Мўмина аёлнинг жаннатдаги ҳолати “ҳури ийн”нинг ҳолатидан афзалроқ, даражаси олийроқ ва ҳусну жамоли гўзалроқ бўлади.

Имом Қуртубий раҳимаҳуллоҳ.

@IkromSharif

Шундай имкониятлар бўладики, ундан етарлича фойдаланиб қолиш керак. Банда ўткинчи дунёда неъмат қўлдан кетганига эмас ундан фойдаланиб қолмаганига кўпроқ армон қилади.

@IkromSharif

Нафсга истаганини муҳайё қилавериш яхшиликка олиб бормайди. Ким шу пайтгача ютуққа эришган бўлса, нафсини тергаш билан эришган. Истаган нарсасини беравериш нафсни ҳаволантириб юборади. Ҳаволанган нафс эгасини ҳар балога гирифтор қилади. Уни тергаб туриш керак. Ҳамма томонини комфорт қилиб ташламаслик керак. Нафс инжиброқ турсин. Роҳатга кўмилиб кетмасин.

Бир киши улуғ зотга дуч келибди. “Шошиб қаёққа кетаяпсан?” деб сўраган экан, “Қассобхонага боряпман, гўшт егим келди”, дебди. Шунда улуғ зот: “Егинг келган нарсани ейверма”, деган экан.

Худди шундай. Масалан, кабоб егингиз келса, чопиб кафега борманг, нафсингизга эртага денг. Ёки ошни хоҳлаяпсиз, бирор сафар мастава ичиб қўяверинг. Фақат юмшоқ нон ейверманг, қотганинидан ҳам тишлаб туринг. Кун сал исиса, мошинанинг совутгичини қўшиб олманг, танангиздан тер ҳам чиқиб турсин. Ювинганда илиққина қилиб эмас, сал совуқроқ сувга ювининг. Кечаси уйқунгизни бузган қўнғироқдан нафратланманг, балки Аллоҳ сизни жойнамозга чақираётгандир. Қарз сўраб чиққан қўшнингиздан ижирғанманг, балки Аллоҳ сизни жаннат сари чорлаётгандир...

Валий зотлардан бири қассобхона олдидан ўтиб кетаётса, қассоб: “Ҳазрат, келинг, ёш қўзичоқнинг гўшти бор”, деб чақирибди. Ҳазрат: “Ҳозир пулим йўқ”, дебди. Қассоб: “Пулини кейин берсангиз ҳам бўлади”, деган экан, улуғ зот: “Сенга кейин бергандан кўра, нафсимга кейин берганим яхши” деб жавоб қайтарибди.

Нафс алдаб-сулдаб йўлга солинади. У инжийди, жунжикади, аразлайди, лекин кўнади. Агар айтганини қилиб ўргатсангиз, қайтиб сизга қулоқ солмай қўяди.

Аслида, нафс жуда яхши нарса. Нафсини бўйсундирган одам ҳатто фаришталардан устун бўлади...

Яхшилик қилишга ўрганган нафс кимгадир ёрдам қилмаса, сиқилиб типирчилай бошлайди.
Садақа қилишга ўрганган нафс ҳар топганидан бир бўлагини муҳтожга бермаса, еб-ичгани татимайди.
Китоб ўқишга ўрганган нафс ўқимаса, туролмайди.
Масжидга боғланган нафс бошқа жойда ҳаловат тополмайди.
Нафс аслида ана шундай яхши нарса!

Абдулғофур Искандар

@IkromSharif

Ҳаёт менга шуни ўргатдики, самимиятда чексиз бўлинг, лекин уни кимга қанчалик изҳор қилишда меъёрни билинг.

@IkromSharif

🏡 Инсон учун энг гўзал маскан — бу унинг уйидир.
Чунки у ерда инсон тилини, кўзини, қалбини ҳам ҳаромдан сақлайди.
✨ Уй — инсоннинг маънавий қалъаси!

@IkromSharif

Жуда чуқур ўйланавериш кўнгилни ғаш қилиб, ҳаракатларингизни чеклаб қўяди. Ишларни Эгасига топшириб, йўлингизда давом этаверинг.

@IkromSharif

Эр-хотиннинг бир-бирига муносабати совушига олиб келадиган энг асосий сабаблардан бири – оилавий ҳаётга ташқаридан кимнингдир аралашувидир. Шундай экан оилангиз тотувлигини бузишларига йўл қўйманг. Гапларини эшитиб ҳам ўтирманг.

@IkromSharif

Заҳмат чекмасанг, илмга эришолмайсан.

@IkromSharif

Кўнгил олиш ҳам рўза ва намоз сингари ибодат. Бир мискиннинг юзига табассум қилишингиз эҳтимол сиз учун ҳеч нарса эмасдир. Аммо ўша мискинга нисбатан буюк бир ишдир. Сиз табассумингиз билан унинг ўша кунини обод қиласиз, нурга тўлдирасиз, унга инсон эканини эслатасиз, унга хаётнинг аччиқликлари ундан тортиб олган қадрини қайтарасиз.

«Набавий тарбия» китобидан.

@IkromSharif

Келинг, ўзимиздан сўраб кўрайлик:
Дуо қилганимизда жуфти ҳалолимизни эслаймизми?

Эр-хотин бир-бирининг ҳақига дуо қилиши Пайғамбарлар суннати ҳисобланади. Одатда аксаримиз дуо қилганимизда ўзимизни, фарзандларимизни эслаймиз-у, жуфти ҳалолимиз ҳақига дуо қилишни унутиб қўямиз.

Унутманг! Қанча одамларнинг оилавий ҳолати бир-бирларининг ҳақига дуо қилганларидан яхшиланган.

Роббимиз, бизлар учун жуфтларимиз ва зурриётимиздан кўз қувончларини ато қил!

@IkromSharif

Ҳар бир инсон ёзувчидир; ўз китобини ёзиб боради. Эртага ўқиб хижолат тортишни, ҳасрат қилишни истамасангиз, фақат яхши нарсаларни ёзинг!

@IkromSharif

Оила — бу икки томоннинг биргаликдаги меҳнати. Фақат эр ёки аёл ҳаракат қилса, у мустаҳкам бўлмайди. Қуш бир қанот билан учолмагани каби, оила ҳам эр ва аёлнинг бирдек саъйи харакат ва сабри билан яшнайди.

Шунинг учун ҳақ сўрашдан аввал, ўша ҳаққа эришиш учун ўз бурчларимизни бажариб қўйишимиз керак.

@IkromSharif

Подшоҳларнинг тожи олтиндан ясалади. Йигитнинг тожи эса унинг ахлоқ-одобида кўринади.

@IkromSharif

Ҳаёт тажрибалари надомат чекиш учун эмас, сабоқ олиш учундир.

@IkromSharif

Очиқ эшиклар кунида ота-оналарни кутиб қоламиз

💫 Мактабимиз ҳақида батафсил маълумот олишни истаган ота-оналарни 16 август куни Катта Қаъни филиалида бўлиб ўтадиган очиқ эшиклар кунига таклиф қиламиз.

Очиқ эшиклар кунида мактаб ҳақидаги саволларингизга жавоб олиб, махсус чегирма ва совғаларни қўлга киритишингиз мумкин.

Очиқ эшиклар кунида иштирок этиш учун ҳозироқ рўйхатдан ўтинг ва Катта Қаъни филиалига ташриф буюринг.

👉 Рўйхатдан ўтиш

📆 Сана: 16 август

📞 55-513-75-75

📍Катта Қаъни филиали

@mudarris_maktabi | mudarrismaktabi.uz

Қозилардан бири айтади:
25 йиллик қозилик фаолиятимда бирор марта қиз фарзанд ота-онасиги оқ бўлгани масаласида мурожаат қилишмаган. Бундай ҳодиса фақат ўғил фарзандлар билан содир бўлган. Лекин негадир баъзилар қиз фарзандли бўлса, хафа бўлишади.

@IkromSharif

#муфтий_минбари

📹 ФОЛБИН, КОҲИН ВА МУНАЖЖИМЛАР БАШОРАТИ…

🎙 Шайх Нуриддин Холиқназар ҳазратлари.

@IkromSharif

Аллоҳ таоло бирор бандасига неъмат берса, унга ҳасад қилманг. Чунки Аллоҳ у неъмат эвазига бандани нималардан маҳрум қилганини билмайсиз!

Аллоҳ таоло сизни бирор нарсадан маҳрум қилса, хафа бўлманг. Чунки Аллоҳ бу маҳрумлик эвазига сизга нималар тортиқ қилишини билмайсиз!

Ҳар қандай ҳолатда ҳам «Алҳамдулиллаҳ» денг!

@IkromSharif

Ота-онам мени тушунишмаяпти.

@IkromSharif

Ушбу сўровнома натижасига кўра эртага (якшанба куни) 20:30 да оилавий муносабатлар ҳақида овозли чатда савол-жавоб қиламиз. Саволларни шу пост остидаги изоҳлардан танлаб оламиз. Ҳозирдан ўзингизни қизиқтирган саволларни йўллашингиз мумкин. Суҳбат асносида ҳам яна баъзи саволларни танлаб оламиз.

Саволларингиз ўқилишини истасангиз имкон қадар ҚИСҚА ва ЛЎНДА ёзинг.👇

Оила ҳақидаги дарсларимда ва ёзмаларимда кўпроқ ёшларга юзланаман. Уларга турмуш қуришда кўпроқ катталарнинг ҳам аралашувини тўғри тушунишга, уларнинг тайёр қимматли тажрибаларига суянишга чақираман. Ҳис-туйғу ўткинча ёки алдоқчи бўлишини, тажрибалар эса давомий оила бошқарувида муҳим эканини таъкидлайман.
Шу билан бирга катта ёшлилар ҳам ёшларни тушунишларини, уларнинг ҳис-туйғуларини ҳам ҳисобга олишларини имконим қадар катталарга эшиттиришга ҳаракат қиламан. Чунки турмушда қалблар улфат бўлиши, руҳлар соғиниши, таналан ўзаро талпиниши, оддий ҳаёт тарзининг ёқимли кечиши учун ҳис-туйғу ҳам керак. Қани энди ҳар икки авлод ҳам ўрталикни топса, бир-бирига йўл бериб, муроса қилишса. Шунда оила тинч ва осуда бўлади, менимча.

Афсус, катталарнинг бу борадаги ғамхўрликларини тушунишни истамаётган ёшлар борлиги каби, ёшларнинг орзу-умидларини чиппакка чиқараётган катталар ҳам кўп. Қиссадаги Назира опоқи образи худди шундай катталардан бири. У яхши она, яхши қайнона ва яхши ташкилотчи. Маҳаллада уни ҳамма танийди. Нафақат танийди, ҳар бир тўй-маракаларида унинг маслаҳатини олади, йўриғига юради. Назира опоқи ўзиники қолиб, маҳалладаги ҳамма бўйдоқларнинг ғамини қилиб юради, унисини бунга, буринисини унга унаштириб, тўйларига бош бўлиб ўтказиб ҳам беради. Бир қарашда жуда фидокор, жуда тадбиркор аёл аммо кенжа ўғлига қилган ишини қаранг. Опоқининг кенжаси ишбилармон Муждот бир қизга шунчалар ошиқ бўладики, бутун келажак хаёлларини у билан боғлайди. Туну-кун у учун, у билан бахтли турмуш қуриш учун ҳаракат қилади. Йўқ, улар севдим-куйдим деб етаклашиб юришмайди ҳатто маъшуқа қиз Қадрия ўзининг ошиғидан хабари ҳам йўқ эди. Муждот айтмай севганди, айтмай хаёл сурарди, айтмай режа тузарди. Охири у онасига дардини айтди, Қадрияга совчи бўлиб боришини сўради. Шу ерда қалбидага ҳис-туйғу деган чироғи ўчиб қолган Назира опоқи йўқ гаплар билан ўғлининг орзуларига болта урди. Қадрия қолиб, Сабрияни ўғлига келин қилиб келди. Қадрияни ҳам бошқа бир оилага келин қилиб юборди. Маслаҳатини бутун маҳалла олади-ку ахир.
Муждот онасининг қаршилигига қарши боролмади, бир оғиз ҳам эътироз қилмади. Муждот яхши фарзанд ҳам эди-да. Тўғри, Сабрия гўзал, доно, исмига монанд сабрли қиз эди. Ҳатто у учта фарзанд кўргунча эри Муждотнинг унга ҳиссиз эканини, ўзини ундан олиб қочиб юришини билмаганга олиб яшади. Балки билмагандир ҳам…

Умрнинг поёни бор, ажал Назира опоқига ҳам етди, у вафот этди. Ҳа, яхши она, яхши қайнона, маҳалланинг яхши жонкуяри кетди дунёдан. У кетдию ўғли Муждотнинг қалбида ҳали ҳам ўлмаган умидлари қайта жонланди, ҳис-туйғулари бош кўтарди, йигирма икки йиллик аёлини уч фарзанди билан ташлаб, сал олдин эри вафот этган Қадрияни топди, у билан яшаб кетди…

Ким ҳақу ким ноҳақ энди: Ҳиссиз лекин тажрибали онами, ҳис-туйғули лекин ҳамма масалада бўйсинувчи фарзандми ёки беғубор ва сабрли келинми?..

Шермин Яшарнинг “Келишда нон олиб келинг” асаридаги бир ҳикоядан хулоса эди.

@IkromSharif

Чин қалбдан истасанг ҳам, энг қимматли вақтларингни сарфласанг ҳам, дуо эшиги остонасида ётиб олсанг ҳам — ҳа, баъзан бўлмайди.
Бу бўлмаслик сенинг ҳаракатсизлигингдан ҳам, бахтга лойиқ эмаслигингдан ҳам эмас. Бу — насиба масаласидир. Ҳар бир насибнинг рўёбга чиқадиган вақти бор ва ўша вақт келса, албатта бўлади!

@IkromSharif

Ўлишни истамаган ерда қолма!

Бугун баъзи кишилар қалб поклиги, ният софлиги даъвоси билан хоҳлаган ишини қилиш мумкин, дейди. Ичади, чекади, ярим яланғоч кийинади, никоҳсиз хоҳлаганидек муносабат ўрнатади, ўғрилик, порахўрлик, зулмга қўл уради. Бетайин, субутсиз, кишилар билан дўстлашади. Бузуқ, фаҳш жойларга боради…
Агар шу кишиларга: “Шу ишинг устида ёки шу жойда жон беришни истармидинг?”, деб савол берилса, нима дер экан?
Ишончим комилки, ҳаммалари “Йўқ!” дейишади. Ҳатто динига амал қилмайдиган, эътиқоди суст одам ҳам ифлос, исқирт, фаҳшу фужур маконда ёки амал устида жони олинишини, умрининг сўнги шундай ўринларда, шундай ишлар устида ўтишини истамайди.
Нега биласизми? Чунки инсон бузуқликни ҳар қандай даъволар билан оқлашга уринмасин, фитрати уни ифлос иш эканини айтиб туради.

Бошқачароқ айтганда, фитрат — гуноҳга қарши қўйилган энг кучли сигнализациядир.
Шундай экан, фитратинг “Йўқ!” деяётган ишга сен “Ҳа”, дема!
Агар бу фитрат нидосини аниқроқ эшитишни истасанг, ўзингдан сўра:
“Ўша иш устида жоним чиқишини истармидим?”.
Агар “йўқ!” десанг, демак, ЎЛИШНИ ИСТАМАГАН ЕРДА ҚОЛМА!

@IkromSharif

Кўпчилик вақтни текин деб беҳуда сарфлайди. Ваҳоланки, у дунёдаги энг қимматбаҳо нарсадир.

@IkromSharif

Аллоҳ таолодан бирор ҳожатингни сўрасанг "офият билан бер", деб сўра.

Имом Аҳмад раҳимаҳуллоҳ.

@IkromSharif

Навбатдаги китоб.
Шу сарлавҳа танлаб олинган мавзусини ўқидим. Тўғрироғи, ўқидик, эр-хотин. Бир эркак бошига тушган кунлар-у, бир аёл қанчалик сабрли, эрига қанчалик вафодор, оила қанчалик сакинат ва суянч эканини очиб беришга уринган ҳикоя. Ўн олти ёшли қизалоқ онасининг қорнида эканида ишга кетган отасининг ўн олти йиллик изтироблари ва онасининг шунча йил гўё бир сўзни айтишга интизор бўлиб кутгани — келишда нон олиб келинг…
Бу сўзлар ўн олти йиллик айрилиқдан сўнг уйга қайтаётганини телефон орқали билдирган эрга хотинининг айтган сўзилари эди.

Давом этайлик-чи…

@IkromSharif

Ёшлар оила қуришдан олдин бир-бирини яхши таниб олишлари учун “юриб” кўришлари керакми?

@IkromSharif

Қоилмисиз?

Бу ит (немис овчаркаси) Ғаззадаги қирғинда кўчада қаровсиз қолган. Уни Ҳамид Ашур деган киши боқиб олган, унга “Ғариб” деб лақаб қўйган, ғамхурлик кўрсатган.

Кейин шу инсон ит билан боғлиқ шу ҳикоясини ижтимоий тормоқда улашган. Бир йил ичида ҳикоя дунё бўйлаб тарқалган. 7 та тилга таржима қилинган. Беш миллион одам ўқиган. Суратлари тарқалган. Ҳатто Ирландиянинг пойтахти Дублиндан ҳайвонларга ёрдам берувчи жамият унга боғланиб, ит ҳақида суриштиришган, суратларини сўрашган. Кейин унга шундай таклиф ёзишган:
”Биз унга (итга) яхшироқ шароит таклиф қилмоқчимиз; хавфсиз, тинч, тоза... Уни эвакуация қилоласизми?”

Қаранг-а! Битта ит учун шунча ғамхўрлик, шунча ҳаракат. Одам шунчалик ҳам меҳрибон бўладими-а?!

Аммо айнан ўша ерда, ўша кунларни ит билан бирга яшаб ўткизаётган инсонлар, болалар, аёллар, қариялар ва ҳатто шу итга ғамхўрлик қилган Ҳамиддан “ўзингнинг аҳволинг қандай?” деб бирортаси сўрамаган.

Ғарбча инсон ҳуқуқлари дейилади буни!

@IkromSharif

Ҳасад темирнинг зангига ўхшайди, уни еб тугатмагунча кетмайди.

@IkromSharif

— Биринчи кўришдаги муҳаббатга ишонасанми?
— Мен кўрмай туриб муҳаббат қўйишга ҳам ишонаман. Нурли Мадинамни кўрмай севганман. Кўрган сари эса муҳаббатим зиёда бўлади..!

@IkromSharif

Муҳаббат қонунида шундай дейилади: ким ўлик қалбни тирилтирса, у уникидир.

@IkromSharif

Сен Уни кўп бор унутдинг, аммо У сени ҳеч унутмади!..

@IkromSharif

Оилада муаммо ва ечим.

Келин дардини кимга айтиши керак?

@IkromSharif

Тартибсиз, режасиз ҳаётда яшаб чарчамадингизми?

Фақатгина тўй кунлари, чойхона ёки кимнингдир тадбири календарингизда бўялган. Ўзингиз учун муҳим бўлган ишлар эса эътибордан четда қолади.

Вақтини, пулини тўғри бошқара олмайдиган инсон бахтли яшаши қийин. Чунки хотиржамлик бўлмайди, ишхонада ишларни деб шошилтиришади, уйда кутилмаган харажатлар чиқиб қолаверади.

Кўпчилик яхши танийдиган тадбиркор Ҳусан Мамасаидов вақт ва пулни тўғри бошқаришни минглаб одамларга ўргатиб, хотиржам ҳаётга олиб борувчи йўлни кўрсатиб келадилар ва сизга ҳам бу билим-тажрибаларини бепул онлайн дарсда ўргатмоқчи эканлар.

Онлайн дарс 6-7 август кунлари, ёпиқ телеграм каналда бўлиб ўтади. Каналга қўшилиш учун пастдаги ҳавола устига босинг

👉 Ёпиқ каналга қўшилиш учун линк:https://t.me/+D_77Y57B4aQ3ZDZi
https://t.me/+D_77Y57B4aQ3ZDZi
https://t.me/+D_77Y57B4aQ3ZDZi

Китоб жонсиз варақлар тўплами эмас, токчаларда яшаётган ақлдир…

@IkromSharif

Tanani davolaymiz.
Qalbni tinchlantiramiz.
Fitratga qaytamiz.

Men Sora Hamid ayollar jamoasini yashil hududimga taklif qilaman🏡🌳

Bu yerda biz:
Hijoma va tabiiy davolarni o‘rganamiz,
Ayollik va onalik haqida chuqur mulohazalar qilamiz,
Farzand tarbiyasida sunna va ichki sakinatga erishishga e’tibor qaratamiz,
Hayotdagi sinovlardan saboq olib, Allohga yaqinlashamiz.

Bu kanal:
– nafaqat sog‘lom tana,
– balki toza qalb, hushyor ong, halol tarbiya sari qadam.

Siz yolg‘iz emassiz. Fikrlaringizni ularga o‘xshash bo‘lgan joyda jamlang!

❗️Kanalga faqat ayollar soʻrov yuborishlari mumkin. Erkaklar qabul qilinmaydi.

https://t.me/+WDsRNyfwjKlkMTIy
https://t.me/+WDsRNyfwjKlkMTIy
https://t.me/+WDsRNyfwjKlkMTIy

#ТАРБИЯ

Ойижон, илтимос, боғчада ўртоғимни урганимни дадамга айтманг..
-Қизчанинг пастки лаби
чўччайиб, киприклари пирпиради.
—Даданг уришмайдилар-ку, қизим. Дадангдан яширишимиз яхши эмас...
- Йўқ, ойижон, дадам билсалар мендан хафа бўладилар. Хафа бўлишларини хоҳламайман!
- Қизалоқ йиғламсираб гапирди.
Қизчасини ердан даст кўтариб бағрига босган она, бир неча кун аввал эри билан бўлиб ўтган суҳбатни эслади:
- Қизингизни уришмайсиз, танбеҳ бермайсиз. Кундан-кунга эркаланиб кетяпти. Худо кўрсатмасин, ҳеч кимга қулоқ осмайдиган бўлса-чи?
- Мен тўғри қиляпман. Қизимизни уришмайман. Унга ҳар доим: "Сен ножўя иш қилсанг, кимдир сендан шикоят қилса мен хафа бўламан, қизим" дейман, холос. Бир куни бу ишим тўғрилигини тушунасан.
Эри ҳақ экан. Қизалоғини бағрига қаттиқ босди:
—Дадангни хафа қилмаймиз, қизим, ҳеч қачон!..

@IkromSharif

Киши таълим олишдан тўхтадими, демак, у қариб қолибди. У хоҳ йигирма ёшда бўлсин, хоҳ саксон ёшда бўлсин, бунинг фарқи йуқ…

@IkromSharif

Инсоннинг энг яхши йўлдоши уни севган эмас,балки тушунган йўлдошидир. Чунки йўллар тушуниш билан бошланади ва охиригача боради.

@IkromSharif

Мўминнинг қуввати қалбида бўлади.
Қалб тоат—ибодатдан куч олади.

@IkromSharif

Ота-онангизни жеркиманг!

@IkromSharif

Кўпинча шу заиф хилқат оила учун муҳаббат ва мустаҳкамлик рамзи бўлади. Мол-дунё ва обрў-эътибор боғлай олмаган ришталарни боғлаб беради.

@IkromSharif

«Мен унинг (Хадичанинг) муҳаббати билан ризқландим».
Расулуллоҳ соллаллоҳу алайҳи васаллам.
-------------------
Муҳаббат — ризқ, катта неъмат.

@IkromSharif

Бу дунёда ҳеч нарса абадий эмас! Гуллар ҳам бир очилиб, бир сўлади.
Мевалар пишиб етилади, кейин эса чириб битади.
Ҳар кўклам ортидан ёз келади. Аммо унинг якунида ҳам куз ва қиш борлигини унутмаслик лозим. Ҳар туғилган жон бир кун, албат, ўтгусидир. Дардлар ҳам мангу қолмайди, бир кун ўтиб кетади. Кувончли онлар ҳам шундай...
Ҳаёт сафари ҳамиша шу асно давом этади. Ҳар тирик жоннинг охири мутлақ ўлимдир. Шу боис бугун қалбингни ранжитаётган нарсалар эрта бир кун, шаксиз, якун топишини, бу дунёдаги эзгу ишларгина сен билан бирга кетишини, бошқа жамики нарсалар: мол-мулк, мансаб, обрў-эътибор, хотин, бола-чақа, дўст-ёр сени тарк этишини асло унутма!

@IkromSharif

Аллоҳнинг фазли билан яшаймиз, бошқаларнинг фазли билан эмас!

@IkromSharif

Ҳар куни кичик бир мақсадни бўлса ҳам руёбга чиқариб, муваффақият пиллапоясидан кўтарилганинг ўрнингда жим қотиб, мавҳум нарсани кутганингдан яхширокдир!

@IkromSharif

Хайрли иш сари қадам қўйсангиз, одатда, шайтон сизни унинг оқибатидан қўрқитади. Ёмон гумон, ёмон хаёллар билан у ишга тўла мамнуният билан киришишингизга қўймайди. Натижада хайрли бўлган иш сизга роҳат бермайди. Яхшилаб тушуниб олинг, нитижаси мавҳум ишлар ҳақида фақат яхши гумон, яхши умид қилишга буюрилганмиз.
Демак иш бундай бўлсин: хайрли деб билинган танлов, истихора, таваккул!

Иншааллоҳ, ҳаммаси яхши бўлади!

@IkromSharif

Роббим! Юрагим сиқилиб ухлаган бўлсам, мени хурсанд қилиб уйғотгин!

@IkromSharif

Биз, аввало, ҳаётдаги орзу-ниятларимизни тартибга солиб олишимиз керак. Ундан кейин эса мақсадларимизни босқичма-босқич амалга оширишга киришишимиз лозим. Ҳар бир босқичдан кейин янги йўналишни белгилаб, шунга кўра ҳаракат қилишимиз даркор. Унутмайликки, ҳаёт дегани бу танлаш, яна бир бор уриниб кўриш, таваккал қилиш ва баъзи имкониятларни бой беришдан иборат.

@IkromSharif