‼️Диққат‼️Қидирилмоқда‼️

Бирон нарса қанчалар ноёб бўлса, шунчалик қимматбаҳо бўлиши аниқ. Бугунги кунда энг ноёб нарса эса АМАЛдир.
Эй уммати Муҳаммад! Илмга амал қилиш оз-оздан йўқотилаверди-ки, то қолмагунича сезмай ҳам қолдик.
Ахир бутун эътиборимизни илм олишга қаратиб, амал ҳирмони назаримиздан четда қолди! Уни қўриқлашни унутиб қўйибмиз. Куйиб қолдик-ку!
"Илм олиш игна билан қудуқ қазиш кабидир" деб қўлимизда игна билан ҳеч вақосиз қолдик! Ахир огоҳлантирилган эдик!
Эй Аллоҳнинг бандалари!
Аллоҳнинг Китоби, Росулуллоҳ ﷺнинг суннатдари, уммат салафининг осорлари, ҳаммаси билимга амал қилмасликни қоралаш билан тўлиб-тошган эдику!
📕Булардан бири – Аллоҳ таолонинг билимларига амал қилишдан воз кечган яҳудийлар ҳақида айтган сўзидир:

«Таврот юкланган — берилган, сўнгра уни кўтара олмаган (яъни унинг кўрсатмаларига амал қилмаган) кимсалар (яҳудийлар)нинг мисоли худди китобларни кўтариб кетаётган эшакка ўхшайди (яъни, унинг вазминлигидан чарчаб-толадилар-у, аммо у Китобнинг ичидаги нарсалардан фойдаланмайдилар). Аллоҳнинг оятларини ёлғон деган қавмнинг мисоли нақадар ёмондир. Аллоҳ бундай золим қавмни ҳидоят қилмас!» (Жумъа: 5).

Билимига амал қилмаган одамнинг насибаси – эшакнинг устига оғирлик солган китоблардан олган насибаси кабидир.
📖Ибн Қоййим (роҳимаҳуллоҳ) ушбу оят ҳақида шундай дедилар: «Бу мисол яҳудийлар учун келтирилган бўлса-да, маъно нуқтаи назаридан, Қуръон юкини олган бўлсада унга амал қилмаган, унинг ҳаққини бермаган ва етарлича риоя қилмаган одамларни ҳам ўз ичига олади».
📖Билимга амал қилмасликни қоралаш ҳақида Аллоҳ таолонинг ушбу оятлари ҳам келган:

«Эй мўминлар, сизлар нега ўзларингиз қилмайдиган нарсани (қиламиз деб) айтаяпсизлар?! Сизларнинг ўзларингиз қилмайдиган ишни (қиламиз, деб) айтишларингиз Аллоҳ наздида ўта манфур (ишдир)» (Соф: 2, 3).

Бунинг маъноси шуки, Аллоҳ таоло амалларнинг сўзларга зид бўлишини ёқтирмайди. Аллоҳ субҳанаҳу ва таоло билимга амал қилмасликни қаттиқ жазолар билан жазолашни ваъда қилди.
📖Усома ибн Зайд разияллоҳу анҳудан ривоят қилинади: «Мен Расулуллоҳ соллаллоҳу алайҳи ва салламнинг шундай деганларини эшитганман:

«Қиёмат куни бир одамни олиб келиниб, жаҳаннамга отилади. Ичаклари чиқиб, эшак тегирмон атрофида айланганидек, унинг атрофида айлана бошлайди. Жаҳаннамдагилар унинг олдида тўпланиб: «Фалончи, сенга нима бўлди? Ахир сен яхшиликка буюриб, ёмонликдан қайтармасмидинг?» – деб сўрашганида: «Мен сизларни яхшиликка буюрар, бироқ, ўзим қилмас эдим. Сизларни ёмонликдан қайтарар, бироқ, ўзим қайтмас эдим», – деб жавоб беради» (Бухорий, Муслим)

☄️Қандай ҳам даҳшатли ҳолат! У ҳолатда сирлар ошкор, хабарлар аниқ, бандалар яширган нарсалар ошкора бўлади. У кунда сирлар очилади.
🖋Қалбини эзгулик ва яхшилик билан қоплаган кимса Саховатпеша, Меҳрибон ва Раҳмли Зотнинг розилигига эришса,❗️қалбини фисқ, осийлик ва куфр билан қоплаган кимсани Билимдон, Хабардор ва Ғолиб Зот расво қилади!
Огоҳ бўлиш вақти етмадими⁉️
Кеч бўлмасдан йўқотганимиз- АМАЛни ўз ўрнига қўяйлик, шайтон бизни амалдан сустлаштирмасин, дуоларимизда Аллоҳдан тавфиқ сўрайлик.

🌙Эртага душанба!

Абу Ҳурайра розияллоҳу анҳудан ривоят қилинади: Расулуллоҳ соллаллоҳу алайҳи ва саллам дедилар: «Амаллар ҳар душанба, пайшанба кунлари (Аллоҳга) кўрсатилади. Менинг амалим рўзадор бўлган ҳолимда кўрсатилишини истайман» (Имом Термизий ривояти).

💕Агар қодир бўлсангиз рўзадорлар карвонига қўшилинг! Агар қодир бўлолмасангиз, бошқа диндошларингизга эслатинг. Билмайсизки, сизнинг эслатишингиз сабабли қанчалар рўза тутаркин! Сиз сабабли рўза тутган киши баробарида сизга ҳам савоб ёзилади.

Азизларингизга улашишни унутманг!

✅ Qur’on va hadis

Эй инсонлар, сизларга нима бўлаяпти-ки, Аллоҳнинг шариати номидан қўрқмай эртак айтасизлар?

Аллоҳ азза ва жалла Зумар сурасининг 60- оятида шундай деган:

‏ وَيَوْمَ الْقِيَامَةِ تَرَى الَّذِينَ كَذَبُوا عَلَى اللهِ وُجُوهُهُم مُّسْوَدَّةٌ  أَلَيْسَ فِي جَهَنَّمَ مَثْوًى لِّلْمُتَكَبِّرِينَ ‎﴿٦٠﴾

60. Қиёмат куни сиз Роббиларини нолойиқ сифатлар билан сифатлаган Аллоҳнинг шаъриати номидан ёлғон гапирган кимсаларни юзлари қорайган ҳолда кўрасиз. Аллоҳга кибру ҳаво қилган, Унинг тавҳиди ва тоат-ибодатидан бош тортган кимсанинг жойи жаҳаннамда эмасми?! Албатта, шундай.

Пайғамбар алайҳиссаломга👑 ёлғон гапириш – катта гуноҳдир ва қаттиқ инкор қилинган, мункар бир гуноҳдир. Чунки у зот соллаллоҳу алайҳи васаллам дедилар:

“Менга ёлғон нисбат бериш, бошқа инсонларга ёлғон нисбат беришдек эмас. Ким менга қасддан ёлғон тўқиб айтса, ўз жойини дўзахдан тайёрласин.”
(Имом Бухорий ривояти, 1229-сон ҳадис. Имом Муслим ҳам ривоят қилган, фақат аввалги жумласисиз: “Менга ёлғон…”)

Яна бир ҳадисда:
“Менга ёлғон айтманглар! Чунки ким менга ёлғон тўқиса, дўзахга киради.”
(Бухорий ривояти, 106).

Яна бошқа ҳадисда:

“Ким мендан ривоят қилса-ю, у гап ёлғон деб гумон қилинса, у икки ёлғончилардан бири ҳисобланади.”
(Муслим, 1-сон).

⸻

Баъзи уламолар шу қадар қаттиқ оғир деб билган-ки, пайғамбар алайҳиссаломга қасддан ёлғон тўқиш куфрга тенг, дейишган.

Росулуллоҳ👑нинг Фотима қизлари ҳаётларида бир марта оталаридан хизматкор сўраганлар, шунда ҳам оталари сизга унданда яхшироқ нарса бераман, деб ҳар уйқуга кетишдан аввал 33 мартадан
🌴Субҳаналлоҳ
🌴Алҳамдулиллаҳ
🌴Аллоҳу Акбар дейишни ўргатиб, мана шу сизларга хизматкордан фойдалироқ, деганлар.
🚫Отасининг қўлида бўлган хизматкорни ололмаган Фотима,
Аллоҳнинг қўлидаги нарсага қандай журъат этиб Жаннатга розимасман, деб Аллоҳга қандай шарт қўйиши мумкин, эй инсонлар, ёлғончиликда ҳаддинглардан ошманглар! !!
❌Фотима👍 онамиз ҳам деб гапирилмайди- чунки Росулуллоҳнинг аёлларигина мўъминларни онасидир, деган Аллоҳ оятда, қизлари эмас!

Хулосани ўзингиз қилинг:
Расулуллоҳ👑 нинг номларини тилга олаётганда, қалбда уларга бўлган эҳтиром, муҳаббатда ғулу кетиб амрларига хилоф қилиб бўйинсунишдан чиқиб кетманглар.

❌Ёлғон ривоят қилиш фақат тил билан эмас, балки ижтимоий тармоқларда нотўғри маълумот тарқатиш орқали ҳам бўлади.

وَلَا تَقُولُوا لِمَا تَصِفُ أَلْسِنَتُكُمُ الْكَذِبَ هَٰذَا حَلَالٌ وَهَٰذَا حَرَامٌ لِّتَفْتَرُوا عَلَى اللهِ الْكَذِبَ  إِنَّ الَّذِينَ يَفْتَرُونَ عَلَى اللهِ الْكَذِبَ لَا يُفْلِحُونَ ‎﴿١١٦﴾

-"Эй одамлар, турли нарсаларни ҳалол қилиш ва ҳаром қилиш нисбатини Аллоҳга бериб, Унинг номидан уйдирма тўқиш учун тилингизга келган ёлғонни айтиб, Аллоҳ ҳаром қилган нарсани “Бу ҳалол” деб, Аллоҳ ҳалол қилган нарсани “Бу ҳаром”, деб айтаверманглар.
Шубҳасиз, Аллоҳ номидан уйдирма тўқийдиган кимсалар дунёда ҳам, охиратда ҳам яхшиликка эришмаслар".

Аллоҳим, бизга ҳақни ҲАҚЛИГИНИ кўрсатиб, унга эргаштир!
Ботилни БОТИЛЛИГИНИ билдириб, ундан четлаштир!

https://t.me/Quron_vahadis

Бечора ҳақни тушунгач жуда қийналади: ихлосни топа олмай икки хиллигича қолади.
Айниқса иккиюзламачи оналар ўзини бошига бало етказгани етмагандай боласини ҳам ҳудди ўзидай “хўжакўрсин” қолипида тарбия қилиб қўяди.
Онаси ғийбатчи бўлса ғийбатчи бўлади, онаси отасини алдаб юрса у ҳам жуфтини алдашни “эпчиллик” деб билувчи, онаси чақимчи бўлса у ҳам одамларни орасини чақимчилик гулханида ёқиб юборувчи бир жосуссифат инсон бўлиб, доимо борган жойида зараркунда бўлиб ўтиб кетади.
Фарзандингизни одамлардан эмас, Аллоҳдан қўрқадиган қилиб тарбия қилинг, намозни сиз учун ўқимасин, мен ажр ёзолмайман болам деб айтинг, ўғил-қизлар хонасига кириб эшикларини беркитгандан кейин Аллоҳнинг кўзидан беркиндим, деб ўзларини алдамасин.
Кўчада чиройли, иболи кўринган муслималарни хонасидагина гаплашадиган йигитлари бўлмасин.
Улар қўлингиздаги амонат, бировни уйига таъзим қилиб, сипогина бўлиб кириб олиб, сўнг олов қўйиб ёқиб юбормасин.
Ўғлингиз бенамоз бетавфиқ бўлса бошқанинг намозхон қизини олиб битта “аждарҳони” иккитага кўпайтириб қўйманг.
Куйиб-куйиб ўлиб кетишни ва ўлимдан сўнг ундан-да кўп ёнишни
истамасангиз туғилганидан Аллоҳнинг муҳаббатини қалбига солинг.
Аллоҳ сени ёндиради, деб эмас, Аллоҳ сени Жаннатига киритади, деб яхши гапириб, баъзида қаттиқ туриб, доимо, ҳар намозда дуо қилиб тарбияланг.
Билинг, сиз ҳатто ўзингизни ҳидоят қила олмайсиз.
Ўзингизга, фарзандингизга, жуфтингизга пул, обрў, мансаб сўрашдан аввал Аллохдан рушди-ҳидоят сўранг. Ҳидоят берилса яхши тарбиянгизга ажр оласиз, бўлмаса ёмонлигига шерик бўлиб қоласиз.

Ҳаётда ота-оналаримиз бизга жуда кўп яхшиликлар ўргатишади, лекин уларни яхшилик эканлигини кўпинча кеч тушунамиз.
Биз малолланиб эшитаётган панд-насиҳатлар бир куни нажот эканлигини қаерданам билар эдик.
Ҳар бир ота-она ўз фарзандига яхшилик тилайди, ҳар бир ота ўзидан омадли ва энг бахтли инсон бўлишни фақат ўз фарзандига тилайди.
Лекин ота-она болага ўз тушунчаси нимани яхши деб билса ўшанигина бера олади.
Масалан, раҳбар ота ўз ўғлини доимо раҳбар бўлишга тайёрлайди, савдогар ота боласини энг катта савдогар бўлишини истайди, заргар ўзидан-да моҳир заргар қилишга интилади, баъзи оналар қизини озода, пазанда уй бекаси бўлишини истаса, баъзи оналар қизим каръера яратиши керак, у фақат оиласи билан ўралашиб ўтишини истамайман,- дейди.
Фақат Аллоҳни таниган охиратга имони бор ота-онагина фарзандига нафақат дунёвий, балки ухровий бахтни ҳам сирини ўргатиб тарбия қилади.
Ҳар бир ота-она ўз мақсадлари сари интиладилар.
Ёш болалигидан кўпинча фарзандимизга "Уни қилсанг уят бўлади, буни қилсанг одамлар кулади, бу болани ақли йўқ дейишади, ундай қилма", деб уқтирилади.
Мана шу тарбия билан ота-она болага риёни сингдириб ташлайди.
"Одамлар олдида ундай қилма, меҳмон келганда одобли бўлгин, меҳмон кетганда истаганингни қиласан, бизни уялтириб қўйма", деб уқтирилади. Лекин бу сифатларни фарзандларга "Уят, одамлар нима дейди", деб эмас, бу иш ХАТО,
Аллоҳ буни хато деган, Росулинг хато деганлар, демак, чиройли иш бўлмас экан деб уқтириш керак бўлади.
Шундагина ота-она ажр олади, шундагина боланинг қалбига энг тўғри тарбия- Аллоҳнинг муроқабасини ўрнатган бўлади.
Юқоридаги қиссадаги ота жуда бой бўлишига қарамай, болаларининг кўзида арзимас кўринган нарсаларни уларга:
- Болам, буларнинг ҳаммаси Аллоҳнинг бизга берган неъматлари, уни тежаб ишлатилмаса жавобгар бўламиз,- дер эди.
Биз ҳам доимо боламизга "Чироқни ўчир, сувни ўчир", деймиз. Лекин чироқ пул ёзмасин, пулимиз чироққа, сувга кетмасин, деймиз. Аллоҳ исроф қилманглар, деб буюрган, охиратда исрофни жавоби бор, деб қилмаймиз. Натижада фарзанд ўз уйида пул кетмаслиги учун буюмларини, жиҳозларини, чироқ-газларини эҳтиёт қиладиган бўлади, лекин у бошқа бир инсоннинг пулини тежашни, ўзганинг буюмини ўзиникидай авайлашни ҳаёлига ҳам келтирмайди. Мактабида крандан сув оқиб ётса, ёки кундузи чироқлар ёниқ турса қарайди деб ўйлайсизми?
Шундай тарбия олганмиз-ки, ҳатто инсонлар ишхоналарида бўлганда
ёки бошқа шаҳарларга борганда меҳмонхоналардаги сувни исроф қилиб, чироқ, буюмларни истаганча аямай ишлатадилар, синдириб ёки бузиб қўйсалар парво ҳам қилмайдилар, негаки ўзиники эмас.
Шариат эса инсонларни ҳар бир жойда бир хил тарбия-ахлоққа чақирган.
Аллоҳни таниган инсон ёш бўладими ёки каттами у ҳар жойда Роббисини кўриб турганини билиб ундан ажр-савоб умидида яшайди.
Аллоҳнинг қонунларини таниб улғайган фарзанд ёлғончи-худбин, маккор, ўз фойдаси учун бошқани қулатиб кетувчи бўлмайди.
Одамлар кўрганда яхши бўлиб,
одамлар йўқ жойда билган ёмонлигини беркитиб қилувчи, камералар бор жойда ҳалол инсон, камера қўйилмаган жойда ҳаромдан қайтмайдиган сунъий бир ясама, қалби қаттиқ, ўта ўзгарувчан, фақат шахсий манфаатини кўзловчи, ҳар қандай вазиятда бошқани ҳисобига бўлса-да, ўзини ўйловчи, жамиятдаги “касал" инсон яна биттага кўпаяди.
Қўрқмай савдодан уриб қолади, бир сўм учун нечталаб ёлғон гап тўқийди, бошқани ҳаққига тажовуз қилиб пул топганига қувониб ўтаверади. Натижада у бечора “касал” одам ўз йўлига чоҳ қазиб қўйган, бир кун ўша чуқурга тушиб ҳалок бўлиши кутилаётган инсонга айланади.
Ҳаммасига одамлар олдидагина яхши бўлишни ўргатиб катта қилган, риёни ўз боласига сингдириб ташлаган ота-она сабаб бўлади.
Энди у инсон ҳидоят топса ҳам ихлосни топиши жуда қийин бўлади, тиллари ўз-ўзидан ёлғон гапираверади, одамларга кулиб қараб ортга бурилишлари билан кўзлари билан имо-ишоралар қилиб бирпасда “ниқоб"ини бошқага ўзгартиради.
Бундай бола энг аввало ўз ота-онасини алдайдиган, олдиларида қўрқиб-писиб кетларидан “куйдирадиган” ишларни қилиб ўтаверади.
Ундай фарзанд ҳатто Қуръон ўқиса ҳам, намоз ўқиса ҳам, илм ўқиса ҳам, одамлар учун, одамлар олдида яхши кўриниш учун қилаверади.

Афсус…
Урдунлик бир киши ҳикоя қилади.
Отамнинг бир одатлари бор эди, у одатларидан зерикиб баъзида безор бўлиб кетардим.
Ҳар кўчага чиқишимиздан аввал:
- Ҳой болам, бу ёққа кел, уйни қараб чиқ- чироқларни ҳаммаси ўчганми, бирорта нарса бекорга ишлаб ётмаяптими, кондиционерларни ҳаммасини ўчир, кранларнинг жўмрагидан сув томиб турмасин. Буларнинг ҳаммаси Аллоҳдан берилган неъмат, уларнинг ҳар биридан сўраламиз,- дер эдилар.
Ҳар кўчага чиқиш олдидан мана шу гаплар такрорланаверганидан отам чақирса безиллайдиган бўлиб қолдим.
Кунларнинг бирида отам қаттиқ бетоб бўлиб, ўзлари билан овора бўлиб у гапларни унутдилар.
Мен ваниҳоят ҳеч қандай танбеҳсиз кўчага чиқа олаётганимдан қувондим. Отамнинг олдиларига кириб ҳолидан хабар олиб ўтирар эдим, лекин улар бошқа танбеҳ қилмасдилар.
Мен ўша пайтлари олий ўқув юртини тугатган ва яхшироқ вазифа қидириб юргандим. Бир куни эълонга кўзим тушди. Орзуимдан ҳам яхшироқ иш, қани энди ўша жойга қабул бўлсам эди.
Ишга қабул бўлиш учун танлов куни белгиланди. Жуда катта ҳаяжонда кутдим. Ваниҳоят ўша тонгда тайёрланиб ҳаяжонда кўчага шошиб кетаётсам отамнинг мени чақирганларини эшитдим.
-Уфф шу вақтда-я, нега чақирдилар, яна жумракни беркит, чироқни ўчир десалар керак-да,ъдеб малолланиб ёнларига кириб салом бердим.
Отам эса қўлимга бир даста пул тутқаздиларда қўлларини очиб дуо қилдилар.
- Аллоҳ ҳамиша танангни ва имонингни ўз ҳимоясида асрасин болам, ҳар қандай ҳолатда ҳам
Аллоҳнинг амрида яшагин, икки олам азиз сени Меҳрибон Зот,- дедилар.
Қувониб бошларидан ўпиб хайрлашиб чиқиб кетдим.
Ҳаяжондан отамнинг сўзларини ҳам унутиб иш ҳақида ўйлардим.
Етиб борганимда ҳудди бир қаср сингари катта бинога киритишди, йўлакчадан ичкари томон юриб кетаётганимда ташқарида ёниқ турган чироқларни кўриб, кундузи улар нега ёниқ қолди, дедимда ўчириб ўтдим ва йўлакчадаги крандан сув томчилаб турганини кўриб исроф-ку, деб бориб беркитиб қўйдим.
Бу ишларни отам айтавериб сингдириб юборган экан.
Ичкарига кирсам ўзига оро берган қимматбаҳо кийимдаги нечталаб дипломларни қўлида ушлаган жуда кўп инсонлар навбатда турар эди. Қўрқув, ҳаяжон янада кучайди.
Танлов хонасидан чиқаётганларга шошиб қарар эди ҳамма. Улар ғазабланган ҳолда шошиб чиқиб қимматбаҳо машиналарига ўтириб қайтаётганини кўриб, ўзимга "Менга йўл бўлсин", деб умидимни узиб шарманда бўлишдан аввал секин туриб орқага қайта бошладим.
Эшик олдида мени бир киши тўхтатиб ичкарига таклиф қилди, кирганимда ичкаридаги танловдагилар табассум қилиб:
- Қутлуғ бўлсин, фақатгина сиз қабул бўлдингиз,- дейишди.
- Йўқ-йўқ, адашдинглар, мен ҳали танловга кирмадим,- дедим.
- Аслида танлов бошқа эди, ширкат раҳбари ташқаридаги чироқларни ёқилган, крандан сув томадиган ҳолда қолдириб, ким чироқни ўчириб, сувни беркитиб ўтса, демак у ширкатим молини ва меҳнатларини қадрлай олади, ўшани оламиз,- деб кутаётган эди.
Бу имтиҳондан юзлаб инсонлар ичида фақат сиз ўтдингиз, табриклаймиз,- дейишди.
- Бу аввало Аллоҳнинг фазли эди, сўнг отамнинг берган тарбиялари.
Машинада кетар эканман бир умр отамнинг:
-Болам, булар неъмат, исроф қилсак сўраламиз,- деганларида малол олганларимни, касал бўлганларида қулоғим тинчийди, деб хурсанд бўлганимни эслаб ўзимни ёмон кўриб кетдим.
Эҳ отажон, сизга малолланиб бўлса-да қилган итоатимга Аллоҳ дунёда шунча мукофотласа
охиратда қанча берар экан, деб кўзларимдан ёшлар қуйиларди.
Тезроқ бориб отамнинг бошларидан, оёқларидан ўпиб узр сўрашга шошардим.
Уйга етиб бориб шошиб машинадан тушишим билан уйдан чиқиб келаётган доктор:
-Аллоҳ чиройли сабр берсин, отангиз амонатини топширдилар, -деган сўзи юрагимга пичоқ каби санчилди.
Мен улгура олмадим, мен бир умр малолланган отамга миннатдорчилигимни айтишга оёқларидан ўпиб узр айтишга улгуролмадим. Тонгда қўлимга пул тутқазиб дуо қилган отамни юмилган кўзларидан, нурга ўралган юзларидан ўпиб ортга қайтишини, бир умр мени чироқ ўчиргани юборишини орзу қилиб унсиз фарёд урар эдим.
Ўша куни Жаннатга бўлган эшигим юзимга беркитилган кун эди. Қани энди тирилсалар-у бир умр ёнидан жилмасдан малол олмасдан хизматларида бўлсам.
Афсус…
Энди фақат қабр тупроқларини силашдан бошқа имкон қолмаган эди.

(Давоми)
Эй уммат, ақлингни йиғ, қўлингга олгин Қуръон!

Абу Бакрдай онгли, ҳикматли эрлар қани?
Душманга ер тишлатган, айтинг, Умарлар қани?
Малаклар ҳаё қилган Усмон қаерда айтинг?
Жонини фидо қилган Али йўлига қайтинг!

Қуръон учун яралдинг, ҳадис қилинди йўлинг,
Нопок ишдан тавба қил, дуога кўтар қўлинг.
Азобга йўлиқмасдан поклаб олгин, сен тилинг,
Эй уммат ўғлонлари, Жаннатга лойиқ бўлинг.

Росулингиз кўзлари номаҳрамдан юз бурган,
Гуноҳи бўлмаса-да, тунлари қоим турган.
Суйган-суймаган билан бирдай адолат қилиб
Юзларин дунёгамас, охиратига бурган.

Очлик билан синалди, ўлим-айрилиқ билан,
Душман билан синалди, ўқу-найзалар билан.
Олти фарзанд тобутин ота елкага олди,
Кўзлари йиғласа-да, мен розиман, деёлди.

Дин йўлида душмани шавқатсиз уруш очди,
Йўлларига ғанимлар ўткир тиконлар сочди,
Ўттиз олти ой очлик қамалларда сақлашди,
Машаққат синовдан сўнг
Маккани жангсиз очди.

Аллоҳ буюк ва унинг мукофоти ҳам буюк,
Лекин унга етгунча кўтарарсиз оғир юк.
Осонгина Жаннатга етаман деб ўйламанг,
Нафсингизни илмдан бошқа йўлга йўлламанг.

Аллоҳнинг ғазабидан бугун паноҳ тилаймиз,
Ожиз заифликда биз юракларни тиғлаймиз.
Қўлимиздан келгани дуоларда йиғлаймиз,
Аллоҳ кечирармикин, фақат шуни ўйлаймиз...

Ум Тасним

Отажон, қадар сизни бироз сарсон айлади.
Чунки Роббингиз сизни Жаннат учун танлади.
Мингтадан битта қилиб ҳақда собит айлади.
Фоний ҳаётга эмас, боқийларга танлади.

Қиёмат куни шундай қўрқиб, титраб қайтасиз,
Ноҳақ ўлдирилганингиз Роббингизга айтасиз,
Аллоҳнинг мукофоти Ҳавз сувидан ичасиз,
Росулингиз бошидан тўйиб ҳидлаб ўпасиз.

Рози бўлинг, дунёда машаққатда ўтасиз,
Эвазига абадий-мангу роҳат топасиз.
Қилдан нозик сиротдан эсон-омон ўтасиз,
Олий мурод- Жаннатга сиз ҳисобсиз етасиз.

Таомга қўл чўманг сиз, орқага қайтинг,
Машаққат тугади сиз ҳамдлар айтинг.
Отажон, шаҳодат муборак бўлсин,
Жаннат дастурхони солинди, қайтинг!

Қанча куну-тунлар азобда ўтди,
Оҳу-нолалар ҳам осмонга етди.
Ёш гўдаклар малаклар қўлида кетди,
Жаннат дастурхони солинди, қайтинг.

Бизни кечиринг ота, сизга мадад бўлмадик,
Салоҳиддин Аййубдай ҳимояга олмадик.
Яҳудларнинг бўйнига арқон сола олмадик,
Узоқдан қичқирдикда маишатдан қолмадик.

Муқаддас диёрлар этилди вайрон,
Кўзлар жовдирайди ҳаёл паришон,
Қўлимизда туриб олтин, кумуш, кон,
Отажон, сизларга тутмадик ош-нон.

Ватанингиз ўраб олганда илон,
Сизни узоқ йиллар чаққанда чаён,
Бизни кечиринглар, бўлмадик дармон
Икки олам бизга энди бу армон.

Юртингизга ялиниб келганди малъун,
Ўрнашиб мезбонни қилдилар маҳзун.
Улар “озод“ бўлдилар, мўъминлар- масжун,
Жаннатлардан жойлар олгани қайтинг.

Она фарёд урар, ота бўзлайди,
Ёлғон адолатни дунё сўзлайди,
Яҳуд босқинчилар сизни кўзлайди,
Жаннатлардан жойлар олгани қайтинг.

Бир парча нон излаб ошасиз довон,
Бўйнингизга ўралди зўровон илон.
Қаерга қараманг, қон тўла майдон,
Бунчалар бешавқат бўлолмас ҳайвон.

Сизни кўрмагандай яшар султонлар,
Кофир кўкрагига қадар нишонлар.
Мусулмон очликдан ейди тиконлар,
Наҳот топилмаса ҳеч бир имконлар!?

Хоин яҳуд сизни қай ҳолга солди?
Аёл қизларингиз номусин олди.
Болалар вайрона остида қолди,
Арабу аъжамга ор бўлиб қолди.

Жасур йигитларни уриб қамашди,
Уларни инсонмас ҳайвон аташди.
Ой юзли қизалоқ ўққа тутилди,
Жажжи ўғилчангиз ўлиб қутулди.

Тинмай қириб юрар учган учоқлар,
Она фарзанд ўрнига кафан қучоқлар.
Тупроққа қоришди гўзал яноқлар,
Жуссалар кетма-кет, йўқдир саноқлар.

Уйларин ўрнига капалар қурди,
Очликдан, чанқоқдан силлалар қурди.
Ҳатто кофир қавмлар "Бас!", дея турди,
Мунофиқ хоинлар йўлга чоҳ қурди.

Уруш майдонда қолган, ким у бечора?
Улар бегонами, топмаган чора?
Улар бизнинг отамиз, бизнинг онамиз,
Ҳар бир ўлаётган бизнинг боламиз!

Уларнинг ортидан биз ҳам борамиз,
Ўлим билан узоқ эмас орамиз.
У кун яқинлигин яхши биламиз,
Қачон ўз нафсимиз йўлга соламиз?

Ҳаволарни шариат йўлларига солмадик,
Ҳадис-оят айтилса тинглаб қулоқ солмадик.
Орзу-ҳавасни танлаб Қуръон амрин олмадик,
Қалбга Аллоҳ қонунин муҳрлаб жойлолмадик.

Қанча уринмасинлар дин бўлар азиз,
Буни албат кўрар бир куни кўзиз.
Адашиб кетмасин унгача сўзиз,
Фақат собит туринг, қутқариб ўзиз.

Еб-ичиб, кийиб-яйраб мақтаниш билан ўтдик,
Топганимиз тўйларда бошлардан сочиб ўтдик,
Билак-бўйинни безаб тиллолар тақиш учун
Ҳаё либосин йиртиб авратлар очиб ўтдик.

Қуддусни ким ўйлайди, эркак динини билмас,
Модадан қолди, дея белига камар илмас.
Устидаги кийими хотинлардан ҳеч каммас,
Қандай динни кўтарсин, шимини кўтара олмас.

Қулоғида “наушник", аёл каби тўлғонар,
Ҳар бир ўтган “юпкага” лайча каби термулар.
Булар қачон умматга рахбар бўлар, эр бўлар,
Бу кетишда эркаклар тупроқ бўлар, ер бўлар.

Тунда таҳажжуд учун туриб таҳорат олмас,
Лекин тунда маъсият қилиб уйқиси келмас.
Янги чиққан қўшиқни ҳиргойи қилиб толмас
Буларнинг номи нима!? Буларнинг номи эрмас!

Билаги тўла, кучлар гуноҳларга етади,
Аёли кўчаларда, ўзи ухлаб ётади.
Туриши билан чопиб чойхонага кетади,
Бирдан ажали келса қайси динда кетади?

Пайғамбарин танимас футболчини танийди,
Ўша динсиз кофирни ёнида турсам, дейди.
Умрин эмас, пулларин қайта қайта-қайта санайди,
Эҳ ўлмасдан Аллоҳни таниб қайтса қанийди.

Хотин-қизи бенамоз, истаганда туради,
Уялмасдан эрлар ҳам упа-элик суради,
Динни Қуръондан эмас GPTдан сўрайди,
Бу кетишда ҳаётлар нима билан тугайди?

Тор либосни уялмай кияди эру-аёл,
Ойнага қарамасми келмасми ҳечам малол?
Йигитга тақлид қилар оёғи гўрдаги чол.

Ассаламу алайкум ва роҳматуллоҳи ва барокатуҳ

Макка шахридаги Аллоҳнинг азиз меҳмонлари.
Сизларни Саудия Арабистони Хаж вазирлиги тарафидан расмий ташкил қилинган Ҳафава жамоасининг кечги дастурхонига, ҳамда имоний суҳбатимизга лутфан таклиф этамиз.
Унда сиз умра ибодатини ихлос билан қилишлик ҳамда ушбу ибодатда учрайдиган хато камчиликлар билан танишасиз.

Азиз биродар, бу сафар кимнингдир Маккага биринчи сафари бўлса
яна кимнингдир Маккага қилган охирги сафари бўлиши мумкин.
Шунинг учун Аллоҳ азза ва жалла тарафидан берилган олтиндан қиммат фурсатингизни ғанимат билинг, ибодатингизни ихлос билан тўлиқ қилишга харакат қилинг.
Ваҳий нозил бўлган юртда қалбингизни ваҳий гулшанига тўлдириб қайтинг.
Билинг-ки, бу сафар сизга Аллоҳнинг ҳурмати-икромидир.
Сиз ҳам Роббингизнинг муҳаббатини ҳурматини қалбингизнинг тўрига жойлаб қайтинг,
ҳаттоки ўша муҳаббат сизни Жаннатда Роббингиз жамолини кўришга етказсин.

🕋Макка шаҳри.

--------------------------
🗓 Душанба
---------------------------
🗓 Сешанба
-------------------------

⏰ Соат 18 / 00 дан
20 / 30 гача

✅Буюртма бериш учун
ватсап рақамлари.

📞+966 53 996 44 54

📞+966 50 654 50 25

📌Хизматлар Саудия Ҳаж вазирлиги тарафидан бепул расмийлаштирилган.


📍https://maps.app.goo.gl/UFJ21aqVyRLkHjPRA?g_st=atm

https://t.me/Quron_vahadisstrong>strong>