Эрталаб айтиладиган дуо

اللَّهُ لَا إِلَٰهَ إِلَّا هُوَ الْحَيُّ الْقَيُّومُ لَا تَأْخُذُهُ سِنَةٌ وَلَا نَوْمٌ لَّهُ مَا فِي السَّمَاوَاتِ وَمَا فِي الْأَرْضِ مَن ذَا الَّذِي يَشْفَعُ عِندَهُ إِلَّا بِإِذْنِهِ يَعْلَمُ مَا بَيْنَ أَيْدِيهِمْ وَمَا خَلْفَهُمْ وَلَا يُحِيطُونَ بِشَيْءٍ مِّنْ عِلْمِهِ إِلَّا بِمَا شَاءَ وَسِعَ كُرْسِيُّهُ السَّمَاوَاتِ وَالْأَرْضَ وَلَا يَئُودُهُ حِفْظُهُمَا وَهُوَ الْعَلِيُّ الْعَظِيمُ (٢٥٥)


“Аллоҳдан ўзга ҳеч қандай ҳақ илоҳ йўқ. Фақат Унинг Ўзи барҳақдир. У Ҳайй – Тирикдир, Қайюм – барча нарса устида қоимдир. Уни на мудроқ, на уйқу олади. Самовот ва ердаги бор нарсалар Уникидир. Унинг ҳузурида ҳеч ким (бировни) Унинг изнисиз шафоат қила олмайди. У уларнинг (барча махлуқларнинг) олдиларидаги ва орқаларидаги бор нарсани (яъни, дунё ва охиратдаги ҳолларини) билади. Ва улар У зотнинг илмидан фақат Ўзи истаган нарсаларнигина биладилар. Унинг курсиси осмонлару ердан кенгдир. Ва Уни осмонлар ва ерни ҳифзу-ҳимоятда сақлаб туриш қийнамайди. У энг юксак ва буюкдир”. [“Бақара”, 255]

⚡️ HIKOYANEW

Бир оила хакикати

Қўнғироқ овози жиринглади. Аёлимнинг телефонидан чиқаётган овоз эди. Шубха аралаш қўлимга олсам, уйғотгич экан.

"Тахажжудда эрингни дуо қил" деган ёзувларни экранида кўрдим. Овозини ўчирдим. Аёлим сезмади. Чарчоқдан телефон овозини хам эшитмади бечора. Мириқиб ухлаябди.

Унга бироз тикилдим. Негадир рахмим келди. У:

Ота уйида беками-кўст улғайган, ўйнаб-кулиб ўсган бир муслима қиз эди.

Бечора қиз асло танимаган, билмаган инсони билан бир умр яшаш мақсадида ота уйидан чиқиб келган.

Умри давомида дегани деган, айтгани айтган холда ўсган қиз энди бир эрнинг уйида, эрнинг дегани деган, айтгани айтган холда яшайди.

Хамма кўнглига қараб катта бўлган қиз энди эрининг кўнглига қараб яшарди.

Эрининг барча аччиқ-чучук гаплари, кинояю-овозаларига сукут ила сабр қилар, асло гап қайтаришга ботинмасди.

Тун-у кун қайнона-қайнотанинг хизматида елиб-югурадиган аёл.
Камига эрининг қариндош-уруғларига хурмат-эхтиром кўрсатиб, уларнинг кесатиқ гапларига парво қилмасликка интиладиган бир муслима аёл.

Кун давомида тинимсиз мехнат қилиб, яна тун ярмида ўша жаҳлдор ва қўпол эри учун ширин уйқусидан кечиб, унинг учун Аллохга дуо қиладиган аёл.

Шунча қийинчилигу-машаққатларга сабр қиладиган аёл.

Уст-бошидан нолимайдиган, оч қолса сабр қиладиган, эри олиб келган бир луқмага севиниб, Аллохга шукурлар айтадиган аёл.

Эридан барвақт туриб, обдастага сув илитиб, эрини намозга уйғотадиган аёл.
Барча ишларини якунлаб, Қуръон ўқибгина ёстиққа бош қўядиган аёл...

Унга тикилганим сари ўзимдан нафратланиб кетардим. У эса бирон марта нолимаганди.

Бу эса мени виждонимни янчарди. Нақадар жохил ва бепарво бўлган эканмана?

Расулуллох соллаллоху алайхи васалламдан аёлларга қандай муомалада бўлиш меросига амал қилмай, кундузи эса яқинларимни суннатга амал қилишга чорлаган мендайин нотавон бормикин?

Яна ўзимни уммат дея керилиб хам юрардима?!

Аёлим ширин уйқуда ухларди. Уни безовта қилмадим. Тахорат олдим ва Тахажжуд ўқишни бошладим.

Бироз вақт ўтмай хонада қадам товушлари эшитиларди. Шошилиб босилган қадамлар тахоратхона томон борди.

Бироздан сўнг эса аёлим орқамда турган холда намозда менга иқтидо қилди.

Хўнграб йиғлаган холда намозни аранг якунладим...

- Бегим, нега мени уйғотмадингиз?деди у хижолат овозда.

Бу эса мени баттар қийин ахволга солди. Уни бағримга босганча, етказган жабр-зулумларим учун кечирим сўрардим.

Бечора аёлим менинг жабримга ўрганиб хам қолибди, менга ҳайратомуз боқарди. У нима бўлганини тушунмасди. Мен эса намланган кўзда ёшим билан:

- Менга қандай чидаябсан, билмадим?! Аллох сендан рози бўлсин, дедим...

Шу тундан бошлаб хаётим ўзгарди. Йўқ, хаётим эмас, мен ўзгардим. Аёлим хам аввалгиданда қувноқ ва бахтиёр бўлди.

"Хизматингизни қилиб тўймайман" дерди табассум билан. Ишонасизми, у қизлик уйидагиданда бахтиёр эди...
Уни кўриб эса менинг кўзларим қувнарди..

⚡️ HIKOYANEW

Профилга бемалол юзи, сочлари, баданларини кўрсатиб, очиқ расмини қўядиган опа-сингилчаларимга бир гап айтмоқчиман.

Мен чиройли расмим учун 10 минглаб "like" олишим мумкин бўлса ҳам, юзимдан кетадиган файзга арзитмайман ҳеч қандай ижтимоий эътиборни... 100 000 талаб "like" йиғсам ҳам бу нарса жудаям арзон, бир тийинга қиммат туради мен учун. Сизгаям тавсую...

Қуёш нури ҳамда номаҳрамнинг назари юз,  бадан терисини тез ва осон қаритадиган энг катта омиллардан биридир. Бу нарсалар теридаги ёрқинлик, софлик, навқиронликка эртагина қирон келтиради.

Ҳеч аҳамият берганмисиз ғайридин аёллар ёшликда очиқ - сочиқ юрганликлари сабабли кексайганларида баданлари ириб кетгандек жуда хунук қаришади, астагфируллоҳ. Ўрта ёшга етганларидаёқ баданлари сепкил босиб хиралашиб,  хунуклашиб кетади. Хулоса ўзингиздан...

Ҳеч битта номаҳрам юзингизга эрта ажин тушиши, юзингиздан файз кетиши ва хунуклашишингизга арзимайди.

Бу -- суратимизни арзон “like“лар учун минглаган номаҳрамларга кўрсатишимизда дунёйимиз учун келтирган зарарлардир...

Охиратимиз учун келтирадиган зарарлари бундан - да кўпроқ. Лекин улар ҳақида гапиришни ҳозирча лозим топмадим.

Чунки Аллоҳнинг муслималарга буюрган фарз амали бўлмиш, авратларини номаҳрамлардан тўсиш вожиблигини билган ёки билмаган ҳолда яшаётган муҳтарамаларимни хижобга киришлари кераклигини қайта - қайта эслатиш, қайта - қайта огоҳлантириш ва хижобга ҳаваслантириш, кўзларини ўргатиш мақсадида мен ҳам ниқобли моделлар расмларидан фойдаланаман.

Амаллар ниятларга қараб... Гуноҳларимизни мағфират этишида Роббимнинг марҳаматидан умидворман.

Сиз ҳам тафаккур қилинг Азизам. Сариқ чақага ҳам қиммат “like“ларни охиратингизга зарар бериши тугул, фоний дунёлигингиз учун ҳам, яъни ҳуснингиз Сизни эрта тарк этишига арзитманг. Номаҳрамлар ҳуснингизни кўрсатишингизга арзимайдилар. Ҳуснингиз, чиройингиз, нурингиз, софлигингизни фақатгина ҳақли инсонлар яъни маҳрамларингиз учун асраб авайланг.

©️Muzdalifa

⚡️ HIKOYANEW

ИМОМИ АЪЗАМ НЕЧТА ҲАДИС БИЛГАН?

Машҳур тарихчи Ибни Халдун “Муқаддима” асарида: “Имом Абу Ҳанифа билган ёки ривоят қилган ҳадислар сони ўн еттитадан элликтагача етади, деган миш-мишлар бор”, – дейди ва тарихчи олим уларга раддия бериб: “Имом Абу Ҳанифа аҳли фатвога бош бўлган маҳалида унга замондош забардаст олимлар, мужтаҳид имомлар бор эди. Улар орасида Суфён Саврий, Авзоий, Имом Молик, Лайс ибн Саъд ва бошқалар бор эдилар. Лекин Имом Абу Ҳанифадан бошқа ҳеч бири у даврда фатво беришга ботина олмас эди”, – дейди.

Имом Аҳмад ибн Ҳанбалдан: “Юз мингта ҳадис ёд билган одам фатво берса бўладими?” – деб сўрашди. Шунда Имом Аҳмад: “Йўқ,” –  деб жавоб қилди. “Икки юз минг ҳадис ёд билса-чи?” – деган саволга ҳам, “Уч юз мингта ҳадис билса-чи?” – деган саволга ҳам у киши: “Йўқ, фатво бера олмайди”, – деб жавоб қилди. Шунда у кишидан: “Тўрт юз мингта ҳадис билса-чи?” – деб сўралган эди, кафтини очиб, у ёқ-бу ёққа айлантириб, балки бўлар, балки бўлмас, деган маънода жавоб қилди.

Ўша даврда катта-катта мужтаҳид уламолар, фақиҳлар бўлишига қарамай, фатво бериш учун Имом Абу Ҳанифа муносиб кўрилган эди.
Имом Аҳмад тўрт юз минг ҳадисни ёддан билган одам фатво бериши мумкинлиги борасида: "Балки ҳа, балки йўқ", қабилида жавоб қилган.
Шундай экан, 400 минг ҳадисни ёд билган Имоми Аъзам  Абу Ҳанифа раҳимаҳуллоҳ ҳақида қандай шубҳа қилиш мумкин?!

Halovatuz


⚡️ HIKOYANEW

#ОФИЯТ...

   Ибн Касир роҳимаҳуллоҳ ўзининг "Ал-бидая ван-ниҳая" китобида, Ибн Асокир роҳимаҳуллоҳ ўзининг "Тариху Димашқ" китобида, Ибнул Жавзий роҳимаҳуллоҳ ўзининг "Сифатус сафва" номли китобида келтиради:
   "Абдулваҳҳоб ибн Саъид айтади:
  "Амир Ҳажжож ибн Юсуф ҳажга отланди. Макка билан Мадина орасида бир жойда тўхтаб овқатланмоқчи бўлди.  Ходимига бирга овқатланиш учун бирор киши топиб келишини айтди. Ходим тоққа чиқиб бир аъробийни кўриб қолиб деди:
- Сени амир чақираяпди, юр!
Аъробий Ҳажжожнинг олдига келди. Ҳажжож унга деди:
- Қўлларингни юв, мен билан овқатланасан!
Аъробий деди:
- Сендан кўра яхшироқ зот мени чақирган эди. Мен унга ижобат қилдим!
- Ким экан у?
- Аллоҳ таоло. Мени нафл рўзага чақирган эди. Мен рўза тутдим!
- Шундай қаттиқ иссиқда-я?!
- Бундан ҳам кўра иссиқроқ кун бор ҳали, шунга тайёргарлик учун рўза тутдим!
- Бугун мен билан овқатлан, эртага тутарсан!
- Эртагача яшашимга кафолат берсанг шундай қиламан!
- Мен бундай қила олмайман!
- Унда нега мендан ўзинг қодир бўлмаган насия нарсани мендаги аниқ ва нақд нарсага алмаштиришимни талаб қилаяпсан?
- Жуда ширин овқат эдида!
- Уни сен ёки ошпаз ширин қилгани йўқ. Уни ширин қилган нарса офият! ".

   "Уни ширин қилган нарса офият!".

   #Эътибор бердингизми?
Неъматнинг қиймати уни ишлатиш қудратига боғлиқ бўлади, унга эга бўлишда эмас!
   #Баъзи бойларга, неъмат соҳибларига баъзи инсонлар ҳавас билан, баъзиси эса ҳасад билан боқишади. Аслида эса ўша бой ва неъмат соҳиби маҳрум!
  #Баъзи бойлар бутун бир шаҳарни тўйдирадиган таом сотиб олишга қодир. Аммо ўзидаги беморлик туфайли бир кишилик овқатни ҳам ея олмайди!
   #Муҳаммад Ротиб Ноблусий ҳафизаҳуллоҳ айтишича, таниқли бойлардан бири фақатгина қайнатилган кўкатлар ея олар экан. Бошқа нарса еса ўлим хавфи бор экан!
   Бунга ва бу кабиларга дунё тор кўринади. Чунки дунё уларнинг кўзи ўнгида жилваланиб туради. Аммо офият йўқлиги сабабли ундан фойдалана олишмайди!
   #Қанча-қанча саройлар бор. Кишилар унақа саройда яшашни орзу қилишади. Аслида эса у саройлар гўё тириклар дафн қилинган қабрдир. Унда худди уй-рўзғор буюмлари каби унутилган аёл бор. Унда оталари фақат дунё билан, тижорат билан машғул фарзандлар бор. Ундаги ҳаёт кўринишда ҳашамат, воқеликда эса аза!
   #Бундай уй худди вафот этган чиройли аёлга ўхшайди. Уни кўрган киши ухлаб ётибди деган хаёлда унга эришишни истайди. Унинг вафот этганлигини билгач, олдидан қочади!
   Бунинг сабаби, унақа уйда муҳаббат ва раҳмат йўқ.
   #Агар Аллоҳдан бир нарса сўрасангиз унга қўшиб офият ҳам сўранг. Чунки офият бўлмаган неъматда қиймат йўқ!
  
Halovatuz


⚡️ HIKOYANEW

​​​​ДОИМО ЯХШИ ГУМОНДА БЎЛИНГ

Бир аёл деди:
«Худо хоҳласа, мен албатта солиҳ инсонга турмушга чиқаман! У билан бахтли ҳаёт кечираман». Айтгани бўлди.

Деди:
«Мен университетда ўқишга қабул қилинишимга ишонаман ва шунга интиламан! Ўзим истаган мутахассисликга кираман!». Айтгани бўлди.

Унга дедилар:
«Етар шунча туққанинг! Болалар чарчатишдан бошқасига ярашмайди».
Деди:
«Аллоҳ ёрдам беради. Фарзандаларим қобил, кўзимнинг қувончи бўлишади». Айтгани бўлди.

Эри катта туҳматга қолиб қамалди. Дедилар:
«Эринг туҳматга қолиб қамалди. Яқин орада чиқмаса керак. Унинг фақат ўлиги чиқади».
Деди:
«Йўқ, Худо хоҳласа, албатта чиқадилар. Мен уларни жуда ҳам чиройли кутиб оламан». Айтгани бўлди. Эрининг қандай чиққани ҳаммани ҳайратда қолдирди.

Бир киши деди:
«Мен ишдан ҳайдалишдан қўрқаман. Шунинг учун ишсиз қоладиган кунларимга ҳам пул йиғмоғим керак!» Айтгани бўлди. Ишдан бўшатилди.

Нимага бизнинг айтганларимиз рўёбга чиқади?

Чунки Аллоҳ таоло: «Бандам Мени қандай ўйласа, шундайман!» дейди. Агар Аллоҳ ҳақида чиройли гумон қилса, ўзига яхши. Ёмон ўйласа, ўзига ёмон.

Шунинг учун ҳам Мусо алайҳиссалом Нил дарёсига келиб, қочишга йўл қолмаганда ҳам Роббилари ҳақида чиройли гумон қилдилар. Қавмлари: «Энди қўлга тушдик» дейишса ҳам, улар: «Йўқ! Албатта, Роббим мен билан, У менга тўғри йўлни кўрсатур» дедилар. Аллоҳ уларнинг айтганларини рўёбга чиқарди. Ақл бовар қилмас ҳолда дарё қоқ иккига бўлинди. Йўл очилди.

Ҳатто арзимас нарсалар ҳақида гапириш, ўйлашда ҳам диққат қилинг!

Доим некбин (оптимист) бўлинг! Аллоҳ ҳақида чиройли гумон қилинг! У - КАРИМ, РОҲИМ!

Ёмонлик ҳақида ўйламанг! Агар қийин вазиятга тушиб қолсангиз, Мусо алайҳиссалом айтганларидек:

«قَالَ كَلَّا إِنَّ مَعِيَ رَبِّي سَيَهْدِينِ»

У (Мусо) «Йўқ! Албатта, Роббим Албатта, Роббим мен билан, У менга тўғри йўлни кўрсатур», деди,  деб айтинг

Шуаро: 61, 62 оятлар.

Halovatuz

⚡️ HIKOYANEW

To'liq Qur'on Husnixati xarid qilganlarga "Kun tartibim" va "Qazo namozlarim 5 yillik" daftari sovg'a qilishda davom etyapmiz 🤗🤩

Qur'on Husnixati 30 pora to'liq- 250.000 soʻm
🎁Sovg'a:
• Qazo namozlarim 5 yillik - 25.000 so'm
• Kun tartibim- 25.000 so'm
• O'ram bepul

Muddat: 14-avgustgacha🌷

Buyurtma berish uchun: @Filadzum_admin 💡


https://t.me/+Wooa_IkWRftjMDdi
https://t.me/+Wooa_IkWRftjMDdi

Кўпчилик (дунёга рағбат қилиб) Аллоҳнинг «Мол-мулк ва бола-чақа – дунё ҳаётининг зийнатидир» деган оятини далил қилади (Каҳф сураси, 46 оят). Лекин камдан-кам одам  оятни охиригача ўқиб, қуйидаги улкан маънони тушунади: «Лекин боқий қолгувчи солиҳ амаллар Роббинг ҳузурида савоб ва умид жиҳатидан яхшироқдир» (Каҳф сураси, 46 оят).

Нақадар ажойиб тушунча! Кўпчилигимиз буни билмаймиз.
«Боқий қолгувчи солиҳ амаллар» нима дегани? Уларнинг савоби қандай?

Боқий қолгувчи солиҳ амаллардан бири «Субҳаналлоҳ, валҳамдулиллаҳ, ва лаа илаҳа илллалоҳ, валлоҳу акбар» калималарини айтиб юришдир. Боқий қолгувчи солиҳ амаллар дейилишига сабаб шуки, уларнинг савоби ҳам абадий қолади, мукофоти ҳам бардавом бўлади.

Расулуллоҳ соллаллоҳу алайҳи васаллам шундай деганлар: «Субҳаналлоҳ, валҳамдулиллаҳ, ва лаа илаҳа илллалоҳ, валлоҳу акбар» денглар, чунки бу қиёмат куни нажот бўлиб, олдинга чиқади. Мана шу калималар ҳақиқий боқий қолувчи солиҳ амаллардир».

📖 Имом Ҳоким ривояти.

⚡️ HIKOYANEW

🧕 Ота қадри

Ишдан чиқиб, ширинлик дўконига бордим. Кичкинам уч кундан буён:
-Ая, торт олиб келинг, – деб зорланади. Пулим оз эди, шу сабаб боламга яраша кичкина торт сотиб олдим. Уйга қайтишимда йўлимдан отам чиқди.

-Ишинг тугадими? – сўради дадам салом-аликдан сўнг.
-Ҳа, дада.
-Қўлингдаги нима?
-Неварангизнинг торт егиси келибди, шунга...
-Ҳа. Тезроқ олиб бор. Йўлингни пойлаб ўтиргандир.

Отам билан хайрлашиб уйга кетдим. Дадам орқамдан қараб қолди. Уйга келгач, тортни кенжатойимнинг олдига қўйдим.

-Бобом келяптилар, – деди даразадан кўчани томоша қилиб ўтирган катта ўғлим.
Дадам? Нега келяпти эканлар?

Фурсат ўтмай дадам келди. Ичкарига бошладим, лекин дадам кўнмади. Остонадан туриб қўлимга бир қутини узатди.

-Бу нима, дада?
-Торт. Ёдингдами, болалигингда тортни яхши кўрардинг. Қўлингдаги кичкина тортни болангга илиниб, ўзинг емаслигинг аниқ. Шунинг учун сенга ўзим торт сотиб олиб келдим. Сен болангни хурсанд қилаётганингни кўриб, мен ҳам шундай қилгим келди.

Мен йиғладим. Охирги пулимга боламга ширинлик олдим. Эҳтимол, дадам ҳам шундай қилгандир...
                                (Мунис Азимова)

Bola_tarbiyasi

⚡️ HIKOYANEW

⚡️ HIKOYANEW

☝️САДАҚАНИНГ ФОЙДАЛАРИ:

1- Фаришталар молинга барака тилаб дуо қиладилар.
2- У сенинг шайтонлар устидан ғалабангдир.
3- У Аллоҳ азза ва жалланинг ғазабини ўчиради.
4- У ҳар бир касалликка даво ва шифодир.
5- У сенинг обрў ва ҳурматингни сақлайди.
6- У сенинг ўлим олди хотимангни гўзал қилади.
7- Садақанг тўсиқ бўлиб сени дўзахдан ҳимоя қилади.
8- У қиёмат куни сенинг соябонингдир.
9- У сенинг мол-мулкингни зиёда қилади.
10- У қалбинг қаттиқлигини юмшатади.
11- Садақа қабр азоби ва оловидан сақлайди.
12- У хато ва гуноҳларингни ўчиради.
13- У садақа берувчидан ва унинг яқинларидан балони даф қилади.

Halovatuz

⚡️ HIKOYANEW

Салафи солиҳлар ва тафаккур

Бу мавзуда салафларимиздан келган бир қанча таъсирли ривоятлар бор. Қуйида уларнинг айримларини келтираман:

1. Шақиқ Балхий айтади:
"Мен хушуъни Исроил ибн Юнусдан ўргандим. Биз унинг атрофида эдик, у ўнг томонида ким бор, чап томонида ким борлигини билмасди — охират ҳақида тафаккур қиларди".

2. Юсуф ибн Асбат айтади:
"Суфён ибн Уяйна менга хуфтон намозидан сўнг:
"Таҳорат идишини (обдаста) бергин", деди. Унга бердим. У ўнг қўли билан олиб, чап қўлини ўнг қўлининг устига қўйди ва тафаккурга чўмди. Мен ухлаб қолдим, сўнг саҳарда турдим — қарасам, идиш ҳали ҳам қўлида. "Тонг отди", дедим. У эса шундай деди: "Сен идишни берган пайтингдан буён шу ҳолда охират ҳақида тафаккур қилдим".

3. Абдуллоҳ ибн Муборакдан ривоят:
У Суҳайл ибн Адийни сукунатда, тафаккурда кўриб:
"Қайси нуқтага етдинг?" деб сўради. У:
"Сирот кўпригидаман", деб жавоб берди.

4. Муҳаммад ибн Васеъдан ривоят:
Басралик бир киши Абу Зарр вафотидан кейин унинг хотини Умму Заррга бориб, унинг ибодатини сўради. У шундай деди: "Абу Зар  кун бўйи уйнинг бир четида  тафаккур қилиб ўтирарди".

5. Умму Дардо (Абу Дардонинг хотини) айтади:
"Абу Дардонинг энг афзал ибодати — тафаккур ва ибрат олиш эди".

6. Сиррий Сақатий айтади:
"Ҳар куни бурнимга қарайман — юзим қорайганми, деб. Таниш жойда ўлишни ёқтирмайман — ер мени қабул қилмай қўйса, шарманда бўлишдан қўрқаман".

7. Абу Шурайҳ ҳақида:
Бир куни у юриб кетаётган эди, тўхтаб, кўйлагини бошига ташлаб, йиғлашга тушди.
Уни кўриб: "Нима учун йиғлаяпсан?" деб сўрашди.
У шундай жавоб берди: "Ўтган умримни, кам амалимни, яқинлашган ажалимни тафаккур қилдим".

8. Умар ибн Хаттоб разияллоҳу анҳу бир куни йиғлади. Сабабини сўрашди. У шундай деди: "Дунё ва унинг шаҳватлари ҳақида ўйладим. Улар тугамай туриб, аччиқ алам билан алмашади. Агар бунинг ўзида ибрат бўлмаса ҳам, ақлли киши учун унда панд насиҳат бор." Энди ўз ҳолингизга қаранг, аҳли оилангиз, яхши кўрган кишиларингиз билан бугун жам бўлиб турибсиз, эртагачи? Эртага эса, албатта улардан ажралиш бор.

9. Довуд Тоийнинг ҳолати:
У тўлин ой кечаси уйнинг томига чиқди. Осмонга қараб Осмон ва ернинг яратилиши ҳақида тафаккурга чўмди ва йиғлай бошлади. Шунчалик қаттиқ таъсирландики, томдан қўшнисининг ҳовлисига йиқилиб тушганини сезмай қолди. Қўшни уни ўғри деб ўйлаб, қиличига ёпишди. Аммо келиб қараса — Довуд экан. "Қандай қилиб томдан тушиб кетдинг?" - деб сўради. Довуд: "Қандай йиқилганимни сезганим йўқ, деб жавоб берди.

10. Суфён Саврий ҳақида:
У дўстлари билан ўтирган эди, чироқ ўчиб қолди. Ҳамма ёқни зулмат қоплади. Кейин чироқни ёқишди. Қарасалар, Суфённинг кўзларидан оқаётган ёши юзи ювяпти. Ундан: "Сенга нима бўлди, нега йиғлаяпсан?" деб сўрашди. У: "Шу онда қабр зулматини эсладим…", деб жавоб берди.

Хулоса:

Салафи солиҳлар ҳар бир ҳолатда тафаккур қилганлар — таом еганда, юрганда, ётганда, ҳатто сув идишини ушлаб турган пайтда ҳам охиратни эслаб йиғлардилар. Улар учун тафаккур — ибодатнинг қалби эди.

⚡️ HIKOYANEW

Аллоҳга таваккул қилинглар

Кунлар ичида содир бўлган ҳеч қандай ҳодисани катта деб ҳисобламанглар. Ҳар қандай иш охирида йўқолади — демак, у кичик.
Ҳар қандай катта нарса доимий эмас — демак, у ҳам кичик. Ҳар қандай иш ўтади — демак, у қисқа. Нажот келишини кутинглар, чунки, нажотни кутмоқ — ибодатдир. Умидларингизни Роббингизга боғланглар. Унга таваккул қилинглар. Чунки, Унга таваккул қилиш — бахтдир.

⚡️ HIKOYANEW

Боши 👈🏿

- «Авлиёларнинг аломати нима?" — деб сўрашганда, "аломатлари учтадир: Аллоҳ учун ғам чекади, Аллоҳ билан машғул бўлади ва Аллоҳ томонга қочишади» - деб жавоб берган.
- «Довуд ат-Тоийнинг дўстларидан бири менга: “Амални ташлама. У сени Роббингнинг розилигига яқинлаштиради”, деди. Мен ундан: “Қайси амални?”, деб сўрадим. У: “Роббингга доимий итоат, мусулмонларга хизмат ва уларга насихат»-деди.

Вафоти

Маъруф Кархий 200 ҳижрий (815 милодий) йили Бағдодда вафот этди. У ердаги машҳур Шунизия қабристонида — қадимги Боб ад-Дийр қабристонида дафн қилинди. Бу қабристон кейинчалик «Мақбараи Шайх Маъруф» деб аталди.

⚡️ HIKOYANEW

Маъруф ал-Кархий  

Маъруф ибн Файруз ал-Кархий — Бағдодда яшаб ўтган буюк авлиёлардан бири бўлиб, куняси Абу Маҳфуз бўлган. У тақвоси, парҳезкорлиги, зоҳидлиги билан шуҳрат қозонган. Кўп эҳсон қилар, саховатли инсон бўлган. Ундан кўплаб карамотлар ривоят қилинган. Ибн ал-Жавзий машҳур «Сифат ас-сафва» китобида Кархийнинг карамотлари ҳақида алоҳида қисм ажратган.

Асл насаби

Унинг асли Набатий, яъни қадимги Бобиллик Ироқликларга бориб тақалади. Бу ҳақда бир нечта тарихий ва академик тадқиқотларда таъкидланган. Унинг араб илдизларига мансуб эканига араб тарихчилари, жумладан Мустафо Жавод ва Ножий Маъруф кабилар далил келтирган. Ҳақиқатан ҳам, Ножий Маъруф унинг араб экани ва асл араб насабидан эканини тарихий санадлар билан исботлаган.

Исломни қабул қилиши

Маъруф Кархий насроний оилада туғилган, кейинчалик болалигида Исломни қабул қилган ва ота-онасининг ҳам исломга киришига сабаб бўлган. Ота-онаси уни муаллимга беришганда, муаллим унга: «Учта илоҳнинг бири деб айт», дедди. У эса: «Йўқ, У — Ягона, Самаддир», деб жавоб берди. Муаллим уни қаттиқ калтаклади. У эса қочиб кетди. Ота-онаси: «Қайтса эди, майли қайси динда бўлса ҳам, розимиз», дейишарди. Кўп йиллардан сўнг қайтиб келиб эшикни қоқди. Ота-онаси: «Ким у?» — дейишди. У: «Маъруфман» - деди. Улар: «Қайси диндасан?» — дейишди. У: «Ислом динидаман», деди. Шунда ота-онаси ҳам Исломни қабул қилди.
У Исломни Али ибн Мусо ар-Ризо орқали қабул қилган ва унинг эшигида узоқ вақт турган. Натижада у шиа мазҳабига яқин бўлган. Кейин эса Аҳмад ибн Ҳанбалнинг ҳузурига кўчиб ўтди ва сунний мазҳабига яқинлашган.

Фазилатлари ва ҳикматлари

Унинг бағрикенглиги ва фикр доираси кенглигини кўрсатувчи воқеалардан бири: бир куни у Дажла дарёсига тушиб таҳорат олди ва Мусҳафи ва ҳамёнини қўйиб қўйди. Бир аёл келиб уларни олиб қочди. У аёлнинг ортидан бориб: «Мен Маъруфман, хавотир қилма. Сени Қуръон ўқийдиган ўғлинг борми?» деди. Аёл: «Йўқ», деди. У: «Эринг борми?» деди. «Йўқ», деди. У: «Унда Мусҳафни бергинда, ҳамённи олиб қол», деди.

Яна бир воқеа, у Дажла соҳилида ўтирганида бир гуруҳ йигитлар қайиқда мусиқага ўйнаб, маст ҳолда ўтаётганди. Ёнидаги одамлар Маъруфга: «Уларни дуои бад қилинг», дейишди. У эса қўлларини кўтариб: «Эй Парвардигор, уларни бу дунёда қандай хурсанд қилган бўлсанг, охиратда ҳам хурсанд қилгин», деди. Ёнидаги кишилар ҳайрон бўлиб: «Биз сизга уларни лаънатланг, дегандик!» дейишди. У эса: «Агар Аллоҳ уларни охиратда хурсанд қилса, демак, уларга бу дунёда тавба насиб қилади. Сизларга эса, бунинг зарари етмайди», деди.

Яна бир гўзал жавоб: Маъруф Кархий Имом Абу Юсуфнинг жанозасида қатнаша олмагани учун афсусланди. Шунда муридларидан бири: «Сиз дунёпараст, подшоҳнинг яқинларидан бўлган мансабдор бир одам учун қайғуряпсизми?» — деб таъна қилди. У эса шундай деди: «Тушимда жаннатга кирдим, у ерда улкан қасрни кўрдим. “Бу кимга тегишли?” – деб сўрадим. “Яъқуб ибн Иброҳим ал-Ансорий — Абу Юсуфга” - дейишди. “У қандай қилиб бу даражага етди?” дедим. “Одамларга илм ўргатгани ва уларнинг озорларига сабр қилгани учун” - дейишди».

Ҳикматли сўзларидан

- «Дунё тўрт нарсадан иборат: мол, сўз, уйқу ва таом. Мол туғёнга олиб боради, сўз адаштиради, уйқу эсдан чиқаради, таом шаҳватга етаклайди.»
- «Солиҳлар кўп, лекин улар ичида сиддиқлар кам.»
- «Аллоҳ кимга яхшиликни истаса, унга амал эшигини очиб, тортишиш эшигини ёпади. Агар ёмонлик истаса, амал эшигини ёпиб, тортишиш эшигини очади.»
- «Аллоҳга таваккул қил, токи У сенинг устозинг ва шикоят қиладиган зотинг бўлсин. Чунки, инсонлардан наф йўқ».
- «Кўзларингизни тийинг, ҳатто урғочи қўйдан ҳам»
- «Сахийлик — муҳтож пайтда муҳтож нарсани бошқа бировга беришдир.»
- "Тунги ибодат мўмин учун қиёмат кунида нур бўлиб, ўнгу сўлини ёритади. Кундузги нафл рўза эса, бандани дўзахнинг иссиғидан узоқлаштиради".
- «Қиёмат кунида бир нидо қилгувчи: “Эй Аллоҳни мадҳ қилганлар туринглар”, деб нидо қилади. Шунда, фақат “Қул ҳува Аллоҳу аҳад”ни кўп ўқиганлар туришади.»

Давоми 👈🏿


⚡️ HIKOYANEW

Хомиладор аёларнинг инжиклиги ёхуд мани тентак килаёзган хотиним...

Дастлаб хотинимни хеч нимага зориқтирмасдан, ўзимдан мингдан-минг розилик рухида боқишга қарор қилдим ва бироз уддаладим хам. Лекинбир кунмас-бир кун белим синишини кўнглим сезганди. Ахир, бутун атрофига қопқонлар қўйилган киши вақт-соати келиб, барибир илинади-да!
- Нос чекишни ташланг, туфлашингизни кўриб, кўнглим айниб кетаяпти, - деди хотиним бир куни.
Кўнгил айниши, бу - яхшилик аломати. Яъни у хомиладор! Жуда хурсанд бўлдим. Шу хурсандчилик шарофатига носни ташладим.
-Розимисан? - сўрадим ундан.
-Ташлаганингиз рост бўлсин, минг бор розиман.
-Лекин ўрнига сигарета чекаяпман. Сигарета носга қараганда «культурний»! У қовоғини уйди. Билдимки, дарров норозилик туйғуси жунбушга келди. Айтганимдек, бир хафтадан сўнг деди:
-Қанча пул йўқ қилдингиз?
-Қаерга қанча йўқ қилибман? - илк бор пешанам тиришди.
-Сигаретага! Хар куни беш-олтита, хафтасига икки қути, бир ойда саккиз, бир йилда…
-Бўлди-бўлди, ташладим чекишни!
-Рахмат.
-Никотин болага хам таъсир қилади!..
-А?! - севинчимдан шифт бўйи сакрадим. У хомиладор эди. Боламга хавф солар экан, кечганим бўлсин шу сигаретадан! Хар куни
«донабай» сотиб олиб, пулимнинг хам баракаси учаётган эди. Қолаверса, эътибор берсангиз, кўчадаги олиб сотарлар сигаретани
доналаб сотганда хеч қандай қўлқопсиз, яланғоч қўл билан айнан фильтридан ушлаб олиб беради. Ювилмаган қўлидан сигарета чеккандан чекмаган минг марта маъқул. Ўзимдан ҳам, хотинимдан хам мамнун эдим. Чунки ароқни хам ташлатиб, бошоғриқлардан халос этди. Хотинимдан мингдан-минг эмас, миллиондан-миллион рози бўлдим. Ичмайман, чекмайман, ишдан ўз вақтида қайтаман, соғломман, маошим хам рисоладагидек. Бироқ…
-Нега аввалдигдек хушчақчақ эмассиз? - сўраб қолди бир куни. - Кимнидир ўйлаб юрганга ўхшайсиз.
-Ичиш-чекишни ташлаб, энди-энди соғлом хаётга мослашаяпман, - дедим. - Авваллари кайфда турли шўхликлар қилган бўлсам
қилгандирман! Хотин кўнармиди. Икки оёғини бир калишга тиқиб олгач, эртасига ишдан тиржайиб қайтдим. Телевизорда «Янгиликлар»
дастури бўлаётган экан, кўрсатув мусиқасига рақсга тушиб, қўшиқ хам хиргойи қила бошладим. Нақ бошимда ўқлов синаёзди-я!
-Тинчликми? Биронтасини севиб қолдингизми?! Сиз бекорга бунчалик севинмайсиз!
-Уф, нима қилай унда, айт, нима қилай?!
-Эркак деган сал жиддийроқ бўлади. Кўрган одам жинни-пинни, дейди-ку!.. Хақиқатан, бу гапда хам жон бор эди. Бу хаётда жиддий
бўлмасангиз, ит хам, бит хам ўзини сизга тенг деб ўйлаб, шунга яраша муомала қилади, обрў орттиролмайсиз. Жиддийликка муккасидан
кетдим. Тўйларда, туғилган кунларда ўйнамай қўйдим. «Мазанг йўқми?» деганларга, «мазам-ку бор, афсус, энди жиддий бўлишим керак», деб жавоб бердим. Хотиним эса кўп ўтмай қулоғимни қоқиб қўлимга берди:
-Тўйдим! Хаёт зерикарли! На севги бор, на романтика! Бу кишим нуқул хайкалга ўхшаб ўтиради. Юрак-қалб борми ўзи сизда.
Ана шундай гаплар азизларим...

Internet


⚡️ HIKOYANEW

#сақлаб_қўйинг #амал_қилинг

Таом емоқнинг йигирма бир суннати бор:

1. Таомланаётганда оёқ кийимни ечиб ўтирмоқ;

2. Таом ейишдан олдин икки қўлни бўғимларигача уч марта ювмоқ. Ҳадиси шарифда: «Ҳар кимки таомдан олдин қўлини ювса, камбағалликдан эмин бўлғай», дейилган.

3. Таомни суфрада, яъни дастурхонда емоқ;

4. Таом сузиладиган идиш сопол ёки ёғочдан бўлмоғи, зеро, бундай овқатланиш ҳам лаззатли, ҳам саломатликка жуда фойдали бўлиб, инсонни кибр ва манманликдан узоқлаштиради;

5. Таом билан бирга дастурхонга сирка ва кўкат келтирмоқ, чунки сирка келтирилган дастурхонда барака кўп бўлиб, фақирликни кетказади;

6. Яхши ва камтарин ҳолда ўтирмоқ;

7. Таомланишдан аввал «Бисмиллаҳ»ни айтмоқ;

8. Ўнг қўл билан емоқ;

9. Туз билан бошламоқ;

10. Туз билан тугатмоқ. Расулуллоҳ соллаллоҳу алайҳи васаллам : «Эй Али, таомни туз билан бошлаб, туз билан тугатгин, зеро, туз етмиш иккита дардга даводир. Жумладан, жунун (девоналик), жузом, барас (тери касаллиги), қорин ва тиш оғриғи ва бошқа дардларга», деганлар. Шу билан бирга, туз очлик шиддатини пасайтириб, кам ейишга ҳам сабаб бўлади.

11. Нонни икки қўл билан синдирмоқ.

12. Қўл билан ейдиган таомни уч бармоқ, яъни бош, кўрсатгич ва ўрта бармоқлар билан емоқ.

13. Таомни ўз олдидан емоқ.

14. Таом еган идишини нон билан тозаламоқ(яламоқ).

15. Таомдан сўнг «Алҳамдулиллаҳ» демоқ.

16. Қўлни артишдан олдин бармоқларини яламоқ.

17. Дастурхон устидаги нон увоқларини одоб ва эҳтиром билан териб емоқ.

18. Таомдан сўнг тишларини тозаламоқ.

19. Таомдан сўнг икки қўлини бўғимигача уч марта ювмоқ.

20. Таомдан сўнг оғзини уч бора ювмоқ.

21. Аллоҳ таолонинг зикри ва неъматлари шукронасидан ғофил бўлмаслик

@Halovatuz


⚡️ HIKOYANEW

⚡️ HIKOYANEW

Бомдод намозига кимлар чикади?

Улар нега уйқуни энг ширин вақтида, юмшоқ ўринларидан туриб, муздай сувларда тахорат олиб, тунни энг зулмат қоплаган соатида масжидларга йўл оладилар?

Уларни тонгда ишлари йўқмикан?

Бир икки соат ухлаб, уйқуга тўйиб, кейин кетадиган ўқишлари йўқмикан?

Улар нега СИЗ ухлаб ётган вақтда уйғонадилар?

Уларни СИЗДАН гунохлари кўпмикан?

Нега улар қишин, ёзин, масжидларни биринчи сафларига қаттиқ харидор эканлар, нега?

Чунки улар дахшати қаттиқ кунда омонда бўлишни,

Юзлар қорайган кунда юзлари оппоқ нурдай туришини,

Хисоблар шиддатли вақтда,
хисоблари осон қилинишини кутмоқдалар,

СИЗЧИ
сиз ухлаб ётган вақтларда нималарни кутмоқдасиз?

Аллоҳ зикр қилаётганларга қараб хушнуд бўлганда, сиз Аллоҳни қандай назари остида экансиз?

Аллоҳим, бизни тоатингга уйғот

Бизни ғафлат уйқусидан,
тунни зулматидан, денгизда ғарқ бўлишдан аввал уйғот,қўлларимиздан торт,оёқларимизга собитлик
қалбимизга мухаббат бер

Масжидларга сизни бадан қуввати эмас

Жаннат ишқини қуввати етаклаб кетсин.


⚡️ HIKOYANEW

Бир тавба ҳикояси

Бир киши Шайх Холид Жубайринг олдиларига келиб: “Эй устоз, мен Роббимни ғазаблантирадиган барча иллатларимдан воз кечдим. Фақат сигарет чекишни ташлай олмадим” деди. Шайх унга: “Бу одатингдан ҳам қутулишни истайсанми?” дедилар. У одам: “Албатта, устоз. Мен барча йўлларини қилиб кўрдим. Аммо барибир ташлай олмадим” деди. Шунда Шайх: “Ҳар бир сигаретни чекканингдан сўнг ўрнингдан туриб, агар бир оз олдин таҳорат қилган бўлсанг ҳам, яна яхшилаб таҳорат оласан. Кейин ихлос билан икки ракат намоз ўқийсан” дедилар.

Бир неча кун ўтиб ҳалиги киши Шайхнинг олдиларига кулган ҳолда келди. Шайх ундан: “Нега куляпсан?” деб сўрадилар. У одам: “Бир кунда 30 та сигарет чекардим. Энди биттасини илаштираман деб турганимда шайтон келиб: “Нима, эсингни едингми? Бир кунда 30 марта намоз ўқимоқчимисан?” деб васваса қилди. Шунинг учун 30 тани ўрнига 5 та чекдим. Иккинчи куни 3 тага тушди. Бир хафта ичида чекишдан бутунлай қутулдим” деди. Унинг сўзларини эшитиб турган шайх: “Аллоҳга қасамки, бундай бўлади деб ўйламагандим. Демак, ҳар бир сигарет учун икки ракат нафл намоз!” дедилар.

Бизчи азизлар, бизнинг ҳам қўлимиздан барча иллатларимиздан қутулиш, чекишни ташлаш, ундан тавба қилиш келадими? Албатта, келади! Бунинг учун хоҳиш, ирода бўлса бас. Аллоҳ таоло барчамизга ҳақиқий тавбани насиб этсин, омин!

⚡️ HIKOYANEW

Тўртталиклар

📜Тўрт нарса тўрт нарсадан тўймайди:

-Очкўз мол-дунёдан;
-Ҳасадчи неъматдан;
-Жоҳил баҳслашишишдан;
-Мутакаббир мақтовдан тўймайди.

🟢Изоҳ: Тўрт нарсани тўрт нарса билан ювиб туринглар:
– Юзингизни кўз ёши билан.
– Тилингизни зикр билан.
– Қалбингизни тақво билан.
– Гуноҳларингизни тавба билан.

🟢Тўрт нарса ризқни тўсади:
- Тонгдаги уйқу.
- Нафлларни кам ўқиш.
- Дангасалик.
- Хиёнат.

🟢Тўрт нарса борки, улар билан бўлса, илм фойда бермайди:
- Дунё муҳаббати,
- Охиратни унутиш,
- Фақирликдан қўрқиш
- Одамлардан қўрқиш.

🟢Тўрт нарса ризқ келтиради:
– Кечаси (ибодатда) қоим бўлиш;
– Саҳар чоғи истиғфорни кўпайтириш;
– Садақа беришга аҳд қилиш;
– Куннинг аввали ва охирида зикр қилиш.

🟢Инсон ҳаёти тўрт нарса оралиғида:
- Тоат-ибодат. Бунга бардавомлик керак.
- Гуноҳ-маъсият. Бунга истиғфор керак.
- Неъмат. Бунга шукр керак.
- Бало. Унга сабр керак.

⚡️ HIKOYANEWng>g>