🌊«Таза қала» Балқашта! Айдын көлдің жағасында орналасқан, еліміздің інжу-маржаны атанған шаһардың бүгінгі келбеті қандай?

▫️Күтімсіз қалған аулалар мен қаңыраған саябақтар.
▫️Эко мәдениетті қалыптастырған тұрғындар мен әсем аула жасаған шеберлер.
▫️Жылдар бойы жөнделмеген құбырлар.
▫️Көл түбін тазартқан аквалангисттер мен көшелерді жарқыратып жүрген волонтерлар.

Шаһардағы тазалыққа қатысты барлық мәселе мен жетістіктер – жаңа шығарылымда. Оған қала басшылығының да алып қосары бар.

📰📺18 тамыз сағат 19:30-да Jibek Joly телеарнасында көріңіздер!

@ptrkkz

©Қасым-Жомарт Тоқаев Аляскадағы саммит туралы пікір білдірді

Бұл жөнінде Мемлекет басшысының баспасөз хатшысы Руслан Желдібай мәлімдеді.

«Қазақстан Ресей мен АҚШ президенттерінің Анкоридждегі кездесуін Украина бойынша ең жоғары деңгейдегі келіссөздер үдерісінің бастамасы ретінде құптайды», – делінген мәлімдемеде.

☑Президент бұл тарихи саммит екі ел басшыларының саяси ерік-жігерінің арқасында мүмкін болды деп санайды.

☑Олар қазіргі заманның ең басты проблемаларына, соның ішінде Украинадағы әскери іс-қимылдарды тоқтатуға қатысты ортақ шешім табуға шынайы ниетті екенін көрсетті.

@ptrkkz

🚨Президент заявил о необходимости решить вопрос недостаточного охвата наркозависимых медико-реабилитационными мероприятиями. Он также подчеркнул, что политика государства должна быть гибкой по отношению к наркозависимым, но жесткой и нетерпимой в отношении наркобизнеса.

@ptrkkz

🚭Қасым-Жомарт Тоқаев нашақорлықтың алдын алу шараларын күшейтуді, әсіресе, білім беру мен ақпарат саласында кеңінен жұмыс жүргізуді тапсырды

@ptrkkz

☑Қасым-Жомарт Тоқаевтың төрағалығымен Қауіпсіздік Кеңесінде наркотизмге қарсы іс-қимыл мәселелері қаралды

Жиында ІІМ, ҰҚК, Денсаулық сақтау министрлігі мен Қаржылық мониторинг агенттігі басшылары баяндама жасады.

▫️Мемлекет басшысы елімізде де, әлемде де наркотизмнің ушығып бара жатқанын атап өтті.

Наркотизм – заманның дерті, қоғам үшін аса қауіпті. Ол жастардың болашағына балта шабады. Ұлт саулығына қатер төндіреді, – деді Президент.

▫️Сондай-ақ Қасым-Жомарт Тоқаев нашақорлықтың алдын алу шараларын күшейтуді, әсіресе, білім беру мен ақпарат саласында кеңінен жұмыс жүргізуді тапсырды

– Кез келген есірткі түрінің өндірісі мен сатылымына қатаң тыйым салынып, мемлекеттің жіті бақылауында болуы керек, – деді Мемлекет басшысы.

▫️Жиын қорытындысында Президент наркотизмге қарсы қоғам болып күресу маңызды екенін айтып, Үкімет пен әкімдерге нақты тапсырмалар жүктеді.

@ptrkkz

ℹ️Бүгін Kazinform агенттігіне 105 жыл толды

Агенттік ғасырдан астам уақыт бойы саясат, экономика, білім, денсаулық, спорт, мәдениет және қоғам тыныс-тіршілігі туралы сенімді әрі жедел ақпарат көзі ретінде мүлтіксіз еңбек етіп келеді.

@ptrkkz

Бүгін Халықаралық жастар күні!

🖋Осыған орай Мемлекет басшысы Jastar Fest форумына қатысушыларға үндеу жолдады.

Президенттің айтуынша, бұл – мән-мағынасы ерекше мереке. Халқымыз қашанда талапты жастарды қолдаған. «Ақыл – жастан» деп, оларға зор сенім артқан.

«Сіздер барлық салада белсенді түрде еңбек етіп жатсыздар. Волонтер ретінде мұқтаж жандарға көмек беріп жүрсіздер. Маңызды бастамаларға, экологиялық іс-шараларға атсалысып, қолдау көрсетіп келесіздер. Спорт, білім сайыстарында топ жарып, елдің абыройын көтеріп жүрсіздер.

Осылайша, Әділетті, Таза әрі Қуатты Қазақстанды құруға нақты үлес қосып жатсыздар. Мен баршаңызға шынайы ризашылығымды білдіремін!

Жастар форумы Павлодар қаласында өтіп жатыр. Бұл аймақ – ұлт руханиятын байытуға өлшеусіз еңбек сіңірген көрнекті тұлғалардың мекені. Сондай-ақ Павлодар – еліміздегі өнеркәсіп орталығының бірі. Облыстың экономикамызды өркендетуге қосқан үлесі зор.

Мемлекет өскелең ұрпаққа тиісті жағдай жасайды. Қазақстанда білім алу және еңбекпен қамту мүмкіндіктерін кеңейтуге, таланттарды шыңдауға, жеңілдікпен баспана сатып алуға, сондай-ақ жастар кәсіпкерлігін қолдауға бағытталған көптеген бағдарлама әзірленіп, іске қосылуда.

Бұл игіліктерді 600 мыңнан аса жас көріп отыр. Сондай-ақ олар арнаулы квота арқылы Мәжіліс пен мәслихат қызметіне белсенді атсалысуға мүмкіндік алды. Президенттік жастар кадр резерві мүшелері де іскерлік қырымен танылып, жоғары лауазымдарға тағайындалып жатыр. Ауыл мен аудан әкімдерін тікелей сайлау тәсілі көптеген жастың жергілікті атқарушы билік жүйесіне қызметке келуіне жол ашты»

@ptrkkz>

🥋Қасым-Жомарт Тоқаев Бүкіләлемдік таеквондо федерациясының (WT) президенті Чунгвон Чоуды қабылдады

🏅Кездесіуде Президент әлемде таеквондоның дамуына елеулі үлес қосқаны үшін Чунгвон Чоуды ІІ дәрежелі «Достық» орденімен марапаттады. Ал өз кезегінде Чунгвон Чоу Мемлекет басшысына ерекше құрметтің белгісі ретінде тоғызыншы дан қара белбеуін табыс етті.

Одан кейін Президент жаттығу тақтайшасына қолтаңба қалдырды. Сондай-ақ Чунгвон Чоудың өтінішімен таеквондо дәстүріне сай тақтайды сындырды.

@ptrkkz

⚛Президент объявил конкурс на лучшее название первой АЭС

@ptrkkz

🎓Президент: Келесі жылдан бастап халықаралық олимпиада жеңімпаздарын «Болашақ» бағдарламасы бойынша оқуға жіберу туралы шешім қабылданды

@ptrkkz

🥇 Мемлекет басшысы: Былтырдан бері оқушыларымыз 30-дан астам халықаралық олимпиада мен ғылыми жарысқа қатысып, мыңға жуық медаль алды

@ptrkkz

🖋️Бүгін ұлы ақын, ағартушы, қазақтың жазба әдебиетінің және әдеби тілінің негізін салушы Абай Құнанбайұлының туғанына 180 жыл толды

@ptrkkz

@ptrkkz

⚜️Президент Абай Құнанбайұлының туғанына 180 жыл толуына орай өтетін салтанатты іс-шараға қатысушыларды құттықтады

Қадірлі қауым!

Сіздерді Абай Құнанбайұлының туғанына 180 жыл толуымен құттықтаймын!

Абай – төл мәдениетімізді дамытуға өлшеусіз үлес қосқан әлемдік деңгейдегі кемеңгер тұлға, халқымыздың сана-сезімін жаңғыртқан ұлы ақын.

Хәкім Абайдың мол мұрасы – қазақ халқының ғана емес, барша адамзаттың өнеге алатын асыл қазынасы. Оның ой-толғамдары мен өсиеттерінің өзектілігі ешқашан жоғалмайды. Сондықтан Абайды тану және таныту, шығармашылығын терең зерделеу өте маңызды. Бүгінгі салтанатты іс-шараның түпкі мәні де – осында.

Бұл өңір – Абаймен қатар Шәкәрім Құдайбердіұлы, Мұхтар Әуезов сынды ұлттың ұлы перзенттерін дүниеге әкелген киелі өлке. Мемлекет осы аймақты ұлттық құндылықтар мекені ретінде өркендетуге баса мән береді.

Ұлы ойшылдың өміршең өлеңдері мен қастерлі қара сөздері әлі талай ұрпаққа рухани азық болары анық.

Ұлы Абайдың аманатына адал болайық!

@ptrkkz

⚡️Қасым-Жомарт Тоқаев Әзербайжан мен Армения арасында қол қойылған келісімді тарихи жетістік деп санайды

🖋Мемлекет басшысының пікірінше, Әзербайжан мен Арменияның мұндай келісімге қол қоюы – АҚШ Президенті Дональд Трамптың тегеурінді әрі тиімді бітімгерлік миссиясының арқасы. Ол Әзербайжан және Армения басшыларын саяси ерік-жігер танытып, стратегиялық тұрғыдан көреген шешім қабылдауға көндіре алды.

©Президент Қасым-Жомарт Тоқаев Қазақстан да екі ел арасындағы осынау маңызды уағдаластыққа қол жеткізуге елеулі үлес қосты деп санайды.

▫️Еліміз бейбіт келісімнің негізгі шарттарына қатысты сыртқы істер министрлерінің деңгейіндегі келіссөз алаңы ретінде Алматы қаласын ұсынды.

▫️Министрлер арасындағы келіссөздер Алматыда өтті.

@ptrkkz

🇰🇿🇹🇲Мемлекет басшысының Түрікменстанға жұмыс сапары аяқталды

@ptrkkz

🇰🇿Президент: «Қазір теңізге шығар жолымыз болмағанымен, келешекте амалын табамыз. Яғни құрлық арқылы байланыс орнатудың маңызы арта түседі»

@ptrkkz

🇰🇿Қасым-Жомарт Тоқаев: «Қазіргі кезде Азия мен Еуропа арасындағы құрлық арқылы тасымалданатын жүктің 85 пайызға жуығы еліміз арқылы өтеді»

@ptrkkz

🇰🇿🇺🇳Президент келесі жылдың сәуір айында өтетін БҰҰ-мен бірге Астанада ұйымдастырылатын Өңірлік экологиялық саммитіне шақырды

@ptrkkz

Мемлекет басшысы көрме павильонын аралап көрді

⚛Президент пен Теңізге шығар жолы жоқ дамушы елдерге арналған БҰҰ-ның үшінші конференциясына қатысушы делегация басшылары Орталық Азия елдерінің көрме павильонына барды.

⚛Көрермендер ұлттық нақышта безендірілген Қазақстан экспозициясын тамашалады. Қонақтарға ұлттық салт-дәстүрлерімізден театрландырылған қойылым ұсынылды.

@ptrkkz

🇰🇿🇹🇲Мемлекет басшысы Түрікменстан Президенті Сердар Бердімұхамедовпен кездесті

🔷Қазақстан Президенті Теңізге шығар жолы жоқ дамушы елдерге арналған БҰҰ-ның үшінші конференциясына шақырғаны үшін Сердар Бердімұхамедовке алғыс айтты.

🔷Қасым-Жомарт Тоқаев аталған іс-шара осы санатқа жататын елдердің жағдайына қатысты өзекті мәселелер туралы пікір алмасып, нақты шешімдер әзірлейтін маңызды алаң екеніне назар аударды.

@ptrkkz

«Таза қала» Теміртауға жетті

▫️Өндіріс өркен жайған шаһардағы тазалық мәселесі қай деңгейде?
▫️Қаланың қақ ортасындағы батпақ! Балаларға қаншалықты қауіпті?
▫️Тау-тау боп үйілген қоқыс! Кім, қашан жинайды?
▫️Ақшасы бар-нәтижесі жоқ саябақ! Қолдынасқа қашан беріледі?

Кеншілер шаһарындағы жасыл оазис те «Таза қала» бағдарламасында. Еліміздегі ең белсенді жастар. Теміртаудағы тегеурінді тірліктер.

📰Келесі шығарылымды сәрсенбі, 6 тамыз сағат 19:30-да Jibek Joly телеарнасынан көре аласыздар!

@ptrkkz

🌍 Мемлекет басшысы өңірлік күн тәртібі жөнінде пікір білдіріп, елдердің мүмкіндігі географиямен шектелмейтінін Орталық Азия тәжірибесі көрсетіп отырғанын айтты

@ptrkkz

🚇Президент Қазақстанның серіктестермен бірге аймақтағы өзара байланысты нығайту, цифрлық трансформацияны ілгерілету және ұзақ мерзімді әрі орнықты өсімге ықпал етуді көздейтін елеулі шаралар қабылдап жатқанын жеткізді

@ptrkkz

🎤Мемлекет басшысы Теңізге шығар жолы жоқ дамушы елдерге арналған БҰҰ-ның үшінші конференциясында сөз сөйледі

– Жиырма жылдан астам уақыт бұрын Қазақстан Теңізге шығар жолы жоқ дамушы елдерге арналған БҰҰ-ның алғашқы конференциясын өткізіп, жетекші рөл атқарды

– Осы тарихи оқиға барысында Алматы іс-қимыл бағдарламасы қабылданды. Бұл құжат теңізге шығар жолы жоқ дамушы елдер тобының мәселелерін жаһандық дамудың күн тәртібіне тұңғыш рет шығарды

– Қазақстан теңізге шығар жолы жоқ дамушы мемлекеттерді жаһандық мәселелердің шешімін табуға атсалысатын тең құқылы әрі перспективті серіктес ретінде қарау керек деп санайды

– Теңізге шығар жолы жоқ көптеген дамушы ел су тапшылығы, мұздықтардың еруі, шөлейттену секілді экстремалды табиғи құбылыстарға душар болып отыр. Бұл проблемаларды шешу үшін өңір елдерінің ортақ күш-жігері мен белсенді халықаралық қолдау қажет

– Климаттық өзгерістермен күреске жұмылу мақсатында Сіздерді келесі жылы сәуір айында БҰҰ-мен бірге Астанада ұйымдастырылатын Өңірлік экологиялық саммитке шақырамын

– Қазіргі кезде Азия мен Еуропа арасындағы құрлық арқылы тасымалданатын жүктің 85 пайызға жуығы еліміз арқылы өтеді

– Қазір теңізге шығар жолымыз болмағанымен, келешекте амалын табамыз. Яғни құрлық арқылы байланыс орнатудың маңызы арта түседі

– Саяси ерік-жігер, стратегиялық инвестиция мен халықаралық серіктестік болса, теңізге шығатын жолдың жоқтығы кедергі емес, керісінше, өсімге ынталандырады

– Өңірдің сауда, инвестиция, көлік, байланыс және ресурстарды орнықты басқару салаларында даму әлеуеті жоғары

– Теңіз қатынасы жоқ дамушы елдердің жаһандық күн тәртібінен тыс қалмауын халықаралық серіктестікті нығайту арқылы ғана қамтамасыз ете аламыз.

@ptrkkz

Мемлекет басшысы Теңізге шығар жолы жоқ дамушы елдерге арналған Біріккен Ұлттар Ұйымының үшінші конференциясы өтетін «Аваза» спорт кешеніне келді

⚛Қасым-Жомарт Тоқаевты Түрікменстан Президенті Сердар Бердімұхамедов пен БҰҰ Бас хатшысы Антониу Гутерриш қарсы алды.

@ptrkkz

📸 Конференцияға қатысушы делегация басшылары бірге суретке түсті

@ptrkkz

🇰🇿🇹🇲Президент Теңізге шығар жолы жоқ дамушы елдерге арналған БҰҰ-ның үшінші конференциясының делегация басшыларын ресми қарсы алу рәсіміне қатысу үшін «Аваза» конгресс-орталығына келді

@ptrkkz

Әуежайда Қасым-Жомарт Тоқаев пен Гурбангулы Бердімұхамедов аз-кем әңгімелесті

🇰🇿🇹🇲Мемлекет басшысы Қазақстан мен Түрікменстан ынтымақтастығы өркендеп, қарқын ала түскенін атап өтті.

– Құрметті Гурбангулы Мяликгулыевич, Сізбен қасиетті түрікмен жерінде, бауырлас Түрікменстанда қайта жүздескеніме қуаныштымын. Шақыруыңызды шын ниетпен қабыл алдым. БҰҰ Бас хатшысының қатысуымен осындай форум өткізу – үлкен жетістік. Бұл 30 жылдан бері бейтарап саясат ұстанып келе жатқан Түрікменстанның халықаралық абырой-беделі жоғары екенін көрсетеді. Қазақстан аталған саясатты толығымен қолдайды, – деді Қасым-Жомарт Тоқаев.

@ptrkkz

Президент Теңізге шығар жолы жоқ дамушы елдерге арналған БҰҰ конференциясына қатысу үшін Түрікменстанға келді

🇰🇿💐🇹🇲Мемлекет басшысын Түрікменбашы әуежайында Гурбангулы Бердімұхамедов қарсы алды.

@ptrkkz

Жаңаөзен «Таза қала» назарында

Жаңаөзен – Маңғыстау облысындағы мұнай-газ саласына маманданған қала. Ал ел дамуына елеулі үлес қосып келе жатқан қаланың шынайы бет-бейнесі қандай?

🔷Шыбын-шіркейге толы қоқыс полигонының мәселесі қашан шешіледі?
🔷Тоз-тозы шыққан саябаққа кім жауапты?
🔷Қолдан жасалған қоқыс алаңдары қашан тазартылады?

🏭 «Таза қала» Жаңаөзен қаласында: тұрғындармен сұхбат, шынайы эмоция мен сын-пікір. Әкім Жансейіт Қайнарбаевтың жауабы қандай?

📰Бағдарламаның жаңа шығарылымын дүйсенбі, 4 тамыз сағат 19:30-да Jibek Joly телеарнасынан көріңіз!

@ptrkkz

🇰🇿Мемлекет басшысы: Мен бүгін барлық көлік саласы қызметкерлеріне шынайы ризашылығымды білдіремін

@ptrkkz

✈️Президент: Задача отечественной транспортной политики – дальнейшее развитие авиасообщения

@ptrkkz

⚛Президент: Көлік-тасымал саласы озық, заманауи және бәсекеге қабілетті болуы керек

@ptrkkz

🇰🇿🇹🇷Как Анкара встречала Главу государства, прибывшего в Турцию с официальным визитом?

🇰🇿🇹🇷Какие особые почести подчеркнули теплый прием и особое значение казахско-турецких двусторонних отношений?

💰Казахстан — это партнёр с заявкой на $15 млрд торговли, логистику через Каспий, фарму в Туркестане и IT в Астане. А ещё — с памятью о том, кто первым признал нашу Независимость.

🎥Новый документальный фильм ТРК Президента «Бауырластық» – о жестах, которые громче заявлений, о союзах, где братство – это тоже геополитика, и о том, почему иногда одна встреча у трапа может стоить больше, чем сто протоколов.

📰🎞️Смотрите на телеканале Jibek Joly фильм «Бауырластық» сегодня, 1 августа в 20:00!

@ptrkkz

🚇Касым-Жомарт Токаев сообщил, что Казахстан приступил к последовательной модернизации инфраструктуры транспортных коридоров, проходящих по его территории

@ptrkkz

✈️Мемлекет басшысы әуе қатынастарын дамыту көлік саясатындағы басым міндеттердің бірі екенін атап өтті

@ptrkkz

🚝 Мемлекет басшысы: Қазақстан – Еуразиядағы негізгі транзиттік хабтың бірі

@ptrkkz

🇰🇿⚡️Мемлекет басшысы көлік саласының қызметкерлерін марапаттады:

– Мемлекет үшін көлік саласының стратегиялық маңызы айрықша. Бұл – айқын нәрсе. Көлік жүйесі – әрбір елдің дамуының көрінісі

– Көлік құралдары – экономиканың қозғаушы күші, өсіп-өркендеу кепілі десек, артық болмайды. Еліміздің осы саладағы мүмкіндіктері мол, тіпті, бірегей деуге болады

– Біз қазір Транскаспий халықаралық көлік бағдарын белсенді түрде дамытып жатырмыз. Бұл – Қытай, Орталық Азия және Еуропа арасында тауар жеткізудің төте жолы

– Биыл «Достық – Мойынты» темір жолының екінші желісі салынып бітеді. Осы ауқымды жобаны, негізінен, өз жұмысшыларымыз жүзеге асырып жатқанын да атап өту қажет

– Менің тапсырмаммен ұзындығы 323 шақырым болатын «Мойынты – Қызылжар» теміржолы салынып жатыр. Бұдан бөлек, «Дарбаза – Мақтаарал» және «Аягөз – Бақты» теміржол өткелінің құрылысы қарқынды жүруде

– Бүкіл ел бойынша авиация инфрақұрылымын жаңғырту үшін кешенді жұмыс жүргізіліп жатыр. Мысалы, өткен жылы Алматы, Шымкент және Қызылорда қалаларында жаңа терминалдар іске қосылды

– Бұрын Алматы әуежайы жылына 2,5 миллион жолаушыға ғана қызмет көрсете алатын. Бүгінде бұл көрсеткіш 14 миллионға дейін ұлғайды

– Менің тапсырмаммен Зайсанда, Катонқарағайда және Кендірліде үш жаңа әуежай салынып жатыр. Арқалық әуежайы қалпына келтіріле бастады

– Алдағы маңызды міндет – әуе арқылы жүк тасымалын дамытып, Қазақстанды аймақтағы жетекші авиациялық хабқа айналдыру

– Жергілікті автокөлік жолдары да жөнделіп жатыр. Мұндай ауқымды жұмыс ел тарихында бірінші рет іске асатын болды

– Қазақстанда көлік-транзит саласы қарқынды дамуда. Бұл – өздеріңіз сияқты азаматтардың қажырлы еңбегінің жемісі. Қазір осы салада 770 мыңнан астам адам жұмыс істейді

– Сіздер адал қызмет етіп, елімізді көркейтуге мол үлес қосып жүрсіздер. Мен бүгін барлық көлік саласы қызметкерлеріне шынайы ризашылығымды білдіремін.

@ptrkkz

🌍3 тамыз күні Президент Қасым-Жомарт Тоқаевтың шақыруымен БҰҰ Бас хатшысы Антониу Гутерриш Қазақстанға сапармен келеді

🇰🇿🇺🇳Алматы қаласында Қасым-Жомарт Тоқаев пен Антониу Гутерриш келіссөз жүргізіп, БҰҰ-ның Орталық Азия мен Ауғанстанға арналған орнықты даму мақсаттары жөніндегі өңірлік орталығын аралап көреді.

@ptrkkz

🏛️Көлік саласының қызметкерлері Ақордада. Санаулы сәттерден кейін Мемлекет басшысы оларды кәсіби мерекесімен құттықтап, мемлекеттік марапаттар табыстайды.

@ptrkkz