°°
"في النفس حاجات دواؤها الحديث مع الله، وفي القلب وحشة أمانها اليقين بالله، ما نحتاجه هيّن لا يُـنقص شيئًا من ملك الله، نثق بلطف اختياره، وجميل تدبيره، إن شاء أعطى بكرمه، وإن شاء منع بحكمته وهو على كل شيء قدير"..

س/ لما يخلص الحيض (البريود) بكون كسلانة ومش قادرة احافظ ع الصلاة في وقتها تاني أعمل ايه؟؟
***
ج/
الصح إنك تتعاملي مع الكسل ده بذكاء
ازاي؟؟!
- اشحني قلبك قبل انتهاء الحيض بيوم مثلا بمقطع عن الصلاة وفضلها وعظم ذنب اللي بيضيعها
- ماتسيبيش لنفسك فرصة تكمل في الكسل قوميها غصب عنها لكل فرض وماتسيبيش وقت للتفكير في الكسل لإنك مش بتفكري لوحدك ده معاكي الشيطان بيحسسك إنها جبل فمع الآذان قومي فورا
- لو كسلتي عن فرض اعملي لنفسك عقوبة صدقة مثلا بمبلغ كبير عشان ماتكمليش
- طبعا الصحبة اللي هتشجعك وتقولك عادي كلنا كده تبعدي عنها وتروحي لصحبة بتعظم أمر الصلاة
- وقبل كل ده ومعاه الدعاء والاستعانة بالله وانك تقولي يارب أعني على ذكرك وشكرك وحسن عبادتك، رب اجعلني مقيم الصلاة

#كاريكاتير_رسايل #رسايل

بعد أن انقشع غبار المعركة في أُحُد وانتهت بما انتهت إليه ، انطلق أبو سفيان ـ قبل إسلامه ـ إلى معسكر المسلمين ليتحقّق من موت خصومه وأعدائه ، ويتفقّد نتائج المعركة..

يقول البراء بن عازب - رضي الله عنه ـ :
وأشرف أبو سفيان فقال : أفي القوم محمد ؟ ، فقال ـ صلى الله عليه وسلم ـ : لا تجيبوه ، قال : أفي القوم ابن أبي قُحافةَ ؟ ، فقال : لا تجيبوه ، قال : أفي القوم ابن الخطاب ؟ ، فقال : إن هؤلاء قُتِلوا ، فلو كانوا أحياء لأجابوا ..
فلم يملك عمر نفسه فقال : كذبتَ يا عدوَّ الله ، أبْقَى الله لك ما يُحزنك ..
قال أبو سفيان : أُعْلُ هُبَل
فقال النبيُّ ﷺ أجيبوهُ ، قالوا : ما نقول ؟
قال : قولوا : الله أعلى وأجَلُّ
قال أبو سفيان : لنا العُزَّى ، ولا عُزّى لكم
فقال النبيُّ ﷺ : أجيبوه ، قالوا : ما نقول؟
قال : قولوا : الله مولانا ولا مولَى لكم
قال أبو سفيان : يوم بيومِ بدر، والحربُ سِجال
قال عمر ـ رضي الله عنه ـ : لا سواء قتلانا في الجنة وقتلاكم في النار

#رسايل

بعد استشها.د عدد كبير من الصحابة يوم معركة أُحد وبعد المصاب الذي أصاب المسلمين

قال النبي صل الله عليه وسلم " اللهُمَّ لَا يعلون عَلينَا
اللهُمَّ لَا قوَّة لنَا إلَّا بِك "

فنزل قوله تعالى: " وَلا تَهنُوا وَلا تَحزنُوا وَأنتُم الأعلَون إن كُنتُم مُؤمنِين "

فاللهم لا يعلون علينا اللهم لا قوة لنا إلا بك

جاء رجل إلى رسول الله،
= يا رسول اللَّه! أرأيت رجلًا عمل الذنوب كلها، ولم يترك حاجةً ولا داجةً إلا أتاها، فهل له من توبة؟

فقال: أسلمتَ؟
قال: نعم

قال: فافعل الخيرات، واترك السيئات، فيجعلها اللَّه لك خيراتٍ كلها

قال: وغدراتي وفجراتي؟
قال: نعم

فما زال يُكَبِّر حتى توارى!

#رسايل

#ورد_القرآن
#أذكار_الصباح
لاتنسوا الدعاء لـ إخواننا المسلمين

وبدأ العرض على الملك ⚠️
(وعرضوا على ربك صفا)
هنا.. يعرض العباد على ربهم ويعرّفهم أعمالهم التي عملوها
هنا....يعرض الخلائق كلهم من آدم إلى قيام الساعة على رب البرية ..

- وتخيل ماهو أول شيئ يقضى فيه بين العباد.....؟!
((الدماء)) .. لتعلم حرمة الدماء عند الله وخطورة القتل أو التشجيع عليه
اسمع معي وصف النبي ﷺ لذلك الموقف في القيامة «يأتي المقتول متعلقا رأسه بإحدى يديه، متلبِّبا قاتله بيده الأخرى، تشخب أوداجه دما، حتى يأتي به العرش، فيقول المقتول لرب العالمين: هذا قتلني، فيقول الله للقاتل: تعست، ويذهب به إلى النار»
رأسه في يد وقاتله في يد وعروقه تنزف !!
يارب سلم سلم😰

- ثم تأتي ......المفاجآة !!!
ذلك الموقف الذي عمل لأجله المتقون ..
ذلك السؤال الذي شغل المتقون عند كل قول أو فعل بماذا سأجيب عندما يسألني ؟!
سؤال الملك....قال النبيﷺ«ما منكم من أحد إلا سيكلِّمه الله يوم القيامة، ليس بينه وبينه ترجمان"
ليس بينه وبينه ترجمان😱 !!!! يالله !!
يحار العقل في التفكير في ذلك الموقف ...
لكن ....لاتقلق!!
فإن المؤمن سيكون حسابه يسيرًا
قال النبي ﷺ"إن الله يدني المؤمن، فيضع عليه كنفه، ويستره، فيقول: أتعرف ذنب كذا، أتعرف ذنب كذا؟ فيقول: نعم .. أي رب، حتى إذا قرَّره بذنوبه، ورأى في نفسه أنه هلك، قال: سترتها عليك في الدنيا، وأنا أغفرها لك اليوم" ❤
حقيقي ؟!
كل ذلك للمؤمن؟! كرم وستر ومغفرة وقرب؟!
لكن ...ما الثمن الذي دفعه المؤمن ليحظى بتلك المكانة وبذلك الحساب اليسير ؟!
الثمن دفعه في الدنيا حتى لو كان غاليًا في نظره وقتها فليس أغلى من دفعه في ذلك الموقف
الثمن ....كان إيمانه وحبه لدينه،صلاته،صيامه، أخلاقه ،ستره لذنب أخيه المؤمن، إقامته لحدود ربه وانتهائه عما نهاه عنه ،ثباته على دينه❤
هذا حساب المؤمن لكن كيف سيكون حساب غيره ؟؟!!......
للحديث بقية....

#رسايل_القيامة #رسايل

انتهت التغطية الآن .. وإلى الأبد !
رحمك الله أنس الشريف
وحسبنا الله ونعم الوكيل

خلينا نقول انك حبتيه خلاص .. وجدعنة مني كده طلع جدع معاكي وعايزك فعلاً مش بيتسلى ..
ودول نسبتهم قليله خدي بالك ..
لكن رغم المعافرة دي مطلعش نصيبك في الآخر .. حصل أي مشكلة
وكان الفراق قدركم ..
تقدري تقولي هتعيشي حياتك ازاي ؟ أنا أقولك ..
هتعيشي بين الأطلال .. حزينة على حب راح من بين ايديكي
ومقتنعة إنك عمرك ماهتحبي ولا هتلاقي زيه تاني ..
وأي عريس ييجي ترفضي لإنك دايمًا هتقارنيه باللي قلبك دق ليه
وممكن ندخل في أخطر حاجة ممكن توصلي ليها ..
هي دايرة التسخط على أقدار الله .. وإن ليه يارب ماخلتهوش نصيبي .. واشمعنا أنا يارب .. ووووو 😔
وتبقي عاملة زي الطفل اللي شبطان في الحلويات وأبوه مش راضي لأنه عنده مشكلة صحية ..
فهو يفتكر إن أبوه مش بيحبه وبيبخل عليه ..
لكن الحقيقة إنه أبوه منعه من الحاجة اللي بيحبها خوفًا عليه ولأنه يعرف عواقب الأمور ..
ولله المثل الأعلى ..
مش كل حاجة هتشبطي فيها هتكون خير ليكي
ماتبصيش بس تحت رجليكي .. وخلي عندك يقين في حكمته وعلمه ..
وفورًا فورًا .. اقفلي الحنفية .. واستنزاف قلبك ومشاعرك 🚫
واقطعي العلاقة اللي هتكون سبب في غضب الله عزوجل عليكي ..
واعرفي إن ماعند الله لا ينال إلا بطاعته ..

#الحب_وسنينه #كاريكاتير_رسايل #رسايل

📍 ليه قلبك مش مستقر ومش حاسس بالأمان؟

لأن الجذر ضعيف.. لأن علاقتك باللَّهِ مش ثابتة.
ربنا قال: ﴿أَصْلُهَا ثَابِتٌ وَفَرْعُهَا فِي السَّمَاءِ﴾.🌿

ثبت الجذر بينك وبين ربنا: قرآن، ذكر، أعمال سر ماحدش شايفها. 🕊

ساعتها هتشوف الشجرة بتاعتك طالعة لفوق {تُؤْتِي أُكُلَهَا كُلَّ حِينٍ}.☘️

ربنا يثبتنا وإياكم على الطاعة ويرزقنا اليقين. 🤲

س/هو ينفع أحط الرموش الصناعية ولا حرام ؟؟
****
ج/مشكلة الرموش الصناعية إنها داخلة في الوصل اللي النبي قالنا عنه : "لَعَنَ اللَّهُ الواصِلَةَ والمُسْتَوْصِلَةَ، والواشِمَةَ والمُسْتَوْشِمَةَ"

اللعن يعني الطرد من رحمة ربنا
❌ماتقوليش ده هم ساعتين بس عشان ابقى مختلفة في الفرح
والله انتي جميلة أوي برضا ربنا عليكي
اوعي تضحكي على نفسك ولا تخلى حد يضحك عليكى...
والله الجنة تستاهل إننا نقول لربنا
تركتها عشانك يارب تركتها عشان ترضى عني واكسب رحمتك ورضاك

ابدأي بنفسك وعرفي أصحابك وكل بنت إن ...الرموووووش الصناعية حرااااااام ❌❌

#افرح_صح
#رسايل

#ورد_القرآن
#أذكار_الصباح
لاتنسوا الدعاء لـ إخواننا المسلمين

ياآنسة، يا مدام🙋‍♀️

جوز اختك مش محرم❌

ماينفعش تسلمي عليه بالايد ولا تهزري ولا تقعدي بشعرك🤦‍♀️

جوز أختك مش محرم ليكي🌚
هو فيه تحريم مؤقت ليكي اه👍
لكن هو زي أي راجل غريب والله🤷‍♀️

= يبقى حجابنا يتلبس قدامه ومافيش هزار ولا سلام بالايد👍

💌 رسالة لكل أب ...
حجاب بنتك مسؤوليتك
ماتسيبش الام بس هي اللي تربي لوحدها

التربية مسؤليتك إنت كمان 👌
وحجاب بنتك مسؤوليتك
👈 بنتك لو دخلت إعدادي وبقت مكلفة ومشت بلبس مش مناسب
كل واحد بص لها هياخد ذنب❌
وإنت هتاخد ذنب ❌
وهي هتاخد ذنب ❌

👈 دورك تربي بنتك وتحميها وتحفظها
ماتقولش بكرة تكبر وكده كده هتلبس الحجاب
أقولك المفاجئة ...
ناس كتير قالوا كده وماجتش الخطوة دي🤦
تاني حاجة الفترة اللي البنت بتعيشها من غير حجاب دي مسؤولية مين؟؟!!
فين دورك في زرع التدين جوه بنتك وربطها بربنا🤌
ليه تسيبها تمشي بشعرها أو بنص كم وهي في إعدادي ؟؟!!
ليه تسيبها تروح تمارين مع مدرب شاب أو بلبس مش مناسب وهي في إعدادي؟؟!!

البنت في إعدادي مش صغيرة والله ياجماعة 🙄

عشان كده...
بقول لكل أب ....
✍لازم يكون ليك دور مع بنتك
✍لازم تدربها على الصلاة والحجاب من أواخر ابتدائي وتبدأ تلزمها بيه من أول ماتدخل إعدادي
✍لازم تحببها في دينها وتسأل عليها وتكون إنت قدوتها في طريق ربنا

#رسايل

"لا تَغْفَلْ عَني إِنّي مكروبٌ"💙

قالها الإمام الشافعي لصديقه عندما زاره في مرض شديد أصابه وكان في بيته،
تحديدًا عندما انتهت الزيارة وأراد صديقه الذهاب..
لاحظوا، لم يقل له: لا تغفل عني إني موجوع مثلًا!
بل قال: إني مكروب..

يحتاج دعمًا نفسيًا، إحساسًا بأن أحدًا لم يتركه وحده..
وأن أحدًا يحس بوجعه ويسمعه..

• لا تغفل عني فإني مكروب،
لا تغفلوا عن صديقٍ أو قريب لكم لعله بأمسّ الحاجة لمن يقف بجانبه..
كلنا بشر نضعف ونتكئ على بعضنا البعض!
حتى رجل عظيم مثل الشافعي صارح صديقه بمشاعره وباحتياجه له بجانبه ولم يخجل بذلك..

• الدعم نفسي مطلوب، ومن يحتاج دعمًا نفسيًا ليس مجنون أو به عيب..
بل العيب بمن يترك صديقًا له يعاني بدون دعم.

لا تغفلوا يا أحباب عن مكروب في حياتكم ⁦❤️⁩
-منقول

#رسايل

#ورد_القرآن
#أذكار_الصباح
لاتنسوا الدعاء لـ إخواننا المسلمين

عطّش نفسك لله 🤍
السر اللي ما تعرفوش 😮
فضائل عظيمة ملهاش مثيل 💎
#الصيام ##فضائل_الصيام

🤚هو صحيح ممكن تكوني حابة الضوافر الاكريليك وشايفة شكلها جميل
بس فيه نقطة مهمة لازم تفكر فيها
هتصلي ازاااي؟؟!!
هتقوليلي أنا أصلا مش منتظمة في الصلاة
هقولك حتى لو كنت بتضيعي الصلاة ساعات ودي حاجة كبيرة مش صغيرة بس مش زي لما تكوني ناوية تفضلي شهر أو اكتر ماتصليش أصلا مع سبق الإصرار💔
شوفي وصية حبيبك النبي "ولا تترُكْ صلاةً مكتوبَةً متعمدًا ، فمن تركَها متعمِّدًا فقدْ برِئَتْ منه الذِّمَّةُ"
برئت منه الذمة= مالكيش عهد عند ربنا يغفر لك ويرحمك

حتى لو بتعملي ذنوب كتير ...سيبي باب الصلاة مفتوووح مع ربنا
باب واحد بس قادر يغير كتير في مستقبلك في الدنيا والآخرة
يلا خدي الخطوة وشيلي الضوافر الأكريليك وابدئي حافظي على صلاتك وربنا هيعينك🥰

#رسايل

"إِنَّ اللَّهَ اشْتَرَىٰ مِنَ الْمُؤْمِنِينَ أَنفُسَهُمْ وَأَمْوَالَهُم بِأَنَّ لَهُمُ الْجَنَّةَ"
صفقة الأحلام والله
لما يكون التمن الجنة واللي بيشتري هو الله تعالى ... يبقى مستني ايه ؟؟!! مش يلا حالا تقول تم البيع ولا ايه؟؟!!
صفقة الأحلام ....إنك تشتري الجنة تمليك دايم ...تدفع فيها كام دي ؟؟!!!
تدفع كام قصاد انك تشوف سعادة مافيش حزن بعدها أبدا وصحة مافيش مرض بعدها أبدا، تدفع كام قصاد إنك تعيش ملك خالد مخلد إلى ما لانهاية ؟؟؟!!
كل اللي هتدفعه انك تعيش في الدنيا دي تعمل اللي ربنا أمرك بيه وتبعد عن اللي نهاك عنه
- تمن الجنة هو صلاتك اللي لازم تحافظ عليها جماعة في وقتها وتحافظي عليها وماتكسليش
- تمن الجنة هو حجابك اللي بتصبري عليه رغم الحر وكلام الناس اللي بيضايقك
- تمن الجنة هو انك تبعد عن أي مصدر دخل حرام سواء ربا أو رشوة أو غيرهم
- تمن الجنة إنك تغض بصرك وتبعد عن أي علاقة مع بنت خارج الجواز لأنها حرام
- تمن الجنة إنك تصبر وتستحمل بس في الاخر هتستلم جنة تستاهل التعب💙
يلا عاهد ربنا وخليك زي الصحابة اللي قالوا للنبيﷺ "لانقيل ولا نستقيل " ...يعني مافيش رجوع في البيعة دي بأي شكل ... يلا امضي على عقد البيع انت كمان ...ده التمن جنة
ربنا يرزقنا وإياكم الجنة

#رسايل_تدبر

س/ ينفع أمسح على الخمار أو الطرحة وأنا بتوضا؟
**
ج/ المسح على الخمار أو الطرحة فيه خلاف
والراجح إنك ينفع تمسحي على الخمار أو الطرحة
لحديث بِلاَلٍ في "صحيح مسلم" (275) أَنَّ رَسُولَ اللَّهِ ﷺ "مَسَحَ عَلَى الْخُفَّيْنِ وَالْخِمَارِ" والمقصود هنا : العمامة للرجال

وده يدل إن ينفع المسح على الخمار كمان للبنات لأن الحكم واحد وده رأي أحمد بن حنبل وابن حزم اللي قال
"وكل ما لُبس على الرأس من عمامة أو خمار أو قلنسوة أو بيضة أو مغفر أو غير ذلك: أجزأ المسح عليها، المرأة والرجل سواء في ذلك، لعلة أو غير علة"

وكذلك ابن تيمية اختاره فقال:
"وفي مسح المرأة على مقنعتها وهي خمارها المدار تحت حلقهما روايتان:
إحداهما: لايجوز ؛ لأن نصوص الرخص إنما تناولت الرجل بيقين، والمرأة مشكوك فيها، ولأنها ملبوس على رأس المرأة فهو كالوقاية.
والثانية: يجوز، وهي أظهر لعموم قوله "امسحوا على الخفين والخمار" – رواه أحمد (39 / 325) وقال المحققون: حديث صحيح ، والنساء يدخلن في الخطاب المذكور تبعاً للرجال كما دخلن في المسح على الخفين....
ولأن الرأس يجوز للرجل المسح على لباسه فجاز للمرأة كالرجل، ولأنه لباس يباح على الرأس يشق نزعه غالباً فأشبه عمامة الرجل وأولى ؛ لأن خمارها يستر أكثر من عمامة الرجل، ويشق خلعه أكثر، وحاجتها إليه أشد من الخفين."

عشان كده الأرجح إنه ينفع المسح على الخمار أو الطرحة مع الاخذ في الاعتبار إن لو مافيش مشقة في خلع الخمار فده اولى وافضل من المسح عليه

#رسايل

❌❌ ماعندناش تحويطة بتتعمل للفرح❌❌

✋ حرااااااااام خدوا بالكم🚫

التحويطة بتاعتنا اللي تحمينا = الصلاة والأذكار

اتفقنا ؟؟!!🤨👀

#ورد_القرآن
#أذكار_الصباح
لاتنسوا الدعاء لـ إخواننا المسلمين

مات في حفلة الساحل😱!!!
كانت آخر لحظات حياته في وسط أغاني ورقص😥
الله يرحمه ويحسن ختامنا جميعا
✋بس ياشباب اي حد مننا كان يمكن يبقى بداله
ملك الموت كان موجود في المكان ده وكله غافل مش على باله
بس كان معاه أمر بقبض روح شاب محدد
مانعرفش المرة الجاية الدور ع مين 😓

👈 اوعى تقول أنا صغير وبعيش حياتي وهتوب لما أكبر ...ملك الموت مش هينتظر حد❌
👈اوعى تقول ده هي حفلة ساعة وهبقى أتوب...أصلها ممكن تبقى آخر ساعة في عمرك 😥

لازم نتعلم من الموت ياشباب
👈طالع مصيف أو رحلة أو في حياتك عموما..
🚫 لازم تبقى محافظ ع صلاتك
🚫 ومش موجود في أماكن تغضب ربنا زي الحفلات والسهرات دي

ربنا يحسن ختامنا جميعا

#رسايل

مات فجأة في حفلة الساحل 💔

لو استشعر العبدُ مايناله من تكرارِ ثناء الله عليه في ملكوت السموات إذا صلى على النبي ﷺ؛

لطارَ قلبُه فرحًا وشوقًا ولكان ديدنه وهجيراه الصلاة عليهﷺ.

وكيف لا؟!

وقد قالﷺ:
"مَن صلى عَلَيَّ واحدةً ، صلى اللهُ عليه بها عَشْرًا".

وصلاةُ الله ثناء و رحمة..

ليس ثناء الله فقط (وكفى به)، بل كفاية الهم ومغفرة الذنب بوعد الصادق الذي لاينطق عن الهوى..

فقد قال حبيبنا ﷺ لمن استغرق في الصلاة عليه:

(تُكفى همك ويُغفر لك ذنبك).

ولايزهد في هذا الفضل إلا محروم
وخاصةً يوم الجمعة وليلتها ....
فأكثر من الصلاة على حبيبكﷺ.

- منقول

#رسايل

#ورد_القرآن
#أذكار_الصباح
لاتنسوا الدعاء لـ إخواننا المسلمين
ولا تنسوا قراءة سورة الكهف وكثرة الصلاة على النبي

خيركم (٦)
قال الرسول ﷺ "خيرُكُم مَن طالَ عُمرُهُ ، وحسُنَ عملُهُ"
أحسن الناس وأكثرهم وعياً هو اللي بيستغل طول عمره في الطاعة وحسن العمل..
طول العمر ده فرصتك الوحيدة لزيادة الأعمال الصالحة وتحصيل الأجور..
واللي مش هيستغله صح هو الخسران فعلاً..
وعلفكره طول العمر ده نسبي.. يعني مش لازم رقم معين.. في ناس أعمارها ٣٠ بس.. لكن عملت فيهم أعمال صالحة تكفي ٩٠ سنة..
عمرك أد إيه وكام سنة دي مش بتاعتك..
لكن اللي مطلوب منك تستغل كل لحظة في عمل صالح ينفعك في الآخرة أو في الدنيا عالأقل..
🌿 تخيل نفسك عشت ٦٠ سنة كلهم صلاة في المسجد
🌿 تخيلي نفسك عشتي ٧٠ سنة كلهم بالحجاب الشرعي
اجتهد عشان متجيش عليك لحظة تكتشف فيها إن كان مكتوبلك عمر طويل بس انت ضيعته..
- ونتعلم من الحديث ده ان كبار السن اللي شابوا في الإسلام وقضوا حياتهم في الطاعة دول فوق رؤوسنا نحترمهم ونقدرهم حتى لو اختلفت معاه اوعى تتجاوز في حقه..
ومتنساش ان ربنا هيسألك عن عمرك ووقتك قضيته وأفنيته في ايه.. فجهز إجابة مشرفة ترضيك ساعتها..

#خيركم #كاريكاتير_رسايل #رسايل

﴿إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ ۚ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا﴾

#الجمعة
أكثروا من الصلاة على النبي ﷺ

داخلة الكلية وبتشتري لبس كتييير ؟؟!!
بتشتري لبس في جهازك عشان خلاص هتتجوزي؟؟!!
🤚اسمعي مني نصيحة ..
الفترة دي فرصتك إنك تاخدي قرار فيه ناس بتستصعبه عشان اللبس غالي
فرصتك دلوقتي تقربي بحجابك خطوة
إنتي كده كده هتشتري ...بلاش تشتري اللبس الضيق
بلاش بناطيل ، بلاش بديهات ، بلاش كروب توب
خليها خطوة تقربك واستغلي الفرصة صح بإنك تشتري دريس واسع واسكيرت طويلة
اشتري لبس واسع وشيك ..كده كده هتشتري فادفعي في الحاجة اللي تقربك من ربنا
اشتري طرح طويلة بلاش الاسكارف والتربون
اشتري دبابيس ع حسابي😅 بس لفي الطرحة بيهم الله يسترك
انويها لله وقولي يارب وخدي الخطوة
ربنا هيعينك ويقربك

#رسايل

س/ ينفع أسافر بره لدولة مش مسلمة يعني عشان أشتغل أو أحضر دراسات أو أسافر عشان أدرس الطب في روسيا مثلا أو البعثات اللي بتكون للصين والدول الأوربية ؟
*
ج/ السفر للدول الأجنبية زي روسيا والصين وامريكا والدول الاوربية ليه مصايب كتيييير هتأثر عليك وعلى دينك :
- أولها هي هويتك ...انت لما بتسافر بره بترجع بنظرة مختلفة لبلدك ولدينك ولهويتك ...نظرة أقل
بطريقة لاشعورية بيتسرب ليك إن الدين حاجة مش أولوية في الحياة وساعات ناس بتوصل انه مش مهم أصلا
ليه ، ايه السبب في التغيير ده؟؟
*السبب إنك مش بتشوف أي شعائر للدين في المكان اللي انت قاعد فيه
*ولا بتسمع أذان للصلوات الخمسة وحتى صلاة الجمعة لو انت راجل مطلوبة منك طبعا وياعالم هتقدر تصليها ولا لا
أولا لانه يوم عمل عندهم وثانيا لإن المسجد غالبا هيكون بعيد عنك لان هو كام مسجد بالعدد اصلا في البلد كلها
*غير إن مثلا في رمضان مش هتلاقي حد جنبك صايم بالعكس ده انت هتلاقي كبائر ومنكرات بتتعمل عادي
*ودي كمان في حد ذاتها مصيبة ...اللي هي سهولة الوصول للحرام هناك وان اسهل حاجه انك تقع في علاقة محرمة فتكون عامل بالظبط زي اللي رمى نفسه في النار وبيقول انا مش هتحرق عادي

- تاني مشكلة كبيرة هتقابلك هناك هي صعوبة الأكل الحلال خاصة لو دولة زي الصين مثلا ..هناك بياكلوا كل حاجة
وانت بقى مطلوب منك يوميا تعاني عشان تلاقي حاجه حلال
وحتى في الدول الاوربية مشكلة الاكل الحلال مشكلة كبيرة أصلهم ناس شيك مش بيدبحوا

- تالت حاجة إنت مش واخد بالك منها هي إنك في بلدك وفي مكانك وبتحتاج أعوان على الخير عشان تقدر تثبت في وش الفتن وتقاوم
هناك بقى العكس ....هناك هتلاقي أعوان على الشر ، هتلاقي اللي بيقولك العلاقة بين الشباب والبنات حاجة طبيعية والزنا حرية شخصية والناس اللي بتشرب وتسكر هو ده العادي أصلا
فماتقولش لا أنا هقدر أحافظ على نفسي ...
إنت مع الوقت وكتر التعايش مبادئك دي هتدوب من غير ماتحس

أنا فاهم إن مجرد إن يجيلك بعثة أو عقد بره في الدول دي..هي فرصة كتير بيتمنوها وممكن تفرق كتير في دخلك وتعليمك بس.... دينك أغلى ، دينك يستاهل التضحية بالفرصة دي
إنك تحافظ على دينك وتقابل ربنا وانت بتجاهد وبتحاول تبعد عن المعاصي غير لما تقابله وانت في وسط المعاصي الكتير دي
وخليك واثق ...
- إن من ترك شيئا لله عوضه الله خيرا منه
- وإن "وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ"
ربنا هيعوضك ، ربنا هيرزقك ، ربنا هيخلف عليك لما تسيب الحاجة دي عشان ربنا

#س_و_ج
#رسايل

#ورد_القرآن
#أذكار_الصباح
لاتنسوا الدعاء لـ إخواننا المسلمين

تحدثنا الحلقة الماضية عن بشريات في أرض المحشر

وفي المحشر أيضا ......!!!
🌱أشخاص وجوههم مختلفه ومميزة وكذلك أيديهم وأرجلهم !!!!
بياضا ونورا على وجوههم وأيديهم
مميزين عن باقي الخلق
من هم ؟؟ ...وماقصتهم ؟؟
إنهم المتوضئين المصلين من أمة خاتم المرسلين ..فقد قال الرسولﷺ"إن أمتي يأتون يوم القيامة غرا محجلين من أثر الوضوء"
وهناك........
🌱تجد اشخاصا أعناقهم شديدة الطول حتى أنهم أطول الناس أعناقا في المحشر ...
إنهم ((المؤذنون ))
لازلت تتلفت هنا وهناك....
🌱فتجد أحدهم قام من قبره يتخبط يمينا وشمالا تماما كالذي به صرع
لا تتعجب !! فهو آكل الربا
ذاك الذي حارب الله في الدنيا ولم يبالى
وفي مكان آخر.....
🌱أحدهم هناك ترى بقرا سمينا تنطحه بقرونها وتمشي عليه .....
🌱وآخر طوقته حية عظيمة ممسكة بخديه قائلة: أنا مالك .. أنا كنزك،....
...إنهم مانعي الزكاة
أولئك الذين لم يؤدوا حق الله فيها
وهناك أيضا....
🌱ترى كثيرا من الناس يمشون على وجوههم
سلم يارب سلم !!
نعم !! كما قرأت ... فإن من أمشاهم على أقدامهم في الدنيا يمشيهم هناك على وجوههم
إنهم الكافرون ..يحشرون هكذا ذلا لهم وهوانا عندما امتنعوا عن السجود لله في الدنيا
حشروا كذلك في القيامة

◀️تلك بعضا من مشاهد ذلك اليوم
ولازال الكثير والكثير ...
والآن .....اختر لنفسك مشهدا تحب أن تكون فيه

وللحديث بقية ....
#رسايل_القيامة

حفلات الساحل لمصلحة مين⁉️
هو مش مظاهر الانحلال اللي بتحصل في الحفلات دي وهدم المبادئ والقيم بيهدد المجتمع ولا ايه ؟؟!!

لمصلحة مين⁉️
بلد زي مصر يكون فيها حفلات الساحل دي بكمية المعاصي والمصايب اللي فيها؟؟!!

لمصلحة مين ⁉️
تتساب المنكرات دي تتعمل وتنتشر في المجتمع كإنه سلوك طبيعي

لمصلحة مين⁉️
إخواتنا في عْرْة يكونوا ع بعد كام كيلومتر مننا بيموتوا من الجوع واحنا نصرف على الحفلات دي مبالغ رهيبة ونعملها وكإن دمهم مالوش قيمة

لمصلحة مين ⁉️
جيل يتربى ع المناظر دي وتبقى دي أقصى طموحاته قولي بقى الجيل ده هيفكر في بلده أو هيقدر يقف يدافع عنه ازاي وهي الحياة عنده بقت حفلات ورقص وبنات وما خفي أعظم

🚫نصيحة للقائمين على الحفلات دي سواء المنظمين أو أصحاب المكان.....
👈 خافوا ربنا وخافوا عقابه
ربنا قوي شديد العقاب

🚫 ونصيحة للناس اللي مستعدة تحضر الحفلات دي وتدفع فيها أي مبلغ
👈اوعى اوعى تحضر الحفلات دي أصلها مش أغنية ولا فرح
ده مكان بيجاهر فيه بالمعصية وبيعادي فيه الله بأشد أنواع العناد فخاف ع نفسك

#رسايل

✋وإنتي بتحجزي دروسك لازم تحطي في دماغك
❌ماتاخديش درس عند مدرس سنه صغير

الشباب اللي بيبقى لسه متخرج من سنة أو اتنين أو أكتر شوية ...ماينفعش خالص بنات إعدادي وثانوي ياخدوا عندهم دروس😤

👈 مهما كان ثقة⁉️
اه مهما كان ثقة
أصل المشاعر في الوقت ده مش محتاجة حاجة عشان تيجي
ده مجرد كلمة ونظرة ... إنتي ماتضمنيش قلبك

🚫 ماتقوليش واثقة في نفسي
بلاش نضحك ع نفسنا
السن ده فترة ثوران المشاعر
والمدرس اللي سنه صغير ده أكبر منك ب 5 او 6 سنين ده كده أخو صاحبتك الكبير مش مدرس خالص 🤨
فحافظي على قلبك إنه يتعلق بأي حد👌

#رسايل

#ورد_القرآن
#أذكار_الصباح
لاتنسوا الدعاء لـ إخواننا المسلمين

عارف يعني ايه ربنا يصطفيك دلوقتي وتقوم تصلي قيام ليل ..
متخيل حبه ليك 💙
وأنه يريد أن يغفر لك فأقامك بين يديه ..
ويريد أن يعطيك مسألتك فأقامك بين يديه ..
ويريد أن يقضي حاجتك فأقامك بين يديه ..

سيدنا عبدالله بن عمر ، النبي صلي الله عليه وسلم قاله : "نعم العبد عبدالله لو كان يقوم من الليل"
عارفين سيدنا عبدالله بن عمر عمل ايه
من شده تأثره بالكلمة ..
كان لا ينام إلا قليلا لينال المرتبة دي
مش بقولك لازم توصل للمرتبة دي
بس على الأقل لو ركعتين في جوف الليل

يُصلح الله لك بهم قلبك ❤️
ويُجلي همك
ويستجيب دعائك 🤲🤲
#رسايل

محمد صلاح غلطان❌

👈 اه والله غلطان إنه يروح معبد ويعمل جلسة تأمل هي عبارة عن طقوس عبادة عند غير المسلمين😡

👈 غلطان ولازم إنت ماتتعاطفش مع الغلط عشان جه من حد بتحبه❌
لأن رضا ربك وتمسكك بدينك أهم من أي حد👌

فين أيام محمد صلاح اللي ماكانش بيسيب المصحف😥
👈عشان نعرف بس العيشة في الغرب بتأثر ازاي مهما حاولت تتمسك في الأول

👈 عشان نعرف إن الشهرة والفلوس ممكن أوي تكون شر على صاحبها لما يفرط في مبادئ دينه😥

يارب ماتخليناش نشوف الغلط عادي ولا الحرام عادي وثبت قلوبنا ع دينك حتى نلقاك وأنت راض عنا🤲

#رسايل

س/ هو الحشيش حرام زي الخمر؟
ج/ أيوة حرام
لحديث النبي : "كلٌّ مُسْكِرٍ خَمْرٌ، وكُلُّ مُسْكِرٍ حَرامٌ، ومَن شَرِبَ الخَمْرَ في الدُّنْيا فَماتَ وهو يُدْمِنُها لَمْ يَتُبْ، لَمْ يَشْرَبْها في الآخِرَةِ"
*
س/ بس الحشيش مش بيوصل للسكر زي الخمر؟
ج/ حتى لو ماوصلش للحالة اللي بيعملها الخمر وأنواع المخدرات التانيه فالحشيش بيعمل لذة وفتور وده داخل في بند السكر اللي نهى عنه الشرع
لحديث أمِّ سَلَمَة رضي الله عنها: (نَهَى رَسُولُ اللهِ -صلى الله عليه وسلم- عَن كُلِّ مُسْكِرٍ وَمُفَتِّرٍ) رواه أبو داود
والمفتر ده أي شراب يعمل فتور وتخدير في الأطراف حتى لو ماوصلش للسكر بتاع الخمر

#رسايل

التأمل أو المديتيشن = حرااااام ❌❌

👈 دي طريقة عبادة عند ناس عقيدتهم تخالف عقيدتنا

❌ماينفعش نعملها حتى لو مش هنعتقد حاجة
زي بالظبط ماينفعش نرسم صليب❌

🚫 اوعى تعمله أو تدافع عن حد عملها
ديننا أغلى عندنا من أي حد👌

#رسايل

خلي بالك
4 لعنهم النبي ﷺ في الربا