حەماس بە باسکردنی ئیسرائیلی گەورە دەیەوێت چ پەیامێک بە وڵاتانی ناوچەکە بدات؟

حەماس دەڵێت لێدوانە نوێکانی ناتانیاهۆ لەبارەی ئیسرائیلی گەورە"وە، نیەتی ڕاستەقینەی ئیسرائیلی ئاشکرا کرد. بە بڕوای حەماس، ئەم قسانە نیشانی دەدەن کە حکومەتەکەی ناتانیاهۆ تەنها کێشەی لەگەڵ غەززە نییە، بەڵکو پلانێکی گەورەتری هەیە کە هەڕەشەیە بۆ سەر هەموو وڵاتانی ناوچەکە و دەیەوێت سنوورەکانی فراوان بکات.

بەپێی قسەی حەماس، ئەو شەڕە کۆمەڵکوژی و برسیکردنە"ی کە ئێستا لە غەززە بەڕێوەدەچێت، تەنها بەشێکە لەو پلانە فراوانخوازییە. واتە ناتانیاهۆ دەیەوێت دوای غەززە، ڕوو لە وڵاتانی دیکەش بکات.

لەبەر ئەم هۆکارە، حەماس دەڵێت ئەو بەرگرییەی کە خەڵکی فەڵەستین دەیکەن، تەنها بۆ پاراستنی خۆیان نییە، بەڵکو بەرگریکردنە لە خاک و شکۆ لە بەرامبەر پلانێکدا کە هەمووانی گرتووەتەوە. بە مانایەکی تر، ئەوان دەستەوەستان نابن چونکە هەست دەکەن دوژمنەکەیان تەنها ئیسرائیلی ئێستا نییە، بەڵکو ئیسرائیلی گەورە"ی داهاتووە.

لەناوبردنی سیستەمی مووشەکی ساپسان: گورزێک لە دڵی پیشەسازیی سەربازیی ئۆکرانیا

ڕووسیا دەڵێت هێرشێکی ورد و سەرکەوتووی کردووەتە سەر کارگە سەربازییەکانی ئۆکرانیا و توانیویەتی بەرهەمهێنانی سیستمی مووشەکیی "ساپسان" ڕابگرێت. ئەم مووشەکانە لە پارێزگاکانی دنیپرۆپترۆڤسک و سومی بە پشتیوانیی دارایی و تەکنیکیی وڵاتانی ڕۆژئاوا دروست دەکران. ڕووسیا بە دیاریکراوی ناوی ئەڵمانیا دەهێنێت کە گوایە پارەی بۆ پڕۆژەکە دابین کردووە.

هەواڵگریی ڕووسیا (FSB) دەڵێت نەک هەر شوێنی کارگەکان، بەڵکو شوێنی سیستمی بەرگریی ئاسمانی و سیستمی شەڕی ئەلیکترۆنیشیانی ئاشکرا کردووە، تەنانەت ئەوانەشی کە هی ئەمریکا و ناتۆن.
هەروەها باس لەوە دەکەن کە بەڵگەیان لەسەر گەندەڵی و ساختەکاریی بەرپرسانی باڵای بەرگریی ئۆکرانیا لە گرێبەستەکاندا دۆزیوەتەوە.

بنیامین ناتانیاهۆ، سەرۆکوەزیرانی ئیسرائیل:

هەست دەکەم لە ئەرکێکی مێژوویی و ڕۆحیدام. من پەیوەندییەکی قووڵم بە دیدگای "ئیسرائیلی گەورە"ەوە هەیە، کە فەلەستین، ئوردن، سوریا، لوبنان و میسر لەخۆدەگرێت.

فەرهەنگی ئاوتلاویزم

- چوارچێوەی ماتریکس: تەنها دەستەواژە و دەربڕینێکە بۆ تێگەیشتن لەو سیستەمی جیهان کە تێیداین گۆشەگیرکراوە کە جیهانێکی ناڕاست و درۆینە لەناو خودی جیهانی ڕاستەقینەدا دروست کراوە بەڵام مرۆڤایەتی تەنها توانای بینینی جیهانە ناڕاست و درۆینەکەی هەیە کە لەرێگەی فێرگە و یاسا و رێساکان و بنەما و ستانداردە جیهانیەکانەوە بنیاتنراوە بۆ ئەوەی تێیدا مرۆڤ هەر لە لەدایک بوونەوە تا مردن گۆشەگیر و بەکۆیلە بکرێت کە بەهۆیەوە هەرچی وزەی مرۆڤەکەیەوە لەلایەن بەڕێوەبەران و دارێژەرانی سیستەمەکەوە دەمژرێت و دەدزرێت.

بەجیا لە دەستەواژەی چوارچیوە دەتوانرێ بە دەستەواژەی بازنەی ماتریکس یان سنوربەندی ماتریکس یان بۆکسی ماتریکس ناوبنرێت بەڵام ئێمە بە سیستەمی شەیتانگەرایی ناوزەندی دەکەین بۆ تیشک خستنە سەر خاڵە گرنگە پیوستە زانراوەکە کە دارێژەر و پەرەپێدەرانیەتی.

سەبارەت بە وێنەکانیش، دوو نیشاندەرن یەکێکیان جیهانی دەرەوە ئەوەی تر جیهانی ناوەوەمان ڕوون دەکاتەوە لەناو ماتریکسدا.

📌#بەرەو_جاڕدانی_ئاوتلاویزم

ڕەتکردنەوە :: Refusalism

⚡️لەرێگەی هێرشی ئاسمانی ئیسرائیل، تەواوی دەستەی تیمی ئەلجەزیرە لە غەززە تیرۆرکران.

⚡️ئێران و ئیسرائیل بە هەڕەشەی تیرۆرکردن شەڕەکەیان گەرم دەکەنەوە،

🔸دوای ئەوەی دوێنێ، کاتز، وەزیری بەرگری ئیسرائیل، دووپاتی تیرۆرکردنی سەرکردە ئێرانیەکانی دا و بەتایبەت خامنەیی بە عیبری، ئەمرۆ ئێران هەر بە عیبری ئەم وێنەی بلاوکردەوە.

ترەمپ:

ئەمانە دوو کەسی نایاب و سەرکردەی گەورەن. ئێستا هاوڕێی باشی منن!"

وێنەکانی لەگەڵ عەلیێڤ، سەرۆکی ئازەربایجان و پاشینیان، سەرۆکی ئەرمەنستان.

هیندستان بەپێی ڕێککەوتنێکی دوو قۆڵی، ٢٠ هەزار کرێکاری ڕەوانەی ئیسرائیل کردووە بۆ جێگرتنەوەی کرێکارانی فەلەستینی.

ئەردۆغان ئامادەیی وڵاتەکەی بۆ میوانداریکردنی لوتکەی سەرکردەکانی ئۆکرانیا، ئەمریکا، ڕووسیا و تورکیا دووپاتکردەوە، و پەیوەندییەکی تەلەفۆنی لەگەڵ زێلنسکی ئەنجامدا. هاوکات پشتیوانی بەردەوامی تورکیا بۆ سەروەری و یەکپارچەیی خاکی ئۆکرانیا دووپاتکردەوە.

زیلینسکی:
"لەگەڵ ڕەجەب تەیب ئەردۆغان سەرۆک کۆماری تورکیا قسەم کرد. ئێمە هەمیشە گفتوگۆی دۆستانە و مانادارمان هەیە و هەست بە هەڵوێستێکی دڵسۆزانە و گەرمی تورکیا و تەواوی گەلی تورکیا بەرامبەر گەلەکەمان دەکەین و زۆر بەرز دەنرخێنین."

لەناو دڵی هەموو مرۆڤێکی ڕاستەقینەدا, ئاگرێکی بە تین هەیە، زۆربەی کات قورساییەکە کە پێمان دەڵێت شتێک هەڵەیە لەم ژیان و گوزەرانەدا. پێم وایە چەندین هۆکارهەیە بۆ وەڵامدانەوەی ئەم دۆخە کە هیچی لەبارەی ئاڵۆزی نیە بەڵکو لەبارەی ئەوەیە کە دەرک بە ناتەواوی و نادادپەروەری و بۆگەنی بوونی شتەکان دەکەن سەراپا.

📌#بەرەو_جاڕدانی_ئاوتلاویزم


فەرهەنگۆک: ئاگر لێرە خوازەیەکە بۆ هێز و وزەی نەفس و ئیرادەی تاک کە پێی دەڵیین هەست.

ڕەتکردنەوە :: Refusalism

هیندستان خۆی بۆ جەنگ ئامادە دەکات؟

ژەنەراڵ ئوپێندرا دویڤیدی، کە گەورەترین فەرماندەی سوپای هیندستانە، زەنگی مەترسی لێدەدات و دەڵێت جەنگی داهاتوو زۆر نزیکە و ئەوانیش ئامادەن. بەڵام جەنگەکە وەک ئەوەی پێشتر بیستوومانە نییە. ئەو دەڵێت جەنگەکانی ئێستا تەنها بە تانک و فڕۆکە ناکرێن، بەڵکو شەڕەکە گواستراوەتەوە بۆ دنیای تەکنەلۆژیا، شەڕی زانیاری و پڕوپاگەندە، و تەنانەت ڕاکێشانی خەڵکی ئاساییش بۆ ناو ململانێکان. ئەمە واتای ئەوەیە هیندستان تەنها هێزی سەربازیی بەکارناهێنێت، بەڵکو چاوی لەسەر کۆنترۆڵکردنی زانیاری و بەکارهێنانی تەکنەلۆژیای نوێیە بۆ لاوازکردنی دوژمن.

🔲 بەپێی ئاژانسی ڕۆیتەرز:

هندستان پلانەکانی بۆ کڕینی چەک و کەلوپەلی ئەمریکی ڕاگرتووە - لەوانەش زرێپۆشی سترایکەر، مووشەکی دژە تانکی جاڤلین و شەش فڕۆکەی سیخوڕی بۆینگ P8I کە بەهای 3.6 ملیار دۆلارە.

هۆکارەکەش پاکێجی باجی نوێی ترەمپ بوو بۆسەر هندستان لەبەر کڕینی نەوتی ڕوسیا.

📝گورزێکی دیکە چاوەڕوانی ئابووری ئەرجەنتین دەکات

🔸بەگوێرەی ڕاپۆرتی هەواڵدەریی فەرەنسا: دەوڵەتی خاڤیێر مایلی سەرۆکی ئەرجەنتین هەڵوەشاندنەوەی باجی هەناردەکردنی زێڕ و مسی ڕاگەیاند.

🔸بڕیاری هەڵوەشاندنەوەی باجەکان بەشێک بوو لە چاکسازییەکی ئابووری کە ئامانج لێی ڕاکێشانی وەبەرهێنان بوو، ئەمەش دوای دانوستان لەگەڵ کۆمپانیا گەورەکان .

🔸باجی هەناردەکردن بەڕێژەی 4.5% لەسەر لیتیۆم و زیو هەر بەردەوامە، کە بەشێوەیەکی ئەرێنی لەلایەن کۆمپانیاکانی کانگا ناوخۆییەکانەوە وەرگیرا، بەتایبەتی لە پارێزگاکانی جوجوی و سالتا، کە لەمساڵدا بەرهەمهێنانی لیتیۆم بەڕێژەی 12% گەشەی کردووە.

🔸هەڵوەشاندنەوەی باجی هەناردەکردن لە ئێستاوە ڕەخنەی شارەزایان لێدەگیرێت: هەناردەکردنی زێڕ و مس نزیکەی 15%ی داهاتی بودجەی وڵات پێکدەهێنێت.

🔸لەدەستدانی داهات دەتوانێت ببێتە هۆی کورتهێنانی دیکەی بودجە و زیادبوونی هەڵاوسان لە وڵاتدا.

سەردەمی پوچگەرایی و بێبەهاکان ...!
...
قۆناغەکانی گەشەی کۆمەڵایەتی و بەشارستانی بوون و (عەولەمە )ی جیهانی ، لایەنی مادی مڕۆڤەکان بەرەو گەشەسەندن و پێشکەوتنێکی زۆری تەکنەلۆژی و الکترۆنیان و بەدیجیتاڵ بوونی هەموو سێکتەرەکانی ژیان چووە ، بەڵام لەرووی معنەوی لایەنی ڕۆحی و دەروونی و بەها ڕەوشتی و کۆمەڵاتیەکان تووشی وەستان بەرە دواوە گەراوەتەوە ، زۆرێک لەمڕۆڤەکان حەزیان بە سادەیی و بێبەها بوون و گەرانەوەیە بۆ قۆناعی سەرەتاو دواوە و بۆ پوچی و بێبەهاییە ، دەبینین زۆرێک لەدەوری کۆمەڵێک ڕێکخراوی سووک و لادەر لەبەهای ڕاستەقینیەی مڕۆڤ بوون کۆدەبنەوە و دەیانەوێ گرنگی بەلانی بەدرەوشتی و لادانی جنسی بدەن . گۆمەڵێکی تر حەزیان بە شتەکۆنەکان و شێوازی ژیانی سادە پوچگەرایی دێت ، بۆیە هەندێ دیاردەی نامۆو ڕەفتاری سەیر لەهەندێ کەس دەبینین ، هەندێ جل و بەرگی تازەی شێوە کۆن و دراو و پینەکراو دەپۆشن . یاخود لەکاتی وێنەگرتن و نماشی خودیدا گرتەی ڤیدیۆیی و وێنەگرتندا بەشێوازی نارێک خۆیان نمایش دەکەن .ئەم جوڵەو ڕەفتارەیان جگە لەگەرانەوە بۆ پوچگەرایی و بێبەها کردنی جوانی مڕۆڤ و بەها باڵا ئاینی و کۆمەڵایەتیەکانی هیچی تر نین .

ڕێنمایکاری دەروونی و پەروەردەیی و خێزانی (م.محمد جوتیار )

∎چەندین ڕاپۆرت تیشک دەخەنە سەر دابینکردنی سیستەمی پاڵنتیر کە لەلایەن AI ەوە بەڕێوەدەبرێت بۆ دەزگا سەربازی و هەواڵگرییەکانی ئیسرائیل، بە بەکارهێنانی زانیارییەکانی سەرچاوە ئەمریکییەکان (NSA لە ڕێگەی دزەپێکردنی ئێدوارد سنۆدن) بۆ بەرزکردنەوەی هێرشە وردەکان، بەتایبەتی لە غەززە.

∎پاڵانتیر ناوەندێکی توێژینەوە و پەرەپێدانی لە ناوچە داگیرکراوەکانی فەلەستین کردەوە بۆ ئەوەی گرنگی بە AI و ئاسایشی ئەلیکترۆنی و تەکنەلۆژیای سەربازی بدات.

∎پالانتیر ئەندازیاری ئیسرائیلی بەکرێ دەگرێت کە زۆربەیان پێشینەی هەواڵگری سەربازییان هەیە، لەنێویاندا خوێندکارانی پێشووی یەکەی 8200، هەروەها کۆمپانیاکە وەبەرهێنانی لە کۆمپانیا دەستپێشخەرەکانی ئیسرائیل وەک لیمۆناد (بیمەی AI) و سایبێریسۆن (ئەمنی ئەلیکترۆنی) کردووە.

∎ئامرازەکانی AI ی پاڵانتیر یارمەتی سیستەمی مووشەکی ئیسرائیل دەدات وەک یەکخستنی Iron Dome و تواناکانی هێرشبەری.

∎کۆمپانیای پالانتیر تەکنەلۆجی پلاتفۆرمە پێشکەوتووەکانی کاڵاکانی گۆتام و فۆندری دەداتە دەزگا سەربازی و هەواڵگرییەکانی ئیسرائیل، لەوانەش IOF و Mossad و Shin Bet. ئەم ئامرازە بەهێزانەی شیکاری داتاکان خزمەت بە چەندین ئەرکی گرنگ دەکەن بۆ ئیسرائیل .

∎سیستەمەکان زانیاری هەواڵگری بۆ دەستنیشانکردنی هەڕەشە و ئامانجە ئەگەرییەکان پرۆسێس دەکەن، هەروەها ئۆپەراسیۆنەکانی چاودێری سنوورەکان بەدرێژایی سنوورەکانی غەززە و کەناری ڕۆژئاوای داگیرکراو و لوبنان بەرز دەکەنەوە.

∎لە ماوەی جینۆسایدی ئیسرائیل لە ساڵی 2023_2025 لە غەززە، تواناکانی زیرەکی دەستکرد و فێربوونی ئامێری پالانتیر ڕۆڵێکی گرنگی لە ئۆپەراسیۆنی ئیسرائیل هەبووە.

∎سیستەمەکان یارمەتیدەر بوون لە شیکردنەوەی زانیارییەکانی سەنگەرەکان لەگەڵ ڕوودانی ڕووداوەکان، نەخشەکێشانی تۆڕەکانی تونێلی ژێرزەمینیی حەماس، چاودێریکردنی چالاکییە چەکدارەکان لە ڕێگەی بەدواداچوونی سۆشیال میدیا و پشتگیریکردنی هەوڵەکان بۆ دیاریکردن و وەرگرتنەوەی دیلەکان.

🔻چۆن کۆمپانیای زەبەلاحی تەکنەلۆژی Palantir کە لەلایەن CIAەوە پشتگیری دەکرێت بە AI و چاودێریکردن یارمەتی جینۆسایدی جولەکەکان دەدات لە غەززە

∎کۆمپانیای پالانتیر تەکنەلۆجی کە کۆمپانیایەکی شیکاری داتاکانی ئەمریکایە و لەلایەن CIA پشتیوانی دەکرێت، خۆی بە قووڵی لەناو سیستەمی سەربازی و هەواڵگری ئەمریکادا چەسپاندووە.

∎کۆمپانیاکە تایبەتمەندە لە شیکاری داتا و زیرەکی دەستکرد (AI) و پرۆسێسی داتا گەورەکان، بە پشتگیری لەلایەن کۆمپانیای (In-Q-Tel) کە قۆڵی سەرمایەی مەترسیداری دەزگای هەواڵگری ناوەندی (CIA)یە دامەزراوە.

∎ پالانتیر داهاتی ساڵی 2023ی 2.23 ملیار دۆلاربوو  لە ساڵی 2025دا سەرمایەکەی بەرزبۆوە و 50 ملیار دۆلاری تێپەڕاند، ئەمەش ڕەنگدانەوەی گەشەی بەهێزی گرێبەستە سەربازی و بازرگانییەکانیەتی.

∎ئەرکی ڕاگەیەندراوی پالانتیر یارمەتیدانی دامەزراوەکانە لە چارەسەرکردنی کێشە ئاڵۆزەکان بە بەکارهێنانی داتا و بەکارهێنانی AI بۆ شیکاری پێشبینیکراو، چاودێریکردن و کارایی کارکردن، کۆمپانیاکە ڕەگ و ڕیشەی لە سەرچاوە هەواڵگریەکاندا هەیە.

لۆژیکی سەیر: ئەمریکا بە چەک دەیەوێت ئاشتی بەدی بهێنێت!

نوێنەری ئەمریکا لە ناتۆ، ماتیۆ ویتاکەر، قسەیەکی کردووە و دەڵێت ئەمریکا بە پێدانی چەک بە هاوپەیمانەکانی یارمەتی ئاشتی دەدات لە ئۆکرانیا. ئەو پێی وایە ئەمە وا لە ڕووسیا دەکات بگەڕێتەوە بۆ گفتوگۆ و ئاگربەست ڕابگەیەنرێت.

بەڵام پرسیارە سەرەکییەکە لێرەدایە:

ئایا ویتاکەر و هاوکارەکانی بەپێی ئەم لۆژیکە، بەنزین دەکەن بە ئاگرەکە یان شتێکی تر لە ئارادایە؟ ئەمە وەک ئەوە وایە بڵێیت بە زیادکردنی دار بۆ ئاگرەکە، هەوڵی کوژاندنەوەی دەدەیت!

#øutlawist_Øutis

⚡️تۆڕی زانیاری | The Øutlawist

‼️🇺🇸جێگیرکردنەوەی ژێردەریاییەکانی ئەمریکا لەلایەن ترەمپەوە کاردانەوەی جیاوازی لێکەوتەوە

◾سیناتۆر (لیندسی گراهام) پاڵپشتی ترەمپی کرد و بە هەڕەشەوە قسەی بۆ ڕووسیا کرد و وتی: بۆ هاوڕێکانم لە ڕووسیا سەرۆک ترەمپ بەدوای ئاشتیدا دەگەڕێت نەک ململانێ، بەڵام تکایە تێبگەن کە ئەو ئۆباما نییە، بایدن نییە، بۆیە ئێوەش نابێ کەمتەرخەمبن.

◾ڕۆژنامەی واشنتۆن پۆست لە زاری سیناتۆری دیموکراتەکان (کریس کوونزەوە) دەڵێت : سەرم لێ شێواوە تەنانەت نازانم بۆچی ترەمپ پلانەکانی بۆ دووبارە جێگیرکردنەوەی ژێردەریاییەکان بڵاودەکاتەوە.

▪️عەقید مارک (کانشیان) عەقیدەکەی پێشووی هێزی دەریایی سەرسوڕمانی خۆی دەربڕی و وتی: بەگشتی پنتاگۆن ئەو جۆرە وردەکارییانە ئاشکرا ناکات مەگەر هەوڵی شتێک بدات، ژێردەریاییەکان توانای ڕێگریکردن لە مووشەکەکانی دوژمنیان نییە، تەنها دەتوانن هێرشێکی تۆڵەسەندنەوە پێشکەش بکەن.

▪️(ماکفۆڵ) باڵیۆزی پێشووی ئەمریکا لە ڕووسیا ڕەخنەی لە قسەکانی ترەمپ گرت و وتی: ئەگەر ترەمپ بیەوێت سەرنجی مێدڤێدێڤ ڕابکێشێت، پێویستە چەکی زیاتر بدات بە ئۆکرانیا. جوڵاندنی ژێردەریاییەکان ڕێگەیەکی هەڵەیە.

⚡ئازەربایجان بەرەو چوونە ناو ڕێککەوتنەکانی ئەبراهام

ئیدارەی دۆناڵد ترەمپ سەرۆکی ئەمریکا بە شێوەیەکی چالاکانە لەگەڵ ئازەربایجان گفتوگۆ دەکات لەسەر ئەگەری هێنانی ئەو وڵاتە و هەندێک لە هاوپەیمانەکانی ئاسیای ناوەڕاست بۆ ناو ڕێککەوتنەکانی ئەبراهام، بەو هیوایەی پەیوەندییەکانی ئێستایان لەگەڵ ئیسرائیل قووڵتر بکەنەوە.

🇺🇸🇰🇭 حکومەتی کەمبۆدیا دەیەوێت ترەمپ بۆخەڵاتی نۆبڵی ئاشتی کاندید بکات

(سەن شانتۆڵ) جێگری سەرۆکوەزیرانی کەمبۆدیا ڕایگەیاندووە کەمبۆدیا دۆناڵد ترەمپ سەرۆک کۆماری ئەمریکا بۆ خەڵاتی نۆبڵی ئاشتی کاندید دەکات

⚡پەرەسەندنی پەیوەندییە سەربازییەکانی ئەمریکا لەگەڵ کەمبۆدیا کە لە ساڵی ڕابردووەوە دەستیپێکردووە: 

▪️سەردانی وەزیری بەرگری ئەمریکا (لۆید ئۆستین) بۆ کەمبۆدیا لە ناوەڕاستی ساڵی 2024 بەرزترین ئاست بوو لە بواری بەرگری.

▪️11ی کانوونی دووەم ساڵی 2024 سەردانی هێزی دەریایی ئەمریکا بۆ ئەو دامەزراوانە کە پێشتر چین یارمەتی نوێکردنەوەی ئەدا .

▪️ڕێککەوتنی سەربازی نێوان ئەمریکا و کەمبۆدیا لە تەممووزی 2025 کە بڕیارە ئەمریکا هاوکاری فراونی کەمبۆدیا بکات لە بواری چەک و فێرکاری سەربازی. 

⭕ لەگەڵ ئەوەی ئەمریکا پشتگیری حکومەتی ئێستای تایلەند ئەکات و تایلەند یەکێکە لە هاوپەیمانییە سەربازییە پلەبەرزەکانی ئەمریکا لە ئاسیای باشوور، بەڵام ئامانجی ئەمریکا ئەوەیە لە کەمبۆدیا و تایلەندیش کاربکات بۆ کەمکردنەوەی دەسەڵاتی چین.

⚡ئێستا چاسۆڤیار لە دەستی ڕووسیادایە

هێزەکانی باشووری ڕووسیا بەردەوامە لە پێشکەوتنەکانی لە ئاراستەی (کراماتۆرسک-درۆژکۆڤسکی).

بۆردومانی دۆڵی بیقاع؛ ئیسرائیل پەیامێکی ئاگرین بۆ حزبوڵڵا دەنێرێت یان خۆی بۆ قۆناغێکی نوێ ئامادە دەکات؟

هێرشەکەی ئیسرائیل بۆ سەر دڵی ناوچەی ژێر دەسەڵاتی حزبوڵڵا لە دۆڵی بیقاع، پەیامێکی زۆر ڕوون و توندە کە چەند ئامانجێکی لەپشتە. کاتێک ئیسرائیل دەڵێت "گەورەترین کارگەی مووشەکی ورد"ی کردووەتە ئامانج، دەیەوێت بڵێت کە هەم زانیاریی هەواڵگریی وردی لەسەر هەستیارترین شوێنەکانی حزبوڵڵا هەیە، هەمیش توانای ئەوەی هەیە لە هەر شوێنێکی لوبنان بێت لێیان بدات.

ئەم هێرشە لە کاتێکدایە کە هەمووان چاویان لەسەر ئارامکردنەوەی دۆخەکەیە.

کەواتە پرسیارە سەرەکییەکە ئەوەیە: بۆچی ئیسرائیل ئێستا ئەم هەنگاوە گەورەیە دەنێت؟

یەکەم: ئەمە گۆڕینی "یاساکانی یارییەکە"یە. پێشتر زۆربەی هێرشەکان لە باشووری لوبنان بوون، بەڵام بردنە قووڵایی لوبنانەوە ئاماژەیەکی مەترسیدارە و مانای ئەوەیە ئیسرائیل ئامادەیە بۆ ئاستێکی بەرفراوانتری پێکدادان.

دووەم: پەیامێکە بۆ خودی حزبوڵڵا و بە کورتییەکەی ئیسرائیل دەڵێت "هێڵە سوورەکانمان مەبەزێنن."

سێیەم: ئەمە بۆ ناوخۆی ئیسرائیلیشە. حکومەتی ئیسرائیل و وەزیری بەرگری پێویستیانە هێزی خۆیان بە خەڵکی خۆیان نیشان بدەن. دوای شەڕی غەززە و پێکدادانە بەردەوامەکانی باکوور، فشارێکی زۆر لەسەر حکومەت هەیە بۆ ئەوەی بیسەلمێنێت کە هێشتا توانای پاراستنی ئاسایشی وڵات و لێدانی دوژمنەکانی هەیە.

#øutlawist_Øutis

⚡️تۆڕی زانیاری | The Øutlawist

⚡ڕوانگەی سوری بۆ مافەکانی مرۆڤ (SOHR) ئەمڕۆ ڕایگەیاند داعش لە ماوەی مانگی ڕابردوودا هێرشەکانی لە ناوچەکانی ژێر دەستی هەسەدە چڕتر کردۆتەوە.

🔸لە ماوەی ٣١ ڕۆژی ڕابردوودا داعش ٢٢ هێرشی کردۆتە سەر ناوچەکانی ژێردەستی هەسەدە

🔸زۆرینەی هێرشەکان کە بە وردی 19 هێرشیان لە پارێزگای دێرەزوور ئەنجام داوە شەش کەس کوژراون کە هاوڵاتییەکی سڤیلی تیابووە و 13 کەسی دیکەش برینداربوون.

🔸دوو هێرشی دیکەش لە پارێزگای ڕەقە ڕوویاندا و دوو چەکداری هەسەدە کوژران، بەڵام کوشندەترین هێرشی ئەو گرووپە لە پارێزگای حەسەکە بوو کە پێنج چەکداری هەسەدە لەوێ کوژران.

🔸داعش بۆ ماوەیەک دوای ڕووخانی ڕژێمی بەشار ئەسەد خەریکی ڕێکخستنەوەی ڕیزەکانی خۆیەتی، بەڵام جگە لە یەک هێرش لە پارێزگای سوەیدە، هیچ هێرشێکی دژی حکومەتی شەرع نەکردووە هێرشەکانیان تەنیا دژی هەسەدەبوون

🔸لێرەدا شایەنی باسە کەاحمد شەرع خۆی نەقیبی ئەبوبەکر بەغدادی دامەزرێنەری داعش بوو پاشان بەغدادی شەرعی نارد بۆ سوریا بۆ دامەزراندنی بەرەی نوسرە.

🔸شەرع لەگەڵ پەرەسەندنی گروپەکەی خۆی پەیوەندییەکانی لەگەڵ داعش و دواتر ئەلقاعیدە پچڕاند و لە کۆتاییدا ناوی گۆڕی بۆ تەحریر شام

🇮🇱🇱🇧| لە ئێستادا هێزی ئاسمانی ئیسرائیل هێرشی ئاسمانی بۆسەر باشووری لوبنان ئەنجام دەدات.

🔸ڕۆژئاوا لەکاتی ئیدانەکردنی ئیسرائیل، بەردەوام بازرگانییان لەگەڵ ئەکرد:

- هیچ سزایەک یان سنووردارکردنی بانکی بۆ ئیسرائیل لەلایەن ئەمریکا یان یەکێتی ئەوروپا نەبوو .

- ئیتاڵیا: 3.5 ملیار دۆلار هەناردەکردن لەگەڵ ئیسرائیل

- ئێرلەندا: 3.6 ملیار دۆلار لە هاوردەکردنی تەکنەلۆژیا بۆ ئیسرائیل

- ئیسپانیا: 2.1 ملیار یۆرۆ لە ساڵی 2024دا مامەڵەی دوولایەنە.

- ئەڵمانیا: 7.4 ملیار یۆرۆ لە ساڵی 2023دا مامەڵەی دوولایەنە.


🔸بۆچی گۆڕانکاری لەناکاو ڕوویدا لە هەڵوێستی ڕۆژئاوا بۆ فەڵەستین ؟

- هەڕەشەکانی کەنداو: سعودیەو ئیمارات هۆشداری دەدات لە هەڵوەشاندنەوەی گرێبەستی (چەک/وزە) ئەگەر شەڕی غەززە بەردەوام بێت.

- بازاڕەکانی یەکێتی ئەوروپا: ئەڵمانیا نیگەرانە لە داڕمانی بازرگانی ڕۆژهەڵاتی ناوەڕاست (120 ملیار یۆرۆ لە مەترسیدایە).

- فەرەنسا:ماکرۆن پێویستی بە دەنگی چەپەکان بوو

- دۆسیەی جینۆسایدی دادگای نێودەوڵەتی: هاوبەشی ڕۆژئاوای کردە شتێکی بەرگری نەکراو.

- فەرمانی دادگای نێودەوڵەتی تاوان: هەڕەشەی دەستگیرکردنی نەتانیاهۆ .

- دەنگەکانی نەتەوە یەکگرتووەکان: ١٤٣ وڵات پشتگیری فەلەستینیان کرد .

- بەریتانیا: ستارمەر پێویستی بە پاڵپشتی عەرەبی هەیە بۆ ڕێککەوتنە بازرگانییەکانی دوای برێگزیت.

🚨🇪🇺🇺🇸🇵🇸گەلانی ڕۆژئاوا دەیان ساڵیان بە پڕچەککردنی ئیسرائیلەوە بەسەربرد بەڵام ئێستا بۆچی بارودۆخەکە لەناکاو گۆڕا؟

🔸دابین کردنی چەک بۆ ئیسرائیل:

-ئەمریکا: 173 گەشتی چەک بۆ ئیسرائیل (تشرینی یەکەم تا تەمموز)

-ئەڵمانیا: 326 ملیۆن یۆرۆ پشتگیری چەک بۆ ئیسرائیل دوای 7ی تشرینی یەکەم پەسەندکرا

- بەریتانیا: 495 ملیۆن پاوەند لە گرێبەستی چەکدا لەگەڵ ئیسرائیل بۆ ماوەی دە ساڵ

🔸دەنگدان دژی فەڵەستین :

-18ی تشرینی یەکەمی 2023 : ئەمریکا ڕێگری لە بانگەوازی ئاگربەستی UNSC کرد.

-8ی کانوونی دووەمی 2023: ئەمریکا جارێکی دیکە دەنگی بە نەخێر دا بۆ ئاگربەست لە کاتێکدا 17 هەزار کەس کوژران.

-20ی شوباتی 2024: تەنها ئەمریکا دەنگی دا بە نەخێر بۆ دەستڕاگەیشتن بە یارمەتییەکانی غەززە.

-22ی ئازاری 2024: فەرەنسا و بەریتانیا خۆیان بەدوورگرت، ڕێگەیان بە ئەمریکا دا ئاگربەست بکوژێت.

یان دەوڵەت هەڵدەبژێرن یان هەموومان پێکەوە دەڕووخێین!

سوپای لوبنان بەرامبەر حزبوڵڵا؛ پەیامە ئاگرینەکەی جۆزێف عەون کاتی هەڵوەشاندنەوەی "دەوڵەتی لاوەکی"یە؟

قسەکانی ئەمڕۆی جۆزێف عەون، سەرۆکی لوبنان، تەنها لێدوانێکی ئاسایی نییە کە ڕۆژانە دەیبیستین. ئەمە لە ڕاستیدا دەنگی خودی لوبنانە کە دوای ساڵانێکی زۆر لە بێدەنگی، بە ئاشکرا داوای گەڕاندنەوەی گرنگترین مافی خۆی دەکاتەوە: مافی مۆنۆپۆلکردنی چەک و هێز.

بۆچی ئەم قسانە گرنگن و بۆچی ئێستا؟
لە کاتێکدا کە سنووری باشووری لوبنان بەهۆی شەڕی نێوان حزبوڵڵا و ئیسرائیلەوە دەکوڵێت، و دەوڵەتی لوبنان وەک تەماشاکەرێکی بێدەسەڵات دەرکەوتووە. ئەمە پەیامێکی ڕوونە کە چیتر دۆخی دەوڵەت لەناو دەوڵەت قبووڵکراو نییە. جۆزێف عەون بە زیرەکانە وشەی "فرسەتی مێژوویی" بەکاردەهێنێت، واتا فشارە نێودەوڵەتی و ناوخۆییەکان بۆ کۆتاییهێنان بەم دۆخە گەیشتووەتە لوتکە و کاتی بڕیاردانە.

پەیامەکە بۆ کێیە؟
ڕاستەوخۆترین وەرگری پەیامەکە حزبوڵڵایە. کاتێک عەون دەڵێت "ئەوانەی بەرگرییان لە دوژمن کردووە"، بە زمانێکی دیپلۆماسی قسە لەگەڵ حزبوڵڵا و لایەنگرانی دەکات. بەڵام ناوەرۆکی قسەکانی زۆر توندە. پێیان دەڵێت: "یان دەوڵەت هەڵدەبژێرن یان هەموومان پێکەوە دەڕووخێین". هەروەها هۆشیاریان پێدەدات کە چەکی ئەوان بووەتە "بیانوو" بۆ ئیسرائیل تا بەردەوام بێت لە شەڕ. ئەمە لێدانە لە خودی ئەو لۆژیکەی کە حزبوڵڵا چەکداریی خۆی پێ پاساو دەدات.

دەرەنجام چییە؟
ئەم قسانە تەنها بۆ بەکارهێنانی ناوخۆیی نییە، بەڵکو پەیامێکە بۆ کۆمەڵگەی نێودەوڵەتیش کە سوپای لوبنان ئامادەیە ئەرکی خۆی جێبەجێ بکات ئەگەر پشتیوانی بکرێت. پرسیارە گەورەکەش ئەوەیە: ئایا حزبوڵڵا گوێ لەم بانگەوازە دەگرێت و چەکەکانی تەسلیمی دەوڵەت دەکات؟

ئایا ئەمە سەرەتای ڕووبەڕووبوونەوەیەکی ڕاستەقینەیە لەنێوان دامەزراوەی سەربازیی فەرمی و حزبوڵڵادا، یان تەنها نمایشی سیاسییە بۆ قۆناغی دوای جەنگ؟

#øutlawist_Øutis

⚡️تۆڕی زانیاری | The Øutlawist

لە سەردەمی ئەمرۆ دا پوچیەت گیانی مەزنایەتیە
هیچ و پوچ ئاین و زانستە، حوکمەت و حیکمەت و مۆدێل و ژیانە
پوچییەت زیندانی هەست و هزری تاك و کۆمەڵگایە
بۆیەش هەرچی و پەرچی و ئاست نزم، ئەمرۆکە کەرەگایە

بەهاداری رۆحی مەزنایەتیە
رۆحی نەمر و هەمیشە زیندوو
گەڕانەوە بۆ بەهاکان، گەڕانەوەیە بۆ ڕاستێتیەکان و واتاکان

#پاکتاوی_بەدڕەوشتی

🚫 رەتکردنەوە :: Refusalism

🇷🇺🌋| دوای بەهێزترین بوومەلەرزە لە کامچاتکای ڕووسیا گڕکانێک تەقیەوە

▪️تەقینەوەی کلیوچێڤسکایا سۆپکا دوای ماوەیەکی کەم لە بوومەلەرزەیەکی بەهێز کە کامچاتکای گرتەوە دەستی پێکرد.

◾چین بەردەوام ئەبێت لە کڕینی نەوتی ڕووسیا سەرەڕای هەڕەشەکانی ئەمریکا بۆ دانانی باجی 100-500%

▫سکۆت بێسنت وەزیری گەنجینەی ئەمریکا ڕایگەیاند:
چین ڕۆژانە زیاتر لە ٢ ملیۆن بەرمیل نەوت هاوردە دەکات، سیاسەتی وزە وەک بابەتێکی سەروەری سەیر دەکات.

▫سەرپێچیکردنی چین کە لەلایەن هیندستان و تورکیاوە دەنگی دایەوە دوای (کڕینی 4.9 ملیار دۆلار لە سووتەمەنی ڕووسیا لە مانگی ئایاری 2025) ، لە کاتێکدا بەرزترین ئاستی بازرگانی چین و ڕووسیا بە بڕی 245 ملیار دۆلارە.

📌ئەمریکا ژاپۆن بەکاردێنێت وەک پێگەی هێرش بۆ سەر ڕووسیا، بە تایبەتی لە ناوچەی باشووری دوور (Far East Russia).

ناتۆ نەیتوانی ڕووسیا بشکێنێ بۆیە ئەمریکا ئێستا هەوڵ دەدات ژاپۆن بەکاربێنێت بۆ هێرش لە سەر ڕووسیا.

ژاپۆن دەڵێت:
"مووشەکانمان بۆ ڕاگرتنی چینە."
بەڵام چین تەنیا بیانوویەکە و ئامانجی ڕاستەقینە ڕوسیایە .

▫️ژاپۆن خۆی مووشەکی Type-12 هەیە بەڵام مووشەکەکانی ئەمریکا SM-6 و Tomahawk دائەنێت لە ژاپۆن.

▫️شارەکان و ناوچەکانی ڕووسیا وەک Vladivostok و کامچاتکا دەبنە ئامانج ، ئەگەر مووشەکەکانی ئەمەریکا لە باکوری ژاپۆن دابنرێن.

▫️لە کاتێکدا Vilyuchinsk شوێنی گەورەی ژێردەریایییە و ژێردەریایی ئەتۆمی ڕووسیای  تێدایە ، ئەگەر ئەو شوێنە لە ژێر مەترسی مووشەکدا بێت، واتە :
"بەرگری ئەتۆمی"ی ڕووسیا بەڕوونی تێکدەچێت.

⁉️بنیاتنانەوەی کۆمەڵگا - پایەی چوارەم (یەکڕیزی و برایەتی)

♻️لە زنجیرەی پێشوودا:
پایەی سێیەم : بنەما و پابەندی

🔰لەم هەفتەیەدا:
پایەی چوارەم : یەکڕیزی و برایەتی

⚡️هیچ تاکێک بەتەنها ناتوانێت پایەی کۆمەڵگا بوەستێنێت، کۆمەڵگا واتە کۆمەڵی تاکەکان کە بەیەکەوە پایەکان دەپارێزن، ئێمە یان بەیەکەوە هەڵدەستینەوە یان بەیەکەوە پارچە پارچە دەبین.

📌(إِنَّمَا الْمُؤْمِنُونَ إِخْوَةٌ فَأَصْلِحُوا بَيْنَ أَخَوَيْكُمْ وَاتَّقُوا اللَّهَ لَعَلَّكُمْ تُرْحَمُونَ) [الحجرت - 10]
🌐واتە: ئیمانداران تەنها برای یەکن، بۆیە ئاشتی لە نێوان براکانتان بکەن، لە خوا بترسن تا ڕەحمەتتان پێ بگات.

ئەم ئایەتە جەخت لەسەر گرنگی ئاشتەوایی نێوان ئیمانداران و ئەو ڕەحمەتە دەکاتەوە کە لە هاوسۆزی دۆستایەتی ئیمانداران دروست دەبێت هانی موسڵمانان دەدات بۆ چارەسەرکردنی ناکۆکییەکان بە شێوەیەکی ئاشتیانە و داوای ڕێنمایی خوای گەورە بکەن لە کارلێکەکانیاندا.

🔸یەکگرتوویی: بەهێزی یەکەمین کۆمەڵگای ئیسلامی
پێغەمبەر ﷺ سەرجەم هۆز و ڕەنگ و زمان و چینەکانی یەکخست. بیلال و ئەبوبەکر. سەلمان و عومەر. عەرەب و فارس. دەوڵەمەند و هەژار. هەموویان برا بوون لە باوەڕدا، رێز و پێزانینی تەواویان هەبوو بۆ ئەو پێگەیەی هەیان بوو.

📌هیچ کام لە ئێوە بەڕاستی باوەڕدار نیە تا ئەو شتەی بۆ براکەی خۆش نەوێت کە بۆ خۆی خۆشی دەوێت. (بوخاری و موسلیم)

ئەم برایەتییە شتێکی تەنها هەست و نەست نەبوو بەڵکو چالاکی و کردەوەش بوو، لەسەر بنەمای:
- هاوسۆزی
- دادپەروەری
- پشتیوانی کردن
- قوربانی دان


❌ نەخۆشی یەکنەگرتوویی و دووبەرەکی
ئەمڕۆ، دەبینین کە چۆن موسڵمانان پارچە پارچە بوون لە گشت روێکەوە هەر لە ئاستی نەتەوایەتی و بیروباوەر و چین و توێژەکانەوە، دابەش بوون بۆ ڕەنگ و ئاڵا، مەزهەب و نازناو لە کاتێکدا فەلەستین خوێن دەڕژێت و کۆمەڵگای ئیسلامی دەخەوێت.

📌(وَأَطِيعُوا۟ ٱللَّهَ وَرَسُولَهُۥ وَلَا تَنَـٰزَعُوا۟ فَتَفْشَلُوا۟ وَتَذْهَبَ رِيحُكُمْ وَٱصْبِرُوٓا۟ إِنَّ ٱللَّهَ مَعَ ٱلصَّـٰبِرِينَ) [الانفال - ٤٦]
🌐واتە: گوێڕایەڵی خوا و پێغەمبەرەکەی بن و لەگەڵ یەکتردا ناکۆکی مەکەن، ئەگەرنا بێ ورە و لاواز دەبن. خۆڕاگر بن! بێگومان خوای گەورە لەگەڵ ئەو کەسانەدایە کە خۆڕاگرن.

هەر دابەشبوونێک کە قبوڵمان کرد، درزێکە لە گشت پایەکانمان. وە ناحەز و دوژمنانیش لە ناتەبایی ئێمە قازانج دەکات.

⁉️بەڕاستی برایەتی مانای چییە؟
برایەتی ئەوە نییە کە: هاشتاگێک دابنێین! یان زەردەخەنەیەک لە مزگەوت بکەین. یان وشەی نەرم لە گفتوگۆ دا بەکاربێنین.

✅برایەتی بریتییە لە:

- رێزگرتن و هەماهەنگی و قبوڵکردنی یەکتر.
- ڕاستکردنەوەی یەکتر بە خۆشەویستی.
-بەرگری کردن و قوربانیدان بۆ یەکتر.
- لێخۆشبوون لە عەیبەکان و یەکگرتن بۆ دۆزی گەورەتر.

📌(وَاعْتَصِمُوا بِحَبْلِ اللَّهِ جَمِيعًا وَلَا تَفَرَّقُوا ) [آل عمران - 103]
🌐واتە: هەموو پێکەوە دەست بە پەتی خوای گەورە بگرن و دابەش مەبن.

کۆمەڵگایەک لە لایەن تاکەکانەوە بە گۆشەگیری بنیات نانرێت. کۆمەڵگایەک ناتوانێت هەڵسێتەوە لەکاتێکدا لە شەڕدایە لەگەڵ خۆیدا.

📌"ئیمانداران وەک یەک جەستە وان - ئەگەر بەشێک ئازاری هەبێت، هەموو جەستە ئازارەکە دەچێژێت و بە بێخەوی دەمێنێتەوە." (بوخاری و موسلیم)

#هەستانەوە زنجیرەی 9 - #پایەی_چوارەم

💯زیاتر لە 100 پەرلەمانتاری پارتە جیاوازەکان نامەیەکیان واژۆ کردووە و داوایان لە کیر ستارمەر کردووە دەستبەجێ فەلەستین وەک دەوڵەت بناسێنێت.

دوای ئەوەی ئیمانوێل ماکرۆن سەرۆکی فەرەنسا لە کۆنفرانسی داهاتووی نەتەوە یەکگرتووەکاندا دان بە فەڵەستین دەنێت، گوشارەکان توندتر بوون هەندێک لە پەرلەمانتاران هۆشداری دەدەن لەوەی کە پابەندبوونی بەریتانیا بە شوێنکەوتنی هاوپەیمانەکانی ئێستا گومانی لەسەرە.

پەرلەمانتار ئیڤچێنکۆ دەڵێت :

هەواڵگری ئەمریکا ئەوەندەی بەڵگە و زانیاری هەیە کە بتوانێت "نیوەی بەرپرسانی ئۆکرانیا دەستگیر بکات" بەهۆکاری گەندەڵی ، بەڵام بێدەنگ دەبێت بۆ پاراستنی ڕۆیشتنی یارمەتییەکان بۆ کیێڤ کە 113 ملیار دۆلارە.

پرسیارەکە ئەوەیە بۆچی ئەمریکا چاوپۆشی لە گەندەڵیەکانی ڕژێمی زیلێنسکی ئەکات؟
ترەمپ لەماوەی ڕابردوو ڕایگەیاند کە ئەمریکا چەک بە ناتۆ ئەفرۆشێت و ناتۆش چەکەکان ئەدات بە ئۆکرانیا ، ئایا هۆکاری چاوپۆشی ئەمریکا لە بەرپرسانی ئۆکرانیا بازرگانیەکی سەرکەوتوە بۆ ئەمریکا ؟ ئەمانە ئەبنە جێی گومان و پرسیارکردن لە ئەگەری هاوبەشی ئەمریکا لە گەندەڵیەکانی ڕژێمی ئۆکرانیا .