Энди ҳар йили вилоятлардан 150 нафар талаба қизнинг контракти ҳокимликлар томонидан тўлаб берилади. Имтиёз кам таъминланганлар, ота-онаси ёки боқувчисини йўқотганлар, шунингдек ёлғиз она тарбиясидаги қизларга берилади.

Иккинчи мутахассислик, хорижий ва хусусий ОТМларга бу тартиб татбиқ этилмайди.

Фарғонада божхона пости бошлиғи пора билан ушланди

Фарғона вилоятидаги чегара-божхона постларидан бирининг бошлиғи ўз хизмат мавқеидан фойдаланиб, фуқаронинг Қирғиз Республикасидан олиб келган 80 дона “Iphone-16” русумли уяли телефон аппаратларини тегишли расмийлаштирувларсиз божхона постидан ноқонуний ўтказиб берганлиги эвазига 5000 доллар ҳамда 1 дона “Iphone-16 Pro” телефон аппарати талаб қилади.

Давлат хавфсизлик хизмати ходимлари томонидан ўтказилган тезкор тадбирда божхона органлари подполковниги ушбу моддий қийматликларни олган вақтида ашёвий далиллар билан ушланди.

Ҳозирда мазкур мансабдор шахсга нисбатан Жиноят Кодексининг 210-моддаси (пора олиш) билан жиноят иши қўзғатилиб, қамоқ эҳтиёт чораси қўлланилди.

Бугун фуқаролик ишлари бўйича Яккасарой туманлараро суди томонидан чиқарилган ҳал қилув қарорига асосан даъвогар Ш. И.нинг жавобгар Р. К.га нисбатан алимент ундириш ҳақидаги даъво аризаси қаноатлантирилди.

Суд қарорига кўра Р. К.дан Ш. И. фойдасига вояга етмаган бир нафар – 2023 йил 5 октябрда туғилган М. К. исмли фарзандининг таъминоти учун 2025 йилнинг 28 июнь кунидан бошлаб фарзанди вояга етгунига қадар ҳар ойдаги иш ҳақи ва бошқа турдаги барча даромадларининг 1/4 қисми миқдорида алимент ундирилиши белгиланди.

Жавобгар Р. К.дан давлат фойдасига давлат божи ҳамда почта харажатлари ундирилиши қайд этилди.

Ушбу ҳал қилув қарори устидан қонунда белгиланган муддат ва тартибда Тошкент шаҳар судининг фуқаролик ишлари бўйича судлов ҳайъатига апелляция/кассация шикояти берилиши ёхуд протест келтирилиши мумкинлиги маълум қилинади.

Жиноят процессида мажбурлов чоралари институти такомиллаштирилади

Қонун (ЎРҚ–1081-сон, 15.08.2025 й.) билан айрим қонун ҳужжатларига қўшимча ва ўзгартиришлар киритилди.

Қонун билан суд томонидан айрим шахсларнинг Ўзбекистондан чиқиш ҳуқуқи вақтинча чекланишига доир тартибни назарда тутувчи қўшимча ва ўзгартиришлар киритилмоқда.

Киритилган қўшимчаларга кўра, Ўзбекистондан чиқиш ҳуқуқини вақтинча чеклаш гумон қилинувчи, айбланувчи ёки судланувчига нисбатан қамоққа олиш эҳтиёт чораси қўлланилмаган, бироқ Ўзбекистондан чиқиб кетиб, суддан узрли сабабларсиз бўйин товлаши учун асослар мавжуд бўлганда қўлланилади.

Прокурор, терговчи, суриштирувчи Ўзбекистондан чиқиш ҳуқуқини вақтинча чеклаш тўғрисида илтимоснома қўзғатиш ҳақида мазкур мажбурлов чорасини қўллаш асосларини баён этган ҳолда қарор чиқаради.

Илтимоснома материаллар келиб тушган пайтдан эътиборан 8 соатдан кечиктирмай ёпиқ суд мажлисида кўриб чиқилади.

Судья илтимосномани кўриб чиқиб, Ўзбекистондан чиқиш ҳуқуқини вақтинча чеклаш ёки уни рад этиш тўғрисида ажрим чиқаради.

Ажрим устидан 48 соат ичида шикоят берилиши ёхуд протест билдирилиши мумкин.

Қонун расмий эълон қилинган кундан эътиборан кучга киради.

Президент селекторидан:

➖ Тўқимачилик корхоналарининг тижорат кредитидан 2,2 миллиард доллар қарздорлиги бор. Кредитларнинг 90-95 фоизи хорижий валютада, атиги 16 фоиз корхона халқаро сертификатга эга.

➖ Жорий йилда кластерларнинг кредитдан қарздорлигини гаров қўйиш шарти билан 5 йилгача узайтиришга рухсат берилди. Эндиликда гаров қўйган кластерлар фақат асосий қарзни тўлайди.

➖ Қишлоқ хўжалиги жамғармаси ва банкларга ҳисобланадиган фоизлар эса асосий қарз тўлиқ қопланганидан кейин ундирилади. Бу орқали кластерларда йилига 800 миллиард сўм айланма маблағ қолади. Агар кластерлар ҳам асосий қарз, ҳам фоизини ўз вақтида тўласа, фоизнинг Жамғармага кетадиган қисмининг ярми тадбиркорга қайтарилади.

➖ Кластерларга 2022-2023 йиллар ҳосили учун берилган кредит бўйича 1 август ҳолатига юзага келган 377 миллиард сўмлик пенядан воз кечилади.

➖ Тижорат кредитидан 2,2 миллиард доллар мажбурияти бор бўлган 144 та корхонани соғломлаштириш чоралари ишлаб чиқилади. Фаолиятини барқарорлаштириш мумкин бўлган корхоналарнинг кредит муддати 7 йилгача узайтириб берилади.

Шунингдек:

➖Пахтани ўз вақтида, нобуд қилмай териб олиш учун фермерларга тоннасига 1 миллион сўмдан субсидия берилади. Корхоналар ўз маблағи ҳисобидан пахта етиштирса ёки харид қилса, хомашё қийматининг 10 фоизи қоплаб берилади.

➖Эндиликда тўқимачилик занжиридаги барча корхоналарга ижтимоий солиқ ставкаси 1 фоиз қилиб белгиланади. Бунда ижтимоий реестр бўйича талаб бекор қилинади, реализацияда тўқимачилик улушига талаб эса 90 фоиздан 70 фоизга туширилади.

Президент ҳузуридаги видеоселектордан:

Тўқимачилик корхоналарининг тижорат кредитидан 2,2 миллиард доллар қарздорлиги бор. Кредитларнинг 90-95 фоизи хорижий валютада, атиги 16 фоиз корхона халқаро сертификатга эга.

Толани қайта ишлаш қуввати етарли бўлмаган айрим “уддабуронлар” давлатнинг арзон ресурси ҳисобига пахта “спекуляцияси” билан шуғулланмоқда.

Президентнинг “Якка тартибдаги тадбиркорлар ҳамда ўзини ўзи банд қилган шахслар учун қулай шарт-шароит яратиш чора-тадбирлари тўғрисида”ги қарори матни

my3.soliq.uz тизимдаги техник носозлик сабабли солиштирма далолатнома бўйича вақтинча нотўғри маълумотлар (солиқ қарздорлиги пайдо бўлиши, маблағ ечиб олиниши ва ҳоказо) акс этиши мумкин.

Вазият назоратга олинган. Ҳозирда мутахассислар мазкур муаммони бартараф этиш устида ишламоқда. Носозликлар бартараф этилгач, барча маълумотлар тикланади, нотўғри ечилган маблағлар қайтарилади.

Солиқ қўмитаси

❗️Ҳукумат қарорига кўра:

2025 йил 1 августдан айрим тоифадаги оилалар фарзандларини қабул қилган оилавий нодавлат мактабгача таълим ташкилотларига ушбу болалар таъминоти учун ота-оналар тўловининг бир қисмини Давлат буджетидан қоплаб бериш (компенсация ажратиш) тартиби жорий қилинади.

Бунда компенсация бола таъминоти учун ота-оналар тўловининг 40 фоизи миқдорида ажратилади.

❗️Президент фармонига кўра, 2026 йил 1 январдан бошлаб:

давлат хизматига биринчи марта қабул қилинган давлат хизматчилари билан меҳнат шартномаси дастлаб бир йил муддатга тузилади ва кейинчалик фаолиятининг ижобий натижаларига кўра меҳнат шартномаси номуайян муддатга узайтирилади.

Эндиликда абитуриентлар 5 та олийгоҳдан бирортасига киролмаган бўлса, лекин тўплаган балли бошқа олийгоҳдаги тўлмаган йўналишга тўғри келса, шу олийгоҳ ректори уларни контракт асосида қабул қилиши мумкин бўлади.

❗️Тошкентнинг айрим кўчаларида тезлик чегараси 80 км/соатгача оширилиши мумкин

Тошкент шаҳрининг Бунёдкор, Себзор, Аҳмад Дониш ҳамда Тошкент ҳалқа йўли ва Янги Ўзбекистон кўчаларида тезлик чегараси 80 км/соатгача ошириш ва 12 та кўчада бир томонлама ҳаракатланишни жорий этиш режа қилинмоқда. ЙҲХБ бошлиғи ўринбосари Элмурод Алимовга кўра, 500 та светофор узлуксиз электр таъминоти билан жиҳозланиши мумкин.

Ички ишлар органларининг порахўр ходимлари қўлга олинди

➖Бухоро вилоятида ички ишлар бошқармаси ходими жиноят ишини гумонланувчига нисбатан тугатиш эвазига 13 минг АҚШ доллари талаб қилиб, пулни олган вақтида қўлга олинди.

➖Тошкент вилоятида қўриқлаш бошқармаси сафдор ходими фуқарони ишга жойлаштириш эвазига 1500 АҚШ доллари талаб қилиб, олдиндан 1000 долларни олган пайтда ушланди.

➖Тошкент халқаро аэропортида паспорт-виза бўлими катта инспектори вояга етмаган шахсга ҳамроҳлик штампини тезлаштирилган тартибда расмийлаштириш учун 400 доллар пора олган пайтда ушланди. Тергов жараёнида у 2025 йил бошидан буён 42 нафар чет эл фуқаросидан 300–700 доллар ва 8 нафар Ўзбекистон фуқаросидан 200–400 доллар миқдорида пора олгани аниқланди.

ДХХ

❗️ Якка тартибдаги тадбиркорлар ва ўзини ўзи банд қилган шахслар учун 2030 йил 31 декабрга қадар махсус ҳуқуқий режим жорий этилади. Уларни давлат рўйхатидан ўтказишдан тортиб ҳисоботни топширишгача бўлган барча асосий хизматларни бирлаштирувчи интеграциялашган рақамли платформалар яратилади. Жумладан, фаолиятни расмийлаштириш, банк ҳисобварақлари очиш ва бошқариш, солиқларни ҳисоблаш ва тўлаш, ҳисоб-китоблар қилиш ва фискал чекларни шакллантириш ушбу рақамли платформалар орқали юритилади.

2025 йил 1 ноябрдан бошлаб, бу жараёнларда “QR-код” ва “tap to pay” технологиясидан фойдаланилади. Ҳужжатларни масофавий биометрия ва “SMS хабарнома” орқали электрон калитсиз имзолаш мумкин бўлади. Бу маълумотлар қоғоз нусхадаги ҳужжатлар билан тенглаштирилади. “Кунлик тўлов” тартиби тажриба тариқасида жорий этилиб, ходимларга тўловларни электрон ҳамён орқали тўлаш имконияти яратилади.

2026 йил 1 январдан бошлаб, йиллик айланмаси 1 миллиард сўмгача бўлган якка тартибдаги тадбиркорлар ва ўзини ўзи банд қилган шахслар учун айланмадан олинадиган солиқ ставкаси 1 фоиз миқдорида белгиланади.

Якка тартибдаги тадбиркорлар ва ўзини ўзи банд қилган шахсларда электрон тўловларни қабул қилувчи махсус QR-код мавжуд бўлиши чакана савдо қоидаларининг мажбурий талаби этиб белгиланади. Рақамли платформадаги пул айланмалари тўғрисидаги маълумот кредит ажратишда инобатга олинади.

“Ҳоким танқид калтагини еб кўриши шарт” — Зойир Мирзаев

Тошкент вилояти ҳокими Зойир Мирзаевга кўра, ижтимоий тармоқларда фаол бўлмаган ҳокимнинг келажаги йўқ. Унинг сўзларича, раҳбарлар интернетда фақат мақтов излаши эмас, балки танқидни ҳам қабул қилишга тайёр бўлиши керак.

“Бир-икки марта танқид ‘калтаги’ни еса, пишади. Танқидни ҳазм қилишни ўрганиш керак”, — деган ҳоким йиғилишда.

Маълум бўлишича, Олий Мажлис Сенати Кенгаши Ўзбекистон Республикаси Президентининг тақдимига биноан Холмўмин Ёдгоровни Ўзбекистон Республикаси Судьялар олий кенгаши раиси лавозимига сайлаш тўғрисида қарор қабул қилган.

Давлат меҳнат инспекторлари роли оширилади

Туман (шаҳар) камбағалликни қисқартириш ва бандликка кўмаклашиш бўлимларидаги давлат меҳнат инспекторларининг штат бирликларини ҳудудий бошқарманинг Давлат меҳнат инспекцияси штат бирлигига ўтказилади.

Давлат меҳнат инспекциясида мазкур штат бирликлари доирасида қишлоқ хўжалиги бўйича давлат меҳнат инспекторлари лавозими жорий этилади.

Президент фармони

Ўзбекистон ва Тожикистон ҳукуматлари ўртасида имзоланган тегишли битимга мувофиқ, 2025 йил 10 август соат 06:00 дан бошлаб, Тошкент вилоятидаги “Бекобод авто” ҳамда Сирдарё вилоятидаги “Ховособод” чегара божхона постлари орқали учинчи давлат фуқаролари ҳамда енгил автотранспорт воситалари ўтказилиши йўлга қўйилади.

Кутлиев Дилшод Орифович Халқ банк Бошқаруви раиси биринчи ўринбосари лавозимига тайинланди. У бунга қадар мазкур банк Бошқарув раиси ўринбосари вазифасида ишлаб келаётган эди.

Маматқулов Дилшод Ўктамович Халқ банки Бошқарув раиси ўринбосари лавозимига тайинланди. У бунга қадар банкнинг Стратегия департаменти директори лавозимида ишлаб келаётган эди.

Маҳаллий давлат ҳокимияти органлари ходимлари разрядлари, тўланадиган устамалар, тариф коэффициентлари ва қўшимча тўлов миқдорлари

Маҳаллий ижро этувчи ҳокимият органлари ходимларини рағбатлантиришнинг янги тизими жорий этилади

“Қорақалпоғистон Республикаси Вазирлар Кенгаши, вилоятлар ва Тошкент шаҳри ҳамда туман (шаҳар) ҳокимликлари ходимларининг меҳнатига ҳақ тўлаш ва уларни моддий рағбатлантириш тизимини такомиллаштириш чора-тадбирлари тўғрисида”ги Президент Фармони (ПФ–129-сон, 07.08.2025 й.) қабул қилинди.

Фармонга кўра, Қорақалпоғистон Республикаси Вазирлар Кенгаши, вилоятлар ва Тошкент шаҳри ҳамда туман (шаҳар) ҳокимликлари бошқарув ходимлари меҳнатига ҳақ тўлашнинг янги тизими жорий этилади.

Бунда ходимларнинг лавозим маоши ягона тамойил асосида меҳнатга ҳақ тўлашнинг янгиланган тариф сеткаси ҳамда кўп йиллик хизмати ва лавозимини инобатга олган ҳолда табақалашган тариф коэффициентлари асосида шакллантирилади.

Рағбатлантириш тўловлари бошқарув ходимлари томонидан эришилган энг муҳим самарадорлик кўрсаткичлари (KPI) асосида ҳар ойлик устама, малака (мартаба) даражалари учун ва ҳисобот даври якунлари бўйича рағбатлантириш (бонус) тўловлари шаклида тўланади.

Маҳаллий ижро этувчи ҳокимият органлари бошқарув ходимларининг меҳнатига ҳақ тўлаш фақат мазкур Фармонда белгиланган шартларда амалга оширилиб, Фармонда кўзда тутилмаган қўшимча устамалар, мукофотлар ва бошқа тўловлар тўлаш тақиқланади.

2025 йил 1 августдан маҳаллий ижро этувчи ҳокимият органларида меҳнатга ҳақ тўлаш жамғармаси қуйидагиларни ўз ичига олади:

▪️ лавозим маоши;
▪️ энг муҳим самарадорлик кўрсаткичларига (KPI) эришганлиги учун лавозим маошига ҳар ойлик устамалар;
▪️ малака (мартаба) даражалари учун тўловлар;
▪️ мукофотлаш ҳамда бонус тўловлари.

❗️ Бундан буён битирувчиларни ишга жойлашда ўзини ўзи банд қилганлик инобатга олинмаслиги белгиланди.

“Янги Ўзбекистон” университетида ректорлар мактаби орқали ректор ва проректорликка номзодлар мақсадли тайёрланади.

Ўқув курсида энг яхши натижа кўрсатган ректорликка номзодлар малака ошириш учун Гарвард университетига юборилади.

Кўп масалаларда ректорларга мустақиллик берилади. Аввало, барча олийгоҳлар ташкилий ва академик мустақил бўлади.

Яъни, ректор ўринбосарларини ўзи тайинлайди (амалдаги тартибга кўра, вазирлик билан келишиш керак).

Бунда ҳар бир номзод олийгоҳ кенгашида ўзининг йиллик дастурини ҳимоя қилади.

Ректорлар белгиланган молиялаштириш ва штати доирасида профессор-ўқитувчилар ва бошқарув ходимларини ўзи тақсимлайди.

Бундан ташқари, ректорларга “супер” контракт суммасини табақалашган ҳолда белгилаш ваколати берилади.

Бу йилги 231 минг олийгоҳ битирувчисидан 125 минги иш топди, деб ҳисобот берилаётгани билан ишли бўлганларнинг 42 минги ўзини ўзи банд қилгани аниқланган – Президент

Президент Шавкат Мирзиёев 8 август куни олий таълим муассасалари битирувчиларининг бандлигини таъминлаш масалалари юзасидан кенгайтирилган йиғилиш ўтказади.

Владимир Путин Шавкат Мирзиёевга 6 август куни Москва шаҳрида АҚШ Президентининг махсус вакили Стивен Уиткофф билан ўтказилган музокараларнинг асосий натижалари ҳақида маълум қилди.

Водийда зилзила

Тошкент вақти билан соат 08.59 да Андижон вилоятининг Марҳамат туманида эпицентри 10 км чуқурликда 4.2 магнитуда зилзила содир бўлди.

Зилзилани андижонликлар 3 баллгача, фарғоналиклар 2—3 балл, наманганликлар 2 баллгача сезган.

Шавкат Мирзиёев БМТнинг Денгизга чиқиш имкони бўлмаган ривожланаётган мамлакатлар бўйича учинчи конференциясида иштирок этди.

Денгизга чиқиш имкони бўлмаган мамлакатларнинг умумий таҳдид ва муаммоларини бартараф этиш мақсадида Ўзбекистон Президенти қатор аниқ таклиф ва ташаббусларни илгари сурди:

🔹 БМТ шафелигида Транзит кафолатлари тўғрисида глобал битим ишлаб чиқиш;
🔹 Логистика интеграцияси жамғармасини тузиш;
🔹 Заифлик глобал индексини яратиш;
🔹 Ўзбекистонда Инновацион аграр хаб ташкил этиш ва бошқалар.

Тадбир якунида Аваза сиёсий декларацияси қабул қилинди.

Ҳукумат қарорига кўра:

2025 йил 1 августдан айрим тоифадаги оилалар фарзандларини қабул қилган оилавий нодавлат мактабгача таълим ташкилотларига ушбу болалар таъминоти учун ота-оналар тўловининг бир қисмини Давлат буджетидан қоплаб бериш (компенсация ажратиш) тартиби жорий қилинади.

Бунда компенсация бола таъминоти учун ота-оналар тўловининг 40 фоизи миқдорида ажратилади.

Бугун ўқишни кўчириш бўйича аризаларни қабул қилишнинг сўнгги куни

Бугун талабалар ўқишини хорижий ва нодавлат олий таълим ташкилотларидан давлат олий таълим муассасаларининг мос ва турдош таълим йўналишларига кўчириш бўйича аризаларни қабул қилиш якунланади.

Талабалар бугун (5 август) 23:59 га қадар my.uzbmb.uz сайти орқали хорижий давлатлардаги олий таълим ташкилотларидан ёки республикада фаолият юритаётган хорижий ва нодавлат олий таълим ташкилотларидан ўқишни кўчириш бўйича онлайн ариза юборишлари мумкин.

Талабалар ўқишини хорижий мамлакатларда фаолият юритаётган олий таълим ташкилотларидан давлат олий таълим муассасаларининг мос ва турдош бўлмаган таълим йўналишларига кўчиришга рухсат этилмайди.

Тез ёрдам машиналарини онлайн кузатиш мумкин бўлди

Ўзбекистон Республикаси Тез тиббий ёрдам Республика маркази Yandex Maps’нинг JavaScript API технологияси асосида пилот лойиҳани ишга туширди. Энди тез ёрдам чақирилгандан сўнг беморнинг телефонига харитага ҳавола билан SMS келади. У орқали тез ёрдам машинасининг жойлашувини реал вақт режимида кузатиш мумкин.

Янги тизим диспетчерлар юкини камайтириши кутилмоқда. Чунки келаётган қўнғироқларнинг катта қисми бригаданинг қачон келиши ҳақида бўлади.

Айни пайтда тизим фақат Тошкентдаги айрим чақирувлар учун ишлаяпти. Келгусида лойиҳа бошқа ҳудудларга ҳам кенгайтирилиши режалаштирилган.

Манба

Энди тез ёрдамнинг ҳаракатини онлайн кузатиш мумкин

Тошкентда чақирилган тез тиббий ёрдам йўналишини реал вақт режимида кузатиш имконини берувчи синов лойиҳаси ишга туширилди.

103 рақамига қўнғироқ қилингандан сўнг, беморга шахсий ҳавола билан СМС юборилади. Бу ҳавола орқали қуйидагиларни кўриш мумкин:
– ҳозир бригада қаерда жойлашгани;
– у қандай ҳаракат қилаётгани;
– ва етиб келишига қанча вақт қолгани.

1 августдан Ўзбекистонда нималар ўзгаради?

➖ Бюджет ташкилотлари ходимларининг иш ҳақи ва стипендиялар миқдори 10 фоизга оширилади;

➖ Давлат фуқаролик хизмати лавозимларини эгаллашда янги тартиб жорий этилади;

➖ «Ягона миллий меҳнат тизими»да ногиронлиги бўлган шахслар учун иш ўринларини захиралашнинг электрон тизими жорий этилади;

➖ Маиший чиқиндини олиб чиқиб кетиш хизмати учун тўлов электр энергияси тўловига боғлаб қўйилади;

➖ Экологик назорат кучайтирилади. Давлат экологик назорат инспекцияси давлат инспекторлари ваколатлари кенгаяди;

➖ Вазирлик ва идораларнинг ўзларига тегишли соҳани тартибга солиш ваколати доирасида идоравий норматив-ҳуқуқий ҳужжатлар қабул қилиш имкониятлари кенгайтирилади;

➖ Озиқ-овқат маҳсулотлари учун техник регламентлар ва стандартлар мажбурийлиги бекор қилинади;

➖ Айрим тоифадаги оилалар фарзандларини қабул қилган оилавий нодавлат мактабгача таълим ташкилотларига ушбу болалар таъминоти учун ота-оналар тўловининг бир қисмини давлат бюджетидан қоплаб бериш тартиби жорий қилинади.

Шохрух Азаматович Аминов Қорақалпоғистон Республикаси прокурори лавозимига тайинланди.

Ш.Аминов тайинловга қадар Ўзбекистон Республикаси Бош прокурорининг ўринбосари лавозимида ишлаган.

1-синфга микроҳудуддан ташқари қабул жараёни бошланди

2025/2026-ўқув йили учун 1-синфга электрон қабул жорий этилган ҳудудларда микроҳудуддан ташқари қабул жараёни жорий йил 1 август куни соат 10:00 дан бошланди ва жараён 15 августга қадар давом этади.

Шунингдек, ўқувчиларни бир мактабдан бошқасига кўчириш бўйича давлат хизмати кўрсатилиши жараёнлари ҳам 1 август санасидан давом эттирилади.

Батафсил видеоқўлланмада.

❗️2025 йил 1 августдан:

"Ягона миллий меҳнат тизими" идоралараро дастурий-аппарат комплексида ногиронлиги бўлган шахслар учун иш ўринларини захиралашнинг электрон тизими жорий этилади.

Бунда ташкилотлар томонидан иш ўринларини захиралаш электрон реестр маълумотлари орқали ўзлари жойлашган ҳудуддаги ногиронлиги бўлган шахсларнинг жисмоний ҳолати ва имкониятлари ҳамда малака даражасидан келиб чиқиб амалга оширилади.

Илғор ўқитувчиларга оромгоҳларда дам олиш имкони яратилди.

Эндиликда мактабгача ва мактаб таълими тизимида фаолият юритаётган илғор педагоглар махсус оромгоҳларда ҳордиқ чиқариши мумкин.

Вазирлар Маҳкамаси қарорига кўра, улар учун дам олиш сентябрдан майгача ташкил этилади. Йўлланмалар белгиланган мезонлар асосида, бепул ва навбат тартибида берилади.