كل الخدم تنهان شفناها بالعين
بس بكرامه تعيش خدام الحسين

اليوم جبتلكم قناة مأتم ام البنين (ع) لنشر القصائد مع الألحان وقصائد فزاعيه وكل شي يخص المجلس الحسيني للانظمام الئ القناة فقط اضغط على الرابط أدناه
👇👇👇


https://t.me/ertlgaaz

https://t.me/ertlgaaz

*قصيده للرسول (شيردك اليه)*
#من_ديوان_مسير الفواطم_ج٤
❥━──➸➽❥❂❥━──➸➽❥❂
الله وياك يالرحت من اديه شيردك اليه
صارت شوفتك حسره علية شيردك اليه
يالماكو بحنانك ... ظل خالي مكانك
من بعدك يغالي اشلون بيه شيردك اليه
❥━──➸➽❥❂❥━──➸➽❥❂
توادعنه ورحت عني وعفتني بويه الموت اخذاك
تابوتك نظرته وافجعتني گمت اصرخ وانعاك
اصيح ابصوت وانت مسمعتني بويه خذني وياك
اصيح وزاد وني شلون تروح عني
شلون اتنام بويه عالوطيه  شيردك اليه
❥━──➸➽❥❂❥━──➸➽❥❂
تابوتك يبو الروح الحنينه گبال عيوني شالوه
ادگ عالراس ظليت وحزينه عني لمن اخذوه
عشرتنة گضت واتفارگينة وشخصك بويه دفنوه
وسفة ايضمك اتراب ... وشخصك يالابو غاب
اطب دارك واهل دمعه جرية شيردك الية
❥━──➸➽❥❂❥━──➸➽❥❂
دارك مظلمه واتهدم الحيل من طبيت الهه
تنشدني عليك وذاب الدليل ماادري شگلهه
راح الوالي او خلاني بالويل والدمعه اهلهه
الدللني مشه وراح وخله اخلافه الجراح
بعد متعود گعدتنه سوية شيردك اليه
❥━──➸➽❥❂❥━──➸➽❥❂
ريت اتعودلي واترد الايام ترجعلي يغالي
شبسرعة عفتني ابحسره والام والمدمع يلالي
انوح اعليك حتى الليل مانام توحشني الليالي
مني شيب الراس ايتيمه اصيحلي الناس
اسمعهم واون ونه خفيه شيردك اليه
❥━──➸➽❥❂❥━──➸➽❥❂
تدري ابغيبتك شصيحلي الناس سموني يتيمه
يتيمه وياحچيهم يجرح احساس شگد صعبه واليمه
يالغالي ادگ ظليت عالراس يابويه هظيمه
بتك لوعوهه ... ياطاهه وولوهة
ريت وياك اخذتني المنيه شيردك اليه
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:🍃*

https://t.me/mariamalnoor1988

#من_ديوان_قربان_الطف_ج11
قصيدة للخدمة الحُسينية(مانترك الخدمة)
وزن قصيدة (يحسين بضمايرنه)
❥━──➸➽❥❂❥━──➸➽❥❂
عهد منه لبو اليمه .. ابد مانترك الخدمة
عهد للزهره وقعناه .. نعيش نموت نبقه وياه
قسم بحسينچ واسمه/ ابد مانترك الخدمة
❥━──➸➽❥❂❥━──➸➽❥❂
حسين اشرف اسم بالكون اكمل نهج خط النه
الله بهالوطن خلاه نعمه وباب للجنه
نتركهه خدمته شلون ولهالخدمه نتمنه
عهد مابين خدامه وبين الزهره وقعنه
عهد بالدم صبح مكتوب .. مانترك اعز محبوب
خدمته باب للرحمه/ ابد مانترك الخدمة
❥━──➸➽❥❂❥━──➸➽❥❂
خدمتك يا ابو الأحرار بيهه ازهرت دنيانه
من نخدم نحس انته حاضر سيدي اويانه
الدنيه بلا خدمتك هاي ظلمه وهيچ خلصانه
شمحله الزاير امن يصيح هالخادم تلگانه
واحنه بلا خدمتك هاي .. عطاشه ورايدين الماي
وضريحك كون نشتمه / ابد ما نترك الخدمة
❥━──➸➽❥❂❥━──➸➽❥❂
نوصل حضرتك مولاي والدمعات عالخدين
ننادي ابحسره وأبهآهات اجيناك بدمع و ونين
بدفتر خدمتك مولاي سجلنه ينور العين
وكل عام اليمر خلنه نحييه العزه يحسين
سجلنه بسجل الأنصار .. بدونك سيدي نحتار
وانته سيد الامة / ابد ما نترك الخدمة
❥━──➸➽❥❂❥━──➸➽❥❂
عليك بداعة سكينه وبالطفلة الغفت عالراس
شبگته وبچت يحسين وشهگت آخر الأنفاس
العراق بشيمتك مولاي وانته التحمي هاي الناس
بداعت زينب نحلفك وبچفوف البطل عباس
نخوه يالشفيع انخاك .. تنطي كلمن اتعناك
تملي چفه وتكرمه / ابد ما نترك  الخدمة
❥━──➸➽❥❂❥━──➸➽❥❂
ومن يظهر ابو صالح يظهر جيش خدامه
شاعر ناعي وي رادود كلمن يندب ايمامه
المايخدم حسين بشوگ يشعر ناقص اسلامه
والخادم ابو السجاد يصبح اكبر احلامه
لبسناهه خدمتك تاج .. وبيوم الحشر نحتاج
انردد ابهالكلمه / ابد مانترك الخدمة
❥━──➸➽❥❂❥━──➸➽❥❂
*بقلم✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:*
https://t.me/mariamalnoor1988

*نعي للاربعين ((من ديوان 📗 عبرات وأنين في رثاء الطاهرين الجزء الخامس))*
تگول زينب:
❥━──➸➽❥❂❥━──➸➽❥❂
دخلت المگبره وبگلبي أعتاب
ووجوه الاحبهم حدرالتراب
  صحت ابصوت يمهم ماكواجواب
❥━──➸➽❥❂❥━──➸➽❥❂
خويه ليش عفتونه ومشيتو
وشنهو الزعلاكم  وبعديتو
و بيه ابد  ماحسبيتو
❥━──➸➽❥❂❥━──➸➽❥❂
عفت اختك حزينه بضيم وتنوح
ما بطلت مناحه اعليك هالروح
وگلبي على فركاك  مجروح
❥━──➸➽❥❂❥━──➸➽❥❂
انه تمنيت الگبر يحسين بي باب
ادخل واشوف اوجوه الاحباب
وجرحك بالگلب خزن ولاطاب
❥━──➸➽❥❂❥━──➸➽❥❂
اتعثر اجيت بهدوة الليل
وعله فراگم جر ونه العليل
ذاكركم ودمعه عالخد ايسيل
❥━──➸➽❥❂❥━──➸➽❥❂
مشيتو وين خويه اليانويه
وعله ادروبكم عيني ربيه 
فلت الخوه  وهاي هيه
❥━──➸➽❥❂❥━──➸➽❥❂و
*بقلم✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:*
https://t.me/mariamalnoor1988

#من_ديوان_قُربانُ_الطف_ج11
قصيدة للأربعين(يعمن عيوني)
❥━──➸➽❥❂❥━──➸➽❥❂
السيدة زينب عليها السلام عندما وصلت كربلاء وشاهدت قبور اخوتها نادت:

ولياني وعليهم يعمن عيوني
اريد ابچي عليهم حيل خلوني
❥━──➸➽❥❂❥━──➸➽❥❂
اريد ابچي عليهم واجهر الونه
فرگاهم كلف وشلون احملنه
يچوي الروح والدلال احسنه
الون والنوح للماتوا وعافوني
((وعليهم كل وني ونوحي))
❥━──➸➽❥❂❥━──➸➽❥❂
ونيت وعليهم هلت الدمعه
النايم باللحد ياناس شيرجعه
احا يفراگهم دلالي يفجعه
منهم أيست وانگطت ظنوني
((ماتوا يعزازي اولياني))
❥━──➸➽❥❂❥━──➸➽❥❂
صحت يخوان جيت اليوم مهضومه
صار الأربعين وروحي مالومه
خوال الولد گعدو طالت النومه
ماحسبت هيج بساع تنسوني
((فرگاكم يوجع اذاني))
❥━──➸➽❥❂❥━──➸➽❥❂
من گبر لگبر افتر وازورنكم
بعدني بعوزكم لامشبعت منكم
تسرون اويه دمي والله احسنكم
بنومتكم عله الغبره فجعتوني
((مفجوع مفطر دلالي))
❥━──➸➽❥❂❥━──➸➽❥❂
من درب اليسر رديت محنيه
بارض الشام ماتت يخوتي ارقيه
عفتهه وجيت انوح وحيل مابيه
بالايتام والله حيريتوني
((بايتام الماتوا محتاره))
❥━──➸➽❥❂❥━──➸➽❥❂
*بقلم✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:*
https://t.me/mariamalnoor1988

#قصيدة للاربعين #نزور اگبوركم جينة.
#كلماتي الشاعرة العلوية مريم النور.
#بصوت الرادود حسن الكرعاوي الرميثي.
#من ديوان عبرات وانين في رثاء الطاهرين الجزء5.
https://youtu.be/_uflHEU4KC0

*قصيدة للاربعين (نزور اگبوركم جينة)*
*القصيدة من ديوان 📚 عبرات وانين في رثاء الطاهرين الجزء5*
❥━──➸➽❥❂❥━──➸➽❥❂
*نهل العين ………… يخوية احسين*
نزور اگبوركم جينة // ونشكي السادي اعلينة
❥━──➸➽❥❂❥━──➸➽❥❂
يضي عيناي ياخوية    رجعنة من اليسر هاليوم
نعـثر بالجـدم وانـوح   ومن عدنة الگلب مالوم
گومـوا اتلـگو العيلــة   الحيل من الهظم مهدوم
*هظمنة البين ………… نجر الونين*
بچينة وحيل ونينة // نزور گبوركم جينة
❥━──➸➽❥❂❥━──➸➽❥❂
مدمعنة يسيل ادمــوم    والگلب انفطر نصين
مرة نطيح ومرة انگوم    من گد الضرب يحسين
حنـــت روحــنا ليـــكم    يوالي اهواي مشتاگين
*الحرم وايتام ………… تدگ عالهام*
تصيح بصوت يوالينة // نزور گبوركم جينة
❥━──➸➽❥❂❥━──➸➽❥❂
تصيح بصوت هالايتام    يوالينة دگوم النة
شوف شــصار يالغـالي     بينة وشنهي حالتنة
اجينة انزور ونشـكيلك    ويمك نجري دمعتنة
*اربعينك صار ………… گلبنة نار*
انهض يالولي لينة // نزور اگبوركم جينة
❥━──➸➽❥❂❥━──➸➽❥❂
ماواحد نــهض الـــنة     وگلنة ياهلة بيكم
نومة كــلكم ابگيـــتو      وتراب الحار غاطيكم
گعدنة بحسرة وابعرة     نون وننحب اعليكم
*الگلب مفجوع ………… نهل ادموع*
وعلى الهامات لطمينة // نزور گبوركم جينة
❥━──➸➽❥❂❥━──➸➽❥❂
بگيتوا كلكم امنومين     النومة چن حلت الكم
ماگلتوا يبعد الروح      اجت مهظومة عيلتكم
صار الاربعين اليوم       واجت تنصب عزيتكم
*وروس الكم …………لجسايدكم*
الها انردها بيدينة //نزور گبوركم جينة
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:🍃*

https://t.me/mariamalnoor1988

#قصيدة جيتك يا ضوه العين.
#بصوت الرادود سيد خضر العذاري.
#كلمات الشاعرة العلوية مريم النور.
#من ديوان مسير الفواطم ج ٤
#رابط اليوتيوب 👇
https://youtu.be/3lb2MHte8aY

*((من ديوان مسير الفواطم لارض المظالم الجزء الرابع))*
*قصيدة للاربعين خطاب السيدة زينب(ع)*
* للامام الحسين(ع) عندما رجعت الى كربلاء*
*طور قصيدة سيد فاقد يروحي الاحبهم مشو عني شبديه))*
❥━──➸➽❥❂❥━──➸➽❥❂
جيتك يا ضوة العين گوم انتهض ليه
اگعد شوف حالي اجيت بلا رقيه
*اجيت ودمعي بالعين ... واصرخ خويه يحسين*
جيتك يا ضوة العين گوم انتهض ليه
❥━──➸➽❥❂❥━──➸➽❥❂
جيتك ودمعتي بعيني آه يبعد اختك يغالي
من اليسر رديت خويه اگعد وشوف الجرالي
حالتي صعبه وعجيبه وابد ما واحد بقالي
گلي خويه المن احچي والمن اشكي انه حالي
*المن اشكي الحال ... اون ودمعي همال*
المن احچي واشكي الأخو حدر الوطيه
❥━──➸➽❥❂❥━──➸➽❥❂
شرد اسولف يا مصيبه ويا عذاب وضيم شفته
محد يحس بالجرالي ويا مصاب الي حملته
اطفال تتباچه عليه وچم عزيز الي دفنته
ماتت رقيه عليه بيوم راسك شابگته
*عفتهه بغربة الشام ... وجبت وياي الايتام*
اصعب موقف وياي يسموني سبيه
❥━──➸➽❥❂❥━──➸➽❥❂
انه اسمي الهاشميه بجالك وجال أبو فاضل
هيبه وارفع بيه راسي وللحرم حامي وكافل
وهسه صرت انه السبيه اشمتو بيه العواذل
ما دريت انته بحالي ما اضن بهاي قابل
*ما اضن تقبل بهاي ... بيه تشمت اعداي*
بيه تشمت اعداي وانه الهاشميه
❥━──➸➽❥❂❥━──➸➽❥❂
انه اخيتك يا حبيبي گوم الي وعوف الترايب
جايه احچيلك عذابي كلي شحچي يا مصايب
مصايب الصارت چثيره والگلب من عدهه ذايب
بالسير يحسين تدري گعدونه بالخرايب
*گعدونه بخرابا ... ورقية تصيح بابا*
وانه أصرخ يخويه زينبكم خطيه
❥━──➸➽❥❂❥━──➸➽❥❂
عفتو زينبكم خطيه وحيده والمدمع تهله
آه يخوتي اگعدو ليه نومكم لا مو محله
ارجعت ليكم تلگوني ما احمل هظم ومذله
الحياة تصير صعبه اعله البشر من غير اهله
*وانه وحدي بگيت ... انوح ودمعي هليت*
اعله گبرك خويه گعديت ودموعي جريه
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:🍃*

https://t.me/mariamalnoor1988

*قصيدة لرجوع السيدة زينب(ع) الى كربلاء*
*من ديوان مسير الفواطم لارض المظالم الجزء4*
*((لحن قصيدة سيد فاقد صاحو وينك)*
❥━──➸➽❥❂❥━──➸➽❥❂

يا زينب يا زينب يا زينب
واويلاه واويلاه واويلاه

❥━──➸➽❥❂❥━──➸➽❥❂
زينب ... زينب اجت يم گبر الحسين
زينب ... بيوم اربعينه وتهمل العين
زينب ... وتنادي انهض يالولي وگوم
زينب ... گلبي تراه مترس هموم

وعيوني/ من البواچي عليك راحن
بنياتك/ بين الخرايب خويه تاهن

آه يالولي ... جيتلك تعبانه
بدرب السبي ... ما انامن انه

يا خويه يا خويه انهض وحاچيني ٢
❥━──➸➽❥❂❥━──➸➽❥❂
انهض ... عوف التراب وگوم وياي
انهض ... فراگك يخويه مرد احشاي
انهض ... يالبيك انه أرفع الراس
انهض ... بعدك تره ضربوني الإرجاس

ضربوني / شلون تقبلها يوالي
تدريني / بالضيم بعدك بگه حالي

تبچي الصخر ... حالتي تدريني
أصرخ واصيح ... اگعد وحاچيني

يا خويه يا خويه انهض وحاچيني ٢
❥━──➸➽❥❂❥━──➸➽❥❂
خويه ... يحسين حيل اذاني فرگاك
خويه ... ريت اندفن بالگبر وياك
خويه ... ولا اگعد اعله الگبر وانحب
خويه... وبغيبتك گلبي تعذب

ملهوفه / روحي عليك وجيت اشوفك
مشتاگه / راح ابقه يمك ما اعوفك

مشتاگه الك ... يا اخوي الغالي
طيفك ابد ... ما يفارگ بالي

يا خويه يا خويه انهض وحاچيني ٢
❥━──➸➽❥❂❥━──➸➽❥❂
احچيلك ... ضيم الجره والصار بيه
احچيلك ... بالشام عفناها  رقيه
احچيلك ... بتك تره ماتت عله الراس
احچيلك ... اذوها خويه گوم الإرجاس

واذوني/ يضبروني خويه فوگ المتون
ما ظلي / بس العليل وحيل محزون

واليوم اجه ... يدلني اعله گبوركم
جبته واجيت ... يحدي الي بضعونكم

يا خويه يا خويه انهض وحاچيني ٢
❥━──➸➽❥❂❥━──➸➽❥❂
اگعد ... اگعد يخويه وتلگاني
اگعد ... عگبك زماني عذباني 
اگعد ... واتغيرت من البچي عيوني
اگعد ... الكفار عگبك عذبوني

الحگلي / خويه اگعدت ما بين الگبور
الحگلي / ولاطفالك انه صرت ناطور

وسكينه ... يم الگبر گعدت وتنحب
وتگلك ... بغيبتك گلبي تعذب

يا خويه يا خويه انهض وحاچيني
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:🍃*
https://t.me/mariamalnoor1988

*هوسات جنوبيه للاربعين*
*من ديوان 📚 مسير الفواطم لارض المظالم الجزء 4*
❥━──➸➽❥❂❥━──➸➽❥❂
اگعد يالولي يالكلك مروه
امسح دمع عيني يا ابو النخوه
اجيت اليوم اشوف رسومك الحلوه

*اجيت اليوم اشوفنك ... يخال ابني*
صوابك بالگلب يا اخوي صوبني
عباس اليسر دولاب دولبني
عذبوني وبالسوط اضربو متني
*((هظموني من نامت عينك))*
❥━──➸➽❥❂❥━──➸➽❥❂
هضموني عگب عيناك هضموني
اگعد شوف حالي وعاين امتوني
گبل بحماك عدوانك يهابوني

*الجان يهابني ... ضل يزمخ اعليه*
ياعباس شوف الي جره ليه
مهظومه وحزينه وحيل ما بيه
من عگب الخدر صبحت مسبيه
*((مسبيه اخلافك يالوالي))*
❥━──➸➽❥❂❥━──➸➽❥❂
مسبيه اوحيده وما بگت وليان
چنت مهيوبه بين حسين والريسان
نامو يا حسافه كلهم بتربان

*نامو عالتراب ... وما درو بيه*
من ضيم اليسر والجور محنيه
وين الچان خيمه واگعد بفيه
تفاركنه وبعد ماينشد اعليه
*((حيرني ابزره ونسوانه))*
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:🍃*
https://t.me/mariamalnoor1988

*قصيدة للاربعين (انة زينب)*
*من ديوان 📚 عبرات وانين في رثاء الطاهرين الجزء٥*
❥━──➸➽❥❂❥━──➸➽❥❂
*جيتكم يهلي نحيلة //ومدمع عيوني اسيلة*
اعثر بطرف الجدم
                    والگلب نادى ابألم
*انة زينب     ………         انة زينب*
❥━──➸➽❥❂❥━──➸➽❥❂
زينب انة.… صحت والدمع اهملنة
زينب انة…   گوموا يااهل المحنة
زينب انة …  جبت الاطفال وحرمنة
زينب انة … لكربلة عود ظعنة
*جينة ليكم نشتچي// وروح العين البچي*
الدموع انصبها دم
                   والگلب نادى بألم
*انة زينب.     ………        انة زينب*
❥━──➸➽❥❂❥━──➸➽❥❂
اه يهلنة…  ليش نمتو وماگعدتوا
اه يهلنة…. خاف زينب ماعرفتو
اه يهلنة…  لون عالحرة سألتوا
اه يهلنة…. والله موهاي انتي گلتوا
*منحني مني الظهر //من المصايب والقهر*
مصوبة باعظم سهم
                 والگلب نادى بألم
*انة زينب        ………        انة زينب*
❥━──➸➽❥❂❥━──➸➽❥❂
اصرخ بصوت… واعثر بجدمي واون
اصرخ بصوت… يهلي غاطيني حزن
اصرخ بصوت …گلبي ليكم والله حن
اصرخ بصوت… شفت انواع المحن
*ليش ماگمتوا الي //وين عني بوعلي*
ووينة شيال العلم
                   والگلب نادى بألم
*انة زينب      ……        انة زينب*
❥━──➸➽❥❂❥━──➸➽❥❂
ليش نومة.… عالثرة ظليتوا كلكم
ليش نومة.…  ابد ماگمتوا لحرمكم
ليش نومة….  عود جينة نشكي الكم
ليش نومة.…  بالهظم گعدينة يمكم
*يوم صار الاربعين// جيتكم كلي حنين*
وحيل غاطيني الهظم
                     والگلب نادى بالم
*انة زينب      ………      انة زينب*
❥━──➸➽❥❂❥━──➸➽❥❂
بعد شيفيد… المن اعتب وانتحب
بعد شيفيد… وانتو نومة عالترب
بعد شيفيد… اه يعزاز الگلب
بعد شيفيد… الموت فرگنة غصب
*انة والعيلة گعدنة//وانتو مسمعتوا عتبنة*
الصار ياريتة حلم
                  والگلب نادة بالم
*انة زينب    ………      انة زينب*
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم:🍃*

https://t.me/mariamalnoor1988

#من_ديوان_عبرات_و_أنين_ج٥
قصيدة للأربعين (رديت نحلانه)
❥━──➸➽❥❂❥━──➸➽❥❂
من درب السبي رديت نحلانه
واصيح بصوت يبن امي تلگانة
❥━──➸➽❥❂❥━──➸➽❥❂
مهظومة ونحيلة وحيل مابية
واصيح بصوت يامحروم المية
ماتگعد يخوية اتشوفني شبية
اعثر بالجدم والدمعة جريانة
❥━──➸➽❥❂❥━──➸➽❥❂
اهمل دمعتي وبذيالي اتعثر
اجيت اليوم ازورنك يبو الاكبر
وية جثتك اريدن ادفن المنحر
هالجبته واجيت وروحي خلصانة
❥━──➸➽❥❂❥━──➸➽❥❂
راسك جيت ياخوية ارد ادفننة
واعله جثتك يالغالي اردنة
ويمك يالولي ارد اجذب الونة
روحي لشوفتك يحسين لهفانة
❥━──➸➽❥❂❥━──➸➽❥❂
هاليوم اربعينك صار يالوالي
محتامة اعله شوفك خوية يالغالي
انه والحراير جينة واطفالي
مشتاگين الك انهض يملفانة
❥━──➸➽❥❂❥━──➸➽❥❂
گوم اگعد تلگانة يبوسكينة
من درب اليسر هاليوم ردينة
نجري ادموعنة والهظم غاطينة
منك ياوسافة البين حرمانة
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:🍃*
https://t.me/mariamalnoor1988

*قصيدة للاربعين (ونسوي اربعينيه)*
*من ديوان 📚 مسير الفواطم لارض المظالم الجزء 4*
❥━──➸➽❥❂❥━──➸➽❥❂
مشايه نجي لحسين
ونسوي اربعينيه
❥━──➸➽❥❂❥━──➸➽❥❂
نتعه اله عنايه
ونشيل بأيدنه الرايه
نظل عالعهد وفايه
ونعاهد العلويه
❥━──➸➽❥❂❥━──➸➽❥❂
نعاهد زينب الحره
تظل بگلوبنه الجمره
نون عالكسرو ظهره
ومحد شربه اميه
❥━──➸➽❥❂❥━──➸➽❥❂
محد شرباه الماي
وطاح اعله الثره الرواي
الشيعي اليوم اجه عناي
والجيه ولائيه
❥━──➸➽❥❂❥━──➸➽❥❂
كل شيعي اجه اموالي
يصيح حسين يالغالي
يالعايش بدلالي
اون اعليك يوميه
❥━──➸➽❥❂❥━──➸➽❥❂
اون اعليك كل ليله
الهم سيدي تشيله
اذكر ونت العيله
من حملت مسبيه
❥━──➸➽❥❂❥━──➸➽❥❂
اذكر عيلتك كل يوم
عگبك من سبوها الگوم
اصرخ حيل يامظلوم
والصرخه حسينيه
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:🍃*
https://t.me/mariamalnoor1988

https://t.me/umhuda1


متابعيني الأعزاء فضلاً وليس أمرا الاشتراك بالقناة ومشاركة الرابط.

من_ديوان_قربان_الطف_ج١٥
قصيدة للإمام الحُسين(مشتاك ليك)
❥━──➸➽❥❂❥━──➸➽❥❂
انه المشتاك ليك ورايد اتعنه
يالريحت ضريحك ريحة الجنه
❥━──➸➽❥❂❥━──➸➽❥❂
طك گلبي عليك وارد ازورنك
الك حنيت يل ما ينشبع منك
حنين اهواي يامولاي اعرفنك
مثل حضن امي دافي هيچ اوصفنه
❥━──➸➽❥❂❥━──➸➽❥❂
تمنيت انه طير واوصل الحضره
وابث شكواي يمك واسچب العبره
بالفرگه حياتي صبحت مره
انوح اعليك ابد ما ابطل الونه
❥━──➸➽❥❂❥━──➸➽❥❂
مختنگه شكثر روحي يبو اليمه
وگلبي لغير شخصك مايبث همه
الدنيه بلا زيارة موحشة وظلمه
اريد بصحنك اگعد يالامان النه
❥━──➸➽❥❂❥━──➸➽❥❂
تعبني زماني والصبر چتال
يمولاي بضريحك يبرد الدلال
بأمان أشعر واحس يرتاح حيل البال
لون بيدي يگبرك ما اعوفنه
❥━──➸➽❥❂❥━──➸➽❥❂
بلا شوفة ضريحك شلي ابعيني
يروح الزهرة الك ناذرهن اسنيني
لغيرك ما امدهه بيوم چفيني
بداعة زينبك لا لا تضيعنه
❥━──➸➽❥❂❥━──➸➽❥❂
شيصبرها روحي الماتزور حسين
احتار بزماني وين اروحن وين
امن ابعيد الزيارة اقره بدموع العين
اريد الروح والدلال اصبرنه
❥━──➸➽❥❂❥━──➸➽❥❂
*بقلم✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:*
https://t.me/mariamalnoor1988

‏السَّلام عَلَى رابِع أهلِ الكِساء ..
السَّلام عَلَى شبيهِ رسُول الله ..
السَّلام عَلَى مُعز المؤمنِين
أبا مُحمّد الحَسن المُجتبى "عَليِّه السَّلام".

https://t.me/umhuda1


متابعيني الأعزاء فضلاً وليس أمرا الاشتراك بالقناة ومشاركة الرابط.

#من_ديوان_قُربانُ_الطف_ج6
فزاعيه للإمام الحسن(واحسين انهدم حيله)
❥━──➸➽❥❂❥━──➸➽❥❂
شايل يا عضيد حسين
واحسين انهدم حيله
❥━──➸➽❥❂❥━──➸➽❥❂
مالوم ويجر ونه
ايس وانگطع ظنه
يظل للدوم يا حزنه
راح الي يتچيله
❥━──➸➽❥❂❥━─➸➽❥❂
رايح يا عزيز الروح
خلاه الگلب مجروح
واعليه الدمع مسفوح
مات ويتم العيله
❥━──➸➽❥❂❥━──➸➽❥❂
حسين يصيح يالغالي
ما ترجعلي يالوالي
بفگدك بالهظم حالي
عليه المدمع يسيله
❥━──➸➽❥❂❥━──➸➽❥❂
شال اليشرك بهمه
البيه ريحة ابو وامه
احا يا هظمته هظمه
مات الاخو اليشكيله
❥━──➸➽❥❂❥━──➸➽❥❂
ميت سمته هالگوم
رحل مني الاخو الجيدوم
حزني اعليه يظل للدوم
يحضره حامي دخيله
❥━──➸➽❥❂❥━──➸➽❥❂
*بقلم✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:*
https://t.me/mariamalnoor1988

#من_ديوان_دموع_و_عبرة_ج٢
فزاعيه مع هوسات للإمام الحسن (تلطم الراس)
❥━──➸➽❥❂❥━──➸➽❥❂
حزنانه العقيلة وتلطم الراس
اليوم المجتبى مفگود يا ناس
❥━──➸➽❥❂❥━──➸➽❥❂
اليوم المجتبى من الدار مفگود
راح ابعيد عنه وما اضن يعود
عافني اون ونام بلحود
(مخليني مهظومه بحزني)
❥━──➸➽❥❂❥━──➸➽❥❂
مهظومه بگيت وگلبي مكسور
اخوي ابعد علي رايح للگبور
عليه اليوم انوح وگلبي مقهور
(مالوم مصوب دلالي)
❥━──➸➽❥❂❥━──➸➽❥❂
مخليني وحيده اجهر بالونين
وعافه اولاده تتباچه والحسين
يصيح بصوت يا خويه رحت وين
(وياك ايامي شمحلاها)
❥━──➸➽❥❂❥━──➸➽❥❂
شمحله گعدتي من چنت وياك
يخال ابني عليه صعب فرگاك
رحت ابعيد عني وين الگاك
(مضيعينه طولك يالوالي)
❥━──➸➽❥❂❥━──➸➽❥❂
ضيعناك يا خويه وعفتنه
الدنيه بفرگتك والله عمتنه
بمصابك يخويه عذبتنه
(يا دنيه شمالچ ويانه)
❥━──➸➽❥❂❥━──➸➽❥❂
*بقلم✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:*
https://t.me/mariamalnoor1988

#من_ديوان_دموع_و_عبرة_ج٢
*قصيدة حماسيه للامام الحسن (عليه السلام)*
❥━──➸➽❥❂❥━──➸➽❥❂
مسموم     مسموم
مسموم هالليله الحسن
وحسين    وحسين
وحسين دمعاته جرن
❥━──➸➽❥❂❥━──➸➽❥❂
الليله ابو السجاد دمعاته تصب
وناره ضلت تلهب بوسط الگلب
يگول اخوي الچان يمي بكل درب
راح مني وعافني بين الغرب
ضليت               ضليت
ضليت للهم والمحن
❥━──➸➽❥❂❥━──➸➽❥❂
وحدي ضليت ما عندي سند
ابن امي اوالدي اليوم نفگد
سمته العدوان چبده منمرد
عليه بته تنحب ويبچي الولد
       واليوم        واليوم
       واليوم لفوه بالچفن
❥━──➸➽❥❂❥━──➸➽❥❂
غسلاه حسين وبضعنه سره
عله اخيه اليوم ناره مسعره
ويبچي ظل وياه سبع الگنطره
ونار زينب بالگلب متوجره
    وتصيح        وتصيح
   وتصيح ريضو بالضعن
❥━──➸➽❥❂❥━──➸➽❥❂
ريضو يامن ماخذينه للكبر
هذا اخوي العاشراني بالعمر
فراگه ماحمله صعب مثل الجمر
الدار منه خاليه تبچي الصخر
         وياه      وياه
    وياه ريت انه اندفن
❥━──➸➽❥❂❥━──➸➽❥
ريت انه وياه اسكن بالتراب
انه ما احمل هجر واحمل عذاب
تسعر بنص گلبي يا نار الغياب
لدنيتي هاليوم وديت العتاب
كسرين      كسرين
كسرين واضلوعي انحنن
❥━──➸➽❥❂❥━──➸➽❥❂
*بقلم✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:*
https://t.me/mariamalnoor1988

#من_ديوان_دموع_و_عبرة_ج٢
قصيدة للامام الحسن (زينب خل نعازيهه)
❥━──➸➽❥❂❥━──➸➽❥❂
على المسموم زينب خل نعزيها
نلطم عالصدر والدمعة نجريها
❥━──➸➽❥❂❥━──➸➽❥❂
خنعازي العقيله اعله ابن والدها
مهظومة وتون والمدمع ابخدها
زينب عالحسن الله يساعدها
شدي لطمتچ والونة عليهه
❥━──➸➽❥❂❥━──➸➽❥❂
شدي لطمتچ للحسن مولانة
ونوحي اعليه والدمعات جريانه
لجلة ام الخدر هاليوم حزنانة
هلي دمعتچ والحرة عينيهه
❥━──➸➽❥❂❥━──➸➽❥❂
زينب محزنه وامكدره هاليوم
وتريد اليعازيهه ابگلب مالوم
هلو ادموعكم ياشيعه من ادموم
يستاهل امامي العين نعميهه
❥━──➸➽❥❂❥━──➸➽❥❂
منبطل ونين وبالگلب جمره
وانعازي العقيله والدمع يجره
ماجوره نگلها ونسچب العبره
مفجوعه باخوها الحره ندريهه
❥━──➸➽❥❂❥━──➸➽❥❂
مفجوعه بأخوها وتسچب العبره
تصيح بصوت وينچ يمه يا زهره
شوفي ابنچ يون وچبدته مفطره
لامها فاطمه اللوعات تشكيهه
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:🍃*
https://t.me/mariamalnoor1988

من ديوان 📚 دموع وعبرة في رثاء العترة الجزء٢
*قصيدة للإمام الحسن (خويه خويه)*
❥━──➸➽❥❂❥━──➸➽❥❂
خويه خويه    وين اودي اعمامتك
خويه خويه انهدم حيلي بموتتك
وين شايل يالحسن  ... دموعي عالوجنه جرن
خويه خويه      خويه خويه
❥━──➸➽❥❂❥━──➸➽❥❂
خويه شايل وين عني يا ضوه العين
آه من غدر الزمان وعملت البين
اگضي بعدك دنيتي بحسرات وونين
بموتتك دلالي خويه انجسم نصين
عگبك گليبي انكسر ... وانته يحزام الظهر
     خويه خويه    خويه خويه
❥━──➸➽❥❂❥━──➸➽❥❂
يبو محمد يا عضيدي انكسر ظهري
بموتتك يالوالي والله تاه فكري
حرت وين انطي الوجه وين اشكي امري
ريتني انه المتت وانوخذ عمري
ريت انه الي متت ... ولا چبدتك بالطشت
خويه خويه     خويه خويه
❥━──➸➽❥❂❥━──➸➽❥❂
ريتني يا خويه ميته گبل هاليوم
ولا اشوفنك يخويه تموت مسموم
عليك بس انحب وانادي بگلب مالوم
حسين من عگبك حزين وحيله مهدوم
مصيبتك ما تنحمل ... عنه گطعيت الوصل
   خويه خويه        خويه خويه
❥━──➸➽❥❂❥━──➸➽❥❂
اگطعت وصلك بسرعه اه يغالي
من بعد عينك بگت وحشه الليالي
بغيبتك يالسبط والله انشده بالي
طيفك بكل مسه يمي اه يوالي
اتخيلك يمي تجي ... تنشف بعيني البچي
   خويه خويه    خويه خويه
❥━──➸➽❥❂❥━──➸➽❥❂
من يمرني الليل اتخيلك يمي
چنت بيك انه اشمن ريحة امي
وحدي يالغالي عفتني وزاد همي
كثرت نوحي وعويلي وبان هضمي
كثر نوحي و الألم ... گلبي بجفاك انچلم
     خويه خويه      خويه خويه
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:🍃*

https://t.me/mariamalnoor1988

🏴🏴🏴🏴🏴
🛑 إعلان 🛑
🏴🏴🏴🏴🏴

هي رقة الازهار كيف يمسها
لسع السياط بزجرة وجفاء
هي بنت طه كيف يسلب قرطها
وتساق سبيا في لظى البيداء
لحقت رقية بالشهيد شهيدة
ادمت قلوب الاهل والغرباء

🏴🏴🏴🏴🏴


تتشرف حوزة أم البنين الدينية بدعوتكم لحضور مجلس عزاء السيدة رقية عليها السلام 💔

وذلك يوم الخميس ٧/٣١ المصادف(٥صفر)
تمام الساعة الثامنة والنصف مساءً.
في حسينية أصحاب الكساء الثقافية. (حي الغدير/ياسين خريبط )

جعلنا الله وإياكم ممن يعظم شعائر الله تعالى
وأعظم الله أجوركم 🏴

#من_ديوان_قُربانُ_الطف_ج11
قصيدة للسبي لسان حال الفاطميات(گلبي وعذابه)
❥━──➸➽❥❂❥━──➸➽❥❂
آه يا گلبي وعذابه/ گعدونه بالخرابه
شفنه لوعات وهظم ... نصرخ بحسره وألم
ويا رقيه تصيح يابه / آه يا گلبي وعذابه
❥━──➸➽❥❂❥━──➸➽❥❂
شفنه لوعات شكثر وآهات واهموم
بحسره كلنه انادي وينك آيمظلوم
گوم شوف الحيل بعدك صبح مهدوم
من بلد لأخر نروح ونهمل ادموم
العين صبت من دمه ... بعد ياهو نحشمه
والگلب خلصو احبابه / آه يا گلبي وعذابه
❥━──➸➽❥❂❥━──➸➽❥❂
بس حرم ظلينه كلنه بعوز والي
بگت سوده ومظلمه اوحشه الليالي
حملت كلها الزلم غالي اويه غالي
حگنه لو صحنه وبچينه بصوت عالي
نصيح ما واحد سمع ... الراح منه ما رجع
يكسر ويوجع مصابه / آه يا گلبي وعذابه
❥━──➸➽❥❂❥━──➸➽❥❂
لمجلس ابن زياد اخذونه اسيرات
واحنه تربات الفحول الهاشميات
الچان كافله تره يم النهر مات
واحنه طرينه الزلم آه وحسافات
تشوفنه الناس الكفر ... ويلي من ظلم الدهر
هالحزن للروح جابه / آه يا گلبي وعذابه
❥━──➸➽❥❂❥━──➸➽❥❂
وليزيد الگوم ودونه سبايه
للشرف والعفه احنه صرنه ايه
اليوم بس الله سندنه والحمايه
وعله الروس الشامخه ظلت عبايه
شامخة لا ما تطيح ... اي وحق راس الذبيح
وراس الحسين وغيابه / آه يا گلبي وعذابه
❥━──➸➽❥❂❥━──➸➽❥❂
نبچي ونهل الدمع من بعد الأحباب
بس حرم وايتام تبچي وهذا المصاب
حرنه ويامن نودي الهم والعتاب
محد الينغر علينه وماكو اصحاب
الدمع عالوجنه يهل ... عشنه وي حسره أهل
لا اهل عدنه وگرابه / آه يا گلبي وعذابه
❥━──➸➽❥❂❥━──➸➽❥❂
*بقلم✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:*
https://t.me/mariamalnoor1988

#من_ديوان_مسير_الفواطم_ج4
*قصيدة لرقيه عليها السلام(عمه يا رقيه)*
❥━──➸➽❥❂❥━──➸➽❥❂
نص الليل تبچين             عمه يارقيه
ابوج حسين مذبوح      ضل بالغاضريه
حاجيني شتريدين ... هلي واهلج بعيدين
مايدرون عنج               مهضومه وسبيه
❥━──➸➽❥❂❥━──➸➽❥❂
ما يدرون عنچ مهظومه وتونين
وتگولين اريدن ابوي الغالي الحسين
اريد اليوم اشوفه واكحل بشوفته العين
ابوچ ابشوگ ردتيه… والمدمع هملتيه
وانه اشلون بيه           عمه يا رقيه
❥━──➸➽❥❂❥━──➸➽❥❂
انه شلون بيه فگدت اهلي والاخوان
ضاعو من اديه كل اخواني الاحنان
ما يتحمل فراگ ‌گلبي حيل تعبان
تعب گلبي ولا هاد ... واهلي عني بعاد
واحملت الاذيه           عمه يا رقيه
❥━──➸➽❥❂❥━──➸➽❥❂
حملت اهواي لوعات والالام ومصايب
يعمه وانتي وياي شفتيهه العجايب
زغيره وما تحملين كل هاي النوايب
طفلة ومايرحموچ… كلساع ويضربوچ
واعليچ شبديه          عمه يارقيه
❥━──➸➽❥❂❥━──➸➽❥❂
تگللها يعمه عليچ انه شبيدي
ريت الذبحو حسين حزولي وريدي
ورقيه تبچي وتگول اريد اليلزم ايدي
اريده الوالي الحسين ... ما ابطل من الونين
خل يحظر اليه           عمه يا رقيه
❥━──➸➽❥❂❥━──➸➽❥❂
جابو راس ابوها وحطو بين اديهه
لگته الوالي مذبوح وما جاوب عليهه
لفظت اخر انفاس من شافت وليهه
شالتهه العقيله ... والمدمع تسيله
ياعظم الرزيه             عمه يا رقيه
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:🍃*
https://t.me/mariamalnoor1988

يشير الإمام (عليه السلام) إلى أنّ ترك نصرة الحق يفتح الباب أمام الأعداء والطامعين للتسلط على الأمة، فالحق يحتاج إلى من يحمله ويدافع عنه، وعندما يتخاذل الناس عن هذه المهمة، يصبحون هدفاً سهلاً لكل من يريد إضعافهم أو السيطرة عليهم، فالإمام ( عليه السلام) عندما يشير إلى “متاه بني إسرائيل”، فإنّه يبين حالة الضياع والتخبط التي تصيب الأمة نتيجة التخلي عن الحق والانسياق وراء الأهواء، مثلما تاه بنو إسرائيل في الأرض أربعين سنة بسبب عصيانهم وعدم التزامهم بأوامر الله، فإنّ المسلمين قد يواجهون أضعاف هذا التيه إذا لم يتمسكوا بالحق ويدافعوا عنه ويبتعدوا عن الباطل.

#من_ديوان_دموع_و_عبرة_ج2
قصيدة للسيدة رقية (العقيلة تحيرت)
❥━──➸➽❥❂❥━──➸➽❥❂
شبگت الراس وغفت
        والعقيلة تحيرت
    يا رقيه          يا رقيه
❥━──➸➽❥❂❥━──➸➽❥❂
شبگت الراس الزغيره والدمع منهه يسيل
تگله يالذبحو وريدك فطرو مني الدليل
ليش خلوني يتيمه وما الي غيرك سبيل
ردتك الحضنك تضمني تالي شو راسك اشيل
يا مصيبة انه شفت / والعقلية تحيرت
            يا رقيه             يا رقيه
❥━──➸➽❥❂❥━──➸➽❥❂
يا مصيبه ارقيه شافت راس ابوها يصب دمه
زغيره ما تحمل هظيمه على فراگه مألمه
شمته وصاحت ابوي حسين حزني لملمه
طفله ما تحمل مصابه بگت عالخد لاطمه
صوتها لمن خَفت / والعقيلة تحيرت
       يا رقيه         يا رقيه
❥━──➸➽❥❂❥━──➸➽❥❂
نادت الحره العقيلة عمه نمتي للأبد
جاوباها علي يگلها عمه ماتت ما ترد
ماتت رقيه يعمه خل نوسدها بلحد
تندفن بديار غربه خل نودعها بعد
على قصتها نحت / والعقيلة تحيرت
       يا رقيه        يا رقيه
❥━──➸➽❥❂❥━──➸➽❥❂
ناحت المهظومه زينب والدمع عالخد جره
حيريتيني يعمه وين ادفنچ يا ثره
وبالمجالس گعدونه بعيده عنه المگبره
منين اجيبلچ مغلسه تغسلچ يالطاهره
ريت وي موتچ متت / والعقيلة تحيرت
         يا رقيه     يا رقيه
❥━──➸➽❥❂❥━──➸➽❥❂
منين اجيبلچ مغسله وانه بديار الغرب
والتغسلها الغريبه عليها هاي شگد صعب
والله يمصابچ هدمني وهدم حيلي والگلب
ريتها اخذتني المنيه ولا اشوفچ عالترب
دمعي عالوجنه يكت / والعقيلة تحيرت
             يا رقيه        يا رقيه
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:🍃*
https://t.me/mariamalnoor1988