شلون تعرفني فارغ وكاعد انتظر ؟😂
من تشوفني اكتب هههههه

#شغل_دماغك ..


● حبي ترا المادة براسك براسك ، وانك تتهرب منها بين فترة وفترة ترا هذا عبور لكل مراحل الغشم والغباء وقلة الوعي !

مامعقولة الإنسان يهرب من قدرو !
لك عزيزي اقرا ما تكولي شبيك ؟

هسه ما اكولك اعتكف وبس اقرا اقرا !
لا بس على الأقل اقرا !
حدد الواجبات اللي عليك كل يوم وادرسهم !
لشوكت تبقى تايه ومتعرف شتريد ؟
شبيك انت والتالي معاك ؟
راح تبقى آخر واقل الناس !

ليش يفيد؟
داحجي مع حيطان مو بشر !

" لا حياة لمن تنادي "

#ســــالـــــم_ال_منصـــــــور

⚠️ #لا_تصير_غشيم !

• من تجي تدرسها للمادة انت كطالب مطلوب منك المادة اللي ضمن منهاجك + وزاريات الموضوع من سنة تغير المنهج اما غيرها فهاي مالها داعي وزيادة منك بصراحة!

لك قبلكم جنا طلاب بالعظيم نقرا الموضوع بالكتاب ولا نكملو اصلا يعني البطل مالنا وشيخ الشلة اللي يحل كل اسئلة الموضوع اللي داخل الكتاب !

هسه انتوا كتاب ووزاري واثرائي مع هذا واحدكم خارط على روحو وخايف !

السادس مو هيج
حبيبي اقرا الموضوع بالمنهج ووراه حل وزارياتو من تغير المنهج وبس ! خطيتك بركبتي.

وهم لا تلح بالموضوع زايد
راح تخلص العطلة وبعدك بفصل واحد !
صدك تحجي ؟

غشيم لا تصير

#ســــالـــــم_ال_منصـــــــور

رأيكم بهيج فقرة؟

📣السلام عليكم ورحمة الله وبركاته ..
سوادس قلبي دفعة 26
اختصرلك عن تجربة عميقة وطويلة جدًا مع طلاب السادس رحلة السادس بجزئيات مختصرة واضحة ومفهومة ، كالآتي :

🛡 اهتم بصحتك! تقصدت ابدي بيها لان بدون هاي النقطة فأنت كلشي متكدر تسوي واساسا متكدر تقرا هذا الكلام اذا ما تحافظ عليها ! ف تنام وتاكل مثل الاوادم فهمت لو لا ؟

🛡 جذاب اللي يكولك مواد السادس صعبة ! مو صعبة بس خلل الطالب مايعرف يرتب وضعو ، مجرد يرتب وضعه ونظام دراستو حيصير السادس بأيدو .

🛡استغل الوقت خصوصا العطلة الصيفية وامشي بالمواد ولا تتماهل ابد ، الوقت كالسيف ان لم تقطعه سواك 100 وصلة.

🛡 حضر اول ب اول ، محاضرات امتحانات اي شي عود نفسك انك تلتزم حتى تصير عادة من عاداتك وابتعد عن ذولاك الناس ولا تصير منهم.

🛡 لا تقطع علاقتك بالكتاب ، خليك أضعف الإيمان تطلع على الموضوع بالكتاب حتى اذا تجي تقرا بالملزمة تعرف اذا كاملة لوو لا او مصدرك تكدر تعتمد عليه ! كثير طلاب عادت بسبب نقص المصادر.

🛡 السادس مو بس درس ! السادس الاولوية للدرس ف من يخلص درسك ف انت انسان حالك حال غيرك وهاي من اهم النقاط ركز بيها.

🛡 لا تخلي عقدتك النفسية مع مادة لسبب معين تستمر معاك بالسادس ! ترى السادس ما يتعرف لا بيك ولا بعقدك النفسية ف لو تصلح موقفك مع المادة وتجر عدل لو ماتشوف خير مع السادس ! هي مادة اذا درستها تضبطها اما اذا تتهرب منها ف تصيرلك كابوس تطلعلك بجواربك اي ؟

انتظروني بجزء ثاني من هاي السلسلة ...

#ســــالـــــم_ال_منصـــــــور
#شبكة_نيوتن_التعليمية
https://t.me/Newton1998

حرفياااا أستاذ لنصيحه أليّ چنت اتمنه أسمعها هي تعدّد المصادر وقنوات التلي الكثيرةةة ضيعتني وهسه تاليتها ٦ مواد دور ثاني مو بسبب الاسئله بسبب هاي الأخطاء وما شابه ….