عارفين ليه بعض الى بيدرس الوعي بيتخنق منه بعد فترة ويمكن يتحول لمهاجم كمان..
لانه بيسجن نفسه فيه .. واحنا اروحنا بتابى السجن حتى لو كان الوعي هو السجن
بيحول نفسه لاسطمبة .. قالب بيبقى عايز يتحول لالة ماشية بقوانين الوعي
او بيشوف غيره تحول بالفعل لقوالب بتقول وبتعييد نفس الكلام فبيتخنق
سامعة حد بيقولي طيب يا عبير مش احنا بندرس عشان نطبق وبنعرف القوانين عشان نفعلها ؟
اكيييد .. واى معلومة من غير تطبيق بتتحول لعبأ طاقي اصلا
ولكن المرونة
التوازن
عدم التخلي عن بشريتنا
بندرس الوعي عشان نعيش انسانياتنا بوعي مش عشان نبقى الة مشغلة برنامج الوعي
بنتعلم القوانين عشان نستفيد منها مش عشان تحكمنا ونحكم على الناس من خلالها
فلان قال كذا .. ااااه دا متعلق
فلان بيحب يسمع الاغنية الفلانية .. لا غلط دى فبها بعض الشجن المفروض مسمعش كدة
فلان كتب بوست .. تحليل البوست انه عنده عدم استحقاق او دا انعكاس له
لااااا ستوووب .. عيشو بشريتكم وسيبو الناس تعيشها مش كل شئ تحليل .. كل واحد بيعيش مرحلته
استفيد من الوعي والقوانين وادارة المشاعر .. بس من غير تحكم ولا احكام على نفسك ولا غيرك
اكتب بوستات فى كل شئ وعن اى شئ .. مش لازم عن كدة وبس انا عن نفسي اتعلمت الدرس الحمد لله وعمري ما هسجن نفسي فى الهوية دي واقول البوست دا ينفع عشان انا مدربة ولكن البوست دا لا عيب فى حقي كمدربة .. لا هكتب خواطري وهنزل بوستات اهزر فيها حتى لو مش واعية :/.. بس انا بعمل كدة بوعي ;) .. وعي انى متقبلاني كدة :)

العلم دا اداة مسخرة ليك .. متحولش نفسك انت الى اداة له
اسمح لنفسك انك تغلط وغيرك كمان من غير جلد وتصنيف .. وبعدها نستخدم القوانين والوعي عشان نستفيد حتى من غلطنا ونتطور
اى شئ فى الحياة اااااى شئ مهما كنتوا بتحبوه بس لما بيتحول لقيد وسجن لارواحنا هنتخنق منه .. مش الوعي فقط
#خواطر_وعي 😉
#عبير_رشدى