#Qonunchilikdagi_yangiliklar

❗️ Mehmonlarning farzandlari ta'limga jalb etiladi

🔰 Farmonga ko'ra, mehmonlarning har bir oilasiga birlamchi zaruriy vositalar (oilada ishlatiladigan nooziq-ovqat mahsulotlari to'plami) xaridi uchun bir martalik ko'tarma pul to'lab beriladi.

🔗 Mehmonlarning oila a'zolariga shaxsiy hamrohlik qilish va individual ko'mak berish maqsadida 1 tadan mahalladagi ijtimoiy xodim biriktiriladi.

🏬 Mehmonlar yashash manzillari bo'yicha ularning farzandlari davlat maktabgacha ta'lim tashkilotlari va maktablarga joylashtiriladi.

💸 Mehmonlar davlat maktabgacha ta'lim tashkilotlarida bolalar ta'minoti uchun ota-onalar to'lovidan 2028-yil 1-yanvarigacha ozod etiladi.

📝 Ularning farzandlari davlat maktabgacha ta'lim tashkilotlari va maktablarga navbatga qo'yilmagan holda, “Inson” markazlari talabnomasi asosida joylashtiriladi.

🏥 Mehmonlarning yashash manzillari bo'yicha oilaviy shifokor punktlari, oilaviy poliklinikalar va tuman (shahar) ko'p tarmoqli markaziy poliklinikalarida hisobga qo'yiladi.

Kanalga ulanish👇👇👇
https://t.me/huquqiyaxborot_lotin

#Qonunchilikdagi_yangiliklar

❗️ O'zbekistondagi bir guruh falastinlik fuqarolarga ijtimoiy ko'mak beriladi

“O'zbekistondagi bir guruh falastinlik fuqarolarga davlat g'amxo'rligi, mehr-shafqat tamoyillari asosida ko'mak berish tizimini yo'lga qo'yish chora-tadbirlari to'g'risida”gi Prezident Farmoni (PF–133-son, 14.08.2025-y.) qabul qilindi.

🔰 Farmon bilan falastinlik bemorlar va ularga hamrohlik qiluvchilarni O'zbekistonda yashashga moslashtirish jarayoniga ko'maklashish bo'yicha Respublika komissiyasi tarkibi tasdiqlandi.

🔰 Farmonga ko'ra, nogironlikka olib keluvchi kasalliklarga chalingan O'zbekistonga olib kelingan falastinlik fuqarolarga (mehmonlarga) qonunchilikda belgilangan davolanish muddatidan qat'i nazar nogironlik belgilanadi.

💰 Mehmonlarga zarur ish stajiga ega bo'lmagan keksa fuqarolarga beriladigan nafaqa tayinlanadi.

💸 Shuningdek, har bir mehnat yoshidagi mehmon uchun har oyda minimal iste'mol xarajatlari miqdorida yashash nafaqasi joriy etiladi.

🏠 Mehmonlarning har bir oilasiga yashash manzili bo'yicha uy-joyning ijara xarajatlari qoplab beriladi.

Kanalga ulanish👇👇👇
https://t.me/huquqiyaxborot_lotin

#Qonunchilikdagi_yangiliklar

❗️ Ayrim oilalarni ichimlik suvi bilan ta'minlash xarajatlarini qoplash uchun subsidiya ajratiladi

Hukumat qarori (515-son, 14.08.2025-y.) bilan “Qoraqalpog'iston Respublikasi va Xorazm viloyatida ayrim toifadagi oilalarni ichimlik suvi bilan ta'minlash xarajatlarini qoplash uchun subsidiya ajratish tartibi to'g'risida”gi nizom tasdiqlandi.

🔰 Nizom Qoraqalpog'iston Respublikasi va Xorazmda yashovchi Kambag'al oilalar reyestriga kiritilgan oilalarga quyidagi xarajatlarini qoplash uchun subsidiya ajratish tartibini belgilaydi:

🔹 turar joyida artezian qudug'i qazish;

🔹 suv nasoslari va ichimlik suvi filtrlarini xarid qilish hamda o'rnatish.

💸 Subsidiya mazkur xarajatlarning 90 foizi, biroq BHMning 30 baravaridan ko'p bo'lmagan qismini qoplash uchun ajratiladi.

📝 Ushbu xizmatlar “YAgona milliy ijtimoiy himoya” axborot tizimining Aholini toza ichimlik suvi bilan ta'minlashga ko'maklashuvchi tadbirkorlik subyektlari reestriga kiritilgan tadbirkorlar tomonidan amalga oshiriladi.

✅ Subsidiya oluvchilarning voyaga yetgan muomalaga layoqatli a'zosi yoki qonuniy vakili “Inson” markazlariga borgan holda yoki mahalladagi ijtimoiy xodimlarga murojaat qilish orqali “YAMIH” ATda ro'yxatdan o'tishi mumkin.

📋 Bunda “Inson” markazi xodimi yoki ijtimoiy xodim subsidiya oluvchilarning voyaga yetgan muomalaga layoqatli a'zosi yoki uning qonuniy vakili nomidan “YAMIH” ATda ro'yxatdan o'tish bo'yicha so'rov yuboradi.

🔗 Tadbirkor belgilangan muddatda subsidiya oluvchilarning turar joyiga yetib borishi hamda artezian qudug'ini qazishi, suv nasosi va ichimlik suv filtrini o'rnatishi lozim.

✔️ Ishchi guruh tomonidan subsidiya ajratish ma'qullangani yoki rad etilgani to'g'risidagi xabar “YAMIH” ATga avtomatik ravishda yuboriladi.

Kanalga ulanish👇👇👇
https://t.me/huquqiyaxborot_lotin

#bilasizmi

💰 Qonunchilikka ko'ra, kreditni muddatidan oldin sud tartibida undirishda, agar shartnomada boshqacha tartib nazarda tutilgan bo'lmasa, kreditor dastlab qarzning belgilangan muddatda qaytarilmagan qismini undirish uchun sudga murojaat qilishi lozim.

✔️ Bunda agar qarz oluvchi muddati o'tgan qarzni to'liq to'lamagan taqdirda, kreditor kreditning qolgan barcha summasini muddatidan oldin qaytarish haqidagi talab bilan sudga murojaat qilishga haqli.

Kanalga ulanish👇👇👇
https://t.me/huquqiyaxborot_lotin

#Bilasizmi

✅ Qonunchilikka ko'ra, maishiy chiqindilarni olib chiqib ketishning minimal davriyligi chiqindi to'plash shoxobchalaridan — 1 kunda bir marotaba va yakka tartibdagi turar joy sektoridan "signal" usulida — 3 kunda bir marotabani tashkil qiladi.

⏩ Chiqindilarni olib chiqib ketish jadvali mahalla bilan kelishilgan holda belgilanadi, bunda sanitariya qoidalari, normalari va gigiena normativlariga muvofiq maishiy chiqindilarni saqlashning cheklangan muddati o'tib ketmasligi lozim.

Kanalga ulanish👇👇👇
https://t.me/huquqiyaxborot_lotin

#Qonunchilikdagi_yangiliklar

❗️ Yakka tartibdagi tadbirkorlar hamda o'zini o'zi band qilgan shaxslar uchun qulay shart-sharoitlar yaratiladi

“Yakka tartibdagi tadbirkorlar hamda o'zini o'zi band qilgan shaxslar uchun qulay shart-sharoit yaratish chora-tadbirlari to'g'risida”gi Prezident qarori (PQ–247-son, 12.08.2025-y.) qabul qilindi.

🔰 Quyidagilar ushbu qarorning asosiy maqsad va ustuvor vazifalari etib belgilandi, jumladan:

🔹 yakka tartibdagi tadbirkorlar va o'zini o'zi band qilgan shaxslarning ixtiyoriy ravishda rasmiy sektorda ishlashini rag'batlantiruvchi raqobatbardosh va shaffof tadbirkorlik muhitini shakllantirish;

🔹 ma'muriy tartib-taomillarning takrorlanuvchi va ortiqcha talablarini bekor qilish;

🔹 davlat ro'yxatidan o'tkazishdan tortib hisobotni topshirishgacha bo'lgan barcha asosiy xizmatlarni birlashtiruvchi integrasiyalashgan raqamli platformalar yaratish;

🔹 naqdsiz to'lovlarni qabul qilish uchun qulay va samarali mexanizmlarni joriy etish.

🏛 Qarorga ko'ra, yakka tartibdagi tadbirkorlar va o'zini o'zi band qilgan shaxslarga davlat va moliyaviy xizmatlarni onlayn tarzda ko'rsatish bo'yicha maxsus huquqiy rejim joriy etiladi.

📆 2026-yil 1-yanvardan boshlab quyidagilar bekor qilinadi:

🔸yakka tartibdagi tadbirkorlar uchun qat'iy belgilangan miqdorda jismoniy shaxslardan olinadigan daromad solig'ini to'lash tartibi;

🔸soliq davrida tovarlarni (xizmatlarni) realizasiya qilishdan daromadi yuz million so'mdan oshmagan o'zini o'zi band qilgan shaxslarni aylanmadan olinadigan soliq to'lashdan ozod qilish tartibi.

✔️Yillik aylanmasi 1 milliard so'mgacha bo'lgan yakka tartibdagi tadbirkorlar va o'zini o'zi band qilgan shaxslar uchun aylanmadan olinadigan soliq stavkasi 1 foiz miqdorida belgilanadi.

Kanalga ulanish👇👇👇
https://t.me/huquqiyaxborot_lotin

#Bilasizmi

✅ Qonunchilikka ko'ra, quyidagi tovarlarda ularning ishlab chiqarilgan sanasi, yaroqlilik muddati hamda saqlash shartlari ko'rsatilgan bo'lishi lozim:

▪️ dori vositalari;
▪️ tibbiy buyumlar;
▪️ oziq-ovqatlar;
▪️ maishiy kimyo tovarlari.

🚫 Sotuvchilarga ishlab chiqarilgan sanasi va yaroqlilik muddati ko'rsatilmagan yoki yaroqlilik muddati o'tgan tovarlarni qabul qilish hamda sotish man etiladi.

Kanalga ulanish👇👇👇
https://t.me/huquqiyaxborot_lotin

#Qonunchilikdagi_yangiliklar

❗️ Suv kodeksi qabul qilindi

Manba: O'RQ-1076-son, 30.07.2025-yil.

Kanalga ulanish👇👇👇
https://t.me/huquqiyaxborot

#Qonunchilikdagi_yangiliklar

❗️ Intellektual mulk huquqiy jihatdan ishonchli tarzda himoya qilinadi

Qonun (O'RQ–1080-son, 08.08.2025-y.) bilan ayrim qonun hujjatlariga o'zgartirish va qo'shimchalar kiritildi.

🔰 Mazkur Qonun bilan ayrim qonun hujjatlariga intellektual mulk obyektlarini davlat ro'yxatidan o'tkazish jarayoni soddalashtirilishini nazarda tutuvchi o'zgartirish va qo'shimchalar kiritildi.

✔️ Qonun hujjatlariga kiritilgan o'zgartirishlarga ko'ra, sanoat mulki obyekti ro'yxatga olinganda patent talabnoma beruvchiga avtomatik tarzda elektron tizim orqali yuborilishi belgilandi.

📍 Ilgari Sanoat mulki obyektiga patent berish obyekt ro'yxatga olinganligi haqidagi ma'lumotlar rasmiy axborotnomada e'lon qilingan sanadan e'tiboran 10 kun o'tganidan keyin amalga oshirilishi belgilangan edi.

✅ Shuningdek, qonun hujjatlariga kiritilgan o'zgartirish va qo'shimchalarga ko'ra, intellektual mulk obyektlariga bo'lgan huquqlarni buzganlik uchun javobgarlik kuchaytirilishi nazarda tutildi.

Kanalga ulanish👇👇👇
https://t.me/huquqiyaxborot_lotin

#Qonunchilikdagi_yangiliklar

❗️ Ichki ishlar organlarining patrul-post xizmati bo'linmalari tomonidan shartnoma asosida jamoat tartibini saqlash tartibi belgilandi

Manba: VMQ-477-son, 30.07.2025-yil.

Kanalga ulanish👇👇👇
https://t.me/huquqiyaxborot_lotin

#Bilasizmi

🔖 Qonunchilikka ko'ra, "Biznesga birinchi qadam" loyihasiga muvofiq 18 yoshga to'lgan va 30 yoshdan oshmagan ijtimoiy soliq to'lagan o'zini o'zi band qilgan shaxslarga onlayn shaklda imtiyozli davr bilan 7 yilgacha muddatga 100 mln so'mgacha mablag'lar imtiyozli mikroqarz sifatida ajratiladi.

💰 Mikroqarz quyidagi kredit mahsulotlari bo'yicha ajratiladi, jumladan:

🔹 tomorqalardan samarali foydalanish maqsadida ekin ekish va yetishtirish uchun;

🔹 ishlab chiqarish va xizmat ko'rsatish faoliyatini tashkil etish hamda amalga oshirish uchun;

🔹 fan, san'at va sport yo'nalishlarida o'z qobiliyatini namoyon etgan iqtidorli yoshlarni hamda frilanserlik xizmatlarini ko'rsatuvchi yoshlarni qo'llab-quvvatlash uchun.

Kanalga ulanish👇👇👇
https://t.me/huquqiyaxborot_lotin

#Bilasizmi

🚫 Qonunchilikka ko'ra, pedagogni kasbiy faoliyati bilan bog'liq bo'lmagan ishlarga, shu jumladan hududlarni obodonlashtirishga va qishloq xo'jaligi ishlariga jalb qilish taqiqlanadi.

⚠️ Pedagogni biron-bir shaklda mehnatga ma'muriy tarzda majburlash:

➖ BHMning 100 baravaridan 150 baravarigacha (41 mln 200 ming so'mdan 61 mln 800 ming so'mgacha) miqdorda jarima solishga sabab bo'ladi.

Kanalga ulanish👇👇👇
https://t.me/huquqiyaxborot

❗️ ISHONING, BIROQ TEKSHIRING!

⚠️ Bu ma'lumot nega kerak?

🔹Mebel olmoqchisiz yoki boshqa zarur tovarlarga buyurtma bermoqchisiz. Balki qarz bermoqchidirsiz?
🔹Qarshingizdagi “hamkoringiz”ga ishonsa bo'ladimi?
🔹O'zingizni moliyaviy xavfdan himoya qilmoqchimisiz?

📋 Majburiy ijro byurosining Insofsiz yoki to'lovga qobiliyatsiz shaxslar ro'yxati xizmatidan foydalanish orqali siz jismoniy yoki yuridik shaxsning moliyaviy intizomi haqida ma'lumot olib, xatarlarni oldindan baholashingiz mumkin.

✅ Malumotni qanday olish mumkin?

1️⃣ mib.uz saytiga kiring;

2️⃣ Jismoniy shaxs bo'lsa JSHSHIRni kiriting, yuridik shaxs bo'lsa STIRni kiriting;

3️⃣ Natijalarni ko'ring: shaxs “insofsiz yoki to'lovga qobiliyatsiz”lar ro'yxatida bormi-yo'qmi — bilib oling.

📞 Savollaringiz bo'lsa — murojaat qiling:

📍 1107 – qisqa raqamli “Ishonch telefoni”
📍 (71) 231-11-07 — MIBning koll-markazi

Kanalga ulanish👇👇👇
https://t.me/huquqiyaxborot_lotin

#Qonunchilikdagi_yangiliklar

❗️ Hayvonlarni identifikatsiya qilish tartibga solindi

“Hayvonlarni identifikasiya qilish, ro'yxatga olish va kuzatish to'g'risida”gi Qonun (O'RQ–1079-son, 06.08.2025-y.) qabul qilindi.

🔰 Qonunga ko'ra, O'zbekiston hududida jismoniy yoki yuridik shaxslar tomonidan saqlanadigan va (yoki) ko'paytiriladigan hayvonlar belgilangan tartibda identifikatsiya qilinishi hamda ro'yxatga olinishi kerak.

🏛 Veterinariya va chorvachilikni rivojlantirish qo'mitasi mazkur sohada vakolatli davlat organidir.

⏳ Qonunda hayvonlarni identifikasiya qilish va ro'yxatga olishning quyidagi muddatlari belgilangan:

🔹 qoramol, ko'y, echki va tuyalar – tug'ilganidan 14 kundan keyin;

🔹 otlar – tug'ilganidan 4 oydan keyin;

🔹 cho'chqalar tug'ilganidan – 1 oydan keyin;

🔹 itlar va mushuklar – tug'ilganidan 3 oydan keyin.

✅ Bunda hayvonlar ko'rsatilgan muddatlar tugaganidan keyin 1 oydan kechiktirmay identifikatsiya qilinishi va ro'yxatga olinishi kerak.

✍️ Saqlash va (yoki) ko'paytirish maqsadida O'zbekistonga olib kiriladigan hayvonlar olib kirilgan sanadan e'tiboran 21 kundan kechiktirmay identifikatsiya qilinishi lozim.

Kanalga ulanish👇👇👇
https://t.me/huquqiyaxborot

#Qonunchilikdagi_yangiliklar

❗️ Ayrim imtiyozli kreditlar bo'yicha to'langan foiz to'lovlarining bir qismi subsidiya sifatida qaytariladi

Manba: VMQ-466-son, 24.07.2025-yil.

Kanalga ulanish👇👇👇
https://t.me/huquqiyaxborot

#Bilasizmi

🔰 Qonunchilikka ko'ra, elektron onlayn-auksion savdolarida ishtirok etish uchun yashash joyi, tashkiliy-huquqiy shakli, boshqa yer uchastkasi bor yoki yo'qligidan qat'i nazar, O'zbekiston rezidenti bo'lgan barcha jismoniy va yuridik shaxslar, shu jumladan, chet el investitsiyalari ishtirokidagi korxonalar ishtirok etishi mumkin.

💰 Elektron onlayn-auksion savdolari orqali aniqlanadigan yer uchastkasiga ijara huquqini olish uchun to'lovlar 15 ish kunida to'lanishi shart, bunda:

🔹 boshlang'ich narx yer uchastkasi normativ qiymatining 50 foizi miqdorida belgilanadi;

🔹 sotilmagan lotlar har 5 kunda lotning narxini 10 foizdan boshlang'ich narxning 20 foizigacha bosqichma-bosqich pasaytirgan holda takroriy auksionga chiqariladi.

Kanalga ulanish👇👇👇
https://t.me/huquqiyaxborot_lotin

#Qonunchilikdagi_yangiliklar

❗️ Drayver loyihalarni amalga oshirish tartibi belgilandi

Hukumat qarori (495-son, 05.08.2025-y.) bilan “Tuman (shahar)larda iqtisodiy o'sishga turtki beruvchi drayver loyihalarni shakllantirish va amalga oshirish tartibi to'g'risida”gi nizom tasdiqlandi.

🔰 Nizomga ko'ra, drayver loyiha hududning zaxira va imkoniyatlarini hisobga olgan holda, ma'lum iqtisodiy o'sishni yoki o'zgarishni yuzaga keltiradigan sanoat, xizmat ko'rsatish va qishloq xo'jaligining rivojlanishiga turtki beradigan loyiha hisoblanadi.

🏛 Drayver loyihalarni shakllantirish, kelishish va ishga tushirish tuman (shahar) hokimlari tomonidan amalga oshiriladi.

📝 Bunda loyihalar har yili 1-noyabrgacha tuman (shahar) hokimliklari tomonidan ishlab chiqiladi.

✔️ 1 hafta muddatda loyihalar Qoraqalpog'iston Respublikasi Vazirlar Kengashi, viloyatlar va Toshkent shahri hokimliklariga kiritiladi.

⏳ Shundan so'ng, loyihalar 10 ish kunida Iqtisodiyot va moliya vazirligiga yuboriladi.

📙 Iqtisodiyot va moliya vazirligi 15 ish kunida drayver loyihani joyiga chiqqan holda o'rganadi.

📜 Loyihalarni amalga oshirish doirasida bosh loyihachi tashkilotlar qonunchilikda belgilangan tartibda tanlov (tender) orqali aniqlanadi.

📋 Drayver loyihalar tuman (shahar) hokimligi tomonidan tuziladigan dalolatnomaga asosan foydalanishga qabul qilinadi va amalga oshirilgan hisoblanadi.

Kanalga ulanish👇👇👇
https://t.me/huquqiyaxborot_lotin

#Bilasizmi

🪙 Qonunchilikka ko'ra, ozodlikdan mahrum etish jazosini o'tab bo'lgan fuqarolarga ularning tadbirkorlik, me'morchilik, hunarmandchilik kabi yo'nalishlardagi loyihalarni amalga oshirishi uchun mehnatga haq to'lashning eng kam miqdorining 10 baravarigacha miqdordagi subsidiyalar ajratiladi.

Kanalga ulanish👇👇👇
https://t.me/huquqiyaxborot_lotin

#Bilasizmi

❗️ Hozirgi kunda O'zbekiston hududida:

🔹mehnatga haq to'lashning eng kam miqdori – 1 271 000 so'm;

🔹bazaviy hisoblash miqdori – 412 000 so'm;

🔹pensiyani hisoblashning bazaviy miqdori – 471 000 so'm;

🔹yoshga doir eng kam pensiya – 918 000 so'm;

🔹nogironlik pensiyalari, jumladan ish staji to'liq bo'lmagan chog'dagi nogironlik pensiyasining eng kam miqdori – 1 012 000 so'm;

🔹mehnatga layoqatsiz fuqarolarga beriladigan nogironlik nafaqasi va bolalikdan nogironligi bo'lgan shaxslarga beriladigan nafaqa – 1 012 000 so'm;

🔹belgilangan yoshga doir eng kam pensiya miqdoridan (918 000 so'mdan) 1 012 000 so'mgacha pensiya oluvchilarning yoshga doir pensiyalari – 1 012 000 so'm;

🔹zarur ish stajiga ega bo'lmagan keksa yoshdagi fuqarolarga beriladigan nafaqa – 820 000 so'm;

🔹ish staji to'liq bo'lmagan chog'dagi yoshga doir pensiyaning eng kam miqdori qo'shimcha to'lovni hisobga olgan holda – 820 000 so'm.

Kanalga ulanish👇👇👇
https://t.me/huquqiyaxborot_lotin

#Qonunchilikdagi_yangiliklar

❗️ “Xalqaro shartnomani tasdiqlash to'g'risida”gi Prezident qarori (PQ–241-son, 30.07.2025-y.) qabul qilindi

🔰 Qarorga ko'ra, O'zbekiston Hukumati bilan Saudiya Arabistoni Podshohligi Hukumati o'rtasida havo qatnovi to'g'risidagi bitim tasdiqlandi.

📝 Bitim 2024-yil 22-oktabr kuni Kuala-Lumpur shahrida imzolangan.

🏛 Transport vazirligi ushbu xalqaro shartnomani amalga oshirish uchun mas'ul vakolatli organ etib belgilandi.

✔️ Vazirlar Mahkamasi hamda tegishli vazirlik va idoralarning rahbarlari ushbu xalqaro shartnoma kuchga kirgandan keyin belgilangan tartibda uning qoidalari amalga oshirilishi ustidan nazoratni ta'minlaydi.

Kanalga ulanish👇👇👇
https://t.me/huquqiyaxborot_lotin

#Adliya_xabari

❗️ Iqtisodiy protsessual kodeksiga ilmiy-amaliy sharh chop etildi

📙 Mazkur 2 jildlik “O'zbekiston Respublikasining Iqtisodiy prosetssual kodeksiga ilmiy-amaliy sharh” kitobi amaldagi iqtisodiy prosessual qonunchiligi hujjatlari asosida tayyorlangan (mazkur Kodeksning 2025-yil 25-iyungacha bo'lgan o'zgartish va qo'shimchalari bilan).

✔️ Unda Iqtisodiy protsessual kodeksining har bir moddasiga alohida sharh berilgan bo'lib, kitob iqtisodiy protsessual qonunchiligini o'rganish borasida nazariy va amaliy jihatdan xizmat qiladi.

📝 Ushbu kitob bakalavriat va magistratura talabalari, tadqiqotchilar, professor-o'qituvchilar, adliya, sud, prokuratura, advokatura, FHDYO, notariat va boshqa huquqni muhofaza qiluvchi organlar xodimlari, shuningdek keng kitobxonlar ommasiga mo'ljallangan.

📚 Kitob qattiq muqovada, kirill alifbosida chop etilgan.

📞 Xarid qilish uchun quyidagi raqamlarga murojaat qilish mumkin: +998 71 280 55 47 | +998 55 510 47 86

📍 Shuningdek, manzil: Bobur ko'chasi 40A; mo'ljal: Pushkin maydoni ro'parasida.

Kanalga ulanish👇👇👇
https://t.me/huquqiyaxborot_lotin

#Qonunchilikdagi_yangiliklar

❗️ “Xalqaro shartnomani tasdiqlash to'g'risida”gi Prezident qarori (PQ–239-son, 30.07.2025-y.) qabul qilindi

🔰 Qarorga ko'ra, O'zbekiston Hukumati bilan Iordaniya Hoshimiylar Podshohligi Hukumati o'rtasida diplomatik pasport egalarining vizasiz safarlari to'g'risidagi bitim tasdiqlandi.

📝 Bitim 2025-yil 3-fevral kuni Ammon shahrida imzolangan.

🏛 Tashqi ishlar vazirligi ushbu xalqaro shartnomani amalga oshirish uchun mas'ul vakolatli organ etib belgilandi.

✔️ Vazirlar Mahkamasi hamda tegishli vazirlik va idoralarning rahbarlari ushbu xalqaro shartnoma kuchga kirgandan keyin belgilangan tartibda uning qoidalari amalga oshirilishi ustidan nazoratni ta'minlaydi.

Kanalga ulanish👇👇👇
https://t.me/huquqiyaxborot_lotin

#Qonunchilikdagi_yangiliklar

❗️ Temir yo'l transporti infratuzilmasi xavfsizligiga qo'yiladigan talablar belgilandi

Hukumat qarori (480-son, 31.07.2025-y.) bilan “Temir yo'l transporti infratuzilmasi xavfsizligi to'g'risida”gi texnik reglament tasdiqlandi.

🔰 Reglament umumiy foydalanishdagi va umumiy foydalanishda bo'lmagan temir yo'l transporti infratuzilmasiga nisbatan qo'llanadi.

📜 Konstruktorlik hujjatlariga muvofiq temir yo'l mahsuloti u ishlab chiqarilgan yildan qat'i nazar temir yo'l mahsulotini identifikasiyalashni ta'minlaydigan quyidagi tamg'aga ega bo'lishi kerak:

▪️ muvofiqlik belgisi;
▪️ raqam;
▪️ ishlab chiqaruvchining yorlig'i;
▪️ ishlab chiqarilgan sana;
▪️ rezervuarlar va nazorat moslamalari tekshirishdan o'tkazilganligi bo'yicha ma'lumotlar.

📙 Temir yo'l mahsulotining muvofiqligini majburiy tasdiqlash quyidagi shakllarda amalga oshiriladi:

🔹 majburiy sertifikatlash;

🔹 muvofiqlik to'g'risida deklarasiyani qabul qilish.

⏳ Muvofiqlik sertifikatining amal qilish muddati:

➖ mahsulot partiyasi - mahsulotning yaroqlilik yoki kafolat muddatidan;

➖ seriyali ishlab chiqariladigan mahsulotga - 3 yildan oshmasligi kerak.

Kanalga ulanish👇👇👇
https://t.me/huquqiyaxborot_lotin

#Qonunchilikdagi_yangiliklar

❗️ Ichki ishlar organlarining patrul-post xizmati bo'linmalari tomonidan shartnoma asosida jamoat tartibini saqlash tartibi belgilandi

Hukumat qarori (477-son, 30.07.2025 y.) bilan “Ichki ishlar organlarining patrul-post xizmati bo'linmalari tomonidan fuqarolar gavjum bo'ladigan joylarda jamoat tartibini saqlash va jamoat xavfsizligini ta'minlash bo'yicha davlat xizmatlarini shartnomaviy-huquqiy asosda ko'rsatish”ning ma'muriy reglamenti tasdiqlandi.

📝 Fuqarolar gavjum bo'ladigan joylarda jamoat tartibini saqlash va jamoat xavfsizligini ta'minlash borasidagi tadbirlar ichki ishlar organlarining patrul-post xizmati bo'linmalari (vakolatli organ) tomonidan ushbu joylarda faoliyat ko'rsatuvchi talabgor bilan tuziladigan shartnomalarga muvofiq amalga oshiriladi.

✔️Talabgor buning uchun vakolatli organ yoki Davlat xizmatlari markaziga murojaat etadi yoxud davlat xizmatidan elektron shaklda foydalanish uchun YIDXP (my.gov.uz) da ro'yxatdan o'tadi.

⌛️ So'rovnoma vakolatli organga kelib tushgandan so'ng 10 ish kuni mobaynida ko'rib chiqiladi.

🖼 Vakolatli organ xodimi talabgor bilan birgalikda fuqarolar gavjum bo'ladigan joyni ko'zdan kechiradi.

📋 Talabgor tegishligiga ko'ra Qoraqalpog'iston Respublikasi Ichki ishlar vazirligi, Toshkent shahar va Toshkent viloyati ichki ishlar bosh boshqarmalari yoki viloyatlar ichki ishlar boshqarmalari bilan shartnoma tuzadi.

Kanalga ulanish👇👇👇
https://t.me/huquqiyaxborot_lotin

#Qonunchilikdagi_yangiliklar

❗️ “Xalqaro shartnomani tasdiqlash to'g'risida”gi Prezident qarori (PQ–238-son, 30.07.2025-y.) qabul qilindi

🔰 Qarorga ko'ra, 2025-yil 12-mart kuni Parij shahrida imzolangan quyidagi xalqaro shartnomalar tasdiqlandi:

🔹 O'zbekiston Hukumati bilan Fransiya Hukumati o'rtasida diplomatik pasport egalarini qisqa muddatli viza talablaridan o'zaro ozod etish to'g'risidagi bitim;

🔹 O'zbekiston Hukumati bilan Fransiya Hukumati o'rtasida rasmiy vakolatxonalar xodimlarining oila a'zolari tomonidan haq to'lanadigan faoliyatning amalga oshirilishi to'g'risidagi bitim.

🏛 Tashqi ishlar vazirligi ushbu xalqaro shartnomalarni amalga oshirish uchun mas'ul vakolatli organ etib belgilandi.

✔️ Vazirlar Mahkamasi hamda tegishli vazirlik va idoralarning rahbarlari ushbu xalqaro shartnoma kuchga kirgandan keyin belgilangan tartibda uning qoidalari amalga oshirilishi ustidan nazoratni ta'minlaydi.

Kanalga ulanish👇👇👇
https://t.me/huquqiyaxborot_lotin

#Qonunchilikdagi_yangiliklar

❗️ Davlat xaridlari elektron tizimining operatori faoliyatini tashkil etish tartibi belgilandi

Hukumat qarori (476-son, 30.07.2025-y.) bilan “Davlat xaridlari elektron tizimi operatorlari to'g'risida”gi nizom tasdiqlandi.

🔰 Nizom davlat xaridlari elektron tizimi operatori faoliyatini tashkil etish, elektron tizimda ma'lumotlarni almashish hamda davlat xaridlari to'g'risidagi ayrim axborotlarni moderatsiyadan o'tkazish tartibini belgilaydi.

📝 Davlat buyurtmachilarining xaridlarni amalga oshirish va ishtirokchilarning xarid qilish tartib-taomillarida ishtirok etish jarayonlari ularning davlat xaridlari elektron tizimida ro'yxatga olingan paytdan e'tiboran amalga oshiriladi.

🔗 Davlat xaridlari elektron tizimida axborot tizimlari o'rtasida axborot almashinuvi axborot xavfsizligi va kiberxavfsizlik talablariga muvofiq sertifikatlangan vositalardan foydalangan holda, himoyalangan aloqa kanallari orqali amalga oshirilishi shart.

📜 Bunda davlat xaridlari sohasidagi nazoratni amalga oshiruvchi organlar uchun zarur hujjat va ma'lumotlarni maxsus axborot portali orqali operatordan masofaviy talab qilib olish mexanizmi yo'lga qo'yiladi.

🚫 Insofsiz ijrochilarning yagona reestriga kiritilgan ishtirokchilarning davlat xaridlaridagi ishtiroki davlat xaridlari elektron tizimi tomonidan avtomatik tarzda cheklanadi.

Kanalga ulanish👇👇👇
https://t.me/huquqiyaxborot_lotin

#Bilasizmi

🪙 Qonunchilikka ko'ra, quyidagi shaxslardan avtotransport vositalarining to'xtab turish joylaridan foydalanganlik uchun haq olinmaydi:

🔹 "Nogiron haydovchi boshqarayotgan avtomobil" taniqlik belgisi o'rnatilgan avtotransport vositasini boshqarayotgan I va II guruh nogironligi bo'lgan shaxslar;

🔹 16 yoshgacha nogironligi bor bolasi bo'lgan ota-onalar (yoki uning o'rnini bosuvchi shaxslar).

📜 Mazkur imtiyozdan foydalanish uchun tasdiqlovchi hujjatlar, ya'ni nogironlikni tasdiqlovchi tibbiy ma'lumotnoma hamda tegishli pensiya guvohnomasi bo'lishi lozim.

Kanalga ulanish👇👇👇
https://t.me/huquqiyaxborot_lotin

#Qonunchilikdagi_yangiliklar

❗️ Milliy va jahon musiqasining sara asarlari yanada ommalashtiriladi

“Milliy va jahon musiqa san'ati yutuqlarini xalqimiz orasida keng targ'ib qilishga oid qo'shimcha chora-tadbirlar to'g'risida”gi Prezident qarori (PQ–231-son, 28.07.2025-y.) qabul qilindi.

🏛 Qarorga ko'ra, O'zbekiston davlat filarmoniyasi Farg'ona viloyati bo'linmasi tarkibida quyidagilar tashkil etiladi:

🔹 Farg'ona milliy cholg'ular orkestri;

🔹 Farg'ona simfonik orkestri.

❇️ Shuningdek, reja bo'yicha Farg'ona shahridagi “Eco City” majmuasi hududidagi amfiteatrda hamda mahalliy aholi va sayyohlar ko'p tashrif buyuradigan boshqa joylarda Simfonik orkestr va Milliy cholg'ular orkestrining konsert dasturlari tashkil etib boriladi.

Kanalga ulanish👇👇👇
https://t.me/huquqiyaxborot_lotin

#Qonunchilikdagi_yangiliklar

❗️ Botir Zokirov nomidagi davlat stipendiyasi ta'sis etiladi

“O'zbekiston xalq artisti Botir Zokirov xotirasini abadiylashtirish, uning ijodiy merosini chuqur o'rganish va jahon miqyosida targ'ib qilish chora-tadbirlari to'g'risida”gi Prezident qarori (PQ–230-son, 28.07.2025-y.) qabul qilindi.

🏛 Qarorga ko'ra, Toshkent shahrida Botir Zokirov memorial muzeyi tashkil etiladi.

💰 Botir Zokirov nomidagi davlat stipendiyasi ta'sis etiladi

❇️ 2026-yildan har 2 yilda 1 marta estrada san'ati bo'yicha Botir Zokirov nomidagi xalqaro ko'rik-tanlovi o'tkazib boriladi.

📹 Shuningdek, Botir Zokirovning hayoti va ijodiga bag'ishlangan badiiy film yaratiladi.

Kanalga ulanish👇👇👇
https://t.me/huquqiyaxborot_lotin

#Qonunchilikdagi_yangiliklar

❗️ Bolalarga nisbatan zo'ravonlik holatlarini aniqlash va ularni himoya qilish tartibi belgilandi

Hukumat qarori (440-son, 14.07.2025-y.) bilan “Bolalarga nisbatan zo'ravonlik holatlarini aniqlash, zo'ravonlik xavfi darajasini baholash, himoya qilish rejasini ishlab chiqish hamda uni amalga oshirish tartibi to'g'risida”gi nizom tasdiqlandi.

🔰 Nizomga ko'ra, zo'ravonlikdan jabrlangan yoxud o'ziga nisbatan zo'ravonlik sodir etilishi xavfi ostida bo'lgan bolalar bevosita o'zlari yoxud qonuniy vakillari “Inson” markazlari, ichki ishlar organlari va boshqa mas'ul organlarga murojaat qiladi.

📝 “Inson” markazlari ichki ishlar organlari ishtirokida bolaning hayotiy vaziyatini 1 kun muddatda o'rganadi.

📜 Bunda “Inson” markazi bolaning hayoti yoki sog'lig'iga tahdid soluvchi omillarni dastlabki baholashdan o'tkazadi hamda xavf darajasini “past” yoki “yuqori” deb topishi mumkin.

☑️ Xavf darajasi “yuqori” deb baholanganida, ichki ishlar organi quyidagi choralardan birini ko'radi:

🔹 zo'ravonlik sodir etgan shaxsni ma'muriy yo'l bilan ushlab turish hamda prosessual majburlov choralarini qo'llash;

🔹 bolaga yoxud uning qonuniy vakiliga himoya orderini berish;

🔹 bolani ota-onasidan (ularning biridan) yoxud uni o'z qaramog'iga olgan boshqa shaxslardan olib qo'yish va uning xavfsizligini ta'minlash.

⏳ Tahdid soluvchi omillar bartaraf etilgach, “Inson” markazi bolaning hayotiy vaziyatini 14 kalendar kun ichida kompleks baholashdan o'tkazadi.

📙 Kompleks baholash natijalariga ko'ra 3 ish kuni ichida bolani himoya qilish rejasi ishlab chiqiladi.

❗️ Bolalarga nisbatan zo'ravonlik sodir yoki sodir etishga moyil bo'lgan shaxslarga quyidagi ta'sir choralari qo'llanilishi mumkin:

▪️ tuzatish dasturidan o'tish;
▪️ bolalarini olib qo'yish;
▪️ ota-onalik huquqini cheklash yoki ota-onalik huquqidan mahrum qilish.
▪️ narkologiya muassasalarida majburiy davolanish;
▪️ majburiy tibbiy yo'sindagi majburlov choralarini tayinlash.

Kanalga ulanish👇👇👇
https://t.me/huquqiyaxborot_lotin

#2025_yil_1_avgustdan

🔰 Qonunchilikka ko'ra, 2027-yil 31-dekabrgacha Mo'g'ulistondan mayda shoxli mollarni O'zbekistonga import qilishda tadbirkorlarga quyidagi imtiyozlar beriladi:

🔹 havo transportida tashish xarajatlarining 50 foizi Davlat byudjeti hisobidan qoplab beriladi;

🔹 QQSni to'lash muddatini foizlar hisoblanmagan holda to'lov ta'minotisiz kechiktirib to'lash imkoniyati beriladi.

Kanalga ulanish👇👇👇
https://t.me/huquqiyaxborot_lotin

#Qonunchilikdagi_yangiliklar

❗️ Ayrim payvandtagli ko'chatlarni xarid qilish xarajatlarining bir qismi qoplanadi

Hukumat qarori (468-son, 28.07.2025-y.) bilan “In-vitro” sharoitida ko'paytirilgan payvandtagli meva va tok ko'chatlarini xarid qilish xarajatlarining bir qismini qoplash tartibi to'g'risida”gi nizom tasdiqlandi.

🔰 Nizom tadbirkorlarga muvofiqlik sertifikati mavjud bo'lgan “in-vitro” sharoitida ko'paytirilgan payvandtagli meva va tok ko'chatlarini xarid qilish xarajatlarining bir qismini qoplash uchun subsidiya ajratish tartibini belgilaydi.

💸 Subsidiyalar quyidagi miqdorlarda ajratiladi:

🔹 yangi intensiv bog' barpo etgan talabgorga hamda dala chetlari, kanallar, sug'orish va kollektor-drenaj tarmoqlari atrofidagi maydonlarga ekilgan muvofiqlik sertifikati mavjud bo'lgan “in-vitro” sharotida ko'paytirilgan payvandtagli meva ko'chatlarini xarid qilish xarajatlarining 50 foizi, biroq har bir meva ko'chatiga 25 ming so'mdan oshmagan miqdorda;

🔹 muvofiqlik sertifikati mavjud bo'lgan uzumning danaksiz va yangi nav ko'chatlariga 7,5 ming so'mdan, mahalliy tok ko'chatlariga 2 ming so'mdan oshmagan miqdorda.

📝 Talabgor subsidiyani olish uchun “Agrosubsidiya” axborot tizimi orqali quyidagilarni ilova qilgan holda ariza bilan murojaat qiladi:

🔸 sog'lom, viruslardan holi bo'lgan "in-vitro" laboratoriyasida ko'paytirilgan payvandtagli ko'chatlarning muvofiqlik sertifikati nusxasi;

🔸 talabgor bilan “in-vitro” sharoitida ko'chat yetishtiruvchi ko'chatchilik xo'jaligi o'rtasida tuzilgan oldi-sotdi shartnomasi nusxasi;

🔸 ko'chatlar sotib olingani bo'yicha hisob-faktura, “in-vitro” sharoitida ko'chat yetishtiruvchi ko'chatchilik xo'jaligining tavsiyasi va muvofiqlik sertifikati bo'yicha 3 yillik kafolat xati.

✅ Ishchi guruh hujjatlarni 3 ish kunida joyiga chiqqan holda o'rganadi va subsidiya ajratish maqsadga muvofiqligi yoki rad etish to'g'risidagi xulosani tasdiqlaydi.

Kanalga ulanish👇👇👇
https://t.me/huquqiyaxborot_lotin

#Qonunchilikdagi_yangiliklar

❗️ Ma'muriy huquqbuzarlik to'g'risidagi ishlarni yuritishda xususiy ayblov instituti joriy etiladi

Manba: O'RQ-1075-son, 10.07.2025-yil.

Kanalga ulanish👇👇👇
https://t.me/huquqiyaxborot

#Bilasizmi

📘 Qonunchilikka ko'ra, hamma uchun vijdon erkinligi kafolatlanadi. Har kim xohlagan dinga e'tiqod qilish yoki hech qaysi dinga e'tiqod qilmaslik huquqiga ega. Diniy qarashlarni majburan singdirishga yo'l qo'yilmaydi.

📝 Shuningdek, O'zbekistonda diniy sohadagi davlat siyosatining maqsadi quyidagilardan iborat:

🔹 fuqarolarning vijdon erkinligiga bo'lgan huquqlarini amalga oshirish uchun teng shart-sharoitlar yaratish;

🔹 turli dinlarga mansub diniy tashkilotlar o'rtasida o'zaro murosa va hurmat o'rnatilishiga ko'maklashish;

🔹 konfessiyalararo totuvlikni mustahkamlash;

🔹 jamiyatda diniy bag'rikenglikni va dunyoviylikni ta'minlash.

Kanalga ulanish👇👇👇
https://t.me/huquqiyaxborot_lotin

#Qonunchilikdagi_yangiliklar

❗️ “Yashil belgi” mahsulot va xizmatlarni yagona ixtiyoriy ekologik markirovkalash tartibi belgilandi

“Yashil belgi” mahsulot va xizmatlarni yagona ixtiyoriy ekologik markirovkalash tartibi to'g'risida”gi nizom Adliya vazirligida davlat ro'yxatidan o'tkazildi (ro'yxat raqami: 3652-son, 25.07.2025-y.)

🔰 Ushbu Nizom sertifikatlashtirishni o'tkazish, talabgorni avtorizasiyadan o'tkazish, xorijiy ekologik markirovkalash tizimlarini tan olish va ekologik markirovka belgisini qo'llashni o'z ichiga oladi.

📝 Ariza beruvchi ekologik markirovkalash organiga belgilangan shakllardagi maxsulot va xizmatlarni sertifikatlashtirish bo'yicha ariza bilan yozma yoki elektron shaklda murojaat qiladi.

📜 Ekologik markirovkalash organi tomonidan sertifikatlashtirish bo'yicha ariza kelib tushgan kundan e'tiboran 5 ish kuni mobaynida unda ko'rsatilgan ma'lumotlar ko'rib chiqiladi.

⏳ Sertifikatlashtirishni o'tkazish 3 oydan oshmagan muddatda amalga oshiriladi.

📋 Ekspertlar guruhi tomonidan sertifikatlashtirish jarayoni natijalari bo'yicha xulosa rasmiylashtiriladi.

✅ Sertifikatlashtirish natijalaridan norozi bo'lganlar 1 oy ichida Apellyatsiya komissiyasiga yozma yoki elektron shaklda apellyatsiya shikoyati berishi mumkin.

Kanalga ulanish👇👇👇
https://t.me/huquqiyaxborot_lotin

#Qonunchilikdagi_yangiliklar

❗️ Ayrim imtiyozli kreditlar bo'yicha to'langan foiz to'lovlarining bir qismi subsidiya sifatida qaytariladi

Hukumat qarori (466-son, 24.07.2025-yil) bilan “Paxta xomashyosini yetishtirish uchun ajratilgan imtiyozli kreditlarni hosil yili yakuniga qadar qaytargan qishloq xo'jaligi subyektlariga ushbu kredit bo'yicha to'langan foiz to'lovlarining bir qismini subsidiya sifatida qaytarish tartibi to'g'risida”gi nizom tasdiqlandi.

🔰 Nizom paxta xomashyosini yetishtirish uchun Qishloq xo'jaligini davlat tomonidan qo'llab-quvvatlash jamg'armasining kredit resurslari hisobidan ajratilgan imtiyozli kreditlar bo'yicha to'langan foiz to'lovlarining 4 foiz punktini subsidiya sifatida qaytarish tartibini belgilaydi.

📝 Nizomga ko'ra, subsidiya oluvchi paxta xomashyosini yetishtirish uchun ajratilgan imtiyozli kreditlar va hisoblangan foiz to'lovlarini hosil yilining 31-dekabriga qadar to'liq qaytargan bo'lishi kerak.

🔗 Arizalar tijorat bankining Bosh ofisi Subsidiya.mf.uz" portali orqali yuboriladi.

✅ Tijorat banki tomonidan barcha ma'lumotlar "Subsidiya.mf.uz" portaliga to'liq kiritilib, ariza shakllantirilgandan so'ng ajratiladigan subsidiya miqdori avtomatik ravishda hisoblab chiqiladi.

📚 Subsidiya oluvchining soliqlar va majburiy to'lovlardan qarzdorligi bo'lmaganda, subsidiya mablag'laridan erkin foydalanadi.

Kanalga ulanish👇👇👇
https://t.me/huquqiyaxborot_lotin

#Qonunchilikdagi_yangiliklar

❗️ Yer qa'rini geologik jihatdan o'rganish bo'yicha ishlarni davlat hisobiga olish tartibi belgilandi

Hukumat qarori (467-son, 26.07.2025-y.) bilan “Yer qa'rini geologik jihatdan o'rganish bo'yicha ishlarni davlat hisobiga olish tartibi to'g'risida”gi nizom tasdiqlandi.

🔰 Nizom yuridik va jismoniy shaxslar tomonidan O'zbekiston hududida amalga oshirilayotgan yer qa'ri uchastkalarini geologik jihatdan o'rganish ishlari bilan bog'liq jarayonlarni davlat hisobiga olish tartibini belgilaydi.

📝 Yer qa'rini davlat tomonidan geologik jihatdan o'rganish ishlari tizim tashkilotlarining tegishli ma'lumotlarni Yer qa'ridan foydalanish markaziga “Geomonitoring” axborot tizimi orqali buyurtma asosida tegishli ma'lumotlarni kiritish orqali davlat hisobiga olinadi.

✔️ Yer qa'ridan foydalanish markazi buyurtma kelib tushgan kundan boshlab 5 ish kunida buyurtmani va unga ilova qilingan ma'lumotlar taqdim etilganligini tekshiradi.

📜 Hujjatlar to'liq taqdim etilgan taqdirda, buyurtmani “Geomonitoring” axborot tizimida tegishli tartib raqam bilan hisobga oladi va tizim tashkilotlarini xabardor qiladi.

✅ Yer qa'ridan foydalanuvchilar yer qa'rini geologik jihatdan o'rganish ishlarini davlat hisobiga olingani to'g'risidagi xabar olingan kundan boshlab yer qa'rini geologik jihatdan o'rganish ishlarini amalga oshirishga asos bo'ladi.

Kanalga ulanish👇👇👇
https://t.me/huquqiyaxborot_lotin

#2025_yil_1_avgustdan

🔖 Qonunchilikka ko'ra, oziq-ovqat mahsulotlari uchun texnik reglamentlar va standartlar majburiyligi bekor qilinadi.

✔️ Bunda Sanitariya-epidemiologik osoyishtalik va jamoat salomatligi qo'mitasi tomonidan ishlab chiqilgan sanitariya qoidalari, normalari va gigiena normativlari daxldor vazirlik va idoralar bilan kelishilgandan so'ng to'g'ridan-to'g'ri amal qiladi.

Kanalga ulanish👇👇👇
https://t.me/huquqiyaxborot_lotin

#Qonunchilikdagi_yangiliklar

❗️ Toshkent arxitektura-qurilish universitetida ta'lim tizimi samaradorligi oshiriladi

Manba: PQ-209-son, 01.07.2025-yil.

Kanalga ulanish👇👇👇
https://t.me/huquqiyaxborot_lotin

#2025_yil_1_avgustdan

🪙 Qonunchilikka ko'ra, byudjet tashkilotlari xodimlarining ish haqi va stipendiyalar miqdori 10 foizga oshiriladi. Bunda:

🔹 mehnatga haq to'lashning eng kam miqdori – oyiga 1 271 000 so'm;

🔹 bazaviy hisoblash miqdori – 412 000 so'm etib belgilanadi.

Kanalga ulanish👇👇👇
https://t.me/huquqiyaxborot_lotin

#Amal_qiling

🔰Qonunchilikka ko'ra, bosqinchilik, ya'ni o'zganing mol-mulkini talon-toroj qilish maqsadida hujum qilib, hayot yoki sog'liq uchun xavfli bo'lgan zo'rlik ishlatib yoxud shunday zo'rlik ishlatish bilan qo'rqitib sodir etilgan bo'lsa, 5 yildan 8 yilgacha ozodlikdan mahrum qilish bilan jazolanadi.

🔍 Agar bosqinchilik qurol yoki qurol sifatida foydalanish mumkin bo'lgan boshqa narsalarni ishlatib sodir etilgan bo'lsa 8 yildan 10 yilgacha ozodlikdan mahrum qilish bilan jazolanadi.

‼️Qonunni bilmaslik javobgarlikdan ozod qilmaydi...

Kanalga ulanish👇👇👇
https://t.me/huquqiyaxborot_lotin

#Qonunchilikdagi_yangiliklar

❗️ Nogironligi bo'lgan shaxslar bandligini ta'minlagan tadbirkorlarga subsidiya ajratish tartibi belgilandi

Manba: VMQ-405-son, 01.07.2025-yil.

Kanalga ulanish👇👇👇
https://t.me/huquqiyaxborot_lotin

#2025_yil_1_avgustdan

🔖 Qonunchilikka ko'ra, "Yagona milliy mehnat tizimi" idoralararo dasturiy-apparat kompleksida nogironligi bo'lgan shaxslar uchun ish o'rinlarini zaxiralashning elektron tizimi joriy etiladi.

✔️ Bunda tashkilotlar tomonidan ish o'rinlarini zaxiralash elektron reestr ma'lumotlari orqali o'zlari joylashgan hududdagi nogironligi bo'lgan shaxslarning jismoniy holati va imkoniyatlari hamda malaka darajasidan kelib chiqib amalga oshiriladi.

Kanalga ulanish👇👇👇
https://t.me/huquqiyaxborot

#Qonunchilikdagi_yangiliklar

❗️ Yer qa'ridan foydalanishga oid huquqbuzarlik haqida xabar berganlar rag'batlantiriladi

Hukumat qarori (457-son, 22.07.2025-y.) bilan “Yer qa'ridan foydalanish qoidalarini buzish bilan bog'liq huquqbuzarliklar haqida xabar bergan jismoniy shaxslarni pul mukofoti bilan rag'batlantirish tartibi to'g'risida”gi nizom tasdiqlandi.

🔰 Nizomga ko'ra, shaxslar huquqbuzarlikni videotexnika vositalari orqali qayd etishi hamda “Geomonitoring” tizimi orqali Tog'-kon sanoati va geologiya sohasini nazorat qilish inspeksiyasiga yuborishi lozim.

📝 Foto va video materiallarda quyidagilar aks ettirilishi kerak:

🔹 sodir etilgan huquqbuzarlik;

🔹 huquqbuzarlik sodir etgan shaxs to'g'risidagi ma'lumotlar (agar mavjud bo'lsa);

🔹 huquqbuzarlik sodir etilgan manzil, sana va vaqt.

⏳ Foto va video materiallar 15 ish kunida ko'rib chiqiladi.

💰 Foto va video materiallarni yuborgan shaxslar quyidagi miqdorlarda pul mukofoti bilan rag'batlantiriladi:

🔸 keng tarqalgan noruda foydali qazilmalarni qonunga xilof ravishda qazib olish yoki boshqa joyga tashish bo'yicha – huquqbuzardan undirilgan mablag'lar hisobidan BHMning 1 baravari;

🔸 foydali qazilmalarni qazib olish, mineral xomashyoni qayta ishlash sohasidagi boshqa huquqbuzarlik bo'yicha – huquqbuzardan undirilgan jarima miqdorining 5 foizi.

Kanalga ulanish👇👇👇
https://t.me/huquqiyaxborot_lotin

#2025_yil_1_avgustdan

🗓 Qonunchilikka ko'ra, davlat xizmatchilari o'rtasida sog'lom turmush tarzini targ'ib qilish maqsadida davlat organlari va tashkilotlarida har ish kunining muayyan vaqtlarida jismoniy tarbiya va harakat faolligi bo'yicha tadbirlar o'tkazib boriladi.

🥅 Davlat organlari xodimlarning vakillik organlari bilan hamkorlikda:

🔹 tashkilot hududida sport zonalarini tashkil etadi;

🔹 sport targ'ibotchilari tomonidan xodimlar o'rtasida tana vazni indeksi o'lchab borilishini hamda har bir xodim bo'yicha ma'lumotlarning “hrm.argos.uz” platformasiga kiritib borilishini ta'minlaydi.

Kanalga ulanish👇👇👇
https://t.me/huquqiyaxborot_lotin

#Qonunchilikdagi_yangiliklar

❗️ Zargarlik buyumlarini ishlab chiqarish qo'llab-quvvatlanadi

Manba: PQ–207-son, 26.06.2025-yil

Kanalga ulanish👇👇👇
https://t.me/huquqiyaxborot_lotin