#نعي

والكسر چتال ..
مكسور ظلع ام الحسن والكسر چتال

مذبوحه الأمال
والعين حمره من الضرب مذبوحه الامال

منهه الظهر مال
بضعت محمد تنولي منها الظهر مال
ــــــــــــــــــــــــــــــــــــــ
ويودع امه ...
محسن وگع من العصر ويودع امه

تدرون حرمه ..
يضربون فاطم ياخلگ تدرون حرمه

ومحد يرحمه ..
ليش الوصي ظل وحده محد يرحمه
ــــــــــــــــــــــــــــــــــــــ
جرح الزچية ..
خله الگلب يسعر جمر جرح الزچيه

هاي المسية ..
گلب ابو الحمله ينعصر هاي المسية

شابگ اخيه ..
وحسين يبچي من الحزن شابگ اخيه
ــــــــــــــــــــــــــــــــــــــ
وبليله ظلمه ..
دفنوهه بالسر فاطمة وبليله ظلمه

بس علي يمه ..
مخفي الگبر عن البشر بس علي يمه

ماتت الرحمه ..
فاطمة ظلموهه العده. ماتت الرحمه
ــــــــــــــــــــــــــــــــــــــ
غدروا نبينه...
ظلموا الزهره ابلا ذنب غدرو نبيه

اعليهه بچينه ..
بفاطمة وصانه النبي اعليهه بچينه

لا مانسينه ..
كسر الظلع واهل الغدر لا ما نسينه


حيدر الرميثي

#اللهم_عجل_لوليك_الفرج

صُبْحِ وْمِسِيَّه...عِينِي جِرِيَّه...أُمِّي الزِّچِيَّه...تَحْتِ التُّرَابْ
----------------------------------
آنِي يَا نَاسِ الْعَقِيلَه وْتِجْرَحِ الدَّمْعَه مْنَ اهِلْهَه
مَاتَتَ امِّي وْفَارِگَتْنِي وِانْكِسَر گَلْبِي لَجِلْهَه
مَاتَتِ الْبَسْمَه عْلَه ثَغْرِي أُمِّي شُو فَارِغْ مَحَلْهَه
وِالضِّوَه مَاتِ بْعُيُونِي مِنْ مِشَتْ زِينَةْ أَهَلْهَه
أُمِّي بْچِفَنْهَه...غَمَّضْ جِفِنْهَه...وْحِيدَرْ دِفَنْهَه...يَا لِلْمُصَابْ
----------------------------------
بِيتِي خَالِي مْنِ الْمَحَنَّه بْكِلْ رِكِنْ صُورَه أَلِيمَه
حِيدَرِ بْلَا حِيلَه گَاعِدْ يِبْچِي عَالزَّهْرَه الرَّحِيمَه
وِالْحَسَنْ عِينَه تِعَايِنْ وِيلِي مِسْمَارِ الْهَضِيمَه
وِالْحُسِينِ يْگِلِّي يَخْتِي اتْيَتَّمِتْ وِانْتِي يِتِيمَه
صِرنَه يِتَامَه...لِيلِ النَّدَامَه...خَيَّمْ ظَلَامَه...لِيلِ الْعَذَابْ
----------------------------------
شَنْسَه شَتْذَكَّرْ وِسَافَه وْذِكْرَيَاتِي كِلْهَه مُرَّه
هَاذَه دَمْ أَمِّي عْلَه بَابِي بْحَسْرِتِي يُومِيَّه انُظْرَه
هْنَانَه ضِلْعُ امِّي تِكَسَّرْ وِاسْمَعِتْ بِضْلُوعِي كَسْرَه
هْنَانَه صَاحَتْ تَالِي طَاحَتْ مِنْ سِطَرْهَه الطَّاغِي سَطْرَه
عُگْبِ الْمُصِيبَه...عِينِ الْحَبِيبَه...صَارَتْ خَضِيبَه...وِالدَّمْ خِضَابْ
----------------------------------
وِالِّليَالِي عْلِيهَه مَرَّتْ كَلْفَه مَا نَشَّفْ دَمِعْهَه
وِانْحِنَتْ مِنِّ الرِّزِيَّه وِاخْتِلَفْ كِلِّشْ وَضِعْهَه
ذِبْلَتِ الزَّهْرَه الْحَزِينَه وِالْمَرَضْ طَفَّه شَمِعْهَه
وِالنَّفَسْ لَمَّنْ تِجُرَّه تِصْرَخِ وْتِلْزَمْ ضِلِعْهَه
تِگْعِدْ تِصِيحَنْ...تُوگَفْ تِطِيحَنْ...كِلْسَا تِنُوحَنْ...أُمِّ الْحِجَابْ
----------------------------------
مِنْ دِنَه وَكْتِ الْمِنِيَّه نَادَتِ الزَّهْرَه عَلَيَّه
تْگَرُّبِي زِينَبْ إِلَيَّه حَتَّى وَصِّيچِ بْوِصِيَّه
لَمَّنِ بْطَفِّ الْبِلَايَه يُبْگَه اخُوچِ بْلَا أَخَيَّه
قَبِّلِي نَحْرَه الشِّفِيَّه وْصَدْرَه گَبْلِ الْأَعْوَجِيَّه
حْسِينِ بْغُرُبْتَه...شِمِّي رُگُبْتَه...وِابْچِي لْمِحِنْتَه...سَيْدِ الشَّبَابْ
----------------------------------
هَاذَه حَالِي وْيَه الْمَوَاجِعْ مِنْ زُغُرْ سِنِّي غَرِيبَه
وِالْعُمُرْ سِبْحَةْ مُصَايِبْ كِلْ مُصِيبَه تْجُرْ مُصِيبَه
وْكَرْبَلَه تِجْمَعْ عَلَيَّه فَرْگَةِ الْخَمْسَه الْعَجِيبَه
مِنْ أَطُبْ إِلْهَه أَمِيرَه لَاچِنِ الطَّلْعَه سَلِيبَه
أَطْلَعْ سِبِيَّه...مْنِ الْغَاضِرِيَّه...مَچْتُوفَه ادَيَّه...وْخِدْرِي سَرَابْ
----------------------------------

#الليالي_الفاطمية
حسن خنافر العاملي

قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

يُحكىٰ أَنَّـهـا ... يَعلُـو أَنُّــها
كُـلَّـما تَنَفَسَتْ
فـاطـِمٌ تَألَمَتْ ... وا ويلاه ... وا ويلاه
_
شايفلك بشـر مكـســور ... بالگوه الدوه اينـفــعَه
شِيحِس الذي ابســمار ... نُصـيـن انـكِـسَر ضِـلعَه
بچف مَچويه عالحايط ... تتوچه و عله الدمـعـه
الزهره تگول إلمن آه ... كسر لو عصره لو صـفعه

عاشَتْ حانيه ... ماتَتْ باكـيـه
رُوحُها تَهَدَمَتْ
فــاطـِمٌ تَألَمَـتْ ... وا ويلاه ... وا ويلاه
__
من تتوضه مدري شلون ... تِـصُــب المــاي ما تگدر
من السطره حتى الماي ... تشوفه يجري لون أحمر
تدعي بأيد وحده و إيد ... تِــلــزَم ضـلـع المـكــسَّـر
من ايشوفــها ابهالحـال ... حيـــدر صــار مو حيدر

مِنْ عُمقِ السكوت ... خافَتْ أَنْ يَموت
في بكائهِ اْنحَنَتْ
فــاطـِمٌ تَألَــمَــتْ ... وا ويلاه ... وا ويلاه
___
ما أدري بعــلي شيصير ... اگبـاله الزهـره تتلــوّه
بدمعه يختنگ لو شاف ... تجُـر النِـفَـس بالگــوّه
ابيش اتضُم زراگ الخَد .. و چفها مِحــترگ تـوّه
تگلّه اصبُر يگلها شلون ... الدنيه بعدچ اشتسوه

قالَتْ ها هُنا ... أنتَ يا أَنـا
الوداعُ و سَكتْ
فــاطـِمٌ تَألَــمَتْ ... وا ويلاه ... وا ويلاه
___
عليچ الزهره يالزهره ... يــگلها لا تعــوفينـي
تره حـيدر بلا حيـدر ... أصيــرن لو تخلـيني
يون و يگلها لا گومي ... سكوتچ لا تسمعيني
إفتحي عينچ الحمره ... إذا متي شلي بعيني

ذا عَيشي لِـمَـه ... قُومي فاطمه
حينما بَكىٰ ؟ بَكَتْ
فــاطـــِمٌ تَـألَـمَـــتْ ... وا ويلاه ... وا ويلاه
___
مـِـشــه للمُغتَسَل شايل ... روحــه شـلـــون مـا أدري
يگلها اشلون ادير الماي ... عليچ انه ارد اصُب عمري
تره اليـدري بالمـفــارَگ ... بفرگتچ والله ما يدري
للمغتـــسل مِنْ البــاب ... ألف مـرّه انكسـر ظهري

يَنـعىٰ ما أَتــاه ... وا فاطِمَـتـاه
كلُّ شَئٍ قَد صَمَتْ
فــاطـــِمٌ تَـألَـمَـــتْ ... وا ويلاه ... وا ويلاه
___
طِلــع بالليــل شايـلها ... ودمعته اطيح چنها الباب
مو فاطمه بالتابـوت ... گـلــبــه لـ المـگـابر جـــاب
مدري شلون يدفنها ... صعـبه دَفـنَـتْ الأحــبـــاب
أبو تراب بدمع روحه ... گــوه ايهِـيل بيــده اتراب

استَـوْدِعُـكِ ... قَـلــبي مَـعَـكِ
قـالَـها و انخَـتَـمَتْ
فــاطـــِمٌ تَـألَـمَـــتْ ... وا ويلاه ... وا ويلاه


الشاعر حاتم صبري الكاظمي
..

قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

بين الزهره واحسين ماضل دمعه بالعين
واحد اضلوعه اسحگوها واحد اضلوعه اكسورها
الزهره واحسين الزهره واحسين
____

لا دمع ضل بالمحاجر لا صبر ضل وانتصبّر
ابكل نفس حسره انتنفس كل گلب جمره ايتوجّر

ماضل بعد كل راي . واهواي . اجروح البينه تدي
منها انساهر الليل . والويل . وي كل ساعه يبدي
نسولف ويه الجروح . والروح . نگلها المهدي يدري

عدنا المهدي موجود
لابد تگضي وايعود
يرجع ايطيب جرحنه ابيمنته يمسح دمعنه
ايداوي جرحين                      الزهره واحسين
____

هوّه سلوتنه الوحيده هوّه طب هاي المواجع
يدري چم عاشور بينه او چم حلم من عدنه ضايع

ما شفنه الفرح دوم . واهموم . ضل تمطر سمانه
كل ايامنه احزان . واشجان . من يوم الخيانه
من هجمو على الدار . والنار . اتوج بهل الديانه

او حمال الحطب جار
چنه يطلب ابثار
الفاطمه صوب ضلعها ومن دمه اصبح دمعها
او زاد الونين الزهره واحسين
____

من هجوم اهل السقيفه الهل مسه ما شفنه راحه
من هوت بضعة محمد ماكو مهجه مستراحه

نجرع چاس الهموم . كل يوم . او كل يوم ابرزيه
هل مرن الف عام . آلآم . بس نوح او عزيه
مره انون عل اضلوع . وانلوع . مره اعله السبيه

جبنه آيامنه اجراح
وين او يمته نرتاح
يمته والاسود ننزعه والفرح نعلگله شمعه
او تكتحل عين الزهره واحسين
____

فاطمه البسمار منّه شافت الوان الأذيه
والحسين اعله الشريعه مات ما شارب أميه

وجه الزهره مسطور . بل جور . ازرگ ضل جفنها
او وجه احسين ذبلان . التربان . ارسومه غيرنها
ننعنه المن ؟ نصد وين؟ . والعين . البواچي وشلنها

سوال او رايد اجواب
وين اليسوه الاعتاب
نراك ابيا وكت جاي تروي الما شرب الماي
تروي الاثنين الزهره واحسين
____

سيدي ومولاي عذرن اعتابي خافنه يألمك
لچن من غصبن علينه عن ضلوع امك نكلمك

لسا الضلع ما طاب . والباب . الهاي الساعه تسعر
لسا زرگه الجفون . واعيون . تنزف مدمع احمر.
الزهره امتانيه اتعود . واردود .يطيب الخد الازهر

تريدك تظهر او كون
تجي وتمسحها العيون
بل گبر چن الزچيه تدعي للطلعه البهيه
يدعي كل حين الزهره واحسين
____

سيدي مُر انتظارك غيبتك صارت طويله
سيدي اهموم التحبك چن جبل صارت ثجيله

يا وعد الله المحتوم . يا يوم . نسمع هل بشاره
واسمع بل سمه اصياح . وافراح . رد يتولى ثاره
وتشفه كل الاجروح . وانروح . للزهره ابزياره

نزور او ناخذ امراد
او مواكب تنبني غاد
او تخلص ايام الضلامه ابجالك انعيش ابسلامه
اويه الميامين الزهره واحسين
____

ابو فاطمة الطائي

قناة الرجوع الى الله    

@h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4i>

كأني بأمير المؤمنين يخاطب الزهراء عليهم السلام

(دگه ونص)


دمعي ترس عيني يا زهرة سنيني
ما ضل بعد حيل
شو ما تحتاجيــني صـــمتج يأذيني
يا وحشة الليل

ظهري مكسور يزهره
عالمشي ما عندي قُدره
شلون يمشي الراح عمره جوه التراب
مو علي متغير هواي
گمت ميلن روج بالماي
زهرتي متعلم وياي    اخ يالباب


معقوله نورج فاطمه يغيب
ضل بعـلي يتباين الشيب يا زهره
ضليت اجر بالگوه الأنفاس
ابيض يزهره تحول الراس يا زهره

يا زهراء       1
................
يا زهره وعــيونج ما أكدر بدونج
حتى اغفى ورتاح
عگبج يام بيتي متهدله خاجيتي
حيل الولي راح


گوه گمت امشي بغيابج
عني كون انطبگ بابج
هد علي فاطم مصابج حيلي مهدود
سهم جن ذابح لهاتي
گمت احس ضاعت حياتي
ما گدرت احمل عباتي جني مگيود


يا زهره حالي شر الأحوال
شحال اليظم الورد برمال يا زهره
شحال اليظم سنينه بالكاع
عايش يضل مكسور الأضلاع يا زهره

يا زهراء 2
....................
الدنيا بعلي صغيره يا زهره والديره
مو ديره جن نار
مو زينه اخباري أظلم صبح داري
داري نگلب غار



صار گلبي بهاي خوفه
يدخل البيتي ويشوفه
وحتى من يسمع حروفه   يزعجه الصوت
مختلف بيتي عله البيوت
صار عگبج جنى تابــوت
هذا بيت الزهرته تموت    جنى تابوت



كل وكتي عبكج فاطمه بنوح
محني الظهر والگلب مجروح يا زهره
عن حالي يشــهد ربنا والبــير
من دون شجره يهاجر الطير. يا زهره

يا زهراء 3
....................
صرت اني مو اني من كثرة احزاني
مو ذاكَ ابو تراب
لا شوفي لا حيلي وصافن اضل ليلي
وبقى اذكر الباب


ادعي ضليت بصلاتي
كون ويه الــزفراتِ
تكضي يا فاطم حياتي ومشي وياج
لجن الزيد مصابي
لم أرى منكِ جوابِ
وهاي خلتني بعذابي  اه فرگاج


مالي وقفـتَ بصــف الگبور
انطر جواب وگلبي مكسور يا زهره
بين علي يا زهــرتي الضيم
فوگي النوايب صبحت غيم يا زهره

يا زهراء 4

حسن يونس التميمي
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

احنه الحسن وحسين
  نعتب ينور العين
بعدچ زغيره على الموت
مو وكتچ تروحين
ــــــــــــــــــــــــــــــــــــــــــــــــ
الحسن انا وجروح البيه اشگيلچ
انا وحسين يمه عتاب نحچيلچ
بس عوفي النعش بعيونه نشيلچ
شيفيد البچي ويادمعه تكفيلچ
شنعوض الام بيش  
وعلى السان اليش
شبسرعه شوصرنه ايتام
وسفه وخذاچ البين
مو وكتچ تروحين
ــــــــــــــــــــــــــــــــــــــــــــــــ
اناحسين العزيز وبالصدر عبره
الفگد امه يعيش بلوعه وبحسره
شيصبره الفگد ام وفگد زهره
تشيل ايدچ حنان وطاسه للفقره
ايدچ تفيض حساس
بخيرچ تعيش الناس
نعمه انتي من رب الكون
يا رحمة الدارين
مو وكتچ تروحين
ــــــــــــــــــــــــــــــــــــــــــــــــ
نجي البابچ ونكعد نحچي بهمنه
ونگله ليش ياباب اعصرت امنه
شمالك وي عدونه شوصرت ضدنه
بسمارك ضلع وگلوب جاس النه
يايمه والبسمار
ياذينه وحنى زغار
يمه واثر حرك الباب
ذكرنه من اطيحين
مو وكتچ تروحين
ــــــــــــــــــــــــــــــــــــــــــــــــ
الحسن انا بفرگتچ هل غزاني الهم
ياريت الموت اجاني وروحچ التسلم
عليه اهون تره يايمه  نار السم
وچبدي اتگطعت وي ضلع المهشم
ضلعچ يفت الروح
بفراگج ابقى جروح
صح بينه تصعد انفاس
بس بغيابچ ميتين
مو وكتچ تروحين
ــــــــــــــــــــــــــــــــــــــــــــــــ
حسين انا بحزن راح ابقى امتاني
اتاني بخيل تسحگ صدري عدواني
سهم وبگلبي نابت منه ما اعاني
لئن  قبله سهم فرگاج الأذاني
يمه النحر حزوه
من وجهج.يسطروه
قبل الطف انا العطشان
من فرگتچ.تدرين
مو وكتج تروحين
ــــــــــــــــــــــــــــــــــــــــــــــــ
📝 محمد عباس المشعلاوي
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4