Namangan shahrida “Kambag‘allikdan farovonlik sari” dasturi ijrosi o‘rganildi

Korrupsiyaga qarshi kurashish agentligi direktori Akmal Burxanovning "Kambag‘allikdan farovonlik sari" dasturi doirasida Namangan shahridagi navbatdagi o'rganishlari “Chinor” va “Oydinko‘l” mahallalarida o'tkazildi.

O'rganishlarga ko'ra, Dastur doirasida bandlikni taʼminlash, subsidiya va imtiyozli kreditlar ajratish, ijtimoiy yashash sharoitlarini yaxshilash orqali “Chinor” MFYda Ijtimoiy reyestrdagi oilalar soni 174 tadan 65 taga, “Oydinko‘l” MFYda esa 245 tadan 88 taga qisqartirildi.

Har ikki mahallada amalga oshirilgan jami 52 ta mikroloyiha asosida 90 tadan ziyod yangi ish o‘rni yaratildi.

“Chinor” MFYda 236 nafar fuqaroning bandligi taʼminlandi, 7 nafar fuqaro kasb-hunarga o‘qitildi, 5 nafar nogironligi bo‘lgan shaxsga reabilitatsiya vositalari berildi.

Mahallaga ajratilgan 1,14 mlrd so‘m mablag‘ doirasida 1 ta transformator, 3,2 km elektr simlari tortildi, 108 ta beton ustun o‘rnatildi.

“Oydinko‘l” da MFY fuqarolarining 25 nafariga 316 mln so‘m kredit berildi, 298 nafari band qilindi, 10 nafari kasb-hunarga o‘qitildi, 2 nafar nogironligi bor shaxsga reabilitatsiya vositalari berildi.

Mahallaga ajratilgan 1,7 milliard so‘m mablag‘ doirasida 1 ta transformator o‘rnatildi, 14 kilometr elektr simlari yangilanib, 209 ta yangi beton ustunlar qo‘yildi.

O‘rganish mobaynida mahallalardagi fuqarolar bilan muloqot qilinib, mas'ullar bilan ularning muammolarini ijobiy hal qilish masalalari muhokama qilindi.

Shuningdek, bandlik, infratuzilma va ijtimoiy ko‘mak bo‘yicha qo‘shimcha manzilli chora-tadbirlar belgilandi.
———
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt

Qurilish va uy-joy kommunal xo‘jaligi vaziri Sherzod Hidoyatov tizimda mehnat qilayotgan har bir rahbar va xodimni korrupsiya holatlarining har qanday ko‘rinishlariga nisbatan murosasiz munosabatda bo‘lishga hamda o‘z xizmat vazifalarini halol va xolis bajarishga chaqirdi.

Qurilish sohasida hali ham muassasalarda korrupsiya, byurokratiya, tamagirlik, manfaatlar to‘qnashuvi kabi salbiy holatlar saqlanib qolayotgani tizimdagi islohotlar samaradorligiga putur yetkazishi, xalqning sohada faoliyat ko‘rsatayotgan fidoyilariga ishonchini zaiflashtirishiga olib keladi,

— deyiladi vazir murojaatida.  

O‘z navbatida, fuqarolarga vazirlik va uning tizim tashkilotlari xodimlarining korrupsiyaviy xatti-harakatlari yoki qonunchilikka zid boshqa huquqbuzarlik holatlar yuzasidan vazirlikning aloqa kanallari orqali murojaat yo‘llash mumkinligi eslatib o‘tilgan.

Eslatib

o‘tamiz,PQ-147-son Prezident qaroriga

asosan 2027-yil 1-yanvargacha huquqiy eksperiment tariqasida 5 ta idora, jumladan,

Qurilish va uy-joy kommunal xo‘jaligi

vazirligi

ning korrupsiyaga qarshi kurashish bo‘linmasi Korrupsiyaga qarshi kurashish agentligiga o‘tkazildi.

———
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt

Namangan viloyatida jinoyatchilik va korrupsiyaga qarshi kurashish masalalari Milliy kengash yig‘ilishida tanqidiy ko‘rib chiqildi

Oliy Majlis Senati Raisi Tanzila Narbayeva boshchiligida Korrupsiyaga qarshi kurashish Milliy kengashining bugun Namangan viloyati Pop tumanida bo‘lib o‘tgan sayyor majlisida viloyatda jinoyatchilik va korrupsiyaga qarshi kurashish borasida olib borilayotgan ishlar holati tanqidiy muhokama qilindi.

Korrupsiyaga qarshi kurashish chora-tadbirlarini quyi bo‘g‘inga olib tushish borasidagi ishlar Davlatobod tumanini "Korrupsiyasiz hudud"ga aylantirish loyihasi misolida Namangan viloyatida birinchilardan bo‘lib tashkil qilingan.

Bu boradagi tizimli ishlar natijasida viloyatda korrupsiya darajasining o‘tgan yillarga nisbatan kamayish tendensiyasi kuzatilmoqda.

Majlisda ijobiy natijalarga qaramay, ochiqlikni taminlash, raqamlashtirishni kuchaytirish va manfaatlar to‘qnashuvi holatlarining oldini olish bo‘yicha ishlar sust yo‘lga qo‘yilgani taʼkidlandi.

Shuningdek, sog‘liqni saqlash, maktabgacha va maktab taʼlimi, kadastr, bandlik, bank va energetika sohalarida korrupsiya holatlari haligacha uchrab turibdi.

Bu haqda Korrupsiyaga qarshi kurashish agentligi direktori Akmal Burxanov Ishchi guruh tomonidan o‘tkazilgan o‘rganishlarning yakunlari asosida batafsil axborot berdi.

Qayd etilgan sohalarda byudjet mablag‘larini talon-toroj qilish, imtiyozli kredit va subsidiya mablag‘larini o‘zlashtirish, bo‘sh ish o‘rinlari haqidagi maʼlumotlarni yashirish, ishga kirish va dars soatlarini taqsimlash jarayonlarida tanish-bilishchilik, taʼmagirlik, davlat xaridlarini noqonuniy amalga oshirish holatlari kuzatilmoqda. Bundan tashqari, shu yilning may-iyun oylarida o‘tkazilgan monitoring tadbirlarida viloyatning 44 nafar boshqaruv xodimi 47 ta tadbirkorlik subyektida taʼsischi va rahbarlik qilishi aniqlandi,

— dedi Akmal Burxanov.

Ana shunday salbiy holatlar va tizimli kamchiliklarga yo‘l qo‘ygan 10 nafardan ortiq rahbarga nisbatan qatʼiy chora ko‘rish bo‘yicha Milliy kengashga taklif kiritilgani ma'lum qilindi.

Qayd etilgan masalalar yuzasidan sohalarga masʼul rahbarlarning tushuntirishlari eshitildi.

Majlisda

Pop tumanini “Korrupsiyadan xoli hudud”ga aylantirish

ga oid alohida amaliy chora-tadbirlar belgilandi.

Muhokama yakunida masʼullar zimmasiga tegishli vazifalar yuklandi.
———
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt

Davlat rahbarining 2022-yil 11-maydagi 240-son qaroriga muvofiq, bu yil e-anticor.uz elektron platformasi orqali Sanitariya-epidemiologik osoyishtalik va jamoat salomatligi qo‘mitasining faoliyatiga oid jami 25 ta funksiyada korrupsiyaviy xavf-xatarlar baholandi.

Baholash natijalariga ko'ra, funksiyalarning 7 tasida xavf-xatar darajasi “yuqori”, 17 tasida “o‘rta”, 1 tasida “past” darajada.

Jumladan:

- tadbirkorlik subyektlarida nazorat ishlarini olib borish, xulosalar berish;

- laboratoriya pulli xizmatlari yo‘nalishi;

- bemorlarga yo‘llanmalar berish;

- xodimlarni ishga qabul qilish va davlat xaridlari;

- kadrlarni qayta tayyorlash va ularning malakasini oshirish berish kabi funksiyalarda korrupsiyaviy xavf-xatarlar darajasi “yuqori” deb baholandi.

Hozirda Qo'mita tomonidan korrupsiyaga qarshi kurashish bo‘yicha dastur asosida mavjud xavf-xatarlarni bartaraf etish bo‘yicha ishlar amalga oshirilmoqda.

Eslatib o'tamiz, korrupsiyaviy xavf-xatar yuqori funksiyalari ko‘p bo‘lgan tashkilot "eng korrupsiyalashgan", korrupsiyaviy xavfi yuqori bo‘lgan lavozimdagi shaxslar “korrupsioner” yoki aksincha korrupsiyaviy xavf-xatari asosan “past” bo‘lgan tashkilotlar "korrupsiyadan xoli" hisoblanmaydi.

Ushbu holatlar mazkur tashkilotlarda nazorat choralari yetarli yo‘lga qo‘yilganligi yoki aksincha qo‘shimcha nazorat choralari ko‘rilishi kerakligini, shu bilan birga, tashkilot rahbarlari korrupsiyaviy xavfi yuqori bo‘lgan jarayonlar (funksiyalar) va funksiyalarni bajaruvchi lavozimlarni alohida nazoratga olishiga signal beruvchi omil sanaladi.
———
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt

Jurnalistik surishtiruv bo'yicha bilim va ko‘nikmalarni oshirishga qaratilgan treningga taklif qilamiz!

Joriy yilning 22-23 avgust kunlari Toshkent viloyatida korrupsiyaga qarshi kurashish sohasini yoritib kelayotgan yoki ushbu yo‘nalishga qiziquvchi jurnalist va blogerlar, shuningdek, jurnalistika yo‘nalishi talabalari uchun maxsus trening o‘tkaziladi.

Tashkilotchilar: Korrupsiyaga qarshi kurashish agentligi, Yevropa Ittifoqi va BMT Taraqqiyot Dasturi

Trening doirasida mahalliy va xalqaro media-trenerlar tomonidan quyidagi asosiy mavzular bo‘yicha bilim va tavsiyalar beriladi:

▫️korrupsiya xavfini kamaytirishda jurnalistik surishtiruvlarning roli;

▫️jurnalistlarni himoya qilishning qonuniy kafolatlari va xalqaro tajriba;

▫️korrupsiyaga oid mavzularni yoritishda gender tarafkashlikni farqlay olish;

▫️korrupsiyaga oid jurnalistik surishtiruvlarda data-jurnalistika vositalarini qo‘llash va boshqalar. 

🗣 Trening o‘zbek va rus tillarida olib boriladi.

📌 Hududlardan kelgan ishtirokchilarning transport xarajatlari tashkilotchilar tomonidan qoplanadi.

📝 Treningda ishtirok etish uchun 15-avgust kuni soat 23:59 ga qadar ushbu havola orqali ro‘yxatdan o‘tish lozim.

✅ Ro‘yxatdan o‘tgan ishtirokchilar aniq mezonlar asosida tanlab olinadi.

Treningda ishtirok etish talablari va boshqa qo'shimcha ma'lumotlar bilan batafsil bu yerda tanishing.
———
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt

Korrupsiyaga qarshi kurashishda NNTlar faoliyatini qo‘llab-quvvatlash kuchaytiriladi

Bugun Korrupsiyaga qarshi kurashish agentligida fuqarolik jamiyati institutlari vakillari bilan ochiq muloqot tashkil etildi.

Tadbirda Korrupsiyaga qarshi kurashish Milliy kengashining kengaytirilgan yig‘ilishida Davlat rahbari tomonidan belgilab berilgan vazifa va topshiriqlar ijrosi doirasida korrupsiyaga qarshi kurashish jarayonida fuqarolik jamiyati institutlari ishtirokining bugungi holati va kelgusidagi hamkorlik rejalari muhokama qilindi.

Taʼkidlanganidek, Agentlik tomonidan NNTlar uchun grant va ijtimoiy buyurtmalar asosida 2023-yilda 267 mln, 2024-yilda 2,3 mlrd so‘m, 2025-yil boshidan bugungi kun holatiga esa 3 mlrd so‘mdandan ortiq mablag‘ ajratildi. Ushbu mablag‘lar doirasida 2023-yilda 5 ta, 2024-yilda 30 ta va joriy yilning hozirgi kuniga qadar 34 ta loyiha amalga oshirildi.

Ayni paytda Korrupsiyaga qarshi kurashish milliy kengashi tarkibining 24 foizi, Agentlik huzuridagi Jamoatchilik kengashining 52 foizini, Hududiy kengashlarda 40 foizini NNT vakillari tashkil etadi.

Bundan tashqari, Korrupsiyaga qarshi kurashish

Virtual akademiyasida NNTlar uchun maxsus kurs

ishlab chiqish amaliyoti boshlandi. Ikki yildan buyon ular uchun Davlat siyosati va boshqaruvi akademiyasida

korrupsiyaga qarshi kurashish yo‘nalishini qamrab olgan malaka oshirish kurslari

tashkil etib kelinmoqda.

Muloqot yakunida O‘zbekiston nodavlat notijorat tashkilotlari Milliy assotsiatsiyasi hamda Oliy Majlis huzuridagi Fuqarolik jamiyati institutlarini qo‘llab-quvvatlash jamoat fondi bilan birgalikda NNTlar va davlat organlari o‘rtasidagi o‘zaro hamkorlikni institutsional darajada kuchaytirish, qo‘shma loyihalarni amalga oshirish, axborot almashinuvi mexanizmlarini takomillashtirish bo‘yicha aniq vazifa va maqsadlar belgilab olindi.
———
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt

Korrupsiyaning oldini olish bo‘yicha “Yo‘l xaritasi”da belgilangan topshiriqlar ijrosi muhokama qilindi

Hududlarda korrupsiyaning oldini olish bo‘yicha tuzilgan Ishchi guruh rahbarlari — Korrupsiyaga qarshi kurashish agentligi direktori Akmal Burxanov va Bosh prokurorning birinchi o‘rinbosari Baxriddin Valiyev tomonidan Navoiy viloyatida o‘tkazilgan o‘rganish yakunlari hududdagi masʼullar ishtirokida muhokama qilindi.

Muhokamada viloyatda korrupsiyaning oldini olish bo‘yicha tasdiqlangan “Yo‘l xaritasi”da belgilangan topshiriqlar, xususan, kadastr, qurilish, sog‘liqni saqlash va energetika sohalarida korrupsiya omillarini aniqlash va bartaraf etish masalalari eʼtibor markazida bo‘ldi.

Muhokama mobaynida ochiqlikni taʼminlash, manfaatlar to‘qnashuvining oldini olish, davlat xizmatida tadbirkorlik faoliyatiga yo‘l qo‘ymaslik bo‘yicha tegishli ishlar yetarli darajada olib borilmayotganligi ham qayd etildi.

Masʼullarga bu kabi salbiy holatlarni tezkor bartaraf etish zarurligi yuzasidan tegishli ko‘rsatmalar berildi.

Shuningdek, “Yo‘l xarita”da belgilangan vazifalar bilan cheklanib qolmasdan yangi tashabbuslarni ilgari surish, masʼuliyat va tashabbuskorlikni oshirish lozimligi alohida qayd etildi.
———
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt

Navoiy viloyatida NNTlar tomonidan korrupsiyaga qarshi kurashishga oid muhim ijtimoiy loyihalar amalga oshiriladi

Navoiy viloyatida korrupsiyaga qarshi kurashish bo‘yicha olib borilayotgan ishlar holati yuzasidan o‘tkazilgan o‘rganish doirasida Korrupsiyaga qarshi kurashish agentligi direktori Akmal Burxanov viloyatdagi nodavlat notijorat tashkilotlari va jamoat birlashmalari vakillari bilan uchrashuv o‘tkazdi.

Uchrashuvda Oliy Majlis huzuridagi Fuqarolik jamiyati institutlarini qo‘llab-quvvatlash jamoat fondi va uning viloyat hududiy bo‘linmasi, shuningdek, Agentlik tomonidan xalqaro tashkilotlar hamkorligida o‘tkazilgan grant tanlovlarida viloyatdan g‘olib bo‘lgan NNTlarning ijtimoiy ahamiyatga molik loyihalari taqdimot qilindi. Hozirda loyihalarni amalga oshirish maqsadida jami 288 mln. so'm grant mablag'lari ajratilgan.

Loyihalarda korrupsiyaga qarshi kurashish bo‘yicha milliy kengashning kengaytirilgan yig‘ilishida davlat rahbari tomonidan belgilab berilgan vazifa va topshiriqlar ijrosini samarali ta’minlashga alohida e’tibor qaratilgan.

Jumladan, “Noila” ijtimoiy ko‘mak, huquqiy targ‘ibot va monitoring markazi tomonidan har bir hudud va soha kesimida maishiy korrupsiya holatlarini keltirib chiqaradigan omillarni bartaraf etishga qaratilgan “Navoiy tajribasi”ni yaratish tashabbusi ilgari surilmoqda.

"So‘g‘diyona" yoshlar va ayollar markazi esa viloyatning Uchquduq, Zarafshon va Nurota tumanlaridagi mahalla va qishloqlardan 15 nafar faolni korrupsiyaga qarshi kurashish qonunchiligi va xotin-qizlar huquqlari bo‘yicha “oshkoralik elchisi” sifatida tayyorlashni maqsad qilgan.

"Qaqnus" ayollar va yoshlar markazi hamda “Intilish va taraqqiyot” jamoat birlashmasining ijtimoiy loyihalarida esa viloyatning eng chekka hududlarida korrupsiyaga nisbatan murosasizlikni kuchaytirishga qaratilgan muhim targ‘ibot-tashviqot tadbirlari o‘rin olgan.

Uchrashuv yakunida Agentlik direktori loyihalar bo‘yicha amaliy natijalarga e’tibor qaratish, har bir vazifa va maqsadni samarali amalga oshirish, grant mablag‘laridan oqilona foydalanish borasida tavsiya va takliflar berdi.
———
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt

Konimex tumanini korrupsiyadan xoli hududga aylantirish bo'yicha amalga oshirilayotgan ishlar holati o'rganildi

Konimex tumanini zamonaviy yechimlar orqali korrupsiya va jinoyatchilikdan xoli hududga aylantirish bo‘yicha kompleks dastur ijrosini o‘z vaqtida va sifatli taʼminlashga ko‘maklashish maqsadida Korrupsiyaga qarshi kurashish agentligi direktori Akmal Burxanov boshchiligidagi Ishchi guruh hududda olib borilayotgan ishlar holati bilan tanishdi.

O‘rganishlarga ko‘ra, Dastur doirasida tumandagi barcha davlat maktabgacha taʼlim tashkilotlarida ovqatlantirish tizimi to‘liq autsorsingga o‘tkazilib, autsorserlar tomonidan yetkazib berilayotgan oziq-ovqat mahsulotlarining belgilangan talablarga javob berishi yuzasidan kunlik nazorat o‘rnatildi. 

Tumandagi mahallalarda oilaviy tadbirkorlikni rivojlantirish dasturlari va banklar tomonidan ajratiladigan barcha kreditlar to‘g‘risida batafsil maʼlumotlarni o‘z ichiga olgan axborot burchaklari tashkil etildi.   

Davlat idoralari faoliyati ustidan jamoatchilik nazoratini kuchaytirish, ochiqlik va hisobdorlik mexanizmlarini joriy etish maqsadida tumandagi NNTlar tomonidan turli sohalarda mustaqil o‘rganishlar olib borilmoqda.

Xalq deputatlari tuman Kengashi tomonidan Dastur ijrosi bo‘yicha tuman hokimi, prokuratura, ichki ishlar boshqarmasi va boshqa mutasaddi tashkilotlar rahbarlarining hisobotini eshitish amaliyoti yo‘lga qo‘yildi.

Ishchi guruh tomonidan Dasturda belgilangan shu va boshqa chora-tadbirlarning samaradorligi va taʼsirchanligini oshirish, har bir vazifa va maqsadlarni to‘g‘ri tashkil etish yuzasidan masʼullarga tegishli tavsiyalar berildi, ayrim kamchliklarni joyida hal etishga ko‘maklashildi.
———
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt

O‘zbekiston Respublikasi Korrupsiyaga qarshi kurashish agentligi direktorining tegishli buyrug‘i bilan Agentlik xodimi:

Jasur Mirvoxidovich Fayziyev Qurilish va uy-joy kommunal xo‘jaligi vazirligi tizimida korrupsiyaga qarshi ichki nazorat bo‘linmasi rahbari lavozimiga tayinlandi.

Tayinlov O‘zbekiston Respublikasi Prezidentining 2025-yil 21-apreldagi PQ-147-son qaroriga muvofiq amalga oshirildi.
———
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt

7,3 mlrd so‘mlik davlat xaridlari noqonuniy o‘tkazilishining oldi olindi

Korrupsiyaga qarshi kurashish agentligi tomonidan davlat buyurtmachilari tomonidan qariyb 7,3 mlrd so‘mlik 15 ta davlat xaridida qonunbuzilishi holatlariga yo‘l qo‘yilganligi aniqlandi.

Jumladan:

▫️“O‘zyo‘lko‘prik” klasterining Jizzax filiali buyurtmachiligidagi 1,1 mlrd so‘mlik;

▫️Energiya samaradorligi milliy agentligi buyurtmachiligidagi 467 mln so‘mlik;

▫️Kattaqo‘rg‘on tumani maktabgacha va maktab taʼlimi bo‘limi buyurtmachiligidagi 300 mln so‘mlik;

▫️“Samarqand avtomobil zavodi” QK MCHJ buyurtmachiligidagi 271,3 mln so‘mlik;

▫️Alisher Navoiy nomidagi O‘zbekiston davlat akademik katta teatri buyurtmachiligidagi 175 mln so‘mlik;

▫️“So‘x tuman suv yetkazib berish xizmati” davlat muassasasi buyurtmachiligidagi 121 mln so‘mlik davlat xaridlarida “Davlat xaridlari to‘g‘risida”gi Qonunning qator talablariga zid ravishda o‘zaro affillangan shaxslar ishtirok etgan.

Shuningdek:

▫️Marg‘ilon shahar obodonlashtirish boshqarmasi buyurtmachiligidagi jami 1,2 mlrd so‘mlik;

▫️G‘uzor tumani obodonlashtirish boshqarmasi buyurtmachiligidagi 1,1 mlrd so‘mlik;

▫️Renessans sog‘lomlashtirish oromgohi buyurtmachiligidagi 881,3 mln so‘mlik;

▫️Andijon tumani obodonlashtirish boshqarmasi buyurtmachiligidagi (2 ta davlat xaridi bo‘yicha) jami 690 mln so‘mlik;

▫️Maktabgacha taʼlim tashkilotlari direktor va mutaxassislarini qayta tayyorlash va ularning malakasini oshirish instituti buyurtmachiligidagi 385,7 mln so‘mlik;

▫️Markaziy bankning Namangan viloyati bosh boshqarmasi buyurtmachiligidagi 364 mln so‘mlik;

▫️Respublika tez tibbiy yordam markazi Jizzax viloyati filiali buyurtmachiligidagi 160 mln so‘mlik;

▫️"Uchqo‘rg‘on tuman yo‘llardan foydalanish" UK buyurtmachiligidagi 51,4 mln so‘mlik davlat xaridlarida sohaga oid qonunchilik talablariga zid ravishda baholash jarayonida qonunbuzilishiga hamda ishtirokchilar o‘rtasida raqobatni cheklash holatlariga yo‘l qo‘yilgan.

Qayd etilgan holatlar yuzasidan Agentlikning taqdimnomalari asosida xarid komissiyasining g‘olibni aniqlash haqidagi bayonnomalari bekor qilinib, noqonuniy davlat xaridlarining oldi olindi.

O‘rganish va tahlillar jarayonida to‘plangan hujjatlar qonuniy chora ko‘rish uchun huquqni muhofaza qiluvchi organlarga yuborildi.
———
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt

#videodayjest
Oʻtgan hafta davomida Korrupsiyaga qarshi kurashish agentligi faoliyatida ro'y bergan eng muhim xabarlar bilan hafta videodayjestida tanishing!
———
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt

Oliy taʼlim tizimida “Korrupsiyasiz soha” loyihasining ijrosi muhokama qilindi

Bugun Korrupsiyaga qarshi kurashish agentligi direktori Akmal Burxanov hamda Oliy taʼlim, fan va innovatsiyalar vaziri Qo‘ng‘irotboy Sharipov ishtirokida oliy taʼlim tizimida “Korrupsiyasiz soha” loyihasining ijrosi muhokama qilindi.

Taʼkidlanganidek, loyiha doirasida “Oliy taʼlim jarayonlarini boshqarish axborot tizimi” (HEMIS) joriy etilib, 35 turdagi maʼlumotlar raqamlashtirildi.

my.edu.uz va my.uzbmb.uz axborot tizimlari joriy etilishi natijasida abituriyentlarning vaqtini tejash, xarajatlarini qisqartirish hamda ortiqcha byurokratik to‘siqlarning oldini olishga erishildi. Kirish imtihonlarning onlayn translyatsiyasi yo‘lga qo‘yildi.

Muhokamalarda shu kabi ijobiy ishlar bilan bir qatorda loyihani amalga oshirish bo‘yicha yo‘l qo‘yilayotgan ayrim kamchiliklarni bartaraf etish yuzasidan o‘zaro hamkorlikdagi vazifalar belgilab olindi.

Jumladan, oliy taʼlim muassasasida korrupsiyaga moyil bo‘lgan lavozimlar ro‘yxatini shakllantirish va ushbu lavozimda ishlovchi shaxslarni har 3 yilda rotatsiya qilish tartibi ishlab chiqiladi.

Barcha taʼlim muassasalarida quyi va o‘rta bo‘g‘indagi bo‘sh lavozimlarga ochiq tanlov tizimi amaliyotga joriy etiladi hamda taʼlim muassasalarining “Oliy va professional taʼlim muassasalarida mavjud bo‘sh ish o'rinlari uchun onlayn hujjat topshirish” (vacancy.edu.uz) platformasidan foydalanilishi qatʼiy nazoratga olinadi.

Oliy taʼlim muassasalarining “komplayens-nazorat” tuzilmalari xodimlarini rektorlar bo‘ysunuvidan chiqarib, tog'ridan-tog'ri vazirlikka bo'ysunuvi yo'lga qo'yiladi.

Davlat xaridlari sohasida xarid ishtirokchilarini tekshirish va baholash samaradorligi oshiriladi.

Shu va boshqa masalalar yuzasidan masʼullar zimmasiga tegishli vazifalar yuklatildi.
———
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt

Akademik litseylarga kirish test jarayonlaridagi ochiqlik va shaffoflik o‘rganilmoqda

Ayni paytda Korrupsiyaga qarshi kurashish agentligi direktori Akmal Burxanov hamda Oliy taʼlim, fan va innovatsiyalar vaziri Qo‘ng‘irotboy Sharipov poytaxtdagi akademik litseylarga kirish uchun o‘tkazilayotgan test sinovlarini tashkil etishda korrupsiya holatlarining oldini olish, imtihonlarni ochiq va shaffof o‘tkazilayotganligini monitoring qilish maqsadida bevosita joyiga chiqqan holda o‘rganish o‘tkazmoqda.

O‘rganishda Davlat rahbarining PF-200-son Farmoniga asosan test jarayonlarining ochiqligini ta‘minlash maqsadida Internet tarmog‘ida jonli efirga uzatilishi holatiga alohida eʼtibor qaratilmoqda.

Binolar va sport maydonchalari kuzatuv kameralari bilan jihozlanganligi, ota-onalar va boshqa toifadagi kuzatuvchilar uchun monitorlar o‘rnatilganligi o‘rganilmoqda.

Imtihon jarayonlarini real vaqt rejimida sifatli efirga uzatilishini taʼminlashda aniqlangan ayrim kamchiliklar yoki texnik nosozliklarni masʼul xodimlar bilan tezkor bartaraf etish choralari ko‘rilmoqda.

Maʼlumot o‘rnida: 2025/2026-o‘quv yili uchun akademik litseylarga umumta‘lim maktablarining 9-sinf bitiruvchilaridan my.edu.uz portali orqali 49 mingdan ortiq ariza qabul qilingan.
———
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt

Sog‘liqni saqlash vaziri Asilbek Xudayarov hamda “O‘zsuvtaʼminot” aksiyadorlik jamiyati boshqaruv raisi v.b. Axmad Suvankulov aholi va soha xodimlarini korrupsiya, byurokratiya, manfaatlar to‘qnashuviga qarshi keskin kurashda faol ishtirok etishga va o‘zaro hamkorlikka chaqirdi.

Xususan, Asilbek Xudayarovning murojaatida sohada o‘z yechimini kutayotgan muammolar, davlatimiz rahbari qo‘ygan talab va vazifalar ko‘p ekanligi taʼkidlanib, jumladan, shunday deyiladi:

"Albatta, jamoatchilikning faol ishtiroki va yurtdoshlarimiz ko‘magisiz ushbu maqsad va marralarga erishish, tibbiyotni korrupsiyadan xoli, to‘laqonli xalqchil tizimga aylantirish mushkul".

Axmad Suvankulov murojaatida qayd etilishicha, “O‘zsuvtaʼminot”ning tizim tashkilotlarida moliyaviy operatsiyalar ustidan korrupsiyaga qarshi doimiy monitoring yo‘lga qo‘yilib, 1,5 mlrd so‘mlik mablag‘lar maqsadsiz sarflanishining barvaqt oldi olingan.

"Tizimni korrupsiyaviy xatti-harakatlar sodir etishga moyil xodimlardan tozalash ishlari bundan keyin ham faol va izchil davom ettiriladi",

— deyiladi murojaatda.

Shuningdek, Murojaatlarda keng jamoatchilikdan ushbu sohalardagi korrupsiyaviy xatti-harakatlar yoki qonunchilikka zid boshqa huquqbuzarlik holatlari haqida tegishli tezkor aloqa kanallari orqali xabar berish so‘ralgan.

Eslatib o‘tamiz, PQ-147-son Prezident qaroriga asosan huquqiy eksperiment tariqasida 5 ta idora, jumladan, Sog'liqni saqlash vazirligi, “O‘zsuvtaʼminot” AJning korrupsiyaga qarshi kurashish bo‘linmalari Korrupsiyaga qarshi kurashish agentligiga o‘tkazildi.
———
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt

#videodayjest
Oʻtgan hafta davomida Korrupsiyaga qarshi kurashish agentligi faoliyatida ro'y bergan eng muhim xabarlar bilan hafta videodayjestida tanishing!
———
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt