#تذكر ..

📌 كتاب أكسفورد بيقلك إن كتير من الدكاترة بتفوت تشخيص الأزمات القلبية لأن أوقات كتير الوجع بيبقى مش مُحدد ولا المريض عارف يوصفه زي الكتاب ما بيقول،  أو حتى ممكن يكون بيوصف تعب عضلي زي ما ذكرنا أو حتى أعراض جهاز هضمي زي غثيان أو حرقان فى فم المعدة !

🎯 طب الحل إيه فى الحالات ال suspecious  دى ؟ قالك لازم تستبعد الأخطر ومتجاذفش بحياة العيان خصوصا لو فيه عوامل خطورة ، فلازم تطلب ECG  و إنزيمات قلب.
وقام حاططلك جدول فى الآخر مبني على معطيات التاريخ المرضي ورسم القلب والسن وعوامل الخطورة وإنزيمات القلب، وقلك على أساسهم تقدر تحلف العيان ده عنده مشكلة فى قلبه ولا لا .

📌 الجدول فى التعليقات

سَلَام الّله علَيْكم و رحمته و بركاته
﴿ وَقُل رَبِّ زِدْنِي عِلْمًا}


ماذا تعني هذه البقع الفاتحة على الجلد؟

البقع البيضاء قليلة التصبغ التي تظهر على جلد الأطفال قد تكون أحيانًا مجرد ملاحظة عابرة، لكن عندما تظهر بشكل مميز يُسمّى Ash leaf macules (بقع ورقة شجر الرماد) كالصورة المرفقة فوق ، فهي قد تكون من أوائل العلامات الدالّة على مرض التصلب الحدبي – Tuberous sclerosis.

⚠️ الخطر لا يكمن في البقع وحدها، بل في الأعراض المصاحبة لها، مثل:

🎯تأخر في النمو الحركي أو العقلي أو السلوكي.

🎯ظهور علامات توحّد أو صعوبات في التواصل.

🎯تشنجات أو نوبات عصبية.

🎯مشاكل في السمع أو الإبصار.

🎯زوائد جلدية حول الأظافر.

🎯حبوب جلدية غير طبيعية بالوجه.


📌 عند ملاحظة هذه العلامات، من الضروري التوجه إلى طبيب أطفال متخصص في أمراض الأعصاب

دُمتم سالمين
بالتوفيق يا دكاترة 🤍

جميل..🖤
الطب في أهله رحم، اتعودوا تقفوا جنب بعض وقت الشدة يا دكاترة حتى لو بينكم خلافات شخصية، دا لا يمنع أبدا إنك تقف جنب زميلك وقت ما يحتاجك.

تخيلوا إن المريض ده دخل الاستقبال على رجليه والسكينة طالعة من رقبته ما عندوش أى إصابة شرايين ولا أعصاب ، و اتشالت السكينة في العمليات وخرج من غير أى مشاكل !! اديني عمر وارميني البحر !!
😁😁

صباحُ الخير

حد بيتفرج على Armando قبل ما يذاكر ؟
أنا تقريبا كنت مدمن الفيديوهات بتاعته أيام الكلية ❤️ و ما زلت برجع ليها لو احتجت حاجة إلى الآن

🔺Facial trauma following a motorcycle accident.

هنا يكمن جمال الطب وعظمته🤍

#complicated_cases

وهذا أمر مجرب ، كل ما اتقيت الله في نفسك وفي عملك وفي الناس وجدت من الفتوحات في العلم والرزق فى المال ما يزهل به عقلك ، وده مصداقا لقوله تعالي : «ومن يتق الله يجعل له مخرجا . ويرزقه من حيث لا يحتسب ». ومن التقوى أن تراقب الله في عملك وأنت مع مريض مسكين في مستشفي حكومي بسيط أو مستشفى جامعي مزدحم وأنت تعلم أنه لا رقيب ولا حسيب عليك سوى الله

#نصائح

📌 A 52-year-old man presented to our dermatology clinic with a 7-month history of pruritic, red papules scattered across his trunk, which had gradually progressed to erythroderma, notably sparing the skinfolds .(deck chair sign🤔🤔).

🎯 Comprehensive patient histories, including information on cancer, infections, and drug usage, were acquired.

Histology exhibited mild thickening of the stratum corneum, acanthosis with spongiosis, and perivascular dermatitis with eosinophils, consistent with spongiotic dermatitis.

🔴 What's the diagnosis ?

#case_diagnosis

شباب حد عنده فكرة الأكونتات المشبوهة اللي كل ما منشور ينزل نلاقيها باعتة ريأكت في الكومنتات دي عبارة عن ايه؟
هل دي بوتات ولا ايه، يا ريت لو حد عنده حل يقترحه

تعديل:
الأكونتات دي غالبا عبارة عن فخ حاطين لينك في البايو بمجرد ما تفتح الصورة اللي هما عاملينها فأنت كده غالبا بتتهكر،
لو كنت بتغض بصرك هتبقى في غنى عن كل ده.
ده بناء على كلام أحد الفضلاء.

أنا فعلا بستنى الكومنت القذر ده بعد ما بنزل كل بوست عشان أمسحه وأعمل حظر للأكونت ده قبل ما حد يبص على الصورة اللي هو حاططها وساعات غيري من الأدمنز بينسوا يمسحوها للأسف، فخلوا بالكم.

كلام الدكتور من ذهب … التشخيص المبكر قد ينقذ حياة، والطب الحقيقي هو مزيج من العلم والحرص على المريض مهما بدا الأمر بسيطاً. الله يجزيك خير على حرصك ويشفي كل مريض.

للدكاترة الامتياز متاح خصم 50% من سعر الكورس وللطلاب ال undergraduate متاح خصم أكبر لو حابب تشترك في الكورس تواصل معانا ع الواتس واعرف الخصومات المتاحة 01515316104

يوجد تسهيلات في الدفع لغير المقتدرين.
بالتوفيق

الناس اللي في الأجازة ونزلت تدريب صيفي احكوا تجاربكم يمكن باقي زمايلكم يستفيدوا منها،
ايه الحاجات اللي شايفينها نقصاكم كمهارات في التواصل أو في الطب..
ايه الإحباطات اللي حسيتوا بيها أو الحاجات اللي مبسوطين إنكم اتعلمتوها..؟
لو هتوجه نصيحة للي لسة منزلش من زمايلكم هتقوله ايه..؟

هذه الأجيال أحسن مننا بكتير، ذاكروا أكثر مننا، ومناهجهم أكثر مننا ..

كلمة أ.د. علي حسيب، أستاذ الجراحة العامة وجراحة الأطفال جامعة القاهرة 🤎

من حفل تخرج كلية الطب بنات جامعة الأزهر الدفعة 53 🎓

كيف يهوّن المرء على نفسه لحظات انهياره وضعفه ، ويعيدُ بناءها من جديد؟

جالنا شاب ١٥ سنة مع أهله اللي بيشتكوا من إنه بقاله اسبوعين عصبي جداً و بيتخانق مع كل الناس و بيترشع و حصله نوبتين تشنجات في بداية الإسبوعين.

معاهم ورقة تحليل مخ درات ايجابي فقط لل benzodiazepines : أحد انواع المهدئات .

الولد بيتحسن بالتدريج.

قولت لهم شاب في السن دا لو فكر في الاد مان مش هيختار المادة المهدئة دي، ( و الولد شكله محترم جداً ).

هل أخد دواء للقولون ليبراكس أو كولوڤيرين إيه؟
-أيوة قبل الاسبوعين روحنا للدكتور كانت بطنه بتوجعه و خد ليبراكس علي وصف الدكتور ٣ مرات في اليوم و بطنه اتحسنت و ساب الدواء.

طيب يا جماعة التشنجات و الرعشة و كل اللي بيشتكي منه دا أعراض انسحاب الليبراكس "مادة ال chlordiazepoxide" أحد أفراد عائلة البنزوديازبين المخدرة و اللي خلصت دلوقت من جسمه و كان ممكن تودي بحياته.

ف take care

عيادة الأمراض الباطنية

د . أحمد محفوظ

#فوائد_طبية

شاب ١٧ سنة بيشتكي من ألم في منطقة الركبة من ٣ شهور والألم بيزيد مع الوقت و بيقول إن الألم بيزيد بليل ومع المجهود
ماتخبطش في ركبته ولا كان بيشتكي من اي امراض في مفصل الركبة
لما فحصناه لاقينا تورم بسيط في منطقة الركبة وفيه Tenderness ومفيش اي احمرار او تغير في درجة حرارة الجلد
Labs
Alkaline phosphatase : High ESR : High
اتعمله أشعة عادية ع مفصل الركبة وطلعت زي اللي في الصورة

ايه هو التشخيص المحتمل ؟ وايه تفسير نتيجة التحاليل ؟

المريض وهو خارج من سألنا " هل انا عندي سرطان ؟ وهل رجلي هتتقطع ؟ "
ايه هي أفضل إجابة للمريض ؟

'أوصيكم بقُرّة عيني، ابنتي الحبيبة شام، التي لم تسعفني الأيّام لأراها تكبر كما كنتُ أحلم.

وأوصيكم بابني الغالي صلاح، الذي تمنيت أن أكون له عونًا ورفيق دربٍ حتى يشتدّ عوده، فيحمل عني الهمّ، ويُكمل الرسالة.

عشان نرد على هذه التساؤل لازم نحط في الاعتبار عدة أساسيات؟
وهو ان اولا العضلات في الجسم عندنا بصفة عامة بتختلف عن بعضها البعض من ناحية ال rate of aging و contraction و ال composition وحتى ال stem cell اللي بتكونها وده معناه ان ال nerve supply اللي هيغذي العضلة فيه اختلافات أيضا

ثانيا هناك اختلافات بين ال right and left eye في ميعاد ال maturation و rate of aging

اعتمادا علي ذلك + ان الحالة اللي كان عندها ptosis حصله recovery بعد اما انتظمت في العلاج فده معناه ان ال nerve محصلهوش destruction إنما كل اللي حصل هو slowing of conductive velocity نتيجة التغير في ال composition الخاصة ب myline sheath الموجودة حوالين ال nerve fiber بسبب ال diabetes

هنفهم من كدة ان العضلة المسؤلة عن رفع الجفن كان ال rate of aging الخاص بها كان أعلى من بقية عضلات العين وده معناه ال branches اللي بيغذيها سرعة ال conduction فيه أقل من بقية العضلات وبالتالي كان هناك قابلية لتأثير ال glucose على مكونات ال myline sheath الموجودة في ال branches اللي بيغذي العضلة فعشان كدة لما ال diabetes حصله control ساعتها تركيب ال myline sheath رجع لطبيعته وال ptosis اختفى

اما بالنسبة للتسآول التاني ليه الناحية اليمين هي اللي اتأثرت فده زي ما قولنا يرجع لاختلافات ال maturation و visual cortex بين اليمين واليسار وبالتالي مدى القابلية

#DrTantawy

من المعروف عن ال diabetes انه بيعمل peripheral neurits
بس اكتشفوا ان بيأثر على right oculomotor اكتر من ال left

فليه الناحية اليمني اتأثرت اكتر من الناحية اليسرى على الرغم ان المرض systemic 🤔؟

📌 إلى طلاب الثانوية اللي ناويين طب إن شاء الله :

إختار الكلية الأسهل في نظام الدراسة
إختار الكلية اللي مشهور عنها التقديرات العالية
إختار الكلية الأقرب لبيتك
إختار الكلية الأقل في عدد الطلاب
إختار الكلية اللي ليك فيها قريب أكبر منك
إختار الكلية الأحدث في نظام وطريقة التعليم

📌 مهما كانت كليتك، الشهادة في الآخر واحدة   فمتغلطش غلطات ناس كتير في أول مشوار الطب انخدعوا بالبروباغندا والمظاهر ، اللي بيفرق بعد تخرجك هو التنسيق والتقدير ،وده  اللي هيحدد تخصصك ومكان شغلك في حالة إنك ناوي تستقر في مصر،
ولو حابب تسافر بره فمش هتفرق خريج القصر العيني عن خريج طنطا عن خريج الزقازيق عن خريج بورسعيد عن خريج  المنصورة ، لازم كله يعادل شهادته حسب الدولة اللي هيسافر ليها علشان يقدر يسافر ويمارس الطب لأن الدول دي لا تعترف بأي شهادة مصرية ..

📌 سهّل علي نفسك في مكان انت مكمل فيه سنين طويلة  ولا تغترّ باسم الجامعة ولا الكلية ..كله واااحد ..كله غير معترف بشهادته .. المهم راحتك وسلامك النفسي وتقديرك التراكمي

د. أحمد عبد الغني

#نصائح

توفيت إلى رحمة الله
زميلتنا د سلمى محمد حبيش طبيب امتياز بمستشفى القصر العيني
إثر تعرضها لهبوط حاد في الدورة الدموية
.
اللهم ارحمها واغفر لها وجازها عن عملها في خدمة مرضى المسلمين خير الجزاء

(يخلق من الشبه أربعين)
جملة شهيرة بنسمعها معظم الوقت لما نشوف ناس شبه بعض جدا

ولكن الاغرب من كدة ان في حالات كتيرة جدا مش بس بيكون التشابه كبير في المظهر الخارجي إنما كمان سمات الشخصية نفسها وطريقة التعامل والاسلوب ممكن تكون متشابهة لحد كبير جدا

بس السؤال هنا ايه تفسير موضوع زي ده 🤔؟

فيه اسباب كتيرة مرتبطة ببعضها بتفسر موضوع زي ده وهم كالآتي :

اولا ان فيه ابحاث بتوضح تأثير body shape على ال personality بمعنى ان ال body mass index بتأثر بشكل كبير في تكوين شخصية كل واحد فينا

يعني على سبيل المثال ان كل مجتمع بيكون له معايير على الشكل يعني مثلا فيه أشكال معينة في الصين بتدل على الوسامة على الرغم من مدى التشابه بينهم وكذلك في أفريقيا وبالتالي طريقة التعامل والاسلوب الموجه الي الشخص هيختلف وبالتالي ده هيأثر في شخصيته ونظرته للامور من حوله


ثانيا وبما ان ال personality بتتكون من تداخل معقد بين البيئة والجينات؛ وبما ان الجينات لها دور كبير في تحديد ال BMI وكمان تكوين الملامح الظاهرية فده يخلينا نقول ان ردة الفعل هتكون متشابهة بينهم وكمان طريقة التعلم هتكون مشابهة أيضا وكل ده بيأثر بشكل كبير في تكوين الشخصية خصوصا التعامل مع الناس

فلذلك ده يفسر ليه الأشخاص اللي عندهم تشابه كبير بينهم في الهيئة أيضا بيكون عندهم تشابه كبير في الازواق

بس طبعا الكلام ده مش بينطبق بنسبة ١٠٠ في المية على الجميع لان وضحت فوق ان اينعم المظهر بيأثر في تكوين الشخصية ولكن في عوامل كتيرة أخرى بتأثر أيضا
وان هذه العوامل ممكن تختلف عادي جدا من شخص للتاني وبالتالي هيصبح فيه اختلاف عادي في شخصيتهم

#DrTantawy

Essentials of Kumar & Clarck's Clinical Medicine

أحد أفضل كتب الباطنة الموجودة هو كتاب Kumar & Clarck's Clinical Medicine
لكن دا يعتبر textbook عشان كدا عملوا منه نسخة مصغرة هي اللي في الصورة دي.

كتاب جميل بيتنوع ما بين الشرح المستفيض والألجورزمات والسكورات المهمة، ميزته إنه بيشرح كويس ال pathophysiology بتاع المرض.. كل كتاب باطنة بيبقى متميز في نقطة عن غيره.

أي دكتور مهما كان تخصصه لازم يكون له مرجع في الباطنة، دول أفضل 3 كتب باطنة من وجهة نظر ناس كتير:
- Harrison's
- Kumar and clarck
- Davidson

الأول هو أكبر textbook وأكبر مرجع باطنة على الإطلاق لو ملقتش إجابة لسؤالك في الكتاب دا فغالبا مش هتلاقيها، التاني مرجع باطنة مختصر شوية ميزته زي ما قلنا فوق، التالت مرجع في نفس حجم التاني لكن الأسلوب مختلف.

اقرأ موضوع واحد في التلاتة وشوف هترتاح مع مين وخليه المرجع بتاعك في الباطنة.

لكن اللي في الصورة دا النسخة الموجزة من المرجع التاني، دا مش مرجع ولكنه نسخة تقدر تاخدها معاك في أي مكان لأنه pocketbook فتقدر تذاكر منه عادي متتخضش.

بالتوفيق

#medicalbooks

أطباء في جامعة ماريلاند شالوا ورم من العمود الفقري لبنت عندها 19 سنة… من خلال العين

الورم كان في مكان صعب جدًا وبيضغط على الحبل الشوكي، ومش ينفع يتشال بالجراحة العادية من غير خطر على الأعصاب.

🔍 فابتكروا طريقة عبقرية: فتحوا ممر دقيق من وراء العين ووصلوا للورم من غير ما يسيبوا أي جرح خارجي

💯 الورم اتشال بالكامل والبنت خفت وخرجت من العملية بدون مشاكل عصبية.

العملية دي تعتبر إنجاز طبي كبير وفتحت باب جديد في جراحات المخ والأعصاب 👏🧠

الدكتور بيهزر طبعا ..الاتنين خير وبركة 😁❤️

اعتقد بعد اللي حصل اخر فتره ده عرفت اكيد انك هتحط شهادتك فين؟
هتحطها في الcv وتشتغل شغلانة شريفة تنفع بها الأمة والمسلمين وتركز على مستقبلك بالطريقه اللي اتربيت عليها وتشيل فكره وكلمه عرفت هتحط الشهاده فين دي من دماغك خالص

وهنقابل بيها ربنا عشان ربنا قالنا: « يرفع اللهُ الذين آمنوا منكم والذين أوتوا العلم درجات ».. هتعيش بشهادتك واكل بيها بالحلال ونايم مرتاح ، مش قلقان ولا مأكل نفسك ولا أولادك من حرام ولا أفسدت على الناس والمجتمع دينهم ونشرت فيها الرذائل ...

عود نفسك أنك لا تنبهر بالمظاهر ولا بكثرة الحرام في إيد غيرك
الحمدلله على نعمة الطب ونعمة الكسب الحلال والبُعد عن الشحاتة والناس اللي بتستسهل الحرام

الحمدلله على أن ربنا وضعنا في مكان نافع لعباده والحمدلله على تربية اهالينا الصالحة النافعة دنيا

🥀☕️

التطبيق الطبي ده جميل جدا يا شباب أنصحكم بيه ❤️

📌طبعا مع medscape و uptodate الاتنين دول لا غنى عنهم

فكرة مُرعبة حقًّا… أن يقضي الإنسان عُمره مُنشغلًا بأمور، ثم بعد موته يُحاسَب على أمورٍ أخرى لم تكن في أولوياته، أو في أحسن الأحوال لم يُعطها الاهتمام الحقيقي الذي تستحقه…
الحقيقة الثابتة أننا في النهاية لن نندم على فوات عملٍ أو بيتٍ أو سفرٍ أو حسابٍ في البنك… بل سيكون الندم كله على تقصيرنا في حق الله

اللهم لا تجعل الدنيا أكبر همّنا، ولا مبلغ علمنا، ولا إلى النار مصيرنا.

أكيد بعضنا قرأ في مرة من المرات إن ال Omega-3 بتحسن الذاكرة على المدى البعيد ومفيدة للبشرة بس مش كتير مننا تعرض لمعلومة إن ال Omega-3 بتشتغل على مستويات الدهون الثلاثية والكوليسترول في الدم والموضوع كان Under research.. يا ترى لو تم تأكيد الموضوع ايه اللي ممكن يحصل..؟

دا مش بس هيفتح آفاق لتداخل جميل بينها وبين أدوية الكوليسترول زي ال Statins لكن كمان هيساعدنا في حماية أهلنا اللي كبروا وخايفين عليهم من مشاكل الشرايين التاجية.

الحمد لله ربنا ألهمنا الفكرة دي وبدأنا نشتغل عليها بقالنا حوالي سنة ودي ورقة بحثية نوعها Systematic Review and Meta-Analysis اتعملت على دراسات نوعها RCTs بتدرس تأثير ال Omega-3 على مستويات الدهون في مرضى ال IHD..

النتائج بتاعتها مبهرة وغير متوقعة، هسيبكم مع الدراسة اللي خرجت للنور للي حابب يقرأها ويحملها ويحتفظ بنسخة منها ك PDF، لو حابب تبقى updated.

https://www.researchsquare.com/article/rs-6408149/latest

حد يقدر يقول لنا استخدامات ال Omega-3..؟
بلاش تستخدم الذكاء الاصطناعي وقول اللي أنت تعرفه عنها..
التعليقات مفتوحة عايزين نسمعكم.

أعرف ناس من زمايلنا طلاب طب حفظوا السور الطّوال كلها أثناء المواصلات وفي الوقت اللي بيقرأوا فيه قرآن قبل ما يبدأوا مذاكرة ، و فيه ناس كانت حافظة القرآن وهي صغيرة ونسيته ورجعت حفظته تاني ، احنا عندنا أوقات كتير بنضيعها في توافه وسفاسف الأمور ممكن نستغلها في أشياء كتير مفيدة وانجازات يومية وإن كانت بسيطة لكن مع الوقت هتبقي حاجة عظيمة ❤️

#نصائح

في احد مشاهد المسلسلات اللي ليها علاقة بالطب، شابان تعرضا لحادث أحدهما إصابته كانت بليغة وادت الي فقدان الوعي والآخر إصابته كانت بسيطة، المهم ان هذا الشاب كان قلقان جدا على صديقه ومرت طبيبة بالطريق واتصلت بالاسعاف المهم ان الشاب ده من كتر قلقه تعرض لنوبة صرع في سيارة الإسعاف وبعد اما النوبة انتهت أصبح عنيف جدا وبدأ يكسر في المكان ويضرب اللي حواليه الا ان دخل في نوبة صرع أخرى، المهم ان الدكاترة فسروا ان سبب عصبيته الزيادة وهو اصلا مش كدة هو دخوله في نوبة الصرع

ولكن يظل هذه مشاهد تمثيلية؛ فهنا السؤال هل الكلام هذا علمي ومنطقي ام لا 🤔🤔؟

اولا خلينا نشوف سبب نوبة الصرع اللي حصلتله؟
هذا الشاب لم يتعرض لنوبة صرع من قبل والدليل انه سأل الدكاترة ليه هو بقى عنيف جدا كدة فقالو له انه بسبب نوبة الصرع بيصاحبها تغير في الشخصية واضطرابات في السلوك وده فعلا كلام علمي
طيب ايه بردو سبب نوبة الصرع 🤔؟
هنقول مثلا هل بسبب الحادث اللي أتعرض له؟ الإجابة لا لان اينعم ال head trauma ممكن تسبب حدوث تشنجات ولكن بتكون بعدها بفترة اما ايام او شهور

طيب بردو ايه السبب 🤔؟

اولا خلينا نشوف ايه هو ال pathophysiology of seizure؟

ال seizure بتحصل نتيجة حدوث عدم توازن بين ال excititatory and inhibitory neurotransmitter واللي بتؤدي الي زيادة كهربة المخ وبالتالي بتحصل التشنجات في صور مختلفة

ونتيجة الضغط والتوتر اللي اتعرضله هذا الشاب بشكل مفاجئ ادي الي إفراز كمية كبيرة ال adrenaline and noradrnaline واللي اثروا بشكل مباشر على ال neurotransmitter والنسب بينهم وبالتالي زود فرصة حدوث ال seizure

وبعد اما نوبة الصرع بتنتهي المفروض ان المخ بيحاول يعمل recovery وبيحاول يوصله ل physiological state مرة أخرى، ونتيجة لذلك ولما نبص للسيكولوجي واللي بيوضح لنا اسباب حدوث العنف وبيربطها بين التيستيستيرون والكورتيزول والسريتينون في نظرية اسمها
triple imbalance theory
واللي بيوضح ان لما يكون ال serotonin turnover قليل ده بيزود سلوك العنف عند الإنسان

ولذلك لما المخ كان بيحاول يعمل recovery ادي الي تشكل نظرية ال triple imbalance negative
وده خلي الشاب يتصرف بعنف

#DrTantawy

هل قمت بزيارة طبيب نفسي من قبل؟ وكيف كانت تجربتك؟

ج / نعم ..

ذهبت ل 3 أطباء نفسيين

ذهبت لدكتور نفسي جديد وأنا جبت الدواء اللي هنتحر بيه خلاص وعارف الجرعة اللي هتموتني ومحدد معاد أنتحر فيه …بعد فشلي مع الدكتور اللي قبله قلت هجرب جلسة للدكتور الجديد دا ولو معجبنيش أو محصلش حاجة هكمل في خطتي وانتحر …

روحت للدكتور الجديد دا حكيتله كل حاجة والأدوية والتشخيصات السابقة ومدد العلاج ..وحكيتله عن الأفكار الانتحارية الشديدة وإني قررت الانتحار وجبت الدواء اللي هنتحر بيه وحكيتله عن أفكاري السلبية الشديدة …كان عايز يحجزني في مستشفي وآخد جلسات كهرباء لأن حالتي صعبة جدا بس كنت أوقات إمتحانات فاينال فمعملش كدا عشان الجلسات هتأثر علي ذاكرتي …أنا بعاني من الاكتئاب من 8 سنين ..اتعالجت 3 مرات وبتعالج للمرة الرابعة ..قالي التشخيصات اللي فاتت كلها غلط و ماشي علي أدوية غلط ومدة علاج غير كافية نهائي ..وآخر دكتور روحتله موودي كان سئ جدا فكان كاتبلي 3 مضادات اكتئاب مع بعض بأعلي جرعات ..قالي 3 مضادات اكتئاب مع بعض ؟! قالي يبني انت لو معندكش أفكار انتحارية فهيجيلك !!!

آخر مرة روحتله قالي كلام زي صلي وقرب من ربنا وادعي ..وأمال مرضي السرطان بقي يعملوا ايه ؟ وانت مش لوحدك اللي بتعاني فيه كتير بيعانوا ..وقالي تعرف إن في أمريكا أكتر أدوية بيصرفوها هي مضادات الاكتئاب ؟ طب تعرف إن فيه دراسة جديدة إن الناس اللي عندهم اكتئاب بتنشط مناطق في المخ المسؤولة عن الالتهاب ..فكان عايز يعالجني بالبروفين باين !!كلامه كله كان عك في عك وزود تعبي أكتر ..الدكتور الجديد شخصني تشخيص دقيق وجديد وصح (psychotic bipolar depression ) مع بروتوكول علاجي مظبوط و psychotherapy رائع ..الجلسة مدتها 45 دقيقةودي أحلي حاجة ..

حاليا بقالي 13 شهر بدون نوبة اكتئاب واحدة وبدون أفكار انتحارية نهائي !!و happy و excited و productive وأنجزت انجازات لا بأس بها …خلصت خطة علاجي من الاكتئاب وبدأ بسحب الأدوية خلاص …completely healed and moved on …دا غير إن كان عندي إصابة في كتفي شديدة بقالها 3 سنين وروحت لأكتر من 4 دكاترة عظام و 4 دكاترة علاج طبيعي ..خدت أكتر من 20 جلسة علاج طبيعي ..حقنت كورتيزون موضعي 3 مرات وحقنت مرة بلازما !!!!كل دا بدون جدوي والألم بيرجع تاني ..
بعد أول شهرين مع علاجي مع الدكتور الجديد ألم كتفي اختفي تماما !!!الاكتئاب بيعمل magnify لل pain وبيزود الالتهابات الضعف ..
عايز أقول إني بقالي 9 شهور منتظم في الجيم وزدت عضلات وجسمي إتطور واتحسن وزدت 14 كيلو ..دا غير إن السنة دي اتقبلت في 6 internships في شركات ومصانع أدوية ومستشفي …وقرأت 12 كتاب ..وخدت أكتر من عشر كورسات ..وبنيت عادات صحية في كل الجوانب ومحافظ عليها بقالي 325,280,250 يوم ومازلت محافظ علي العادات دي ! ودي أعظم إنجازاتي خلال السنة .

ربنا شفاني من مرضين مستعصيين وجبرني وعوضني وفتح عليا وأنار بصيرتي فيا ربي ما أرحمك وما أكرمك !!

غير حالي تماما من قمة الحزن والفشل والاكتئاب لقمة السعادة والنجاح !

سبحان مغير الاحوال فعلاً.

د.محمود عاطف .

#الطب_سؤال_وجواب

ازاي يا هندسة..؟
دا Guyton مأكدلي إن الإنسولين بيزود ال Protein Synthesis في ال Muscles.

واحد عند السكر وبياخد إنسولين فبيسأل هل أقدر أستغل الإنسولين دا وأوظفه في تمارين الجيم عشان أبني عضل..؟
فالباشا قاله لا خد تيستوستيرون..☕️

كنت أستمع إلى بودكاست لديفيد جوجينز،
وفجأة توقفت عند مقطع جذب انتباهي بشدة
وأوضح لي معنى التحدي الحقيقي.


سأل المستضيف ديفيد سؤالًا مهمًا حول كيفية التغلب على الألم والتعب والرغبة في الاستسلام،
وكان رد ديفيد صريحًا ومباشرًا، يميز بين من يختار المضي قدمًا ومن يختار الضعف:
"هذا ما يجعلني سعيدًا، هذا ما يثير حماسي، هذا ما يمنحني المتعة في الحياة.
لأني أعلم أن هناك العديد من الأشخاص لديهم القدرة على فعل ذلك،
لكنهم يرفضون النهوض من فوق الأريكة،
يرفضون الدراسة لساعاتٍ قليلة إضافية،
يرفضون أن يغوصوا أعمق، أو يتقدموا إلى الأمام.
لقد أصبح من السهل جدًا أن تكون إنسانًا عظيمًا في هذه الأيام،
لأن معظم الناس ضعفاء...
ومن هنا، حصلتُ على الأفضلية.💫"

📌لو شفت المنظر ده مع عيان لازم تحوله بشكل عاجل لطبيب حلدية متخصص ويكون شاطر، متبعتوش الطوارئ لأن غالبا هيفتكروها حساسية او طفح جلدي عادي وهيعطو المريض ديكسا وأفيل ويضاعفوا المشكلة...🥱🤦🤦

📌الحالة دي نوع من أنواع الهيربس واللي اسمه herpes zoster ophthalmicus وتعتبر من طوارئ الجلدية اللي لازم ليها تدخل عاجل بتشخيص صحيح ودواء مظبوط وجرعات مظبوطة

فيه علامة مميزة تعرف بيها الحالة واللي اسمها Hutchinson's sign ودي عبارة عن vesicular rash موجود على ال tip of the nose
وده معناه إنه بنسبة كبيرة هيحصل 👈 occular involvment


🎯 العلاج هناخد رأيكم فيه في التعليقات

#فوائد_طبية

يُحكى أنه في إحدى المستشفيات البعيدة يأتي طبيب في منتصف الأربعينات على درجة استشاري بنوبة زي ما حضراتكم شايفين في رسم القلب SVT تحديدا Orthodromic AVRT اتعمل له كذا vagal maneuver منفعتش وفضلت النوبة مستمرة.

الخطوة الجاية المفروض ياخد ايه..؟
برافو عليك، Adenosine.
مش موجود.
ايه البديل..؟
البديل Verapamil.
مش موجود (حطها بين قوسين دلوقتي)

طيب المرافقين يطلعوا يدوروا عليه في أكبر الصيدليات.. مش موجود برده.
موجود فقط الأقراص منه، على ما الأهل جابوا الأيزوبت كان كدا عدى عليه ساعتين ونص من ساعة ما النوبة جاتله في البيت.

أخد نص قرص، معملش حاجة خد النص التاني.. معملش حاجة، خلاص مفيش متاح غير إنه يتلسع بقى DC Cardioversion.
تم تجهيز الجهاز والباتشات واتكنيل وخلاص هياخد أمبول الدورميكم، واتاخدت موافقته بالصعقة.
بيتقاس له الpulse، الحمد لله رد sinus تاني قبل ما ياخد الصعقة.

نيجي للي بين الأقواس بقى،
تم عمل محاولات عديدة مع التمريض المسئول عن الكراش كار عشان ياخد أمبول من اللي في الكراش أول ما المريض دخل ولكن ينزل الرد الصاعق إن عشان تفتح الكراش كار لازم تعمل محضر فتح الأول بعد ما العيان يأرست وإن دي التعليمات اللي جيالهم.

مش هنقدر نلقي اللوم عليهم عشانهم بينفذوا التعليمات اللي جاية ليهم، عشان كدا الكلام دا موجه لأي حد بيجيله Paroxysmal SVT حاول يبقى معاك احتياطي أمبول Adenosine أو Verapamil لغاية ما تعمل ablation وتعالج الموضوع من جذوره.

﴿ وَذَكِّرْ فَإِنَّ الذِّكْرَىٰ تَنفَعُ الْمُؤْمِنِينَ﴾

الكلام كتير عن ازاي نستغل الأجازة والمهارات وأنك تنزل المستشفى ودي كلها أشياء جميلة وأحسن من الفراغ
لكن أنصح كل زمايلنا الكرام أن يجعل أكثر وقت الفترة دي للقرآن ويتعاهدوه
محزن والله أن تسمع طبيب وتلاقيه مهتم بالأكسنت والبريتش والكلام الفاضي دا للسفر وعنده من العلم الكتير وتيجي تسمعه يقرأ كتاب الله تلاقيه مش عارف يجمع كلمتين صح وبيستهجاه بالعافية طبعا لك أجرين كما قال النبي صلى الله عليه وسلم
ولكن انت عندك وقت وقدرة وذهن حاضر ف إيه عذرك؟
استعن بالله وابدأ وكل اللي هتعمله أنك تسمع وتقرأ بعدها بس الأمر بسيط وميسور
صحح بوصلتك أحنا بنعد لامتحان أكبر من أي امتحان في طريق الطب
وفقنا الله وإياكم لما فيه رضاه

جميل❤️

تخصص النسا للستات بس!

تخيل عزيزي تبقى الفتن مش بس على السوشيال ميديا لا دي تبقا في شغلك و مصدر رزقك كل يوم تشوف عورات الناس بحجة "اصل انا انترستد نسا"

ولما تتعود على الشغل تنسى انه في حدود في الكلام وفي خصوصیات، تنسى انها محرجة و تتعامل بعربجة
ليه تمشي على خيط رفيع سهل تقع منه