🏠Қазақстанда пәтер бағасы тағы қымбаттады

Мән-жай

Қазақстанда пәтер бағасы тағы қымбаттады. Бір жыл ініде жаңадан салынған үйлер +9,6%, екінші нарықтағы пәтерлер +7,3% қымбаттаған.

Ұлттық статистика бюросының дерегінше, жаңа пәтерлердің орташа бағасы ел бойынша 1 шаршы метрі 528,5 мың теңге болған. Пәтер бағасы ең қымбат қалалардың көшін Алматы қаласы бастап тұр. Мұнда үйдің бір шаршы метрі — 647,7 мың теңге. Екінші орында 595,5 мың теңгемен Астана қаласы. Үшінші орында Атырау — 512,2 мың теңге.

Екінші нарықтағы пәтерлердің орташа бағасы шаршы метріне — 551,9 мың теңге. Ең қымбат қалалар: Алматы — 688,6 мың, Астана — 652 мың, Атырау — 485,5 мың теңге.

2025 жылдың шілде айында баспана ең көп қымбаттаған қалалар: Талдықорған (+5,7%), Түркістан (+5,6%) және Петропавл (+3,2%) қалалары.

🗞️Толығырақ Ұлыстан оқи отырыңыздар

📱Ұлысқа жазылыңыз

Сорбұлаққа құлаған тікұшақ бортында болған екінші ұшқыш Павлодар облысында жерленді

Мән-жай

11 тамызда 32 жастағы Бақтияр Ержігітовті Павлодар облысында туыстары мен ауылдастары жер қойнына тапсырды. Бұл хабарды облыс әкімі Асайын Байханов мәлімдеді.

Контекст

25 шілдеде қорғаныс министрлігіне тиесілі ЕС-145 әскери тікұшағы Алматы облысында із-түссіз жоғалып кеткен болатын. Кейінірек тікұшақ бөлшектері Сорбұлақ су қоймасы аумағынан табылған. Үшақ бортында Бақтияр Ержігітов, Нұржігіт Үсенбаев және Аман Амангелді болған.

9 тамызда 14 метр тереңдіктен Нұржігіт Үсенбаевтың денесі табылған. Бір күннен кейін, 10 тамызда Бақтияр Ержігітовтің денесі де су қоймасынан табылған. Тікұшақта болған үшінші әскери Аман Амангелді әлі табылған жоқ.

Нұржігіт Үсенбаевты 10 тамызда Түркістан облысындағы Сұлтанрабат ауылындағы бейітке жерлеген.

🗞️Толығырақ Ұлыстан оқи отырыңыздар

📱Ұлысқа жазылыңыз

Ресей АҚШ пен Еуропаның арасына сына қаққысы келеді

Кремль алдағы АҚШ-Ресей саммитін Украинадағы соғысты тоқтатуға қадамдар жасау үшін емес, АҚШ пен Еуропаның арасына сына қағу үшін пайдалануы мүмкін. Бұл жөнінде АҚШ-тың Соғысты зерттеу институты баяндамасында жазды.

📌Мән-жай

АҚШ-тың Соғысты зерттеу институтының (ISW) баяндамасында, сарапшылар Ресей өкілдерінің мәлімдемелерін талдай келе, Ресей бұрыннан келе жатқан әскери мақсаттарынан бас тартуға әлі дайын емес деген қорытындыға келген.

ISW болжамынша, Ресей болашақта атысты тоқтату туралы қандай да болмасын келісімді бұзып, оған Украинаны айыптауы мүмкін – Мәскеу 2025 жылдың көктемінде әлденеше рет сөйткен.

Ресейдің мақсаттарына: Украинаның НАТО-ға мүше болуына жол бермеу, Украинада ресейшіл қуыршақ үкіметтің билікке келуі және Украинаны толық қарусыздандыру, яғни оның толық капитуляциясы жатады.

🗞️Толығырақ Ұлыстан оқи отырыңыздар

📱Ұлысқа жазылыңыз

Путиннің жақын серіктерінің бірі Козак Украинадағы соғысты тоқтатуға ұсыныс жасаған

Ресей президенті әкімшілігі басшысының орынбасары, Владимир Путиннің жақын серіктерінің бірі Дмитрий Козак Путинге Украинадағы соғысты тоқтатып, бейбіт келіссөз бастау жайлы ұсыныс жасаған.

Мән-жай

The New York Times басылымы Кремльге жақын бірнеше дереккөзге сүйеніп, Дмитрий Козактың Владимир Путинге Украинадағы соғысты тоқтатып, бейбіт келіссөз бастау туралы ұсыныстар жасағанын жазды.

Дереккөздердің айтуынша, Козак Путинге соғысты тоқтатудан бөлек, Ресейде реформалар жүргізуді де ұсынған. Атап айтқанда, ол күштік құрылымдарға бақылауды күшейту және тәуелсіз сот жүйесін құру қажеттігін айтқан.

Бұдан бөлек, Ресей Украинаға басып кірмей тұрып, Козак Путинді ондай соғыстың салдары қандай болатынын, украина армиясы мен қоғамы қатаң қарсылық көрсететінін ескерткен. Соғыс басталған соң бітімге келу туралы ұсыныс айтқан. Бірақ Путин оны қабылдамаған. Бірақ осыған қарамастан Козак Путинге жолығу мүмкіндігінен айырылмаған. Ол Батыс елдерінің өкілдерімен де бейресми кездесулерге қатысып келеді.

Батыстағы дереккөздердің айтуынша, Козак өзі сөйлескен шетел өкілдерінен Путинді қазіргі бағытынан өзгертуге және соғысты тоқтатуға көндіруге көмектесетін уәждер мен ұсыныстар бар ма деп бірнеше рет сұраған.

🗞️Толығырақ Ұлыстан оқи отырыңыздар

📱Ұлысқа жазылыңыз

Білім саласындағы парадокс: Дарынды жастар Қазақстаннан кетіп жатыр

Қазақстан соңғы жылдары білімді, дарынды жастардың шетелге кетуі сияқты аса күрделі мәселемен бетпе-бет келіп отыр. Талантты жастар бәсекеге қабілетті жоғары оқу орындарын өз елінен емес, шетелден іздейді. Не себепті бұлай? Ulysmedia.kz жауап іздеп көрді.

🇰🇿ҚАЗАҚСТАННЫҢ БІЛІМДІ ЖАСТАРЫ ШЕТЕЛГЕ КЕТІП ЖАТЫР

ЮНЕСКО дерегінше, Қазақстан студенттері шетелде білім алып жатқан елдер арасында әлемдегі алғашқы ондыққа кіреді. Қазір 90 мыңнан астам жас қазақстандық басқа елдерде оқып жүр. Бұл – жай статистика емес. Бұл – амбициясы бар, ағылшын тілін еркін меңгерген, болашағы зор мыңдаған жас. Олардың басым бөлігі – АҚШ (шамамен 66%) пен Ұлыбританияны (шамамен 20%) таңдаған.

Ең көп сұранысқа ие мамандықтар: экономика және бизнес (30%), инженерия (24%) және ақпараттық технологиялар (22%). Сонымен қатар, медицина, нейроғылым, химия, биология, блокчейн, архитектура және тұрақты даму салаларына да қызығушылық жоғары. Яғни, бұл жастар Қазақстанға қажетті мамандықтарды игеріп жатыр.

🗞️Толығырақ Ұлыстан оқи отырыңыздар

📱Ұлысқа жазылыңыз

«Дипломмен ауылға» бағдарламасы бойынша ипотеканың пайызы өсетін болды

Мән-жай

18 тамыздан бастап ауылға баратын мамандарға берілетін ипотекалық бағдарламаның ережесі өзгереді. Ұлттық экономика министрлігі «Дипломмен ауылға» бағдарламасы бойынша бюджеттік несиенің пайыздық мөлшерлемесін көтеру туралы құжатқа өзгерістер енгізді. Тиісті бұйрыққа ведомсто басшысы Серік Жұмғанғарин қол қойды.

Негізгі өзгерістер:

- несие мерзімі – 15 жылға дейін, бірақ сыйақы мөлшерлемесі бұрынғы 0,01%-дың орнына енді 1% жылдық болады;

- қоныс аударатын аймақта несие алушының, оның жұбайының және балаларының атында тұрғын үй болмауы тиіс.

🗞️Толығырақ Ұлыстан оқи отырыңыздар

📱Ұлысқа жазылыңыз

🇰🇬Қырғызстан президенті қырғыз тілінің қолдану аясын кеңейтетін заңға қол қойды

Қырғызстан президенті Садыр Жапаров қырғыз тілін ресми құжаттарда, жарнамалық материалдарда, карталарда,мемлекеттік және жеке меншік мекемелерде қолдануды күшейтетін заңға қол қойды.

Мән-жай

 — Енді барлық ресми процестер құқық қорғау органдары мен ұлттық қауіпсіздік жұмысынан бастап нотариаттық іс-қимылдар мен банктік қызмет көрсетуге дейін мемлекеттік тілді қолдану арқылы жүзеге асырылуы тиіс. Сонымен қатар, заң қырғыз тілін көші-қон, теледидар және радиохабар тарату салаларында, сондай-ақ сайлау рәсімдерінде қолдануға қойылатын талаптарды күшейтеді, – делінген хабарламада.

Контекст

Маусым айында Қырғызстан парламенті депутаттарды, министрлерді, судьяларды, прокурорларды және басқа да бірқатар лауазымды тұлғаларды қырғыз тілін білуді міндеттейтін түзетулерді мақұлдаған.

🗞️Толығырақ Ұлыстан оқи отырыңыздар

📱Ұлысқа жазылыңыз

Биньямин Нетаньяху Газа секторына жаңа шабуыл жасалатынын ескертті

Мән-жай

Израиль премьер-министрі Биньямин Нетаньяхудың сөзінше, бұл жолғы шабуыл тұтқындағы Израиль азаматтарын құтқарып, ХАМАС тобын толықтай жеңуге бағытталған. Жаңа шабуыл ХАМАС-тың екі негізгі күштік тірегіне бағытталады.
Нетаньяху шабуылдың нақты қай уақытта басталатынын айтпады. Бірақ операцияны қысқа уақытта аяқтау жоспарланғанын мәлімдеді.

«Бірінші кезекте біз Газаның бейбіт халқы шығып кетуі үшін қауіпсіз аймақ құрамыз. Біз шекарамызда қауіпсіз аймақ болғанын қалаймыз. Газада қалғымыз келіп отырған жоқ», – деді ол.

Әуе шабуылы

Жексенбіде Израиль Газаны әуе бомбасымен атқылады. Кем дегенде бес адам қаза болды. Жергілікті БАҚ таратқан ақпаратқа қарағанда зымырандардың бірі аурухана алдындағы журналистер шатырына түскен. Аурухана бас дәрігері Мухаммад Абу Салами «Әл-Джазира» телеарнасына берген сұхбатында жеті адамның көз жұмғанын айтты. Телеарна баспасөз қызметі бес қызметкерінің қаза болғанын мәлімдеді. Оның ішінде екі Анас ас-Шариф пен Мухаммед Крейк есімді екі журналист бар.

🗞️Толығырақ Ұлыстан оқи отырыңыздар

📱Ұлысқа жазылыңыз

"Қылмыс құрамы жоқ": Перизат Қайраттың адвокаты апелляциялық шағым түсірді

Астанада 10 жылға сотталған атышулы «Biz Birgemiz Qazaqstan 2030» қайырымдылық қорының бұрынғы жетекшісі Перизат Қайраттың адвокаты бірінші инстанциядағы сот үкіміне қатысты апелляциялық шағым түсірді.

Мән-жай

– Олардың іс-әрекетінде қылмыстық құрам болмағандықтан, апелляциялық шағымда сот үкімін бұзып, оларды босатуды сұраймын, – деді Перизат Қайраттың адвокаты Асланбек Дәлетяров.

Контекст

Шілдеде Астананың қылмыстық істер жөніндегі мамандандырылған ауданаралық сотын Перизат Қайратты 3,5 миллиард теңгені жымқырды деген айыппен кінәлі деп танылып, 10 жылға, анасы Ғайни Алашбаеваны 7 жылға бас бостандығынан айырған болатын. Оларға «аса ірі көлемдегі алаяқтық» және «қылмыстық жолмен табылған ақшаны заңдастыру» баптары бойынша айып тағылған.

Сонымен қатар, сот Қайратты «Шапағат» мемлекеттік наградасынан айырып, оған 10 жыл бойы қоғамдық және қайырымдылық қызметпен айналысуға тыйым салған.

🗞️Толығырақ Ұлыстан оқи отырыңыздар

📱Ұлысқа жазылыңыз

«ҚазМұнайГаз» маңызды жобаны жүзеге асыра алмады. Жауапты кім?

2025 жылдан бастап Қазақстан қыстық дизель отынын өзі шығарып, импорттан толықтай бас тартуы тиіс болған. Бұл стратегиялық мақсатқа қомақты қаржы да бөлінді, алайда жобаның іске қосылуы 2026 жылға шегерілді. Оның өзінде «ҚазМұнайГаз» оны мерзімінде аяқтай ма, жоқ па белгісіз. Ulysmedia.kz осы жобаның неге сәтсіздікке ұшырағанын, неге ел ішінде бұл мәселеге ешкім назар аудармағанын және не себепті жауапты тұлғалар жазаланбағанын, не себепті тұтынушылар тағы да Ресейден келетін жанармайды күтуге мәжбүр болатынын зерттеп көрді.

«Шаруашылық» көзқарас

Сапалы қысқы дизель отыны – әсіресе Қазақстанның солтүстік өңірлері үшін аса өзекті мәселе. Үкімет оны өзімізде шығарудың орнына, Ресейден импорттауды жөн санаған. 2018 жылы сол кездегі энергетика министрі Қанат Бозымбаев қысқы дизель отынын өндіру тиімсіз деген көзқарасын былай деп түсіндірген еді:

«Қазақстанда қысқы дизель отыны көбіне желтоқсанның ортасында, қаңтарда қажет болады, кейін сұраныс төмендейді. Сондықтан ондай отынды шығаратын зауытты салып, оны жыл бойы пайдаланбау бұл шаруашылыққа сай келмейді», – деген Бозымбаев.

Алайда 2020 жылдан кейін әлемдік экономикалық дағдарыс, ұлттық валютаның құнсыздануы және бюджет тапшылығы жағдайында үкіметтің бұл ұстанымы қайта қаралды. 2022 жылы Атырау МӨЗ жоспарлы жөндеуге жабылғанда, бұл мәселе өте қатты сезілді. Қостанай облысында қысқы дизельдің бағасы 330 теңгеден 610 теңгеге дейін бірақ шарықтады.

🗞️Толығырақ Ұлыстан оқи отырыңыздар

📱Ұлысқа жазылыңыз

Израиль шабулынан «Әл-Жазира» арнасының журналистері қаза болды

Көз жұмғандар қатарында телеарна тілшілері Анас аш-Шариф пен Мұхаммед Крейке, сондай-ақ операторлар Ибрахим Сахер, Мұхаммед Нуфал және Моамен Алива бар.

Мән-жай

Израиль «Анас ас-Шариф ХАМАС топтарының бірінің көшбасшысы болды. Израиль аумағын зымыранмен атқылауға жауап берді. Оған қатысты Газада құжат табылды» деп мәлімдеді. Бірақ құқық қорғаушылар ол қақтығыс ошағынан репортаждар жасағаны үшін өлтірілді деп мәлімдеді.

📍«Әл-Жазира» реакциясы

«Әл-Жазира» Израиль палестиналық журналистерді ХАМАС-қа қатысы бар деп үнемі айыптайды деп мәлімдеді. Телеарна 2023 жылдан бері Израиль шабуылынан 200-ге жуық журналист көз жұмғанын хабарлады. Олардың қатарында «Әл-Жазираның» да бірнеше тілшісі бар.

📍Халықаралық ұйым алаңдаушылығы

Шілдеде «Журналистерді қорғау комитеті» Анас аш-Шарифтің қауіпсіздігіне алаңдаушылық білдірген. Ұйым оның «Израиль әскери күштерінің жала жабу науқанының нысанасына айналғанын» хабарлаған.

🗞️Толығырақ Ұлыстан оқи отырыңыздар

📱Ұлысқа жазылыңыз

Трамп Путин мен Зеленскийді келіссөзге келуге мәжбүрлейтін болады – Вэнс

Бұл жөнінде АҚШ вице-президенті Джей Ди Вэнс мәлімдеді.

Мән-жай

Fox News телеарнасына берген сұхбатында Джей Ди Вэнс Украина мен Ресей арасындағы соғыс туралы айтты. Оның сөзінше, бейбіт келісімге келу мәселесінде АҚШ президенті Дональд Трамп шешуші рөл атқаруы тиіс. Трамп Владимир Зленский мен Владимир Путинді көліссөзге келуге мәжбүрлейді.

«Біз диалогты ашық қалдырамыз, бірақ президент Трамп Путин мен Зеленскийді келіспеушіліктерді шешу үшін келіссөздер үстеліне отыруға мәжбүрлеуі керек», – деді ол.

Вэнс келіссөз шарттары екі тарапқа да ұнамауы мүмкін екенін растады. Ол бұған дейін Путиннің Зеленскиймен кездесуден бастартқанын, бірақ Трамп оны көндіргенін айтты. Сөзінше, Вашингтон үш жақтық кездесудің жоспарын әзірлеп жатыр.

Вэнс АҚШ Украинадағы қаржылай қолдау көрсетуін тоқтатуы керектігін айтты. Ол Украинадағы соғыс Еуропаның артқы ауласында болып жатқан қақтығыс деп атады.

🗞️Толығырақ Ұлыстан оқи отырыңыздар

📱Ұлысқа жазылыңыз

Түркияда жер сілкінісінен тұтас аудан қирап қалды

Мән-жай

Түркияның Балыкесир провинциясындағы Сындыргы қаласында жер сілкінісінен тұтас бір аудан қирап қалған.
Қала мэрі Серкан Сактың сөзінше, 10 ғимарат қираған, құтқарушылар төрт адамды үйінді астынан құтқарып алған. Бір адам қаза тапқан. Түркия ішкі істер министрі Әли Ерлікая қаза тапқан 81 жастағы адам екенін растады.

Контекст

Жер сілкінісі салдарынан аймақтағы кейбір ауылдар байланыссыз қалған. 10 тамызда Түркияның батысында 6,1 баллдық жер сілкінісі болған. Аймақта 20 афтершок тіркелген.

🗞️Толығырақ Ұлыстан оқи отырыңыздар

📱Ұлысқа жазылыңыз

🇺🇦 Зеленский Трамптың Украина мен Ресей аумағын алмастыруды көздейтін «бейбітшілік формуласын» сынады

Украина президенті Владимир Зеленский АҚШ президенті Дональд Трамп ұсынған, Украина мен Ресей арасында аумақтармен алмасуды қарастыратын «бейбітшілік формуласына» сын айтты.

«Біз Ресей ұстанымында өзгеріс көріп отырған жоқпыз. Олар әлі де адам өлтіруді тоқтатқысы келмейді, соғысқа қаржы құюды жалғастыруда және украин жерін украин жеріне «айырбастауды» ұсынып отыр. Бұл тек Ресейге соғысты қайта жалғастыруға ыңғайлы позиция береді.

Біздің барлық қадамымыз соғысты нақты аяқтауға жақындатуы керек, ал серіктестермен бірге қабылдайтын шешімдер жалпы қауіпсіздікке жұмыс істеуі тиіс», – деді Зеленский.

📱Ұлысқа жазылыңыз

АҚШ-тан Орталық Азия тұрғындары депортацияланды

ТОЛЫҒЫРАҚ

АҚШ-тан арнайы рейспен Қырғызстанның 25 азаматы депортацияланды. Бұл туралы елдің сыртқы істер министрлігі хабарлады. Олардың АҚШ заңдарын бұзғаны анықталған.

— Депортация тәртібіне байланысты мұндай азаматтарға АҚШ-қа кіруге 5, 10, 15 жылға немесе өмір бойына тыйым салынуы мүмкін. Америкаға заңсыз қайта кіруге талпыныс қылмыстық жауапкершілікке әкеледі, — деп мәлімдеді ведомство.

Қырғызстан СІМ-і АҚШ аумағында заңды негізсіз жүрген азаматтарға ауыр зардаптарға ұшырамау үшін өз еркімен елден кету мүмкіндігін қарастыруды ұсынады.

🗞️Толығырақ Ұлыстан оқи отырыңыздар

📱Ұлысқа жазылыңыз

Декларацияны кімдер тапсыруға міндетті болады

Мемлекеттік кірістер комитетінің жеке тұлғалардың кірістерін әкімшілендіру басқармасының басшысы Дина Құсаинованың айтуынша, белгілі бір сомаға мүлік сатып алу декларация тапсыру міндетін тудырады. Бұл сома – 78 млн теңге.

— Егер жыл ішінде пәтер сатып алып, кейін оны қымбатырақ бағаға сатып жіберсеңіз бұл мүліктік табыс болып саналады және ол бойынша салықты өзіңіз төлеуге тиіссіз. Бұл бұрыннан бар, қолданыстағы норма. Ал біз айтып отырған жаңашылдық мынадай: жыл ішінде құны 20 000 АЕК-тен (шамамен 78 млн теңге) асатын мүлік сатып алатын тұлғалар да кірістер мен мүлік туралы декларация тапсыруға міндетті болады. Қандай мүлік туралы сөз болып отыр? Бұл жылжымайтын мүлік, механикалық көлік құралдары, жарғылық капиталдағы үлес. Мысалы, егер сіз өткен жылы пәтер, көлік сатып алсаңыз және олардың жалпы құны 20 000 АЕК-тен асып кетсе, онда сіз міндетті түрде декларация тапсырып, сол мүлікті сатып алу көздерін көрсетуіңіз керек, — деп түсіндірді Дина Құсаинова.

🗞️Толығырақ Ұлыстан оқи отырыңыздар

📱Ұлысқа жазылыңыз

"Росатом" Қазақстанда АЭС салатын орынды әлі таңдамаған

ТОЛЫҒЫРАҚ

Қазақстандағы алғашқы АЭС құрылысының символдық түрде басталғанына қарамастан, "Росатом" оның нақты қай жерде бой көтеретінін әлі анықтамаған. Қазір үш ықтимал орын қарастырылып отыр. Ал жобаны қаржыландыру схемасы белгілі: Қазақстанға қажет 15–16 млрд долларды Ресей қарыз түрінде береді.

— Қазіргі таңда құрылыс алаңы ретінде Алматы облысының Жамбыл ауданы белгіленді. Сол аумақта үш ықтимал орын таңдалып, әрқайсысында тиісті инженерлік зерттеулер жүргізіледі, — деді Қазақстан Атом энергиясы агенттігі төрағасының орынбасары Әсет Махамбетов RTVI-ға берген сұхбатында.

КОНТЕКСТ

8 тамызда Алматы облысында Қазақстандағы алғашқы атом электр станциясының құрылыс жобасын бастауға арналған салтанатты рәсім өтті.

🗞️Толығырақ Ұлыстан оқи отырыңыздар

📱Ұлысқа жазылыңыз

Тоқаев Зеленскиймен телефон арқылы сөйлесті

Украина тарапының бастамасымен президент Қасым-Жомарт Тоқаев пен президент Владимир Зеленский телефон арқылы сөйлесті.

ТОЛЫҒЫРАҚ

 Қасым-Жомарт Тоқаев қазақ халқының украин халқына, оның тарихына, мәдениетіне және тіліне ерекше құрметпен қарайтынын атап өтті.

Президент Қазақстанның Украинада халықаралық құқық қағидаттары негізінде бейбітшілік орнауына сөзсіз мүдделі екенін жеткізді. 

- Атап айтқанда, президент Астананың әуел бастан әділдік негізінде бейбітшілік формуласын бірлесе іздеуді жақтағанын, БҰҰ Жарғысын, мемлекеттердің егемендігі мен аумақтық тұтастығына қолсұқпаушылық қағидатын сақтау туралы жүйелі түрде пікір білдіргенін еске салды. 

Қасым-Жомарт Тоқаевтың пікірінше, қазіргідей өте күрделі жағдайда Украина мемлекеттілігін сақтау мен қорғауды қамтамасыз ете отырып, қақтығысты байыпты түрде шешу маңызды. 
Мемлекет басшысы тараптар «Жанжалдан, жаман болса да бітім артық» деген көнеден келе жатқан даналыққа сай әрекет етуге тиіс деп санайды. 

Қазақстан президенті территориялық түйткілдің күрделі екенін түсінетінін айтты. Бұл – халықаралық қатынастардағы ең қиын мәселе. Көбіне бейбітшілік туралы келісімге қол жеткізу, тіпті бітімге келу жолында еңсерілуі қиын кедергіге айналады. Бірақ қазіргі ең басты міндет – қауіпсіздігіне халықаралық кепілдік беру арқылы Украина елінің мемлекеттілігін сақтау.

Сонымен қатар Қасым-Жомарт Тоқаев Қазақстан Украинамен өзара мүддеге сай келетін түрлі салада белсенді ынтымақтастық құруға ниетті екенін атап өтті.

🗞️Толығырақ Ұлыстан оқи отырыңыздар

📱Ұлысқа жазылыңыз

Келісімнен кейін не өзгереді? Сәтбаев Әзербайжан–Армения мәмілесін талдады

Қазақстандық саясаттанушы Досым Сәтбаев Әзербайжан мен Армения арасындағы бейбіт декларацияға қол қойылуына қатысты пікір білдірді.

ТОЛЫҒЫРАҚ

Саясаттанушының сөзінше, Вашингтонда екі ел арасында бейбіт қатынастар жөніндегі декларацияға қол қойылды, бірақ әзірге бұл толыққанды бейбіт келісім емес. Оның жобасы биылғы наурыз айынан бері пысықталып келеді. Қалай болғанда да, сарапшы атап өткендей, бұл – өңірдегі жағдайды бәсеңдетуге бағытталған үлкен қадам.

ТҮРКИЯНЫҢ РӨЛІ

Сәтбаевтың айтуынша, Баку мен Ереван арасында делдал болуға айтарлықтай күш салған – Анкара. Мәселен, биыл маусымда Түркияға Режеп Тайып Ердоғанның шақыруымен Никол Пашинян сапар шеккен. Ердоған Армения мен Әзербайжан арасындағы бейбіт келісімге қол қоюды белсенді қолдады. Одан кейін Әзербайжан мен Армения басшыларының Абу-Дабидегі тарихи кездесуі өтті.

– Яғни Вашингтонға сапар алдында Әзербайжан, Армения және Түркия бейбіт келісімге жақындау үшін ауқымды дайындық жұмысын жүргізді, – деді ол.

🗞️Толығырақ Ұлыстан оқи отырыңыздар

📱Ұлысқа жазылыңыз

Қазақстанда Абай есімді 10 әйел бар

Ұлттық статистика бюросы Қазақстанда Абай есімді қанша адам бар екені туралы мәліметті жариялады.

ТОЛЫҒЫРАҚ

Бюро мәліметінше, елде Абай есімді 18 763 адам тұрады. Олардың ең көбі Астанада – 2 089, Түркістан облысында – 2 018 және Алматыда – 1 719 адам. Ең жасы үлкен Абай 1932 жылы туған, ал ең көп тараған жас тобы –  30-34 жас аралығы (3 228 адам). 2025 жылдың алғашқы жартысында жаңа туған 157 сәбиге Абай есімі берілген. Бір қызығы, Қазақстанда Абай есімді 10 әйел де тіркелген.

Ибраһим есімін (оның ішінде Ибрагим және Ибрахим нұсқалары) 35 404 адам иеленген. Сондай-ақ, ел аумағында бір облыс, бір қала, үш аудан және 26 ауыл Абай есімімен аталады.

🗞️Толығырақ Ұлыстан оқи отырыңыздар

📱Ұлысқа жазылыңыз

Израильде соғысқа қарсы ауқымды наразылық акциялары өтіп жатыр

Акцияға 100 мыңнан астам адам қатысып, қақтығысты тоқтатуды және Газа секторындағы тұтқындарды босатуды талап етті.

МӘН-ЖАЙ

Сенбі күні кешке Тель-Авив көшелеріне ондаған мың адам шығып, Израиль премьер-министрі Биньямин Нетаньяхуның Газа секторындағы соғысты күшейту туралы шешіміне қарсы пікірін білдірді. Бұған дейін премьердің кеңсесі әскери-саяси кабинет Газа қаласын басып алу және қираған палестиналық анклавтағы ұрыс қимылдарын кеңейту жоспарын мақұлдағанын хабарлаған еді. Бұл шешім ел ішінде де, шетелде де қатты сынға ұшырады. Әскерилер “операция” тұтқындардың өміріне қауіп төндіруі мүмкін екенін ескертті.

“СОҒЫСҚА ЖОЛ ЖОҚ”

Ұйымдастырушылардың мәліметінше, митингіге 100 мыңнан астам адам жиналған. Қатысушылар соғыс қимылдарын дереу тоқтатуды және тұтқындарды қайтаруды талап етті.

– Бұл жай ғана әскери шешім емес. Мұның кесірінен біз үшін ең қымбат жандардың өмірі қиылуы мүмкін, – деді тұтқында отырған Омри Миранның жұбайы Лишай Миран Лави.

Ол Дональд Трампқа соғысты тоқтатуға араласу жөнінде үндеу жасады.

🗞️Толығырақ Ұлыстан оқи отырыңыздар

📱Ұлысқа жазылыңыз