Қонун билан суд томонидан айрим шахсларнинг Ўзбекистондан чиқиш ҳуқуқи вақтинча чекланишига доир тартибни назарда тутувчи қўшимча ва ўзгартиришлар киритилмоқда.

Киритилган қўшимчаларга кўра, Ўзбекистондан чиқиш ҳуқуқини вақтинча чеклаш гумон қилинувчи, айбланувчи ёки судланувчига нисбатан қамоққа олиш эҳтиёт чораси қўлланилмаган, бироқ Ўзбекистондан чиқиб кетиб, суддан узрли сабабларсиз бўйин товлаши учун асослар мавжуд бўлганда қўлланилади.

Прокурор, терговчи, суриштирувчи Ўзбекистондан чиқиш ҳуқуқини вақтинча чеклаш тўғрисида илтимоснома қўзғатиш ҳақида мазкур мажбурлов чорасини қўллаш асосларини баён этган ҳолда қарор чиқаради.

Илтимоснома материаллар келиб тушган пайтдан эътиборан 8 соатдан кечиктирмай ёпиқ суд мажлисида кўриб чиқилади.

Судья илтимосномани кўриб чиқиб, Ўзбекистондан чиқиш ҳуқуқини вақтинча чеклаш ёки уни рад этиш тўғрисида ажрим чиқаради.

Ажрим устидан 48 соат ичида шикоят берилиши ёхуд протест билдирилиши мумкин.

Қонун расмий эълон қилинган кундан эътиборан кучга киради.

https://t.me/hudud_inform

Қорақалпоғистон Республикаси барқарор ижтимоий-иқтисодий ривожлантирилади

“Қорақалпоғистон Республикасини ижтимоий-иқтисодий ривожлантиришга қаратилган чора-тадбирларни янада жадаллаштириш тўғрисида”ги Президент қарори (ПҚ–248-сон, 14.08.2025 й.) қабул қилинди.

🔰 Қуйидагилар 2025–2026 йилларда Қорақалпоғистон Республикасини барқарор ижтимоий-иқтисодий ривожлантиришнинг асосий мақсадли кўрсаткичлари этиб белгиланди, жумладан:

🔹 ялпи ҳудудий маҳсулот ҳажмини ўртача 6–6,5 фоизга етказиш;

🔹 саноат ишлаб чиқариши ҳажмини 5–6 фоизга етказиш;

🔹 бозор хизматлари ҳажмини 15–17 фоизга етказиш.

🏛 Қарорга кўра, Қорақалпоғистон Республикасини 2035 йилгача ривожлантириш бўйича стратегия 5 йиллик батафсил дастур асосида амалга оширилади.

✔️ Дастурни молиялаштириш учун натижага асосланган молиялаштириш тизими (PforR) бўйича 150–200 миллион АҚШ доллари миқдоридаги хорижий маблағлар жалб қилинади.

https://t.me/hudud_inform

❗️Ўзбекистонга олиб келинган фаластинликлар учун махсус жамғарма ташкил этилади — Президент фармони

“Ўзбекистондаги бир гуруҳ фаластинлик фуқароларга давлат ғамхўрлиги, меҳр-шафқат тамойиллари асосида кўмак бериш тизимини йўлга қўйиш чора-тўғрисида”ги Президент фармони қабул қилинди.

Унга кўра:

➖ Ўзбекистонга олиб келинган фаластинлик фуқароларга зарур иш стажига эга бўлмаган кекса фуқароларга бериладиган нафақа тайинланади;

➖ ҳар бир меҳнат ёшидаги меҳмон (I ва II гуруҳ ногиронлиги бўлган шахслар бундан мустасно) учун ҳар ойда минимал истеъмол харажатлари миқдорида яшаш нафақаси жорий этилади;

➖ меҳмонларнинг ҳар бир оиласига яшаш манзили бўйича уй-жойнинг ижара харажатлари қоплаб берилади;

➖ меҳмонларга фарзанд туғилганда бериладиган бир марталик нафақа ҳамда дафн этиш учун нафақа тўлови Ўзбекистон Республикаси фуқаролари учун белгиланган миқдорда тўланади;

➖ меҳмонларнинг ҳар бир оиласига бирламчи зарурий воситалар (оилада ишлатиладиган ноозиқ-овқат маҳсулотлари тўплами) хариди учун бир марталик кўтарма пул қўшимча равишда тўлаб берилади;

➖ меҳмонларнинг оила аъзоларига шахсий ҳамроҳлик қилиш ва индивидуал кўмак кўрсатиш, шунингдек, уларнинг эҳтиёжлари ва индивидуал талабларини рўёбга чиқариш мақсадида биттадан маҳалладаги ижтимоий ходим бириктирилади.

https://t.me/hudud_inform

Айрим оилаларни ичимлик суви билан таъминлаш харажатларини қоплаш учун субсидия ажратилади

Ҳукумат қарори (515-сон, 14.08.2025 й.) билан “Қорақалпоғистон Республикаси ва Хоразм вилоятида айрим тоифадаги оилаларни ичимлик суви билан таъминлаш харажатларини қоплаш учун субсидия ажратиш тартиби тўғрисида”ги низом тасдиқланди.

🔰 Низом Қорақалпоғистон Республикаси ва Хоразмда яшовчи Камбағал оилалар реестрига киритилган оилаларга қуйидаги харажатларини қоплаш учун субсидия ажратиш тартибини белгилайди:

🔹 турар жойида артезиан қудуғи қазиш;

🔹 сув насослари ва ичимлик суви фильтрларини харид қилиш ҳамда ўрнатиш.

💸 Субсидия мазкур харажатларнинг 90 фоизи, бироқ БҲМнинг 30 бараваридан кўп бўлмаган қисмини қоплаш учун ажратилади.

📝 Ушбу хизматлар “Ягона миллий ижтимоий ҳимоя” ахборот тизимининг Аҳолини тоза ичимлик суви билан таъминлашга кўмаклашувчи тадбиркорлик субъектлари реестрига киритилган тадбиркорлар томонидан амалга оширилади.

✅ Субсидия олувчиларнинг вояга етган муомалага лаёқатли аъзоси ёки қонуний вакили “Инсон” марказларига борган ҳолда ёки маҳалладаги ижтимоий ходимларга мурожаат қилиш орқали “ЯМИҲ” АТда рўйхатдан ўтиши мумкин.

📋 Бунда “Инсон” маркази ходими ёки ижтимоий ходим субсидия олувчиларнинг вояга етган муомалага лаёқатли аъзоси ёки унинг қонуний вакили номидан “ЯМИҲ” АТда рўйхатдан ўтиш бўйича сўров юборади.

🔗 Тадбиркор белгиланган муддатда субсидия олувчиларнинг турар жойига етиб бориши ҳамда артезиан қудуғини қазиши, сув насоси ва ичимлик сув фильтрини ўрнатиши лозим.

✔️ Ишчи гуруҳ томонидан субсидия ажратиш маъқуллангани ёки рад этилгани тўғрисидаги хабар “ЯМИҲ” АТга автоматик равишда юборилади.

https://t.me/hudud_inform

💰 Қонунчиликка кўра, кредитни муддатидан олдин суд тартибида ундиришда, агар шартномада бошқача тартиб назарда тутилган бўлмаса, кредитор дастлаб қарзнинг белгиланган муддатда қайтарилмаган қисмини ундириш учун судга мурожаат қилиши лозим.

✔️ Бунда агар қарз олувчи муддати ўтган қарзни тўлиқ тўламаган тақдирда, кредитор кредитнинг қолган барча суммасини муддатидан олдин қайтариш ҳақидаги талаб билан судга мурожаат қилишга ҳақли.

https://t.me/hudud_inform

Барча таълим муассасаларида мажбурий меҳнат устидан назорат тадбирлари (рейдлар) ўтказилади - Камбағалликни қисқартириш ва бандлик вазирлиги

Жорий йилнинг 15 август санасидан бошлаб, бутун республика бўйича мактаб ва мактабгача таълим муассасаларида "Мажбурий меҳнатга қарши курашиш ҳафталиги" эълон қилинади.

Меҳнат инспекцияси барча таълим муассасаларида назорат тадбирлари ўтказади.

Сўнгги кунларда ўқитувчи ва мураббийларни мажбурий меҳнатга жалб этиш ҳолатлари бўйича эълон қилинаётган хабарлар фуқароларимизнинг меҳнат ҳуқуқлари дахлсизлиги хавф остидалигини кўрсатмоқда.

Маълумот учун: ОАВ ва ижтимоий тармоқларда ёритилган 10 га яқин ўқитувчи ва мураббийларни мажбурий меҳнатга жалб этиш ҳолатлари тасдиғини топиб, айбдор мансабдор шахсларга нисбатан маъмурий жавобгарлик чоралари қўлланилган. Тегишли вазирлик ва идораларга қонунбузилиш ҳолатларининг келиб чиқиш сабабларини ўрганиш ҳамда уларнинг келиб чиқишига имкон берувчи шарт-шароитларни бартараф этиш юзасидан тақдимнома киритилган.

Ҳафталик доирасида нафақат иш берувчилар балки, мажбурий меҳнатга йўл қўйган барча масъул мансабдор шахсларга нисбатан ҳам жавобгарлик чоралари қўлланилади.

https://t.me/hudud_inform

❗️ Афросиёб” поездига қарши қўпорувчилик ҳаракати содир этган икки темирйўлчи 12 ва 13 йилга озодликдан маҳрум қилинди.

2023 йил декабрида иш ўрнидан норози бўлган собиқ бригадир ҳамкасби билан жиноий режа тузиб, темир-бетон шпални поез рельслари устига қўйган. Улар 14 январь куни “Зиёвуддин–Навоий” йўналишида ҳаракатланаётган 159 км/с тезликдаги жами 148 нафар йўловчиси бўлган “Афросиёб” поездини тўхтатишга уринган.

Бунинг натижасида поезднинг ҳаракатлантирувчи қисмларига жиддий шикаст етади. Бу ҳаракат фақат моддий зарар эмас, балки юзлаб инсонлар ҳаётини хавф остига қўйди.

https://t.me/hudud_inform

Янги Тошкент шаҳридаги илк метро йўналиши 2026 йил охиригача қуриб битказилади

Лойиҳа қиймати 110 млн долларни ташкил этиб, унинг доирасида 8 км узунликдаги 3 та бекатдан иборат метро қурилади.

Туркиянинг «Xvav Yapi Sanayi Ve Tic.A.S.» компанияси томонидан амалга оширилаётган мазкур лойиҳа «Дўстлик» бекатидан Янги Тошкентгача бўлган йўналишнинг бир қисми бўлади.

Лойиҳа қийматининг 11 млн доллари 2025 йилда, қолган 99 млн доллари эса 2026 йилда ўзлаштирилиши режа қилинган.

https://t.me/hudud_inform

2004–2006 йилларда туғилган бир гуруҳ қизлар диний қизиқиш ниқоби остида Ўзбекистонда тақиқланган “Ироқ ва Шом ислом давлати” ҳамда “Туркистон ислом ҳаракати” террористик ташкилотларига тегишли аудио- ва видеоматериаллар ва даъватларни тарқатиш билан шуғулланишган. Шунингдек, улар бошқа ёпиқ гуруҳларда ҳам тарғибот ишларини олиб боришган.

Улар Суриядаги қонли жангларга қўшилиш ниятида ўзаро фикр алмашиб, “жиҳод”, “ҳижрат” ва “шаҳид” каби ёлғон шиорларни ҳаётий мақсад деб билишган. Шу билан бирга, улар “Instagram” тармоғи орқали ҳам шахсий профиллар яратиб, тақиқланган материалларни тарқатишган ва янада кўпроқ ёшларни тузоққа туширишга уринишган.

ДХХ ва бошқа ҳуқуқни муҳофаза қилувчи органлар ҳамкорлигида ўтказилган тезкор-қидирув тадбирлари натижасида мазкур шахслар ушланиб, уларга нисбатан қонуний чоралар кўрилди.

Ҳар қандай шубҳали саҳифа ёки гуруҳдан огоҳ бўлинг. Чунки, эзгу ишлар ҳеч қачон қон тўкиш ва нафратдан бошланмайди.

https://t.me/hudud_inform

Кафолатлар бериш ташкилотлари фаолиятини мувофиқлаштириш тартиби белгиланди

“Кафолатлар бериш ташкилотлари фаолиятини мувофиқлаштириш ва тартибга солиш тўғрисида”ги низом Адлия вазирлигида давлат рўйхатидан ўтказилди (рўйхат рақами: 3662-сон, 11.08.2025 й.).

🔰 Низомга кўра, кафолатлар бериш ташкилоти молиявий маблағлар ва кафолатлар ўз вақтида қайтарилишини таъминлаш ҳамда муаммоларни дастлабки босқичда аниқлаш мақсадида кредит ташкилотлари ва кафолат портфели кесимида камида ҳар ойда таҳлил ўтказиши керак.

🏛 Ташкилотнинг таваккалчиликларни бошқариш тузилмаси қуйидагилардан ташкил топиши лозим:

▪️ кузатув кенгаши;
▪️ ижро этувчи орган;
▪️ таваккалчиликларни бошқариш бўйича тегишли таркибий бўлинма;
▪️ таваккалчиликларни бошқаришга масъул бўлган бошқа бўлинмалар.

✅ Ташкилот активларни сифатига кўра таснифлайди ва улар бўйича эҳтимолий йўқотишларни қоплаш учун захиралар яратади.

📋 Ташкилот капиталининг етарлилик коэффициенти унинг жами хусусий капиталининг жами активларига нисбати орқали ҳисобланади ва ушбу коэффициент 10 фоиздан кам бўлмаслиги лозим.

https://t.me/hudud_inform

🔰 Қонунчиликка кўра, ходимлар қуйидаги ҳолларда ҳар йилги меҳнат таътилини узайтириш ёки бошқа муддатга кўчириш ҳуқуқига эга:

🔹 вақтинча меҳнатга қобилиятсизлик даврида;

🔹 ҳомиладорлик ва туғиш таътилининг муддати бошланганда;

🔹 ҳар йилги меҳнат таътили ўқув таътилига тўғри келиб қолганда;

🔹 давлат ёки жамоат мажбуриятларини бажараётганда;

🔹 жамоа келишувларида ёки жамоа шартномасида назарда тутилган бошқа ҳолларда.

📝 Ходим ҳар йилги меҳнат таътилидан фойдаланишга тўсқинлик қиладиган, юзага келган сабаблар тўғрисида иш берувчини ёзма шаклда хабардор қилиши шарт.

https://t.me/hudud_inform

⭐️ Хива “Қовун сайли – 2025”

Жорий йил 8-10 август кунлари Хивада Туризм қўмитаси ва Хоразм вилояти ҳокимлиги томонидан ташкил этилган ёрқин гастрономик ва маданий тадбир "Қовун сайли - 2025" фестивали ўтказилди.

Тадбирнинг асосий майдонлари – “Ичан-қалъа” тарихий мажмуаси ва “Арда Хива” замонавий сайёҳлик марказида ширин қовунлар ҳиди, халқ қўшиқлари, театрлаштирилган томошалар ва ярмаркалар бўлиб ўтди.

19 та стендда Хоразм вилоятининг туманлари, илғор фермер хўжаликлари ва бошқа иштирокчилар ўнлаб қовун навлари, ўз маҳсулотлари, технологиялари ҳамда ютуқларини намойиш этилди. Энг яхшилари мукофот ва совринлар билан тақдирланадилар. Меҳмонлар қовунларни татиб кўриш, ишлаб чиқарувчилар билан суҳбатлашиш ва минтақанинг қишлоқ хўжалиги анъаналари ҳақида кўпроқ маълумот олиш имкониятига эга бўлди.

https://t.me/hudud_inform

Уч нафар ички ишлар ходими пора олаётганда қўлга тушди

➖ Бухоро вилояти ИИБ ходими жиноят ишини ёпиш учун 13 000 доллар пора олган пайтда ушланди;

➖ Ангренда Қўриқлаш хизмати сафдор ходими фуқарони ишга жойлаштириш учун 1000 доллар олган ҳолда қўлга тушди;

➖ ИИВ Миграция ва персоналлаштириш Департаменти “Тошкент” халқаро аэрапортида паспорт-виза бўлими катта инспектори 400 доллар пора олган вақтида қўлга олинди. Аниқланишича, у 42 нафар чет эл фуқароларидан 300-700 доллардан олиб, уларга чиқиш визасини ҳамда 8 нафар Ўзбекистон фуқароларига ҳамрохлиқ қилувчи штамп белгисини тезлаштирилган тартибда расмийлаштириб бериш эвазига 200-400 доллар олган.

Ҳозирда ушбу қонун ҳимоячиларига нисбатан жиноят ишлари қўзғатилиб, қамоқ эҳтиёт чораси қўлланилди. Тергов ҳаракатлари олиб борилмоқда.

https://t.me/hudud_inform

⚡️⚡️АИ-92 бензиннинг бошланғич нархи 9400 сўмга тушди - "Ўзбекнефтгаз" АЖ

Бухоро нефтни қайта ишлаш заводида АИ-92 русумли автобензин нархини босқичма-босқич пасайтириш ишлари олиб борилмоқда.

Натижада Бухоро НҚИЗда ишлаб чиқарилган АИ-92 русумли автобензиннинг биржа савдоларидаги 1 тоннаси бошланғич нархи биринчи босқичда 12 млн 881 минг сўмдан 12 млн 628 минг сўмга туширилди. Бу эса ўз навбатида, 1 литр АИ-92 русумидаги автобензиннинг биржадаги бошланғич нархи  9 400 сўм дегани.

Батафсил.

https://t.me/hudud_inform

Интеллектуал мулк ҳуқуқий жиҳатдан ишончли тарзда ҳимоя қилинади

Қонун (ЎРҚ–1080-сон, 08.08.2025 й.) билан айрим қонун ҳужжатларига ўзгартириш ва қўшимчалар киритилди.

🔰 Мазкур Қонун билан айрим қонун ҳужжатларига интеллектуал мулк объектларини давлат рўйхатидан ўтказиш жараёни соддалаштирилишини назарда тутувчи ўзгартириш ва қўшимчалар киритилди.

✔️ Қонун ҳужжатларига киритилган ўзгартиришларга кўра, саноат мулки объекти рўйхатга олинганда патент талабнома берувчига автоматик тарзда электрон тизим орқали юборилиши белгиланди.

📍 Илгари Саноат мулки объектига патент бериш объект рўйхатга олинганлиги ҳақидаги маълумотлар расмий ахборотномада эълон қилинган санадан эътиборан 10 кун ўтганидан кейин амалга оширилиши белгиланган эди.

✅ Шунингдек, қонун ҳужжатларига киритилган ўзгартириш ва қўшимчаларга кўра, интеллектуал мулк объектларига бўлган ҳуқуқларни бузганлик учун жавобгарлик кучайтирилиши назарда тутилди.

https://t.me/hudud_inform

Жомбой туманида рўй берган ёнғинда “KIA BONGO”, “DAMAS” ва “GENTRA” русумли автомобиллар зарарланган. Тан жароҳати олганлар тўғрисида хабар келиб тушмади - ФВВ

Бугун, 10 август куни соат 22:00 да Самарқанд вилояти, Жомбой тумани, “Шайман” МФЙ ҳудудида жойлашган автомобилларга сиқилган газ қуйиш шахобчаси ҳудудида автомобилларда ёнғин келиб чиққанлиги тўғрисида ФВБга хабар келиб тушган.

Шунга кўра 5 та ёнғин-қутқарув экипажлари соат 22:15 да воқеа жойига етиб бориб, ёнғин соат 22:21 да қуршаб олинган ва соат 22:30 да ўчирилган.

Воқеа жойига вилоят ва туман ФВБ раҳбарлари чиққан.

https://t.me/hudud_inform

ОКМК ҳомийлигида “Дукент” маданият саройи янги қиёфага келтирилади

✅Ижтимоий соҳани фаол қўллаб-қувватлаб келаётган “Олмалиқ кон металлургия комбинати ҳомийлигида Ангрен шаҳар Дукент қўрғонидаги “Дукент” маданият саройида айни кунларда реконструкция ишлари бошлаб юборилди.

✅Мазкур бино ўтган асрнинг 60-йилларида барпо этилган бўлиб, таъмирталаб ҳолатга келиб қолган. Реконструкция ишларига “Олмалиқметаллургқурилиш” трести сафарбар этилган.

Ҳозирда мазкур бинода демонтаж ишлари бажарилмоқда. Участка бошлиғи Сардор Исмоиловнинг маълум қилишича, демонтаж ишларига 60 нафар қурувчи жалб этилган. Демонтаж ишлари максимум 25 кунда бажарилиши режалаштирилган.

✅Комбинат хомийлигида реконструкция қилинаётган ушбу маданият саройи тўлиқ замонавий қиёфага келтирилади. 2 қаватли бинонинг том қисми буткул янгиланиб, эски турдаги ойналар ўрнига пластик ромли ойналар ўрнатилиб, иситиш, совуқ ва иссиқ сув тизимлари алмаштирилади. Маданият саройида 1та катта томошалар зали бўлиб, у 500 ўринга мўлжалланган. Реконструкция ишлари давомида томошалар зали ҳам замонавий кўринишга келтирилади. Сарой ҳудуди тўлиқ ободонлаштирилиб, кўкаламзорлаштирилади.

✅Қурувчилар куни арафасида старт олган реконструкция ишлари йилнинг охирида якунланиши режалаштирилган.

https://t.me/hudud_inform

❗️Такси бозори айланмаси 5 трлн сўмдан ошди

Солиқ қўмитаси ахборот хизматининг хабар беришича, бугунги кунда 215 та такси агрегатори солиқ органлари ахборот тизимлари билан интеграция қилинган.

Агрегаторлар орқали 457,3 мингга яқин ўзини ўзи банд қилган ҳайдовчи йўловчи ташиш билан шуғулланмоқда.

Солиқ мобил иловаси орқали ўзини ўзи банд қилган шахс сифатида рўйхатдан ўтиш мумкин.

Даромади 100 млн сўмдан ошган ҳолда, фуқаро якка тартибдаги тадбиркор сифатида солиқ тўлашга ўтади.

https://t.me/hudud_inform

Тренер-ўқитувчиларга малака тоифаларини бериш тартиби белгиланди

Ҳукумат қарори (500-сон, 07.08.2025 й.) билан “Жисмоний тарбия-спорт ташкилотларининг тренер-ўқитувчилари ва йўриқчи-услубчиларига малака тоифаларини бериш тартиби тўғрисида”ги низом тасдиқланди.

🏛 Низомга кўра, давлат хизмати “ERP sport” тизими орқали Спорт вазирлиги томонидан кўрсатилади.

💰 Давлат хизмати кўрсатилгани учун БҲМнинг 1 баравари миқдорида тўлов ундирилади.

✔️ Тренер-ўқитувчилар ва йўриқчи-услубчиларга иккинчи, биринчи ва олий малака тоифалари берилади.

📝 ERP sport” тизимида маълумотлар тўлиқ шакллангандан сўнг 1 иш кунида QR-код қўйилган ҳолда электрон шаклда малака тоифаси тўғрисида гувоҳнома расмийлаштирилади.

✍️ Бу ҳақида автоматик тарзда тренер-ўқитувчилар ва йўриқчи-услубчиларга “Электрон ҳукумат” тизимининг идоралараро интеграциялашув платформаси орқали СМС-хабарнома юборилади.

⏳ Малака тоифаси 4 йил муддатга берилади.

https://t.me/hudud_inform

Ёзда тонировкага арзонлаштирилган нарх жорий этилиши мумкин

ИИВ томонидан эълон қилинган қонун лойиҳасига кўра, М1 (енгил автомобиллар) тоифасига кирувчи автотранспорт воситаларининг орқа ва олд ён ойналарининг тусини ўзгартириш (қорайтириш) учун ҳар йили 1 майдан – 31 августгача бериладиган рухсатномалар йўлга қўйилиши кўзда тутилмоқда.

Бунинг учун тўлов миқдори қуйидагича этиб белгиланмоқда:

🔹 Жисмоний ва юридик шахслар учун — БҲМнинг 1 баравари миқдорида (ҳозирда 412 000 сўм);

🔹 Ўзбекистонда фаолият кўрсатаётган хорижий давлатлар юридик шахслари учун — БҲМнинг 5 баравари миқдорида (ҳозирда 2 060 000 сўм).

https://t.me/hudud_inform

«Бунёдкор» стадионига кириш ва чиқиш йўллари схемаси билан танишинг. Бугун бу ерда жаҳон юлдузи Женнифер Лопеснинг концерти бўлиб ўтади.

Харитани кўздан кечиринг: унда барча кириш ва чиқиш йўллари кўрсатилган. Унинг ёрдамизда, сиз шошилмасдан ва адашмасдан стадион ҳудудига киришингиз ҳамда тадбир якунида ундан бемалол чиқиб кетишингиз мумкин.

Шунингдек, тадбир муносабати билан Чилонзор туманининг айрим кўчаларида соат 12.00 дан 23:00 га қадар бўлган вақт оралиғида автотранспорт воситалари ҳаракати тўлиқ чекланади.

https://t.me/hudud_inform

📢 Жорий йил 8-10-август кунлари Хива шаҳрига “Қовун сайли” фестивалига марҳамат!

https://t.me/hudud_inform

❗️Фуқароларга янада қулайлик яратиш мақсадида MySud мобил иловаси яратилиб, ишга тушурилди.

MySud иловаси Олий суднинг барча интeрактив хизматларини ўз ичига олади. Хусусан, судларга электрон мурожаатларни юбориш, иш ҳолатларини реал вақт режимида кузатиш, суд тўловларини онлайн амалга ошириш ва яна бир қанча имкониятлар мавжуд.

✅ MySud иловасининг iOS ва андроид талқинини қуйидаги иловалар орқали юклаб олишингиз мумкин:

Android: https://play.google.com/store/apps/details?id=uz.sud.mysud&pcampaignid=web_share

iOS: https://apps.apple.com/uz/app/mysud-sud-elektron-xizmatlari/id6746529895

Telegram | Facebook | Instagram | Медиабанк

📢 2026 йилги Халқаро информатика олимпиадасини Ўзбекистон мезбонлигида ўтказиш ҳуқуқи расман топширилди

Боливиянинг Сукре шаҳрида бўлиб ўтган 37-Халқаро информатика олимпиадаси (IOI–2025) дунё бўйлаб энг иқтидорли ёшларни бир жойга жамлади.

Мазкур нуфузли мусобақада 84 та мамлакатдан 330 нафар мактаб ўқувчиси иштирок этди.

Ўзбекистон терма жамоаси аъзолари мазкур олимпиадада муносиб иштирок этиб, 1 та кумуш ва 1 та бронза медалига сазовор бўлишди.

Олимпиаданинг якунловчи маросимида 2026 йилги Халқаро информатика олимпиадасини Ўзбекистон Республикаси мезбонлигида ўтказиш ҳуқуқи расман топширилди.

https://t.me/hudud_inform

Шерали Жўраев номидаги мусиқа ва санъат олий мактаби ташкил этилади

“Ўзбекистон халқ артисти Шерали Жўраев хотирасини абадийлаштириш ва унинг ижодий мактаби анъаналарини муносиб давом эттиришга оид чора-тадбирлар тўғрисида”ги Президент қарори (ПҚ–232-сон, 28.07.2025 й.) қабул қилинди.

🔰 Қарорга кўра, Андижон ихтисослаштирилган санъат мактаби негизида Шерали Жўраев номидаги мусиқа ва санъат олий мактаби ташкил этилади.

⏳ Олий мактабда ўқув жараёни 2025/2026 ўқув йилидан бошланади.

📋 Олий мактабга бошланғич мусиқий билимга эга бўлган ўқувчилар ижодий синов асосида 9-синфдан қабул қилинади.

📜 Ўқув жараёни давлат грантига асосланган 3 йиллик ўқув дастури бўйича ташкил этилади ҳамда битирувчиларга ўрта махсус касбий таълим тўғрисида давлат намунасидаги диплом берилади.

✔️ Олий мактабнинг иқтидорли битирувчилари ўз ўқишини тегишли бакалавриат таълим йўналиши бўйича олий таълим ташкилотларининг 2-босқичидан давом эттириши мумкин.

🏛 Шунингдек, олий мактабда Шерали Жўраев ижодий йўналиши ва фаолияти бўйича илмий-ижодий лаборатория фаолияти йўлга қўйилади.

https://t.me/hudud_inform

❗️Шўрчи туманида содир бўлган ёнғин бўйича

Фавқулодда вазиятлар вазирлиги ахборот хизмати маълумот берди.

Бугун, 2025 йил 4 август куни соат 03:02 да Сурхондарё вилояти Шўрчи туманидаги Боботоғ маҳалласида жойлашган уч қаватли савдо марказининг биринчи ва иккинчи қаватларида ёнғин содир бўлгани ҳақида ФВБга хабар келиб тушган.

Тезкор равишда 10 та ёнғин-қутқарув экипажи ва 2 та сув ташувчи техника жалб этилган. Ёнғин-қутқарувчилар соат 03:15 да воқеа жойига етиб борган ва ёнғин соат 05:10 да ўраб олинган, тўлиқ ўчириш ишлари эса соат 07:30 да якунланган.

Ёнғиндан тан жароҳати олганлар тўғрисида маълумот келиб тушмади.

https://t.me/hudud_inform

Ҳозирги кунда Ўзбекистон ҳудудида:

🔹меҳнатга ҳақ тўлашнинг энг кам миқдори – 1 271 000 сўм;

🔹базавий ҳисоблаш миқдори – 412 000 сўм;

🔹пенсияни ҳисоблашнинг базавий миқдори – 471 000 сўм;

🔹ёшга доир энг кам пенсия – 918 000 сўм;

🔹ногиронлик пенсиялари, жумладан иш стажи тўлиқ бўлмаган чоғдаги ногиронлик пенсиясининг энг кам миқдори – 1 012 000 сўм;

🔹меҳнатга лаёқатсиз фуқароларга бериладиган ногиронлик нафақаси ва болаликдан ногиронлиги бўлган шахсларга бериладиган нафақа – 1 012 000 сўм;

🔹белгиланган ёшга доир энг кам пенсия миқдоридан (918 000 сўмдан) 1 012 000 сўмгача пенсия олувчиларнинг ёшга доир пенсиялари – 1 012 000 сўм;

🔹зарур иш стажига эга бўлмаган кекса ёшдаги фуқароларга бериладиган нафақа – 820 000 сўм;

🔹иш стажи тўлиқ бўлмаган чоғдаги ёшга доир пенсиянинг энг кам миқдори қўшимча тўловни ҳисобга олган ҳолда – 820 000 сўм.

https://t.me/hudud_inform

“Халқаро шартномани тасдиқлаш тўғрисида”ги Президент қарори (ПҚ–241-сон, 30.07.2025 й.) қабул қилинди

🔰 Қарорга кўра, Ўзбекистон Ҳукумати билан Саудия Арабистони Подшоҳлиги Ҳукумати ўртасида ҳаво қатнови тўғрисидаги битим тасдиқланди.

📝 Битим 2024 йил 22 октябрь куни Куала-Лумпур шаҳрида имзоланган.

🏛 Транспорт вазирлиги ушбу халқаро шартномани амалга ошириш учун масъул ваколатли орган этиб белгиланди.

✔️ Вазирлар Маҳкамаси ҳамда тегишли вазирлик ва идораларнинг раҳбарлари ушбу халқаро шартнома кучга киргандан кейин белгиланган тартибда унинг қоидалари амалга оширилиши устидан назоратни таъминлайди.

https://t.me/hudud_inform

Парламентдаги мухолифатнинг кафолатланган ҳуқуқлари кенгайтирилади

Қонун (ЎРҚ–1077-сон, 30.07.2025 й.) билан айрим қонун ҳужжатларига ўзгартириш ва қўшимчалар киритилди.

🔰 Қонун билан айрим қонунларга ўзини парламентдаги мухолифат деб эълон қилган сиёсий партия фракциясига бир қанча қўшимча ҳуқуқлар беришни назарда тутувчи ўзгартиришлар киритилди.

✅ Қонун ҳужжатларига киритилган ўзгартиришларга кўра, ўзини парламентдаги мухолифат деб эълон қилган сиёсий партия фракцияси қуйидаги ҳуқуқларга эга бўлиши кўзда тутилди:

🔹 ўз вакиллари Қонунчилик палатасининг 1 нафар қўмита раиси ва 2 нафар қўмита раиси ўринбосари лавозимларини кафолатли эгаллаши;

🔹 қонун лойиҳаси иккинчи ўқишда кўриб чиқилгунига қадар ҳам ўша масалага доир қонун лойиҳаси ёки унинг таркибий қисмининг муқобил таҳририни киритиш;

🔹 ҳар чоракда "ҳукумат соати" ва парламент сўрови доирасида масала киритиш.

📍 Қонун расмий эълон қилинган кундан эътиборан кучга киради.

https://t.me/hudud_inform

❗️Қуролли Кучлар академияси ислоҳ қилиниб, унинг негизида Ўзбекистон Республикаси ҳарбий хавфсизлик ва мудофаа университети ташкил этилиши кўзда тутилмоқда.

Мудофаа вазирлигининг барча ҳарбий таълим муассасалари – 5 та институт, Сержантлар тайёрлаш олий мактаби ҳамда Авиация ва учувчисиз учиш аппаратлари мутахассисларини тайёрлаш маркази институт мақомида мазкур университет таркибига ўтказилади. Бу марказлашган вертикал тизимни ҳосил қилиб, қўшинларнинг жанговар салоҳиятини ошириш, дуал таълимни кенгайтириш, илмий тадқиқотларни амалиётга татбиқ этишга хизмат қилади.

Янгиликлардан яна бири – тор доирадаги ихтисосликлар бўйича “2+2” тартиби йўлга қўйилишидир. Яъни, психолог, алоқачи, таъминотчи, омборчи каби 18 хил ёндош соҳа мутахассислари бошқа олий таълим муассасаларининг 2-босқич талабалари орасидан саралаб олинади.

Иқтидорли ёшларни қўллаб-қувватлаш мақсадида, янги ўқув йилидан бошлаб, битирувчи босқич курсантлари учун танлов асосида “Олий Бош Қўмондон” давлат стипендияси жорий этилади. Мазкур стипендия соҳиби бакалавриатни тамомлаганидан сўнг 5 йил мобайнида олий ҳарбий таълим муассасаларининг магистратурасига имтиҳонларсиз қабул қилинади.

Эндиликда олий ҳарбий таълим муассасаларининг 36 та таълим йўналиши битирувчилари бирйўла иккита диплом – фуқаролик ва ҳарбий касбга мўлжалланган мутахассислик эгаси бўлади. Бу уларнинг ҳарбий хизматдан кейин ҳам фаол ишлаши имконини беради.

https://t.me/hudud_inform

Болаларга нисбатан зўравонлик ҳолатларини аниқлаш ва уларни ҳимоя қилиш тартиби белгиланди

Ҳукумат қарори (440-сон, 14.07.2025 й.) билан “Болаларга нисбатан зўравонлик ҳолатларини аниқлаш, зўравонлик хавфи даражасини баҳолаш, ҳимоя қилиш режасини ишлаб чиқиш ҳамда уни амалга ошириш тартиби тўғрисида”ги низом тасдиқланди.

🔰 Низомга кўра, зўравонликдан жабрланган ёхуд ўзига нисбатан зўравонлик содир этилиши хавфи остида бўлган болалар бевосита ўзлари ёхуд қонуний вакиллари “Инсон” марказлари, ички ишлар органлари ва бошқа масъул органларга мурожаат қилади.

📝 “Инсон” марказлари ички ишлар органлари иштирокида боланинг ҳаётий вазиятини 1 кун муддатда ўрганади.

📜 Бунда “Инсон” маркази боланинг ҳаёти ёки соғлиғига таҳдид солувчи омилларни дастлабки баҳолашдан ўтказади ҳамда хавф даражасини “паст” ёки “юқори” деб топиши мумкин.

☑️ Хавф даражаси “юқори” деб баҳоланганида, ички ишлар органи қуйидаги чоралардан бирини кўради:

🔹 зўравонлик содир этган шахсни маъмурий йўл билан ушлаб туриш ҳамда процессуал мажбурлов чораларини қўллаш;

🔹 болага ёхуд унинг қонуний вакилига ҳимоя ордерини бериш;

🔹 болани ота-онасидан (уларнинг биридан) ёхуд уни ўз қарамоғига олган бошқа шахслардан олиб қўйиш ва унинг хавфсизлигини таъминлаш.

⏳ Таҳдид солувчи омиллар бартараф этилгач, “Инсон” маркази боланинг ҳаётий вазиятини 14 календарь кун ичида комплекс баҳолашдан ўтказади.

📙 Комплекс баҳолаш натижаларига кўра 3 иш куни ичида болани ҳимоя қилиш режаси ишлаб чиқилади.

❗️ Болаларга нисбатан зўравонлик содир ёки содир этишга мойил бўлган шахсларга қуйидаги таъсир чоралари қўлланилиши мумкин:

▪️ тузатиш дастуридан ўтиш;
▪️ болаларини олиб қўйиш;
▪️ ота-оналик ҳуқуқини чеклаш ёки ота-оналик ҳуқуқидан маҳрум қилиш.
▪️ наркология муассасаларида мажбурий даволаниш;
▪️ мажбурий тиббий йўсиндаги мажбурлов чораларини тайинлаш.

https://t.me/hudud_inform

30 июль - 1 август кунлари кутилаётган ёмғирлар ёғиши сабабли республиканинг тоғ олди ва тоғли ҳудудларида сел-сув тошқин ҳодисалари юзага келиши мумкин.

https://t.me/hudud_inform

Қонунчиликка кўра, 2025 йил 1 августдан маҳаллий мебель технологлари учун ривожланган хорижий мамлакатлардаги нуфузли ташкилотларнинг соҳага тегишли бўлган малака сертификатларини олиш харажатларининг 50 фоизи қоплаб берилади.

https://t.me/hudud_inform

Расмий баёнот: Мўйноқдаги қудуқдан чиқаётган газ аҳоли турар жойларидан узоқда ва таркиби зарарсиз - Энергетика вазирлиги

2025 йил 26 июль куни Қорақалпоғистон Республикаси, Мўйноқ тумани, “Учсой” ОФЙ ҳудудида жойлашган “Муйноқ” конида олиб борилаётган бурғилаш ишлари давомида 5000 метр чуқурликка мўлжалланган 1-сонли қудуқда 4707 метр чуқурликдан газ чиқиши кузатилди. Бу қудуқ — ушбу конда бурғилаш ишлари бошланган биринчи қудуқ ҳисобланади.

Газ босими кутилган даражадан юқори бўлганлиги сабабли, барча хавфсизлик қоидаларига амал қилган ҳолда қудуқни ликвидация қилиш ва босимни бартараф этиш ишлари олиб борилмоқда. Воқеа содир бўлган пайтдан бошлаб барча тегишли ташкилотлар — “Ўзбекнефтгаз” АЖ Бошқарув раиси бошчилигидаги Жамиятга қарашли “Очиқ нефт ва газ фаввораларини олдини олиш ва бартараф этиш  бўйича Ўзбекистон ҳарбийлаштирилган қисмининг Марказий ҳарбийлаштирилган назорат отряди”, Фавқулодда вазиятлар вазирлиги, “Ўзбекгеофизика” АЖ ҳамда маҳаллий ҳокимият мутасаддилари воқеа жойида бўлиб турибди.

Энг асосийси, ушбу қудуқ аҳоли яшаш жойидан узоқда ва газ таркибида олтингугурт йўқ бўлган тоза метан ҳисобланади. Қайд этиш жоизки, Устюрт ҳудудидаги барча конлардан олинадиган табиий газ таркибида олтингугурт учрамайди.

Маълумот учун, айни дамда ҳолатни бартараф этиш учун хизмат қилаётган ишчи ходимлар соғлигини сақлаш, шунингдек, атроф-муҳит ва ҳайвонот оламига зарар етишининг олдини олиш мақсадида газ назорат остида ёқиб қўйилди.

Ҳеч ким тан жароҳати олмаган.

Шу сабабли одамлардан ваҳимага тушмасликларини сўраймиз.

Ҳолат юзасидан қўшимча ахборот берилади.

https://t.me/hudud_inform

Қурилиш ва уй-жой коммунал хўжалиги вазирлиги бошқарма бошлиғининг баёнотини рад этмайди

Вазир ўринбосари "бош режага ўзгартириш киритилмайди", деганда тадбиркорнинг ўзгартириш киритилиши режалаштирилган «коррекцияси» ҳақидаги фикрига жавоб берган. Тадбиркорнинг таклифи ёки тадбиркор ғояси билан бош режа ўзгартирилмайди. Балки бош режа доимий такомиллашиб борадиган жараён, дейилади хабарда.

Қайд этиш лозимки, вазир ўринбосари шаҳарнинг бош режаси такомиллашуви ҳақида гапирмаган. Тадбиркор назарда тутган шахсий манфаатидаги маълум бир ўзгаришни назарда тутган.

Бош режани ишлаб чиқишда илмий асослар, шаҳарсозлик талаблари ва жамоатчилик фикри устувор аҳамият касб этади. 1969 йилда ташкил этилган «Тошкентбошпланлити» институти ушбу жараёнда доимий равишда  илмий изланишлар олиб боради ва доимий равишда Тошкент ва Самарқанд шаҳарларининг бош режаларини такомиллаштириб боради.

Журналистнинг материалида келтирилган вазиятда бошқарма бошлиғи Азиз Халилов ҳам бош режалар доимий цикл асосида янгиланиб бориши ва институт томонидан илмий ишланмалар олиб борилишини таъкидлаган. Вазир ўринбосарининг тадбиркорларнинг таклифлари асосида алоҳида ҳудудларни бош режасига ўзгартириш киритиш бўйича ваколати йўқ.

Изоҳ: Тадбиркордан келиб тушган таклиф ёки буюртма асосида бош режага ўзгартириш киритилмайди. Вазир ўринбосарининг жавоби бошқарма бошлиғининг фикрини рад этмайди. Аксинча тўлдиради. Бош режа тадбиркорнинг фикри билан ўзгарадиган ҳужжат ҳисобланмайди.

https://t.me/hudud_inform

Эҳтиёжманд оилалар учун давлат ёрдами

Электр ва газ тўловлари оғирлик қилаётган эҳтиёжманд оилаларга ҳар ойлик компенсация ва 2025/2026 йилги иситиш мавсуми учун бир марталик моддий ёрдам ажратилади.

Аҳолининг энг долзарб саволларига жавоб бериш, тартиб ва механизмларни содда ва тушунарли тарзда тушунтиришга қаратилган қўлланма билан танишинг 👆🏻

https://t.me/hudud_inform

❓Андижон вилоятидаги ҳибсхоналарда ва махсус қабулхонада сақланаётган шахслар Омбудсманга қандай масалада мурожаат қилишди?

Олий Мажлиснинг Инсон ҳуқуқлари бўйича вакили (омбудсман)нинг Андижон вилоятидаги минтақавий вакили Жасур Иброхимов 2025 йил июль ойи давомида вилоятдаги қатор ҳибсхоналарда мониторинг ташрифини амалга оширди ва сайёр қабул ўтказди.

Қўрғонтепа ва Избоскан туманларидаги вақтинча сақлаш ҳибсхоналаридаги шароитлар, камералар, овқатланиш, тиббий хизмат ва санитария ва гигиена ҳолати ўрганилди. Аввалги мониторинг якунларига кўра киритилган тақдимномада кўрсатилган камчиликлар бартараф этилганига алоҳида эътибор қаратилди.

📎Батафсил

https://t.me/hudud_inform

Иқтисодиёт тармоқларида камида беш йил иш стажига эга фуқароларга тавсиянома бериш ҳуқуқига эга вазирлик, идоралар ва йирик хўжалик бирлашмалари рўйхати.

Мазкур тавсияномага эга абитуриентлар бакалавриат таълим йўналишларининг масофавий ёки кечки таълим шаклларига суҳбат натижаларига кўра, табақалаштирилган тўлов-контракт асосида ўқишга қабул қилинадилар.

Мазкур тоифадаги талабгорлар 2025 йил 1 августдан 15 августгача (шу куни ҳам) Билимни баҳолаш агентлигининг my.uzbmb.uz сайти орқали онлайн рўйхатдан ўтказилади.

https://t.me/hudud_inform