✈️ Афғонистон Савдо ва инвестиция палатасининг таклифига биноан, жорий йилнинг 17–23 ноябрь кунлари Афғонистон Ислом Амирлигининг Қобул шаҳрида ўтказилаётган "Имом Абу Ҳанифа — 4-миллий ва халқаро кўргазма ва савдо ярмаркаси”да “Made in Uzbekistan” миллий стенди билан иштирок этиш мақсадида Ўзбекистон Савдо-саноат палатаси раиси Даврон Вахабов бошчилигидаги қарийб 90 нафар тадбиркордан иборат делегация Қобулга етиб борди.

Мазкур кўргазмада иштирок этишдан асосий мақсад — қишлоқ хўжалиги, кончилик, энергетика, таълим, қурилиш, автомобилсозлик, соғлиқни сақлаш, туризм, тўқимачилик ва бошқа қатор йўналишларда фаолият юритаётган маҳаллий ишлаб чиқарувчилар маҳсулотларини намойиш этишдан иборат.

Кўргазмада 5 000 дан ортиқ компаниялар – ҳам иштирокчи, ҳам ташриф буюрувчи сифатида Эрон, Қирғизистон, Ҳиндистон каби мамлакатлардан келган тадбиркорлар иштирок этиши кутилмоқда.

Нарх тенденцияларига келганда, кўргазма доирасида махсус таҳлил майдончаси ташкил этилган бўлиб, унда иштирокчи компаниялар бозордаги янги шароитлар, рақобатчиларнинг таклифлари, ўртача экспорт нархлари ҳамда тўғридан-тўғри шартномалар учун мақбул баҳолар бўйича маълумот алмашиш имкониятига эга бўлади.

👍 Тадбир доирасида B2B учрашувлар ҳам ташкил этилиб, иштирокчиларга тўғридан-тўғри бизнес музокаралар олиб бориш, янги шериклар топиш ва стратегик ҳамкорлик алоқаларини йўлга қўйиш имкониятини беради.

🕊Telegram 📱Instagram 📱Facebook 📺Youtube

✔️Бугун Адлия вазирлиги биносида “Мадад” лойиҳасининг иккинчи босқичининг рамзий очилиш маросими бўлиб ўтди.

✔️ Унда Савдо-саноат палатаси раисининг биринчи ўринбосари Давронбек Курбанов иштирок этди.

“Мадад” — бу тадбиркорликни бошлаш ниятида бўлган, аммо унга етарлича куч ва имконият топа олмаётган инсонларни ҳуқуқий ва ижтимоий-иқтисодий қўллаб-қувватлаш мақсадида Адлия вазирлиги томонидан йўлга қўйилган лойиҳа.

Лойиҳанинг биринчи босқичи Денов туманида муваффақиятли амалга оширилган эди. Лойиҳа қаҳрамони Дилором Йўлдошева бугунги кунда 60 дан ортиқ шогирдига эга тадбиркор, “Мардлик” ордени соҳибаси, BBC нинг “100 илҳомлантирувчи аёл” рўйхатига киритилган ўзбек аёли — бунинг яққол натижасидир.

Эндиликда ушбу эзгу лойиҳа республикамизнинг энг олис ҳудудларидан бўлган Денов туманидаги “Сурхондийор” ҳамда Қўшработ туманидаги “Навкат” маҳаллаларида давом эттирилади.

✍️ Тадбир якунида лойиҳани биргаликда амалга ошириш учун Савдо-саноат палатаси, Адлия вазирлиги, Камбағалликни қисқартириш ва бандлик вазирлиги ҳамда “Мадад” нодавлат нотижорат ташкилоти ўртасида ҳамкорлик меморандуми имзоланди.

Шу билан биргаликда, тадбирда лойиҳани қўллаб-қувватлаш мақсадида бир қатор тадбиркорлар ҳам иштирок этди.

🕊Telegram 📱Instagram 📱Facebook 📺Youtube