فزاعيه  للوداع
وصيه الامام الحسين عليه السلام لخته الحوراء زينيب وهو يوصيها
ولسان الحال يقول
=======

نعي قبل القصيده الفزاعيه
.....

ايگلها خويه رميه
باچر يخويه انضل رميه

انه وكفيلچ علوطيه

وتمشين ياخويه سبيه

وترافگين اعلوج اميه

يختي ووصيچ بوصيه

ودريچ يازينب أبيه


الفزاعيه ........

.............

أرفعي  الراس ..... باچر  لاتدنگين

وامشي بزود وبعِز يخت الحسين

باچر كل اهلنه نومه على الطين

بهون بهون زينب لاتنوحين

ضمي عبرتچ لاتبچي العين

ابسكته على الراحو من تونين

ولو حرگو الخيمه لا تفرين

صيري الدرع ليتام الميامين

باچر علمتن سوط الملاعين

اعلى حسين وأخوته من تمرين

ومن ابعيد سلمي على الطيبين

وعلكافل وسلمي على الچفين

من كاس القهر باچر تشربين

وسوط عداچ بچتافچ نياشين

بعطر الخدر اريدنچ تفوحين

وعليجره علينه انتي تصبرين

جبل من الصبر ادري وتحملين

علىٰ جمر القضا بصبرچ تدوسين

خويه بزود باچر من تروحين

انتي القايد ابضعن النساوين

اتئُمرين الظعينه وانتي تنهين

للشام البعيده بحشمه تمشين

اريدچ للخدر والنسا تحفضين

يربات المراجل والصواوين

وبلساده هلچ حگچ تزمطين

ولتخافين من طبت الدواوين

بزود المرتضى والزهره تحچين
 
لديوان الرجس بيدچ تهدمين

كلمه حق لجل دينچ تگولين

اكشفي اعداچ زينب من تخطبين

يلجنچ علي بسوح الميادين

انتي الهيبه / يارفعت راس


انتي الهيبه / يخت العباس

انتي الهيبه / عِز ونوماس

انتي الهيبه/ مرفوعه الراس


=======
خادمة ال البيت الحجيه ام علي البصره

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

رابط قناة اليوتيوب
اضغط على رابط القناة
ليأتيكم كل جديد 👇
https://youtube.com/channel/UCyZjN67zSy_dOdrSH6y84Iw

***

رابط قناة التلجرام  اضغط على رابط القناة يأتيك كل جديد 👇
https://t.me/ahzan2018

نعي ل اخوان زينب عليهم السلام
=======

كون الاخو يسمع بچينه

ويگوم ينشد شنهي بينه

ونحچيله كل ظيم العلينه

.......😭

كون الاخو يفزع لخيته

يوم الولوها وحشمته

وسفه الولي ماگام لخته

........😭

نسوني هلي مدري شجاهم

بلغرب خلوني بگفاهم

كون ويصح امشي وراهم

........😭

كون البچي ايرد اليموتون

چا موّعت شحمات العيون

حنان الگلب للبچي يسوون

........😭

كون البواچي اترد الاحنان

چا دمع عيني صار  نهران

فراگ المشو علبال ماچان

.........😭

ايتامكم ليكم تناطر

ونسوانكم تكسر الخاطر

چنكم هويتوها المگابر

........😭

گلبي انكسر كسره چبيره

يوم المشه شيخ العشيره

ياحيرتي وشلون حيره

..........😭

ياروحتك ياخوي كسره

مثل الوكع سچين حدره

المكسور چا گلي شيجبره

عميه عليهم ياعيوني

======
خادمة ال البيت الحجيه ام علي البصره

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

رابط قناة اليوتيوب
اضغط على رابط القناة
ليأتيكم كل جديد 👇
https://youtube.com/channel/UCyZjN67zSy_dOdrSH6y84Iw

***

رابط قناة التلجرام  اضغط على رابط القناة يأتيك كل جديد 👇
https://t.me/ahzan2018