуқуқий тарғибот тадбирларини ташкил этиш босқичлари, жумладан, мавзуни танлашга қўйиладиган талаблар, тадбирни режалаштириш, тайёргарлик кўриш, ўтказиш, натижаларини расмийлаштириш ва самарасини ўрганиш, шунингдек, аудиторияни ўрганиш ва ҳис этиш, тингловчилар билан таъсирчан ишлаш ва бунда нутқ маҳоратининг ўрни хусусида атрофлича фикр-мулоҳаза алмашилди.

Мулоқотдан сўнг ҳарбий прокуратура органлари терговчилари ва судларда прокурор ваколатини таъминлаш йўналишига масъул ходимлар иштирокида ўқув семинар ташкил этилди.

Унда Бош прокуратуранинг прокуратура органлари тергов тармоқлари фаолияти устидан назорат бошқармаси, шунингдек, фуқаролик ва жиноий суд ишларини юритишда прокурор ваколатини таъминлаш бошқармалари вакиллари томонидан маҳорат дарслари ўтилди.

Машғулотларда ишни судгача юритиш ва судда кўриб чиқиш босқичларидаги муҳим жиҳатлар, ёш ходимлар, хусусан, ёш терговчиларнинг амалий кўникма ва маҳоратини мунтазам ошириб бориш тадбирлари ҳамда соҳага доир бошқа масалаларга алоҳида эътибор қаратилди.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Sayt |Telegram | Instagram | YouTube | Facebook

Бош прокуратура фуқаролик суд ишларини юритишда прокурор ваколатини таъминлаш бошқармаси томонидан судларда прокурор ваколатини таъминловчи соҳа ходимларига қўйилган талаблар, амалдаги қонунчилик ҳужжатларига риоя этиш, ходимлар малакасини ошириш мақсадида “Фуқаролик суд ишларини юритишда прокурор ваколатини таъминлаш соҳасида амалга оширилган ишлар, мавжуд муаммолар ва уларнинг ечими” ҳамда “Фуқаролик суд ишларини юритишда прокурор ваколатини таъминлаш юзасидан прокуратура органлари ходимлари томонидан юритиладиган ҳужжатлар Намуналари” китоби тақдимотига бағишланган онлайн семинар-тренинг ўтказилди.

Унда Бош прокуратуранинг иқтисодий, ижтимоий қонунчилик назорати ва бошқа тармоқлар ходимлари иштирок этди.

Тадбир иштирокчиларининг маърузаларида аниқ мисоллар асосида суд-прокурор амалиётида йўл қўйилаётган камчиликлар, қонунларда прокурор иштироки лозим бўлган фуқаролик ишларини кўришда юзага келаётган муаммолар хусусида фикр юритилди ва тегишли тушунтиришлар берилди.

Шунингдек, прокурорлар томонидан фуқароларнинг ҳуқуқ ва эркинликлари, жамият ва давлатнинг қонун билан қўриқланадиган манфаатларини ҳимоя қилишда ва одил судловни таъминлашга кўмаклашишда қонунийлик, қонун устиворлигини таъминлаш учун эътиборни қаратиш зарур бўлган вазифалар ҳамда уларни амалга оширишда талаб қилинадиган масалалар ҳақида аниқ кўрсатмалар берилди.

Шу билан бирга, прокуратура органлари ходимлари малакаси ва фаолияти самарадорлигини янада ошириш мақсадида Фуқаролик суд ишларини юритишда прокурор ваколатини таъминлаш бошқармаси томонидан “Фуқаролик суд ишларини юритишда прокурор ваколатини таъминлаш юзасидан прокуратура органлари ходимлари томонидан юритиладиган ҳужжатлар Намуналари” бўйича тайёрланган китоб тақдимоти бўлиб, ушбу китобдан амалиётда фойдаланиш масаласида муҳим фикрлар билдирилди.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Sayt |Telegram | Instagram | YouTube | Facebook

Президент Шавкат Мирзиёев чиқиндиларни қайта ишлашни кенгайтириш чора-тадбирлари бўйича тақдимот билан танишди.

Бош прокурор ўринбосари Ш.Тўхтабоевнинг интервьюси

🌐 Бош прокуратуранинг ижтимоий тармоқлардаги саҳифаларига аъзо бўлинг!

Sayt |Telegram | Instagram | YouTube | Facebook

Бош прокурорнинг биринчи ўринбосари Б.Валиев раҳбарлигидаги ишчи гуруҳи томонидан Фарғона вилоятида коррупциянинг олдини олиш, унга қарши курашиш, шу жумладан маиший коррупцияга барҳам бериш, коррупцияга нисбатан муросасиз муносабатда бўлиш муҳитини шакллантириш бўйича тасдиқланган “Йўл харита”да белгиланган тадбирлар ижроси жойига чиққан ҳолда ўрганилмоқда.

Хусусан, "Йўл харита”нинг 7-бандига асосан Фарғона шаҳридаги “Марказий деҳқон бозори” АЖда хизмат сифатини яхшилаш ва “коррупциядан холи соҳага айлантириш” юзасидан амалга оширилаётган ишлар ўрганилди.

Ўрганишда, “Марказий деҳқон бозори” АЖ ҳудудидаги автотураргоҳга кириш-чиқишни электрон тизим орқали назорат амалга оширилаётганлиги коррупциявий хавф-хатарларни келтириб чиқарувчи инсон омилини қисқартиришга хизмат қилаётганлиги алоҳида қайд қилинди.

Шунингдек, бир марталик йиғимлар ва кўрсатилган хизматлар учун тўловларни онлайн “QR” код орқали тўлаш тизимини тўлиқ жорий этиш, ҳудудни назорат қилиш мақсадида кузатув камераларини тўлиқ ўрнатиш, бозорга тегишли кўчмас мулк объектларини ижарага бериш тизимини рақамлаштириш ишларини жадаллаштириш бўйича бир қатор топшириқлар берилиб, ижроси алоҳида назоратга олинди.

Бундан ташқари, бозорларда нархларнинг барқарорлигини ва маҳсулотлар сифатини таъминлаш борасидаги ишлар аҳволи ҳам ўрганилди.

Қайд этиш жоизки, ушбу бозорда жами 17 та хўжалик юритувчи субъектлар томонидан маҳаллий ҳамда чет элдан импорт қилинган гўшт маҳсулотлари узлуксиз етказиб берилмоқда.

Хусусан, шаҳардаги 4 нафар тадбиркорлар томонидан Ҳиндистон, Покистон ҳамда Беларусь давлатларидан жорий йилнинг 7 ойи давомида 175,9 тонна гўшт маҳсулотлари олиб келиниб, аҳолига сотилиши таъминланган.

Ўрганиш якунида мутасадди идоралар раҳбарларига деҳқон бозорларини гўшт маҳсулотлари билан тизимли ва кафолатли тўлдириш ҳамда нархларни барқарор сақланишини таъминлаш борасида барча зарурий чоралар кўриш юзасидан тегишли кўрсатмалар берилди.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Sayt |Telegram | Instagram | YouTube | Facebook

Андижон вилояти прокурори М.Абдухакимов бошчилигида Президентнинг 16.01.2024 йилдаги "Яширин иқтисодиётга қарши курашиш соҳасида давлат назорати механизмларини такомиллаштириш чора-тадбирлари тўғрисида"ги ПФ-11-сон ҳамда 30.10.2020 йилдаги "Яширин иқтисодиётни қисқартириш ва солиқ органлари фаолияти самарадорлигини ошириш бўйича ташкилий чора-тадбирлар тўғрисида"ги ПФ-6098-сон Фармонлари ижроси Марҳамат туманида ўрганилди.

Хусусан, туманда жойлашган Деҳқон бозорига борилиб, яширин иқтисодиётни қисқартириш бўйича ҳудудий комиссияси аъзолари томонидан жорий йилнинг ўтган даври мобайнида амалга оширилган ишлар ўрганилди ва йўл қўйилган камчиликлар юзасидан кўрсатма ва тавсиялар берилди.

Шунингдек, янги барпо этилаётган объектлар кўздан кечирилди ҳамда солиқ ва божхона маъмурчилигини такомиллаштириш, солиқ юкини пасайтириш, бизнесни юритишдаги бюрократик тўсиқларни бартараф этиш ҳисобига уларга тенг рақобат шароитини яратиш ҳамда иқтисодиётни рақамлаштириш орқали яширин иқтисодиёт кўламини қисқартириш ва бюджетга тушумлар миқдорини ошириш тўғрисида масъулларга топшириқлар берди.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Sayt |Telegram | Instagram | YouTube | Facebook

Ёқилғи-энергия ресурсларидан беҳуда фойдаланиш билан боғлиқ ҳолатларни аниқлашга қаратилган назорат тадбирлари давом эттирилмоқда.

Хусусан, жорий йилнинг ўтган даврида республикада 1 860 та, шу жумладан Тошкент шаҳрида 219 та ҳолатда энергия ресурсларини беҳуда сарфлаш ҳолатлари аниқланиб, айбдор шахсларга нисбатан маъмурий ишлар қўзғатилган.

Мисол учун, шаҳардаги “X.R” МЧЖга қарашли озиқ-овқат дўконида 0,2 кВт қувватдаги электр энергиясидан куннинг ёруғ вақтида фойдаланиш ҳолати аниқланиб, тегишли ҳужжатлар расмийлаштирилган.

Шунингдек, энергия ресурсларидан беҳуда фойдаланиш ҳолатларини олдини олиш бўйича 47 709 та, шу жумладан шаҳарда 4 977 та профилактик тадбирлар ўтказилди.

Ҳурматли тадбиркорлар ва фуқаролар!

Энергия ресурсларидан оқилона фойдаланинг.

Назорат органлари томонидан табиий газ ва электр энергиясидан беҳуда фойдаланиш ҳолатларини аниқлаш борасида рейд тадбирлари олиб борилмоқда.

Шуни унутмангки, энергоресурслардан беҳуда фойдаланиш учун жавобгарлик мавжуд.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Sayt |Telegram | Instagram | YouTube | Facebook

Бугун, Бош прокурор ўринбосари C.Cамадов раҳбарлигида Президент Администрацияси масъул ходимлари иштирокида ёқилғи - энергия ресурсларидан фойдаланиш устидан давлат назоратини самарали ташкил этиш ва мувофиқлаштириш бўйича Республика штабининг кенгайтирилган йиғилиши ўтказилди.

Йиғилишда, Энергетика ва Ички ишлар вазирликлари, Департамент, Солиқ қўмитаси, Ўзэнергоинспекция, “Миллий электр тармоқлари”, “Иссиқлик электр станциялари”, “Ўзбекнефтгаз”, “Ўзтрансгаз”, “Ҳудудий электр тармоқлари”, “Ҳудудгазтаъминот”, “Ўзбекгидроэнерго” жамиятлари ва уларнинг қуйи тузилма раҳбарлари ҳамда ҳудудий ва туман (шаҳар) штаб аъзолари қатнашди.

Унда, ёқилғи-энергия ресурсларидан фойдаланиш самарадорлигини ошириш, айниқса, тармоқлардаги йўқотишларни қисқартириш ва талон-торож қилиш ҳолатларини олдини олиш ҳамда оқилона фойдаланилишини таъминлаш бўйича амалга оширилаётган ишлар аҳволи танқидий муҳокама қилинди.

Масъулларга энергия самарадор қурилмалардан кенгроқ фойдаланилишини таъминлаш, энергия ресурслари билан боғлиқ ҳуқуқбузарликларнинг олдини олиш, энергия ресурслари йўқотишларини камайтириш ишларини маҳаллабай ташкил этиш борасида ишларни жадаллаштириш ҳақида кўрсатмалар берилди.

Шунингдек, аҳоли, иқтисодиёт тармоқалари ва ижтимоий соҳа объект-ларини энергия ресурслари билан барқарор таъминлаш, содир бўлаётган аварияларнинг олдини олиш чораларини кўриш, бу борада келиб тушаётган аҳоли мурожаатларини қисқа муддатларда кўриб чиқишга алоҳида аҳамият қаратиш лозимлиги таъкидланди.

Йиғилиш якунида масъул вазирлик ва идора вакилларининг ҳамда ҳудудлардаги штаб аъзоларининг тушунтириш ва изоҳлари эшитилди.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Sayt |Telegram | Instagram | YouTube | Facebook

Муқаддам хабар қилинганидек, Ўзбекистон Республикаси Транспорт прокурори И.Наримов бошчилигидаги ишчи гуруҳ томонидан Фарғона вилоятида автомобиль йўллари қурилишига оид давлат дастурлари ижроси ўрганилди.

Хусусан, Марғилон шаҳар У.Носир кўчасининг 4Р-140А “Марғилон-Фарғона” йўлининг 0,5 км. қисмини реконструкция қилиниши ҳисобига йўл бўйида ташкил қилинадиган 20 та янги хизмат кўрсатиш объектлари кўздан кечирилди.

Шунингдек, 40V115 "Фарғона шаҳар-Янги Марғилон ш." автомобил йўлининг 0-4 км. қисмини тўла таъмирланиши натижасида барпо қилиниши режалаштирилган вело-йўлак ва пиёдалар йўлаги ўрганилди.

Сўнгра, Қува тумани “Ғалаба” маҳалласи ҳудудидан ўтган Бўстон кўчасининг 0,75 км. қисмини 24/7 режимда туну-кун ишлайдиган кўчага айлантириш режаси бўйича икки томонлама пиёдалар ва вело-йўлакчалар қуриш, йўл плиткалари ётқизиш, 0,7 км. йўл қисмини кўкаламзорлаштириш ва манзарали дарахтлар экиш, 30 та ўриндиқлар ўрнатиш, “Алишер Навоий” истироҳат боғи ва “Ғалаба” маҳалласини боғловчи йўлга қурилаётган пиёдалар учун йўл усти кўприги кўздан кечирилди.

Шу каби, тумандаги “Каркидон” сув омборининг “Толмозор” маҳалласи ҳудудидан оқиб ўтувчи сой қирғоғининг 3 км. қисми асфальтлаш ишлари билан танишилди.

Бундан ташқари, “Турк” маҳалласидаги “Каркидон” сув омбори ҳудудида жойлашган дам олиш масканларида инфратузилмани яхшилаш борасида ушбу ҳудуддаги 5,5 км. ички йўлни асфальтлаш, пиёдалар йўлакчалари қуриш, қуёш панелли кўча чироқларини ўрнатиш ишлари билан танишилди.

Барча обектларнинг қурилиши бўйича сифат кўрсаткичларига эътибор қаратиш, жараёнларда ҳаракат хавфсизлигини таъминлаш лозимлигини таъкидлаб, соҳа масъулларига зарур тавсия ва топшириқлар берилди.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Sayt |Telegram | Instagram | YouTube | Facebook

Ўзбекистон Республикаси Бош прокуратурасида Халқаро-ҳуқуқий бошқарма бошлиғи Р.Гиясов ва Испания Қироллигининг Ўзбекистон Республикасидаги Муваққат ишлар вакили М.Санчес билан учрашув бўлиб ўтди.

Учрашув давомида томонлар Ўзбекистон Республикаси Бош прокуратураси ва Испания Қироллигининг ваколатли органлари ўртасида ҳуқуқий соҳадаги икки томонлама ҳамкорликнинг жорий ҳолати ва уни янада ривожлантириш истиқболларини муҳокама қилдилар.

Жиноят ишлари бўйича ҳуқуқий ёрдам кўрсатиш, ушлаб бериш ва маҳкумларни топшириш тўғрисидаги давлатлараро шартномалар лойиҳаларини имзолаш масаласига алоҳида эътибор қаратилди.

Учрашув иштирокчилари томонидан бўлиб ўтган мулоқот икки томонлама ҳамкорликни янада мустаҳкамлаш йўлида муҳим қадам бўлиб хизмат қилиши ва ҳуқуқий соҳа ҳамкорлигини ривожлантиришга янги туртки бериши таъкидланди.

=======

В Генеральной прокуратуре состоялась встреча начальника Международно-правового управления Р. Гиясова с Временной поверенной в делах Королевства Испании в Республике Узбекистан госпожой М.Санчес.

В ходе беседы стороны обсудили вопросы двустороннего сотрудничества между Генеральной прокуратурой Узбекистана и компетентными органами Испании.

Отдельное внимание было уделено подписанию проектов межгосударственных договоров об оказании правовой помощи и экстрадиции, а также передачи осужденных.

Участники встречи отметили, что состоявшийся диалог станет важным шагом на пути дальнейшего укрепления взаимодействия и придаст новый импульс развитию сотрудничества в правовой сфере.

🌐 Присоединяйтесь к страницам Генеральной прокуратуры в социальных сетях!

Sayt |Telegram | Instagram | YouTube | Facebook

Наманган вилояти прокуратураси раҳбарияти томонидан аҳоли учун сайёр қабул ўтказилди.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Sayt |Telegram | Instagram | YouTube | Facebook

Мажбурий ижро бюроси Сурхондарё вилояти бошқармаси ва унинг ҳудудий бўлимлари томонидан суд ҳужжатлари ва бошқа органлар ҳужжатларига асосан мавжуд солиқ қарздорликларини ундириш борасида самарали ишлар олиб борилмоқда.

Таҳлилларга кўра, жорий йилда солиқ қарздорлигини ундиришга оид жами 1,2 трлн. сўмлик 64 мингдан ортиқ ҳужжатлар келиб тушган.

Кўрилган саъй-ҳаракатлар натижасида 22 мингдан ортиқ 606 млрд. сўмлик ижро ҳужжатларининг ижроси амалда таъминланган.

Бюро органлари томонидан қолдиқдаги ижро ҳужжатлари бўйича олиб борилган мажбурий ижро ҳаракатлари давомида қарздорларга тегишли 181 та мол-мулклар хусусан, 63 та кўчмас мулк, 48 та қишлоқ хўжалиги техникалари, 61 та автотранспорт воситалари ҳамда 9 та бошқа турдаги мулклар хатловга олиниб, шундан, 92 та 122 млрд. сўмлик мол-мулклар реализация қилиш учун аукцион савдоларига чиқарилган.

Мисол учун, олиб борилган мажбурий ижро ҳаракатлари давомида "SURXON IPAGI" МЧЖнинг ўз вақтида тўланмаган солиқ қарзи учун барча мол-мулкларига тақиқ ўрнатилиб, банк ҳисоб рақамларига инкассо топшириқномаси юборилди ҳамда қарздор жамиятга тегишли бўлган 1 та иссиқхона маъмурий, ишлаб чиқариш цехи, омборхона ва хўжалик бинолари 7,1 млрд. сўм бошланғич нарх билан онлайн аукцион савдоларига чиқарилган.

Бу борадаги тадбирлар давом этмоқда.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Sayt |Telegram | Instagram | YouTube | Facebook

Бош прокурорнинг биринчи ўринбосари Б.Валиев раҳбарлигидаги ишчи гуруҳи томонидан Жорий йилнинг 5 март куни Давлат раҳбари томонидан Коррупцияга қарши курашиш Миллий Кенгашининг йиғилишида коррупцияга қарши курашиш ва тергов сифатини ошириш бўйича берилган топшириқлар ижроси бўйича Фарғона вилоятида ўқув-амалий семинар ўтказилди.

Унда, Бош прокуратура ва Ички ишлар вазирлиги раҳбарияти, Ҳуқуқни муҳофаза қилиш академияси ходимлари, Фарғона вилояти прокурори, вилоят прокуратураси масъуллари ҳамда туман (шаҳар) прокуратуралари терговчилари, департаментнинг вилоят бошқармаси терговчилари, вилоят ИИБ раҳбарияти, терговчилари, эксперт криминалистика маркази ходимлари, Республика суд-тиббий экспертиза илмий-амалий Маркази вилоят филиали мутахассислари иштирок этишди.

Кун тартибига кўра малакали мутахассис ва экспертларнинг қатор маърузалари эшитилди.

Жумладан, “Судга оид биологик ва ДНК экспертизалари бўйича йўл қўйилаётган хатолар”, “Пора олиш жинояти бўйича ҳужжатларни расмийлаштириш тартиби”, “Гиёҳвандлик воситалари билан боғлиқ жиноятларни тергов қилиш жараёнлари: муаммо ва ечимлар”, “Йўл транспорт билан боғлиқ ҳодисаларни кўздан кечириш жараёнлари” каби бир неча мавзулардаги маърузалар ишчирокчиларнинг билим ва малакасини оширишга хизмат қилди.

Шунингдек, семинар давомида бир қатор мавзуларда амалий машғулотлар ҳам олиб борилди.

Йўл транспорти ходисаси содир бўлган воқеа жойини кўздан кечириш ва ҳужжатлаштириш жараёнлари амалий кўринишда намойиш этилиб, маҳорат дарслари олиб борилди.

Иштирокчилар ўртасида мавзу юзасидан фикр-мулоҳазалар алмашилди, амалиётда учраётган айрим муаммоларни бартараф этиш бўйича таклифлар ўртага ташланди.

Семинар якунида жиноятларни тергов қилишда ўрнак ва нумуна бўлаётган, юксак касбий маҳоратини намоён этаётган бир гуруҳ прокуратура ва ички ишлар органларининг терговчилари муносиб тақдирланди.

Бир сўз билан айтганда, бу каби ўқув семинарлари тергов соҳаси ходимларининг касбий маҳоратини юксалтириш, улар ўртасидаги ҳамкорлик алоқаларини мустаҳкамлаш билан бирга, жамиятимизда адолат ва шаффофлик мезонларини юқори босқичга олиб чиқишда муҳим омил бўлиб хизмат қилади.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Sayt |Telegram | Instagram | YouTube | Facebook

Namangan viloyatida korrupsiyaga qarshi kurashish va jinoyatchilikning oldini olish masalalari muhokama qilindi
___________
Обсуждены вопросы противодействия коррупции и предупреждения преступности в Наманганской области

Senat.uz | Facebook | Instagram | Youtube | Virtual murojaat | Mediateka | Yoshlar parlamenti

Сирдарё вилояти прокурори С.Иматов, вилоят ИИБ бошлиғи Ф.Ҳайдаровлар томонидан Президентнинг 03.01.2025 йилдаги ПҚ-1-сон ва ПҚ-111-сон қарорлари ижроси бўйича навбатдаги йиғилиш ўтказилди.

Мазкур йиғилишда туман (шаҳар) прокурорлари, ИИБ бошлиқлари, ҳудудий идоралараро мувофиқлаштирувчи штаб ва ишчи гуруҳ аъзолари ҳамда мутасадди идоралар раҳбарлари иштирок этишиб, 3-чорак учун тасдиқланган “Йўл харита"ларда белгиланган вазифаларнинг ижроси кўриб чиқилди.

Сўнггида, қарор ижросини таъминлашда сусткашликка йўл қўйилаётганлиги, маҳалла еттилиги томонидан “ижтимоий профилактика” тамойили асосида фаолиятни янада жадаллаштириш лозимлиги, ҳар бир “қизил” ва “сариқ” тоифадаги маҳаллалар бўйича манзилли чора-тадбирларнинг масъуллар томонидан ўз вақтида бажарилиши устидан назорат ўрнатилганлиги қайд этилди.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Sayt |Telegram | Instagram | YouTube | Facebook

Навоий вилояти прокурори А.Муллажанов ва вилоят ИИБ бошлиғи А.Тасбаевлар томонидан Президентнинг 03.01.2025 йилдаги “2025 йилда Республика маҳаллаларида хавфсиз муҳитни яратиш ва ҳуқуқбузарликларнинг барвақт олдини олиш тизими самарадорлигини янада ошириш бўйича чора-тадбирлар тўғрисида”ги ПҚ-1-сон қарори ижроси Кармана туманида ўрганилди.

Хусусан, тумандаги қизил тоифага киритилган “Арғун” ва “Бешкент” маҳаллаларида маҳалла еттилигининг фаолияти ўрганилиб, маҳаллада хавфсизликни таъминлаш, жиноятчилик ва ҳуқуқбузарликларнинг олдини олиш масалалари муҳокама қилинди.

Маҳаллаларда “намунали хавфсиз кўча” ва “намунали хавфсиз йўлак” тамойилига асосан жиноятчиликни барвақт олдини олиш, ҳуқуқбузарликларга қарши кескин курашиш, жамоат тартибини сақлаш, фуқаролар хавфсизлигини таъминлаш, жиноятлардан ҳоли ҳудудга айлантириш мақсадида видеокузатув камералари ва ташвиш тугмалари ўрнатиш ишларини қисқа муддатда тугатиш бўйича топшириқлар берилди.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Sayt |Telegram | Instagram | YouTube | Facebook

Қорақалпоғистон Республикаси прокурори Ш.Аминов Хўжайли туманида бўлиб, туманда ижтимоий ва иқтисодий соҳада амалга оширилаётган ишлар аҳволи билан танишди.

Дастлаб, туманнинг “Ёшлар маркази” биносида ёшлар етакчилари билан бўлган учрашувда ёшлар ўртасида жиноятчилик ва ҳуқуқбузарликларнинг олдини олиш борасида қилинган ишлар юзасидан маълумотлар билан танишилиб, алоҳида эътиборни уюшмаган ёшларга қаратган ҳолда ёшларнинг бандлигини таъминлаш, тадбиркорлик фаолиятларидаги тўсиқларни бартараф қилиш, таълим олишларига кенг имкониятлар яратиш борасидаги вазифалар муҳокама қилинди.

Шунингдек, туман ҳудудидан ўтувчи А380 автомобил йўлининг 787 км. қисмидаги йўл ўтказгич (кўприк)даги қурилиш ишлари билан танишилиб, иш сифатини юқори босқичга олиб чиқиш, сифатли материлларидан фойдаланиш ва қурилишни ўз вақтида якунлаш борасида масъулларга топшириқлар берилди.

Якунида, туман прокуратурасида ходимлар учун яратилган шароитлар, иш юритиш тартиби, ходимларнинг билим савияси ўрганилиб, устоз-шогирд анъанаси асосида ёш мутахассисларнинг малакасини ва касб маҳоратини ошириш, идорада ишчан муҳитни яратиш бўйича вазифалар белгилаб берилди.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Sayt |Telegram | Instagram | YouTube | Facebook

Маълумки, Фуқаролик процессуал кодексига 30.09.2024 йилда киритилган ўзгартиришларга кўра, фуқаролик судларида прокурор иштирок этиши мумкин бўлган ишлар тоифаси янада кенгайтирилди.

Эндиликда, прокурор қонунда белгиланган ишлардан ташқари, давлатнинг қонун билан қўриқланадиган манфаатларини ҳимоя қилиш мақсадида ерга оид ҳуқуқий муносабатлар, давлат мулки, давлатга етказилган зарарнинг ўрнини қоплаш ва давлат бюджетидан ундирувлар билан боғлиқ ишларнинг судда кўрилишида иштирок этиш ваколатига эга бўлди.

Прокурорлар ўз ваколатлари доирасида судда ишларнинг кўрилишида қатнашиб, ғайриқонуний суд қарорларига нисбатан протест келтириш амалиётидан кенг фойдаланмоқда.

Хусусан, суд қарорлари билан даъвогар М.А.нинг олиб қўйилган ер участкасидаги қурилма учун 827 млн. сўм компенсация ундириш ҳақидаги даъво аризаси қаноатлантирилган.

Фуқаролик иши ҳужжатларига кўра, 2006 йилда М.А.га туман ҳокимлиги томонидан 0,4 га яйлов ер майдони қишлоқ хўжалиги маҳсулотларини қуритиш ва қайта ишлаб чиқариш цехи қурилиши учун доимий фойдаланишга ажратиб берилган. Бироқ, М.А. томонидан яйлов ер майдони мақсадли фойдаланилмаганлиги боис, туман ҳокимининг ер ажратиш қарори бекор қилинган. М.А. эса гуёки унга ажратилган ер майдонида қурилма қурилганлигини асос қилиб, судга компенсация ундириш тўғрисида даъво ариза киритган.

Бироқ, фуқаролик иши ҳужжатлари синчковлик билан ўрганилганда, М.А. ўзига ажратилган 0,4 га ер майдони чегарасида эмас, балки умуман бошқа жойда қурилма қурганлиги, ушбу қурилма ҳам ўзбошимчалик билан қурилган бўлиб, 2021 йилдаги суд қарори билан М.А. ҳисобидан буздирилиши ва ер майдони олдинги ҳолатига қайтарилиши белгиланган.

Замонавий технологиялар ёрдамида ер майдони ўрганилганда ҳам М.А. томонидан унга ажратилган 0,4 га ер майдонида бирор бир қурилма қурилмаганлиги аниқланган.

Фуқаролик кодексининг 212-моддаси талабларига кўра, ўзбошимчалик билан қурилган иморат мулк ҳуқуқини вужудга келтирмаслиги ва унинг учун компенсация тўланиши талаб этилмасада, судлар давлат ҳисобидан М.А. фойдасига 827 млн. сўм ундириш тўғрисида асоссиз қарор қабул қилган.

Суд қарорлари Бош прокуратура томонидан Ўзбекистон Республикаси Олий судига тафтиш тартибида келтирилган протест асосида кўрилиб, М.А.нинг асоссиз даъво аризаси рад этилди.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Sayt |Telegram | Instagram | YouTube | Facebook

Бош прокурорнинг биринчи ўринбосари Б.Валиев раҳбарлигидаги ишчи гуруҳи томонидан Президентнинг 21.04.2025 йилдаги “Коррупцияга қарши курашиш тизимини янада такомиллаштириш бўйича белгиланган устувор вазифалар ижросини самарали ташкил этишга доир чора-тадбирлар тўғрисида”ги ПФ-71-сон Фармонига мувофиқ ишлаб чиқилган “Йўл харита”нинг ижроси бўйича Фарғона вилоятида Соғлиқни сақлаш соҳасида коррупциянинг олдини олиш ва хавф-хатарларни камайтириш борасида амалга оширилаётган ишлар юзасидан ўрганишлар давом этмоқда.

Бугун, масъуллар Республика кардиология илмий-амалий тиббиёт маркази вилоят минтақавий филиалида бўлиб, шифокорлар, соҳа мутахассислари ва беморлар билан бевосита суҳбатлар ўтказиб, филиалда коррупцион хавф-хатарларни келтириб чиқарувчи омилларни бартараф этиш юзасидан беморларни муассасага келиб рўйхатдан ўтиши, тиббий текширувлар ўтказилиши, уларга қилинган муолажа ва жарроҳлик амалиёти, дори-дармонларнинг сарфланишининг рақамлаштирилганлиги, муассасада “касса модули” ишга туширилиши, кўрсатилган тиббий хизматлар нархлари ҳамда беморларнинг тиббий хизматларга тўловларни амалга оширилганлик тўғрисида маълумотлар автоматик тарзда шакллантирилиши борасида амалга оширилган ишлар аҳволини ўрганилди.

Ўрганиш давомида, тизимни тўлиқ рақамлаштиришни якунлаш ва бошқа коррупциявий омилларини бартараф этиш юзасидан мутасадди раҳбарларга тегишли топшириқлар берилиб, ижроси назоратга олинди.

Ўрганишлар давом этмоқда.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Sayt |Telegram | Instagram | YouTube | Facebook