🌿 Mehr

U ovqat suzayotganida qattiq charchaganini his qildi. «Qornim ochdi, shekilli»,-deb o‘yladi.
Taomni suzib keldi. Qaynotasi «Tuzi past bo‘libdi», desa, qaynonasi «Yaxshi qaynamabdi», -dedi. Dili og‘ridi. Bir ko‘ngli «Dasturxonga qo‘yilgan ovqatni maqtab yeyish sunnat», deb aytay dedi-yu, tiliga chiqarmadi
-Uzr, oyijon, uzr adajon,-dedi.

Indamay, bolalarini ovqatlantirdi. Idish-tovoqlarni yuvdi. O‘g‘illari yoyib tashlagan o‘yinchoqlarini yig‘ishtirdi. Qoni kamayganmi, holsizlandi. Ertaga 6 soat darsi bor. Bir talay daftar tekshirishi kerak hali. Bolalarini ertak aytib uxlatdi.

Daftarlarni tekshirayotib, ko‘zi yumilib-yumilib keta boshladi...
Kimdir yelkasiga yengil ko‘rpa tashlaganini his qildi. Ko‘zini ochdi. Eri kelibdi.
-Assalomu alaykum, qachon keldingiz? Ovqat tayyorlaymi- so‘radi u
-Charchabsan-a? O‘zim suzib yeyman. Sen biroz dam ol.
-Yo‘g‘-ye, o‘zim, - oshxonaga yurdi u.

-Qo‘ling shirin, ovaqtlaring biram mazaliki. Hech qaysi restoranda bu mazani topolmayman.

Ayolning ko‘ngli yorishdi. Ishtaha bilan ovqatlanayotgan turmush o‘rtog‘iga tikilib, charchoqlari ham tarqab ketganini his qildi.

Kun bo‘yi tinmagan, horigan vujudiga bir chimdim mehr orqali bir dunyo quvvat kirib kelgandi...

Feruza Salxodjayeva

@falsafasi_hayot 🍃

🌿 Bir kishi uyida un qolmaganligi sabab bug‘doyni eshagiga ortib, tegirmon tarafga qarab yo‘l olibdi. Yetib borgach, bug‘doyni tushirib olishi bilan eshagi qochib ketibdi. Bug‘doyini tegirmonchiga topshirib, eshagini qidirishga chog‘lanibdi. Eshagini ortidan qidirib borib topa olmabdi. Bu orada juma namozi yaqinlashganini ko‘rib: “Sen qayerga borsang boraver, men Rabbimni huzuriga boraman” deb, masjidga qarab yo‘l olibdi.
Juma namozini ado etgach, o‘ylanib qolibdi, tegirmondan unni olib ketay desa, eshagi yo‘q, noiloj uyga qaytibdi.
Uyiga yaqinlashgach, eshakning ovozi eshitilibdi, hayron bo‘lib xotinidan so‘rasa, eshakning o‘zi uyga qaytib kelgan ekan.
Xotini unga: “Qorningiz och bo‘lsa kerak, yangi undan non yopdim, keltiraymi?” – debdi. U yana xayron qolibdi. Un tegirmonda qolgan, uyda un qolmagan bo‘lsa, xotini qaysi yangi undan non yopganini so‘rabdi. Xotini: “Qo‘shnimiz ham tegirmonga borgan ekan, tegirmonchi bizning unimizni ham qo‘shib bervoribdi. Unimiz ham, eshagimiz ham o‘z oyog‘i bilan kirib keldi”, - debdi kulib.
Kishi xotinidan bo‘lgan ishlarni eshitib: “Allohim men sening bir amringni ojizlik bilan bajardim, evaziga shuncha ehtiyojimni qondirding. Senga qanchalar shukr qilsak ham kam, O‘zingga behisob shukrlar bo‘lsin!” – debdi.

@falsafasi_hayot 🍃

🌿 Dorisiz uxlab, dardsiz uyg‘onsangiz. Va hech narsa sizni bezovta qilmasa, xohlagan har xil taomlaringizdan yeb, xohlagan ichimliklarni ichsangiz, ishoning, siz dunyodagi eng boy insonlardan ham badavlatliroqsiz. Hamd ayting, shukr qiling!

🌙 Tuningiz osuda oʻtsin qadrligim ))

@falsafasi_hayot 🍃

🌿 "Hayotdan hursandman" derdi u baxtiyor jilmayib, kampiridan keyin ancha cho‘kib qolgan bo‘lsa-da...

Rostdanam hayotdan roziga o‘xshardi...

Chunki uning telefoniga "tring" etib xabarlar kelardi. Noma’lum kimlardandir...

Ko‘chada kim bilandir quyuq so‘rashardi, xuddi yaqin tanishidek uyiga chorlardi...

Hiyobonga chiqib yam-yashil maysaga termulib, baxtiyor jilmayib kimnidir o‘ylardi. Balki xotiralarni eslar...

Kechalari esa uyidan xira yog‘du taralardi.

Vafot etdi. Uzoqdagi "qizi" keldi. O‘g‘li kela olmadi...

"Otangiz juda xursand yashardi, kimlar bilandir xabarlashib turardi" deyishdi.

Qiz yelka qisdi. Telefonini topib qarashdi.
Maysaning suratlari, MCHS xabarlari yana tinmay terilgan lekin gaplashishning iloji bo‘lmagan raqamlar bor ekan...

©️Azizaxon Ismoilova

@falsafasi_hayot 🍃

🌿 Siz suratda ko‘rib turgan kishi -- yer yuzida yashagan eng yaxshi odamlardan biri.

U hayoti davomida hammadan ko‘ra ko‘proq odamlarga yordam bergani bilan nom qoldirgan. Ehtimol siz u haqida hech qachon eshitmagan bo‘lsangiz kerak. Abdul Sattor Edhi 1928-yilda Gujarat (Britaniya Hindistoni) da tug‘ilgan. 11 yoshida uning onasi insultdan so‘ng falaj bo‘lib qoldi va u volidasiga g‘amxo‘rlik qila boshladi. 19 yoshida onasi vafot etgach, Abdul Sattor hayotining qolgan qismini kasallarga, qariyalarga va muhtojlarga g‘amxo‘rlik qilishga bag‘ishlashga qaror qildi. Pokistonga kambag‘allar uchun ijtimoiy ta’minot yo‘q edi. Edhi bepul kasalxona qurishga pul yig‘ish uchun ko‘chalarda odamlardan pul yig‘a boshladi.

O‘shandan beri uning jamg‘armasi 20 ming ko‘chadagi bolalarni qutqardi, 50 ming yetim bolalarga yordam berdi va 40 ming hamshirani o‘qitdi. Edhi dunyodagi ko‘ngillilardan iborat eng katta tez tibbiy yordam xizmatini, bepul qariyalar uylari va bolalar uylari, kasalxonalar, ayollar boshpanalari va giyohvandlarni reabilitasiya qilish markazlarini yaratdi. Uni pokistonliklar "Tereza ota" deb atashgan. U butun umri davomida atigi ikkita kostyum kiygan va hech qachon fondidan maosh olmagan. Edhi: "Siz hashamatli yashashni to‘xtatganingizdagina, hayotning ma’nosini tushuna boshlaysiz," degan. 2009-yilda bag‘rikenglik va zo‘ravonlikka qarshi g‘oyalarni ilgari surgani uchun u YUNESKO ning mukofoti bilan taqdirlangan.

Abdul Sattor Edhi 2016-yil 8-iyulda 88 yoshida vafot etdi. Uning hayotdagi oxirgi orzusi muhtojlarga o‘z tana a’zolarini berish edi. Hatto o‘lim to‘shagida ham, u boshqalarga yordam berish haqida o‘ylardi. Bu ajoyib odamning tarixi hatto birgina odam ham dunyoni yaxshi tomonga o‘zgartirishi mumkinligidan dalolat beradi.

© ️ Birlashgan Millatlar Tashkiloti

@falsafasi_hayot 🍃

​​👑 Sultonimga...

💞 Ey qalbimning sultoni 👑
Meni, xato qilsam hadeb ularni yuzimga solib, mulzam qilavermang, xatolarimni unuting, o‘zimni emas...
Oila a’zolaringizga yomonlamang, ularni mendan ko‘nglilarini qoldirmang...

👑 Ey umrimning podshohi,.
Menga qo‘l ostingizdagi qulingizdek, cho‘ringizdek qaramang, malikangizdek qarang... Boshqa ayollarni menga maqtamang, fazilatlarini aytmang, meni boshqalarga qiyoslamang.
Men — qizg‘onsa, begonasirab, o‘zini ortiqcha his qilib, uzoqlashadigan, yuragi muzlaydigan, nafrati qo‘ziydigan hilidanman... 💔

👑 Ey hayotimning homiysi..
Ishga ketayotganingizda, ko‘chaga shoshayotganingizda, men bilan quyuq xayrlashing. Baqirib-chaqirib uyni tark etmang. Chunki siz kun davomidagi kayfiyatimning omilisiz. Siz ko‘chada insonlar bilan ovora bo‘lib, meni unutishingiz mumkin, ammo mening sizdan boshqa ko‘nglimni hushlaguvchi yo‘q...

👑 Ey ko‘nglimning ko‘chasini yashil bog‘chasi... Men ko‘chadan kelishingizni to‘rt ko‘z bilan kutaman, ko‘chadan kelib meni e’tiborsiz qoldirmang. Kichkinagina bo‘lsa ham shirinlik qistirib keling qo‘ltig‘ingizga. Chunki men muhabbatni hadyalar bilan his qiladigan fitratda yaratilganman.

👑 Ey jannatimning rahbari...
Menga so‘kinishlar bilan, haqoratlar bilan, yomon hulqli ayollarga ishlatiladigan so‘zlar bilan tanbeh bermang, chunki men muslimaman, farzandlaringizni onasiman, qalbim so‘kishlarga o‘rganib, beparda so‘zlardan iymanmaydigan, hulqi buzuq ayolga aylanib qolmay. Quloqlarimni fahshdan qutqaring, unga o‘rgatib qo‘ymang. Siz menga qilayotgan muomalani men farzandlarimga qilaman.
Men sizning, farzandlarimiz esa mening takrorimdir...👨‍👩‍👦‍👦


✨> Post sizga yoqqan boʻlsa, reaksiyalaringizni kutaman 🤗

@falsafasi_hayot 🍃

🌿 Bizni dardimiz ichimizga to‘lsa ham dardimizni doston qilguvchilardan emasmiz...Aksincha bir kulib qo‘yib dardlarni yengib o‘tamiz...

Bizga zulm qilishsa ham javob qaytarguvchilardan emasmiz. Jimgina Allohga havola qilib ketaveramiz. Bilamizki Alloh javobsiz qo‘ymaydi...

Bizni haqqimizni yeb ketsalar ham indamay qolaveramiz. Alloh ajrsiz qo‘ymasligini bilamiz...

Bizga tuxmat, bo‘xtonlarni yog‘dirishsa ham tortishmaymiz, gap talashmaymiz...

Bizni g‘iybatimiz bo‘lsa ham gunohlarimiz to‘kilganiga suyunib ketaveramiz...

Bizga bir musibat kelsa dod faryod qilmaymiz. Alloh meni unutmabdi-da deb taskin topamiz...

Maqsadimiz Allohga yoqish bandasiga emas...

Biz shundayin sokin Muslimalarmiz!

@falsafasi_hayot 🍃

🌿 Har bir holatiga shukr qilib, Rabbiga hamd aytgan bandasiga Alloh taolo yanada yaxshiliklaridan ziyoda qilib beradi.

🌿 Alloh taolo sizdan ba’zi narsalarni tortib oladi, u bo‘shliqni undan go‘zal va undan yaxshirog‘i bilan to‘ldirish uchun. Shunday ekan, bersa ham, olsa ham O‘ziga hamd aytavering!

🌿 Unutmang! Uzoq deb o‘ylagan narsangizni ko‘z ochib yumguningizcha yaqin qilib qo‘yuvchi Alloh bor. Shunday ekan, duoda bardavom bo‘ling va aslo umidsizlikka tushmang!

🌙 Tuningiz osuda oʻtsin qadrligim ))

@falsafasi_hayot 🍃

🌿 Eski ko‘ylak

Bayram yaqin edi. Bozordan onamga atab chiroyli ko‘ylak sotib oldim. Hayitda ham tikuvchi qo‘shnimizga bir ko‘ylak tiktirib olib borgandim...
Ammo egnida hali ham o‘sha uvada ko‘ylak edi... Yuvilaverib yupqalashib ketgan, rangi uniqib, bir ahvol bo‘lib qolgan o‘sha “ming yillik” ko‘ylak. Uni yechib olib, yangi ko‘ylakni kiydirdim.
– Onajon, endi almisoqdan qolgan shu ko‘ylagingizni kiymang, pollatta qilamiz uni, – dedim.
Onam bechora beozorgina jilmayib:
– Bolam, mato eskirgani sari yumshaydi, yoqimli bo‘ladi. Eskilarni kiysam, tanam yayraydi. Mana bu sen keltirgan ko‘ylak zo‘r, chiroyli... Lekin uni kiysam, yuragim siqilyapti. Shu eskim durust, – dedi.
Birpasdan keyin qarasam, yana o‘sha qadrdon ko‘ylagini kiyib olibdi. Menga qarab: “Yangi tursin, bolam, u yoq-bu yoqqa chiqqanimda to‘ylarga kiyib borarman”, dedi.
Mana, Chorsuni rosa qidirib, o‘sha eski ko‘ylakka o‘xshashini topdim. Paxtadan bo‘lgan matodan odmigina tikilgan. Rangi ham o‘shanga o‘xshaydi.
Hovliga kirayotib, onamga ko‘zim tushdi. Ikki bukilibgina, nimadir yumush bilan band edi. Ustida yana o‘sha ko‘ylak...
Aylanib-o‘rgilib bizni uyga kiritdi. Ajin bosgan yuziga, ozg‘in qo‘l-oyoqlariga, bizni ko‘rib quvonchdan porlayotgan nursiz ko‘zlariga boqaman... Onaginam qariyotir.
– Onajon, mana sizga xuddi egningizdagidek ko‘ylak olib keldim... Endi u eskini kiymaysiz! Keling, shu yangisini kiyib oling! – dedim.
– Hozir... hozir, shu... kelasizlar, deb erta tongda tut qoqtirib qo‘yganman. Shuni olib kelay, – deb ortiga burildi-yu, ko‘ylagini nimadir ilib qoldi.
Uvada ko‘ylak “shirr...r” etdiyu yirtilib ketdi.
– Ana bo‘ldi, endi kiymaysiz shu savilni! – deb ham quvonib ketdim, ham onamni xijolatpazlikdan chiqarmoqchi bo‘ldim.
Onam uyalganidan qizarib ketdi, ko‘ylagiga ham achindi.
– Oxiri yirtildi-ya, attang... – deb qo‘ydi.
Yangi ko‘ylakni kiygizdim. Juda ham yarashdi, hatto yosharib ketgandek bo‘ldi.
Yillarning shafqatsiz shamollari onaginamni yiqitdi. Ko‘rgani borsam, tildan qolgan edi. Ammo ko‘zlari “Xayriyat, yana seni ko‘rdim!” degan kabi minnatdor boqardi. Shunda birdan nigohlarini olib qochdi. Qo‘llari bilan egnidagi o‘sha eski ko‘ylagini ko‘rpa ostiga yashirishga urindi.
Opamdan iltimos qilib, kelin yuvib, tikib qo‘ygan shu ko‘ylakni toptirib, kiyib olibdi. “Ana shu ko‘ylagimni dadang olib bergandi. U eskirdi, biz keksaydik. Ko‘ylagim o‘zimga o‘xshaydi”, deganmish.
Oh... onajonim! O‘zingizni ayblamang! Endi o‘ylab qarasam, rostdan ham ko‘ylagingiz o‘zingizga o‘xsharkan. Yoshligingizda go‘zal, dilbar bo‘lgansiz. Keyin qaridingiz... nurli ko‘zlaringiz nursiz, sarvdek qomatingiz yoy misoli egildi, tarang yuzlaringiz ajinlarga to‘ldi.
Rost aytdingiz, ko‘ylagingiz o‘zingizga o‘xsharkan... Eskirgani sari aziz bo‘ldi, yuvilgani, yupqalashgani sari muloyim, yoqimli bo‘ldi. Ammo hamma narsaning ibtidosi bo‘lgani kabi intihosi ham bor. Sizning ko‘ylagingiz va umringiz intihosi bizga saboq bo‘ldi.
Otam – eringiz sovg‘a qilgan bir mato siz uchun shunchalik aziz va qimmatli bo‘lsa, o‘sha insonning o‘ziga bo‘lgan mehru muhabbat, sadoqatingiz qanchalik ulug‘ bo‘lgan ekan?!
Menimcha, bugungi qizlarimiz va kelinlarimizga shu yanglig‘ o‘z juftiga hurmat va sadoqatdan so‘zlamoq kerak. Shoyad, foydasi tegsa. Har tugul har kun bir yangi moda, yangi bir ko‘ylak uchun oilasida janjal chiqarayotgan noshukr ayol-qizu kelinlarimiz uchun ushbu hikoya bir ibrat bo‘lar, degan umiddaman.

Dilorom KARIMOVA

@falsafasi_hayot 🍃

“Kimning rizqi kechiksa, bas, “Laa havla va laa quvvata illaa billah”ni koʼp aytsin!”

Аbu Hurayra roziyallohu anhu Rasululloh sollallohu alayhi va sallamdan rivoyat qiladi: “Аlloh kimga bir neʼmat bergan boʼlsa, bas, Аllohga hamd aytishni koʼpaytirsin! Kimning gunohlari koʼpayib ketsa, Аllohga istigʼfor aytsin! Kimning rizqi kechiksa, bas, “Laa havla va laa quvvata illaa billah”ni koʼp aytsin!”
(Imom Tabaroniy “Kabiyr”da rivoyat qilgan).

@falsafasi_hayot 🕊️

🌿 "Hali kechki payt opangiznikida yig'in. Bir pantis Napoleon qilib qo'ying. Meni uyaltirib qo'ymang. Nozik joyga olib boraman-a!"

Yuragi shuvillab ketdi. "Napoleon qilishni yaxshi bilmayman", desa malomat qoladi. To'g'ri, pishir-kuydir kursida o'qigan. Ammo bu shirinlikni mustaqil tayyorlab ko'rmagandi. Qaynonasi ishga ketgandan keyin tavakkal qilib ish boshladi. Internetni ham bir titkilab chiqdi. Xamir qavatlari pishib chiqquncha hayajon va qo'rquvdan qaro terga tushib ketdi. Biroq... Shuncha harakat qilsa ham, negadir xamiri o'xshamabdi-da! O'tirib olib rosa yig'ladi. Endi qaynonasiga nima deydi, nima qiladi? Gap eshitmaskin?.. Kuyovi qo'ng'iroq qilib qolmaganida, kim biladi yana qancha yig'lardi?.. ...«Qaynonasi ishdan kelib, xavotir bilan oshxonaga mo'raladi. Stol ustidagi ko'rkam Napoleonga ko'zi tushib, quvonib ketdi, kelinini rosa alqadi. Xushkayfiyatda qizinikiga yo'l oldi... - To'g'ri ish qildikmikin-a? Oyijon sezmadilar, do'kondan olib kelganingizni...

- Shunday qilmasak, bo'lmasdi. Onamning dili xufton bo'lib, yig'inda yozilib o'tirolmasdilar. Kamiga sen ham gap eshitib olarding. Bir kun mavridi kelsa, o'zim yotig'i bilan tushuntiraman. Sen bundan xavotir olma, gulim...

— Shodiyona Omon

@falsafasi_hayot 🍃

🌿 Duolar ijobati beriladigan kun - JUMA muborak - Qadrliklarim!

Sizlarning orangizda qalbiga Allohning nazari tushgan pokiza qalblilar bor...

Duosi mustajoblar bor...

So‘ragani qaytarilmaydiganlar bor...

Ochiq kafti - Ochiq Qur’onga hamroh insonlar bor...


DUO QILING:

Umid bilan qalban Allohga yolvorayotganlar...

Shifosini kutayotganlar...

Ko‘nglini dunyoda qoldirib ketayotganlaridan uzilishni istamayotganlar...

Shu duoyingiz sababli- yengillik topsin, huzur, shifo, osoyishtalik, sokin qalb, rozi-rizolik ularning qalbiga orom bersin...

Mahzun kishini ko‘rsangiz unga ham Allohdan baxt-saodat tilab duo qiling!

Tanigan va tanimagan kishining haqqiga duo qilavering!

Farishtalar xar duongizda
"Senga ham bo‘lsin" deb aytadi...

Mo‘min-mo‘minning duoi-jonini qiladi, qilsa-savob oladi...
O‘zi ham shu duodan unib-o‘sadi...

➥ @falsafasi_hayot 🍃

🌿 Erkaklar, uyda bo'lmaganingizda ayolingizdan hol so'rab turing: xabar yozing yoki qo'ng'iroq qiling. Uyga ogohlantirib keling. Ishda juda kechgacha qolib ketmang, oila uchun ham vaqt ajratish kerak.

Kechgacha qolib ishlaydigan erkaklar oilasiga kunduzi vaqt ajratishga harakat qilsin. Masalan, ishga kechroq ketish, tushlikka uyga kelish bilan.

Ko'p vaqtingiz ko'chada o'tsa, oilangizni ham birga olib chiqishga harakat qiling. Ayniqsa, ko'p safarda yuradigan erkaklar bunga amal qilsin.

✍ Hubbuna

@falsafasi_hayot 🍃

🌿 Yirtiq kalish...

– Bu tilla uzukni men sovg‘a qilganman, e’tiboringiz uchun! Men opketaman!

– Mana bu paltoni men obergandim, tug‘ilgan kunlariga eslasalaring!

– Tilla zanjirim senga qoladi derdilar!

Uch qiz kampiridan qolgan latta putta buyumlarni uch yoqqa tortqilay tortqilay ahiri bo‘lishib olishdi.

Chol ularga birpas tikilib turdi-yu, zinada to‘nkarilib yotgan, kampiri kiya-kiya ado qilgan orqasi yirtiq kalishni bir chetga olib qo‘ydi.

– Shu menga qola qolsin, yo‘q demasalaring... onangni eslatib turadi...

Nursiz ko‘zlardan ikki tomchi yosh sizib, behisob ajinlar orasiga singib ketdi.

@falsafasi_hayot 🍃

HAQIQIY MUHABBAT

Bir kuni Rasululloh sallollohu alayhi va sallam Bilol roziyallohu anhuni orqa tarafidan sezdirmasdan mahkam quchoqlab oldilar.

Shunda Bilol roziyallohu anhu:
— Kim bu? Abu Bakr, sizmi? Umar, yoki sizmisiz?
Ha, bildim, Usmon, sizmi bu? — dedilar.

Shundan so‘ng Rasululloh sallollohu alayhi vasallam:
— Ey Bilol, bu men ekanligimni nahot bilmadingmi? — dedilar.

Bu savolga esa Bilol roziyallohu anhu:
— Yo Rasululloh sallollohu alayhi vasallam, bu siz ekanligingizni boshidayoq bilgandim, lekin biroz ko‘proq quchoqlab turishingizni xohladim, — deb javob berdilar.

@falsafasi_hayot 🍃

🌿 Joynamoz uzrasiz...

Kimdir sizga achinadi, xayotning qaysidir tor ko‘chasida yiqilgan siz edingiz...
Cho‘k tushgan siz edingiz...
Yig‘lashgada uyalib, jim ketgan siz edingiz...
"Uning ko‘rgan kuni qursin" desalar ham, siz aslida yomon kun ko‘rmadingiz, shunchaki u kunlarda yomonlar kimligini ko‘rdingiz holos...

🌿 Joynamoz uzrasiz...

Qalbida Alloh ulug‘vor turganlar mag‘lub bo‘lmaydi, yutqazmaydi, ming birovlar achingan taqdir zahmatini cheksa ham qulamaydi...
Chunki ularning qulashi oldinga, faqat sajdaga!
O‘ziga yiqilganlarni u Zot yiqitmaydi...
Huv yiqilganingizda esa sizga saboq bor edi!

🌿 Joynamoz uzrasiz...

Kim nima desa ham-siz o‘z qalbingiz amrini bajarmoqdasiz...
Siz yolg‘iz emassiz-do‘stingiz bor.
Kimlardir suyangan devorlar nuraydi, orqadoshlar ketadi, tog‘lar kukun bo‘ladi.
Siz suyangan Zot esa Boqiydir!

🌿 Joynamoz uzrasiz...

©️ Ummu Zaynab Ummu

@falsafasi_hayot 🍃

🌿 Kel... (Ozgina tabassum 🙃)

Menga napalyonlar, medoviklar, shirin manti-xonimlar pishirib berish uchun kel. (Fast foodlar me'damga urib ketdi)

Har kuni "Kelyapsizmi, nechida kelasiz, nima ovqat qilay" deb telefon qilishing uchun kel. (Bezor qilib yuborsang ham mayli)

Uchlik pampers obkeling, kasha kerak, non tugadi, pul tashlab bering deb sms yozish uchun kel. (Uzundan uzun sevgi maktublari shart emas, shular o'zi kifoya)

Ishdan kelishimni intizor kutib, ketishimda "Yaxshi borib keling" deyishing uchun kel. (Shu nigohlarni ko'rish, mana shu gaplarni eshitish uchun har kuni ishga borishga tayyorman)

Ko'ylak olaman pul bering, salonga boraman pul bering, oyoq kiyim oldim pul bering... Shu seni xursand qilsa, berganim bo'lsin, faqat kel... (So'z beraman, bir so'm ham qoldirmay ishlatsang ham baqirmayman)

✍️ Hubbuna

@falsafasi_hayot 🍃

🌿 Kutmoq...

Har kim ertani kutadi.  Bugunda yashab turib,  hammasi  o‘tishini,  ketishini kutadi...

"Tezroq boshlansaydi"  deb kutgan tomoshalarimiz tugaydi...
"Tezroq tugasin"  deb kutgan uzun navbatlarimiz ham...
"Yonimizga tezroq qaytsin"  deb do‘stlarni kutamiz,  "Tezroq ketsaydi"  deb yoqimsiz mehmonlar ketishini ham...

"Ko‘zi tezroq ochilsaydi,  do‘stligimiz yodiga tushsaydi"  deymiz yuz o‘girganlar ortidan...
"Tezroq kimligini bilsaydim"  deymiz, chalkash fitnasiga toyiltirgan  kimnidir ilg‘ab...

"Qaniydi,  hammasini aytadigan paytim kelsaydi"  deb haqiqatlarimizning pishib yetilar paytini poylaymiz...

"Bu g‘amgin kunlar tez o‘tsaydi"  dedik...
"Bizning ko‘chamizda ham bayram bo‘lajak"  deb umid qildik...

Oyning o‘n beshini yorug‘ bo‘lishini kutdik...
Zulmatlar tarqashini,  bu uzun tonnel tugashini xohladik...
Endi oynadan boqadigan siymoyimiz o‘zimizga notanish...

Kutishlar qaritdi bizni...
Yuzimiz soatlarga aylandi,  barmoqlarimiz soat millariga,  yillarimiz raqamlarga aylanib,  barmoqlar orasidan to‘kilib bitdi...

©️Ummu  Zaynab  Ummu

@falsafasi_hayot 🍃

🥀Endi hammasi tugadi, hech nimani qizig'i qolmadi. Erimning etiborsizligi indamasligi meni ko'mib yubordi.

🌹 Faqat men harakat qilishdan charchadim. Yashashga mahkumman deb taqdirga tan bergan edim.
🌹...ammo bir kun Mokhinur Sadiraliyevnaning telegram kanaliga ulanib qoldim
"YOMON QIZLAR" bepul marofonida qatnashdim

Ishonasizmi, 🤫 men bilmagan qancha bilimlar, intim hayot sirlari bor ekan. O'zimni erimni ko'nglini oladigan ochiq, takrorlanmas 👩‍🦰deb yurarkanman.
Adashibman Hammasini o'rganib hayotimda qo'llay boshladim.

Hozir yorim mutlaqo aksi bolalar bilan ovqatlanishga, kechgi sayrlarga olib chiqyaptilar.
Yaqinda yorim bn "AMIRSOY" da dam olib keldik

SSILKANI PASTDA QOLDIRYAPMAN!

Eringizni yagonasi bo'lishning eng mahfiy sirlarini bilmoqchi bo'lsangiz:

BEPUL YOMON QIZLA MAROFONI yana start oladi:
https://t.me/+h1pE3GFaw-4wM2Uy
https://t.me/+h1pE3GFaw-4wM2Uy

🌿 Sabr-toqat qil!

Yolg‘iz Alloh (yordami) bilangina sabr qila olursan.

Yorug‘ kunlarga, go‘zal oqibatga ishonguvchi, ajr istab, gunohlarini o‘chirilishiga rag‘bat qilguvchi inson kabi sabr qilgin.

Yo‘lingni so‘qmoqlar zulmatda qoldirib, musibatlar bostirib kelsa ham sabr qilgin.

Chunki g‘alaba sabr bilandir, shodlik qayg‘u bilandir va albatta qiyinchilik bilan yengillik bordir.

"Mahzun bo‘lma"

— Doktor Oiz al-Qarniy

@falsafasi_hayot 🍃

Shunga ishoningki, sizdan ko‘tarilayotgan har bir duoni tilingizga Alloh joriy qilyapti. Uni aytishga ilhomlantirgan Zot endi ijobatini ham beradi, Inshaalloh ))

@falsafasi_hayot 🍃

Goʻzal bir duo, sizga ham ilindim... Duolaringiz ijobat boʻlsin qadrligim, bizni ham eslab ketishni unutmang...

🌿💚...

بِسْمِ اللهِ الرَّحْمٰنِ الرَّحِيمِ
Ya Hannan, Ya Mannan, ey nihoyatda mehribon va beadad ne’mat beruvchi Zotim!

Ya Latif, Ya Karim, Ya Razzaq, ey latofatli, karamli va rizq beruvchi Rabbim!

Menga va oilamga hayrli, eng yaxshi taqdirlarni osonlik va yengillik bilan ato et.

Qalbimizga sokinlik, uyimizga tinchlik, badanlarimizga sog‘lik va ofiyat ber.

Rizqimizni keng qil, boylik va baraka ber, qalbimizni shukrga to‘ldir.
Ya Aziz, Ya Jalil, boshimizni aziz qil, bandalaring orasida qadrimizni baland qil.

Ya Wadud, Ya Rauf, bizni odamlar orasida suyukli, Alloh huzurida esa eng mahbub bandalardan qil.

Qalblarimizni imon va taqvo bilan bezat, dunyo va oxiratimizni obod qil.
Amin, ya Rabbal ‘alamin. 🤲

@falsafasi_hayot 🍃ng>

🚪Chiqish yo‘li qabrdan boshqa hamma joyda bor,  o‘zingizni o‘zingiz yoqmaydigan narsalar bilan jazolamang!

Siz eng yaxshilariga munosibsiz!

Daraxtdagi eng shirin mevani uzib yeng...

O‘zingizga yoqqan inson bilan yashang...

Ovqatni tag olmaganidan oziqlaning,  toza suvni iching!

Lekin zinhor ba zinhor alamzada bo‘lib- bir burchakda zahar yig‘ib biqinib o‘tirmang...

O‘sha aytganimdek chiqish yo‘li hamma joyda bor!

Yoqmagan joydan boshingizni tik tutgancha ketganga yetmaydi...

Ming manzarasi chiroyli bo‘lmasin, sizga ozor beradigan eshikni yoki darchani yopib qo‘yganingiz yaxshi...

Agar o‘zingizga rahm qilsangiz, bu ishni albatta qilasiz...

Chunki to‘htatib bo‘lmaydigan narsalar bor: aqlli odamlar buni biladi:  to‘htata olmayapsizmi, demak tushib qolishingiz kerak!

©️Ummu Zaynab  Ummu

@falsafasi_hayot 🍃

🍀 Vafo shunday bir toshki, koʼpchilik uni - chetlab, aylanib oʼtadi...
Lekin shunday odamlar bor... uni umrbod koʼtarib yashashdan ogʼrinmaydilar.
Аlal oqibat vafo - oddiy tosh emasligini hammamiz tushunamiz...
Sirti mashaqqat qobigʼidagi asl olmos tosh...!

@falsafasi_hayot 🕊

Yosh bolalarning “Sevgi nima?” mavzusida fikrlari.

Kichik bolakaydan so‘rashdi:
–Sevgi nima?
–Sevgi bu – o‘zim sovuqqotishimni bilsam-da kurtkamni singlimga kiydirib qo‘yishim.

Boshqa bolakaydan so‘rashganda esa:
Singlim sumkamdagi shokoladimni mendan so‘ramay olib qo‘yishini bilsam-da, har kun yana boshqasini uning o‘rniga solib qo‘yishim sevgi, deb javob berishibdi.

Naqadar beg'ubor tuyg'ular.

@falsafasi_hayot 🍃

​​​​Seni chindan ham sevganlar, sen uchun qayg‘urganlar haqida bilmoqchimisan?!
Ular seni nimaga rag‘batlantirib, nimadan qaytarayotganlariga boq!
Haqiqiy sevganlar seni ma’siyat ko‘chasidan to‘sishadi. Haqiqiy qayg‘urganlar seni jahannam azobidan asrashadi.

Yaxshilikka da’vat qilib, yomonlikdan qaytarishadi. Ulargina seni chindan sevishadi, asrab avaylashadi.
Seni dunyoning o‘tkinchi rohatlariga, lahzalik lazzatlariga chorlashmaydi.
Seni o‘zlariga emas, Robbilariga yaqinlashtirishadi. Ana o‘shalar chindan ham sevganlardir.

Shunday insonlaring bo‘lsa, qo‘yib yuborma! Chunki, ularning muhabbati seni hisob kuni arshning soyasiga oladi, jannatga kalit bo‘ladi.

Sen-chi? Sen ham kimnidir shunday sevasanmi?

Orif Taskinning «Hayot menga shuni o‘rgatdi» kitobidan.

@falsafasi_hayot 🍃

Qalblar Allohning qo'lidadir... Alloh qalbingizni go'zal qalb ila to'ldirsin. Yuragingiz yoqimli sevgi bilan gullasin. Xudo sizni sevgingiz bilan asrasin... Sizni sevadigan va ranjitmaydigan, orzulari pok, tili asaldan shirin, ko'zlari haromga parda, aqli yomon o'ylardan xoli insonni Alloh taqdir yo'lingizda umr yo'ldosh qilsin... Omin.

@falsafasi_hayot 🍃