هيئة السيدة نرجس{ ع } النسوية


#_محافظة_البصرة

هيئة نسوية لأقامة المجالس الحسينيه وكافة التبرعات الخيرية

{بأدارة خادمات الحسين علية السلام }

قناة التلكرام الرسمية

https://t.me/Nargeess_313

حساب الانستكرام

https://www.instagram.com/nergess_313?igsh=MXQycXp2MjhydmxlOQ==

حساب التيكتوك

https://www.tiktok.com/@user92036627637457?_r=1&_t=ZS-91KzLGodRax

على من الراغب بالاشتراك يرجى

التواصل والاستفسار مع أدارة الهيئة


👇👇👇👇

@am_hassen12

قصيده للسيده زينب عليها السلام
تقرأ شور وبعدة اطوار
========


زينب يزينب يايتيمه
زينب يزينب يايتيمه

========

من زغر سنها يتموها

بموت امها وبطبرت ابوها

عاشت يتيمه اهيه وخوها

واجب لها المجلس نقيمه

زينب يزينب يايتيمه
زينب يزينب يايتيمه

➖🕶️🕶️➖

من زغر فگدتها الزچيه

وبعصرت الباب المنيه

يساعدها الله علرزيه

راحت تون امها العليمه

زينب يزينب يايتيمه
زينب يزينب يايتيمه

➖🕶️🕶️➖

ثاني رزيه انشد المحراب

من يوم طبرو داحي الباب

مسموم وسفه چان الصواب

ياروحته والله هظيمه

زينب يزينب يايتيمه
زينب يزينب يايتيمه

➖🕶️🕶️➖

ونوب اخوها الحسن ودموم

ذب چبدته بلطشت مسموم

عفيه گلبها شيحمل هموم

ندري رزيتها عظيمه

زينب يزينب يايتيمه
زينب يزينب يايتيمه

➖🕶️🕶️➖

اكثر هظمها چان الطفوف

صفت عليهم ذيچ الصفوف

خيل وزلم  عينك وماتشوف

بجيوشهم سدو الهيمه

زينب يزينب يايتيمه
زينب يزينب يايتيمه

➖🕶️🕶️➖

مذبوح وسفه طاح الحسين

منحور سحگته الملاعين

سبعين زلمه من الميامين

ماكو ولا جثه سليمه

زينب يزينب يايتيمه
زينب يزينب يايتيمه

➖🕶️🕶️➖

ونوب راس الكفل عباس

وچفوفه ويه الدرع والطاس

ظلت تون علشاطي ياناس

الحره  قصتها اليمه

زينب يزينب يايتيمه
زينب يزينب يايتيمه

➖🕶️🕶️➖

واكثر هظم من طبت الشام

تلگوهم الماهمه اسلام

بطبول ومعيده الظلام

ماكو مثل هاي الظليمه

========
خادمة ال البيت الحجيه ام علي البصره

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

رابط قناة اليوتيوب
اضغط على رابط القناة
ليأتيكم كل جديد 👇
https://youtube.com/channel/UCyZjN67zSy_dOdrSH6y84Iw

***

رابط قناة التلجرام  اضغط على رابط القناة يأتيك كل جديد 👇
https://t.me/ahzan2018

قصيده ثقيله لسيدتي ومولاتي فاطمة الزهراء سلام الله عليها
===========

ريت  يعود  يايمه زمانچ

نريد  اوياچ  نشبع  من  حنانچ

اسولفلچ  وحاچيچ
عن ضيمي وبچيچ

تره احنه بلهظم ردي لبناتچ
نريد وياچ نشبع من حنانچ

==========

يريت يعود  ذاك  الزمن  بينه

من  نگعد   سوه   وتسامرينه

حچاياچ  الحنينه اتعن  علينه

شتاگينه   لصوتچ
بسرعه صار موتچ

خذاچ الموت مو وكته اوانچ
نريد وياچ  نشبع  من حنانچ

🦋🦋🦋🦋

رحتي من وكت سوده عليه

وبعمر   الورد   بعدچ   بنيه

شبيدي    يلحنينه    علمنيه

يبمه مسرع الموت
رحتي عني بسكوت


بعد شيعوده راحت ايامچ
نريد وياچ نشبع من حنانچ

🦋🦋🦋🦋

اريد احچيلچ الي صار بيه

وسمعيني ييمه  وصدي ليه

تره  الي  صار بيه  موشويه

عذبني     زماني
اخذ مني اخواني

ييمه ارجوچ محتاجه امانچ
نريد وياچ نشبع من حنانچ

🦋🦋🦋🦋

شمحلات الحلگ لو صاح يمه

يزيح الظيم  من گلبي  وهمه

صوتج  غاب  مني  وين  اضمه

مشت عني الحنينه
وضل گلبي  بونينه

متردين     يايمه   علامچ
نريد وياچ نشبع من حنانچ

🦋🦋🦋🦋

شحجيلچ  ييمه  من  زماني

ضيعني تره  وضيع  اخواني

طشرنه الوكت يمه ورماني

المحنه راحت وياچ
غريبه  عگب عيناچ

دولبنه  الوكت  يمه خلافچ
نريد وياچ  نشبع من حنانچ

===========
خادمتة ال البيت الحجيه ام علي البصره

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

رابط قناة اليوتيوب
اضغط على رابط القناة
ليأتيكم كل جديد 👇
https://youtube.com/channel/UCyZjN67zSy_dOdrSH6y84Iw

***

رابط قناة التلجرام  اضغط على رابط القناة يأتيك كل جديد 👇
https://t.me/ahzan2018

فزاعيه للزهراء سلام الله عليها
=============

الج  ونه  التهد  الحيل

يلغربتي  تالي  الليل

===========

يابت النبي وكل الفخر بيها

هاي الماحچو شينه ابطاريها

صوب المگبره بهداي امش بيها

بس مرها على ابوها ويشريها

ويشريها // مرها اعلى الوالد

⚜⚜⚜⚜⚜

يادفان تدري الزهره مابيها

مكسور الظلع بس لاتأذيها

من تحفر گبرها وسعه ليها

تراب الگبر حار وخاف ياذيها

المزيونه // ماتحمل ترفه

⚜⚜⚜⚜⚜

يلشايل  نعشها   بتالي  الليل

حط النعش ختودع المداليل

ابو الحسنين منه بايد الحيل

وبتها تون عليها دموعها تسيل

المهظومه // اتون وتنوح

⚜⚜⚜⚜⚜

حيف ام الحسن لتراب غاطيها

هاي ام الكرم بلضيچ نرجيها

لو عندچ الحاجه بس ندبيها

وبچفوف الكفيل الليله حلفيها

وحلفيها // بچفوف الكافل

⚜⚜⚜⚜⚜

وسفه ام الحسن تابوتها انشيله

ودموع البنيه من دمه تسيله

تنوح على المشت مانامت الليله

تگول افراگها لا ماألي حيله

ونعازيها // والشالت  أمها


===========
خادمة ال البيت وخادمتكم الحجيه ام علي البصره نسألكم الدعاء

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

رابط قناة اليوتيوب
اضغط على رابط القناة
ليأتيكم كل جديد 👇
https://youtube.com/channel/UCyZjN67zSy_dOdrSH6y84Iw

***

رابط قناة التلجرام  اضغط على رابط القناة يأتيك كل جديد 👇
https://t.me/ahzan2018

لطميه للزهراء عليها السلام
تقرأ بعدة اطوار
===========

شال  بليل ضعن  امي

يادار  ايسي  منها

===========

غطاها    التراب    الحار

گلبي من الحزن شب نار

يايمه  انطفت  لنوار

(  امي  ايست   منها   )

✔✔✔✔✔

ظلعج يلزچيه انصاب

دمچ  سايح   علباب

مدري شنهي الاسباب

(  صار   بليل   مدفنها  )

✔✔✔✔✔

حزنانه    عليها    الدار

نابت    بلصدر     بسمار

الحگها   يحامي   الجار

( عصروها  ونزف  دمها )

✔✔✔✔✔

يحگ ليچ البچي ياروح

علماتت امخزنه جروح

ما ابطل  بچي  والنوح

( امي  منين  اجيبنها   )

✔✔✔✔✔

زغيره على المنيه انتي

تيتميني   بزغر   سني

يمه    لبيتنه    ردي

(  الزهره  اليوم   اريدنها  )

✔✔✔✔✔

ياسهمي البچي والنوح

حزنانه   عليها   الروح

شيطيب البگلبه جروح

( حنينه  ومشبعت  منها )

✔✔✔✔✔

لبست عليچ ثوب اسود

دمعي  جرحالي  الخد

يارب   العرش   اشهد

( محسن  أسگطو  منها )

✔✔✔✔✔

شديتي  ورحلتي   وين

احا يم  الحسن  وحسين

بلفرگه  عجب  ترضين

( أختي  شلون  اسكتنها )

✔✔✔✔✔

يحبيبتنه   الله   وياچ

يمه منين اجيب دواچ

يلما   ينحمل   فرگاچ

(  دمعتي   ما  أبطلنها  )

=============
خادمة ال البيت وخادمتكم الحجيه ام علي البصره

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

رابط قناة اليوتيوب
اضغط على رابط القناة
ليأتيكم كل جديد 👇
https://youtube.com/channel/UCyZjN67zSy_dOdrSH6y84Iw

***

رابط قناة التلجرام  اضغط على رابط القناة يأتيك كل جديد 👇
https://t.me/ahzan2018

فزاعيه مع هوسه للزهراء عليها السلام
==========

يادفان .....

هاي  العندك  منين

هاي ام الكتب أم القرائين

==========

اهلها اهل الكرم واهل الدواوين

رجال وبلحرب بيهم نياشين

الهم خيل تصهل بلميادين

وعن ذوله // انشد ياموت

〰️〰️〰️〰️〰️

هاي الزاچيه ام الحسن وحسين

شما نحچي عليها احنه مقصرين

يابنت الرساله والنبيين

تنومس بيها // يلشايلها

〰️〰️〰️〰️〰️

شعندچ من وكت شلتي يحوريه

يتمتي الولد  يتمتي البنيه

خلافچ بيتهم موحش وعاريه

ومحزونه // والدار اتون

〰️〰️〰️〰️〰️

تعودين  النزل لو ماالچ جيه

بتها تگول علفرگات مابيه

اضل طول العمر دمعاتي مجريه

وماريده // والعمر خلافچ

〰️〰️〰️〰️〰️

أمش بهداي يادفان داريها

مكسورة ظلع  لالا تأذيها

بس مرها على ابوها ويشريها

ويشريها // غالي الاثمان

〰️〰️〰️〰️〰️

يادفان عل الايتام حاچيها

بلكي تگعد ولنك ترد بيها

تشبع شوف منهم ويلي اعليها

ورديله // بيتچ لايخرب

〰️〰️〰️〰️〰️

ذوله اليدعون انوب اصحاب

عصروها بحقد يم عتبت الباب

حملها طاح منها الصدر انعاب

وضل الظلع  يدي وابد ماطاب

وأذوها // ياطه خلافك 

==========
خادمة ال البيت الحجيه ام علي البصره

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

رابط قناة اليوتيوب
اضغط على رابط القناة
ليأتيكم كل جديد 👇
https://youtube.com/channel/UCyZjN67zSy_dOdrSH6y84Iw

***

رابط قناة التلجرام  اضغط على رابط القناة يأتيك كل جديد 👇
https://t.me/ahzan2018

قصيده ثقيله للزهراء عليها السلام

===========

اصيحن وين  محد رد علينه

وين امي الحنينه

حجرتچ مظلمه يمه وحزينه

وين امي الحنينه

غرفتچ ظلمه والدار
خلافچ صرنه طشار

صبحنه اليوم شخصچ فاگدينه

وين امي الحنينه

===========


صحت وين امي محد رد عليه

غرفتچ مظلمه يمه وخليه

مصلاتچ تون ونه خفيه

تون وتصيح وينچ
ظلمه عگب  عينچ

هم أترد الحبيبه وتجينه

وين امي الحنينه

👑👑👑👑👑

مصلاتچ تون يايمه بهداي

وتربتچ بللتها بدمع عيناي

والسبحه تون يايمه وياي

اشم  بيهن  ونادي
ناري بنص فؤادي

شيردچ بعد يمه علينه

وين امي الحنينه

👑👑👑👑👑

اصيحن وينه امي الدللتني

بحضنها الدافي امي علمتني

بروحتها غفل عني عمتني

عمتني فرگه الاحباب
ليش وشنهي الاسباب

بعد ميهيد گلبي من ونينه

وين امي الحنينه

👑👑👑👑👑

حزينه الدار من غيرچ ييمه

غاطيها الحزن والدار ظلمه

شملنه اتطشر وياهو اليلمه

تصب عيوني سچاب
منشوفن عتبة الباب

من يوم الظلع يمه عمينه

وين امي الحنينه

👑👑👑👑👑

من يوم الظلع علباب اباوع

بعد دم الصدر علباب طابع

باب الشلع ظلعچ گلبي شالع

بعد  بلباب  الاثار
اشوفه وگلبي شب نار

  دمه علباب من ظلعچ لگينه

وين امي الحنينه

===========
خادمة ال البيت  الحجيه ام علي البصره نسألكم الدعاء

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

رابط قناة اليوتيوب
اضغط على رابط القناة
ليأتيكم كل جديد 👇
https://youtube.com/channel/UCyZjN67zSy_dOdrSH6y84Iw

***

رابط قناة التلجرام  اضغط على رابط القناة يأتيك كل جديد 👇
https://t.me/ahzan2018

نخوه  الزهراء  عليها السلام
============


ستقبليني فاطمه
 
جيتچ  انه  نادمه

اخدمچ وخدم بنينچ

سجليني خادمه

==========

ستقبليني  يم حسن

جيتج  بگلبي  حزن

جار   وياي   الزمن

(  بحالي  انتي  عالمه  )

🔖🔖🔖🔖

سجليني  من  الخدم

بجاه    شيال    العلم

والخدمكم      ماندم

(  وياچ كون الخاتمه )

🔖🔖🔖🔖

جايه  ودمعي  يصب

خادم   والكم   محب

حاجه  عندي   بلگلب

( عليچ روحي معلمه  )

🔖🔖🔖🔖

جيتچ  وانتي   دواي

ذنوبي  يازهره  هواي

تصفحي عني مناي

(  على ذنوبي  نادمه  )

🔖🔖🔖🔖

جايه   ودمعي   يصب

حسرتي بنص الگلب

والمرض جدا صعب

(  الشفه من الغانمه )

🔖🔖🔖🔖

فاطمه  يم  الحسين

احنه   بيچ   مأمنين

يلتفرحين   الحزين

(  طفي  نار  الحاطمه  )

🔖🔖🔖🔖

جايه  شجايه  ليچ

وانه منتكله عليچ

حاجتي ابين اديچ

(  روحي بيكم هايمه )

🔖🔖🔖🔖

احفضينه  من  الخطر

بجاه    چفين    الگمر

وكلمن  اجانه  وحضر

( الرحمه بيكم دايمه )

🔖🔖🔖🔖

اخدمچ  وخدم  حسين

الكثّر  بروحچ  ونين

وادري ابگلبچ حزين

(  على  حسين   مألمه  )

🔖🔖🔖🔖

عدنه  حاجات  ومرض

وضايگه  بينه  الارض

حالي   يمچ   ينعرض

بجاه  من  حبه  فرض

( طلعيني  سالمه  )

============
القصيده مشتركه بين
خادمة ال البيت  الحجيه ام علي البصره
وخادمة الحسين مله ام فاطمه

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

رابط قناة اليوتيوب
اضغط على رابط القناة
ليأتيكم كل جديد 👇
https://youtube.com/channel/UCyZjN67zSy_dOdrSH6y84Iw

***

رابط قناة التلجرام  اضغط على رابط القناة يأتيك كل جديد 👇
https://t.me/ahzan2018

قصيده للزهراء عليها السلام
تقرأ بعدة اطوار
==========


اريد ابچي وهل العين

   للماتت  ازغيرونه

==========

زغيره محسره راحت

اباب العتبه من طاحت

بتها  محزنه  وناحت

(ابنها  هلت  اعيونه)

للماتت  ازغيرونه

🔺🔺🔺🔺🔺

زغيره بلعمر رحتي

من عمرچ شحصلتي

غير الظيم ماشفتي

(والظلعچ  يكسرونه)

للماتت ازغيرونه

🔺🔺🔺🔺🔺

اريد اللطم عليها حيل

اون  وما انام  الليل

علعافت  المداليل

(ودمع العين يجرونه)

للماتت ازغيرونه

🔺🔺🔺🔺🔺

گضيتي العمر الالام

اليبچي عليچ ماينلام

عفتي ازغار الچ ايتام

(فراگچ مايگدرونه)

للماتت ازغيرونه

🔺🔺🔺🔺🔺

ورده ومن وكت ذبلت

عافت بيتها  ورحلت

الدنيه عدهم شخلت

(اليبچي عليچ ياعونه)

للماتت ازغيرونه
🔺🔺🔺🔺🔺

خلّص عمرچ بحسرات

وسفه ظلوعچ مكسرات

يابت النبي وسفات

(عليچ الدنيه محزونه)

==========
خادمة ال البيت الحجيه ام علي البصره نسألكم الدعاء

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

رابط قناة اليوتيوب
اضغط على رابط القناة
ليأتيكم كل جديد 👇
https://youtube.com/channel/UCyZjN67zSy_dOdrSH6y84Iw

***

رابط قناة التلجرام  اضغط على رابط القناة يأتيك كل جديد 👇
https://t.me/ahzan2018

نوحيه ل سنوية الزهراء عليها السلام

==========

سنه  مرت .  على  غيابچ

انوح  وابچي   لمصابچ

==========

سنه مرت ييمه بعيده عن عيني

هدومچ من اشوفنها تبچيني

وحدي بلهظم  يمه  تعوفيني

تموت الروح يمه من اذكر صوابچ

〰〰〰〰〰

انوح وابچي لغيابچ يزهرتنه

نطفت ياحيف من النزل شمعتنه

ماتنشف على مصابچ يدمعتنه

من يوم المشيتي محزنه اولادچ

〰〰〰〰〰

دارت سنتچ وعيني ولا بطلت

ليل انهار انوح الدمعه مانشفت

وختي محزنه وي ونتي ونت

متانيتچ ييمه وگاعده ابابچ

〰〰〰〰〰

صعب لفراگ يايمه ويبچيني

علفرگه يشفجه يمه عينيني

عذبني البعد يازهرة اسنيني

ظلمه الدار  يمه ردي لدارچ

〰〰〰〰〰

يازهرة زماني وللگلب سلوه

شلون انساچ يمه ام ضحكة الحلوه

باليني زماني يم حسن بلوه

ماتبرد  يلحبيبه  تره  نارچ

〰〰〰〰〰

شيبني غيابچ  ونهدم حيلي

عيني مساهره واحسب نجم ليلي

يروحي اتعذبي ويادمعتي سيلي

محزونه ييمه كلهم احبابچ

〰〰〰〰〰〰〰

من يوم المشيتي مغيره لوني

ادگ ولطم على خدودي وعلى امتوني

عليكم بلمناحه لعمي اعيوني

ومتانين يايمه  بحزن ثارچ


=================
هديه الى مولاتي الزهراء
خادمة ال البيت وخادمتكم الحجيه ام علي البصره نسألكم الدعاء

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

رابط قناة اليوتيوب
اضغط على رابط القناة
ليأتيكم كل جديد 👇
https://youtube.com/channel/UCyZjN67zSy_dOdrSH6y84Iw

***

رابط قناة التلجرام  اضغط على رابط القناة يأتيك كل جديد 👇
https://t.me/ahzan2018