SAMARQANDGA CHORLOV
(Qasida)

Samarqandga tashrif buyuring,
Bu yurt elin faxri – Samarqand!
Allomalar, alplar beshigi,
Daholarning shahri – Samarqand!

Samarqandga siz ham bir keling,
Ertak shahar gulxonasidek.
Qad rostlagan ko‘rkam binolar,
Firdavs bog‘in koshonasidek.

Samarqandga siz ham keling do‘st,
Tong quyoshni quchganday roviy.
Registon va Bibixonimning
Gumbazlari tovlanar moviy.

Yangi Samarqandning mehvari.
Buyuk Sohibqiron kishvari,
G‘arb-u Sharqqa yuz tutib porlar,
Registondek, bir shoh asari.

Dorilfunun xiyobonida,
Yangi baxtlar bitib turadi.
Amir Temurning mavzoleyi,
Sizga sharaf tutib turadi.

Qatorlashar katta-yu kichik,
Yosh avlodning g‘alabalari.
Bir-biridan o‘zar shaharning
Bitiruvchi talabalari.

Yana kunlar quvar bir-birin,
Yana bog‘lar ifor sochadi.
Samarqandda yoshlar birma-bir,
Omad eshiklarin ochadi.

Samarqandga tashrif buyuring,
Jonli san’at dastalarini.
Ob-u meva, shirmoy non bezar,
Bozorlarin rastalarini.

Samarqandga tashrif buyuring,
Bayrog‘ida do‘stlikning tug‘i!
Istirohat bog‘ida kezar,
Bobo Jomiy, Navoiy ruhi.

Tun-kechalar chiroqlarida,
Qamashadi ko‘zingiz bahri.
Ajabsinib boqasiz ba’zan,
Sehrgardek, Samarqand shahri?

Bu shaharga siz bir keling, do‘st!
Bahra olib neki ahli din!
Afrosiyobdan turib ko‘ring,
Siz Hazrati Xizr masjidin!

To‘rt tarafda sayyohlar bazmi,
“Bu ne farah!”- deya yuradi.
Dunyoning bor kitobot ahlin,
Shohi Zinda chorlab turadi.

Sakkiz quloch tobutin bo‘yi,
Payg‘ambarning dahmasi shunda.
Cho‘ponota qirlarin quchib,
Hoja Doniyor yotar bunda.

Bir ko‘ray deb orzu qilsangiz,
Haj yo umra tavofin agar.
Samarqandni ziyorat eting,
Madinadan keyingi shahar.

Unda mangu ruhlar sinoti,
Hayratlarga solar dunyoni.
Al Buxoriy maqbarasida,
Yotar hadis ilmin sultoni!

Firdavs bog‘in andozasi bor,
Samarqand bu - ilm ustuni.
Buxoriyni ziyorat qilib,
Ikkinchi Haj deyishar uni.

Motirudiy va Dahbediylar,
Muhabbatin dilga jo qilib.
Bu xalq surib yashar ko‘zga yurt,
Tuprog‘ini to‘tiyo qilib.

Qancha ulug‘ olimlar bunda,
Ma’rifatni “nur” deb atagan.
Ham Ulug‘bek, Observatoriya
Usturlobin ko‘kka qadagan.

Qora suvning shuhratiga chin,
Boqiy shahar bo‘ylashar baland.
To‘rt tarafni tutib dovrug‘i,
Qad rostladi yangi Samarqand!

Bu shaharda sizni rom etar,
O‘tmish bilan bugun hayrati.
Tarix bilan yuzma-yuz turar,
Zamonaviy shahar suhbati.

Havo yo‘li kutib-kuzatar,
Sharq-u g‘arbning bo‘lib ogohi.
Bag‘ri ochiq dunyoga boqar,
Shakli kitob, tayyoragohi!

Kunduzlari nurli, charog‘on,
Yashil bog‘lar mehrini sochar.
Yurt tinchligin so‘rab bunda el,
Shukronaga kaftini ochar.

Bu el qalbi yorug‘, mehmondo‘st,
Ayamaydi umri – jonini.
Gar kelsangiz ikrom etadi,
Qaymog‘i-yu shirmoy nonini!

Samarqandga tashrif buyuring,
U dunyoning olmos, gavhari!
Jondek sevar tashrifingizni,
U do‘stlikning oltin mehvari!

Samarqandga tashrif buyuring,
Daryosi zar, durlar bahridir.
Boshingizda farishtalar shod,
Poyingizda nurlar shahridir!..

Jumagul Suvonova
Samarqand davlat universiteti dotsenti,
O‘zbekiston Yozuvchilar uyushmasi a’zosi.

✅ Ijtimoiy tarmoqlardagi sahifalarimiz:

🌐  Samarqandim.uz | ✅ Telegram | 🌐 Instagram | ✅ Facebook | 📹 You tube61567522790562" target="_blank" rel="nofollow">

⚡️⚡️⚡️⚡️

⚡️Samarqand davlat universitetiga talabalikka qabul qilingan yigit-qizlar diqqatiga!

?</i>? Samarqand davlat universitetiga talabalikka tavsiya etilganlar quyidagi hujjatlarni taqdim etishlari lozim:

1⃣ Rektor nomiga ariza;
2⃣ Pasport nusxasi (asli ko‘rsatilgan holda) 2 dona;
3⃣ Diplom yoki attestat (ilovasi bilan birga) asl nusxasi;
4⃣ Til bilish darajasini tasdiqlovchi sertifikat asli (mavjud bo‘lsa);
5⃣ Fotosurat (3,5×4,5) 12 dona;
6⃣ Hujjatlar yig‘ma jildi;
7⃣ Konvert (A5) 1 dona;
8⃣ Imtiyoz asosida talabalikka tavsiya etilganlar uchun (imtiyoz beruvchi hujjatning asli, mavjud bo‘lsa);
9⃣ Shaxsiy varaqa;
1⃣0⃣ O’zi haqida ma’lumotnoma;
1⃣1⃣ Papka yuzi;
1⃣2⃣ Qayd varaqasi;
1⃣3⃣ Javoblar varaqasi;
1⃣4⃣ Abituriyent ruxsatnomasi.

☎️Qo‘shimcha ma’lumotlar uchun universitet qabul komissiyasining quyidagi telefon raqamlariga murojaat qilishingizni soʻraymiz:

+99866-239-13-78
+99866-239-18-92
+99866-239-15-59

✅ Ijtimoiy tarmoqlardagi s<i>ahifalarimiz:

Samdu.uz | Telegram | Instagram | Facebook | You tube</i></rong>>blank" rel="nofollow">i</strong>>"i>" target="_blank" rel="nofollow">i>>