2026 йил мартдан фуқаролик ёки иқтисодий ишингиз бўйича дастлабки маълумотни олиш учун судга бориш шарт эмас. Ҳаммасини Ягона давлат хизматлари портали орқали билиб оласиз.
 
Бу катта енгиллик – телефон ёки ноутбукдан кириб, суд жараёни қай аҳволда эканини кўриб туриш мумкин.
 
Ишқилиб IOS тизимида ҳам янгиликлар бўлсин!

👉@bahodirahmedoff👈

Президент Фармони билан:

- 2025 йил 1 декабрдан бошлаб фуқаролар, адвокатлар, юристлар, судьялар учун норматив-ҳуқуқий ҳужжатларни таҳлил қилиш платформасини;
- 2025 йил якунига қадар суд ҳужжатларини автоматик тайёрлаш махсус ахборот дастурини;
- 2026 йил 1 январдан бошлаб “my.sud.uz” интерактив хизматлар порталида фуқароларга ҳуқуқий ёрдам кўрсатиш яъни сунъий интеллект асосида ишлайдиган виртуал маслаҳатчини яратиш, ҳуқуқий мурожаатларга жавоб бериш ҳамда суд маълумотларини автоматик етказиш функциясини ишга тушириш кўзда тутилган.

👉 @bahodirahmedoff

Судлар томонидан маъмурий ҳуқуқбузарлик учун қўлланилган барча жарималарни онлайн кузатиш, уларнинг тўлов муддатлари ҳақида огоҳлантириш ва тўловларни электрон амалга ошириш имконини берувчи мобил дастур ишлаб чиқилар экан

👉 @bahodirahmedoff

Суд тизимидаги энг зўр янгилик!

Тўғриси, давлат раҳбарининг судларга оид бугунги фармонини ўқиб қайсидир маънода орзуларимиз ушалаётганини кўряпман. Шунчаки, оддий адвокат сифатидаги фикримни айтяпман.

Фармонда кўрсатилган ислоҳотлар бир-биридан ажойиб, лекин менга энг ёққани, “қарға-қарғанинг кўзини чўқимайдиган тизим” тугатилгани бўлди.

Бу ҳақида қанча дод-вой солганимиздан хабарингиз бор. Адвокатлар билан учрашувда шахсан Олий суд раиси Бахтиёр Исломов ҳам яқин вақтларда шундай ўзгаришлар бўлишини айтган эди. Мана, ниҳоят шу ўзгариш бўлди.

Энди, ўрта бўғин судлари томонидан чиқарилган апелляция ва кассация қарорларини худди шу суддаги бир том остида ишлайдиган ҳамда бирга тушликка чиқадиган нариги судьялар кўрмайди.

Ўрта бўғин судларининг апелляция ва кассация қарорлари устидан берган шикоятимизни улардан алоҳида ва мустақил, энг муҳими, “бошқа том остида” ишлайдиган юқори судлар кўрадиган бўлади.

Минтақавий тафтиш инстанциялари. Бугуннинг энг зўр янгилиги.

Ҳозирданоқ мотивациям ошиб кетяпти😎

👉@yuristkadr

Фармон билан 2026 йил 1 январдан бошлаб, туманлараро, туман, шаҳар иқтисодий судлари тугатилиб, Қорақалпоғистон Республикаси, вилоятлар марказлари ва Тошкент шаҳрида туманлараро иқтисодий судлар фаолияти йўлга қўйилиши назарда тутилган.

👉 @bahodirahmedoff

Фуқаролар ва тадбиркорларга қулайликлар яратиш ҳамда суд ишларини кўришни соддалаштириш мақсадида мурожаатлар судга фақатгина электрон шаклда юборилади ва суд ишлари тўлиқ электрон тарзда юритилади.

Бундан ташқари суд харажатлари электрон шаклда ҳисобланиши ва тўланиши белгиланмоқда. Бу тартиб тизимда коррупция ҳолатларини кескин қисқартиришга ёрдам бериши қайд этилган.

Шунингдек, судга ариза беришдан олдин сунъий интеллект ёрдамида суд муҳокамасининг тахминий натижаси ҳамда сарфланадиган харажатлар миқдорини шакллантириш имконияти ярятилмоқда

Энг мухимларидан бири ишга доир барча материаллар билан электрон шаклда танишиш, суд мажлиси баённомалари сунъий интеллект ёрдамида реал вақт режимида матн шаклида тайёрланиши назарда тутилмоқда.

👉 @bahodirahmedoff

Судларнинг моддий-техника базасини яхшилаш ҳамда судьялар ва суд ходимларининг ижтимоий ҳимоясини кучайтиришга алоҳида эътибор қаратилган.

Таҳлилларга кўра, бугунги кунда, 162 та суд учун янги бинолар қуриш, 82 та мавжуд суд биноларини реконструкция қилиш, 93 тасини капитал таъмирлаш ва судьялар учун хизмат уйларини харид қилиш ва таъмирлаш зарурати мавжуд. 

Фармонга кўра, 2025 – 2030 йилларда суд биноларини қуриш, реконструкция қилиш, мукаммал таъмирлаш ва жиҳозлаш бўйича аниқ чора-тадбирлар режаси тасдиқланди.

👉@bahodirahmedoff👈

Рақамли суд заллари

Ўзбекистон Республикаси Президентининг «Судлар фаолиятига сунъий интеллект технологияларини жорий этиш орқали одил судловга эришиш даражасини ошириш ҳамда суд тизимининг моддий-техник таъминотини яхшилашга доир қўшимча чора-тадбирлар тўғрисида» фармони қабул қилинди.

Ҳужжатга кўра, мамлакатимизда “Рақамли суд”концепцияси босқичма-босқич амалга оширилади. Бунда 2025 йил якунига қадар, тажриба тариқасида Тошкент шаҳрида барча рақамли имкониятларни ўзида мужассам этган замонавий суд заллари ташкил этилади. Тажриба натижалари асосида “Рақамли суд” концепциясини 2026 – 2027 йилларда босқичма-босқич республиканинг барча судларда татбиқ этилади.

Ҳозирда залларда видеоконференцалоқа бўйича бирмунча муаммолар мавжуд. Рақамли суд заллари қанча кўп бўлса шунча қулайлик бўларди.

👉@bahodirahmedoff👈

Харитада Антарктида шунчаки муз доғидек кўринади. Аслида бу инсонлар учун мўлжалланмаган, табиат эса шафқатсизларча ҳукмронлик қиладиган дунёдир. Абадий бўронлар, музли океан ва чексиз совуқ ҳукмрон бўлган ўлка. Муз қатлами остида ҳатто фанга ҳам номаълум бўлган бутун бошли дунёлар яширинган. Топлес экспедицияси оддий одам ҳеч қачон қадам босмайдиган жойга бориб келди. ХУРМО лойиҳаси доирасида, ўзбек тилида томоша қилинг.

Видеога ҳавола:
https://youtu.be/6cpnSbK_6vE?si=ULc_3phqXWVWCBM2

Жанжалли оилалардан энди ҳар 3 кунда бир хабар олинади

Президент қарорига кўра “Криминоген вазияти мураккаб маҳаллаларда жиноятларнинг олдини олиш бўйича манзилли чоралар” Концепцияси тасдиқланди.

Концепцияга кўра, туман (шаҳар) ички ишлар органи бошлиғи ва прокурорнинг хизмат хонаси 2025 йил якунигача бевосита маҳаллада ташкил этилиб, кундалик ишининг бошланиши ва якуни айнан ўша ерда амалга оширилади.

Маҳаллаларда босқичма-босқич маҳалла ҳуқуқ-тартибот масканлари фаолияти йўлга қўйилади.

Ижтимоий профилактика объектлари, айниқса, оила-турмуш доирасида ҳуқуқбузарликлар содир этувчи шахсларнинг (жанжалкаш ва низоли оилалар) ҳолидан мажбурий равишда камида ҳар 3 кунда хабар олиш амалиёти йўлга қўйилади.

👉@bahodirahmedoff👈

Безорилик қилган эркак ва икки аёлга озодликни чеклаш жазоси берилибди. Улар ЙПХ ходимига ташланган ва бақир-чақир қилган. Судда улар енгиллик беришни йиғлаб сўрашган.

👉@bahodirahmedoff👈

BOSS брендидан ноқонуний фойдаланганлар аниқланди

Интеллектуал мулк маркази хабарига кўра, адлия органларига "Hugo Boss A.G." компаниясининг "BOSS" товар белгисига бўлган ҳуқуқлари "J.M." ЯТТ томонидан бузилаётганлиги ҳақидаги мурожаат кўриб чиқилган.

Ўтказилган текширувларда “J.M.” ЯТТ томонидан “BOSS” товар белгисига ўхшаш белгидан дўкон пешлавхасида фойдаланаётганлиги маълум бўлган. Адлия органлари томонидан тегишли таъсир чораси қўлланиши натижасида “BOSS” товар белгисининг дўкон пешлавхасидан олиб ташланиши таъминланган.

👉 @bahodirahmedoff

Машҳур судья Франк Каприони бериб қўйибмиз.

👉@bahodirahmedoff👈

Дубайга самолётда учдингиз, аммо сизнинг багажингиз адашиб бошқа жойга кетиб қолди, нима қиласиз бунда?

➖Тасаввур қилиб кўринг, сиз Ўзбекистондан БАА давлатига бир ҳафталик саёҳат қилмоқчисиз, барча зарур шахсий буюмларингиз ва ашёларингизни бир жамадонга жамлаб самолётга чиқдингиз. Аммо сиз БААга етиб келганингизда билдингизки, сизнинг багажингиз авиакомпания хатоси туфайли бошқа давлатга кетиб қолибди. Сиз эса ушбу чет давлатда ўз шахсий буюмларсиз, кийим-кечакларсиз қолиб кетишга мажбур бўлдингиз.

❗Хўш бу ҳолатда авиакомпанияга нисбатан қандйдир даъво қилиш мумкинми?

✅ Албатта мумкин. Чунки Ҳаво Кодекси 117-моддасига мувофиқ, ташувчи йўловчининг қўл юки ёки юк ташишнинг кечикишнинг олдини олиш учун барча чораларни кўрганлигини ёки бу чораларни кўришнинг иложи бўлмаганлигини исботлаб бера олмаса, жавобгар бўлади. Жавобгарлик миқдори ташиш қоидаларига мувофиқ аниқланади.

Яъни, ана шу багажингиз бошқа давлвтга кетиб қолиши натижасида сиз авиакомпаниядан моддий зарар учун компенсация ундиришингиз мумкин.
➖➖➖➖➖➖➖
Бундан ташқари, сизнинг ана шу Қатарга аввалдан ўйлаган саёҳат режангиз ҳам барбод бўлганлиги ва сиз ўз шахсий буюм ва кийимларсиз бир хорижий давлатда маълум вақт мобайнида қолишга мажбур бўлганингиз натижасида Истеъмолчи сифатида - сизга яхшигина маънавий зарар етган бўлади.

✅ Бунинг учун эса қўшимча равишда "Истеъмолчиларнинг ҳуҳуқларини ҳимоя қилиш тўғрисида"ги Қонуни 22-моддасига мувофиқ, ана шу зарар етказган авиакомпаниядан маънавий зарар учун компенсация ҳам ундириб олишингиз мумкин.

👉@bahodirahmedoff👈

Ўзининг айтишича интернетда жудаям машҳур Жафар тахаллусидаги фуқаро Джасурбек Кенжаев интеллектуал мулк бўйича судлашибди. У фуқаролик ишлари бўйича Учтепа туманлараро суди чиқарган ҳал қилув қароридан, уни адолатли кўриб чиққан ёш аёл судьядан миннатдорлигини билдирибди.

👉@bahodirahmedoff👈

15 йил олдин бўшатилган ходим тикланди

Фуқаролик ишлари бўйича Учтепа тумани суди томонидан Ўзбекистон Республикаси Давлат Божхона қўмитасининг 2010 йил 17 сентябрдаги 107ш/т-сонли буйруғининг А. Абдуллажоновга оид қисми ғайриқонуний деб топилибди.

Даъвогар А. Абдуллажоновни Давлат божхона қўмитаси бошқарма бошлиғи ўринбосари лавозимига ёки унга тенглаштирилган бошқа лавозимга тиклаш ҳақида ҳал қилув қарори чиқарилган.

Жудаям зўр ва адолатли қарор бўлибди. Қарорни чиқарган судьянинг жасорати бошқа судьяларга ҳам берилсин. Бундай судьялар кам ҳозир. 15 йил ўтган бўлсаям даъво муддатини қўлламай қарор чиқарибди демак. Аслида даъво муддати буйруқ нусхаси берилган кундан бошлаб ўта бошлайди. У даврдаги Низомларда таништирилган деб ҳам кетган, лекин таништирилмаган одатда. Шунга қарамай айрим судьяларимиз даъво муддати ўтган деб ишни "ёпиб қўя қолишарди". Шу суднинг ўзидаям шундай қарор чиқарган судьялар бўлган. Бу қарор эса ана энди адолатли ва қонун нормаларига биноан бўлибди.

👉@bahodirahmedoff👈

❗️ Наманганда айрим амалдорлар қонунни четлаб ўтиб, бизнес билан шуғулланган

Поп туманида Олий Мажлис Сенати Раиси Танзила Нарбаева бошчилигида Коррупцияга қарши курашиш миллий кенгашининг сайёр йиғилиши ўтказилди. Йиғилишда жиноятчилик ва коррупцияга қарши олиб борилаётган ишлар муҳокама қилинди.

2024 йилда Наманганда 8204 та жиноят рўйхатга олинган. Уларнинг 35 фоизи кибержиноятлар. Жорий йилнинг етти ойида эса бу кўрсаткич 10% га ошган.

Коррупция масаласида ҳам таҳликали манзара кўзга ташланади. Бандлик, соғлиқни сақлаш, банк, қурилиш ва бошқа соҳаларда 85 та коррупцион жиноят аниқланган. Ҳатто айрим амалдорлар қонунни четлаб ўтиб, бизнес билан шуғуллангани маълум қилинди.

Йиғилиш якунида айрим ҳокимлар ва ҳоким ўринбосарларига, таълим, соғлиқни сақлаш, банк, коммунал хўжалиги соҳаларидаги раҳбарларга нисбатан лавозимидан озод этиш бўйича тавсиялар берилди.

👉 @bahodirahmedoff

Ҳоким ўринбосари МЧЖ раҳбаридан пора олган

Суд ҳукмида келтирилишича, Деҳқонобод тумани ҳокими ўринбосари Ш.Э. Вазирлар Маҳкамаси баённомаси асосида амалга оширилган тумандаги ободонлаштириш объектини фойдаланишга қабул қилиш далолатномасини имзолаш эвазига, МЧЖ раҳбари ва ҳайдовчисидан 5 минг АҚШ доллари миқдорида пул талаб қилади. Бу пулларни эса ҳокимлик ёнида олаётган вақтида ушланади.

Суд мажлисида, Ш.Э. 5 минг АҚШ долларини далолатномага имзо қўйиш эвазига эмас, қарз сифатида олганини ва яна бошқа бир қанча важлар келтирган. Жабрланувчи МЧЖ раҳбари эса туҳмат қилмаотгани, Ш.Э. ундан имзо қўйиш эвазига сўраганлиги, акс ҳолда далолатномага имзо қўймаслигини айтган деб кўрсатув берган.

Суд томонидан мазкур ҳолатда Ш.Э.нинг ҳаракатларида Жиноят кодексининг 210-моддаси яъни пора олиш жинояти содир этилган деб топиб, 2 йил давлат иштирокидаги ташкилотларда мансабдорлик ва моддий жавобгарлик билан боғлиқ лавозимларда ишлаш ҳуқуқидан маҳрум қилган ҳолда, 5 йил озодликдан маҳрум қилиш жазоси тайинлаган. Апелляция инстанцияси эса тайинланган жазони ўзгаришсиз қолдирган.

👉 @bahodirahmedoff

Ўзбекистон суд тизими ҳақидаги кўрсатув. Судьяларни ҳам камера олдида суҳбатларга чорлаб туриш керак ўзи

👉@bahodirahmedoff👈

“OVOZ” лойиҳаси ОГОҲЛАНТИРИЛДИ

Ўзбекистон Республикаси Муаллифлик ва турдош ҳуқуқларни ҳимоя қилиш жамиятининг марҳум Шерали Жўраев муаллифлигидаги “Қора кўзли санамжон” асари ҳуқуқ эгаси ёки бошқа ваколатли шахсларнинг рухсатисиз “TALENT SHOW” МЧЖнинг “OVOZ” лойиҳасида барчанинг эътиборига юборилганлиги ҳолати юзасидан қонуний чора кўриш тўғрисидаги мурожаат кўриб чиқилган.

Вазирлик томонидан ўтказилган текширув натижасига кўра Шерали Жўраевнинг муаллифлигидаги “Қора кўзли санамжон” асари ““TALENT SHOW” МЧЖ томонидан ҳуқуқ эгаси ёки бошқа ваколатли шахсларнинг рухсатисиз YOUTUBE ижтимоий тармоғининг “The voice of Uzbekistan” номли канали орқали барчанинг эътиборига етказилганлиги аниқланган.

Мазкур ҳолат текширув ўтказилгунга қадар бартараф этилганлиги сабабли ҳуқуқбузар келгусида қонунчилик талабларига қатъий риоя этиши бўйича огоҳлантирилган.

👉@bahodirahmedoff👈

Фуқаро Жиззах шаҳрида жойлашган CHERRI автосалонидан 417 000 000 (тўрт юз ўн етти миллион) сўмга харид қилган автомашинаси совутгичи ишламаётганлиги ҳамда сервис хизмати кўрсатилмаётганлиги ҳақида эътироз билдирган.

Мурожаат Жиззах шаҳар Истеъмолчилар ҳуқуқларини ҳимоя қилиш жамияти мутахассислари томонидан тегишли қонун доирасида ўрганиб чиқилган. Истеъмолчининг талаби тўлиқ қаноатлантирилган: автомашина кафолат хатида кўрсатилган вақт мобайнида тўлиқ ва бепул таъмирлаб берилган.

Ҳуқуқингизни билинг

👉@bahodirahmedoff👈

Олий Мажлис Сенати Кенгаши томонидан Ўзбекистон Республикаси Президентининг тақдимига биноан Холмўмин Ёдгоровни Ўзбекистон Республикаси Судялар олий кенгаши раиси лавозимига сайлаш тўғрисида қарор қабул қилинибди.

👉@bahodirahmedoff👈

Маъмурий судларда мажбурият юклаш

Маъмурий судларга ариза киритилаётган вақтда бирор органнинг қарорини ҳақиқий эмас (ёки ҳаракатларни ғайриқонуний) деб топишни сўраганда мажбурият юклашни ҳам сўраш лозимлиги бўйича баҳслар бўлиб туради. Қаранг

МСИЮТК 189-моддасига кўра:

Қарор ҳақиқий эмас, ҳаракатлар (ҳаракатсизлик) қонунга хилоф деб топилган тақдирда суд тегишли органнинг ёки мансабдор шахснинг зиммасига қуйидаги мажбуриятларни юклайди:

қонунга мувофиқ қарор қабул қилиш ёки муайян ҳаракатларни амалга ошириш ёхуд аризачининг ҳуқуқлари, эркинликлари ва қонуний манфаатларининг бузилишларини бошқача усулда бартараф этиш;

йўл қўйилган бузилишларни бартараф этиш ва ҳал қилув қарорининг ижроси тўғрисида судга ва аризачига, агар суд томонидан бошқача муддат белгиланмаган бўлса, суднинг ҳал қилув қарори қонуний кучга кирган кундан эътиборан бир ой ичида хабар қилиш.

Яъни ушбу ҳолатдан келиб чиқилса, маъмурий судларга ариза киритилаётганда алоҳида тарзда мажбурият юклаш талабини киритиш шарт эмас. Агар якунда даъво қаноатлантирилса, суд шундоқ ҳам мажбурият юклашни амалга оширади.

👉@bahodirahmedoff👈

Тошкент вилоят ИИББ икки амалдори адвокатнинг профессионал фаолиятига тўсқинлик қилган

Суд ҳужжатларига кўра, адвокат Ш.Пулатов Тошкент вилояти ИИББга адвокат сўрови билан мурожаат қилади. Лекин ушбу мурожаатларга Тергов бошқармаси бошлиғи ўринбосари Ж.Норбоев ва Ҳуқуқбузарликлар профилактикаси бошқармасида бошлиқ ўринбосари А.Худайкуловлар 15 кунда жавоб хати юбориши белгиланган бўлсада, деярли 1 ой ўтгандан сўнг жавоб хатлари юборишган.

Суд мажлисларида Ж.Норбоев ҳам, А.Худайкулов ҳам иштирок этмаган. Адвокат Ш.Пулатов эса Чиноз туман судининг 03.2.2025 йилдаги хусусий ажрими бўйича чиқарилган ташкилий ҳужжатларни ўз вақтида тақдим қилишмаганлиги, кўрилган интизомий жавобгарликлар ҳақида маълумот бермаганликларини билдириб, қонуний чора кўришни сўраган.

Суднинг 4 август кунги қарори билан Ж.Норбоев ва А.Худайкуловларнинг ҳаракатларида МЖтКнинг 197-1-моддаси яъни адвокатнинг профессионал фаолиятига тўсқинлик қилиш мавжуд деб топиб, БҲМнинг 3 баравари миқдоридан жарима жазоси тайинлаган.

👉 @bahodirahmedoff

Дарвин ва Антарктида: Билвосита назарий қарашлар

Чарлз Дарвин Антарктидага бормаган бўлса-да, у ўзининг эволюция назарияси орқали бу музлик қитъага оид айрим муҳим саволларни илгари сурган. У Ер юзасидаги турли ҳайвон ва ўсимликларнинг ўхшашликлари ва фарқларини ўрганиб, уларнинг умумий аждодлардан келиб чиққанини таклиф қилган. Бу фикр Антарктидадаги қадимги ҳаёт шакллари ҳақида назарий асос бўлиб хизмат қилган.

Масалан, Антарктида қуруқлиги бир пайтлар бошқа қитъалар билан (масалан, Жанубий Америка, Австралия ва Африка) туташ бўлган бўлса, Дарвиннинг назарияси шуни англатадики — бу қитъаларда яшаган организмлар умумий аждодга эга бўлиши мумкин.

Видеога ҳавола:
https://youtu.be/6cpnSbK_6vE?si=ULc_3phqXWVWCBM2

Тарихни ўзгартириш — хотирани ўлдириш билан баробар, назаримда.

Кўпчилик давлатларда тарих дарсликлари, афсуски, илмий фактларга эмас, сиёсий буюртмаларга асосланади. Бу айниқса, ёш онгга “биз доим ҳақмиз, биз буюкмиз, бошқалар тажовузкор ва биздан пастроқ” деган примитив миллатчилик руҳида сингдирилади.

Бу жараённи бугун баъзи давлатлар мисолида кўришимиз мумкин. Улар нафақат ўз тарихини қайта ёзмоқда, балки бутун минтақанинг умумий тарихини ўз фойдасига талқин қилишга уринмоқда.

Шундай шароитда биз қандай қилиб ўз тарихий онгимизни ҳимоя қиламиз? Ким ҳақиқий тарихни ёзади? Ким уни ўзгартиради? Ким эса огоҳлантиради?

🎧 Бу борадаги кескин, аммо зарур фикрларни Қурултой подкастида эшитинг.

Мана ҳавола: https://youtu.be/63H7d7FYfso?si=AKZLFsg_e0-heY5T

Сенат Раиси Танзила Нарбаева Аваза шаҳрида БМТининг денгизга чиқиш имкони бўлмаган ривожланаётган мамлакатлар бўйича учинчи конференсияси доирасида  халқаро ташкилотлар раҳбарлари билан учрашувлар ўтказди.

Биз учун денгиз жуда муҳим. Логистикасиз иқтисод бўлмайди. Лекин денгизга биров осонгина мана чиқинг деб йўл бермайди. Бунинг учун шундай фаол дипломатия керак, халқаро дўстона алоқалар керак. Ўзбекистон прогрессив ташқи сиёсат йўлини тўғри танлади.

👉@bahodirahmedoff👈

❗️Фуқароларга янада қулайлик яратиш мақсадида MySud мобил иловаси яратилиб, ишга тушурилди.

MySud иловаси Олий суднинг барча интeрактив хизматларини ўз ичига олади. Хусусан, судларга электрон мурожаатларни юбориш, иш ҳолатларини реал вақт режимида кузатиш, суд тўловларини онлайн амалга ошириш ва яна бир қанча имкониятлар мавжуд.

✅ MySud иловасининг iOS ва андроид талқинини қуйидаги иловалар орқали юклаб олишингиз мумкин:

Android: https://play.google.com/store/apps/details?id=uz.sud.mysud&pcampaignid=web_share

iOS: https://apps.apple.com/uz/app/mysud-sud-elektron-xizmatlari/id6746529895

Telegram

Таниқли қўшиқчи Дженнифер Лопеснинг Тошкентда концерт бериши ижтимоий тармоқларда турлича муҳокама қилинмоқда. Айримлар буни ижобий қабул қилган бўлса, баъзилар танқид қилмоқда.

Қарши фикрларнинг асосий қисми қўшиқчининг либослари ва саҳнадаги кўриниши билан боғлиқ. Лекин у жаҳон миқёсидаги юлдуз сифатида кўплаб мамлакатларда чиқиш қилган.

Лопес 2019 йили Саудия Арабистонида концерт берган. Бу тадбирда ҳам шу каби муҳокамалар бўлган, аммо давлат томонидан рухсат берилган. Яқинда Қозоғистонда ва Туркияда ҳам концерт берди.

Конституциямизга кўра, Ўзбекистон кўпмиллатли, бағрикенг ва дунёвий давлат ҳисобланади. Бундай тадбирларда иштирок этиш ёки этмаслик фуқароларнинг эркин танлови ҳисобланади.

👉 @bahodirahmedoff

Корея уруши — инсон ҳалокатининг энг қора саҳифаларидан бири бўлган. Қишлоқлар ёниб кетди, минглаб тинч аҳоли бомбардимонга учради. Асирлар устида шафқатсиз тажрибалар ўтказилди, оммавий қатллар амалга оширилди. Уруш тугаган бўлса-да, унинг захми халқ хотирасида сақланиб қолди.

Бу фожиа нега тарихда керагича ёдга олинмаяпти? https://youtu.be/YzB7uTqXukA?si=DgToyttNDRFiRxxp

Телефон қайтарилсаям шартнома бекор қилинмаган

Тошлоқ туман Истеъмолчилар ҳуқуқларини ҳимоя қилиш жамиятида Фарғона шаҳрилик М.Д.нинг шаҳарнинг Қиргули мавзесида жойлашган “Ishonch” кредит савдо дўконидан 3 600 000 сўмга сотиб олинган телефон аппаратида нуқсон аниқлангани сабабли товарни сотувчига қайтарган бўлсада, лекин шартнома бекор қилинмасдан пластик картасидан пул маблағи ечиб келингани тўғрисидаги мурожаати ўрганилган.

Маълум бўлишича, мурожаат эгаси 2021 йилнинг май ойида Фарғона шаҳрининг Қиргули мавзесида жойлашган “Ishonch” кредит савдо дўконидан Samsung А 12 русумли мобил қурилмани, шартнома қийматини бир йил давомида бўлиб тўлаш шартларида харид қилган. Бироқ орадан бир ҳафта ўтиб, мобил қурилма қувватлаш жараёнида ўчиб қолавергач савдо дўконига қайтариб олиб келган. Сотувчи томони телефондаги нуқсон бартараф этилганини айтиб уни яна истеъмолчи қўлига топширган бўлсада, шундан сўнг ўтган бир ой ичида ундаги носозликлар яна қайталанавергач, истеъмолчи телефонни савдо дўконига қайтариб олиб келган ва уни қайтариб олишларини ҳамда шартномани бекор қилишларини талаб қилган. Дўкон масъуллари шартнома бекор қилинишини ваъда қилган ҳолда телефон аппаратини олиб қолган бўлсаларда, орадан ўтган вақт давомида истеъмолчининг пластик картасидан яна пул маблағлари ечилишда давом этаверган.

Туман жамияти томонидан юзага келган ҳолатга аниқлик киритиш мақсадида сотувчига сўров хати киритилиб, ўрганиш ишлари давом эттирилган. Унинг якунларига ҳамда сотувчи томонидан берилган жавоб хатига кўра, истеъмолчи номига расмийлаштирилган шартномани ўз вақтида бекор қилиш чоралари кўрилмай қолганлиги оқибатида истеъмолчининг банк пластик картасидан жами бўлиб 3 062 635,52 сўм маблағ ечиб олинганлиги маълум бўлган ва ҳужжатлаштириш ишларидаги камчилик бартараф қилиниб, ушбу маблағларни тўлиғича истеъмолчининг банк картасига қайтарилишига эришилган.

👉@bahodirahmedoff👈

Mutolaa Premium учун ваъда қилинган бепул промокодларни кейинги 5тасини олишингиз мумкин

Мутолаа иловасини юклаб олиш:
Android
iOS

Чўнтакда яна битта охиргиси қолди. Уни ўзимга совға учун беришганди. Мен аллақачон ўзим сотиб олгандим бу иловани. Шунинг учун буниям обуначиларга совға қиламан. Фақат уни @bahodiranklav каналимда тақдим этаман.

👉@bahodirahmedoff👈

Бувайда туманида спорт мусобақаси пайтида жанжал чиқибди. Айбдорларга суткалик қамоқ жазоси берилган.

👉@bahodirahmedoff👈

Собиқ НКВД уйининг демонтажи

Суд қарорида келтирилишича, Тошкент шаҳар маданий мерос бошқармаси ходимлари фуқаро А.А. томонидан Тарас Шевченко кўчасидаги "Олимлар уйи" (собиқ НКВД уйи) 1-қаватининг 1-хонадонида тегишли рухсатсиз, ички интерьер ва ташқи фасадлари тўлиқ таъмирланган, ойна-ром ўрнига эса эшик очиш учун демонтаж қилинганлиги аниқлаб, тегишли тартибда баённома расмийлаштирилиб, судга юборилган.

Бошқарма экспертиза хулосасига кўра 9 355 500 сўм моддий зарар етказилганлиги маълум қилинган.

Суд эса мазкур ҳолатда, МЖтКнинг 64-моддаси 2-қисмида кўрсатилган ҳуқуқбузарлик содир этилган деб топиб, А.А.га нисбатан БҲМнинг 40 баравари миқдорида жарима, етказилган 9 355 500 сўм миқдоридаги моддий зарарни ундириш ҳақида қарор қабул қилган.

👉 @bahodirahmedoff

Дирижабллар енгил газ билан тўлдирилгани учун портлаш хавфи юқори. Кучли шамол ёки ёмон об-ҳаво уларни бошқаришни қийинлаштиради. Бундан ташқари, улар жуда катта ва секин ҳаракатланади, бу эса уларни бошқа транспорт воситаларига нисбатан ҳимоясиз қилади. Тарихда бир нечта катта ҳалокатлар, масалан, Ҳинденбург фалокати, дирижаблларнинг хавфсиз эмаслигини кўрсатган. Шу сабабли, бугунги кунда улар жуда кам ишлатилади.

Видеога ҳавола:
https://youtu.be/sThUpIDaNVs?si=OTsQjFk3Qm8zQgiI

Пичоқни қаровсиз қолдирган ҳуқуқбузарлик содир этганми? Ҳолат Қўқонда бўлган

👉@bahodirahmedoff👈

#InnoWeek_2025

Yilning innovatsion haftaligi sizni kutmoqda!

Mamlakatimizning ilm-fan va innovatsion faoliyat sohasidagi natijalarini o‘z ko‘zingiz bilan ko‘rishni istaysizmi?

Unda 9-11-oktabr kunlari CAEx ko‘rgazmalar zalida “Chegarasiz g‘oyalar” shiori ostida bo‘lib o‘tadigan InnoWeek-2025 – innovatsion g‘oyalar xalqaro haftaligiga tashrif buyuring.

InnoWeek - mahalliy va xalqaro kompaniyalar, davlat idoralari vakillari, investorlar, olimlar, startaperlar hamda ekspertlarni bir nuqtada birlashtiruvchi platforma.

InnoWeek-2025 — ko‘rgazmalar, tanlovlar, forumlar, master-klasslar, startap pitchinglar, xakatonlar – barchasi shu yerda!

InnoWeek-2025 | 9-11-oktabr | CAEx

Batafsil: https://innoweek.uz

O‘zbekiston Yevropa muhim xomashyo alyansiga qo‘shildi


Dunyo kritik minerallar bo‘yicha yangi davrga kirib keldi, shubhasiz, O‘zbekiston ham bu jarayonlar markazida bo‘lishga intilmoqda.
O‘tgan yili mamlakatimiz Yevropa Ittifoqi bilan muhim xomashyo sohasida hamkorlik bo‘yicha kelishuv imzolagan edi. Endi esa yana bir katta qadam tashlandi — O‘zbekiston texnologik metallar kombinati (TMK) Yevropa muhim xomashyo alyansi (ERMA)ga rasman a’zo bo‘ldi. Bu bizning global bozordagi o‘rnimizni yanada mustahkamlaydi, deya xabar qildi TMK matbuot xizmati.

ERMA nima?

Yevropa muhim xomashyo alyansi (ERMA) Yevropa sanoatining resurs siyosatini belgilovchi eng muhim platformalardan biri. U Yevropa sanoati uchun litiy, volfram, molibden va nodir yer elementlarini xavfsiz va barqaror manbalardan yetkazib berishni ta'minlaydi. Mazkur alyans Yevropaning yashil texnologiyalar va kelajak energetikasiga o‘tish jarayonida hal qiluvchi kuchga ega.

Shuningdek, ushbu a'zolik TMKni kritik minerallar bozorida butunlay yangi darajaga olib chiqishi kutilmoqda. Xususan, Yevropa grantlari va investitsiyalari orqali bu yo'nalishdagi loyihalar uchun moliyaviy mexanizmlar kengayadi. Yevropaning ilg‘or markazlari bilan qo‘shma tadqiqotlar olib boriladi va innovatsiyalar tatbiq etiladi. TMK mahsulotlari xalqaro bozorga yanada yuqori sifat ko‘rsatkichlari bilan chiqadi.

Mangal Fest атрофидаги вазият: мувозанатли ёндашув зарур

Сўнгги кунларда Тошкентда ўтаётган Mangal Fest by Beer Fest тадбирига доир ижтимоий тармоқларда турли хабарлар тарқалмоқда. Жумладан, айрим каналлар фестивал ҳудудида жанжал чиққанини айтиб, ҳолатни умумий хавфсизлик муаммоси сифатида талқин қила бошлади.

Айни ҳолат юзасидан Тошкент шаҳар ИИББ томонидан расмий баёнот эълон қилинди. Унда икки фуқаро ўртасида юз берган келишмовчилик зудлик билан бартараф этилгани, ҳеч кимга тан жароҳати етмагани ва воқеа бўйича қонуний тартибда суриштирув олиб борилаётгани маълум қилинди. Энг асосийси, фестивал ўз режаси бўйича давом этмоқда.

Шуни унутмаслик керакки, бундай оммавий тадбирларда алоҳида эпизодлар асосида бутун бир ташаббусга баҳо бериш — нотўғри ёндашувдир. Mangal Fest нафақат овқат ва кўнгилочар дастурлар, балки очиқ мулоқот, ижтимоий бирлашув ва маданий ҳордиқ учун яратилган майдондир. Бундай лойиҳаларни қўллаб-қувватлаш зарур.

Хулоса ўрнида шуни айтиш керак: муҳим хабарларни доимо расмий манбадан олиш ва воқеаларга холис ёндашиш ҳар биримизнинг ахборот маданиятимизни белгилайди.

👉@bahodirahmedoff👈

Тергов судьялари вазиятни ўзгартирдими?

Олий суд томонидан ярим йиллик бўйича маълумотлар бериб бориш бошланди. Ушбу маълумотлар ичида энг долзарби тергов судьялари бўйича деб ўйлайман. 2025 йил 1 январдан ўз ишини бошлаган тергов судьялари суд соҳасидаги муҳим ислоҳот сифатида баҳоланди.

Хўш, бу судьяларнинг фойдаси бўлдими йўқми ғалвирни кўтарадиган вақт келди. Уларнинг фаолиятидаги биринчи ярим йилликда тергов судьялари олдингидан фарқли иш олиб боришдими ёки ҳеч нарса ўзгармадими? Қамоқ эҳтиёт чорасини қўллаш бўйича прокурор илтимосномаларининг қанчаси бу судлар томонидан рад этилди? Ëки рақамлар ҳали-хануз юқорими?

Жиноят ишлари бўйича судлов ҳайъати бу масалада қандай иш олиб борди? Буни албатта муҳокама қилиниши керак.

👉@bahodirahmedoff👈

Тергов судьяси ваколатлари

ЖПКнинг 31-1-моддасида тергов судяси якка ўзи иш тутиб, Жиноят процессуал кодексида назарда тутилган тартибда судга қадар иш юритиш босқичида шахснинг ҳуқуқлари, эркинликлари ва қонуний манфаатларига риоя этилиши устидан суд назоратини амалга оширади.

Ваколатлари жумласига эса:

🔹 қамоққа олиш ёки уй қамоғи тарзидаги эҳтиёт чорасини қўллаш тўғрисидаги;
🔹 қамоқда сақлаш ёки уй қамоғи муддатини узайтириш тўғрисидаги;
🔹 ушлаб туриш муддатини 48 соатгача узайтириш тўғрисидаги;
🔹 айбланувчини лавозимидан четлаштириш тўғрисидаги;
🔹 тинтув ўтказиш тўғрисидаги;
🔹 мол-мулкни хатлаш тўғрисидаги каби 10 дан ортиқ илтимосномаларнини кўриб чиқиш киради.

Бундан ташқари МЖтКнинг 245-моддасида белгиланган жиноят судлари томонидан кўриб чиқиладиган маъмурий ҳуқуқбузарлик тўғрисидаги ишлар жиноят судларининг тергов судялари томонидан кўриб чиқилади.

👉 @bahodirahmedoff

Саидали ака Олий суд фуқаролар қабулхонасида компьютерларгача олиб қўйилаётганини келтирибди. Компьютер билан кирса нима ўзгариши мумкин, ўртоқлар?! Чекловларам сал мантиқ билан бўлиши керакда.

Олий судда "Шаън, қадр-қиммат ва ишчанлик обрўсини суд орқали ҳимоя қилишда қонунчиликни қўллаш амалиёти ва муаммолари" мавзусидаги конференция бўлиб ўтибди.

Унда келтирилган статистик маълумотларга кўра, 2023 ва 2024 йилларда фуқаролик судларида шаън, қадр-қиммат ва ишчанлик обрўсини ҳимоя қилиш билан боғлиқ 44 та иш кўриб чиқилган. Жорий 2025-йилнинг дастлабки 6 ойда эса ушбу турдаги 47 та иш кўриб чиқилиб, 37 таси бўйича жавобгарлардан 23,7 млн сўм моддий ва 403,6 млн сўм маънавий зарар ундириш белгиланганлиги қайд этилган.

Бундан ташқари жиноят судларида охирги икки ярим йил давомида хақорат қилиш билан боғлиқ 2071 та, туҳмат билан 370 та иш кўрилганлиги, мазкур давр мобайнида маъмурий ҳуқуқбузарлик тўғрисидаги ишларнинг эса 133 945 таси ҳақорат қилиш, 10 544 таси эса туҳмат билан боғлиқ ишлар эканлиги алоҳида таъкидлаб ўтилган.

👉 @bahodirahmedoff

Оқланган ходимнинг таътил пули

Кечаги суд ишимиз бўйича қисқача келтирсам. Гап шундаки, шахс 1997 йил суд ҳукмига кўра бир неча жиноятларда айбдор деб топилади. Орадан йиллар ўтиб 2023 йилга келиб оқланмоқда. Натижада шахс ноқонуний судлангани ортидан шу даврда олинмаган иш ҳақлари учун 6,5 млрд. сўм суд ажрими билан молия органларидан ундириш белгиланади (кейинчалик ушбу сумма кассация инстанцияси томонидан 1,1 млрд сўмга камайтирилган экан).

Орада оқланган шахс ишига тикланади ва маълум вақт ишлаганидан сўнг ишдан бўшайди. Ишдан бўшаш вақтида фойдаланилмаган меҳнат таътили ва бошқа тўловлар учун ҳисоб-китоб қилинадиган жойига келганда иш берувчидан 31 йил учун фойдаланилмаган таътилларимниям пулини берасан дейди. Биринчи инстанция судида ходимга 850 млн. сўмдан зиёд таътил учун ва бу тўловни кечиктиргани учун МК 333-моддасига асосан 1,7 млрд. сўм ундириш белгиланади. Жами 2,5 млрд сўмдан зиёд.

Бироқ ЖПК 304-моддасига кўра реабилитация этилган шахсга нисбатан содир этилган қонунга хилоф ҳаракатлар натижасида маҳрум бўлган иш ҳақи ва меҳнатдан топиладиган бошқа даромадларни қонунга хилоф ҳаракатлар билан етказилган мулкий зиён дея келтирилган ва ЖПК 305-моддасига асосан бу зиён молия органларидан ундирилади.

Устозим Саидали Мухторалиев билан ушбу масалани мунозара қилганимизда аниқ тўхтамга келиб олдик. Биринчи инстанция суди шу жойида қонунчиликни нотўғри қўллаган. Ўртада ноқонуний судланган даврдаги пуллар иш берувчи ва ходим ўртасидаги муносабатлар эмас, реабилитация этилган шахс ва давлат ўртасидаги муносабатларга тааллуқли масаладир. Сурхондарё вилоят апелляция судлов ҳайъати буни тўғри тушунишини кўрсатди ва ҳал қилув қарорининг 2,5 млрд сўмлик қисмини бекор қилди ва иш юритувни тугатди.

Ахир ўзингиз ўйлангда, тергов ва суд органларининг ноқонуний хатти-ҳаракати ортидан шахс судланса ва кейинчалик оқланса, бунинг жабрини иш берувчи ҳам тортса... Адолатданми? Бу амалиёт жамиятга кириб келса қанча тадбиркорларни "бурни қонаб кетарди".

👉@bahodirahmedoff👈

Баҳодир барибир Баҳодирда🤨

Укам ва ҳамкасбим Баҳодир Ахмедов бугун Сурхондарё вилояти фуқаролик ишлари бўйича судидаги жуда муҳим ишда муваффаққият қозонди.

У бу ишга жиддий тайёргарлик кўрганди, ҳавотир ҳам етарлича бўлган, биргаликда бир неча бор консилиум ҳам қилгандик.

Натижа эса жуда ажойиб! Сурхондарё вилояти суди судьялари масалага атрофлича киргани учун ташаккур! Улар ФИБ Термиз туманлараро судининг ноқонуний қарорини ўзгартириб, давлат ташкилоти (Баҳодир ҳимоя қилган ташкилот) миллардлаб сўмлик ҳаражатга тушишининг олдини олди.

Биз Баҳодиржон билан бу ишнинг тафсилотини албатта ёритамиз, чунки, бундай ишларда шундай нозик жиҳатлар борки, судларнинг озгина эътиборсизлиги билан, тарафлар йўқ жойдан миллиардлаб зарар кўриши мумкин. Шундай.

Бизда эса ҳозир байрам!

👉@yuristkadr

Олий Суд Фарҳод Маннопов иши бўйича баёнот берди

Баёнотда блогерни операция қилган шифокор оқланганининг сабаби келтирилган. Баёнотга кўра, шифокор А.Хисамов ва унинг адвокатлари томонидан берилган шикоятга асосан, жиноят ишини апелляция судида кўриб чиқиш жараёнида тўпланган далиллар ҳукмда баён қилинган ҳақиқий ҳолатларга тўғри келмаслиги, айблаш учун ишончли объектив далиллар мавжуд эмаслиги аниқланган.

Бундан ташқари А.Хисамовнинг нафақат касби юзасидан ўз вазифаларини бажармаганлиги ёки лозим даражада бажармаганлиги, балки айнан унинг ҳаракатлари ёки ҳаракатсизлиги оқибатида блогер Ф.Маннопов ўлишига сабаб бўлганлиги ҳолати ҳам аниқланмаган. Иш бўйича аниқланган ҳолатга кўра, марҳум Ф. Манноповга нисбатан хусусий клиникада стандартларга мос равишда шифокорлар кўриги, инструментал текширувлар ўтказилганлиги айтиб ўтилган.

Шунингдек, мазкур жиноят иши бўйича ўтказилган экспертиза хулосалари, отоларингология ихтисослиги бўйича ёзма равишда тақдим қилинган ва сўроқ қилинган кўплаб мутахассислар, шу жумладан олий тоифали шифокорларнинг фикрига кўра бемор Ф. Манноповда “бош мия жароҳати, бош мия чайқалиши, бош мия лат ейиши, калла ичи гематомалари” аниқланмаган, яъни бемор Ф. Манноповда кузатилган ўлим ҳолати ўтказилган риносептопластика жарроҳлик амалиёти сабаб бўла олмаслиги ва унга ўтказилган диагностика ва даволаш муолажалари тўғри ўтказилганлиги кўрсатилган.

Бундан ташқари ССВ томонидан ўтказилган хизмат текширувларида ҳам А.Хисамовнинг даволаш ва жарроҳлик амалиётини ўтказиш жараёнидан ўлимга олиб келиши мумкин бўлган хатоликларга йўл қўйганлиги аниқланмаган. Хизмат текширувини ўтказган эксперт-мутахассислар тергов жараёнида сўроқ қилинганда ҳам ўз хулосаларини тасдиқлаб, асослантириб берган бўлишларига қарамасдан, тергов органи ва биринчи инстанция суди томонидан асоссиз равишда инобатга олинмаганлиги қайд этилган.

Шу муносабат билан апелляция инстанцияси суди томонидан Жиноят-просессуал кодексининг 83-моддасига (реабилитация учун асослар) асосан айбсиз деб топилиб, оқланган.

👉 @bahodirahmedoff

ОЛИЙ СУД БАЁНОТИ:

“Шу кунларда Тошкент шаҳар транспорт бошқармаси бошлиғи ва “Тошшаҳартрансхизмат” АЖ бошқаруви раиси лавозимларида ишлаган А. Джураев ва бошқаларга нисбатан чиқарилган суд қарори кенг муҳокамаларга сабаб бўлди.

Дарҳақиқат, жиноят ишлари бўйича Юнусобод туман судининг 2025 йил 3 февралдаги ҳукмига кўра А. Джураев ва “Тошшаҳартрансхизмат” АЖ ҳамда АЖ тасарруфидаги автобус саройларининг 20 нафар ходими Жиноят кодексининг 167-моддаси (ўзлаштириш ёки растрата йўли билан талон-торож қилиш) 3-қисми “а” банди ва бошқа моддаларида назарда тутилган жиноятларни содир этганликда айбли деб топилган.

Дастлабки тергов жараёнида 21 нафар судланувчидан 10 нафарига “қамоқ” эҳтиёт чораси қўлланилган.

Суд томонидан 6 та судланувчига нисбатан (А. Джураевга 7 йил 6 ой муддатга) озодликдан маҳрум қилиш жазоси тайинланган.

Хусусан, 6 нафар судланувчи қамоқдан озод қилиниб, очиқда бўлган 2 нафар судланувчига озодликдан маҳрум қилиш жазоси тайинланиб, суд залидан қамоққа олинган.

Суд ҳукми билан судланувчи А. Джураев ва бошқалардан 2 475 687 526 сўм ундирилиши белгиланган ҳамда судланувчиларга тегишли 2 та уй-жой етказилган моддий зарарни қоплашга қаратилган ва зарардан ортган пул маблағлари давлат фойдасига ўтказилиши белгиланган.

А. Джураев ва 10 нафар судланувчи томонидан берилган апелляция шикоятлари ва прокурор келтирган протест асосида ушбу жиноят Тошкент шаҳар судининг апелляция инстанциясида кўрилган бўлиб, суд жараёни давомида судланувчилар томонидан етказилган зарар тўлиқ қопланган.

❗️Таъкидлаш жоизки, Жиноят кодексининг 167-моддаси 4-қисмида етказилган моддий зарарнинг ўрни қопланган тақдирда озодликни чеклаш ва озодликдан маҳрум қилиш тариқасидаги жазо қўлланилмаслиги белгиланган.

Шу боис, апелляция судининг 2025 йил 5 июндаги ажрими билан асосий жиноят бўйича етказилган зарар қопланганлиги сабабли судланувчиларга озодликдан маҳрум қилиш билан боғлиқ бўлмаган жазо тайинланиб, депозит ҳисоб рақамига тўланган пуллар давлат фойдасига ўтказилиши белгиланган.

Бундан ташқари, жиноий йўл билан топилган маблағларга олинган ва зарарни қоплашга қаратилган 2 та уй-жой давлат фойдасига мусодара қилинди.

Эндиликда ушбу ажримдан норози тарафлар Жиноят–процессуал кодексининг 510-моддаси (тафтиш тартибида қайта кўрилиши мумкин бўлган суд ҳукмлари, ажримлари) талабларига мувофиқ Тошкент шаҳар судига тафтиш тартибида шикоят беришга ёки протест билдиришга ҳақлилиги маълум қилинади”.

👉@bahodirahmedoff👈

Бир суд ишимизда яқинда суд қарори ўқилган эди. Бугун шу иш бўйича суд қарори қўлимга келди. Кичикроқ масала бўлса ҳам қарор 9 бет ёзилган. Ҳар бир масалага тўхталинган, асослантирилган, баҳо берилган. Нимага бундай бўлдикин десам бу судьяда шу кунларда иш ҳажми камроқ экан.

Судьяларда иш ҳажми адекват даражада бўлиши ҳар қанақасига жамият фойдасига. Ишни кўриш ҳам сифатли бўлади, суд ҳужжатлари ҳам сифатли ёзилади. Судьяларимизнинг соғлиғи ҳам, кайфияти ҳам яхши бўлади. Судьялар ҳам одам!

👉@bahodirahmedoff👈

“Ҳиндистонда сигирлар худди худолардек юришади.”

Ҳинд маданиятида сигирлар оддий ҳайвон эмас балки муқаддас мавжудод ёки тимсол каби қабул қилинади. Уларга нисбатан агрессия ёки тажовуз қилиш эса жиноят.

Ploss podcast'нинг навбатдаги меҳмони Самандар Эгамбердиев ўзининг ҳинд маданияти ҳақида олган таассуротлари (автобусдаги саргузаштлари) билан ўртоқлашди.

Тўлиқ подкаст учун линк: https://youtu.be/sFZfKw51sGs

Тарих дарсликлари: оғир юкми ёки сиёсий конструкция?

Минтақанинг кўплаб давлатларида мактаб тарих дарсликлари реал воқеалардан кўра, сиёсий заруратларга кўпроқ хизмат қила бошлади. Қаҳрамонлар танланади, фактлар мослаштирилади, ўзаро тарихий алоқалар эса эътиборсиз қолдирилади.

Тарихшунослик эса аслида селектив эмас, изчил ва танқидий бўлиши керак.

🎙 Қурултой подкастида бу ҳолат чуқур муҳокама қилинади.

Томоша қилинг: https://youtu.be/63H7d7FYfso

Аёлнинг интернет орқали ташлаб берилган яланғоч суратларини тарқатаман деб қўрқитган эркак қамалибди

👉@bahodirahmedoff👈

O'zaro qonuniy nikohda bo'lgan xotin o'z erining telefonini ko'zdan kechirishi mumkinmi?


Umuman olganda, erning telefonidagi so'zlashuvlar, shaxsiy yozishmalar, ijtimoiy tarmoqdagi shaxsiy profil ma'lumotlari - bu o'sha erning shaxsiy hayotini aks ettiruvchi ma'lumotlar hisoblanadi.

Shuningdek Konstitutsiyaning 31-moddasida ham har kim shaxsiy hayot daxlsizligi, shaxsiy sirga ega bo'lish, yozishmalari, telefon orqali so‘zlashuvlari, pochta, elektron va boshqa xabarlari sir saqlanishi huquqiga egaligi belgilanib qo'yilgan.

Bu masalada ko'plab xorijiy
advokat-yuristlar tomonidan bildirilgan huquqiy maslahatlarda ham nikohdagi turmush o'rtoqning bunday xatti-harakati huquqbuzarlik deb topilib, jarimaga sabab bo'lishi haqida xulosaga kelinadi.
1-fikr
2-fikr


❗️Shu holatda ba'zilar aytishi mumkin: "nikoh davrida erning sotib olgan telefoni bu uning shaxsiy mulki bo'lmaydi, Oila Kodeksi 23-moddasiga ko'ra bu telefon er va xotinning umumiy mol-mulki bo'lib, demak bu telefon xotinga ham tegishli hisoblanadi", deb.🧐

Bu holatda bu telefonning shaxsiy yoki umumiy mulk ekanligiga emas, balki telefon ichidagi shaxsiy yozishmalar, shaxsiy hayotni aks ettiruvchi ma'lumotlarga e'tibor qaratish kerak bo'ladi.

❌Shu sababli ham garchi er-xotin o'zaro qonuniy nikohda bo'lishsa ham, ushbu nikoh - er-xotinning bir-biriga tegishli shaxsiy telefon yozishmalari, xabarlariga ruxsatsiz kirish uchun imtiyozni bermaydi.

⚠️ Darvoqe, agar yuqoridagi ushbu qoida buzilib, telefondagi shaxsiy yozishma, xabarlar uning egasining roziligisiz yig'ilganda yoki tarqatilganda, MJTK 46`1-moddasiga muvofiq ma'muriy javobgarlik keltirib chiqaradi.


@huquqlabaratoriyasi

Шайхонтоҳур тумани Нурафшон кўчасида рул бошқарувини йўқотиб, бетон устунга урилиши натижасида содир бўлган ЙТХда Спарк автомобили хайдовчиси 2005 йилда туғилган Б.Б вафот этган. Йўловчи сифатида кетаётган А.Жга эса биринчи тиббий ёрдам кўрсатилганлиги айтилмоқда.

Ҳолат юзасидан жиноят кодексининг 266-моддаси 2-қисми билан жиноят иши қўзғатилган.

👉 @bahodirahmedoff

Қибрайдан Бўстонлиққача бўлган йўлнинг ёқаларида минглаб ясень, чинор, акация, айлант ва қайрағоч кўчатлари "ободонлаштириб" ташлангани айтилмоқда

👉@bahodirahmedoff👈

📢 Buxgalteriya xizmatlariga ehtiyoj bormi? Ishonchli hamkor izlayapsizmi?

Buxgalteriya xizmati — ishonchli va professional buxgalteriya markazi!

💼 Xizmatlar:
✅ Hisobotlar o‘z vaqtida topshiriladi
✅ 1C, soliq, statistika, — hammasi bizda nazoratda
✅ Firma ochish, yopish, o‘zgarishlar kiritish
✅ buxgalteriya hisobini markazga topshiring, siz esa faqat biznesingizni rivojlantiring!

📌 Nega aynan bu markaz?
✔️ Tajribali mutaxassislar
✔️ O‘z vaqtida va xatosiz xizmat
✔️ Ishbilarmonlik madaniyati va halollik

🚀 Markaz bilan:
🔒 Xatolar yo‘q
📅 Jarimalar yo‘q
🧠 Asab buzilishi yo‘q
Faqat aniq va professional xizmat!

📞 Aloqa: +998906040353
+998934444871

⚡️Онлайн "қул бозорлар"

Замонавий онлайн "қул бозорлари" қандай ишлайди? Жиноятчи жабрланувчиларнинг ишончига қандай йўллар билан кирмоқда? Хорижда одам савдоси жабрланувчиси бўлганларга қай тартибда ёрдам берилади? Нима сабабдан ёлғон мурожаатлар кўпайиб қолган? “Аёллар кўрсин”нинг навбатдаги сонида долзарб мавзунинг ҳуқуқий томонлари муҳокама қилинди.

Тўлиқ видео👉🏻https://youtu.be/LLi1wJOBt4c

Табиат ўзи ўтказадиган тадқиқотлар

Ҳа, шундай нарса бор. Фанда кўп учрайди. Ўзи умуман иқтисодиёт соҳасида бу ҳолат кўп учрайди.

Биздаги иқтисодий тадқиқотлар медиага унча чиқавермайди, чиқса ҳам кўпинча мемга айланиб кетади.

Лекин реал, керакли тадқиқотлар ҳам бор. Улар ҳақида шу ерда батафсил тинглашингиз мумкин:

https://youtu.be/K0wmPBzwB2c?si=gIFCmtx9YAHvymSf