ИЛМ ВА ЗИКР

     📌 “Ким тасбеҳ, такбир, таҳлил, таҳмид келтириб ухласа, қиёмат кунида шу ҳолида тирилади. Агар ғафлатда қолиб ухласа, қиёматда ҳам шу ҳолида тирилади. Уйқудан олдин зикр қилган ҳолда ухлашга ўзингизни кўниктиринг ва одатланинг”.

☘️ Тасбеҳ – “Субҳаналлоҳ”;
☘️ Такбир – “Аллоҳу акбар”;
☘️ Таҳлил – “Лаа илаҳа иллаллоҳ”;
☘️ Таҳмид – “Алҳамдулиллаҳ” дейишдир.

     Пайғамбаримиз соллаллоҳу алайҳи васаллам қизлари Ҳазрати Фотима розияллоҳу анҳога ухлашдан олдин 33 марта Субҳаналлоҳ, 33 марта Алҳамдулиллаҳ, 33 марта Аллоҳу акбар деб ётишни тавсия қилганлар.
     Бу бизга дарс бўлиши керак. Инсон ётганда табиий равишда уйқуга толади. Уйқунинг ўлимдан қанчалик фарқи бор? “Эрталаб турамиз-да”, деймиз. Туролмасак-чи? Уйқунинг ўлимдан фарқи уйғониш холос. Уйғотиб бўлмайдиган уйқу ўлим дейилади.
     Шундай экан, ухлашдан олдин тайёргарлик қилиш керак. Қиёмат кунида кишининг тасбеҳ, такбир, таҳлил ва таҳмид қилган ҳолда тирилиши унинг саодатига эришишига аломат ва жаннат аҳлидан бўлишига ишоратдир.

“Жаннатга борар йўллар” китобидан.

➡️ Яқинларингизга ҳам улашинг! 👇

🌙 @Kunlik_Duolarim 🤲 - Кунлик  Дуолар каналига аъзо бўлинг!

Ким мана шунга амал қилса жаннатга киради

15. Абдураҳмон ибн Абдулқорийдан ривоят қилинади:
"Умар ибн Хаттобнинг бундай деганини эшитдим: "Расулуллоҳ соллаллоҳу алайҳи васалламга ваҳий нозил бўлганда, юзларининг олдида асаларининг ғувиллашига ўхшаган овоз эшитилар эди. Бир куни у кишига ваҳий нозил бўлди. Бир муддат жим қолдик. Ўзларига келиб, қиблага юзландилар, кейин қўлларини кўтариб: "Аллоҳим, бизга зиёда қил, ноқис қилма! Бизни мукаррам қил, хор этма (Ризкимизни) кенг қилиб бер, маҳрум этма! Раҳматинг ва иноятинг билан бизни танла, лутфинг ва ҳимоянг билан биздан бошқаларни танламагин: (Душманларимизни устимиздан ғолиб қилма!) Бизни рози қил ва биздан рози бўлгин!" дедилар. Кейин: "Менга ўн оят нозил бўлди. Ким уларга тўкис амал қилса, жаннатга киради", дедилар ва "Қод афлаҳал мўминун" ("Мўминун") сурасининг ўн оятини ўқиб тугатдилар".

Муснади Кеший китобидан.

➡️ Яқинларингизга ҳам улашинг! 👇

🌙 @Kunlik_Duolarim 🤲 - Кунлик  Дуолар каналига аъзо бўлинг!

#кун_эслатмаси

Қуръоний дуонинг арабча матни:
رَبَّنَا ٱصْرِفْ عَنَّا عَذَابَ جَهَنَّمَ ۖ إِنَّ عَذَابَهَا كَانَ غَرَامًا، إِنَّهَا سَآءَتْ مُسْتَقَرًّا وَمُقَامًا

Қуръоний дуонинг маъноси:
«Роббимиз, Ўзинг биздан жаҳаннам азобини бургин, албатта, жаҳаннам азоби доимийдир. Дарҳақиқат, у энг ёмон қароргоҳ ва энг ёмон жойдир».

(Фурқон сураси, 65-66 оятлар)

Дуонинг арабча матни:
اللَّهُمَّ اسْقِ عِبَادَكَ وَبَهَائِمَكَ وَانْشُرْ رَحْمَتَكَ وَأَحْىِ بَلَدَكَ الْمَيِّتَ

Дуонинг маъноси:
«Аллоҳим, бандаларингга ёмғир бергин, жонзотларингни суғоргин, раҳматингни ёйгин, ўлик юртингни тирилтиргин».

Абдуллоҳ ибн Амр ибн Осс розияллоҳу анҳумодан ривоят қилинади:
«Расулуллоҳ соллаллоҳу алайҳи васаллам истисқо қилсалар, «Аллоҳуммасқи ъибаадака ва баҳаа`имак, ваншур роҳматака ва аҳйи баладакал маййит», дер эдилар.
(«Сунани Абу Довуд», 1176)

➡️ Яқинларингизга ҳам улашинг! 👇

🌙 @Kunlik_Duolarim 🤲 - Кунлик  Дуолар каналига аъзо бўлинг!

Аллоҳ таоло намоз ўқийдиган бандаси билан фаришталарга мақтанади.

Абу Ҳурайра розияллоҳу анҳудан ривоят қилинади: «Расулуллоҳ соллаллоҳу алайҳи васаллам шундай дедилар: «Сизларнинг орангизда кечаси келадиган ва кундузи келадиган фаришталар кетма-кет навбатчилик қиладилар. Улар бомдод ва аср намозида тўпланадилар. Бандаларни кечаси билан кузатган фаришталар осмонга кўтарилгач, Аллоҳ Ўзи билиб турган ҳолда улардан: «Келаётганингизда бандаларим нима қилишаётган эди?» деб сўрайди. Фаришталар: «Келаётганимизда ҳам намоз ўқишаётган эди, борганимизда ҳам намоз ўқишаётган эди», деб жавоб беришади». (Имом Бухорий ва Имом Муслим ривояти).

➡️ Яқинларингизга ҳам улашинг! 👇

🌙 @Kunlik_Duolarim 🤲 - Кунлик  Дуолар каналига аъзо бўлинг!

Жаннатда йиғламаймиз, хафа бўлмаймиз, бўлиниб кетмаймиз, кек сақламаймиз, рашк қилмаймиз, соғинмаймиз, озор чекмаймиз. У ерда кутиш ҳам йўқ.
Жаннат бирдан-бир орзу қилинадиган нарсаки, унинг салоҳияти тугамайди.
Аллоҳим, Сендан розилигинг ва жаннатни сўрайман.

Юзингизни пастга қаратинг

Расулуллоҳ соллаллоҳу алайҳи ва саллам айтадилар: «Мусулмон кишининг назари бирон хушсурат одамга тушсаю, Аллоҳ учун нигоҳини пастга қаратса, Аллоҳ таоло унга ибодатнинг лаззатини насиб қилади».

Зулфиқор Аҳмад Нақшбандий айтади: “Шогирдларим ибтидода зикрдан маза қилганларини, аста-секин бу мазанинг йўқолиб қолганини айтишди. Бунинг сабаби эса уларнинг бадназарлик билан бегона аёлларга кўзи тушиб қолганидир. Бадназарликнинг яна бир офатларидан бири ризқнинг кесилишидир. Муттасил шу дардга йўлиққан одамнинг хонадонида барака қолмайди.

Шайтон жаннатдан қувилиб, Аллоҳдан одам фарзандларини гумроҳ қилишлик учун рухсат оларкан, ўнгидан, чапидан, орқасидан, олдидан келаман деб ваъда қилгану, лекин пастки тарафдан келаман деб ваъда қилмаган. Шунинг учун Аллоҳ таоло «номаҳрамдан юзингизни пастга қаратинг» дейди”.

«Ибратли ҳикоялар» китобидан.

➡️ Яқинларингизга ҳам улашинг! 👇

🌙 @Kunlik_Duolarim 🤲 - Кунлик  Дуолар каналига аъзо бўлинг!

بِسْــــــــــــمِ ﷲِالرَّحْمٰنِ الرَّحِيم💾

Қуёшнинг шуъласи ерни ёритар,
Бир оғиз ширин сўз дилни ёритар.
Севинч ёшартирар, қайғу қаритар,
Доим кулиб юринг, сизга ярашар!

Ассалому Алайкум ва роҳматуллоҳи ва барокатуҳу хайрли тонг бошлаб олган кунингиз хайрларга васила бўлиб Жаннатга елтсин...

Аллоҳим!
Дунёмизга, Ватанимизга, хонадонларимизга тинчлик, офият, файзу барокатлар бергин.

Кўрган кечирганларини гуноҳларга каффорат қилгин.

Роббим!
Сендан сўраган гўзал ниятларимизни кўзимиз билан кўришни насиб эт.

Жонимиздан ортиқ кўрган жон - жигарларимиз билан узоқ йиллар бирга бўлишни, байтинга боришни ва кафтларидан зам - зам ичишни насиб эт.

Юртимиз, оиламиз, яқинларимиз, қўни - қўшниларни хотиржамлигини бардавом айла.

Жамики ҳастага, қарздорга, бошига синов тишганга, бефарзандга... ўзинг ёрдам бер.

Биздан ўтган хатоларни авф эт ва бизни ранжитганларни ҳам ўзинг кечир.

Юзимиздан нур ва қалбимиздан хузурни кам қилма!
Амийн.

➡️ Яқинларингизга ҳам улашинг! 👇

🌙 @Kunlik_Duolarim 🤲 - Кунлик  Дуолар каналига аъзо бўлинг!

• Айримларнинг сенга хиёнат қилиши қалбинг поклигидан бўлса ўкинма!...

• Зотан, бу сенинг қалбинг олтиндек соф, уларнинг қалблари эса тош эканини таъкидлайди!...

• Барчага яхшилик қилавер-ки, сен яхшилик аҳлисан.

• Қабиҳлардан гўзаллик кутмагин!...

• Зеро қабиҳлар орамизда бор бўлганидек, сени севадиганлар ва сени яхшилик билан эслайдиганлар ҳам мавжуд...


У кунда на мол манфаат берар ва на болалар. Магар ким Аллоҳ ҳузурига тоза қалб ила келар, (ўша манфаат топар)”.

Доктор Салоҳуддин Кафтору.

Дунёни кўзга илмаслик, унга аҳамият бермаслик, унинг мол-мулкига, роҳат-фароғатига асир бўлиб қолмаслик, охиратни исташ ва унга рағбат қилиш, Аллоҳнинг ризолигини ўйлаш ва ризосини қозонишга ҳаракат қилиш, кечаларни  ибодат ва кўз ёшлари билан ўтказиш, кундузлари елиб-югуриб халқ хизматини қилиш, бошқаларнинг дуосини олиш, аммо мол-мулкини олмаслик, қўл остида бошқаларнинг ҳақ-ҳуқуқидан  фойдаланиш имкониятлари бўла туриб,  ундан ўз манфаати учун фойдаланмаслик ва оддий ҳаётни давом эттиришни зуҳд дейдилар, зоҳидлик дейдилар.

Шайх Маҳмуд Асъад Жўшон.

➡️ Яқинларингизга ҳам улашинг! 👇

🌙 @Kunlik_Duolarim 🤲 - Кунлик  Дуолар каналига аъзо бўлинг!

Набий соллаллоҳу алайҳи ва салламнинг аёллар ҳақида васиятлари

Абу Ҳурайра розияллоху анхудан ривоят қилинади: «Набий соллаллоҳу алайҳи васаллам шундай дедилар: «Ким Аллоҳга ва охират кунига иймон келтирган бўлса, бир ишга шоҳид бўлса, яхшиликни гапирсин ёки жим турсин! Аёлларга яхши муомала қилинглар, чунки аёл қовурғадан яратилган. Қовурғанинг энг эгри жойи унинг юқорисидир. Уни тўғрилашга уринсанг, синдирасан, (шу ҳолича) ташлаб қўйсанг, эгрилигича қолаверади. Аёлларга яхши муомала қилинглар!» (Имом Муслим ривояти).

Шарх:
Ислом аёлни ғамхўрлик ва унинг ҳақига риоя қилиш йўли билан турли хатарлардан ҳимоя қилади. Унинг қадрини оширди. Уни ҳурматлаш ва яхши муомала қилишга чорлади. Ислом олдинги умматларнинг чиркин одатларини бартараф этди. Аёл, олдинги умматлардагидек, шайтон ҳам, жин хам эмас. Сотиладиган ва сотиб олинадиган матоҳ хам эмас. Балки у эркак каби бир аслданnяралган. Аллоҳ таоло марҳамат қилади: «Эй, одамлар! Сизларни бир жон (Одам)дан яратган ва ундан жуфти (Ҳавво)ни яратган ҳамда иккисидан кўп эркак ва аёлларни таратган Раббингиздан қўрқингиз!» (Нисо сураси, 1-оят). Пайғамбарлар саййиди Муҳаммад соллаллоху алайҳи ва саллам «Аёлларга (яхши) муомалада бўлинглар» деб нидо қилганларидек, уларни ҳимоя қилайлик ва улар билан яқин бўлайлик! Улардан ким камчилик ёки нуқсон топса, ғазабланмасин ва қаттиққўллик ҳам қилмасин. Чунки Расули акрам соллаллоҳу алайҳи ва саллам: «Албатта, аëл қовурғадан яратилган. Қовурганинг энг қийшиқ жойи унинг юқорисидир. Уни тўғрилашга уринсанг, синдириб қўясан. Агар ташлаб қўйсанг, қийшиқлигича қолаверади. Бас, аёлларга (яхши) муомалада бўлинглар!» деб марҳамат қилганлар. Киши аёл билан муроса-ю мадора қилиши керак, унинг ишларига сабр қилиши зарур. Чунки Аллоҳ таоло аёллар туфайли жонларни турли хилқат ва табиатда яратди. Худди Аллоҳ таоло Имроннинг аёли ҳақида хабар берганидек: «Ахир, (у кутган) ўғил бу қиздек (хислатли) бўлмасди» (Оли Имрон сураси, 36-оят). Ушбу ҳадисдан маълум бўладики, албатта, аёллар билан афв сояси остида сиёсат қилиш ва уларнинг баъзи камчиликларига сабр этиш зарур. Ким уларнинг истакларига ва камчиликларига қарши курашса, уларнинг катта-ю кичик ишларидан камчилик ахтараверса, ўзи билмаган нарса билан шуғулланиб қолади ҳамда бошини тоқати етмайдиган ишга суқиб қўяди. Кошки у Набиййи муҳтарам соллаллоҳу алайҳи ва салламнинг: «Уни тўғрилашга уринсанг, синдириб қўясан. Агар ташлаб қўйсанг, қийшиқлигича қолаверади. Бас, аёлларга (яхши) муомалада бўлинглар!» деган сўзларини тушуниб етса! Ва шундан хулоса чиқариб, тоқати етмайдиган ишга киришмаса?! Аёлдаги яхшилик ва латофатни кўриб, у билан аҳил бўлиш, гарчи қийин бўлса-да, сабр ва бунинг ортидан ажрни жамлайди. Чунки ана шу қийшиқликни тўғрилашга киришиш мутлақо беҳуда ишдир. Бу ҳақда Имом Муслим ривоят қилган саҳиҳ ҳадис бор. Абу Ҳурайра розияллоҳу анҳудан ривоят қилинади. Набий соллаллоҳу алайҳи ва саллам марҳамат қилдилар: «Аёл киши (эгри) қовурғадан яратилган. У ҳеч қачон тўғри бўлмайди. Ундан шундайлигича эгрилигича фойдалансанг, фойдаландинг. Уни тўғрилашга уринсанг, синдириб куясан. Уни синдиришинг эса, талоғини беришингдир». Эркак кишининг дунёда аёли билан тинч-тотув яшаши, унга қаноат қилиши зарур. Оила мустаҳкамлиги сабр билан бўлади. Бунинг учун эса «ҚИЙШИҚЛИК»ка кўз юмиш керак.

«Аёллар ҳақида муборак қирқ ҳадис шарҳи» китобидан.

➡️ Яқинларингизга ҳам улашинг! 👇

🌙 @Kunlik_Duolarim 🤲 - Кунлик  Дуолар каналига аъзо бўлинг!

#дуо

Ҳидоят сўраш дуоси:

اهْدِنَا الصِّرَاطَ الْمُسْتَقِيمَ (6) صِرَاطَ الَّذِينَ أَنْعَمْتَ عَلَيْهِمْ غَيْرِ الْمَغْضُوبِ عَلَيْهِمْ وَلَا الضَّالِّينَ (7)

✅ Ўқилиши: Иҳдинас-сиротол мустақийм. Сиротоллазийна анъамта ъалайҳим ғойрил мағдууби ъалайҳим валад-дооллийн

✅ Маъноси: Бизни тўғри йўлга ҳидоят қилгин. Ўзинг неъмат берганларнинг йўлига: ғазабга қолганларникига ҳам эмас, адашганларникига ҳам эмас.

(Фотиҳа сураси, 6-7 оятлар).

!➡️ Яқинларингизга ҳам улашинг! 👇

🌙 @Kunlik_Duolarim 🤲 - Кунлик  Дуолар каналига аъзо бўлинг!

ИСЛОМДА МОТАМ ТУТИШ БОРМИ?

Аёл саҳобалардан Зайнаб бинти Абу Салама розияллоҳу анҳумо ҳикоя қилади:

Пайғамбар алайҳиссаломнинг завжалари бўлган онам Умму Ҳабиба розияллоҳу анҳонинг отаси Абу Суфён вафот этганида кўнгил сўраш учун зиёратига борган эдим. Онам ичида сафрон ёки бошқа бир нарса бўлган муаттар ҳидли нарса истади ва ундан олдин бир жорияга, кейин эса ўзининг ёноқларига сурди. Кейин эса бундай деди:
– Аллоҳга қасамки, менинг муаттар ҳидга ҳеч қандай эҳтиёжим йўқ. Фақат Пайғамбар алайҳиссаломнинг минбарда турганларида бундай деганларини эшитдим: "Аллоҳга ва охират кунига иймон келтирган аёл ўлган киши учун уч кундан ортиқ мотам тутмайди. Фақат эри учун тўрт ой ўн кун аза тута олади". Ушбу хушбўйликни шунинг учун сурдим. Зайнаб бинти Абу Салама сўзида бундай давом этди:
- Кейинроқ бир куни Пайғамбар алайҳиссаломнинг завжаларидан Зайнаб бинти Жаҳш розияллоху анҳонинг зиёратига борган эдим. Ўша кунларда унинг яқинларидан бири вафот этганди. Зайнаб бинти Жахш хушбўйлик сўраб сурди ва бундай деди: "Аллоҳга қасамки, менинг муаттар ҳидли нарсани суришга асло эҳтиёжим йўқ. Фақат Пайғамбар алайҳиссаломнинг минбарда туриб бундай деганларини эшитган эдим: “Аллоҳга ва охират кунига иймон келтирган аёл ўлган киши учун уч кундан ортиқ мотам тутмайди. Фақат эри учун тўрт ой ўн кун аза тута олади”. Бу хушбўйликни шунинг учун сурдим”, деди.

«Саҳобадан 101 хотира» китобидан.

➡️ Яқинларингизга ҳам улашинг! 👇

🌙 @Kunlik_Duolarim 🤲 - Кунлик  Дуолар каналига аъзо бўлинг!

بِسْــــــــــــمِ ﷲِالرَّحْمٰنِ الرَّحِيم💾

Ғойибларнинг тилаги азал,
Биродари учун ижобат!
Қайда хайр, хидоят бўлса,
Талабида жам бўлсин уммат.
Кетсин,  фисқ-у фужурлар,  дардлар,
Сўнг ўрнига саломлар тўлсин!
Дўстлар,  ёрлар ва қадрдонлар,
Айёмингиз муборак  бўлсин!

Ассалому Алайкум ва роҳматуллоҳи ва барокатуҳу.. Бугун жума илоҳий муждалар куни Албатта бир жумангиз Маккада бўлсин. Аллоҳимнинг бахтли бандаларидан биримиз Алҳамдулиллах.
Нега бахтлиман деб савол берайлик!

• Чунки бизда намоз бор, Сажда бор, Дуо бор, Шукр бор!
Ҳаммадан афзали, бизни яратган дуоларимизни ижобат  қилувчи Улуғ Роббимиз бор!

• Аллоҳим! Оёқларимизни кучини
олмасин - токи байтининг меҳмони бўлайлик!

• Белимизнинг қувватини олмасин, Токи сўнгги амалимиз унга сажда бўлсин!

• Кўзларимизнинг нурини олмасин, Токи умримиз поёнида сўнгги кўрганларимиз унинг гўзал каломи бўлсин!

• Хотирамиздандан айирмасин,
Токи унинг китобинг унда жамлансин!

• Ва яна... ўзини жамолини кўришга муносиб бўлмагунимизча юрагимизни уришдан тўхтатмасин!

• Аллохим! Бизларга хайрли умр, икки дунёмиз учун манфаатли илм ва гузал хотима берсин!

• Ўзига ёруғ юз билан қайтишликни насиб этсин!
Амийн...

Жаннатда бир ошиёнингиз бўлсин Жумамиз муборак..🌷

➡️ Яқинларингизга ҳам улашинг! 👇

🌙 @Kunlik_Duolarim 🤲 - Кунлик  Дуолар каналига аъзо бўлинг!

ЖАННАТ АҲЛИНИНГ АЛЛОҲ ТАОЛОНИ КЎРИШИ ЭНГ КАТТА НЕЪМАТ ЭКАНИ ҲАҚИДА

Суҳайбдан ривоят қилинади: Расулуллоҳ соллаллоҳу алайҳи ва саллам айтдилар: "Жаннат аҳли жаннатга киргач, Аллоҳ таборака ва таоло: "Сизларга яна бир нарсани зиёда қилишимни хоҳлайсизларми?" деб сўрайди. Улар: "Юзимизни ёруғ қилмадингми? Жаннатга киргизмадингми? Бизга дўзахдан нажот бермадингми?" дейишади. Шунда парда очилади, бас, уларга Парвардигорлари азза ва жаллани кўришдан ҳам суюклироқ бирор нарса берилмайди".

(Бошқа ривоятда: "Сўнг ушбу: "Чиройли амал қилган зотлар учун чиройли оқибат ва зиёда неъматлар бордир" (Юнус, 26), оятини ўқидилар", дейилади.)  (Муслим ривояти).

Расулуллоҳдан (соллаллоҳу алайҳи васаллам):
"Чиройли амал қилган зотлар учун чиройли оқибат ва зиёда неъматлар бордир" ояти ҳақида сўрашди. Шунда у зот айтдилар: "Жаннат аҳли жаннатга, дўзах аҳли дўзахга киргач, нидо қилгувчи: "Эй аҳли жаннат, сизлар учун Аллоҳнинг ҳузурида ваъда бор, уни сизларга тўлиқ қилиб бермоқчи", деб нидо қилади. Улар: "Юзларимизни ёруғ, мезонимизни оғир қилмадими, дўзахдан бизга нажот бермадими?" дейишади. Шунда парда очилади ва Унга қарашади". Аллоҳга қасамки, Аллоҳ таоло уларга Ўзининг юзига қарашдан ҳам суюклироқ, кўзларига қувончлироқ нарса бермади".
Абу Довуд Таёлисий ҳам бу ҳадисни тахриж қилган: Суҳайб розийаллоҳу анҳу айтадилар:
Насоий ривояти.

"Расулуллоҳ соллаллоҳу алайҳи ва саллам: "Чиройли амал қилган зотлар учун чиройли оқибат ва зиёда неъматлар бордир", оятини тиловат қилиб дедилар: "Жаннат аҳли жаннатга кирса, нидо қилгувчи: "Эй аҳли жаннат, сизлар учун Аллоҳ таолонинг ҳузурида ваъда бор", деб нидо қилади. Улар: "У нима экан? Дарҳақиқат, юзимизни ёруғ, мезонимизни оғир қилиб, бизни жаннатга киргизди-ку?" дейишади. Бу уларга уч марта айтилади. Сўнг Аллоҳ таборака ва таоло уларга тажаллий қилади, бас, улар Унга қарайдилар. Бу нарса уларнинг ҳузурида берилган нарсаларнинг энг улуғи бўлади".

➡️ Яқинларингизга ҳам улашинг! 👇

🌙 @Kunlik_Duolarim 🤲 - Кунлик  Дуолар каналига аъзо бўлинг!

Таъсирли гаплар экан!
Дўст ҳақида имкон қадар яхши гумонда бўлинг.

Толҳа ибн Абдурроҳман ибн Авф ўз замонасида Қурайшнинг энг саховатли кишиси эди.
Бир куни унга хотини:
- "Сизнинг биродарларингиздек пасткаш инсонларни кўрмаганман” -  деди.
У:
- Нима учун бундай деяпсан?” - деди.
Хотини:
- Агар сиз бойиб кетсангиз, улар сиздан ажралишмайди, агар сиз камбағал бўлиб қолсангиз, (хабар олиб) келишмайди” - деди.
Толҳа хотинига қараб:
- Аллоҳга қасамки, бу уларнинг мукаррам хулқ соҳиблари эканидандир. Уларга саховат кўрсатишга имконимиз бор пайтда келишади, агар уларнинг ҳаққини адо қилишдан ожиз бўлиб қолсак, (бизни безовта қилиб, хижолатга қўймаслик учун) келишмайди” - деб жавоб берди.
Имом Мовардий ушбу қиссага қўшимча қилиб шундай дейди:
- Унинг олийжаноблик билан қилган таъвилини қаранг! Биродарларининг хунук ишларидан яхшиликни гумон қиляпти, хиёнатларини эса вафо деб таъвил қиляпти. Аллоҳга қасамки, бу – соғлом қалбнинг дунёда роҳат, охиратда эса муваффақият эканига далолат қилади. Бу ҳам жаннатга кириш сабабларидан биридир!!!

Салаф солиҳлардан бири:
“Агар дўстларимдан бирининг соқолидан хамр (яъни вино) томиб турганини кўрсам, унга сепиб юборилгандир, деб ўйлайман, агар унинг тоғнинг тепасида туриб олиб: “أَنَا رَبُّكُمُ الْأَعْلَى” (яъни, мен сизларнинг олий Роббингизман), деётганини кўрсам, Қуръон оятини ўқиётган бўлса керак, деб гумон қиламан.” - деган экан.

Уламолар айтадилар:
“Аллоҳга қасамки, бандага ўзининг амалидаги ниятини билиши қийинку, қандай қилиб у халойиқнинг ниятини билишга имкон топа олади?”.

Умар ибн Хаттоб розияллоҳу анҳу айтганлар:
“Биродаринг оғзидан чиққан сўздан бирорта яхшиликни гумон қилишга имконинг бўлса, у сўздан ёмонликни гумон қилмагин!”.

Ибн Сийрин роҳматуллоҳи алайҳи айтганлар:
“Биродаринг ҳақида бирон нарса эшитсанг, унинг узрини қидир. Агар унга узр топа олмасанг, “Балки мен билмайдиган узри бордир” - дегин”.

➡️ Яқинларингизга ҳам улашинг! 👇

🌙 @Kunlik_Duolarim 🤲 - Кунлик  Дуолар каналига аъзо бўлинг!

#Дуо
Холис амал, ният ва тўғри йўлни талаби учун ўқиладиган дуо

اللهم وفقني لما تحبّ و ترضي من القول والعلم و الفعل و النيّة و الهدي إنّك على كلّ شيء قدير.

Ўқилиши: Аллооҳумма ваффиқний лимаа туҳиббу ва тардзо минал қовли вал ъамали вал фиъли ван нияти вал ҳудаа иннака ъалаа кулли шай’ин қодийр.

Маъноси: Эй Аллоҳ! Сўз, ё амал, ё феъл, ё ният, ё ҳидоят бўлсин, Ўзинг яхши кўрган ва рози бўладиганингга мени муваффақ эт. Албатта, Сен барча нарсага қодир зотсан.

Расулуллоҳ салоллоҳу алайҳи ва саллам  билдирдиларки:
— Қиёмат куни ҳар бир кўзнинг йиғлаши муқаррардир, булардан фақатгина уч кўз мустасно. Булар: 
1 - Аллоҳдан қўрқиб йиғлаган кўз, 
2 - Аллоҳ ҳаром қилган нарсаларни кўрганда юмилган кўз, 
3 - Аллоҳ йўлида, Аллоҳ учун ухламай, очиқ ётган кўз. 

Дейдиларки: 
Уч нарса қалбни ғам-ғусса билан тўлдиради: 
1 - Таажжубли бўлмаган нарсадан кулмоқ, 
2 - Очиқмасдан овқат емоқ, 
3 - Кераксиз ерда сўз сарфламоқ.

«Мукошафатул қулуб» китобидан.

➡️ Яқинларингизга ҳам улашинг! 👇

🌙 @Kunlik_Duolarim 🤲 - Кунлик  Дуолар каналига аъзо бўлинг!

#дуо
БЕМОРНИ ЗИЁРАТ ЭТИШНИНГ САВОБИ

Тобеин олимлардан Абдурраҳмон ибн Абу Лайло ҳикоя қилади:

Бир куни Абу Мусо ал-Ашъарий розияллоҳу анҳу ҳазрати Алининг ўғли ҳазрати Ҳасаннинг беморлиги сабабли уни зиёрат қилишга борди. Ҳазрати Али унга:
– Беморни зиёрат қилиш учун келдингми ёки кўришмоқ учун келдингми? – деб сўради.
Абу Мусо ал-Ашъарий:
– Бемор бўлгани учун зиёратига келдим, -деди.
Шунда ҳазрати Али унга бундай деди:
- Модомики, беморни зиёрат қилиш учун келган экансан, мен сенга Расули акром соллаллоҳу алайҳи ва салламдан эшитганим мана бу ҳадисни айтиб берайин: "Бир киши бир мусулмон биродарини бемор бўлгани учун зиёратига борса, ўша ерга бориб ўтиргунига қадар жаннат боғларида юргандек бўлади. Беморнинг ёнига ўтирганида уни Аллоҳнинг раҳмати ўраб олади. Агар беморнинг зиёратига тонгда борган бўлса, етмиш минг фаришта оқшомга қадар унинг гуноҳларини кечиришини сўраб Аллоҳ таолога ёлвориб туради. Магар беморнинг зиёратига оқшомда борса, яна етмиш минг фаришта то тонггача унинг гуноҳларини кечиришини сўраб Аллоҳга ёлворади”.

«Саҳобадан 101 хотира» китобидан.

➡️ Яқинларингизга ҳам улашинг! 👇

🌙 @Kunlik_Duolarim 🤲 - Кунлик  Дуолар каналига аъзо бўлинг!

Ким шу тўрт хислатдан узоқ бўлса, омадсизликка учрамайди:
1. Шошма-шошарлик
2. Қайсарлик
3. Манманлик
4. Ландовурлик

Шошишнинг охири – пушаймонлик.
Қайсарликнинг охири – тентаклик.
Манманликнинг охири – нафрат Ландовурликнинг охири – залолатдир.

«ЎҒИЛ–ҚИЗЛАРИМИЗГА 1000 ЎГИТ» китобидан.

“Ишларига улгуриш учун намозини қарға чўқишидай чўқилаб ўқийди. Билмайдики, улгуриб қолиш учун шошилаётган юмушларининг ҳаммаси, айни дамда ҳузурида турган Зотнинг изнидадир...

Яна баъзилар тезроқ смартфонига қараш учун намозини тезлаштиради. Ўзича бир-икки дақиқа қарамаса, бу дунёнинг ишлари ўзгариб кетадигандек...

Намозларингизни яхшиланглар. Албатта, намоз яхши бўлса, ўнгланса, қолган барча ишларингиз ўнгланади”.

Доктор Ҳусайн Фийфий.

➡️ Яқинларингизга ҳам улашинг! 👇

🌙 @Kunlik_Duolarim 🤲 - Кунлик  Дуолар каналига аъзо бўлинг!

بِسْــــــــــــمِ ﷲِالرَّحْمٰنِ الرَّحِيم💾

Омонат дунёда бари омонат.
Дард ҳам омонатдир, бахт ҳам омонат.
Ғаму андуҳингга шерикман дея,
Елкасин тутгувчи дўстинг омонат.
Омонатдир чеккан оҳу зоринг ҳам,
Омонатдир жондан севган ёринг ҳам.
Эй дустим дилингни босмасин ғафлат,
Отанг омонатдир, онанг омонат.
Бу сиҳат-соғлик, омад омонат.
Эй дустим инсонсан унутма фақат,
Юракда титраган жон хам омонат.

Ассалому Алайкум ва роҳматуллоҳи ва барокатуҳу хайрли тонг бошлаб олган кунингиз хайрларга васила бўлиб Жаннатга элтсин..

Тунни тонгга, Қишни баҳорга,
Дардни дармонга Етиштирган Роббим!

Бизни ҳам гўзал Дуоларимизнинг
Ижобатига Етиштиргин!

Тилимизни дуосиз, Дуоларимизни жавобсиз қолдирма!

Ватанимизни, Жон жигар, қардошларимизни, Замин узра қимирлаган тирик жонни ўзинг асра!

Ислоҳ қил!
Ўзинг рози бўладиган  амалларга йулдош қил!

Аллоҳим беҳисоб ҳамду саноларимиз ва шукроналаримиз бўлсин.

Шафоат қилувчимиз, Росулимиз саллоллоҳу алейҳи вассаламга дуру саловатларимиз бўлсин.

➡️ Яқинларингизга ҳам улашинг! 👇

🌙 @Kunlik_Duolarim 🤲 - Кунлик  Дуолар каналига аъзо бўлинг!

ЎЛГАНДАН СЎНГ ҚАЙТА ТИРИЛИШ ВА УНДАН СЎНГ КЕЛАДИГАН НАРСАЛАРГА ИЙМОН

    Ўлимдан кейин бўладиган қуйидаги саккиз ишнинг ҳақлигини тасдиқлаймиз:

1. Ўлимдан сўнг иккинчи бор ҳаётга келиш.
Аллоҳ таоло марҳамат қилади:

ثُمَّ يُحْيِيكُمْ ثُمَّ إِلَيْهِ تُرْجَعُونَ (28)

«Сўнгра сизни ўлдиради ва яна тирилтиради, кейин сизлар Унга қайтариласизлар» (Бақара сураси 28-оят).

2. Қиёмат куни яхши ишларнинг мукофоти, ёмон ишларнинг жазоси берилиши.
Аллоҳ таоло марҳамат қилади:

جَزَآءًۢ بِمَا كَانُوا۟ يَعْمَلُونَ (14)

«Ана ўшалар қилган амаллари мукофотига» (Аҳқоф сураси, 14-оят).

3. Аллоҳнинг ҳузурида арз бўлиши (қилинган амалларнинг кўрсатилиши).
Аллоҳ таоло марҳамат қилади:

يَوْمَئِذٍ تُعْرَضُونَ لَا تَخْفَىٰ مِنكُمْ خَافِيَةٌ (18)

«Ўша Кунда кўрикдан ўтасизлар, бирорта нарсангиз махфий қолмайди» (Ҳаққо сураси, 18-оят).

4. Бандалар амалларининг ҳисоб-китоби.
Аллоҳ таоло шундай марҳамат қилади:

إِنِّى ظَنَنتُ أَنِّى مُلَٰقٍ حِسَابِيَهْ (20)

«Албатта, мен ҳисоб-китобимга йўлиқишимга ишонардим» (Ҳаққо сураси, 20-оят) ва

فَسَوْفَ يُحَاسَبُ حِسَابًا يَسِيرًا (8)

«Тезда, осонгина ҳисоб қилинур» (Иншиқоқ сураси, 8-оят).

5. Ҳар бир кишининг номаи аъмоли ўқилиши.
Аллоҳ таоло марҳамат қилади:

ٱقْرَأْ كِتَٰبَكَ كَفَىٰ بِنَفْسِكَ ٱلْيَوْمَ عَلَيْكَ حَسِيبًا (14)

«Китобингни ўқи, бугунги кунда ўзингга ўзинг ҳисобчиликка кифоя қилурсан» (Исро сураси, 14-оят).

6. Яхши амалларга савоб, ёмон амалларга иқоб берилиши.
Аллоҳ таоло марҳамат қилади:

فَمَن يَعْمَلْ مِثْقَالَ ذَرَّةٍ خَيْرًا يَرَهُۥ (7)
وَمَن يَعْمَلْ مِثْقَالَ ذَرَّةٍ شَرًّا يَرَهُۥ (8)

«Бас, ким зарра вазнича яхшилик қилса ҳам кўради. Ва ким зарра вазнича ёмонлик қилса ҳам кўради» (Залзала сураси, 7-8-оятлар).
Яъни савоби ва иқобини кўради.

7. Сиротдан (жаҳаннам устига қурилган кўприкдан) ўтиш.
Аллоҳ таоло марҳамат қилади:

وَإِن مِّنكُمْ إِلَّا وَارِدُهَا كَانَ عَلَىٰ رَبِّكَ حَتْمًا مَّقْضِيًّا  (71)

«Сиздан унга яқинлашувчи бўлмаган ҳеч ким йўқ. Бу Роббинг ҳузуридаги кескин ҳукмдир» (Марям сураси 71-оят).
«Жаҳаннамга яқинлашиш»дан мурод унинг устига қурилган сирот номли кўприкдан ўтишдир.

8. Яхши амаллар билан ёмон амаллар ўртасидаги фарқни зоҳир қилиш учун амалларни тортиш.
Аллоҳ таоло марҳамат қилади:

وَٱلْوَزْنُ يَوْمَئِذٍ ٱلْحَقُّ  (8)

«Ўша куни тортиш ҳақдир» (Аъроф сураси, 8-оят).

Қиёмат куни фақат савол-жавоб билан кифояланиб қолинмайди. Балки ундан ҳам дақиқроқ ишлар бўлади. Ҳар бир инсоннинг қилган амаллари тарозига солиниб, тортилади. Бу тарози аниқ ишлайдиган тарози бўлиб, зарранинг оғирлигини ҳам сезади. Ана ўша тортишда кимнинг амаллари оғир келса, у нажот топади, жаннатга киради.
Ёмонликдан бошқа амаллари йўқлар ҳақида эса Аллоҳ таоло шундай марҳамат қилади:

فَلَا نُقِيمُ لَهُمْ يَوْمَ ٱلْقِيَٰمَةِ وَزْنًا (105)

«Қиёмат куни уларга ҳеч қандай вазн бермасмиз» (Каҳф сураси, 105-оят).

Яъни қиёмат куни кофирларнинг ҳеч қандай қадр-қиймати бўлмайди. Уларнинг бу дунёда қилган амалларининг вазни ҳам бўлмайди. Чунки Аллоҳнинг наздида ҳамма қадр-қиймат ва амалларнинг вазни иймонга боғлиқ. Иймони йўқнинг қадри ҳам йўқ, қиймати ҳам йўқ. Унинг қилган ишининг вазни ҳам йўқ.
    Бас – ўлгандан кейин қайта тирилиш ва ундан кейинги нарсаларга умумий далил. Билингки, ўлгандан кейин қайта тирилиш ва жисмоний қайтишга Қуръон, Суннат, ақл ва соғлом табиат далолат қилади. Аллоҳ таоло азиз Китобида бу ҳақда хабар берган, унга далил келтирган ва Қуръоннинг кўпчилик сураларида бу нарсаларни инкор қилувчиларга раддия келтирган. Қуръонда хабар берилганидек, барча пайғамбар алайҳиссаломлар ўлимдан кейин қайта тирилишнинг ҳақлигига иттифоқ қилганлар. Шунингдек, Муҳаммад соллаллоҳу алайҳи васаллам ҳам охиратни бошқа анбиёларнинг китобларида бўлмаган шаклда батафсил баён қилганлар. Аллоҳ Ўз Китобида қайта тирилиш ва унинг воқе бўлиши ҳақлиги ҳамда ундан келиб чиқадиган нарсаларга далолат қилувчи турли далил-ҳужжатларни зикр қилган.

«Ақийдатут-таҳовия» китобидан.

➡️ Яқинларингизга ҳам улашинг! 👇

🌙 @Kunlik_Duolarim 🤲 - Кунлик  Дуолар каналига аъзо бўлинг!

Қуйидагилар қўшнилик бурчлари жумласига киради:

1. Қўшни билан учрашганда салом билан сўз бошламоқ;
2. Гаплашганда гапни чўзмаслик;
3. Кўп савол бермаслик;
4. Касал бўлганда кўргани бориш;
5. Бошига мусибат тушганда таъзиясида қатнашиш, унга нисбатан бирга сабрли бўлиш;
6. Севинчли онларида қутлаш унинг севинчи билан севиниш;
7. Хатоларини кўрмасликка олиш;
8. Уйини жосусларча кузатмаслик;
9. Деворига бир нарсалар қўйиб ёки осиб ғашини келтирмаслик;
10. Унга тегишли жойдан сув олмаслик;
11. Уйининг олдига ахлат ва супиринди тўкмаслик;
12. Ўтиш йўлларини торайтирмаслик;
13. Бирон баҳона билан уйига қарамаслик;
14. Қулоққа чалинган оилавий сирларини ёймаслик;
15. Керагида шаънига ёмон сўз айтаётганларнинг гапини бўлиш;
16. Ўзи йўқлигида уйини қўриқлаш;
17. Унга қарши айтилган сўзларга қулоқ солмаслик;
18. Маҳрамига оид хусусларда кўз юммоқ;
19. Хизматчисига қарамаслик;
20. Боласига ширин сўзлар айтиш;
21. Диний ва дунёвий масалаларда билмаганларини билдириш...

➡️ Яқинларингизга ҳам улашинг! 👇

🌙 @Kunlik_Duolarim 🤲 - Кунлик  Дуолар каналига аъзо бўлинг!

Бир томондан қўрқувга, бир томондан умидга тушдингми, икки қанотинг бўлади. Бир қанотли қуш асло уча олмайди, ожиздир.

Мавлоно Румий.

#Дуо
Исённи даф қилиш ва розилик талаби учун ўқиладиган дуо

اللهم إنّي أسألك نفسا بك مطمئنّة تؤمن بلقائك و ترضي بقضائك و تقنع بعطائك.

Ўқилиши: Аллооҳумма инний ас’алука нафсан бика мутмаиннаҳ, ту’мину билиқооик, ва тардо биқодооик, ва тақнаъ биъатооик.

Маъноси: Эй Аллоҳ! Сендан Ўзинга хотиржам бўладиган, Сенга йўлиқишга имон келтирадиган, ҳукминга рози бўладиган ва Сен ато этган неъматларга қаноат қиладиган нафсни сўрайман.

➡️ Яқинларингизга ҳам улашинг! 👇

🌙 @Kunlik_Duolarim 🤲 - Кунлик  Дуолар каналига аъзо бўлинг!

Авлиёлар номига атаб жонлиқ сўйиш

❓Савол: Айримлар бирор авлиё номига атаб жонлиқ (ҳўкиз, эчки ёки товуқ) сўйишади ёки таомлар (ширгуруч, шавла) пиширишади. Шу тўғрими?

📩 Жавоб: Бирор жонлиқни Аллоҳ таолодан ўзгага атаб сўйиш мутлақ мумкин эмас. Аллоҳ таоло бундай огоҳлантиради:
«У сизларга ўлимтик, қон, чўчқа гўшти ва Аллоҳдан ўзгага атаб сўйилган нарсаларни (қатъий ) ҳаром қилди...»
(Бақара сураси, 173-оят).
Ҳазрат Али розийаллоҳу анҳудан ривоят қилинган ҳадисда
Расулуллоҳ соллаллоҳу алайҳи васаллам:
“Аллоҳдан ўзгага атаб жонлиқ сўйган кишига Аллоҳнинг лаънати бўлсин”, деганлар (Имом Муслим ривояти).
Шундай экан, мусулмон инсон бошига қандай мушкул иш тушса, унинг кушойиш бўлишини фақат Аллоҳ таолодан сўраши, шариатга хилоф тарзда турли хурофотларга берилмаслик лозим. Валлоҳу аълам!

"Фатволар тўплами" китобидан.

➡️ Яқинларингизга ҳам улашинг! 👇

🌙 @Kunlik_Duolarim 🤲 - Кунлик  Дуолар каналига аъзо бўлинг!

Эй инсон! Жисминг саломат, белинг қувватлик, қайси бир ишни қилмоқни хоҳласанг унга қўлинг етадиган, ўзинг бажара оладиган вақтингда, ҳар нарсани идрок этадиган кунларингни ғанимат бил!
Қўлингга ҳиммат ва ғайрат белини олиб, кўнгил боғингни обод қил! Бу ишнинг охири роҳат келтиради.
Меҳнатингга қараб мақсадларинг ҳосил бўлади.

Имом Зарнужий.

Эй Одам фарзанди!
Хазиналарим ҳеч қачон тугамайди. Инфоқ қилганинг миқдорида сенга инфоқ қиламан, бахиллик қилганинг миқдорида сенга бахиллик қиламан. Сен берган ризқимни мискинлардан қизғанишинг ёмон гумон, қашшоқликдан қўрқиш ва Менга ишончсизлигинг туфайлидир. Чунки Мен асл хилқатингни ризққа эътибор берадиган қилиб яратдим. Бас, қачонки сен ризққа интилсанг-у, Мен сени ризқлантирсам, инфоқ қил, қўлингдаги ризқ Меники, бас, бандаларимга бахиллик қилма. (Инфоқ қилган нарсанинг) ўрнига (ундан ҳам яхшироғини) беришга кафилман, ажрини ваъда этдим. Яна нега Китобимга шак келтирасан?! Ваъдамни рост деб билмадинг. Ким пайғамбарларимни тасдиқламаса, Парвардигорлигимни инкор этибди. Ким Парвардигорлигимни инкор этса, уни юзи билан дўзахга қулатаман».

Имом Ғаззолий “Қирқ ҳадиси қудсий”дан.

➡️ Яқинларингизга ҳам улашинг! 👇

🌙 @Kunlik_Duolarim 🤲 - Кунлик  Дуолар каналига аъзо бўлинг!

بِسْــــــــــــمِ ﷲِالرَّحْمٰنِ الرَّحِيم💾

Кимнидир қалбини оғритган бўлсам,
Дилга яқинларим таниш, нотаниш.
Минг хижолат ила узр сўрайман,
Елкамдаги соқитни ниятим узиш.
Тангримни олдида ёруғ юз билан,
То қиёмат бўйнимдан қарзимни узай.
Кичик аризамни демангиз хато,
Бурчимни бажариб кўнглимни ёзай.

Ассалому алайкум ва роҳматуллоҳи ва барокатуҳу хайрли тонг бошлаб олган кунингиз хайрларга васила бўлсин!

Саломлашишнинг етмишта савоби бор бўлиб, ундан олтмиш тўққизтаси салом берганники, биттаси эса алик олганникидир!

Аллоҳимнинг раҳматлари, барокатлари, мағфирати, марҳамати, офиятлари умр давомида бизларга хамрох бўлсин.

Энг яхши кун гуноҳсиз ўтган кунларимиздир!

Энг яхши қалб ростгўйлик аримайдиган қалбдир!

Кетган нарса қайтиб келмайди.

Аммо фақат дуогина умид билан кетиб, туҳфа билан қайтиб келади.

«Роббим, Яккаю Ягона Аллоҳим!» десак бас!

Кунингиз файзли, хайрли, мазмунли яхши кайфиятда ўтсин!

Дуоларимизни ижобат ила
Аллоҳга ҳамду санолар, Пайғамбаримиз Муҳаммад Мустафо 🩷 беҳисоб саловатлар бўлсин!

Соллаллоҳу ъала Набиййина Муҳаммадин ва ъала аалиҳи, ва соҳбиҳи ажмаъийн!
Амийн..

➡️ Яқинларингизга ҳам улашинг! 👇

🌙 @Kunlik_Duolarim 🤲 - Кунлик  Дуолар каналига аъзо бўлинг!

QALB KASALLIKLARI MUOLAJASI.

يَوْمَ لَا يَنْفَعُ مَالٌ وَلَا بَنُونَ  إِلَّا مَنْ أَتَى اللَّهَ بِقَلْبٍ سَلِيمٍ﴾ (سورة الشعراء/الآية 89-88)
Ya'ni: “U kunda na mol-dunyo va na farzandlar foyda bermas, Faqat Alloh huzuriga sog‘lom dil bilan kelgan kishilargagina (foyda berur)” (Shuaro surasi, 88-89 oyatlar).

"إِنَّ اللَّهَ لا يَنْظُرُ إِلَى صُوَرِكُمْ وَأَمْوَالِكُمْ وَلَكِنْ يَنْظُرُ إِلَى قُلُوبِكُمْ وَأَعْمَالِكُمْ"
)رواه الامام البخاري و الامام مسلم عَنْ أَبِي هُرَيْرَةَ رضي الله عنه)
Ya'ni: “Alloh taolo sizlarning suratlaringiz va mollaringizga nazar solmaydi, balki Alloh sizlarning qalblaringiz va amallaringizga boqadi” (Imom Buxoriy va Imom Muslim rivoyati).
Shuningdek, Alloh taolo:

﴿أَفَمَنْ شَرَحَ اللَّهُ صَدْرَهُ لِلْإِسْلَامِ فَهُوَ عَلَى نُورٍ مِنْ رَبِّهِ فَوَيْلٌ لِلْقَاسِيَةِ قُلُوبُهُمْ مِنْ ذِكْرِ اللَّهِ أُولَئِكَ فِي ضَلَالٍ مُبِينٍ﴾ (سورة الزمر/22)
Ya'ni: “Axir, ko‘ksini Alloh Islom uchun (keng) ochib qo‘ygan, o‘zi esa, Parvardigori (tomoni)dan nur (hidoyat) uzra turgan kishi (boshqalar bilan barobar bo‘lurmi)?! Bas, dillari Allohni eslashdan qotib qolgan kimsalar holiga voy! Ular aniq zalolatdadirlar” (Zumar surasi, 22-oyat).
Boshqa oyati karimada Alloh taolo:

﴿أَلَمْ يَأْنِ لِلَّذِينَ آمَنُوا أَن تَخْشَعَ قُلُوبُهُمْ لِذِكْرِ الله وَمَا نَزَلَ مِنَ الْحَقِّ وَلاَ يَكُونُوا كَالَّذِينَ أُوتُوا الْكِتَابَ مِن قَبْلُ فَطَالَ عَلَيْهِمُ الأَمَدُ فَقَسَتْ قُلُوبُهُمْ وَكَثِيرٌ مِّنْهُمْ فَاسِقُون﴾ (سورة الحديد/16)
Ya'ni: “Imon  keltirgan  zotlar  uchun  dillari  Allohning  zikriga  va  nozil  bo‘lgan  haq (Qur'on)ga moyil bo‘lish (vaqti kelmadimi?!  (Yana ular uchun) ilgari kitob ato etilgan, so‘ngra (payg‘ambarlaridan keyingi)muddat uzaygach, dillari qotib ketgan kimsalar kabi bo‘lib qolmaslik (vaqti kelmadimi)?! Ularning ko‘pi fosiq (itoatsiz)dirlar!” - deydi (Hadid surasi, 16-oyat).
Qalbning qotishida ko‘plab sabablar bor. Ularning eng asosiylaridan:
1) gunohni ko‘paytirib, ma'siyatda bardavom bo‘lish;
2) farz amallarni Alloh aytgandek bajarmaslik;
3) harom amallarni xotirjam bajarish.
Zero Alloh  Qur'oni karimda shunday degan:

﴿فَبِمَا نَقْضِهِم مِّيثَاقَهُمْ لَعنَّاهُمْ وَجَعَلْنَا قُلُوبَهُمْ قَاسِيَةً﴾ (سورة المائدة/13)

Ya'ni: “O‘z ahdlarini buzganlari sababli ularni la'natladik va qalblarini beshafqat (mehrsiz) qilib qo‘ydik” (Moida surasi, 13-oyat).
Alloh taolo bandalarning o‘z sarkashliklari sabab ularning qalblarini qotirib, bemehr va beshafqat qilganining sababini keltirmoqda.
Payg‘ambarimiz sollallohu alayhi vasallam ham qalbning qorayish sabablarini zikr qilib, quyidagi hadislarini aytganlar:

«إِنَّ المُؤْمِنَ إِذَا أَذْنَبَ كَانَتْ نُكْتَةٌ سَوْدَاءُ فِي قَلْبِهِ، فَإِنْ تَابَ وَنَزَعَ وَاسْتَغْفَرَ، وَإِنْ زَادَ زَادَتْ، حَتَّى يَعْلُوَ قَلْبَهُ"
رواه الامام الترمذي عَنْ أَبِي هُرَيْرَةَ رضي الله عنه).
Ya'ni: “Agar mo‘min kishi bir gunoh qilsa, uning qalbida bir qora dog‘ paydo bo‘ladi. Agar u tavba qilib, gunohdan qaytib, istig‘for aytsa, u yo‘qoladi. Ammo gunohni ziyoda qilsa, u qora dog‘ ham ko‘payadi va natijada butun qalbini o‘rab oladi” (Imom Termiziy rivoyati).

➡️ Яқинларингизга ҳам улашинг! 👇

🌙 @Kunlik_Duolarim 🤲 - Кунлик  Дуолар каналига аъзо бўлинг!

❔ АЛЛОҲГА ҚАЙСИ ИСМИ ИЛА ДУО ҚИЛСАК, ИЖОБАТ ЭТАДИ?

☝️ Набий соллаллоҳу алайҳи васаллам бир кишининг:
اللَّهُمَّ إِنِّي أَسْأَلُكَ بِأَنِّي أَشْهَدُ أَنَّكَ أَنْتَ اللَّه لاَ إِلَهَ إِلاَّ أَنْتَ الأَحَدُ الصَّمَدُ الَّذِي لَمْ يَلِدْ وَلَمْ يُولَدْ وَلَمْ يَكُنْ لَهُ كُفُوًا أَحَدٌ.
🤲 “Аллоҳим, Сендан ўзга ибодатга лойиқ Зот йўқлиги, Ўзинг яккаю ёлғизлигинг, беҳожатлигинг, туғмаган ва туғилмаган ва Сенга ҳеч бир нарса тенг келолмайдиган Зот – Аллоҳ эканингга иймон келтириб сўрайман” деяётганини эшитиб: “Жоним қўлида бўлган Зотга қасамки, у билан дуо қилса, дуоси ижобат бўладиган ва у билан сўраса, бериладиган Аллоҳнинг улуғ исмлари билан сўради”, дедилар (Имом Термизий ривояти).

🗣 Ўқилиши: Аллоҳумма инний асалука бианний ашҳаду аннака анталлоҳу лаа илаҳа иллаа анта ал-аҳаду ас-сомаду аллазий лам ялид ва лам юлад ва лам якунлаҳу куфуван аҳад.

➡️ Яқинларингизга ҳам улашинг! 👇

🌙 @Kunlik_Duolarim 🤲 - Кунлик  Дуолар каналига аъзо бўлинг!

Расулимиз алайҳиссалом вафотларига
яқин қилган дуолари:

سُبْحَانَكَ اللَّهمَّ وَبِحَمْدِكَ أَسْتَغْفِرُكَ وَأَتُوبُ إِلَيْكَ

Ўқилиши: Субҳаанакаллоҳумма ва биҳамдика астағфирука ва атубу илайк.

Маъноси: Аллоҳим! Сен (барча айб-нуқсонлардан) поксан. Сенга ҳамд айтаман. Сенга истиғфор айтаман ва тавба қиламан.

➡️ Яқинларингизга ҳам улашинг! 👇

🌙 @Kunlik_Duolarim 🤲 - Кунлик  Дуолар каналига аъзо бўлинг!