ကယားပြည်နယ်ဝန်ကြီးချုပ် ဦးဇော်မျိုးတင် လွိုင်ကော်မြို့၊ နမ့်ကွတ်ရပ်ကွက်နေ ပြည်သူများသို့ MEVM အသိပညာပေးခြင်းနှင့် စမ်းသပ်မဲပေးခြင်း ဆောင်ရွက်မှုအား ကြည့်ရှုအားပေး

နေပြည်တော်ကောင်စီဥက္ကဋ္ဌ ဦးသန်းထွန်းဦး နေပြည်တော်ကောင်စီ ဒေသဆိုင်ရာ ခရီးသွားလုပ်ငန်းကော်မတီ အစည်းအဝေးသို့ တက်ရောက်

ချေင်းဦးမြို့နယ်၊ မုံရွာ-စစ်ကိုင်းသွား ကားလမ်းမပေါ်၌ အရပ်သားပြည်သူများ စီးနင်းလိုက်ပါလာသည့် ခရီးသည်တင်မော်တော်ယာဉ် (၁)စီးအား PDF အမည်ခံ အကြမ်းဖက်သမားများက လက်နက်ငယ်များဖြင့် ပစ်ခတ်တိုက်ခိုက်ခဲ့သဖြင့် ယာဉ်မောင်း(၁)ဦး သေဆုံးပြီး ခရီးသွားပြည်သူ(၁)ဦး ထိခိုက်ဒဏ်ရာရရှိ

ကာကွယ်ရေးဦးစီးချုပ်(ရေ)ဗိုလ်ချုပ်ကြီး ထိန်ဝင်း မလေးရှားနိုင်ငံတွင် ကျင်းပခဲ့သည့် (၁၉)ကြိမ်မြောက် အာဆီယံရေတပ်ဦးစီးချုပ်များ အစည်းအဝေးသို့ တက်ရောက်

နောင်ချိုမြို့နယ်၊ ပြည်သူ့ဆေးရုံကြီး၌ ဒေသခံ တိုင်းရင်းသားပြည်သူများအား ကျန်းမာရေးစောင့်ရှောက်မှု လုပ်ငန်းများ ဆက်လက် ဆောင်ရွက်ပေးလျက်ရှိ

၂၀၂၅ ခုနှစ် တက္ကသိုလ်ဝင်စာမေးပွဲ အောင်မြင်သူများ တက္ကသိုလ်ဝင်ခွင့် လျှောက်ထားရန် ကြေညာချက် ထုတ်ပြန် (စက်တင်ဘာ ၂ ရက်မှ စက်တင်ဘာ ၁၉ ရက်နေ့အထိ ပိတ်ရက်မရှိ ကိုယ်တိုင်ထုတ်ယူနိုင်)

အားကစားနှင့်လူငယ်ရေးရာဝန်ကြီးဌာနနှင့် ဟိုတယ်နှင့်ခရီးသွားလာရေးဝန်ကြီးဌာန၊ ပြည်ထောင်စုဝန်ကြီး Jeng Phang နော်တောင် လုပ်ငန်း ယာယီရပ်ဆိုင်းထားသည့် နိုင်ငံခြားရင်းနှီးမြှုပ်နှံမှု ဟိုတယ်များနှင့် ဖက်စပ်ဟိုတယ်များ၊ ပုဂ္ဂလိကဟိုတယ်များအား ခရီးသွားရာသီအမီ အမြန်ပြန်လည် ဖွင့်လှစ်လုပ်ကိုင်နိုင်ရေးနှင့် စပ်လျဉ်းသော ညှိနှိုင်းအစည်းအဝေးသို့ တက်ရောက်

ကျန်းမာရေးဝန်ကြီးဌာန၊ ပြည်ထောင်စုဝန်ကြီး ပါမောက္ခဒေါက်တာသက်ခိုင်ဝင်း ဗဟိုအမျိုးသမီးဆေးရုံကြီး(ရန်ကုန်) ၏ ဆေးကုသရေးလုပ်ငန်းများအား လှည့်လည်ကြည့်ရှု

အလုပ်သမားဝန်ကြီးဌာန၊ ပြည်ထောင်စုဝန်ကြီး ဦးအောင်ကျော်ဟိုး အလုပ်သမားဆေးရုံ (ထန်းတပင်)တွင် အာမခံအလုပ်သမားများအား ကျန်းမာရေးစောင့်ရှောက် ပေးမှုအား ကြည့်ရှုအားပေး၍ ရွှေလင်ပန်းစက်မှုဇုန်ရှိ စက်ရုံများအား ကြည့်ရှုစစ်ဆေး

စက်မှုဝန်ကြီးဌာန၊ ပြည်ထောင်စုဝန်ကြီး ဒေါက်တာချာလီသန်း ဘွိုင်လာကိုင်တွယ် ထိန်းသိမ်းသူများသင်တန်း အမှတ်စဉ်(၂/၂၀၂၅) သင်တန်းဆင်းပွဲ အခမ်းအနားသို့ တက်ရောက်

ဥပဒေရေးရာဝန်ကြီးဌာန၊ ပြည်ထောင်စုဝန်ကြီးနှင့် ပြည်ထောင်စုရှေ့နေချုပ် ဒေါက်တာသီတာဦး ရုရှားဘာသာစကား ဒီပလိုမာအောင်လက်မှတ် ချီးမြှင့်ခြင်းနှင့် ရုရှားဘာသာ စကားစွမ်းရည်ပြပွဲ အခမ်းအနားသို့ တက်ရောက်

ဘဏ္ဍာရေးနှင့်အခွန်ဝန်ကြီးဌာန၊ ပြည်ထောင်စုဝန်ကြီး ဒေါက်တာကံဇော်၊ စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ ပြည်ထောင်စုဝန်ကြီး ဦးချစ်ဆွေ အပြည်ပြည်ဆိုင်ရာ ဆိပ်ကမ်း အကောက်ခွန်လုပ်ငန်း ဆောင်ရွက်နေမှုများအား ကြည့်ရှုစစ်ဆေး

စိုက်ပျိုးရေး၊ မွေးမြူရေးနှင့်ဆည်မြောင်းဝန်ကြီးဌာန၊ ဒုတိယဝန်ကြီး ဦးဗိုလ်ဗိုလ်ကျော် ပုဗ္ဗသီရိမြို့နယ်နှင့် ဇေယျာသီရိမြို့နယ် နွေ၊ မိုး၊ ဆောင်း ရာသီပြည့် သီးနှံစိုက်ပျိုးနိုင်ရေး ကွင်းဆင်းဆောင်ရွက်

ပြန်ကြားရေးဝန်ကြီးဌာန၊ ဒုတိယဝန်ကြီး ဦးရဲတင့် (၃၁)ကြိမ်မြောက် ပခုက္ကူစာပေ တစ်သက်တာဆု၊ ပခုက္ကူစာပေဆု၊ စာကြည့်တိုက်စာအုပ်ဆုနှင့် ပညာရည်ချွန်ဆုများ ချီးမြှင့်ပွဲသို့တက်ရောက်

ဧရာဝတီတိုင်းဒေသကြီးဝန်ကြီးချုပ် ဦးတင်မောင်ဝင်း ဓနုဖြူမြို့တွင်ကျင်းပသည့် စာကြည့်တိုက်များ ဖွံ့ဖြိုးတိုးတက်ရေးနှင့် စာဖတ်ရှိန်မြှင့်တင်ရေးပွဲတော် ဖွင့်ပွဲအခမ်းအနားသို့ တက်ရောက်၊ ၂၀၂၅-၂၀၂၆ ခုနှစ် မိုးစပါး ပန်းတိုင်အထွက်နှုန်းရရှိရေး ဓာတ်မြေဩဇာ စုပေါင်းကြဲပက်ပွဲသို့ တက်ရောက်အားပေး၊ ဓနုဖြူခံတပ်ဟောင်းနှင့် သာသနာရေးနှင့်ယဉ်ကျေးမှု ဝန်ကြီးဌာနက ရှေးဟောင်းအဆောက်အအုံအဖြစ် သတ်မှတ်ထားသည့် နှစ်ပေါင်း(၁၀၀)နှင့်အထက် သက်တမ်းရှိ အဆောက်အအုံများအား လှည့်လည်ကြည့်ရှုစစ်ဆေး၊ ကျုံပျော်ခရိုင် စုပေါင်းရုံးတွင် ပြုလုပ်သည့် တွေ့ဆုံပွဲသို့ တက်ရောက်၊ အကြမ်းဖက်ဖြစ်စဉ်များကြောင့် ယာယီနေရပ်စွန့်ခွာ ပြည်သူများအား အမျိုးသားသဘာဝဘေး အန္တရာယ်ဆိုင်ရာ စီမံခန့်ခွဲမှုရန်ပုံငွေမှ ထောက်ပံ့ပေးအပ်ခြင်း အခမ်းအနားသို့ တက်ရောက်၊ ၂၀၂၅ ခုနှစ် ဧရာဝတီတိုင်းဒေသကြီး ဝန်ကြီးချုပ်ဖလား ခရိုင်ပေါင်းစုံ အမျိုးသားရိုးရာ ခြင်းလုံးပြိုင်ပွဲ ဆုချီးမြှင့်ပွဲအခမ်းအနားသို့ တက်ရောက်

ရန်ကုန်တိုင်းဒေသကြီးဝန်ကြီးချုပ် ဦးစိုးသိန်း ဒဂုံမြို့သစ်(ဆိပ်ကမ်း)မြို့နယ်၏ ဒေသဖွံ့ဖြိုးတိုးတက်မှု အခြေအနေများအား ကွင်းဆင်းကြည့်ရှုစစ်ဆေး

ရခိုင်ပြည်နယ်ဝန်ကြီးချုပ် ဦးထိန်လင်း ယာယီနေရပ်စွန့်ခွာစုရပ် (၅၄)ခုရှိ တည်ဆောက်ရေး လုပ်ငန်းများ ပြီးစီးမှုနှင့်ပတ်သက်၍ ညှိနှိုင်းအစည်းအဝေးသို့ တက်ရောက်

မွန်ပြည်နယ်ဝန်ကြီးချုပ် ဦးအောင်ကြည်သိန်း ၂၀၂၅ ခုနှစ်၊ အမျိုးသမီး ကိုယ်ကာယကြံ့ခိုင်မှု လေ့ကျင့်ခန်း(အေရိုးဗစ်) ပြိုင်ပွဲ ဆုပေးပွဲအခမ်းအနား၊ (၁၄၀)ကြိမ်မြောက် ဆေးပဋ္ဌာန်းလှူဒါန်းပွဲ မင်္ဂလာအခမ်းအနားနှင့် မော်လမြိုင်ဒေသ စီးပွားရေးဖွံ့ဖြိုးတိုးတက်မှု အလုပ်ရုံဆွေးနွေးပွဲ အခမ်းအနားသို့ တက်ရောက်

မန္တလေးတိုင်းဒေသကြီးဝန်ကြီးချုပ် ဦးမျိုးအောင် မန္တလေးတိုင်းဒေသကြီး လယ်ယာမြေနှင့် အခြားမြေများ သိမ်းဆည်းခြင်းခံရမှုများ ပြန်လည်စိစစ်ရေးကော်မတီ (၄/၂၀၂၅) လုပ်ငန်းညှိနှိုင်း အစည်းအဝေးသို့ တက်ရောက်၊ ၂၀၂၅ ခုနှစ် အာဟာရဖွံ့ဖြိုးရေး ရက်သတ္တပတ်များ အထိမ်းအမှတ် မန္တလေးတိုင်းဒေသကြီးအဆင့် အာဟာရဖွံ့ဖြိုးရေး ရက်သတ္တပတ်လှုပ်ရှားမှု တန်ဖိုးသင့် အာဟာရချက်ပြုတ်ပြိုင်ပွဲ အခမ်းအနားသို့ တက်ရောက်

မကွေးတိုင်းဒေသကြီးဝန်ကြီးချုပ် ဦးတင့်လွင် တိုင်းဒေသကြီးအတွင်း စိုက်ပျိုးစွမ်းအား မြှင့်တင်ရေး လုပ်ငန်းညှိနှိုင်းအစည်းအဝေး (၁၁/၂၀၂၅)သို့ တက်ရောက်

ပဲခူးတိုင်းဒေသကြီးဝန်ကြီးချုပ် ဦးမျိုးဆွေဝင်း (၃၃)ကြိမ်မြောက် လစဉ် အငြိမ်းစားနိုင်ငံ့ဝန်ထမ်းများ ကျန်းမာရေးစောင့်ရှောက်မှု ဆောင်ရွက်ပေးနေမှုနှင့် ဒူးရင်းသီးနှံစိုက်ပျိုး ထုတ်လုပ်မှု ဖွံ့ဖြိုးတိုးတက်ရေးနှင့် ပြည်ပပို့ကုန်တင်ပို့နိုင်ရေး အလုပ်ရုံဆွေးနွေးပွဲသို့ တက်ရောက်၊ ပဲခူးတိုင်းဒေသကြီး အမျိုးသမီးအားကစားအဖွဲ့ နာယကဖလား မြို့နယ်ပေါင်းစုံ အမျိုးသမီးကိုယ်ကာယကြံ့ခိုင်မှု လေ့ကျင့်ခန်း(အေရိုးဗစ်) ပြိုင်ပွဲ ဗိုလ်လုပွဲနှင့် ဆုချီးမြှင့်ပွဲ အခမ်းအနားသို့ တက်ရောက်

စစ်ကိုင်းတိုင်းဒေသကြီးဝန်ကြီးချုပ် ဦးမြတ်ကျော် မုံရွာမြို့ လယ်တီရပ်ကွက်ရှိ လယ်တီရေကန်၊ အောင်ချမ်းသာရပ်ကွက်ရှိ လွတ်လပ်ရေးရင်ပြင်မုခ်ဦးနှင့် ပြည်ထောင်စုရင်ပြင် မုခ်ဦးဖွင့်ပွဲ အခမ်းအနား၊ တိုင်းဒေသကြီးဒေသဆိုင်ရာ ခရီးသွားလုပ်ငန်းကော်မတီ (၇/၂၀၂၅) အစည်းအဝေးနှင့် တိုင်းဒေသကြီးအတွင်းရှိ အငြိမ်းစားဝန်ထမ်းများအား ကျန်းမာရေးစစ်ဆေးပေးခြင်းနှင့် အခြေခံစားသောက်ကုန်များ ပေးအပ်ခြင်း အခမ်းအနားများသို့ တက်ရောက်

ချင်းပြည်နယ်ဝန်ကြီးချုပ် ဒေါက်တာဝုန်ဆွန်းထန် ၂၀၂၆-၂၀၂၇ ဘဏ္ဍာရေးနှစ် အဆိုပြုလုပ်ငန်းစီမံကိန်းများ လျာထားနိုင်ရေး လုပ်ငန်းညှိနှိုင်းအစည်းအဝေး (၄/၂၀၂၅)သို့ တက်ရောက်

ကရင်ပြည်နယ်ဝန်ကြီးချုပ် ဦးစောမြင့်ဦး စက်မှုကဏ္ဍဖွံ့ဖြိုးတိုးတက်ရေး ဘားအံစက်မှုဇုန်ရှိ စက်ရုံအလုပ်ရုံများအား ကြည့်ရှုစစ်ဆေး

ကချင်ပြည်နယ်ဝန်ကြီးချုပ်ဦးခက်ထိန်နန် ဗန်းမော်မြို့နယ် ရွေးကောက်ပွဲကော်မရှင် အဖွဲ့ခွဲက ဗန်းမော်ခရိုင်အတွင်းရှိ ဝန်ထမ်းများအတွက် ဖွင့်လှစ်ပေးသည့် မဲပေးစက်ကိုင်တွယ် အသုံးပြုနည်းသင်တန်း ဖွင့်ပွဲသို့တက်ရောက်

ရန်ကုန်မြို့၌ မြန်မာ့အနာဂတ်မျက်နှာစာ လူငယ်မဟာဗျူဟာဖိုရမ်-၂၀၂၅ ကျင်းပမည်

နေပြည်တော် ဩဂုတ် ၂၂

ပြောင်းလဲနေသော ကမ္ဘာကြီးတွင် မျိုးဆက်သစ်လူငယ်များ တက်ကြွစွာပါဝင်နိုင်ရေး ကြိုတင်ပြင်ဆင်သည့်အနေဖြင့် မြန်မာ့အနာဂတ်မျက်နှာစာ လူငယ်မဟာဗျူဟာဖိုရမ်-၂၀၂၅ (Future Front Myanmar : Youth Strategy Forum -2025) ကို ရန်ကုန်မြို့ရှိ မြန်မာကွန်ဗင်းရှင်းစင်တာ (MCC) တွင် ဩဂုတ် ၃၀ ရက်မှ စက်တင်ဘာ ၁ ရက်ထိ သုံးရက်တာ ကျင်းပသွားမည်ဖြစ်သည်။

ပြန်ကြားရေးဝန်ကြီးဌာန၊ အားကစားနှင့်လူငယ်ရေးရာဝန်ကြီးဌာန၊ ရန်ကုန်တိုင်းဒေသကြီးအစိုးရအဖွဲ့နှင့် မြန်မာ့ပုံရိပ်ဖော်ညွှန်းရေးအဖွဲ့ (Myanmar Narrative Think Tank)တို့ ပူးပေါင်း ကျင်းပမည့် အဆိုပါလူငယ်မဟာဗျူဟာဖိုရမ်ကို နိုင်ငံတကာရေးရာ၊ ပထဝီနိုင်ငံရေးနှင့် အမျိုးသား မဟာဗျူဟာနှင့်ပတ်သက်သည့် အခြေခံဗဟုသုတများ ရရှိစေရန်၊ လူငယ်များအကြား ခေါင်းဆောင်မှု၊ စူးစမ်းစဉ်းစားနိုင်မှုနှင့် ဆက်သွယ်ရေးကျွမ်းကျင်မှုအရည်အချင်းများ မြှင့်တင်ရန်၊ အပြန်အလှန် ဆွေးနွေးပြောဆိုမှုများမှတစ်ဆင့် ပူးပေါင်းဆောင်ရွက်မှု၊ ဆွေးနွေးနှီးနှောမှုနှင့် ပြည်သူ့နီတိ ထိတွေ့ဆက်ဆံမှုများ တိုးမြှင့်ရန်၊ လူငယ်များ မြန်မာနိုင်ငံဖွံ့ဖြိုးတိုးတက်ရေးအတွက် အနာဂတ်လမ်းကြောင်းများကို ရှုမြင်အဆိုပြုနိုင်စွမ်းမြှင့်တင်ရန်နှင့် အနာဂတ်တွင် အမျိုးသားအဆင့်နှင့် ဒေသဆိုင်ရာအဆင့်လုပ်ငန်းအစီအစဉ်များအတွက် တက်ကြွသည့် ဖိုရမ်ဆင်း လူငယ်ကွန်ရက်ကို ဖန်တီးပေးရန် ရည်ရွယ်၍ ကျင်းပခြင်းဖြစ်ကြောင်း သိရသည်။

အဆိုပါဖိုရမ်တွင် အိန္ဒိယနိုင်ငံမှ မဟာဗျူဟာရေးရာ လေ့လာသုံးသပ်သူ Mr. Atul Aneja က ပြောင်းလဲနေသောကမ္ဘာနှင့် မြန်မာ-ပထဝီနိုင်ငံရေး ခေါင်းစဉ်ဖြင့်လည်းကောင်း၊ မြန်မာ၊ ပထဝီနိုင်ငံရေးနှင့် ဗဟုဝင်ရိုးကမ္ဘာခေါင်းစဉ်ဖြင့်လည်းကောင်း၊ ဆွစ်ဇာလန်နိုင်ငံ SUPDI ၊ Distance Private University မှ တွဲဖက်ပါမောက္ခ Mr. Lorenzo Maria Pacini က ပြောင်းလဲနေသောကမ္ဘာနှင့် မြန်မာ-ပထဝီနိုင်ငံရေးခေါင်းစဉ်ဖြင့်လည်းကောင်း၊ မြန်မာ၊ စီးပွားရေးနှင့် ဗဟုဝင်ရိုးကမ္ဘာခေါင်းစဉ်ဖြင့်လည်းကောင်း ဆွေးနွေးကြမည်ဖြစ်သည်။

ထို့အပြင် ဖိုရမ်သို့တက်ရောက်ကြမည့် လူငယ်များ၏ အနာဂတ်မြန်မာနိုင်ငံအတွက် ရှုမျှော်မှု (Icebreaker Activity) ပုံစံ၊ ကမ္ဘာ့ကဖေးဆွေးနွေးပွဲ (World Café) ပုံစံ၊ လန်းဆန်းနှိုးထဉာဏ်စမ်း (Energizer Quiz) ပုံစံ၊ အဖွဲ့အလိုက်ဆွေးနွေးပွဲ(Team Workshop) ပုံစံများဖြင့် ဆွေးနွေးကြမည် ဖြစ်ပြီး နိုင်ငံတစ်ဝန်းရှိ တိုင်းဒေသကြီးနှင့် ပြည်နယ်အသီးသီးမှ လူငယ်များ ပါဝင်တက်ရောက်ကြမည်ဖြစ်ကြောင်း၊ ဖိုရမ်နောက်ဆုံးရက်တွင် လူငယ်များ၏ ဆွေးနွေးပွဲရလဒ်များကို ကြေညာချက်စာတမ်းတစ်ရပ် ထုတ်ပြန်သွားမည်ဖြစ်ကြောင်း သတင်းရရှိသည်။

သတင်းစဉ်

https://t.me/iprdrnd/169267

MOI News Application အား အောက်ပါ link တွင် Download ပြုလုပ်နိုင်ပါသည်-

For Andriod
https://shorturl.at/55fIn

For IOS
https://rb.gy/vgdhqc

Subscribe to Myanmar Newspaper
https://t.me/myanmarnewspaper

Subscribe to The Global New Light of Myanmar
https://t.me/gnlmon

Subscribe to MOI
https://t.me/iprdrnd

ရန်ကုန်မြို့၌ မြန်မာ့အနာဂတ်မျက်နှာစာ လူငယ်မဟာဗျူဟာဖိုရမ်-၂၀၂၅ ကျင်းပမည်

မွန်ပြည်နယ်ဝန်ကြီးချုပ် ဦးအောင်ကြည်သိန်း ၂ဝ၂၅ ခုနှစ်၊ အာဟာရဖွံ့ဖြိုးရေးရက်သတ္တပတ်များ ပြည်နယ်အဆင့်အထိမ်းအမှတ်အခမ်းအနား တက်ရောက်

မော်လမြိုင် ဩဂုတ် ၂၂

၂၀၂၅ ခုနှစ် အာဟာရဖွံ့ဖြိုးရေးရက်သတ္တပတ်များ ပြည်နယ်အဆင့် အထိမ်းအမှတ်အခမ်းအနားကို ယမန်နေ့နံနက်ပိုင်းက မော်လမြိုင်မြို့ ပြည်နယ်ခန်းမ၌ကျင်းပရာ မွန်ပြည်နယ်ဝန်ကြီးချုပ် ဦး‌အောင်ကြည်သိန်း၊ ပြည်နယ်တရားလွှတ်တော်တရားသူကြီးချုပ်၊ ပြည်နယ် အစိုးရအဖွဲ့ဝင်ဝန်ကြီးများ၊ ဌာနဆိုင်ရာတာဝန်ရှိသူများနှင့် ပြည်နယ်မိခင်နှင့်ကလေးစောင့်ရှောက်မှုကြီးကြပ်ရေးအဖွဲ့မှ တာဝန်ရှိသူများ၊ ပြည်နယ်အမျိုးသမီးရေးရာအဖွဲ့ဝင်များနှင့် ဖိတ်ကြားထားသည့် ဧည့်သည်တော်များ တက်ရောက်ကြသည်။

ဦးစွာ ပြည်နယ်ဝန်ကြီးချုပ် ဦးအောင်ကြည်သိန်းက လူတိုင်းသက်ရှည်ကျန်းမာပြီး ရောဂါဘယကင်းရှင်းစေရန် ပြည်သူအားလုံး အာဟာရပြည့်ဝမျှတဖို့က အဓိကအခြေခံအကျဆုံး လိုအပ်ချက်တစ်ခုဖြစ်ကြောင်း၊ မြန်မာနိုင်ငံမှာ အာဟာရစောင့်ရှောက်မှုလုပ်ငန်းများကို (၁၉၅၄) ခုနှစ်ကတည်းက စတင်ဆောင်ရွက်ခဲ့တာ အခုဆိုရင် နှစ်ပေါင်း (၇၀)ကျော်ခဲ့ပြီဖြစ်ကြေင်း၊ ကမ္ဘာ့ကျန်းမာရေးအဖွဲ့၊ ကုလသမဂ္ဂကလေးများ ရန်ပုံငွေအဖွဲ့တို့နှင့်ပူးပေါင်းပြီး အာဟာရဖွံ့ဖြိုးရေးရက်သတ္တပတ်လှုပ်ရှားမှုများကို (၂၀၀၃)ခုနှစ်ကစ၍ အကောင်အထည်ဖော်ဆောင်ရွက်ခဲ့တာ ယခုဆိုရင် (၂၂)နှစ်တိုင်ရှိပြီဖြစ်ကြောင်း၊ ကမ္ဘာ့ကျန်းမာရေးအဖွဲ့(WHO)၏ “ကလေးများအနာဂတ်လှပဖို့၊ မိခင်နို့ချိုတိုက်ကျွေးလို့၊ ရင်းနှီးမြှုပ်နှံကြပါစို့” ဆိုပြီး ဆောင်ပုဒ်အဖြစ် သတ်မှတ်ထားပါကြောင်း၊ ပြည်သူများ ဘဝတစ်လျှောက်လုံး အာဟာရပြည့်ဝမျှတအောင် နေထိုင်စားသောက်တတ်ပြီး အနာရောဂါကင်းရှင်းကာ နိုင်ငံ၏ဖွံ့ဖြိုးတိုးတက်မှုကိုတိုင်းတာသည့် မိခင်နှင့်ကလေးသေနှုန်းများကျဆင်းစေရေး၊ အာဟာရပြည့်ဝပြီး ကာယနှင့်ဉာဏဖွံ့ဖြိုးသည့် မျိုးဆက်သစ်လူငယ်များ ပေါ်ထွက်လာစေရေး၊ ကလေးများ၏အနာဂတ်မှာ ကျန်းမာဖွံ့ဖြိုးသာယာစေရေးအတွက် အခြေခံကျပြီး အရေးပါသည့် အာဟာရဖွံ့ဖြိုးရေးလုပ်ငန်းများကို အရှိန်အဟုန်မြှင့်တင်ပြီး အားလုံးပူးပေါင်း ရင်းနှီးမြှုပ်နှံဆောင်ရွက်ပေးကြရန် အလေးအနက် တိုက်တွန်းပြောကြားသည်။

ထို့နောက် ၂၀၂၅ ခုနှစ် အာဟာရဖွံ့ဖြိုးရေး ရက်သတ္တပတ်အထိမ်းအမှတ် “ကိုယ်ဝန်ဆောင်ကာလ အာဟာရပြည့်ပြည့်ဝဝစားကြစို့” ဗီဒီယိုအားပြသခဲ့ပြီး ပြည်နယ်အဆင့် မိခင်နို့တိုက်ကျွေးမှု စံပြမိခင်ပြိုင်ပွဲတွင် နှစ်သိမ့်ဆုရရှိခဲ့သည့် နို့တိုက်မိခင်(၂)ဦးအား ပြည်နယ်မိခင်နှင့်ကလေးစောင့်ရှောက်မှုကြီးကြပ်ရေးအဖွဲ့ တာဝန်ရှိသူက ဂုဏ်ပြုချီးမြှင့်ငွေများ ပေးအပ်ခဲ့သည်။

ယင်းနောက် ပြည်နယ်အဆင့် မိခင်နို့တိုက်ကျွေးမှု စံပြမိခင်ပြိုင်ပွဲတွင် ပထမဆု၊ ဒုတိယဆု၊ တတိယဆုရရှိခဲ့သည့် နို့တိုက်မိခင်များအား ပြည်နယ်ဝန်ကြီးချုပ် ဦးအောင်ကြည်သိန်းက ဂုဏ်ပြုချီးမြှင့်ငွေများပေးအပ်ခဲ့ပြီး ကိုယ်ဝန်ဆောင်မိခင်များအား အဏုအာဟာရဆေးပြားများနှင့် အာဟာရပစ္စည်းများကိုလည်းကောင်း၊ အသက်(၅)နှစ်အောက်ကလေးများအား အင်အားပြည့် ဗီတာမင်အေဆေးလုံးတိုက်ကျွေးကာ လက်ဆောင်ပစ္စည်းများကိုလည်းကောင်း ပေးအပ်ခဲ့ပြီး ခန်းမအတွင်း ခင်းကျင်းပြသထားသော ၂ဝ၂၅ ခုနှစ်၊ အာဟာရဖွံ့ဖြိုးရေး ရက်သတ္တပတ်များ ပြည်နယ်အဆင့် အထိမ်းအမှတ်ပြခန်းများအား လှည့်လည်ကြည့်ရှုအားပေးခဲ့သည်။

ဆက်လက်၍ ပြည်နယ်ဝန်ကြီးချုပ်နှင့်အဖွဲ့သည် အမှတ်(၈)အခြေခံပညာအထက်တန်းကျောင်းတွင် KG ကျောင်းသူ‌လေးများအား ကျောင်းတွင်းအာဟာရ ချက်ပြုတ်ကျွေးမွေးနေမှုများကို လှည့်လှည်ကြည့်ရှုအားပေးခဲ့ကြောင်း သိရှိရသည်။

စည်သူ (ပြန်/ဆက်)

https://t.me/iprdrnd/169265

MOI News Application အား အောက်ပါ link တွင် Download ပြုလုပ်နိုင်ပါသည်-

For Andriod
https://shorturl.at/55fIn

For IOS
https://rb.gy/vgdhqc

Subscribe to Myanmar Newspaper
https://t.me/myanmarnewspaper

Subscribe to The Global New Light of Myanmar
https://t.me/gnlmon

Subscribe to MOI
https://t.me/iprdrnd

မွန်ပြည်နယ်ဝန်ကြီးချုပ် ဦးအောင်ကြည်သိန်း ၂ဝ၂၅ ခုနှစ်၊ အာဟာရဖွံ့ဖြိုးရေးရက်သတ္တပတ်များ ပြည်နယ်အဆင့်အထိမ်းအမှတ်အခမ်းအနား တက်ရောက်

မွန်ပြည်နယ်ဝန်ကြီးချုပ် ဦးအောင်ကြည်သိန်း ဝန်ကြီးချုပ်ဖလား (၁၀)မြို့နယ် အမျိုးသမီး ကိုယ်ကာယကြံ့ခိုင်မှုလေ့ကျင့်ခန်း (အေရိုးဗစ်)ပြိုင်ပွဲဖွင့်ပွဲအခမ်းအနား တက်ရောက်

မော်လမြိုင် ဩဂုတ် ၂၂

၂၀၂၅ ခုနှစ် မွန်ပြည်နယ်အစိုးရအဖွဲ့ဝန်ကြီးချုပ်ဖလား (၁၀)မြို့နယ် အမျိုးသမီးကိုယ်ကာယကြံ့ခိုင်မှုလေ့ကျင့်ခန်း (အေရိုးဗစ်)ပြိုင်ပွဲ ဖွင့်ပွဲအခမ်းအနားကို ယမန်နေ့နံနက်ပိုင်းက မော်လမြိုင်မြို့၊ ပြည်နယ်အားကစားခန်းမ၌ ကျင်းပခဲ့သည်။

ဦးစွာ ပြည်နယ်ဝန်ကြီးချုပ် ဦးအောင်ကြည်သိန်းက အမျိုးသမီးကိုယ်ကာယကြံ့ခိုင်မှုလေ့ကျင့်ခန်း (အေရိုးဗစ်)ပြိုင်ပွဲကို မြို့နယ်အဆင့်၊ ခရိုင်အဆင့်မှသည် မွန်ပြည်နယ်လက်ရွေးစင် အမျိုးသမီးအေရိုးဗစ်အားကစားသမားများ ပေါ်ထွက်လာစေပြီး တိုင်းဒေသကြီးနှင့်ပြည်နယ် အမျိုးသမီးကိုယ်ကာယကြံ့ခိုင်မှု လေ့ကျင့်ခန်းပြိုင်ပွဲတွင် မွန်ပြည်နယ်အနေဖြင့် ပါဝင်ယှဉ်ပြိုင်နိုင်ရန်နှင့် အောင်မြင်မှုရရှိစေရန်၊ အမျိုးသမီးအားကစားကဏ္ဍ တိုးတက်မြင့်မားလာရေးအတွက် တာဝန်ရှိသူများအားလုံး ပူးပေါင်းပါဝင်လုပ်ဆောင်ပေးကြရန်၊ ပြည်နယ်ဂုဏ်ကို မြှင့်တင်နိုင်သူများဖြစ်အောင် ကြိုးစားသွားကြရန် တိုက်တွန်းမှာကြားခဲ့သည်။

ထို့နောက် ပြိုင်ပွဲဝင် မြို့နယ်အသင်း (၁၀) သင်းမှ အားကစားသမားများက အားကစားသစ္စာအဓိဌာန်ကို ရွတ်ဆို၍ ကွင်းအတွင်းမှ ပြန်လည်ထွက်ခွာခဲ့ကြပြီး (၁၀)မြို့နယ် ပြိုင်ပွဲဝင်အားကစားသမားများမှ သရုပ်ပြ ကပြဖျော်ဖြေနေမှုတို့ကို ပြည်နယ်ဝန်ကြီးချုပ်နှင့် တာဝန်ရှိသူများက ကြည့်ရှုအားပေးခဲ့ကြပြီး ပြိုင်ပွဲဝင် အားကစားသမားများအား ရင်းရင်းနှီးနှီးလိုက်လံနှုတ်ဆက်ခဲ့ကြောင်း သိရှိရသည်။

စည်သူ (ပြန်/ဆက်)

https://t.me/iprdrnd/169259

MOI News Application အား အောက်ပါ link တွင် Download ပြုလုပ်နိုင်ပါသည်-

For Andriod
https://shorturl.at/55fIn

For IOS
https://rb.gy/vgdhqc

Subscribe to Myanmar Newspaper
https://t.me/myanmarnewspaper

Subscribe to The Global New Light of Myanmar
https://t.me/gnlmon

Subscribe to MOI
https://t.me/iprdrnd

မွန်ပြည်နယ်ဝန်ကြီးချုပ် ဦးအောင်ကြည်သိန်း ဝန်ကြီးချုပ်ဖလား (၁၀)မြို့နယ် အမျိုးသမီး ကိုယ်ကာယကြံ့ခိုင်မှုလေ့ကျင့်ခန်း (အေရိုးဗစ်)ပြိုင်ပွဲဖွင့်ပွဲအခမ်းအနား တက်ရောက်

ဆက်လက်၍ တိုင်းဒေသကြီးဝန်ကြီးချုပ်နှင့် တာဝန်ရှိသူများသည် အဆိုပါခန်းမဝန်း အတွင်း၌ တိုင်းဒေသကြီး စားသုံးသူရေးရာဦးစီးဌာန၊ စည်ပင်သာယာရေးအဖွဲ့နှင့် မြို့နယ်အထွေ ထွေအုပ်ချုပ်ရေးဦးစီးဌာနတို့မှ အငြိမ်းစားဝန်ထမ်းများအား အခြေခံစားသောက်ကုန်များဖြစ်သည့် ဆန်၊ စားသုံးဆီနှင့် ဟင်းသီးဟင်းရွက်များအား ဈေးနှုန်းသက်သာစွာဖြင့် ရောင်းချပေးနေမှုများအား လိုက်လံကြည့်ရှုခဲ့ကြသည်။

အဆိုပါ တိုင်းဒေသကြီးအတွင်းရှိ အငြိမ်းစားဝန်ထမ်းများအား ကျန်းမာရေးစစ်ဆေးပေးခြင်းနှင့် အခြေခံစားသောက်ကုန်များ ပေးအပ်ခြင်းအား တိုင်းဒေသကြီးအစိုးရအဖွဲ့မှ လစဉ် ဆောင်ရွက်ပေးသွားမည်ဖြစ်ကြောင်း သိရသည်။

တိုင်းဒေသကြီး (ပြန်/ဆက်)

https://t.me/iprdrnd/169253

MOI News Application အား အောက်ပါ link တွင် Download ပြုလုပ်နိုင်ပါသည်-

For Andriod
https://shorturl.at/55fIn

For IOS
https://rb.gy/vgdhqc

Subscribe to Myanmar Newspaper
https://t.me/myanmarnewspaper

Subscribe to The Global New Light of Myanmar
https://t.me/gnlmon

Subscribe to MOI
https://t.me/iprdrnd

ယင်းနောက် တိုင်းဒေသကြီး စီးပွားရေးရာဝန်ကြီး ဒေါ်ရီရီသန်း၊ တိုင်းဒေသကြီး သယံဇာ တရေးရာ ဝန်ကြီး ဦးတင်သန်းဝင်း၊ တိုင်းဒေသကြီး စီမံကိန်းရေးဆွဲရေးဦးစီးဌာန ညွှန်ကြားရေး ဦးဝင်းလိူင်၊ တိုင်းဒေသကြီး ရသုံးမှန်းခြေငွေစာရင်းဦးစီးဌာန ညွှန်ကြားရေးမှူး ဒေါ်မြင့်မြင့်ခိုင်တို့က ပြည်ထောင်စုရင်ပြင်မုခ်ဦးအား ဖဲကြိုးဖြတ်ဖွင့်လှစ်ပေးကြသည်။

ထို့နောက် တိုင်းဒေသကြီးဝန်ကြီးချုပ်နှင့် တိုင်းမှူးတို့က ဘင်ခရာ/ပန်းပွားအဖွဲ့များအား ဂုဏ်ပြုချီးမြှင့်ငွေများ ပေးအပ်ချီးမြှင့်ပြီး အဆိုပါမုခ်ဦးရှေ့တွင် တာဝန်ရှိသူများနှင့်အတူ စုပေါင်းမှတ်တမ်းတင် ဓါတ်ပုံရိုက်ကူးခဲ့ကြသည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မွန်းလွဲပိုင်းတွင် တိုင်းဒေသကြီးအစိုးရအဖွဲ့ရုံး အစည်းအဝေးခန်းမတွင် ကျင်းပပြုလုပ်သည့် တိုင်းဒေသကြီး ဒေသဆိုင်ရာ ခရီးသွားလုပ်ငန်းကော်မတီ (၇/၂၀၂၅) အစည်းအဝေးသို့ တက်ရောက်ကြသည်။

ဦးစွာ တိုင်းဒေသကြီး ဒေသဆိုင်ရာခရီးသွားလုပ်ငန်းကော်မတီဥက္ကဋ္ဌ၊ တိုင်းဒေသကြီးဝန်ကြီးချုပ် ဦးမြတ်ကျော်က အမှာစကားပြောကြားသည်။

ယင်းနောက် တိုင်းဒေသကြီးစီးပွားရေးရာဝန်ကြီး ဒေါ်ရီရီသန်းက ဒေသဆိုင်ရာခရီးသွား လုပ်ငန်းဆိုင်ရာများနှင့် ပတ်သက်၍ ရှင်းလင်းပြောကြားပြီး တိုင်းဒေသကြီး ဒေသဆိုင်ရာခရီးသွား လုပ်ငန်းကော်မတီအတွင်းရေးမှူး၊ တိုင်းဒေသကြီး ဟိုတယ်နှင့်ခရီးသွားညွှန်ကြားမှုဦးစီးဌာန တိုင်းဒေသကြီးဦးစီးမှူး ဦးမြင့်စိန်က ခရီးသွားလုပ်ငန်းကော်မတီ (၆/၂၀၂၅) ၏ အစည်းအဝေးဆုံး ဖြတ်ချက်များအပေါ် ဆောင်ရွက်ထားရှိမှုနှင့် ဆောင်ရွက်ဆဲအခြေအနေများ၊ ယခုအစည်းအဝေး တွင်ဆုံးဖြတ်အတည်ပြုပေးရမည့် ကိစ္စရပ်များနှင့် တိုင်းဒေသကြီးအတွင်း ခရီးသွားဝင်ရောက်မှု အခြေအနေများအား Power Point ဖြင့် ရှင်းလင်းတင်ပြသည်။

ဆက်လက်၍ အစည်းအဝေးသို့ တက်ရောက်လာသည့် ကော်မတီအဖွဲ့ဝင်များက မိမိတို့ ဌာနများအလိုက် တိုင်းဒေသကြီးအတွင်းရှိ ခရီးသွားဇုန်များ၌ သန့်ရှင်းသပ်ရပ်မှုလုပ်ငန်းများ ဆောင်ရွက်ထားရှိမှုများ၊ ခရီးသွားများသွားလာရေး၊နေထိုင်ရေးနှင့် ဟိုတယ်/တည်းခိုရိပ်သာများ ပတ်ဝန်းကျင် စိမ်းလန်းစိုပြေရေးလုပ်ငန်းများ ဆောင်ရွက်ထားရှိမှုများအား လည်းကောင်း၊ ဟိုတယ်/တည်းခိုရိပ်သာ လုပ်ငန်းရှင်များက  မိမိတို့လုပ်ကိုင်ဆောင်ရွက်နေသည့် လုပ်ငန်းများနှင့် ပတ်သက်၍ ဖြည့်ဆည်းပေးရန်လိုအပ်မှုအခြေအနေများအား လည်းကောင်း အသီးသီးအကြံပြု ဆွေးနွေးတင်ပြကြရာ တိုင်းဒေသကြီး ဒေသဆိုင်ရာခရီးသွားလုပ်ငန်းကော်မတီဥက္ကဋ္ဌ၊ တိုင်းဒေသကြီးဝန်ကြီးချုပ်က အကြံပြုဆွေးနွေး တင်ပြချက်များအပေါ် လိုအပ်သည်များကို တာဝန်ရှိသူ များနှင့် ဖြည့်ဆည်းပေါင်းစပ် ဆောင်ရွက်ပေးခဲ့ပြီး နိဂုံးချုပ်အမှာစကား ပြောကြားခဲ့သည်။

ဆက်လက်ပြီး တိုင်းဒေသကြီးဝန်ကြီးချုပ်နှင့် တာဝန်ရှိသူများသည် မုံရွာမြို့၊ ချင်းတွင်း ခန်းမတွင် ကျင်းပပြုလုပ်သည့် တိုင်းဒေသကြီးအစိုးရအဖွဲ့မှ တိုင်းဒေသကြီးအတွင်းရှိ အငြိမ်းစားဝန်ထမ်းများအား ကျန်းမာရေးစစ်ဆေးပေးခြင်းနှင့် အခြေခံစားသောက်ကုန်များပေးအပ်ခြင်း အခမ်းအနားသို့ တက်ရောက်ကြသည်။

ဦးစွာ အခမ်းအနားသို့ တက်ရောက်လာကြသည့် အငြိမ်းစားဝန်ထမ်းများအား နံနက်စာကော်ဖီနှင့်မုန့်များဖြင့် ဧည့်ခံကျွေးမွေးခဲ့ကြပြီး တိုင်းဒေသကြီးဝန်ကြီးချုပ် ဦးမြတ်ကျော်နှင့် ဇနီး၊ တိုင်းဒေသကြီး တရားသူကြီးချုပ်နှင့်ဇနီး၊ တိုင်းဒေသကြီးအစိုးရအဖွဲ့ဝင်များနှင့်ဇနီးများက တိုင်းဒေသကြီးအတွင်းရှိ ဌာနဆိုင်ရာအသီးသီးမှ အငြိမ်းစားဝန်ထမ်းများအား ရင်းရင်းနှီးနှီး လိုက်လံမိတ်ဆက်စကားများ ပြောကြားကာ တာဝန်ရှိသူများနှင့်အတူ အငြိမ်းစားဝန်ထမ်း ၆၅၀ ဦးအား အဟာရဖြည့်စွက်စာ ကြက်ဥများအား လက်ရောက်ပေးအပ်ခဲ့ကြသည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ခန်းမအတွင်း၌ မုံရွာခရိုင် ပြည်သူ့ကျန်းမာရေးဦးစီးဌာနမှ အငြိမ်းစားဝန်ထမ်းများအား ဆီးချို/သွေးချိုရောဂါ၊ သွေးတိုးရောဂါ၊ အကြောနာအကြောတက်ရောဂါ၊ နှလုံးရောဂါ၊ ချောင်းဆိုးရင်ကြပ်ရောဂါများအား စစ်ဆေးကု သပေးနေမှုများအား ကြည့်ရှုအားပေးခဲ့ကြပြီး ကုသရေးလုပ်ငန်းများနှင့် ပတ်သက်၍ လိုအပ်သည် များကိုတာဝန်ရှိသူများနှင့် ဖြည့်ဆည်းပေါင်း စပ်ဆောင်ရွက်ပေးခဲ့သည်။

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော် မုံရွာမြို့၊ လယ်တီရပ်ကွက်ရှိ လယ်တီရေကန်၊ အောင်ချမ်းသာရပ်ကွက်ရှိ လွတ်လပ်ရေးရင်ပြင်မုခ်ဦးနှင့် ပြည်ထောင်စုရင်ပြင်မုခ်ဦးဖွင့်ပွဲ အခမ်းအနား တက်ရောက်

မုံရွာ ဩဂုတ် ၂၂

စစ်ကိုင်းတိုင်းဒေသကြီး၊ မုံရွာမြို့အားမြို့အင်္ဂါရပ်နှင့် ဖွံ့ဖြိုးတိုးတက်ရေးအတွက်  လယ်တီရပ်ကွက်ရှိ လယ်တီကန်ပတ်လမ်း နိုင်လွန်ကတ္တရာလမ်းနှင့် သာယာလှပရေးလုပ်ငန်းများ ဖွင့်ပွဲအခမ်းအနားကို ဩဂုတ်လ ၂၂ ရက်၊ နံနက်ပိုင်းတွင် အဆိုပါရေကန်ရှိမုခ်ဦးတွင် ကျင်းပပြုလုပ်ရာ ဖွင့်ပွဲအခမ်းအနားသို့ တိုင်းဒေသကြီးဝန်ကြီးချုပ် ဦးမြတ်ကျော်နှင့်ဇနီး၊ အနောက်မြောက်တိုင်း စစ်ဌာနချုပ်၊ တိုင်းမှူး ဗိုလ်မှူးချုပ် မျိုးမင်းထွေးနှင့်ဇနီး၊ တိုင်းဒေသကြီး တရားသူကြီးချုပ်နှင့်ဇနီး၊ တိုင်းဒေသကြီး အစိုးရအဖွဲ့ဝင်များနှင့်ဇနီးများ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ မြို့မိမြို့ဖများနှင့် မုံရွာမြို့ပေါ်ရှိ တက္ကသိုလ်ဒီဂရီ/ကောလိပ်များမှ ဆရာ/ဆရာမများနှင့် ကျောင်းသား/ကျောင်းသူများ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်၊ အနောက်မြောက်တိုင်းစစ်ဌာနချုပ် တိုင်းမှူး ဗိုလ်မှူးချုပ် မျိုးမင်းထွေး၊ တိုင်းဒေသကြီး စည်ပင်သာယာရေးအဖွဲ့ ညွှန်ကြားရေးမှူး ဦးသစ်ထူးမြင့်နှင့် မုံရွာခရိုင် စီမံခန့်ခွဲရေးနှင့်အုပ်ချုပ်ရေးကော်မတီဥက္ကဋ္ဌ ဦးကိုကိုလွင်တို့က “လယ်တီရပ်ကွက်ရှိ လယ်တီကန်ပတ်လမ်း နိုင်လွန်ကတ္တရာလမ်းနှင့် သာယာလှပရေးလုပ်ငန်း များ”ဆောင်ရွက်ထားရှိမှုမုခ်ဦးအား ဖဲကြိုးဖြတ်ဖွင့်လှစ်ပေးကြသည်။

ယင်းနောက် တိုင်းဒေသကြီးဝန်ကြီးချုပ်၊ တိုင်းမှူးနှင့် တိုင်းဒေသကြီး အစိုးရအဖွဲ့ဝင်များက အဆိုပါမုခ်ဦးရှေ့တွင် တာဝန်ရှိသူများအတူ စုပေါင်းမှတ်တမ်းတင်ဓါတ်ပုံ ရိုက်ကူးခဲ့ကြသည်။

ဆက်လက်ပြီး တိုင်းဒေသကြီးဝန်ကြီးချုပ်၊ တိုင်းမှူးနှင့် တာဝန်ရှိသူများက လယ်တီရပ်ကွက်ရှိ လယ်တီကန်ပတ်လမ်း နိုင်လွန်ကတ္တရာလမ်းနှင့် သာယာလှပရေးလုပ်ငန်းများ ဆောင်ရွက်ထားရှိမှုများအား လိုက်လံကြည့်ရှု စစ်ဆေးခဲ့ကြသည်။

ထို့နောက် တိုင်းဒေသကြီးဝန်ကြီးချုပ်၊ တိုင်းမှူးနှင့်တာဝန်ရှိသူများသည် မုံရွာမြို့၊ အောင်ချမ်းသာရပ်ကွက်ရှိ လွတ်လပ်ရေးရင်ပြင်မုခ်ဦး ဖွင့်ပွဲအခမ်းအနားသို့ တက်ရောက်ရာ တိုင်းဒေသကြီး တရားသူကြီးချုပ် ဦးဇော်ထူး၊ လုံခြုံရေးနှင့်နယ်စပ်ရေးရာဝန်ကြီး ဗိုလ်မှူးကြီး ဝင်းတင်စိုး၊ တိုင်းဒေသကြီး စည်ပင်သာယာရေးအဖွဲ့ ဒုတိယအင်ဂျင်နီယာမှူးကြီး ဦးမြင့်အောင်နှင့် မုံရွာမြို့နယ် စီမံခန့်ခွဲရေးနှင့်အုပ်ချုပ်ရေးကော်မတီဥက္ကဋ္ဌ ဦးနိုင်ဝင်းတို့က “လွတ်လပ်ရေး ရင်ပြင်မုခ်ဦး”အား ဖဲကြိုးဖြတ်ဖွင့်လှစ်ပေးကြပြီး အဆိုပါမုခ်ဦးရှေ့တွင် စုပေါင်းမှတ်တမ်းတင် ဓါတ်ပုံရိုက်ကူးကြသည်။

ဆက်လက်၍ တိုင်းဒေသကြီးဝန်ကြီးချုပ်၊ တိုင်းမှူးနှင့် တာဝန်ရှိသူများသည် မုံရွာမြို့၊ အောင်ချမ်းသာရပ်ကွက်ရှိ ပြည်ထောင်စုရင်ပြင်မုခ်ဦး ဖွင့်ပွဲအခမ်းအနားသို့ တက်ရောက်ရာ မုံရွာမြို့၊ အမှတ်(၂)အခြေခံပညာနှင့်စိုက်ပျိုး၊မွေးမြူရေးအထက်တန်းကျောင်းမှ ဘင်ခရာ/ပန်းပွား အဖွဲ့များ၏ တီးမှုတ်ကပြဖျော်ဖြေမှုများအား ကြည့်ရှုအားပေးကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က မုံရွာမြို့သည် အပူပိုင်းဒေသဖြစ်ခြင်းကြောင့် ပြည်သူများအပန်းဖြေအနားယူစရာ နေရာရှားပါးသည့်အတွက် မိမိတို့တိုင်းဒေသကြီး အစိုးရအဖွဲ့ တာဝန်ယူစဉ်ကာလတွင် အရှေ့ကန်သာယာ၊ အနောက်ကန်သာယာနှင့် ယခုဖွင့်လှစ် ခဲ့သည့် လယ်တီကန်အပန်းဖြေနေရာစသည့် နေရာများတွင် ပြည်သူလူထု စိတ်လက်ကြည်သာစွာဖြင့် အပန်းဖြေအနားယူနိုင်စေရန် နေရာများအား ဖန်တီးဖွင့်လှစ် ဆောင်ရွက်ပေးခဲ့ပါကြောင်း၊ မိမိတို့တိုင်းဒေသကြီး အစိုးရအဖွဲ့အနေဖြင့် ပြည်သူလူထုအကျိုးအတွက် အလိုအပ်ဆုံးဖြစ်သည့် လမ်းပန်းဆက်သွယ်မှု လုံခြုံချောမွေ့စေရေးအား ပထမဦးစားပေးအဖြစ် ချမှတ်အကောင်အထည် ဖော်ဆောင်ရွက်ခဲ့ပါကြောင်း၊ ပြည်သူလူထု စီးပွားရေးကောင်းမွန်စေပြီး အလုပ်အကိုင်အခွင့် အလန်းများရရှိစေရေးအတွက် မုံရွာမြို့ရှိဈေးများအား အသစ်တည်ဆောက်ပေးခြင်း၊ လမ်းများ အဆင့်မြှင့်တင်ဆောင်ရွက်ပေးခြင်းနှင့် မြို့ဖွံ့ဖြိုးတိုးတက်ရေးလုပ်ငန်းများကိုလည်း ဆောင်ရွက် ပေးနိုင်ခဲ့ပါကြောင်း၊ မြို့နေပြည်သူများအနေဖြင့်လည်း မိမိတို့မြို့ ဖွံ့ဖြိုးတိုးတက်စေရေးအတွက် မြို့မိမြို့ဖများ၊ စည်ပင်သာယာရေးဝန်ထမ်းများနှင့်ပူးပေါင်းကာ ဝိုင်းဝန်းကြိုးပမ်း ဆောင်ရွက် သွားကြရန် လိုအပ်ပါကြောင်း ပြောကြားခဲ့သည်။

ဆက်လက်၍ တိုင်းဒေသကြီး စည်ပင်သာယာရေးအဖွဲ့မှ ဒုတိယအင်ဂျင်နီယာမှူးကြီး ဦးမြင့်အောင်က လယ်တီရပ်ကွက်ရှိ လယ်တီကန်ပတ်လမ်း နိုင်လွန်ကတ္တရာလမ်းနှင့် သာယာလှ ပရေးလုပ်ငန်းများ၊ အောင်ချမ်းသာရပ်ကွက်ရှိ လွတ်လပ်ရေးရင်ပြင်မုခ်ဦးနှင့် ပြည်ထောင်စုရင် ပြင်မုခ်ဦး တည်ဆောက်ရေးလုပ်ငန်းများ ဆောင်ရွက်ခဲ့မှုလုပ်ငန်းများအား ရှင်းလင်းပြောကြား သည်။

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော် မုံရွာမြို့၊ လယ်တီရပ်ကွက်ရှိ လယ်တီရေကန်၊ အောင်ချမ်းသာရပ်ကွက်ရှိ လွတ်လပ်ရေးရင်ပြင်မုခ်ဦးနှင့် ပြည်ထောင်စုရင်ပြင်မုခ်ဦးဖွင့်ပွဲ အခမ်းအနား တက်ရောက်

ကရင်ပြည်နယ်ဝန်ကြီးချုပ် ဦးစောမြင့်ဦး စက်မှုကဏ္ဍဖွံဖြိုးတိုးတက်ရေး ဘားအံစက်မှုဇုန်ရှိ စက်ရုံအလုပ်ရုံများ ကြည့်ရှုစစ်ဆေး

ဘားအံ ဩဂုတ် ၂၂

ကရင်ပြည်နယ်၊ ဘားအံစက်မှုဇုန်ကို ၂၀၁၁ ခုနှစ်ခန့်က စတင်တည်ထောင်ခဲ့ပြီး ဧရိယာ ၉၆၉ ဧကကျယ်ဝန်းကာ ဇုန်အတွင်းရှိ စက်ရုံအလုပ်ရုံများ ပိုမိုဖွံ့ဖြိုးတိုးတက်လာစေရန် အားပေးမြှင့်တင်နိုင်ရေး၊ နည်းပညာ၊ အရင်းအနှီးနှင့် ဈေးကွက်အထောက်အပံ့များရရှိနိုင်ရေးအတွက် ပြည်နယ်ဝန်ကြီးချုပ်ဦးစောမြင့်ဦးနှင့် တာဝန်ရှိသူများသည် ဩဂုတ်လ ၂၂ ရက်နေ့ နံနက်ပိုင်းက အဆိုပါစက်မှုဇုန်ရှိ စက်ရုံအလုပ်ရုံများကို လိုက်လံကြည့်ရှုစစ်ဆေးခဲ့ကြသည်။

ဦးစွာ ပြည်နယ်ဝန်ကြီးချုပ်နှင့်အစိုးရအဖွဲ့ဝင်များ၊ ပြည်နယ်အဆင့်ဌာနဆိုင်ရာတာဝန်ရှိသူများသည် ဘားအံစက်မှုဇုန်၊ ကံကောင်းခြင်းရတနာထုတ်လုပ်မှုလုပ်ငန်းကုမ္ပဏီ၏ သစ်ပါးလွှာစက်ရုံ၌ အလုပ်သမား ၇၁ ဦးဖြင့် အထပ်သားအခွံခွာအကြမ်းစက်၊ အထပ်သားအချောစက်၊ ဓါးသွေးစက်၊ ဖိသိပ်ထုပ်ပိုးစက်များဖြင့် ရာဘာသစ်ပါးလွှာ ထုတ်လုပ်ပုံအဆင့်ဆင့်၊ အရည်အသွေးခွဲခြား ပါကင်ထုပ်ပိုးထားရှိမှုနှင့် စက်ရုံထုတ်ကုန်ပစ္စည်းများကို ကြည့်ရှုစစ်ဆေးရာ စက်ရုံတာဝန်ရှိသူများက ထုတ်လုပ်မှုဆိုင်ရာလုပ်ငန်းစဉ်များကို ရှင်းလင်းတင်ပြပြီး ပြည်နယ်ဝန်ကြီးချုပ်က ဒေသတွင်းအရင်းအမြစ်များကိုအခြေခံ၍ တန်ဖိုးမြှင့်ထုတ်ကုန်များ တိုးမြင့်ထုတ်လုပ်နိုင်ရေး၊ ရင်းနှီးမြှုပ်နှံမှုကို တိုးမြှင့်၍ သစ်အချောထည်ပစ္စည်းများ ထုတ်လုပ်နိုင်သည်အထိ ကြိုးပမ်းဆောင်ရွက်ကြရန်မှာကြားကာ လိုအပ်သည်များ ပေါင်းစပ်ညှိနှိုင်း ဖြည့်ဆည်းဆောင်ရွက်ပေးခဲ့သည်။

ထို့နောက် ပြည်နယ်ဝန်ကြီးချုပ်နှင့်အဖွဲ့သည် ဘားအံစက်မှုဇုန်၌ အလုပ်သမားဦးရေ ၂၀၀ ဦးခန့်ဖြင့် နေ့စဉ် အစီးရေ ၈၀ မှ ၁၀၀ ကြား ထုတ်လုပ်တပ်ဆင်နေသော Precision Auto Engineering Co.,Ltd ၏ Bajaj အမှတ်တံဆိပ် သုံးဘီးလူစီးမော်တော်ယာဉ်တပ်ဆင်ထုတ်လုပ်သည့်စက်ရုံအား ကြည့်ရှုစစ်ဆေးရာ စက်ရုံတာဝန်ရှိသူများက အရည်အသွေး၊ ကုန်ကြမ်းရရှိမှု၊ လျှပ်စစ်မီးရရှိမှုနှင့် ထုတ်လုပ်မှုအခြေအနေ၊ After Sale Service ဆောင်ရွက်ထားရှိမှု၊ ဒေသတွင်း အလုပ်အကိုင်အခွင့်အလမ်း တိုးတက်ဖော်ဆောင်နိုင်ရေး EV SKD အကောင်အထည်ဖော်ဆောင်ရွက်နေမှု၊ စက်မူဝန်ကြီးဌာန MOHS နှင့်ချိတ်ဆက်၍ အခမဲ့စက်ပြင်သင်တန်းသင်တန်းများ ဖွင့်လှစ်နိုင်ရေး ဆောင်ရွက်နေမှုများကို ရှင်းလင်းတင်ပြပြီး ပြည်နယ်ဝန်ကြီးချုပ်က စက်ပစ္စည်းအစိတ်အပိုင်းများ ပြည်ပမှမှာယူတင်သွင်းမှုများကို လျှော့ချ၍ ပြည်တွင်းထုတ်ကုန်များကို အသုံးပြုပြီး ထုတ်လုပ်တပ်ဆင်အသုံးပြုနိုင်ရေးမှာကြားကာ လိုအပ်သည်များ ပေါင်းစပ်ညှိနှိုင်း ဖြည့်ဆည်းဆောင်ရွက်ပေးခဲ့သည်။

ယင်းနောက် ပြည်နယ်ဝန်ကြီးချုပ်နှင့်အဖွဲ့သည် လှိုင်းဘွဲမြို့နယ်၊ရှမ်းရွာသစ်ဒေသထွက် ကုန်ကြမ်းများကို အသုံးပြု၍ အလုပ်သမား ၃၀ ဦခန့်ဖြင့် တစ်ရက်လျှင် ၂၅ ကီလိုဂရမ် ဒိုလိုမိုက်သဘာဝကျောက်မုန့်မြေဩဇာ အိတ် ၂၀၀၀ ခန့်ထုတ်လုပ်နေသော ပြည်သူ့ဓနကုမ္ပဏီလီမိတက်၏ ပွင့်သစ်တိုးဘက်စုံသုံးအဆင့်မြင့်ဂျစ် (ပ်) ဆမ်ကျောက်မှုန့် ကြိတ်ခွဲသန့်စင်စက်ရုံကို ကြည့်ရှုစစ်ဆေးရာ စက်ရုံတာဝန်ရှိသူများက ကြိတ်ခွဲသန့်စင်ထုတ်လုပ်မှုအဆင့်ဆင့်ကို ရှင်းလင်းတင်ပြပြီး ပြည်နယ်ဝန်ကြီးချုပ်က ဈေးကွက်ရရှိမှုနှင့် ဝယ်လိုအားယှဉ်ပြိုင်နိုင်စွမ်းတို့ကို ဆွေးနွေးမေးမြန်းကာ လိုအပ်သည်များ ပေါင်းစပ်ညှိနှိုင်းဖြည့်ဆည်းဆောင်ရွက်ပေးခဲ့သည်။

ဆက်လက်၍ ပြည်နယ်ဝန်ကြီးချုပ်နှင့်အဖွဲ့သည် အလုပ်သမား ၄၂ ဦးဖြင့် နေ့စဉ်ကော်ပစ္စည်းမျိုးမျိုး ထုတ်လုပ် ဖြန့်ဖြူးရောင်းချနေသော KYAW-3 အလုပ်ရုံကို ကြည့်ရှုစစ်ဆေးရာ တာဝန်ရှိသူများက ထုတ်လုပ်မှုနှင့် ဈေးကွက်ဖြန့်ဖြူးမှုအခြေအနေများကို ရှင်းလင်းတင်ပြပြီး ပြည်နယ်ဝန်ကြီးချုပ်က ဒေသတွင်းစွန့်ပစ်ပလတ်စတစ်နှင့်ကော်ပစ္စည်းများကို ကုန်ကြမ်းအဖြစ် ပြန်လည်သန့်စင်အသုံးပြုနိုင်ရေး မှာကြားကာ လိုအပ်သည်များပေါင်းစပ်ညှိနှိုင်း ဖြည့်ဆည်းဆောင်ရွက်ပေးခဲ့သည်။

ဘားအံစက်မှုဇုန်တွင် တည်ဆောက်ဆဲစက်ရုံအလုပ်ရုံ ၂၆ ရုံရှိပြီး စက်ရုံ၊ အလုပ်ရုံပေါင်း ၄၆ ရုံ လုပ်ငန်းလည်ပတ်လျက်ရှိကာ ဒေသခံတိုင်းရင်းသားပြည်သူအလုပ်သမားဦးရေ ၅၁၈ ဦးအား အလုပ်အကိုင်အခွင့်အလမ်းများ ဖန်တီးပေးထားနိုင်ကြောင်း သိရသည်။

စောမျိုးမင်းသိန်း(ပြန်/ဆက်)

https://t.me/iprdrnd/169248

MOI News Application အား အောက်ပါ link တွင် Download ပြုလုပ်နိုင်ပါသည်-

For Andriod
https://shorturl.at/55fIn

For IOS
https://rb.gy/vgdhqc

Subscribe to Myanmar Newspaper
https://t.me/myanmarnewspaper

Subscribe to The Global New Light of Myanmar
https://t.me/gnlmon

Subscribe to MOI
https://t.me/iprdrnd

ကရင်ပြည်နယ်ဝန်ကြီးချုပ် ဦးစောမြင့်ဦး စက်မှုကဏ္ဍဖွံ့ဖြိုးတိုးတက်ရေး ဘားအံစက်မှုဇုန်ရှိ စက်ရုံအလုပ်ရုံများ ကြည့်ရှုစစ်ဆေး

တနင်္သာရီတိုင်းဒေသကြီး ဝန်ကြီးချုပ် မြိတ်မြို့၌ ထင်းအစားထိုး လောင်စာဆောင်ရွက်မှု၊ ဆိုလာစွမ်းအင်ဖြင့် ဆန်စက်လည်ပတ်မှု ကြည့်ရှုအားပေး

မြိတ် ဩဂုတ် ၂၂

တနင်္သာရီတိုင်းဒေသကြီး ဝန်ကြီးချုပ် ဦးမြတ်ကိုသည် တိုင်းဒေသကြီးဝန်ကြီးများ၊ ဌာနဆိုင်ရာ တာဝန်ရှိ သူများနှင့်အတူ ယနေ့နံနက်ပိုင်းက မြိတ်မြို့နယ်တွင် ငါးသေတ္တာကုန်ချောထုတ်လုပ်မှု၊ ပိုလျှံစပါးခွံဖြင့် ထင်းအစားထိုးလောင်စာဆောင်ရွက်မှု၊ ဆိုလာစွမ်းအင်ဖြင့် ဆန်စက်လည်ပတ်မှု နှင့် ကျေးလက်နေပြည်သူများအား မြိတ်ပြည်သူ့ဆေးရုံမှ အထူးကုဆရာဝန်များ ကွင်းဆင်း၍ အခမဲ့ဆေးကုသ ကျန်းမာရေးစောင့်ရှောက်ပေးမှု တို့အား ကြည့်ရှုအားပေးကြသည်။

ရှေးဦးစွာ ဝန်ကြီးချုပ်နှင့်အဖွဲ့သည် ကျောက်ဖျာကျေးရွာရှိ Makro Manufacturing ကုမ္ပဏီ၏ READY ငါးသေတ္တာစက်ရုံသို့ ရောက်ရှိကြရာ ကုမ္ပဏီအစည်းအဝေးခန်းမတွင် အထွေထွေ မန်နေဂျာ ဦးရဲဝင်းထွန်းက READY ငါးသေတ္တာထုတ်လုပ်မှုဆိုင်ရာအား ရှင်းလင်းတင်ပြရာ ဝန်ကြီးချုပ်က ကုန်ကြမ်းရရှိမှုနှင့် လုပ်ငန်းလည်ပတ်မှု အခက်အခဲများကို မေးမြန်းပြီး ငါးသေတ္တာကုန်ချောထုတ်ကုန်များ ပိုမိုထုတ်လုပ်တင်ပို့ရေး အားပေးစကား ပြောကြားခဲ့သည်။

ထို့နောက် READY ငါးသေတ္တာ ကုန်ချောထုတ်ကုန် နမူနာများအား ကြည့်ရှုခဲ့ကြပြီး ငါးသေတ္တာ စက်ရုံအတွင်း တစ်နေ့လျှင် ငါးသေတ္တာဘူးလုံးရေ(၁)သိန်း READY ငါးသေတ္တာကုန်ချောကို လုပ်သားများဖြင့်ကုန်ကြမ်းမှ အသင့်စားသုံးနိုင်သည့် ငါးသေတ္တာ ကုန်ချောထုတ်လုပ်မှု အဆင့်ဆင့်နှင့် ဈေးကွက်အတွင်း ဖြန့်ချီနိုင်သည်အထိ ဆောင်ရွက်နေမှုများအား လိုက်လံကြည့်ရှု အားပေးခဲ့ကြသည်။

ဆက်လက်၍ တစ်နေ့လျှင်တန်(၁၀၀)ကျ OK ရတနာဆန်စက်သို့ရောက်ရှိခဲ့ကြရာ ဆန်စက်မှ ပိုလျှံစပါးခွံများကို တစ်နာရီ ပိဿာ(၆၀)ထွက် စက်(၄)လုံးဖြင့်ထုတ်လုပ်ထားသည့် ထင်းအစားထိုးလောင်စာတောင့် ထုတ်လုပ်သုံးစွဲမှုအား ဆန်စက်ပိုင်ရှင် ဦးထွေးဝေက ရှင်းလင်း ပြသရာဝန်ကြီးချုပ်နှင့် တာဝန်ရှိသူများက လောင်စာတောင့်များအား ကြည့်ရှုအားပေးကြပြီး ဆိုလာ(၅၆၀)ချပ်ဖြင့် (၂၁၀)ကီလိုဝပ်စွမ်းအင်ထုတ်လုပ်ပြီး ဆန်စက်လည်ပတ်၍ ဒေသထွက်စပါး များကို အခြောက်ခံမှု၊ ကြိတ်ခွဲမှု၊ သန့်စင်မှုနှင့် ဒေသတွင်း ဖြန့်ဖြူးရောင်းချရန် ထုပ်ပိုး ဆောင်ရွက်နေမှုအား ကြည့်ရှုအားပေးကြသည်။

အဆိုပါ ဆန်စက်ကို ဆိုလာစွမ်းအင်နှင့်အတူ စပါးခွံမှ တစ်နေ့လျှင် 325 KVA (၂)လုံးဖြင့် လျှပ်စစ် ဓါတ်အားထုတ်လုပ်ပြီး ဆိုလာစွမ်းအင်နှင့်အတူ ဆန်စက်လည်ပတ်အသုံးပြုလျက်ရှိသည်။ ယင်းနောက် ရှင်းလင်းဆောင်အတွင်း ဆန်စက်တာဝန်ရှိသူတစ်ဦးမှ OK ရတနာဆန်ရောင်းဝယ် ရေးမှ မြိတ်မြို့နယ်အတွင်းရှိ လူမှုရေးအသင်းအဖွဲ့များနှင့်ပူးပေါင်းပြီး ဝင်ငွေနည်းမိသားစုများ အတွက် အမြတ်အစွန်းမယူသော ဆန်နှင့်အခြေခံ စားကုန် ပံ့ပိုးရေး လုပ်ငန်းအစီအစဉ်တင်ပြရာ ဝန်ကြီးချုပ်မှ အားပေးစကားပြောကြားသည်။

ထိုမှတဆင့် အ-ထ-က(ကျွဲကူး)ကျောင်း၌ ကျေးလက်နေပြည်သူများအား မြိတ်ပြည်သူ့ဆေးရုံကြီး မှ ခရိုင်ကုသရေးဦးစီးဌာနမှူး၊ ဆေးရုံအုပ်ကြီးဦးဆောင်သော အထူးကုဆရာဝန်များအဖွဲ့သည် ပြည်သူများ၏ ဆေးပညာ၊ ခွဲစိပ်၊ ကလေး၊ အရိုး၊ မျက်စိ၊ နား/နှာခေါင်း/လည်ချောင်း၊ သွား၊ အကြောအဆစ်အမြစ် ပြန်လည်သန်စွမ်းရေး၊ အရေပြား ဝေဒနာရှင်များအား စမ်းသပ်စစ်ဆေး ကုသပေးပြီး ဆေးဝါးများ အခမဲ့ပေး၍ ကျန်းမာရေးစောင့်ရှောက် မှုနေမှုအား ဝန်ကြီးချုပ် ဦးမြတ်ကို၊ ကမ်းရိုးတန်းဒေသတိုင်းစစ်ဌာနချုပ် တိုင်းမှူး ဗိုလ်ချုပ် ကျော်ကျော်ဟန်၊ တိုင်းဒေသကြီးဝန်ကြီးများနှင့် တာဝန်ရှိသူများက ကြည့်ရှုအားပေးခဲ့ကြပြီး လိုအပ်သည်များကို ပေါင်းစပ်ညှိနှိုင်း ဆောင်ရွက်ပေးသည်။

ကျေးလက်နေပြည်သူများအား ကွင်းဆင်းဆေးကုသပေးရာတွင် ဝေဒနာရှင်(၄၁၂)ဦးကို အခမဲ့ စမ်းသပ် ဆေးကုသပေးနိုင်ခဲ့ပြီး ဆေးရုံတက်ရောက်ကုသရန်လိုအပ်သည့်ဝေဒနာရှင်(၂၆)ဦးအား မြိတ်ပြည်သူ့ဆေးရုံကြီးသို့ ခေါ်ယူဆေးကုသပေးသွားမည်ဖြစ်ကြောင်း၊ ကွင်းဆင်းဆေးကုသပေး ခြင်းသည် ပြည်သူများ၏ကျန်းမာရေး စောင့်ရှောက်မှုပေးနိုင်ရန်၊ ပြည်သူ့ဆေးရုံတွင် အခမဲ့‌ဆေး ကုသပေးနေမှုများကို သိရှိနိုင်စေရန်နှင့် ဆေးရုံတက်ရောက် ဆေးကုသမှုခံယူရန် လိုအပ်သည့် ဝေဒနာရှင်များ ဆေးရုံတက်ရောက် ဆေးကုသမှုခံယူနိုင်စေရန် ရည်ရွယ်ချက်များဖြင့် ကျေးရွာ အရောက် ကွင်းဆင်း၍ ကျန်းမာရေးစောင့်ရှောက်မှုဆောင်ရွက်ပေးခြင်းဖြစ်ကြောင်း သိရသည်။

ခိုင်ထူး(ပြန်/ဆက်)

https://t.me/iprdrnd/169236

MOI News Application အား အောက်ပါ link တွင် Download ပြုလုပ်နိုင်ပါသည်-

For Andriod
https://shorturl.at/55fIn

For IOS
https://rb.gy/vgdhqc

Subscribe to Myanmar Newspaper
https://t.me/myanmarnewspaper

Subscribe to The Global New Light of Myanmar
https://t.me/gnlmon

Subscribe to MOI
https://t.me/iprdrnd