⚡️ Прокуратура Шерзат Полаттың ағасының ісі не себепті жабылғанын түсіндірді

Алматы облысының прокуратурасы Шерзат Болаттың ағасы Нұрқанат Ғайыпбаевтың өліміне қатысты істің не себепті тоқтатылғанын түсіндірді.

«Сотқа дейінгі тергеп-тексеру барысында оқиғаның барлық мән-жайын жан-жақты, толық әрі объективті анықтау үшін қажетті тергеу әрекеттері жүргізілді. Жиналған айғақтар, сараптама қорытындылары және басқа да материалдарға сүйене отырып, Ғайыпбаев Нұрқанаттың өлімі өз-өзіне қол жұмсау (суицид) салдарынан болғаны анықталды. Үшінші тұлғалардың ықпалымен оны суицидке итермелеу фактілері тіркелген жоқ», – деп хабарлады прокуратура.

Ведомствоның мәліметінше, осыған байланысты биыл 17 маусымда тергеу органы Қылмыстық-процестік кодекстің талаптарына сәйкес істі тоқтату туралы шешім шығарған.

@ztb_qazaq

⚡️Кәмелетке толмаған қызды құшақтаған блогерге полиция тыйым салды.

Алматылық блогер Дурсун Токлаев Арбатта видео түсіріп жүргенде, оны полиция қызметкері тоқтатып, кәмелетке толмаған қыздарды құшақтауға және оларға бөгде адамдардың қол тигізуіне болмайтынын ескерткен.

Блогер өз жауабында қыздың алдымен туған ағасы, кейін ата-анасының танысы екенін айтқан. Алайда полиция өз талабынан қайтпаған. Блогер полицейдің заңды білмейтінін айтып, оны айыптағанымен, желі қолданушылары құқық қорғау органының қызметкерін қолдап, пікір қалдырды.

@ztb_qazaq

😍 Каппадокияда әуе шарларының фестивалі өтті

Түркияның Каппадокия өңірінде жыл сайын өтетін ерекше фестиваль биыл да көрерменін таңғалдырды. Таңмен таласа көкке көтерілген түрлі пішіндегі, сан алуан түсті әуе шарлары аспанды ертегі әлеміне айналдырды.

Фестиваль аясында келушілер тек көріп қана қоймай, әуе шарына мініп, Каппадокияның ғажайып ландшафтына биіктен көре алады. Ал кешкісін әуе шарлары іштен жарықтандырылып, музыка сүйемелдеуімен нағыз жарық шоуына ұласады.

@ztb_qazaq

⚡️ Ақтау - Бейнеу тасжолы ақылы болады.

Көлік министрлігінің бұйрығына сәйкес 17 тамыздан бастап республикалық маңызы бар Ақтау – Жетібай – Шетпе – Бейнеу бағыты бойынша 786-шы шақырымнан 513-ші шақырым 850 метрге дейінгі аралық ақылы негізде пайдаланылады. Бұл жол Доссор – Құлсары – Бейнеу – Сай-Өтес – Шетпе – Жетібай – Ақтау трассасына жатады.
Ақылы жол бөлігінің ұзындығы – 272,15 шақырым. Бұл учаске 20 жыл бойы ақылы түрде пайдаланылады.

Жол жүру ақысы (бір бағытта):
Жеңіл көлік – 127 теңге
16 орынға дейінгі автобустар және 2,5 тоннаға дейінгі жүк көліктері – 1698 теңге
32 орынға дейінгі автобустар және 5,5 тоннаға дейінгі жүк көліктері – 3428 теңге
32 орыннан асатын автобустар және 10 тоннаға дейінгі автопойыздар – 5120 теңге
10–15 тонна аралығындағы жүк көліктері – 6856 теңге
15 тоннадан асатын жүк көліктері – 8555 теңге.

@ztb_qazaq

😍 «Қуаныш пен көз жас»: Грантқа түскен қазақстандықтар желіде алғашқы әсерін бөлісті

Грант тағайындау туралы шешімді Республикалық конкурстық комиссия қабылдады. 2025 жылы бакалавриат деңгейінде оқуға 77 мыңнан астам грант бөлінді. Оның ішінде ең көп грант инженерлік және техникалық мамандықтарға бөлінген.

Ғылым және жоғары білім министрлігінің деректеріне сүйенсек, грант иегерлерінің қатарында 38 мыңнан астам қыз және 36 мыңнан астам ұл бала бар.

ZTB NEWS грантқа түскен қазақстандықтардың видеоларын ұсынады!

Толығырақ 👈🏻

❗️2025 жылғы грант иегерлерінің тізімі жарияланды

Грант тағайындау туралы шешімді Республикалық конкурстық комиссия қабылдады. Оның құрамына Қазақстан Республикасы Парламентінің депутаттары, мемлекеттік органдардың өкілдері, білім саласындағы кәсіподақтар, "Атамекен" Ұлттық кәсіпкерлер палатасы, жоғары оқу орындарының қауымдастығы мен қоғамдық ұйымдардың өкілдері кірді.

2025 жылы бакалавриат деңгейінде оқуға77 мыңнан астам грант бөлінді. Оның ішінде ең көп грант инженерлік және техникалық мамандықтарға бөлінген.

@ztb_qazaq

⚡️ Алакөлде 17 жастағы жасөспірім достарының көзінше суға батып кетті.

Қайғылы оқиға Абай облысына қарасты Жарбұлақ ауылы жағындағы Алакөлде болған. Ақпараттарға сүйенсек, паром маңында шомылып жүрген жігіт құтқару жилетін кимей суға түскен. Біраз уақыттан кейін суға бата бастаған.

Оған көмекке құтқару желетін киген басқа бір азамат жүзіп барған. Алайда үрейге бой алдырған жігіт құтқарушыны да суға тартқан. Нәтижесінде жігіт су астынан шыға алмай, көптің көз алдында көз жұмды.

«Бүгін таңертең ТЖД сүңгуірлерінің қатысуымен жүргізілген суасты іздестіру жұмыстары барысында, жағадан 500 метр жерде, 6 метр тереңдіктен жасөспірімнің денесі табылып, судан шығарылды»,- деп хабарлады ТЖД.

Қазір катер иесіне қатысты соталды тергеп-тексеру басталды. Ол қауіпсіздік талаптарына сай келмейтін қызмет көрсетіп, абайсызда адамның өліміне себеп болды деген күдікке ілінді.

@ztb_qazaq

💸 Атыраулық зейнеткер 8 баласы мен немересінен алимент өндіріп алды

Атырауда 80 жастағы зейнеткер сегіз баласы мен бір немересінен өзін күтіп-бағуға алимент талап етіп, сотқа шағым түсірген.

Сот отырысында зейнеткер соңғы 10 жылдан бері жалғыз тұрып жатқанын мәлімдеді. Айтуынша, туыстарының ішінде тек бір ұлы ғана анда-санда хабарласады, ал қалған балалары мен немерелері тарапынан ешқандай материалдық немесе моральдық қолдау жоқ. Зейнеткер денсаулығының нашарлап, тұрмыстық жағдайының қиындауына байланысты туыстарының көмегіне мұқтаж екенін жеткізді.

Атырау қалалық соты тараптардың әрқайсысының материалдық және отбасылық жағдайына талдау жасап, талапкердің талаптары ішінара қанағаттандыруға жатады деген қорытындыға келді. Сот оның 8 баласы мен немересінен зейнеткердің тамағы мен дәрі-дәрмегі үшін 11 796 теңге мөлшерінде алимент өндіру туралы шешім шығарды.

@ztb_qazaq

⚡️ Ақтауда екі қызды құтқарып өзі суға батып кеткен ер адамның отбасына пәтер сыйлады.

Қайғылы жағдай 26 шілде Каспий теңізінің жағалауында болған. Достарымен демалып жүрген Құрық ауылының 39 жастағы тұрғыны Ерлан Шонтабаев өзге үш демалушыны құтқарамын деп суға кетті.

Толығырақ 👈🏻

@ztb_qazaq

😍 Әлеуметтік желіде немересіне әмиян сыйлаған ата мен әженің видеосы тарады.

Кадрдан жоғары оқу орнына түскен немересіне арнайы әмиян сыйлап, ішіне ақша да, жол ақысы төлейтін карта да салып қоятынын айтып, ішіне тиын салып бергенін көруге болады.

Желі қолданушылары бұл видеоға түрлі пікір қалдырды.

«Ата-әжеңіз 100 жасасын», «Қандай баға жетпес көрініс», «Қазыналарымыз аман болсын», «Қарты бар үйдің қазынасы бар»,- деп жазды олар.

@ztb_qazaq

💸 2026 жылдан бастап бірнеше баспанасы бар азаматтарға салық қымбаттайды

Мемлекеттік кірістер комитетінің мәліметінше, енді салық мүлектердің жалпы құнына қарай есептелмек. Атында бірнеше жылжымайтын мүлкі бар азаматтардың баспаналарының жалпы құны 450 миллион теңгеден асса, оған 2% мөлшерінде салық салынады. Демек үйі мен жер телімі 450 миллион теңгеге бағаланса, меншік иесі мемлекетке жыл сайын 9 миллион теңге төлеп отырады. Ал жалпы құны бұл сомаға жетпесе салық әр мүліктің бағасына қарай есептеледі.

Комитет өкілдерінің айтуынша, салық салынатын мүліктің құны нарықтағы бағаға қарамайды, оны «Азаматтарға арналған үкімет» есептейді екен. Мемлекеттік корпорация есептеген баға нарықтан едәуір төмен болады дейді мамандар. Мысалы, үйді 20 миллион теңгеге алсаңыз, оны «Азаматтарға арналған үкімет» 6 миллион деп бағалауы мүмкін екен.

@ztb_qazaq

⚡️ Дастан Сатбаев «Қайрат» клубына жеңіс алып келді.

ЛЧ іріктеу кезеңінде Алматылық «Қайрат» өз алаңында Словакиялық «Слован Братислава» футболшыларын қабылдап 1:0 есебімен жеңіске жетті.

⚽️ Дастан Сатбаев - 90 (пенальти)
⚽️ Рикардиньо - 90+7 (гол есепке алынбады)

@ztb_qazaq

😍 Абай өлеңдерін қоғамдық көлікте шырқаған әжелер желіні тәнті етті

Желіде кимешек киген әжелердің Абай Құнанбайұлының өлеңдерін қоғамдық көлікте айтқан видеосы тарады.

Музыкалық атмосфера №10 бағыттағы автобуста болды. «Әжелер Шаңырағы» ансамблінің қатысушылары бұл өнерін 10 тамызда өтетін Абай Құнанбайұлының 180 жылдық мерейтойына арнады.

@ztb_qazaq

⚡️ Шавхат Рахмоновтың әйелі күдікті емес куәгер ретінде тергелетін болды

UFC-де өнер көрсететін танымал спортшы Шавкат Рахмоновтың жұбайы Гулайым Рахмонова екі әйелдің өліміне себеп болған жол-көлік оқиғасы бойынша қорғау құқығы бар куәгер мәртебесінде тергеліп жатыр.

«Тиісті сараптамалар тағайындалды. Қазір азаматшадан қорғау құқығы бар куәгер ретінде жауап алынды. Ол Алматыдағы ауруханада ем қабылдап жатыр. Тергеу шараларының қорытынысына сәйкес оған қатысты қолданыстағы заңнама аясында процессуалдық шешім қабылданады. Қылмыстық-процессуалдық кодекстің 201-бабына сәйкес тергеу мүддесіне байланысты өзге ақпарат жария етілмейді», - деді Жамбыл облыстық ПД.

@ztb_qazaq

⚡️ Әскерде суицидке бейім жастарды анықтайтын жүйе енгізіліп жатыр.

Қорғаныс министрлігі енді арнайы жаңа әдістеме PSY-жүйе арқылы әскерге шақырылатындарды тексеретінін хабарлады. Жаңа жүйе психологиялық тұрғыдан тұрақсыз жастарды ерте анықтауға көмектеседі. Негізгі мақсат психоэмоционалды жағдайына байланысты қарулы күштерде қызмет етуге дайын емес адамдарды әскерге шақыртудан босату.

Толығырақ 📹

@ztb_qazaq

🚁 13 күннен бері табылмай жатқан тікұшақты іздеу үшін құрбандық шалу рәсімі өткізілмек

Алматы облысында бортында үш экипаж мүшесі бар ЕС-145 әскери тікұшағын іздеу жұмыстары екі аптаға жуық уақыттан бері тоқтаған жоқ. Тікұшақ Сорбұлақ көлі маңынан іздестіріліп жатыр. Іске жүздеген құтқарушы мен арнайы техника жұмылдырылған.

ҚР Әуе қорғанысы күштерінің қолбасшысы Асқар Ызбасовтың айтуынша, тікұшақты табу үшін дәстүрлі халықтық рәсімдерге де жүгінуге тура келген.

@ztb_qazaq

💬 2 жылға сотталуы мүмкін Амантай қажы өз шындығын айтты.

Оның сөзінше, желіде тараған қауесет шындыққа жанаспайды. 15 тәулікке, тіпті 2 жылға сотталады деген ақпаратты жоққа шығарды.

«Мені 15 тәулікке соттады деген өтірік. Мен ол спорт алаңына 50 жылдан бері барамын. Таңғы 6-да тұрамын, жаттығу жасаймын. Сол күні спорттық алаңға барғанда, Биғайша деген әйел ішіп алған, алдымнан шығып, мені құшақтады. Мен қолын қағып жібердім», - дейді қоғам белсендісі.

Айта кетейік, шілде айында әлеуметтік желіде Амантай қажының әйелді баспалдақтан итеріп жібергені туралы видео тараған еді. Алматы ПД «Денсаулыққа қасақана ауырлығы орташа зиян келтіру» бабы бойынша тергеу жүргізіліп жатқанын хабарлады.

@ztb_qazaq

🇦🇿🇰🇿Әзербайжан Алакөлде емдеу-сауықтыру кешенін салады

Облыс әкімі Берік Уәли Қазақстанның Әзербайжандағы төтенше және өкілетті елшісі Әлім Байелмен және Әзербайжан кәсіпкерлері делегациясымен кездесті.

Кездесу барысында Алакөл жағалауында халықаралық деңгейдегі емдеу-сауықтыру кешенін салу жөнінде ұсыныс айтылып, инвестициялық жоба таныстырылды. Ауқымды туристік нысан жыл он екі ай жұмыс істейді деп жоспарланып отыр және бір мезетте 800 адамға дейін қабылдай алады.

Жобаның жалпы инвестиция көлемі $20 миллион АҚШ доллары. Кешен іске қосылған кезде 200-ге жуық жаңа жұмыс орны ашылады. Бұл бастама өңірдің туристік әлеуетін арттырып қана қоймай, жергілікті бюджетке түсетін салық көлемін ұлғайтады. Сонымен қатар, медицина мен демалысты біріктіретін жаңа кластердің негізі қаланбақ.

@ztb_qazaq

🤲🏻Ғарышкер Талғат Мұсабаевты ақтық сапарға шығарып салды

Қоштасу рәсімі 09.00-де Алматыдағы офицерлер үйінде басталды. Мұнда Талғат Мұсабаевтың туыстары, жақындары, әріптестері мен достары, сондай-ақ, мемлекет және қоғам қайраткерлері жиналды.

Айта кетейік, Талғат Мұсабаев 4 тамызда 75 жасқа қараған шағында қайтыс болды.

@ztb_qazaq

⚡️ Түркістан облысында 90 жылдық тарихы бар мәдениет үйі өртенді

Түркістан облысы Кентау қаласы Ащысай ауылындағы мәдениет үйі өртенді. 90 жылдық тарихы бар мәдениет үйі Мұханов көшесінде орналасқан.

ТЖМ мәліметінше, ғимараттың үстіңгі қабатындағы жылу оқшаулағыш материал жанған.

Өртті сөндіруге 21 жеке құрам және 6 техника жұмылдырылған.

@ztb_qazaq

🇰🇿 Қазақстанда әйелдерге жүктіліктен сақтайтын дәрі тегін берілуі мүмкін

Денсаулық сақтау министрі Ақмарал Әлназарова Қазақстандағы ана өлімін азайту үшін контрацептивтерді сатып алуға бюджеттен қаржы бөлу керек екенін айтты.

"Ана өлімінің ең жоғары көрсеткіші Ақмола облысында тіркелген. Ол республикалық деңгейден жеті есе жоғары. Қайтыс болу себептерінің құрылымында ауыр экстрагениталды аурулар – 55%, акушерлік себептер – 45%", – деді Әлназарова.

Министр бұл тәуекелдерді азайту үшін қабылдануға тиіс шараларды атады. Ол әкімдіктерден дәрігерлерді жұмысқа тартуға, олардың біліктілігін тұрақты түрде арттыруға және медициналық ұйымдардың материалдық-техникалық базасын нығайтуға қаржы бөлуді сұрады.

@ztb_qazaq

⚡️ Әлеуметтік желіде тойға құран дауысымен ортаға шыққан жас жұбайлар сынға қалды.

Кадрдан екі жастың құран аяттары айтылған әуенмен ортаға шыққанын көруге болады.

ZTB NEWS осы жағдайға байланысты Діни басқармаға ресми сауал жолдады. Шариғат және пәтуа бөлімінің маманы дінді орынсыз қолданбаі керектігін айтты.

«Бұл діннің талабы емес. Орны келе ме, жоқ па жақсылап зерттемей я қарамай тұрып, дінді көрінген жерге араластыра беруді дініміз құптамайды. Бұл біздің дәстүріміз ғой. Дәстүрдің өзінде “жар-жар” айтып шығарады. Сондықтан дәстүрді өзгерту жөн емес»,- дейді ҚМДБ өкілі.

@ztb_qazaq

❗️Ұшқыш-ғарышкер, Халық қаһарманы Талғат Мұсабаевпен қоштасу рәсімі ертең, 6 тамызда өтеді.

Алматыдағы «Қарулы Күштер ардагерлері» республикалық қоғамдық бірлестігінің филиалы хабарлағандай, Мұсабаевпен қоштасу рәсімі 6 тамыз күні таңертең сағат 09:00-де Алматыдағы Офицерлер үйінде өтеді. Осыдан кейін 28 гвардияшы-панфиловшылар атындағы саябақта митинг ұйымдастырылады.

Талғат Мұсабаев Кеңсай зиратына жерленеді.

@ztb_qazaq

🇰🇵Солтүстік Корея әйелдерге алғаш рет көлік жүргізуге рұқсат берді.

Күні бүгінге дейін әйелдерге тек жол қозғалысын реттеуге рұқсат етіліп, ал көлік жүргізуге тыйым салынған еді.

Толығырақ 📹

@ztb_qazaq

⚡️ Амантай қажы 2 жылға бас бостандығынан айырылуы мүмкін

Алматыда 83 жастағы қоғам қайраткері Амантай қажы әйелді баспалдақтан итеріп жіберген оқиғадан кейін қылмыстық іс қозғалды.

Бұған дейін желіде Амантай қажы Асылбековтің әйелді баспалдақтан итеріп жіберген видеосы тараған еді. Осы жағдай бойынша Алмалы ауданы полиция басқармасы қылмыстық кодекстің 107-бабы (денсаулыққа қасақана ауырлығы орташа зиян келтiру) бойынша қылмыстық іс жүргізіп жатыр.

Дене жарақаттарының ауырлық дәрежесін анықтау мақсатында сот-медициналық сараптама тағайындалды. Күдіктінің кінәсі дәлелденсе, оған 1000 АЕК-ке дейін айыппұл салады не 2 жылға дейінгі мерзімге бас бостандығынан айыруы мүмкін.

@ztb_qazaq

⚡️ «Бізді заңсыз шығарып жатыр»: Алматыдағы жекеменшік мектеп мұғалімдері Президентке үндеу жасады

Алматыдағы «Арай» жекеменшік мектебінің мұғалімдері әлеуметтік желіде Мемлекет басшысына бейнеүндеу жариялады. Олар мектепті босату мәселесіне байланысты Президенттен көмек сұрап отыр.

Ұстаздардың айтуынша, бүгін оқу орнына құзырлы органдардың қызметкерлері келіп, ғимаратты босатуды талап еткен. Алайда мектеп әкімшілігі, мұғалімдер және оқушылардың ата-аналары бұл шешімнің заңсыз түрде қабылданғанын алға тартады. Олардың айтуынша, сотта шығарылған бұл шешім мектеп өкілдерінің қатысуынсыз қабылданған.

Өз үндеуінде олар мектепті 2025–2026 оқу жылының соңына дейін қазіргі ғимаратта қалдыруды сұрайды.

@ztb_qazaq

⚡️Алматыда заңсыз салынған таунхаусты сүру кезінде үй иесі өзін өртемек болды.

Мәжіліс депутаты Бақытжан Базарбек әлеуметтік желіде Ерменсай ықшамауданында заңсыз салынған таунхаусқа қатысты видео жариялады. Оның сөзінше, алматылық тұрғын бұл үйді ешқандай рұқсат құжаттарынсыз тұрғызған.

Екі арада кикілжің ушығып, үй иесі өзін өртейтінін айтып қорқытқан. Дегенмен, заңсыз салынған нысан техника көмегімен сүрілді.

@ztb_qazaq

🇰🇿Әуе әлемінің аңызы — Талғат Бигелдиновтің бүгін туған күні.

13-нөмірлі ұшақтан қорықпай, 305 рет жауға қарсы көтеріліп, дұғасымен тірі оралған. Жеке өзі 5 жау ұшағын атып түсіріп, Кеңес Одағының Батыры атағын екі мәрте алған жалғыз қазақ Талғат Бигелдинов 1922 жылы 5 тамыз күні Майбалық ауылында дүниеге келген. Батырдың ерлігі мен өмір жолы — ұрпаққа үлгі, тарихқа алтын әріппен жазылған тағдыр.

ZTB NEWS ұжымы сіздерге халық қаһарманы Талғат Бигелдинов туралы қызық дерек ұсынады.

Толығырақ 👈🏻

@ztb_qazaq

😍 Аңыз оралды. 71 жастағы Джеки Чан жаңа фильмде бой көрсетті.

Әлеуметтік желіде актердің экшн киноға түсіп жатқан видеосы тарады. Соңғы деректерге сәйкес, таспаланған «The Shadow’s Edge» киносы 16 тамыз күні Қытайда прокатқа шығады.

Айта кетейік, Джеки Чан соңғы рет 2025 жылдың 30 мамырында жарыққа шыққан «Karate Kid: Legends» фильмінде Mr. Han рөлін сомдаған еді.

@ztb_qazaq

❗️ Пед#филдерге түрмеде химиялық кастрация жасалуы мүмкін.

Денсаулық сақтау министрлігі жаңа қаулыға өзгеріс енгізбек. Құжатқа сәйкес, химиялық кастрация тәртібіне өзгеріс енгізіледі. Осы тәсілді қолдану туралы шешім сотталушының бостандыққа шығуына алты ай қалғанда қабылданады. Сонымен қатар түрмеден босардан 1 жыл бұрын оған сот-психиатриялық сараптама тағайындалады.

Толығырақ 📹

@ztb_qazaq

⚡️ Депутат Дженнифер Лопестің киімі қазақ менталитетіне жат екенін айтты

Астана қалалық мәслихатының депутаты Сәуле Самидин 1 тамыз күні өткен Дженнифер Лопестің концертіне қатысты пікір білдірді.

Ол әлемдік жұлдыздың сахнаға шыққандағы ашық киім үлгілері қазақстандық көрерменге жат екенін жеткізді.

«Біз Эмират емеспіз, әрине. Құндылықтарымыз да басқа. Бірақ бізде де өзіміздің менталитетіміз бар. Сондықтан кейбір образдарды жергілікті көрерменге бейімдеген дұрыс болар еді»,- деді ол.

Алайда желі қолданушылары депутаттың сөзіне келіспей, одан өзге де, әйелдер құқығын қорғау, жемқорлықпен күрес сынды ауқымды мәселелерге назар аудару керектігін жазды.

@ztb_qazaq

🇰🇿Тәуелсіз Қазақстанның тұңғыш ғарышкері Талғат Мұсабаев 75 жасында өмірден өтті.

Талғат Мұсабаев – қарапайым ауылдан шыққан, аспанды игерген қайсар тұлға. Ол 1951 жылдың 7 қаңтарында Алматы облысы Жамбыл ауданына қарасты Қарғалы ауылында дүниеге келген. ZTB NEWS ұшқыштың еңбекке толы өмір жолына шолу жасады.

Толығырақ 👈🏻

@ztb_qazaq

❗️Ақтөбе мешітінде интимдік неке ұсынған Эммануэлла Наурызбаеваны Алматыда балағаттаған ер адам 10 тәулікке қамауға алынды.

Эммануэланың айтуынша, ер адам оған көшеде жақындап, «исламды бопсаладың» деп айыптап, қорқытпақ болған. Ол оқиғаны видеоға түсірмек болғанда, әлгі адам оқиға орнынан қашып кеткен.

Сот ер адамды ұсақ бұзақылық жасағаны үшін кінәлі деп танып, 10 күнге қамауға шешім шығарды

@ztb_qazaq

⚡️Атышулы «хуторлық» Хасанның ісі сотқа жіберілді.

Алматы облыстық полиция департаментінің Тергеу басқармасы Хасан Қасымбаев пен басқа да фигуранттарға қатысты сотқа дейінгі тергеуді аяқталғанын хабарлады.

Ведомствоның мәліметке сәйкес, 21 шілде күні айыптау актісімен қылмыстық іс облыстық прокуратураға жолданған.

Айта кетейік, Хасан Қасымбаев 2021 жылы ережесіз жекпе-жек жаттықтырушысын ұрлап, соққыға жықты деген күдікке ілінгені хабарланған еді. Қасымбаев 2024 жылы 2 қарашада ұсталып, кейін екі айға қамауға алынды.

@ztb_qazaq

🚗 Көлік айдауды үйреніп жүрген әже желі қолданушыларын таңқалдырды.

Кадрдан апасына көлік үйретіп келе жатқа келінін көруге болады. 80- дегі апама көлік айдауды үйреттім. Апам өзі көлік айдап келе жатыр. Қазір газды басады - дейді ол видеода.

Желі қолданушылары видеоға түрлі пікір қалдырды.

«Керемет көрініс», «Дұрыс-ақ екен», «Үйренгеннің несі айып», - деп жазды олар

@ztb_qazaq

⚡️Марқұм Шерзат Полаттың ағасы Нұрқанат Ғайыпбаевқа қатысты қылмыстық іс тоқтатылды.

Бұл туралы жәбірленушілердің адвокаты Мейірман Шекеев әлеуметтік желіде мәлімдеді.

Айта кетейік, бұған дейін Нұрқанат Ғайыпбаевтың өзін өзі өлтіргені айтылып, қылмыстық сипатқа тән қандай да бір белгілер анықталмағаны хабарланған еді. Дегенмен отбасы адвокаттары істі қайта тергеу туралы өтініш берметінін жеткізді.

@ztb_qazaq

⚡️ Мешітте бір реттік неке ұсынған қызға Алматыда қысым көрсетті

Ақтөбедегі мешіттердің бірінде бұған дейін өзіне жәбір көрсетілгенін мәлімдеген Эммануэла Наурызбаева Алматы қалаларында да тыныштық жоқ екенін жеткізді.

Оның айтуынша, айтуынша, көшеде оны бір ер адам танып, алдымен мешіттегі оқиға туралы сұраған. Кейін оны «шайтан» деп атап, ислам дінін қаралады деп айыптаған. Эммануэлла ер адамның түрін видеоға түсірмек болғанымен, ол қашып кеткен. Қыз полицияға арыз жазғанын жеткізді.

«Мен жанжал іздеген жоқпын. Хайп қуған да емеспін. Мен тек өзімді, өзге әйелдерді және балаларымызды қорғағым келді. Бірақ қолдау орнына мен қысымға тап болдым. Алдымен имам, кейін мешіттегі өзге ер адамдар маған шабуыл жасады.
Содан бері мені аңдып, қорқытып, қоқан-лоққы көрсетіп келеді»,- деп жазды ол.

Толығырақ 👈🏻

@ztb_qazaq

⚡️ Қазақстандық ғарышкер Талғат Амангелдіұлы Мұсабаев 75 жасында дүние салды. Қаралы хабарды Ақорда таратты.

Мемлекет басшысы Қасым-Жомарт Тоқаев марқұмның туыстары мен жақындарына көңіл айтты.

«Талғат Амангелдіұлы ғарышты үш рет бағындырған, ашық ғарыш кеңістігіне шыққан ержүрек қаһарман. Ол ерлігімен елінің мерейін өсіріп, абыройын асқақтатты. Бар ғұмырын қазақстандық ғарыш саласының дамуына арнады. Сенат депутаты және қоғам қайраткері ретінде көптеген игі бастамаларға ұйытқы болды. Кәсіби біліктілігімен және азаматтық белсенділігімен халқының зор құрметіне бөленді. Талғат Амангелдіұлының жарқын бейнесі біздің жүрегімізде мәңгі сақталады»,- делінген Президенттің жеделхатында.

Айта кетейік, Талғат Мұсабаев ғарышқа үш мәрте ұшқан тұңғыш қазақ. Ол жалпы саны 341 тәулік ғарышта болып, бірнеше рет ашық кеңістікке шыққан.

ZTB NEWS ұжымы Талғат Амангелдіұлының туған-туыстары мен жақындарына қайғыра көңіл айтады.

@ztb_qazaq

⚡️ «Әйелдердің қолынан бәрі келеді»: Желіде жаңа тренд пайда болды

Желіде жаңа Nikki Minaj атты тренд пайда болды.

Nicki Minaj Challenge-тің күрделі әрі ерекше форматы көпшіліктің қызығушылығын тудырды. Қолданушылар бір-бірінен асып түсуге тырысып, челленджді түрлі тәсілмен қиындатып орындап жатыр. Бірі гүл құмырасының, косметика заттарының немесе кітаптардың үстіне мініп көрсе, енді бірі тепе-теңдікті сақтау үшін одан да қиын нұсқаларды ойлап тапты.

Толығырақ 👈🏻

@ztb_qazaq

Басқа істейтін тірлік қалмады😁

⚡️Енді Даун синдромын емдеуі мүмкін.

Жапониядағы Миэ университетінің зерттеушілері даун синдромын тудыратын артық хромосоманы жасушадан алып тастайтын жаңа әдіс ойлап тапты. Зертхана ғалымдары Cas9 деп аталатын генді өңдеу технологиясын қолданып, АРС 4155 алды. Бұл – Даун синдромының негізгі себебі саналатын генетикалық өзгеріс. Алайда ғалымдар бұл әдісті әлі де жетілдіру қажет екенін айтады. Сондықтан қазіргі зерттеу тек зертхана деңгейінде. Алайда бұл жаңалық болашақта даун синдромын емдеуге жол ашады.

@ztb_qazaq

ZTB NEWS – ел сенетін, жұрт тыңдайтын ақпарат көзі!

💸Ұлттық банк: АҚШ доллары 550 теңгеге дейін жетті

30 шілдедегі сауда-саттық барысында теңге бағамы АҚШ доллары үшін 550 теңгеге дейін жетіп, ай басынан бері 5,8%-ға, ал жыл басынан бері 4,7%-ға әлсіреді.

@ztb_qazaq

Қайда бара жатыр? Көрсеңдер “сәлем” айтыңдар!

⚡️ Желіде шөпті жасыл түске бояп жүргендердің видеосы тарады.

Кадрдан Алматы қаласы, Медеу ауданы “шығыс айналма жолында” шөптерді бояп жатқанын көруге болады.

Медеу ауданы әкімдігі:
«Биылғы ыстық әрі құрғақ жазға байланысты Медеу ауданында көгалдың көркін сақтау үшін тыңайтқыш қосылған арнайы жасыл бояғыш қолданылуда. Бұл – құрамында улы заттары жоқ, адамдар мен жануарларға зиянсыз, органикалық негіздегі құрал. Ол шөпке жасыл түс беріп, оны күтілген күйде көрсетеді. Бұл өнім АҚШ, Оңтүстік Корея, Испания, БАӘ сияқты ыстық елдерде де пайдаланылады. Басты мақсат – ауа райының қиын жағдайында ауданның сәнін сақтау», - деді ресми жауабында.

@ztb_qazaq

Жаңа жыл келіп қалды ма? 😁

⚡️ Сот Бишімбаевтың інісінің өтінішін қанағаттандырып, жаза мерзімін қысқартты

Ақмола облысы Степногор қалалық сотында Бақытжан Байжановтың жаза мерзімін амнистияға байланысты қысқарту туралы өтініші қаралды.

Сот оның жазасын 8 ай 8 күнге қысқартты. Енді ол 2027 жылдың шілдесі емес, 2026 жылдың қарашасында бостандыққа шығады. Қазір оған өтеуі тиіс жаза мерзімі 1 жыл 4 ай 17 күн.

Шешім шығаруға колония әкімшілігінің Байжановқа берген мінездемесі және сот шешімімен тағайындалған өтемақылардың толық өтелуі әсер еткен.

@ztb_qazaq

⚡️ Камчаткада жойқын жер сілкінісі болды

30 шілде күні Ресейдің Қиыр Шығысындағы Камчатка түбегінде жойқын жер сілкінісі тіркелді. Алдын ала мәліметтерге сәйкес, зілзала магнитудасы 8.5-ке жеткен. Бұл соңғы жылдардағы ең күшті жер сілкіністерінің бірі.

Эпицентрі оңтүстік-шығысқа қарай Тынық мұхитында орналасқан. Ресейдің Төтенше жағдайлар министрлігі өңірде цунами қаупі бар екенін ескертті. Жағалауға жақын аймақтарда эвакуация жүргізіліп жатыр. Тұрғындарға жоғары аймақтарға шығуға кеңес берілді.

Жер асты дүмпуі 3-4 метрлік цунами толқындарын тудырып, Тынық мұхиты аймағында – Жапония, Гавайи, АҚШ Батыс жағалауы мен Канадада эвакуациялар жүзеге асырылды. Жерасты дүмпулері аймақтағы көптеген елді мекенде қатты сезіліп, тұрғындар үйлерінен жаппай көшірілді.

@ztb_qazaq

⚡️ Ақтөбедегі мешіттердің бірінде ер адам мешітке келуші қызға «жыныстық қатынас үшін бір реттік неке қиюды» ұсынған.

Аталған жағдай бойынша полиция ер адамды бөлімшеге жеткізіп, түсіндірме жұмыстарын жүргізген.

Толығырақ 👈🏻

@ztb_qazaq

🇰🇿🇹🇷 Түркия президенті Режеп Тайип Ердоған Қасым-Жомарт Тоқаевты Түркия Республикасының ең жоғары мемлекеттік наградасы – «Devlet Nişanı» орденімен марапаттады.

Мемлекет басшысының Анкараға ресми сапарының аясында 18 үкіметаралық және ведомствоаралық құжатқа қол қойылды.

Айта кетейік, Қасым-Жомарт Тоқаев пен Режеп Тайип Ердоған Қазақстан-Түркия Жоғары деңгейдегі стратегиялық ынтымақтастық кеңесінің 5-ші отырысын өткізді. Жиын барысында мемлекет басшысы Түркияның ежелден бауырлас, тамырлас және түбі бір туысқан ел екенін атап өтіп, ортақ тарихи, рухани құндылықтарға негізделген қазақ-түрік ынтымақтастығы кеңейтілген стратегиялық серіктестік рухында тұрақты дамып келе жатқанына назар аударды.

@ztb_qazaq

⚡️Алакөлде қазақ тілінде қызмет көрсетпеген демалыс орнына қазақстандықтар жаппай шағымданып жатыр.

Threads қолданушысы eOtinish арқылы Алакөлде орналасқан демалыс базасының әкімшісіне қатысты шағым түсіргенін жазған. Оның жазуынша, демалыс орны өкілі қазақ тілінде қызмет көрсетуден дөрекі түрде бас тартып, халыққа тіл тигізген.

Толығырақ 👈🏻

@ztb_qazaq

⚡️Әлеуметтік желіде Қостанай қаласында Ресей әскери-теңіз флоты күніне орай өткен іс-шараның бейнежазбасы тарады.

27 шілдеде Қостанай жағалауында «Қостанай облысының теңізшілері» қоғамдық бірлестігінің өкілдері Әскери-теңіз флоты күніне арналған мәдени шара өткізген. Алайда бұл іс-шара жергілікті әкімдікпен алдын ала келісілмей, заңмен белгіленген тәртіпке сай хабарланбаған.

Қостанай әкімдігінің баспасөз қызметінің мәліметінше, ұйымдастырушылармен түсіндіру жұмыстары жүргізіліп, заңнамаға сәйкес жауапты тұлға әкімшілік жауапкершілікке тартылатын болады.

Айта кетейік, Ресейде Әскери-теңіз флоты күні шілде айының соңғы жексенбісінде атап өтіледі.

@ztb_qazaq

⚡️ «3 пәтер, жер телімі, 5 көлік»: Қайырымдылыққа 1,3 миллиард жинаған ерлі-зайыптыға тергеу аяқталды

Астанада емге ақша жинау кезінде жасалған алаяқтық схемасы әшкереленді.

Ұлының еміне деп қайырымдылықпен 1,3 млрд ақша жинаған ерлі-зайыпті үй қамаққа алынды. Олар баласының ем-домына тек 6,4 млн жұмсап, қалған ақшаға 3 пәтер, 5 көлік сатып алған.

Толығырақ 👈🏻

@ztb_qazaq

🚔Маңғыстау облысында полициядан қашқан жүк көлігінің жүргізуші ұсталды.

Ақтау қаласы ПБ ППБ командирі майорының мәліметінше, көлік жүргізуші мас күйінде болған.

«29 шілде 2025 жылы, сағат 02 шамасында, Ақтау қаласы, Промзона елді-мекенінде арнайы жасақ үлкен жүк көлік техникасын тоқтатты. Жүргізуші қасақана заңды талапқа бағынбай, қозғалысын жалғастырып қала ішіне кірді. Полиция қызметкерлері жүк көлігінің бағытындағы көліктерді және жаяу жүргіншілерді ескере отырып, үлкен жол-көлік оқиғасының алдын алды»,- делінген хабарламада.

Жүргізуші ұсталып, әкімшілік хаттама толтырып, жүк көлігі арнайы тұраққа қойылды.

@ztb_qazaq

🇰🇿 Балаларға спортпен шұғылдануға тыйым салынады!

Қазақстанның Туризм және спорт министрлігі елде балаларға спортпен айналысуға тыйым салынды деген ақпаратқа қатысты түсінік берді.

Министрліктің мәліметінше, бүгінде Қазақстанда 4 пен 17 жас аралығындағы 5,1 миллионнан астам бала мен жасөспірім тұрақты түрде спортпен айналысады.

«Сайыстар – спорттық дайындықтың бір бөлігі ретінде – белгілі бір физикалық әрі эмоционалдық жүктемелермен қатар жүреді. Осыған байланысты министрлік спорттық жарыстарға қатысу үшін ең төменгі жас шегін белгілеген»,- деп түсіндірді Туризм және спорт министрлігі баспасөз қызметі.

Толығырақ 👈🏻

@ztb_qazaq