الاختبار الامتحاني للمادة صار متاح للجميع عالقناة ❤️

الاختبار عبارة عن 100 سؤال.. بمستوى متوسط لا صعب ولا سهل

الاختبار بينحل بس تنتهوا من دراسة ومراجعة المادة كاملة 👏🏻

الحل الصحيح للاختبار موضح بالجدول بالصورة..
(الحل يلي موجود ضمن ال PDF منقول بشكل مغلوط اثناء تنسيق الملف).

هديتي الكم بنهاية السنة ❤️

لكل يلي مو ملحق او لسا باقيله فصول مو دارسها لاول مرة:

حينفتح الكورس مجاني بشكل كامل اليوم والملخص حابعته pdf عالقناة

بتشوف الفيديوهات الفصول يلي بقيانينلك اليوم وبتقراهم ملخص وبتحل دوراتهم بعدها

اليوم بدك تكون ناهي الوراثة قد ماكان باقيلك

مشان بكرا ضروري ترجع تعمل قراءة كاملة للمادة من اول صفحة لاخر صفحة تمام؟

اليوم انهاء كامل المادة وبكرا قراءة المادة للمرة الاخيرة

كل التوفيق الكم❤️

مفاجاة كبيرة قريبا لكل يلي مو ملحق 🔥

مسائل الدمج بين الفصول.. ماتنسو تحلوهم هامين جدا

ححلكم كم سؤال صعبين منهم بعد هي الرسالة وقلكم كيف بينحلو

واذا في شي مافهمتوه وليش نحل بعتوه ع غروب النقاش

في الروح إصرارٌ وفي أعماقنا أملُ، لا يعتري خطواتنا يأس ولاسأمُ، وإذا الحياة مصاعب سنخوضها جلداً، وإذا الجبال طريقها فطموحنا القمم 👌🏻

صديقي.. عزيزي.. اذا انت خاتم المادة جوا الفصل او فارش فيها جدا هاد لا يساوي شي هلأ.. العبرة بالخواتيم!

اد ماكنت مقصر وخايف كتير من المادة.. امشي عالبرنامج بكل طاقتك كل يوم بيومو.. ياما طلاب هيك ماكانو دارسين هالكمية من المادة وعملو المستحيل باسبوعا وجابو اعلى العلامات.. كون انت واحد منهم هاد الأسبوع ❤️

📌برنامج دراسة الوراثة خلال أسبوع الامتحان

السبت بدنا ندرس؟! 😨
اي للأسف.. معلش اتحمل بس هالمادة.. القي نظرة عالبرنامج بتعرف اديه اسبوع الوراثة مضغوط وبحاجة استثمار كل ثانية منو.. بس بكل الاحوال ارجع نام وارتاح وريح راسك من الانجليزي كم ساعة بعدا فيق مصحصح عميل قهوة وبلش

لنحكي كلمتين عن توزيع البرنامج وأهمية دراسته بالترتيب الحالي:
- بالبداية ضروري تبلش بفصول السينترال دوغما.. يلي هنن من 3 ل 7 بالإضافة للفصل 8 يلي ملحق معهن.. اغلب الاسئلة عليهم وهنن الوراثة اساسا لازم تضمن علاماتهم

- الفصل 1 2 11 بيندرسو مع بعضضض
هدول بيجو بالمرتبة التانية بالاهمية.. هون اغلب مسائل الوراثة وهون الترابط رهيب بين 1 و 11

- بالنسبة للفصلين 7 و 8 اهم فصلين واكتر فصلين بيجي عليهن.. لاحد يفكر يحذفهم ومايدرسهم


- ليش مانوزع الفصل 16 ع الايام وهيك مندفش الخامس لبكرا ومننام بدالو اليوم ومنريح 😴😌؟!
نظرياً سهل.. وبالفعل انت حتركز كل مرض وتحفظو وتحس صارت الدراسة سهلة. ولكن، بالامتحان كانك مادرست شي منو ولا بتعرفو.. ليش؟ لان الفصل كلو بيشبه بعضو كلو أرقام ونسب.. بالتالي اذا بتدرس كل واحد لحال بتحسو سهل.. بس تعا خلي مخك يقارن بينن بالامتحان بيفرش.. لهيك الأفضل يندرس قعدة وحدة

بالنسبة لخطة اليوم عنا 3 4 5
الفصول كانت سهلة وبسيطة.. منرجع مندرسهم محل مادرسناهم بالدراسة الاولية.. واذا لقيت حالك ماكتير متذكرهم ارجع شوفهم من الكورس وحطن ضرب x2
بعدا بتقرا قراءة بسيطة من الكتاب او الملخص
عدد صفحات الملخص بهدول الفصول: 21

قناة الوراثة ضروري تشتركو فيها حيكون فيها كلشي بيلزمكن هالاسبوع
https://t.me/Dr_Kiwan
بالتوفيق يارب.. ❤️

" We often suffer more in our imagination than in reality."

انت عم تعذب حالك بافراط تفكيرك، اكتر من شو ممكن يعذبك حصول الشي يلي عم تفكر فيه..

فكر معي بهالشكل: انت لما تفرط التفكير بتشاؤم بمستقبلك وتنزع نهارك واسبوعك وشهرك وانت عم تفكر وتفكر وتخاف.. قدامك سيناريوهين:
- إما انو يصير الشي يلي خايف منه، وبس بتكون ضفت أشهر قبله على تعاستك.
- إما انو ما يصير الشي يلي خايف منه، وبتكون بس ضوعت اشهر من عمرك تعيس على الفاضي.

بكلا الحالتين انت خسران لما تعمل هيك بحالك.

قضائك اليوم ساعات في تفكيرك في مستقبلك لن يحسنه، ولكن سيسلب منك الوقت والطاقة اللازمة في حاضرك لتغييره للأحسن.

Make peace with reality: when it seems that your life is falling apart, it may actually be falling in place.


د. براء المدلل @DR_BMOD

صباح الخيرات يا أكابر 🌸
فيديو يشرح الأسلوب الأفضل لحل النص الخارجي، سنناقش فيه نص إحدى الدورات ❤️

🔹 ستشاهدون في هذا الفيديو أفضل أسلوب مُتبع لقراءة النص الخارجي وحل أكبر عدد من أسئلته بأقل الخسارات، وهو الأسلوب الذين يتبعونه متدربي حل ذلك القسم في امتحانات التوفل وغوته وغيره.

🔹 سأعامل النص كطالب تحت متوسط لا يعلم 60 كلمة بداخل النص، وعلى الرغم استطعت أن أجاوب عن 8 من أصل 10 أسئلة بشكل صحيح.

🔹 سأعلمكم الفرق بين ال Reading Comprehention وبين الأسلوب الخاطئ الذي يتبعه الطلاب في الاعتماد على الترجمة الحرفية لكلمات النص

🔹 كما سأعلمكم كيف تفرقون بين الخيارات المتشابهة في الفكرة الفرعية والعامة
وأخيرا، سأعلمكم كيف تختصرون وقت الحل عبر تجنب إعادة قراءة النص بعد كل سؤال، وتحديد الكلمات المفتاحية.

🔹 الفيديو ساعة تحتوي زبدة خبرة سنين في حل هكذا نوع من النصوص، وسيسعفكم في تحصيل عدة علامات إضافية في النص الخارجي باذن الله

الفيديو هو إحدى فيديوهات قسم المراجعة الذهبية، حبيت انشره بشكل مجاني لتعم الفائدة

لينك اليوتيوب:
https://youtu.be/T8yGy4Kzpz0?si=S_0L5hfxgPvPoVNI


قناة الانكليزي د. براء المدلل @DR_BMOD

سؤال جميل من دورة 2022:

They were a bunch of show-offs who never worked hard in their lives to get into (a/an/the/nothing) university.

تكرر عليه سؤال الطلاب: أنا كيف ممكن حل حيك سؤال بدون ما اعرف معنى show-off، وشو عرفني انو الجامعة هون بناء ولا كمؤسسة؟

🔹 متل ما علمتكن، ابتعدوا عن الترجمة الحرفية وحاولوا تصفوا تفكيركن، مفتاح الحل من مصطلح never worked hard يلي ما فيه ولا كلمة صعبة. وأي شخص بيقدر يترجمها (ما تعب على حاله / ما اشتغل منيح)

🔹 ايمت الواحد بيتعب ع حاله ليوصل للجامعة؟
بيتعب ع حاله ليفوت الجامعة كمؤسسة تعليمية يسجل فيها، ولا ك بناء فيزيائي يفوت عليه؟
لانو فيه يجي واحد مو دارس شي وياخد ميكرو ويفوت ع الجامعة اليوم ويمشي بداخل البناء او مجموعة الحجارة، وليكه لا تعب ع حاله ولا شي.

🔹 لما نقول انهن "ما تعبوا عحالهن ل وصلوا للجامعة" فبديهيا قصدنا انهن وصلوا للجامعة كمكان لتعليمهن، مو كمجموعة حجارة واقفين عندها.

بالتالي الجواب nothing.
تعلموا هالاسلوب من التفكير المنطقي الهادئ، بتلاقوا تلترباع الأسئلة بتفرط بين ايديكم ولو كان فيها كلمات مو فهمانينها.

ادعولنا بالخير 💜
د. براء المدلل @DR_BMOD

صباح الخير، خذلك هدية ❤️
سمعت انو كتير طلاب لاقت
صعوبة بالوحدة الخامسة (يا للمفاجأة🌚)

إليكم من قسم المراجعة لجميع متابعي القناة: فيديو مراجعة الوحدة الخامسة.

🔹 الفيديو يتضمن مراجعة النقاط المفتاحية في القواعد الثلاثة الأولى، بالاضافة الى ابرز مفردات الوحدة المكررة بالامتحان، مع حل اهم اسئلة الدورات.

رابط اليوتيوب لمن أحب متابعته هناك: https://youtu.be/kiXSZS0fVE8

انشروه لتعم الفائدة 🌸

قناة د. براء المدلل للانكليزي @DR_BMOD

🔹 بمناسبة نهاية هذا اليوم الحافل، إليكم هدية مجانية لجميع متابعي القناة: فيديو مراجعة الوحدة الرابعة.

🔹 الفيديو يتضمن مراجعة النقاط المفتاحية في القواعد الثلاثة الأولى، بالاضافة الى ابرز مفردات الوحدة المكررة بالامتحان، مع حل اهم اسئلة الدورات.

رابط اليوتيوب لمن أحب متابعته هناك:
https://youtu.be/Ibt9kD6FB2g?si=KpHKLvF7JIMfeVSj

انشروه لتعم الفائدة 🌸

قناة د. براء المدلل للانكليزي @DR_BMOD

لك معم افهم حالة الدمج 🧊

يعني كلشي شرطيات فيها كلمة now بعتبرها دمج ولا كيف؟
شو بدي اعمل لما يجيني فراغين بقاعدة الشرطيات؟ جملة If I were you دمج عكسي؟؟

تسجيل يشرح كلشي نكشات في قاعدة الشرطيات مشان ما عاد بحياتكن تخربطوا فيها.

بالتوفيق للجميع 💜

د. براء المدلل @DR_BMOD

هدية لجميع الطلاب 💜

فيديو يلخص ويرمم جميع المطلوب من الفصل الاول في الفصل الثاني 🎉
وهو فيديو من الكورس الالكتروني أحببت نشره مجاناً لجميع الطلاب نظراً لأهميته الشديدة.

🔹 لا داعي لإعادة مراجعة أي قاعدة أو غيرها، ولا داعي لفتح نوطة الفصل الأول، فجميع ما يلزمك قمت بجمعها لك في هذا الفيديو.

🔹 سنراجع سوية:
- الأزمنة وتصاريفها واستخداماتها الأهم
- الشرطيات
- العديد من الملاحظات
- إضافات هامة من دورات الرايتنغ

بنهاية هذا الفيديو ستكون بإذن الله جاهزاً للانطلاقة في منهاج الفصل الثاني بكل سلاسة، وبدون أن تشعر بنقصك لأي معلومة سابقة أثناء دراستك بإذنه تعالى.

رابط اليوتيوب لمن أحب متابعته هناك:
https://youtu.be/VE7g0b1srkE

دمتم بألف خير 💜
د. براء المدلل للانكليزي @Dr_BMOD

استريحوا استراحة المحارب، ولأني شخص واقعي وبعرف انو محا يكون الكم خلق عالدراسة من أول يوم، خصصت ساعة دراسة واحدة فقط اليوم، من الممكن تأجيلها ليوم غد.

كما طلبتم، إليكم جدول الدراسة المكثّفة في أسبوع الانكليزي لمتوسط الطلاب.

يجب أخذ العلم أن التقديرات الموجودة بالجدول هي اجتهاد شخصي مبني على متوسط آلاف الطلاب من الدفعات السابقة، وهو يناسب الجموع العامة من الطلاب ولكن بالتأكيد ستكون هناك تفاوتات بالتقديرات بين الطالب والآخر، فأنت حكم نفسك.

قمتُ بمراعاة التقصير البشري الذي قد يحدث عند بعض الطلاب، بالتالي وضعتُ يوماً لترميم التقصير (أغلب يوم الأربعاء)، لكم حرية استخدام اليوم الإضافي فيما تريدونه أو إزاحته ليوم آخر.

إن شاء الله يكون العون لكم بجدولة دراستكم وتنظيمها.

بالتوفيق للجميع ❤️

قناة الانكليزي لل د. براء المدلل @Dr_BMOD

🔴 يحدد لاحقاً موعد امتحان مقرر التشريح لطلاب السنة التحضيرية القاطنين في محافظة #السويداء، ممن لم يتمكنوا من التقدم للامتحان اليوم السبت 2025/8/2.


@Anatomy_DrFawaz 💚

يتم الآن طرح الأسئلة ومناقشتها على غروب الدكتور أحمد :
https://t.me/+b94C7KIq5QY1NGU0

⚠️ بوسـت هاام ⚠️

إلى كل طالب يشعر بالزنقة والتقصير، هاد الكلام موجه الك وفيه كلام مهم، ما رح نطول عليكم كتير ورح نعطيكم الزبدة

أي شخص حاسس حاله عنده تقصير ومو عرفان كيف بده يلحق.. أو ما كان متابع من الكورس الأساسي .. أو عنده تقصير بدراسة بعض الفصول، أو مو دارس فصل معين، أو دارس ومو ممكن دراسته أو أو .. شو ماكان نوع التقصير الحل هو كالآتي :

👈🏻 بتروح عالسريع بتحط فيديوهات المراجعة للد. أحمد فواز المتوافرين مجانًا #عاليوتيوب وبتدرس منهم

● فيديوهات اليوتيوب #شاملة لكامل معلومات الكتاب بمدة تقارب ال14 ساعة فقط!
● آلاف الطلاب تابعوا هي الفيديوهات على مدار الدفعات السابقة والنتائج بفضل الله كانت مرضية وفي كتير علامات 100%، يعني الفيديوهات تصلح للدراسة لأول مرة.

🔴 رابط الفيديوهات :
https://t.me/Anatomy_DrFawaz/2696

ساعدوا رفقاتكم المزنوقين واللي عندهم تقصير وخبروهم هالبُشريات الجميلة، موفقين يا رب والله يفتح عليكم 💚🤲🏻

@Anatomy_DrFawaz ☠

#Anti_كسل 🏆🧗🏻‍♂️

هالسنة مو مجرد فصل دراسي، هي المحاولة يلي ممكن تغيّر كل شي 🌟
جواك شخص بيعرف تماماً قيمة الوقت،
وبيفهم إنّ التعب اليوم هو فرحة بكرا 💫

ما تنطر الظروف تتهيّأ 🎯 كل ساعة دراسة هي حجر أساس بمستقبلك، وكل ساعة تعب هي خطوة باتجاه الحلم ❤️

طريق النجاح ما بيطلب الكمال، بس بيطلب منك تكون صادق، وتحاول عن جد 🔥

شدوا الهمة دكاترتنا وكلنا ناطرين نسمع خبر نجاحكم بفخر 💌

#Anti_كسل 🏆🧗🏻‍♂️

الفكرة اللي تهمسلك إنك رح تفشل؟ هي شي لازم ترد عليه بالعمل.
ما في شي اسمه "ضاع كل شي" طالما لسه فيك طاقة تتحرك، حتى لو كانت بسيطة. ✨

خذ كل شعور بالتقصير، وخلّيه دافع، مو عائق.
حتى لو ناسي أو متخربط، هذا ما بيقلل من قيمتك ولا من قدرتك على الإنجاز. 💪🏻

الشغل القليل اللي تعمله اليوم، ممكن يكون نقطة التحوّل بكرة. ❤️

🏁 المهم إنك ما توقف… لأن الخطوة الواحدة، بتخليك أقرب لتوصل لحلمك.

كل التوفيق بتحقيق طموحاتكم الكبيرة 🔥

صباح الهمة والنشاط 💪

شبك باردة همتك؟؟ حاسس طاقتك قلت؟!

ما حنكتر عليك حكي وتحفيز، رح ننقلك خير كلام الدنيا وهو الكفيل ❤️

قال الله تعالى: (لا يكلف الله نفساً إلا ما آتاها) وقال ﷺ: "استعن بالله ولا تعجز"

فكر فيهم طول اليوم بيعطوك طاقة لسنة، انطلق!

الله ييسرلكم كل الخير ❤️🙏