🕊️ القرار الثامن: أعيش اللحظة… وأسيب الماضي والمستقبل لله

تخيلي الموقف ده…
إنت قاعدة مع ولادك على السفرة، بيضحكوا وبيتكلموا، وجوزك بيشاركهم الحوار.
لكن عقلك مش موجود معاهم بتهزي راسك وانت مشغولة
انشغالك ده بيكون في ناحيه من الاثنين:

1⃣يا إمّا بتفتكري موقف قديم وجارح: كلمة اتقالتلك من سنين ولسه بتوجعك.

2⃣يا إمّا بتفكري في بكرة: "هعمل إيه في المصاريف؟"، "لو حصل كذا إزاي هتصرف؟".


◀️النتيجة؟ اللحظة اللي المفروض تبقى أدفأ لحظة في اليوم… بتعدي وانتي مش حاسة بيها.....

قيسي على المثال ده كثير ...
وقت لما ولادك بيلعبوا وبيضحكوا وبدل ما تشاركيهم فرحتهم بتزعقي فيهم علشان دماغك مشغولة في حتة تانية مش موجوده معاهم.... والكثير من الامثلة في حياتنا اللي بتعدي وخلاص...

📌 هنا ييجي القرار السابع: أعيش اللحظة.
القرار ده قد يكون من اهم القرارات اللي ممكن تاخذيها

ليه؟

دراسات في علم النفس العصبي أثبتت إن العقل لما يفضل متعلق بالماضي يزيد الاكتئاب، ولما ينشغل بالمستقبل يزيد القلق.

الحل الوحيد اللي بيوازن هو إنك تعيشي "الآن".
تركزي في تفاصيل اللحظة... تحضري بعمق..

ربنا سبحانه وتعالى قال: "كل يوم هو في شأن"… يعني كل يوم له رزقه وهمّه وفرحه، وربنا يكفيكِ كل يوم بما فيه. و النبي ﷺ: "من أصبح آمنا في سربه، معافى في جسده، عنده قوت يومه، فكأنما حيزت له الدنيا" – لحظة النهار دي كافية.


اعرفي حبيبتي ان العيش في اللحظة بيخليكي تذوقي طعم النِعم، تحسي بالطعام، تستمتعي بالضحكة، وتعيشي الحب اللي حواليك بدل ما يعدي من غير ما تاخدي بالك.


كلام جميل طيب ازاي نطبق ❓

1. روتين الصبح: أول ما تصحي، افتحي الشباك، خدي نفس عميق، وقولي: الاذكار وحاولي تكوني مركزة جدا وانت بتقوليها لان ده بيعود عقلك كيفية التركيز والحضور القلبي والذهني ...


2. الأكل الواعي: أول رشفة قهوة أو أول لقمة أكل… ركزي في الطعم والرائحة، من غير تفكير في اللي فات أو اللي جاي.


3. مع الأسرة: لما تسمعي ضحكة ابنك أو كلمة من جوزك… وقّفي أي حاجة بتعمليها وعيشي اللحظة دي بالكامل.


4. فحص ذاتي: كل شوية اسألي نفسك: "أنا دلوقتي ذهني فين؟" لو لقيتيه في الماضي أو المستقبل… رجعيه للحاضر فورًا.


5. إيقاف التشتت: خصصي وقت قصير في اليوم من غير موبايل… حتى لو 10 دقايق، خليه وقت "أنا أعيش اللحظة"

✔️ مع الوقت.. هتلاقي إن التوتر والقلق بدأ يقل جدًا.

✔️هتحسي بطعم السكينة، وكأن روحك اتسندت.

✔️علاقتك بجوزك وولادك هتبقى أدفأ وأعمق.

✔️هتكتشفي إن السعادة مش في أحداث كبيرة… لكن في تفاصيل صغيرة كنا بنفوتها.


دلوقتي بقى قوليلي بصدق… وهستناك تقولي (متحسسونيش اني بتكلم مع نفسي وفي الاخر تقولوا كل الدورات مدفوعة ليه 🙃)

هل بتحسي إن عقلك بيغيب عن اللحظة وبيسافر يا إمّا لذكريات موجعة، يا إمّا لمخاوف المستقبل؟

وإيه أكتر موقف نفسك تتعلمي "تعيشيه" بدل ما يفوتك؟

كام قرار طبقتيه معانا ومستمرة وحاسه بفرق؟


#مي_محمود
#قرارات_صغيرة_حياة_عظيمة
#عيشي_اللحظة

꧁•••♕••♕••♕••♕••♕•••꧂
*اسمح بالشير بدون حذف توقيع الجروب*
*ادعي صديقاتك للاستفادة معنا..🌹*


▪️تليجرام
https://t.me/connieansa

▪️فيس بوك
https://www.facebook.com/profile.php?id=100076161404235&mibextid=ZbWKwL

▪️انستجرام
https://instagram.com/connieansa_mai.mahmoud?igshid=OGQ5ZDc2ODk2ZA==

🌱 قرارات صغيرة… حياة عظيمة

القرار السابع
🔑 "عيشِي بمعنى… مش بالصدفة"

تخيّلي معايا…
إنتي صحيتي من النوم، عملتِ فطار، لبستي الأولاد، جريتي على شغلك أو شغلك في البيت… واليوم عدى كله. وفي الآخر بتسألي نفسك: هو أنا عملت إيه النهاردة؟ هو أنا عايشة… ولا يوم بيمر وخلاص؟

السر مش في عدد الحاجات اللي بتعمليها…
السر في "المعنى" اللي ورا كل حاجة.

📍 ليه مهم أعيش بمعنى؟

علم النفس بيأكد إن الشخص اللي بيعيش بحياة مليانة "معنى" بيكون أقل عرضة للاكتئاب والقلق.

علم الأعصاب بيقول إن دماغك بيتحفّز أكتر ويقاوم التعب لما تربطي كل فعل بهدف أعمق.

والشرع عندنا أوضح حاجة: إنما الأعمال بالنيات… يعني نيتك بتحوّل روتين عادي لعبادة وسبب بركة.


💡 أمثلة بسيطة:

الطبخ: مش مجرد أكل، ده طاقة حب وستر.

المذاكرة مع أولادك: مش واجب تقيل، ده صناعة مستقبل وأمان.

حتى شغلك أو تعبك: نية "إعمار الأرض" أو "مساعدة أسرتي" يغيّر إحساسك.


👣 القرار العملي للأسبوع:

قبل أي عمل، خدي نفس عميق واسألي: "أنا بعمل ده ليه؟"

قولي دعاء بسيط: "اللهم اجعل عملي هذا خالصًا لوجهك، سببًا لحياة أسعد."

في نهاية اليوم، اكتبي في ورقة أو ملاحظات الموبايل: "إيه أكتر لحظة حسّيت إنها كان لها معنى النهاردة؟"


✨ صدقيني… الفرق مش في إن يومك يتغيّر 180 درجة فجأة. الفرق في إن قلبك يبدأ يشوف الحياة بعيون أوسع وأعمق.

📣 شاركينا في التعليقات:
"إيه أول حاجة هتربطيها بمعنى مختلف النهاردة؟"

#قرارات_صغيرة_حياة_عظيمة
✍ #مي_محمود
#قرار_الأسبوع
#ابدأي_بنفسك

꧁•••♕••♕••♕••♕••♕•••꧂
*اسمح بالشير بدون حذف توقيع الجروب*
*ادعي صديقاتك للاستفادة معنا..🌹*


▪️تليجرام
https://t.me/connieansa

▪️فيس بوك
https://www.facebook.com/profile.php?id=100076161404235&mibextid=ZbWKwL

▪️انستجرام
https://instagram.com/connieansa_mai.mahmoud?igshid=OGQ5ZDc2ODk2ZA==