9 ЖЭО қызыл тәуекел аймағынан сарыға көшті

Энергетика министрі Ерлан Ақкенженовтің айтуынша, елімізде ауқымды жөндеу науқаны жүзеге асырылып жатыр. Биыл 10 энергоблокта, 63 қазандықта және 39 турбинада күрделі жөндеу жүргізу жоспарланған.

ЖЭО-ның орташа тозуы ел бойынша 61%-ға дейін төмендеді. Өткен жылыту маусымының қорытындысы бойынша 9 ЖЭО қызыл тәуекел аймағынан сарыға, 3 ЖЭО сарыдан жасыл аймаққа көшті.

Massaget.kz

АҚШ пен Ресей президенттері Аляскадағы келіссөзде не туралы айтылды?

Путин:
– Мұнда кездескеніміз орынды, өйткені біз көрші елдерміз
– Украина біз үшін – қасірет пен ауыр қайғы
– Ресейдің мақсаты – бейбітшілік орнату
– Ол үшін дағдарыстың себептерін жойып, қауіпсіздік теңдігін қалпына келтіру керек
– Трамппен келісемін: Украинаның қауіпсіздігі де кепілденуі қажет
– Егер ол президент болса, соғыс мүлдем болмас еді

Трамп:
– Қорытынды келісім жоқ, бірақ ілгерілеу айтарлықтай
– Бірқатар маңызды мәселелер бойынша ортақ пікірге келдік
– Бүгін нақты нәтижелерге қол жеткіздік
– Владимирмен қарым-қатынасым әрдайым жақсы болған
– Еуропа көшбасшыларымен және Зеленскиймен сөйлесемін
– Құрметті Путин, сізбен қайта кездесуді асыға күтемін

Massaget.kz

“Талай қастандық жасалды”: Мейірман Шекеевпен сұхбат

Қоғамда кеңінен резонанс тудырып, халықтың қызу талқысына түскен Шерзат Полат ісіне қатысты сот үкімі жарияланып, процесс аяқталғаны белгілі. Аталған қылмыстық іс бойынша жәбірленуші тараптың қорғаушысы, халыққа кең танымал айтары бар азамат Мейірман Шекеевпен ашық сұхбат.

Қорғаушымен сот барысындағы тосын жайттар, істің көлеңкелі тұстары, қазақстандық сот жүйесіндегі проблемалар жайында әңгіме өрбітіп, жаңаша қырынан ашуға тырыстық.

Сұхбаттық толық нұсқасы:
https://youtu.be/nJefYh3sTfE

Massaget.kz

Президент Қасым-Жомарт Тоқаев білім берудегі аса үздік жетістіктері және Қазақстан Республикасына сіңірген айрықша еңбегі үшін бір топ ұстазға мемлекеттік наградаларды табыстады

Massaget.kz

Шерзаттың әкесінің үйі өртенуіне байланысты тергеу тоқтады

Прокуратураның айтуынша, Қаржаубай Нұрымовтың үйіндегі өртке қатысты тергеу қазір уақытша тоқтатылған. Бұл — іс бойынша құқықтық көмек көрсету шаралары жүргізіліп жатқанымен байланысты.

Massaget.kz

ШҚО-да құмар ойынға шақыратын блогерлер анықталды

Шығыс Қазақстан облысында Instagram-да заңсыз лотерея ұйымдастырған 12 аккаунт пен онлайн-казино жұмысын насихаттаған блогерлер анықталды.

Экономикалық тергеу департаментінің мәліметінше, бұлардың қатарында 2,3 млн жазылушысы бар танымал екі блогер бар. Аккаунт иелері әкімшілік жауапқа тартылды. Салынған айыппұлдың жалпы сомасы – 5 млн теңге.

Massaget.kz

Қорғаныс министрінің орынбасары мен Әскери-теңіз күштерінің бас қолбасшысы тағайындалды

Мемлекет басшысының өкімімен, Серік Борамбаев Қорғаныс министрінің орынбасары болып тағайындалды.

Ал, Қанат Ниязбеков Әскери-теңіз күштерінің бас қолбасшысы лауазымына тағайындалды.

Massaget.kz

Өзгенің ЭЦҚ-сын пайдаланған қазақстандықтарға айыппұл салынады

▪️жеке тұлғаларға – 50 АЕК (196 600 теңге),
▪️лауазымды тұлғалар мен шағын бизнеске – 100 АЕК (393 200 теңге),
▪️орта бизнеске – 150 АЕК (589 800 теңге),
▪️ірі бизнеске – 200 АЕК (786 400 теңге).

Рұқсатпен де өзгенің ЭЦҚ-сын қолдануға болмайды.

Massaget.kz

АҚШ импортталатын алтынға баж салығын салмайды

Бұл туралы ел президенті Дональд Трамп мәлім етті.

"Алтынға тариф қойылмайды", деп жазды ол әлеуметтік желідегі парақшасында. Бұған дейін АҚШ-тың кеден және шекараны қорғау қызметі өз веб-сайтында Вашингтонның алтын құймаларына импорттық баж салығын енгізуі мүмкін екенін жазған.

Ал, Дональд Трамп қымбат металдың жалғасып жатқан сауда қақтығыстарына тартылуы мүмкін деген болжамға нүкте қойды.

Massaget.kz

ҚазҰУ студентінің қаза болу себебі айтылды

Ғылым және жоғары білім министрі Саясат Нұрбектің айтуынша, ҚазҰУ-да орын алған қайғылы оқиға бойынша тергеу жүргізіліп жатыр.

"Сот шешімдері немесе қорытындылар шыққанға дейін айта алатыным, бұл негізінен, отбасылық ішкі трагедия, – деп түсіндірді министр.

Massaget.kz

Жапониядағы су тасқыны: жаппай эвакуация басталды

Аймақта нөсер жауын салдарынан су тасқыны мен көшкін басталды. Ондаған үйді, көліктерді су басып, жолдар бұзылды.

Жергілікті биліктің хабарлауынша, жалпы саны 3 миллионға жуық халқы бар аймақтарға эвакуация туралы ескерту берілген. Ең қауіпті аймақта 380 мыңнан астам адам тұрады.

Бірнеше адам із-түзсіз жоғалған, қаза болғандар туралы ақпарат жоқ. Құтқару жұмыстары жалғасып жатыр.

Massaget.kz

1 қыркүйекте Қазақстанда 83 жаңа мектеп ашылады

Елімізде жалпы 232 мектеп салынып жатыр. Бұл туралы Оқу-ағарту министрі Ғани Бейсембаев мәлім етті.

Сонымен қатар 245 мектепті жаңарту жұмыстары атқарылып жатыр, оның 145-і – ауыл, 100-і – қала мектебі. Реновация жұмыстарының уақытылы әрі сапалы жүргізілуі әкімдіктердің жауапкершілігінде, деді министр.

Фото: Samruk-Kazyna Construction

Massaget.kz

Әкімдіктер талапкерлерге 2 мыңға жуық грант бөлді

Бұл туралы Ғылым және жоғары білім министрлігі мәлім етті. 

Оның ішінде, 526 грантты елорда әкімдігі бөліп отыр. Бұл – әкімдіктер арасындағы ең үлкен көрсеткіш.

Білім беру грантын тағайындау конкурсына қатысу үшін үміткер жоғары оқу орындарының қабылдау комиссиясына өтініш беру қажет. Жоғары оқу орындарына қабылдау 25 тамызда аяқталады.

Massaget.kz

Өскеменде алып қыз дүниеге келді

Салмағы 6045 грамм қыз бала Өскемендегі Ана мен бала орталығында дүниеге келген. Бұл туралы ШҚО Денсаулық сақтау басқармасы мәлімдеді.

Бұл - сирек кездесетін жағдай. Абырой болғанда, ана мен бала өздерін жақсы сезінеді. Әзірге қызға есім қойылған жоқ.

Massaget.kz

Үздік оқушылар бүгін Ақордада марапат алды

Олар халықаралық олимпиадаларда Қазақстанның атын шығарып, 4 алтын, 11 күміс және 9 қола медаль жеңген.

Президент оқушыларды жылы құттықтап, әрбір жеңістің артында тек талант қана емес, үлкен еңбек жатқанын атап өтті, сондай-ақ ұстаздарға көрсеткен қолдауы үшін алғыс білдірді.

Жас чемпиондар өз жетістіктері үшін қомақты сыйақылар алды:

- Алтын медаль – 1500 АЕК (5 898 000 теңге)
- Күміс медаль – 1000 АЕК (3 932 000 теңге)
- Қола медаль – 500 АЕК (1 966 000 теңге).

Massaget.kz

"Тапсырмалардың орындалу барысы мәз емес": Тоқаев жасанды интеллект туралы кеңес өткізді

Президенттің айтуынша, қазір бұл саладағы бәсеке күшейді.

"Биыл шілде айында АҚШ президенті Дональд Трамптың әкімшілігі America’s AI Action Plan стратегиясын жариялады. Онда жасанды интеллект АҚШ-тың технология, экономика және қорғаныс салаларында көшбасшы ел болып тұруына қажет аса маңызды құрал ретінде қаралған. Мамандарымыз осы және басқа да құжаттарды мұқият зерделеп, нақты қорытынды жасауы керек.

Қазақстанның негізгі мақсаты – Еуразиядағы цифрлық хабқа айналу. Ол үшін нақты іске көшу керек", – деді Қасым-Жомарт Тоқаев.

Massaget.kz

Перизат Қайраттың адвокаты апелляциялық шағым түсірді

Перизат Қайрат пен оның анасы Ғайни Алашбаеваның адвокаты апелляциялық шағым түсірді.

Адвокат үкімнің күшін жоюды және ақтауды сұраған.

Айта кетейік, 25 шілдеде Перизат Қайрат пен оның анасына қатысты үкім шықты.

Massaget.kz

Гүлназ Бөрібаева бокстан жастар арасындағы Азия чемпионатында топ жарды

Жарыс Таиландтың Бангкок қаласында өтіп жатыр.

48 келіге дейінгі салмақта сынға түскен Гүлназ үздік атанды. Ол өзбекстандық Робияхон Бахтиеровадан басым түсіп, алтын алқалады.

Финалдық кезеңде тағы үш боксшымыз Бақыт Сейдіш, Шұғыла Нәлібай және Әсел Тоқтасын бақ сынайды.

Massaget.kz

Түркияда жойқын жер сілкінісінен бір адам қаза тапты

Елдің батысындағы Балыкесир провинциясында 6,1 магнитудалы жер сілкінісі тіркелді.

Түркия Ішкі істер министрі Али Ерликая 81 жастағы тұрғынның қазасын растады. Ол қираған ғимараттың астынан құтқарушылар алып шыққаннан кейін көз жұмған.

Қазір іздестіру-құтқару жұмыстары жалғасып жатыр.

Massaget.kz

Тазы мен төбетті ұлттық бренд ретінде кеңінен насихаттау шарт - Тоқаев

World Dog Show 2025 дүниежүзілік көрмесіне қатысып, қазақы тазы лайықты бағасын алды.

Президент тазы тұқымын дамыту және бірегей қасиеттерін сақтау, жүйелі ғылыми-зерттеу жұмыстарын жүргізу, халықаралық көрмелерге тұрақты қатысу тапсырмасын берді. Бұл іске Қазақстан кинологтар одағымен қатар мемлекеттік органдар да белсенді атсалысуға тиіс.

Қасым-Жомарт Тоқаев төбет тұқымын да ерекше қамқорлыққа алуды тапсырды.

Massaget.kz

41 градусқа дейін аптап ыстық: демалыста ауа райы қандай болады?

Қазгидромет 9, 10, 11 тамызға арналған ауа райы болжамын жариялады.

Оңтүстік өңірлерде 36-41 градусқа дейін аптап ыстық болады, ал оңтүстік-шығыста 32-39 градусқа дейін болады. Батыс Қазақстанда ауа температурасы төмендейді: түнде 12-23 градус, күндіз 25-37 градус жылы.

Massaget.kz

Мемлекет басшысы Қасым-Жомарт Тоқаев Ресей Президенті Владимир Путинмен телефон арқылы сөйлесті

Владимир Путин таяуда Мәскеуде АҚШ Президентінің арнаулы өкілімен болған әңгіменің негізгі нәтижелері жөнінде мәлімет берді.

Алдағы жоғары деңгейде өтетін екіжақты форматтағы, сондай-ақ халықаралық іс-шаралар аясындағы кездесулер кестесі қарастырылды.

Massaget.kz

Қазақстанда алғашқы АЭС құрылысы ресми түрде басталды

Алматы облысындағы Үлкен ауылының маңында Қазақстан тарихындағы алғашқы атом электр станциясының құрылысын бастау рәсімі өтті.

Massaget.kz

Павлодарда терезеден балаларын лақтырған әйелдің палатасын полицейлер күзетіп тұр

Ол стационарлық емдеуде жатыр. Оның ауыр жағдайына байланысты бұлтартпау шарасы таңдалған жоқ, себебі әйел жүре алмайды.

Полиция өкілдері көршілердің сөзін де растады: 2024 жылы ол өз-өзіне қол жұмсамақ болып, балконнан секірмек болған. Бұл дерек тіркелді, кейін қылмыс құрамының болмауына байланысты іс тоқтатылды.

Massaget.kz

Қытайлық қандас Парижде “Қыз Жібек” атауымен иіссу шығарды

Отандасымыз Нұржан Төлеген люкс санаттағы парфюм жасап, сатылымға шығарды.

Бұл туралы Мәдениет және ақпарат министрі Аида Балаева мәлім етті.

“Kiz Jibek” деп аталатын бұл люкс санаттағы парфюм Франция астанасының нарығына Tolegen Paris брендімен шықты. Иіссу құтысы қазақы оюмен өрнектеліп, лирикалық жырмен көркемделген.

Massaget.kz

Алматыдан 35 шақырым жерде жер сілкінісі тіркелді

Қырғызстан Ұлттық ғылым академиясы Сейсмология институтының мәліметі бойынша магнитудасы 3,1 балл болатын жер асты дүмпуі 7 тамызда Астана уақытымен сағат 19:03-те тіркелген.

Жер сілкінісінің ошағы Алматыдан оңтүстікке қарай 35 шақырым жерде, Қырғызстан аумағында орналасқан.

Massaget.kz

🎓 МЕМЛЕКЕТТІК БІЛІМ БЕРУ ГРАНТТАРЫНЫҢ ИЕГЕРЛЕРІ АНЫҚТАЛДЫ

Білім беру гранттарының жалпы санының 60%-ы инженерлік және техникалық бағыттар бойынша бөлінді.

Алғаш рет мерзімді әскери қызмет өткеріп жатқан азаматтар үшін 2 010 білім беру гранты бөлінді.

Грант нәтижелерін ҚР Ғылым және жоғары білім министрлігі жариялады.

Massaget.kz

Қазақстандық теннисші Болгарияда жеңімпаз атанды

София қаласында теннистен ITF Juniors J30 сериясы бойынша жасөспірімдерге арналған турнир өз мәресіне жетті. Бұл жарыста 16 жастағы қазақстандық Иван Пономарев жұптық сында чемпион атанды.

Иван швейцариялық әріптесі Чарли Базилмен бірге тартысты финалда украиналық-болгариялық жұп Родион Четвериков пен Самуил Пешевті 4:6, 6:3, 10:7 есебімен жеңді.

Massaget.kz

Сәтжан Әблалиев көлік вице-министрі қызметінен босатылды.

Бұл ақпаратты бізге Үкіметтің баспасөз қызметі растады.

Бұған дейін ҰҚК көлік вице-министрінің ұсталғаны туралы хабарлаған еді. Алайда, ресми органдар ұсталған адамның есімін әлі жариялаған жоқ.

Massaget.kz

Шымкентте әкімдіктің 54 қызметкері құмар ойынға бой алдырған

Бүгінгі таңда 14 қызметкер өз еркімен жұмыстан кетіп, тәртіптік жазаға тартылды. Ал 10 қызметкер жұмыстан шығарылды.

Қазіргі таңда 20 қызметкерге қатысты қызметтік тергеп-тексеру жұмыстары жүргізіліп жатыр.

Massaget.kz

Елімізде Абай есімді 18 763 адам тұрады

Абай есімді ең егде тұрғын 1932 жылы дүниеге келген. Ал жыл басынан бері 157 нәрестеге Абай есімі берілген.

Олардың қатарында қыз балалар да бар. Ұлттық статистика бюросының мәліметінше, Қазақстанда Абай есімді 10 әйел тіркелген.

Ақынның құрметіне елімізде 1 облыс, 1 қала, 3 аудан және 26 ауылға ұлы тұлға есімі берілген екен.

Massaget.kz

Президент Қасым-Жомарт Тоқаев Орталық Азия мемлекеттері басшыларының бейресми кездесуіне қатысты

Теңізге шығар жолы жоқ дамушы елдерге арналған Біріккен Ұлттар Ұйымының үшінші конференциясының ашылу салтанатына дейін Орталық Азия мемлекеттері басшыларының кездесуі өтті.

Басқосуда аймақ елдері ынтымақтастығының басым бағыттары талқыланды.

Massaget.kz

Елімізде АЭС құрылысының басталу күні белгілі болды

8 тамызда Алматы облысында, Үлкен ауылының маңында Қазақстан тарихындағы тұңғыш атом электр стансасы құрылысының салтанатты түрде іске қосылуы өтеді.

Бас мердігер – консорциум көшбасшысы таңдаған ресейлік "Росатом".

Massaget.kz

Хасан Қасымбаевтың ісі сотқа жолданды

Облыс прокуратурасы 29 шілдеде айыптау актісін бекітті және істі мәні бойынша қарау үшін Талғар аудандық сотына жіберді.

Хасан Қасымбаевтың есімі Талғардағы Шерзат Болаттың өліміне қатысты істен кейін жиі айтыла бастады.

Ол бұған дейін Хасан Қасымбаев 2021 жылы ережесіз жекпе-жек жаттықтырушысын ұрлап, соққыға жықты деген күдікке ілінген.

Massaget.kz

Маңғыстау облысында колледждің бас есепшісі студенттер стипендиясын жымқырған

Маңғыстау техникалық колледжінің бас бухгалтері студенттер стипендиясын жымқырған.

243 млн теңге көлеміндегі іс-сапар, шәкіртақы және салық міндеттемелері үшін көзделген қаражатты өзінің жеке шотына заңсыз аударған.

Сот үкімімен ол 5 жылға сотталды.

Massaget.kz

Марқұм Нұрғанат Ғайыпбаевтың өліміне қатысты қылмыстық іс тоқтатылды

Бұл туралы адвокат Мейірман Шекеев өзінің Instagram парақшасында мәлімдеді.

Марқұм өліміне қатысты қылмыстық сипатқа тән қандай да бір белгілер анықталмаған. Дегенмен адвокат істі қайта тергеу туралы өтініш бермек ниетте.

Massaget.kz

Көлік вице-министрі пара алды деген күдікпен қамауға алынды

Бұл туралы Ұлттық қауіпсіздік комитетінің баспасөз қызметі хабарлады.

Қылмыстық-процестік кодекстің 201-бабына сәйкес, өзге ақпарат жария етілмейді.

Сәтжан Әблалиев 2023 жылғы қазаннан бері көлік вице-министрі қызметін атқарып келген.

Massaget.kz