O‘zbekiston delegatsiyasi “Русское поле – 2025” forumida

🇷🇺Ayni kunlarda Rossiya Federatsiyasining Qozon shahrida seleksiya va urugʻchilik sohasiga bagʻishlangan yirik xalqaro anjuman – Butunrossiya forumi “Русское поле – 2025” bo‘lib o‘tmoqda.

🌱Tadbirda dunyoning turli mamlakatlaridan agrar soha bo‘yicha yetakchi olimlar, ekspertlar qatorida Qishloq xo‘jaligi vazirligi va uning tizimidagi Urug‘chiliklikni rivojlantirish markazi mas'ul xodimlari ham ishtirok etmoqda.

🌐Website 💬Telegram 💬Facebook 📺YouTube 📷Instagram

Buxoroda “AgroTarozi” platformasi bo‘yicha seminar o‘tkazildi

🌱Bugun Qishloq xo‘jaligi vazirligi hamda “Agrosanoatni raqamlashtirish markazi” MChJ vakillari Buxoro viloyatiga tashrif buyurib, "AgroTarozi" platformasini joriy etish bo‘yicha keng ko‘lamli o‘quv seminar o‘tkazishdi.

👥Tadbirda paxta qabul qilish punktlari mas’ullari, laboratoriya xodimlari, tarozibonlar hamda agrar soha vakillari faol ishtirok etdi.

✅Ular suhbat chog’ida tizimning ishlash tamoyillari, ma’lumotlarni to‘g‘ri kiritish qoidalari va xatoliklarning oldini olish mexanizmlari haqida batafsil ma’lumotlar olishdi. Shuningdek, malakali mutaxassislar tomonidan sun’iy intellekt asosida hosil og‘irligini adolatli qayd etish imkoniyatlari amaliy misollar orqali tushuntirildi.

Ma’lumki, “AgroTarozi” platformasi paxta topshirish jarayonida shaffoflikni ta’minlash, inson omili natijasida yuzaga keladigan xatoliklarni kamaytirish va real vaqt rejimida aniq natijalarni qayd etishga xizmat qiladi. Bu esa fermerlar uchun hosilni qabul qilish jarayonida ishonch va adolatni ta’minlaydi.

✅Seminarda ta’kidlanganidek, ushbu tizim kelgusida nafaqat paxta, balki boshqa qishloq xo‘jaligi mahsulotlarini qabul qilish va nazorat qilishda ham keng qo‘llanishi mumkin. Shu jihatdan, “AgroTarozi” agrar sohada raqamlashtirish jarayonining muhim bosqichi sifatida ko‘rilmoqda.

🌐Website 💬Telegram 💬Facebook 📺YouTube 📷Instagram

Samarqandda paxta tozalash mutaxassislari uchun seminar tashkil etildi

🌱Tolali ekinlar ilmiy-tadqiqot instituti direktori T.M. Quliyev boshchiligidagi olimlar guruhi Samarqand viloyatida faoliyat yuritayotgan paxta-to‘qimachilik klasterlari tizimidagi muhim bo‘g‘in – paxta tozalash korxonalari mutaxassislari uchun amaliy seminar mashg‘ulotlari o‘tkazdi.

👥Mazkur tadbir Narpay tumanidagi “Marokand sifati” MChJ paxta tozalash korxonasida tashkil etildi.

📄Mashg‘ulotlarda injener-texnik xodimlar, 1-zona namuna oluvchilari, maskan mudirlari hamda laborantlar ishtirok etib, fermer xo‘jaliklaridan keladigan paxta xom-ashyosini sifatli qabul qilish, uni to‘g‘ri saqlash va samarali qayta ishlash bo‘yicha chuqurlashtirilgan darslar oldilar.

⭐️Tadbir yakunida xodimlarning bilim va amaliy ko‘nikmalari test sinovlari orqali baholanib, muvaffaqiyatli natija ko‘rsatgan mutaxassislarga sertifikatlar topshirildi. Bu esa nafaqat ularning malakasini tasdiqlash, balki kelgusida sifat nazoratini yanada kuchaytirishga xizmat qiladi.

✅Ushbu o‘quv mashg‘uloti paxta-tozalash tizimida ishlayotgan mutaxassislarning malakasini oshirish, ishlab chiqarish jarayonida zamonaviy talablarni joriy etish hamda sohada sifat va samaradorlikni ta’minlashda muhim qadam bo‘ldi.

🌐Website 💬Telegram 💬Facebook 📺YouTube 📷Instagram

Paxtachilikda yangi tajriba – samarali hosil kafolati

🌱Qashqadaryo viloyatida bo‘lib turgan vazir Ibrohim Abdurahmonov tashrif dasturiga muvofiq Kasbi tumanida joylashgan “Nigora” fermer xo‘jaligidagi dala maydonini ko‘zdan kechirdi.

🌱 Umumiy 40 gektar maydonni egallagan ushbu hududda Hindistonlik investor “Nath Bio-Genes” urug‘chilik kompaniyasi vakillari tomonidan olib kelingan 6 xil paxta navi tajriba tariqasida ekilib, sinovdan o‘tkazilmoqda.

✅Mazkur jarayonlarda navlarning ob-havo sharoitiga moslashuvi, suvsizlik va sho‘rga chidamliligi o‘rganilmoqda. Tajribalar muvaffaqiyatli yakunlansa, kelgusi yildan boshlab ularni boshqa hududlarda ham keng miqyosda ekish rejalashtirilgan.

❕Vazir dala maydonini ko‘zdan kechirish jarayonida ekinlarning bugungi holatini ko‘rib chiqdi, agrotexnik tadbirlarning o‘z vaqtida amalga oshirilganini alohida e’tirof etdi hamda zarur tavsiyalar berdi.

🇮🇳Shuningdek, shu yerning o‘zida vazir Hindistonning “Nath Bio-Genes” urug‘chilik kompaniyasi vakili Dr. Kulkarni bilan muloqot qildi. Samimiy suhbat davomida kompaniyaning paxtachilikdagi yutuqlari, Hindiston tajribasini mamlakatimizda tatbiq etish, istiqbolli navlarni kengaytirish masalalari muhokama qilindi.

🗣Vazir o‘z navbatida Hindistonlik olimlar bilan hamkorlikni kuchaytirish nafaqat paxtachilik rivojiga, balki ilm-fan taraqqiyotiga ham katta hissa qo‘shishini ta’kidladi.

⚙️Aytish kerak, Qashqadaryoda olib borilayotgan ushbu tajriba nafaqat paxtachilikda yuqori hosildorlikka erishish, balki mamlakatimiz sharoitiga eng mos, barqaror va serhosil navlarni tanlab olish uchun muhim qadam bo‘lib xizmat qilmoqda.

✅ Zero, ilm-fan va zamonaviy texnologiyalar uyg‘unligi – paxtachilikda barqaror taraqqiyotning eng ishonchli kafolatidir.

🌐Website 💬Telegram 💬Facebook 📺YouTube 📷Instagram

Qashqadaryoda qurg‘oqchilik va sho‘rga chidamli xorijiy g‘o‘za navlari sinovdan o‘tkazilmoqda

🌱Avval xabar berganimizdek, Qishloq xo‘jaligi vaziri Ibrohim Abdurahmonov Qashqadaryo viloyatiga tashrifi davomida qator qishloq xo‘jaligi obyektlarida amalga oshirilayotgan agrotexnik tadbirlar bilan yaqindan tanishmoqda.

🌱Tashrif doirasida vazir Kasbi tumanining Shakarjiy qishlog‘ida joylashgan “Holiqov Murodbek” fermer xo‘jaligi dalasida bo‘ldi. Bu yerda Hindistondan olib kelingan “Nach-109” g‘o‘za navi tajriba tariqasida ekilib, parvarishlanmoqda.

ℹ️Ko‘rik jarayonida g‘o‘zaning vegetativ holati va shu kungacha amalga oshirilgan agrotexnik tadbirlar tahlil qilindi. Mazkur navning bir qator ustunliklari – ko‘sak qurti hamda turli viruslarga chidamliligi, qurg‘oqchilik va sho‘r yerlarga moslashuvchanligi alohida ta’kidlandi.

✔️Ibrohim Abdurahmonov mas’ullar bilan suhbat chog‘ida ushbu xususiyatlardan kelib chiqib, mazkur g‘o‘za navini mamlakatimizning ko‘plab hududlarida yetishtirish imkoniyatlari mavjudligini qayd etdi hamda keyingi bosqichda amalga oshirilishi lozim bo‘lgan chora-tadbirlar yuzasidan fikrlarini bildirdi.

📈 Mutasaddilarning ma’lumotiga ko‘ra, tajriba samarali yakunlansa, kelgusi yildan boshlab bu nav boshqa hududlarda ham ekilishi rejalashtirilmoqda. Ayni paytda o‘rganish natijalariga ko‘ra, o‘rtacha hosildorlik gektariga 60 sentnerdan oshishi kutilmoqda.

🗣O‘z vaqtida bajarilgan agrotexnik tadbirlar natijasida g‘o‘za nihoyatda yaxshi rivojlanmoqda. Vazir dalada olib borilayotgan ishlar bilan tanishar ekan, yangi istiqbolli navlarni tajriba tariqasida sinovdan o‘tkazish ularning hosildorligi va chidamliligini aniqlashda muhim ahamiyat kasb etishini ta’kidladi. Shu orqali serhosil va barqaror navlarni kengaytirish mamlakatimiz paxtachilik sohasi taraqqiyoti uchun muhim omil bo‘lishi qayd etildi.

🌐Website 💬Telegram 💬Facebook 📺YouTube 📷Instagram

Bilim va amaliy tajriba — ko‘zlangan natijadorlikni ta’minlaydi

🌱Qishloq xo‘jaligi vaziri Ibrohim Abdurahmonov Qashqadaryo viloyatiga amalga oshirgan ishchi tashrifi davomida Kasbi tumanidagi “Mardonov” fermer xo‘jaligiga qarashli dala maydonlarini ko‘zdan kechirdi.

🌱 Umumiy hisobda 32 gektarni tashkil etuvchi ushbu hududda paxtaning mahalliy “Buxoro-102” navi xorijiy texnologiya asosida ekilgan bo‘lib, hozirda parvarishlash jarayonida zarur agrotexnik tadbirlar bosqichma-bosqich amalga oshirilmoqda.

💫Maydonning har gektariga belgilangan me’yor va tartib asosida ko‘chatlar qadab chiqilgan bo‘lib, ular 76x10 sxema asosida ekilgan. Sug‘orish ishlari ham belgilangan ko‘rsatmalarga muvofiq olib borilayotgani kuzatildi. Hozirgi kunda ekinlar sifatli o‘sish bosqichida.

👥Dalani ko‘zdan kechirish chog‘ida vazir Ibrohim Abdurahmonovga Qashqadaryo viloyatining faol hamda tizim rivojida hissa qo‘shish istagida bilim olayotgan iqtidorli yoshlari hamrohlik qildi.

⚙️Ma’lumki, agrar sohani rivojlantirish, tizimda innovatsion yondashuvlarni keng joriy etish va ularning samaradorligini ta’minlashda yangicha fikrlaydigan yosh kadrlarga doimo ehtiyoj mavjud. Shu bois sohaga ixtisoslashgan ta’lim muassasalarida tahsil olayotgan yoshlarning mavsumiy agrotexnik amaliyotlarda faol ishtiroki ko‘plab afzalliklarni beradi.

ℹ️Tashrif davomida ushbu hududda vazir hamda tashabbuskor yoshlar o‘rtasida muloqot bo‘lib o‘tdi. Suhbat chog‘ida Ibrohim Abdurahmonov yosh mutaxassislarga paxta navlarini yetishtirish, ularni oziqlantirish va hosildorlikni oshirishda e’tibor qaratilishi lozim bo‘lgan jihatlar haqida batafsil tushuntirib berdi.

🌱Shuningdek, g‘o‘zaning rivojlanish davrida o‘suvini nazorat qilish, sug‘orish va o‘g‘itlash jarayonlarida me’yorlarga qat’iy amal qilish zarurligini ta’kidladi hamda yosh izlanuvchilarga ilmiy salohiyatni oshirish, agrosohadagi bilimlarni puxta egallash bo‘yicha aniq tavsiyalar berdi.

🌱 Hududlarni o‘rganish chog‘ida Ibrohim Abdurahmonov tumandagi “Saidakbar-Saidaxror” fermer xo‘jaligiga qarashli 20 gektarlik konturda olib borilayotgan agrotexnik ishlar bilan tanishdi. Bu yerda paxtaning mahalliy “Ravnaq-1” navi 76x10 sxema asosida yakkaqator qilib ekilgan.

💧Shuningdek, dalada tomchilatib sug‘orish texnologiyasi joriy etilib, unga muvofiq sug‘orish ishlari tashkil etilgan. Vazir jarayonlarni o‘rganar ekan, g‘o‘zaning belgilangan muddatda to‘liq yetilishini ta’minlash borasida qator vazifalar yukladi.

🌐Website 💬Telegram 💬Facebook 📺YouTube 📷Instagram

🟦🟦🟦🟦🟦

⚙️ Qishloq xo‘jaligini mexanizatsiyalash ilmiy-tadqiqot instituti Sizni 2025-yil 10-oktabr kuni bo‘lib o‘tadigan “Yuqori samarali qishloq xo‘jalik mashinalarini yaratish va texnika vositalaridan foydalanish darajasini oshirishning innovatsion yechimlari” mavzusidagi Xalqaro ilmiy-texnik anjumanda ishtirok etishga taklif etadi.

🌐Website 💬Telegram 💬Facebook 📺YouTube 📷Instagram

Paxta qabul maskanining mavsumga tayyorgarligi ko‘rib chiqildi

🌱Qashqadaryo viloyatida bo‘lib turgan vazir Ibrohim Abdurahmonov Qarshi tumanidagi Qarshi agroklaster paxta tozalash zavodi qoshidagi Paxta qabul qilish maskani faoliyati bilan tanishdi.

💻 Dastlab hududdagi "AgroTarozi", "Agroplatforma" va boshqa texnik vositalarning mavsumga tayyorgarlik darajasi, shuningdek, joriy etilayotgan yangi yondashuvlarning samaradorligi o‘rganildi.

❕Mazkur o‘rganish 2025-yil hosilini yig‘ib-terib olish hamda 2026-yil hosili uchun g‘alla ekish ishlari doirasida qabul maskanlari, terim va tashish texnikalarini ta’mirlash, urug‘lik don tayyorlash va joylashtirish bo‘yicha belgilangan topshiriq ijrosi yuzasidan olib borilmoqda.

ℹ️Paxta terimi mavsumida hosilni sifatli, nobud qilmasdan yig‘ib olish va belgilangan ko‘rsatkichlar asosida saqlash maskanlariga yetkazish eng muhim vazifalardan biri ekanligi ta’kidlandi.

✅Shu bois, paxta saqlash maskanlaridagi moddiy-texnik imkoniyatlardan samarali foydalanish, xodimlar malakasini oshirish, ish jarayonini tizimli tashkil etish hamda kelib tushgan xomashyo bo‘yicha barcha ma’lumotlarni elektron platformalarda aniq va to‘liq aks ettirish masalalariga alohida e’tibor qaratildi.

✍️Jarayon davomida xodimlarning mahsulotning umumiy qiymati, navi va og‘irligini hisoblash, elektron tizimlar bilan sinxron ishlash bo‘yicha amaliy ko‘nikmalari tahlil qilindi.

📈 Vazir o‘z navbatida mas’ullarga intizomni kuchaytirish, jarayonlarni shaffof va samarali yo‘lga qo‘yish, mavjud texnik imkoniyatlardan to‘liq foydalanish orqali yuqori natijaga erishish bo‘yicha aniq vazifalar topshirdi.

✅Zero, paxta hosilining har bir kilogrammi nafaqat iqtisodiy qiymatga, balki fermerlar mehnatiga beriladigan munosib bahoga tengdir.

🌐Website 💬Telegram 💬Facebook 📺YouTube 📷Instagram

Qashqadaryoda paxta mavsumiga tayyorgarlik: yangi tizim va yangi texnika namoyishi

🌱Xabar berganimizdek, Qishloq xo‘jaligi vaziri Ibrohim Abdurahmonovning Qashqadaryo viloyatiga ishchi tashrifi davom etmoqda. Tashrif doirasida vazir Nishon tumanidagi “Mirishkor Ratex” MChJga qarashli paxta qabul qilish maskanining mavsumga tayyorgarlik jarayonini ko‘zdan kechirdi.

❕Bu yerda paxta terimi mavsumi uchun zarur barcha texnikalar foydalanishga tayyorlangani, ayniqsa paxta tashuvchi tirkamalar ta’mirdan chiqarilib, mavsumga shay qilingani alohida ta’kidlandi. Shu bilan birga, vazir “AgroTarozi” axborot tizimining ish jarayonini ham ko‘zdan kechirib, tarozibonlar va laboratoriya vakillarining yangi tizimda ishlash bo‘yicha bilim hamda malakalari qay darajada oshirilganiga alohida e’tibor qaratdi.

✔️Uchrashuvda ta’kidlanishicha, yangi tizimni joriy etishdan ko‘zlangan asosiy maqsad — shaffoflik va aniqlikni ta’minlashdir. Bu yo‘nalishda kameralardan foydalanishning ahamiyati, sun’iy intellekt texnologiyalarini tatbiq etish tomonlar uchun birdek manfaatli bo‘lishi haqida so‘z yuritildi.

ℹ️Shuningdek, har bir paxta tashuvchi tirkamaning davlat raqam belgisi bo‘lishi va ularni yagona tizimga kiritish jarayoni muhim ahamiyat kasb etayotgani qayd etildi.

📄Ibrohim Abdurahmonov bu borada amalga oshirilayotgan ishlar mavsum boshlanguniga qadar mantiqiy yakuniga yetkazilishi lozimligini ta’kidladi. Yig‘im-terim mavsumida tashkiliy muammolar yuzaga kelmasligi uchun qisqa muddatlarda barcha tayyorgarlik ishlarini tugatish bo‘yicha mas’ullarga topshiriqlar berdi.

🚜Shu yerning o‘zida yangi paxta terish mashinalarining namoyishi ham o‘tkazildi. Mutasaddilarning ma’lumotlariga ko‘ra, Nishon tumaniga joriy yilda 11 ta yangi paxta terish mashinasi olib kelingan. Bundan tashqari, o‘tgan yili xarid qilingan 22 ta texnika bilan birgalikda, hozirda tumanda jami 33 ta zamonaviy paxta terish mashinasi mavsumga tayyor turibdi.

✅Qishloq xo‘jaligi sohasida amalga oshirilayotgan bunday islohot va yangilanishlar, albatta, hosilni o‘z vaqtida va sifatli yig‘ib olish, fermerlar mehnatini yengillashtirish, shuningdek paxta qabul jarayonlarida shaffoflik hamda samaradorlikni ta’minlashga xizmat qiladi.

🌐Website 💬Telegram 💬Facebook 📺YouTube 📷Instagram

Kartoshkachilikda yangi tajriba – samarali hosil kafolati

🌱Qishloq xo‘jaligi vaziri Ibrohim Abdurahmonov Nishon tumanida joylashgan “Afro‘za Xolyorova” fermer xo‘jaligida takroriy ekin sifatida ekilgan kartoshka maydonlarini ko‘zdan kechirdi.

🥔Xo‘jalikda 30 gektar yer maydonida “Kolumbiya” navli kartoshka yetishtirilmoqda. Bu yondashuv, bir tomondan, yerdan oqilona foydalanish imkonini bersa, ikkinchi tomondan esa aholining dasturxoniga qo‘shimcha ne’mat ulashishga xizmat qilmoqda.

ℹ️Mutaxassislar ta’kidlashicha, ekishdan 15 kun avval maxsus sharoitda tindirilgan urug‘lar hosildorlikning yuqori bo‘lishida asosiy omil bo‘lgan. Shuningdek, tomchilatib sug‘orish texnologiyasining joriy qilinishi suvni tejash bilan birga hosil sifatini ham yaxshilayotganini ko‘rsatmoqda.

📌Bugungi kunda faqat Nishon tumanining o‘zida 180 gektardan ortiq maydonda takroriy ekin sifatida kartoshka parvarish qilinmoqda. Bu jarayon, avvalo, mamlakatimiz oziq-ovqat xavfsizligini mustahkamlash, ichki bozorni sifatli va arzon mahsulot bilan ta’minlash hamda kelgusida eksport salohiyatini oshirishga xizmat qilmoqda.

🗣Vazir dalani ko‘zdan kechirar ekan, amalga oshirilayotgan ishlarga ijobiy baho berib, mas’ullarga hosildorlikni oshirish, urug‘chilikni ilmiy asosda rivojlantirish va agroloyihalarni jipslikda olib borish bo‘yicha aniq topshiriqlar berdi.

✅Zero, ilm-fan va zamonaviy texnologiya uyg‘unligi qishloq xo‘jaligida barqaror taraqqiyotning eng ishonchli kafolatidir.

🌐Website 💬Telegram 💬Facebook 📺YouTube 📷Instagram

Tizimli yondashuv – yuqori hosildorlik garovi

🌱Qishloq xo‘jaligi vaziri Ibrohim Abdurahmonov ishchi tashrifi doirasida Qashqadaryo viloyatining Nishon tumanida joylashgan “Niyozov Elxushbek” fermer xo‘jaligi dalalarida amalga oshirilayotgan agrotexnik jarayonlar bilan tanishdi.

🌱 Umumiy maydoni 10 gektardan iborat bo‘lgan konturda xorijiy “Xin Lu Zao-73” paxta navi Xitoy agrotexnologiyasi asosida parvarish qilinmoqda. Mutasaddilar ma’lumotiga ko‘ra, chigit ekish 76x10 sxemasi bo‘yicha amalga oshirilgan, ko‘chatlar esa yakkaqator qilib ochiq maydonga joylashtirilgan.

⚙️Yetishtirish jarayonlari zamonaviy usullar asosida olib borilmoqda. Xususan, chopiq ishlari, qator oralarini ishlov berish, va sug‘orish amaliyotlari belgilangan me’yorlar bo‘yicha tashkil etilgan.

🗣Vazir jarayonlarni ko‘zdan kechirar ekan, ekinlarni oziqlantirishda e’tiborni kuchaytirish lozimligini qayd etib o’tdi. U shuningdek, ayni tumandagi “Afro’za Xolyorova” fermer xo’jaligiga qarashli yana bir 70 gektarlik paxta dalasida olib borilayotgan keng ko’lamli ishlar bilan tanishdi.

🌱 Hududning 5 gektarlik kontur qismida ham paxtaning g’o’zaning “Xin Lu Zao-73” navi yetishtirilmoqda. Navlarni ekish, parvarishlash va defoliatsiyalash amaliyotlari Paxtachilik kengashi olimlari tomonidan ishlab chiqilgan uslubiy qo’llanmaga muvofiq tashkil etilgan.

✅Vazir amalga oshirilayotgan agrotexnik amaliyotlarni ijobiy baholadi hamda navlarning o‘z vaqtida to‘liq yetilishiga alohida e’tibor qaratish zarurligini ta’kidladi. Shuningdek, ekinlarni oziqlantirish, defoliatsiyalash va dalalarni begona o‘tlardan tozalash bo‘yicha mas’ullarga aniq topshiriqlar berdi.

🌐Website 💬Telegram 💬Facebook 📺YouTube 📷Instagram

🌱🌱🌱🌱🌱🌱🌱🌱

Sabzini sug‘orishda har kim bilishi kerak bo'lgan muhim ma'lumotlar

🥕Sabzi yetishtirishda tuproq namligi sug‘orishdan oldin 70-75% darajada bo‘lishi lozim. Kechki sabzi asosan iyun oxiri va iyul boshlarida sepiladi, ildizmeva shakllanishi esa kuzdagi salqin kunlarga to‘g‘ri keladi.

👉Batafsil: https://gov.uz/oz/agro/news/view/42518

👉Подробно: https://gov.uz/ru/agro/news/view/42518

🌐Website 💬Telegram 💬Facebook 📺YouTube 📷Instagram

Mas’uliyat bilan yondashilgan har bir ish — taraqqiyot sari qo‘yilgan qadamdir

🌱Qishloq xo‘jaligi vaziri Ibrohim Abdurahmonov Qashqadaryo viloyatiga amalga oshirayotgan ishchi tashrifi doirasida ilk manzil sifatida Nishon tumanidagi “Yakkabog‘ Best Seeds” MChJ urug‘ni qayta ishlash korxonasida bo‘ldi.

✅Mazkur korxona Urug‘chilikni rivojlantirish markazi tizimida faoliyat yuritib, mamlakatimizda yuqori sifatli urug‘lik don yetishtirishda muhim o‘rin tutadi.

🔨Bugungi kunda korxona zamonaviy texnika va texnologiyalar bilan jihozlangan bo‘lib, donni saralash, dorilash va laboratoriya nazorati xalqaro standartlar asosida olib borilmoqda.

💬Rejaga ko‘ra, jami 1 ming 900 tonna bug‘doy urug‘i yarovizatsiya jarayoniga jalb etilishi belgilangan. Shundan hozirgacha 700 tonna urug‘ qayta ishlangan bo‘lsa, yaqin kunlarda yana 500 tonna qo‘shilishi kutilmoqda.

✍️Vazir korxonani ko‘zdan kechirar ekan, yarovizatsiya jarayoni odatda 60 kungacha davom etishi, bu esa, urug‘ning sifatini tubdan yaxshilashga xizmat qilishini qayd etdi. Shuningdek, mavjud kamchiliklar yuzasidan tanqidiy fikr bildirdi va ularni bartaraf etish bo‘yicha tegishli tavsiyalar berdi.

📰Aytish kerak, yarovizatsiya — bu don urug‘larini belgilangan namlik va harorat muhitida sun’iy tarzda vegetatsiya davriga tayyorlash jarayoni bo‘lib, uning natijasida urug‘larning unuvchanligi oshadi, unish muddati bir me’yorga keladi va yakuniy hosildorlik sezilarli darajada ortadi.

🔁Jarayondan to‘liq o‘tmagan urug‘lik esa, dalada bir tekis unmaydi va hosildorlikka salbiy ta’sir ko‘rsatadi. Bunda har bir xodim mas’uldorlikni o‘z bo‘yinga olgan holda ish tutsagina, qo‘yilgan vazifalarning samarali natija berishi ta’minlanadi.

✍️Zero, qishloq xo‘jaligida barqaror va mo‘l hosil olishning bosh omili — sifatli va to‘liq tayyorlangan urug‘dir.

🌐Website 💬Telegram 💬Facebook 📺YouTube 📷Instagram

Makkajo’xorining foydali xususiyatlari

🌽Makkajo’xori qadimdan mazali va to’yimli mahsulot sanalgan. Uning boy ozuqaviy xususiyatlari tufayli ko‘pchilikning sevimli ozuqa manbaiga aylangan.

ℹ️Chunki makkajo’xori quyidagi xususiyatlarga ega:
– ovqat hazm qilishni yaxshilaydi;
– stressga qarshi kurashadi;
– asab tizimi, yurak va tomirlar faoliyatini yaxshilaydi;
– jigar, buyrak va oshqozon osti bezi faoliyatini yaxshilaydi;
– ko’rish qobilyatini yaxshilaydi;
– organizmni turli shlak va toksinlardan tozalaydi;
– immunitetni mustahkamlab, shamollash va virusga qarshi kurashadi.

🔴Har bir mahsulotning o‘ziga yarasha meyori bo‘lganday, makkajo‘xorining ham meyoridan ortig‘i vazn yetishmovchiligi va ovqat hazm qilish bilan bog’liq muammosi bor insonlarga iste’mol qilish tavsiya qilinmaydi.

🌐Website 💬Telegram 💬Facebook 📺YouTube 📷Instagram

🌱🌱🌱🌱🌱🌱

Pekan yong‘og‘i – Shimoliy Amerikaning mo‘jizaviy mevasi

🌰Pekan yong‘og‘i (Carya illinoinensis) — yong‘oqsimonlar oilasiga mansub bo‘lib, asosan Shimoliy Amerikada o‘sadi. Uzunchoq shakli, yupqa va silliq po‘sti hamda yumshoq, mazali mag‘zi uni boshqa yong‘oqlardan ajratib turadi. Ta’mi jihatidan bodomni eslatsa-da, o‘ziga xos yog‘liligi va shirinligi bilan alohida qadrlanadi.

🔬Pekan tarkibida sog‘lomlik uchun muhim moddalar — omega-3 yog‘ kislotalari, E va A vitaminlari, magniy, rux va boshqa minerallar mavjud.

📰Mutaxassislarning ta’kidlashicha, bu yong‘oq — yurak faoliyatini qo‘llab-quvvatlaydi, “yomon” xolesterinni kamaytirishga yordam beradi, miya faoliyatini kuchaytiradi, immunitetni mustahkamlaydi, teri va soch salomatligini yaxshilaydi.

✅Pekan nafaqat shifobaxsh, balki oshxonada ham juda serqirra. Uni yangi yoki qovurilgan holda iste’mol qilish mumkin. Bundan tashqari, salat va desertlarga qo‘shiladi, turli shirinlik hamda piroglar uchun ajoyib ingredient hisoblanadi. AQSh oshxonasida mashhur bo‘lgan “pecan pie” pirogi aynan shu yong‘oq asosida tayyorlanadi.

👩‍⚕️ Diyetologlar sog‘lom turmush tarzini qo‘llab-quvvatlash uchun kundalik ratsionga oz miqdorda pekan yong‘og‘i kiritishni maslahat berishadi.

🌐Website 💬Telegram 💬Facebook 📺YouTube 📷Instagram

🌱🌱🌱🌱🌱🌱🌱🌱

Yomg‘irning boshoqli don ekinlariga foydasi qay darajada?

🌧Yomg‘ir qishloq xo‘jaligi, ayniqsa, boshoqli don ekinlari uchun eng muhim tabiiy omillardan biridir. G‘alla, arpa, suli kabi ekinlarning rivojlanishida u nafaqat namlik manbai, balki tabiiy o‘g‘itlovchi vazifasini ham bajaradi.

ℹ️Yomg‘ir tufayli tuproqdagi namlik zaxirasi ko‘payadi, bu esa don ekinlarining ildiz tizimini mustahkamlaydi va ularning tez va barqaror rivojlanishini ta’minlaydi. Ayniqsa, unib chiqish va poya hosil qilish davrida yomg‘ir ekinlar uchun hal qiluvchi ahamiyat kasb etadi.

📈 Yog‘ingarchilik natijasida tuproqda o‘g‘it va minerallar tez eriydi va o‘simlik tomonidan samaraliroq o‘zlashtiriladi. Bu hosil sifatiga ham, miqdoriga ham ijobiy ta’sir ko‘rsatadi.

🌱Shuningdek, tabiiy namlik yetarli bo‘lganda bug‘doy va arpa kabi ekinlar qalin va sog‘lom bo‘lib o‘sadi. Natijada, hosildorlik sezilarli darajada oshadi. Mutaxassislarning fikricha, yaxshi yog‘ingarchilik bo‘lgan yillarda hosil 25–30 foizgacha ko‘payishi mumkin.

⭐️Bundan tashqari, tomchilar tuproqda namlikni to‘plab, uzoq muddatli qurg‘oqchilik sharoitida ham ekinlarni suv bilan ta’minlaydi. Bu esa hosilning barqarorligini saqlashda katta ahamiyatga ega.

⚙️Biroq, yomg‘irning ham me’yori muhim: haddan tashqari ko‘p yog‘ingarchilik ayrim kasalliklarni – masalan, zang va ildiz chirishini kuchaytirishi mumkin. Shu bois dehqonlar yomg‘irli davrda agrotexnik tadbirlarni to‘g‘ri olib borishi zarur.

🌐Website 💬Telegram 💬Facebook 📺YouTube 📷Instagram

O‘zbekiston jahonning 67 ta mamlakatiga uzum mahsulotlarini yetkazib bermoqda

🍇Milliy statistika qo‘mitasi ma’lumotlariga ko‘ra, O‘zbekiston 2025-yilning yanvar-iyul oylarida 67 ta davlatga qiymati 98,3 mln AQSH dollariga teng bo‘lgan 84,1 ming tonna uzum (quritilgan uzum ya’ni mayiz bilan birga) eksport qilgan.

📈Bu ko‘rsatkich o‘tgan yilning mos davriga nisbatan 51,6 ming tonnaga yoki 2,6 barobarga oshgan.

🌍O‘zbekiston 2025-yilning 7 oyida eng ko‘p uzum (mayiz bilan birga) yetkazib bergan davlatlar:

🇷🇺Rossiya – 23,8 ming tonna;
🇰🇿Qozog‘iston – 17,7 ming tonna;
🇨🇳Xitoy – 15,1 ming tonna;
🇹🇷Turkiya – 3,5 ming tonna;
🇬🇪Gruziya – 2 ming tonna;
🇮🇷Eron – 1,9 ming tonna;
🇧🇾Belarus – 1,9 ming tonna;
🌍Boshqa davlatlar – 18,1 ming tonna.

🌐Website 💬Telegram 💬Facebook 📺YouTube 📷Instagram

Yosh bedanalarni oziqlantirishda nimalarga e’tibor qaratish lozim?

🐤Bedana jo‘jalarining sog‘lom o‘sishi to‘g‘ri parvarish va to‘g‘ri oziqlantirishdan boshlanadi. Birinchi kundan boshlab ularga Kaliy permanganat (margansovka)li och pushti suv beriladi. Suvdon chuqurligi 5 mm dan oshmasligi kerak, aks holda jo‘jalar cho‘kib ketishi mumkin.

💦Dastlabki kunlarda shisha bankaning plastmassa qopqog‘i yoki maxsus suv idish (Petri idishi)dan foydalanish qulay. Suv qaynatilgan bo‘lishi joiz, chunki xom suv tezda aynib, jo‘jalar sog‘lig‘iga xavf tug‘diradi.

➕Birinchi uch hafta davomida yem cheklanmaydi, biroq ortib qolgan qoldiq 2 soatdan so‘ng olib tashlanishi lozim. Bedana yemining harorati yashik ichidagi haroratga mos bo‘lishi ham muhim omil sanaladi.

ℹ️Ikkinchi haftadan boshlab qushlarga mayda tosh va maydalangan chig‘anoq beriladi. 29 kunlik yoshgacha bo‘lgan bedanalar uchun ozuqa tarkibida tvorog va qaynatilgan, maydalangan baliq bo‘lishi tavsiya etiladi, chunki ular yuqori protein manbaidir.

📈30–42 kun oralig‘ida esa jo‘jalarni asta-sekin katta bedanalar ratsioniga o‘tkazish kerak. Bedanalarni vaqtidan ilgari jinsiy rivojlanishining oldini olish maqsadida yem tarkibidagi protein miqdori 16–18 foizgacha tushiriladi, chunki u keyinchalik tuxum mahsuldorligiga salbiy ta’sirini ko‘rsatadi.

Oziqlantirish rejasi ham bosqichma-bosqich o‘zgaradi: birinchi hafta kuniga 5–6 mahal, keyingi haftalarda 4 mahal, to‘rtinchi haftadan esa 3 mahal beriladi. Oziqlantirish jarayoni to‘liq nazorat ostida bo‘lishi lozim.

🌐Website 💬Telegram 💬Facebook 📺YouTube 📷Instagram

Tarvuz yetishtiruvchilar bu yil jiddiy zarar ko‘rdi. Daromad yo’q…

➖Portugaliyada xavfli begona o‘t aniqlandi. Uning ekinlarga zarari qay darajada?

➖Latviyada karam hosili ikki baravar kamayishi mumkin. Nega?

➖AQSh tajribasi: Endi o‘g‘it ishlab chiqarishda qimmatbaho metallar o‘rniga rux qo‘llaniladi. Buning qanday afzalliklari bor?

➖O‘zbekiston joriy yil davomida 14 ta mamlakatga o‘rik eksport qildi. Asosiy xaridorlar kim?

➖Vazir Ibrohim Abdurahmonov hafta davomida qayerlarga bordi?
 
Sohaga oid eng so‘ngi yangiliklar "Agro news" dasturida.

▶️Ko’rsatuvning to’liq qismi: https://youtu.be/hvSi7wFGPNA

🌐Website 💬Telegram 💬Facebook 📺YouTube 📷Instagram

🌱🌱🌱🌱🌱🌱🌱🌱

Po‘stloq ostiga payvand qilish: Tushunarli va mukammal qo‘llanma

🌳Po‘stloq ostiga payvand qilish — bu yangi navlarni mavjud daraxtlarga ulab, bog‘lar hosildorligini oshirish va mevalarning sifatini yaxshilash usuli. Bu usul ayniqsa danakli (olxo‘ri, shaftoli, nok, olma) va urug‘li (anor, tut) daraxtlar uchun qo‘llaniladi.

✂️Asosan, o‘simlikni faol o‘sish davrida (3-4 sm yangi o‘sish bo‘lgan paytda) payvand qilish eng yaxshi natija beradi. Bunda ulash uchun 30-60 sm uzunlikdagi katta shoxlar kesiladi. Biroq, ona shox qoldirilishi shart. U ulangan navlarga ozuqa yetkazib beradi va ularning yaxshi o‘sib ketishini ta’minlaydi.

▶️Ona shox boshqa ulangan novdalardan pastda bo‘lishi kerak. So‘ng, 5-6 sm uzunlikda po‘stloq kesiladi. Po‘stloq yaxshi ajralishi uchun kesish yo‘nalishini to‘g‘ri tanlashishi zarur. Ulangan novda qalamdan qalinroq bo‘ladi. Novdani 4 sm uzunlikda qiya (diagonal) qilib kesiladi, xuddi shu kesilgan joyni orqa tomonida ham 4 sm uzunlikda kesiladi.

Novdani po‘st ostiga joylash

➖Ulangan novda tayyorlangan shox po‘sti orasiga kiritiladi;
➖Ushlab turishi va tez bitishi uchun bir-biriga mixlab qo‘yiladi;
➖Shox aylanasi bo‘ylab har 10 sm masofada yangi navlar ulanadi.

📌Qurib qolish va chirishning oldini olish uchun ulangan joy bog‘lab, mustahkamlab qo‘yiladi. Keyin suvga asoslangan bo‘yoq (voda emulsiya) bilan bo‘yaladi. Bunda 3 litr voda emulsiyaga 1 litr suv qo‘shib tayyorlanadi. Ulangan novdaning ustki va pastki qismlari bo‘yaladi. Yangi o‘sgan novdalar shamoldan zararlanmasligi uchun ularni tirgakka bog‘lash lozim.

Nega po‘stloq ostiga payvand qilish samarali?

➖Eski daraxtlarga yangi navlarni ulab hosildorlikni oshirish mumkin;
➖Changlantiruvchi navlarni yetishmayotgan bog‘larda yangi changlantiruvchi navlar ulash mumkin, bu esa mevalarning hosildorligini yaxshilaydi;
➖Ushbu usul genetik jihatdan kuchli daraxtlarni saqlab qolish imkonini beradi.

✅Po‘stloq ostiga payvand qilish bu samarali, tabiiy va iqtisodiy jihatdan foydali usul bo‘lib, bog‘ni modernizatsiya qilish va navlarni o‘zgartirish uchun ajoyib yechim hisoblanadi. Daraxtlar to‘g‘ri tayyorlansa, ulangan navlar tez o‘sib ketadi va bog‘ hosildorligi keskin oshadi!

🌐Website 💬Telegram 💬Facebook 📺YouTube 📷Instagram

Suv isrofgarchiligiga qarshi kimyoviy tadbirlar

🟢Kanallarda va ularning suv isrofiga qarshi bir nechta tadbirlar mavjud. Ularga birma-bir to‘xtalamiz.

1) Kanal o‘zanida bentonit gil tuproqlarini qo‘llash. Bunday tuproqlar tarkibida «mont-morillonit» minerallar mavjud bo‘lib, tuproq namlanganda ular juda kuchli darajada shishib, o‘zidan suv o‘tkazmaydigan xususiyat kasb etadi. Mamlakatimizning Xorazm, Angren, Buxoro, Dalvarzin va h.k. hududlarida katta miqdorda bentonit zaxiralari mavjud. Jumladan, filtratsiya koeffitsiyenti qumli kanal o‘zanida 20,8 m/kun bo‘lsa, qumning 15-17% bentonit va 85-83% qum aralashmasidan hosil qilingan qalinligi 10 sm bo‘lgan «maxsus ekran»ning filtratsiya koeffitsiyenti 0,0017 m/kungacha tushganligi aniqlangan.

2) Gruntni bitumlash. Bunda qumoq tuproqni bitum emulsiyasi bilan aralashtirib yoki issiq bitum emulsiyasini to‘g‘ridan to‘g‘ri berish orqali amalga oshiriladi.
– Birinchi holatda 50°С gacha qizdirilgan bitum emulsiyasi 16-24% hajmida qumoq tuproq bilan aralashtirilib, kanal o‘zaniga yotqiziladi va zichlanadi.
– Ikkinchi uslubda esa, 150°C gacha qizdirilgan bitum emulsiyasi 1 m2 yuzaga 4-9 kg miqdorida sepilish orqali amalga oshiriladi. Emulsiya tarkibida bitum 40- 50% bo‘lishi va bitum rusumi yuqori bo‘lishi kerak. Bu tadbir 3-4 yilgacha o‘z ta’sirini o‘tkazib, suv isrofini 2-4 marotabagacha kamaytiradi.

3) Tuzdan foydalanish. Gruntlarni tuzlash natijasida gruntning suv o‘tkazuvchanligi keskin kamayadi. Ular 2 xil ko‘rinishda — ochiq yuzaga va himoyalangan yuzaga qizdirilgan osh tuzining yuqori konsentratsiyali eritmasini (1 m2 ochiq yuzaga 5 kg, himoyalangan yuzaga 3 kg tuz eritmasi) sepish orqali amalga oshiriladi. Bunday yuzalarda o‘tlar o‘smaydi va 5-8-yil xizmat qilib, unda suv isrofi 2 marotabaga kamayadi. Ammo yodda tutish kerak — karbonatli gruntlar uchun bu uslub qo‘l kelmaydi.

4) Neftlash. Bunda 15-20 kg/m2 miqdorda 120°C qizdirilgan neft o‘zanga sepiladi. Bu tadbir 5-6-yil davomida 70-80% suv isrofini kamaytiradi.

5) Silikatlash. Gruntga suyuq shishani bosim ostida berishga asoslangan. Bu holda natriy kremneftorid yoki kalsiy xlorid eritmasi bilan silikat kislota ajralib tuproq kovakchalarida mahkam o‘rnashib qoladi. Bu tadbir sho‘r tuproqlarda va yog‘ingarchilikda yaxshi natija bermaydi, lekin sovuqqa chidamli.

6) Plyonkalash. Suv sathi ustida (ayniqsa, suv omborlarida) monomolekulyar plyonka hosil qilish, ya’ni suv bilan aralashmaydigan va bug‘lanmaydigan yog‘li spirt (ortadekanol, geksadekanol va h.k.) ni 1 m2 suv sathi yuzasiga 0,05 gramm miqdorda yoyish. Bu holda, suv yuzasidan bo‘ladigan bug‘lanish (kuniga) 77% gacha kamayishi qayd etilgan.

🌐Website 💬Telegram 💬Facebook 📺YouTube 📷Instagram

Meva-sabzavotchilik va zamonaviy urug‘chilikni rivojlantirishga bag‘ishlangan seminar o‘tkazildi

📌Samarqand viloyati Jomboy tumanidagi “SAG AGRO” MCHJga qarashli “Bog‘bon” in-vitro laboratoriyasida “Mamlakatda meva-sabzavotchilikni rivojlantirish va zamonaviy urug‘chilikni tashkil etishning dolzarb masalalari” mavzusida ilmiy-amaliy seminar bo‘lib o‘tdi.

Tadbirda Oliy Majlis Qonunchilik palatasining Agrar va suv xo‘jaligi masalalari qo‘mitasi raisi Ravshan Mamutov, Qishloq xo‘jaligi vaziri o‘rinbosari Jamshidjon Abduzuxurov, Ichki ishlar vaziri o‘rinbosari Saidkarim Nishanbaev, viloyat va tuman hokimi o‘rinbosarlari hamda sohaning mas’ul idoralari, shuningdek Jizzax, Qashqadaryo va Samarqand viloyatlaridan 50 dan ortiq fermer, dehqon xo‘jaliklari va urug‘chilik tashkilotlari ishtirok etdi.

📰Seminar doirasida meva-sabzavot yetishtirish sohasidagi mavjud imkoniyatlar, davlat qo‘llab-quvvatlovi mexanizmlari, mahsulotlarni eksportga yo‘naltirish va tarmoqni yanada rivojlantirish bo‘yicha taklif va tavsiyalar muhokama qilindi.

📰Shuningdek, sohadagi mavjud muammolar va ularning yechimlari yuzasidan qonunchilik tashabbuslari bildirildi.

📌Ta’kidlanishicha, kelgusida urug‘chilik va ko‘chatchilik yo‘nalishini takomillashtirish, meva-sabzavot mahsulotlarini yetishtirish va ularni tashqi bozorga chiqarishda qo‘llab-quvvatlash choralarini belgilash kutilmoqda.

🌐Website 💬Telegram 💬Facebook 📺YouTube 📷Instagram