Qadrli ustozlar va murabbiylar!

Barchangizni bugungi kasb bayramingiz — 1-oktabr — Oʻqituvchi va murabbiylar kuni bilan samimiy tabriklayman.

Hurmatli Prezidentimiz boshchiligida yurtimizda taʼlimni rivojlantirish, pedagoglar maqomini yuksaltirish yoʻlida havasga loyiq islohotlar amalga oshirilyapti.

Yaqinda Davlatimiz rahbarining BMT minbaridan turib Yangi Oʻzbekistonda oʻqituvchilik kasbining nufuzini keskin oshirishga hal qiluvchi masala sifatida qaralayotganligini alohida taʼkidlab oʻtganliklari bizga faxr-iftixor bagʻishlaydi. Ayni paytda yanada masʼuliyat bilan ishlashga undaydi.

Muhtaram ustozlar!

Kelajak avlodimizni bilimli, vatanparvar va barkamol shaxslar boʻlib voyaga yetishida sizlarning mehnatlaringiz beqiyosdir. Oʻgʻil-qizlarga taʼlim berish, ota-onalardek gʻamxoʻrlik qilish barobarida yurtimizdagi tarixiy islohotlarda faol ishtirok etayotganingiz barchamizni quvontiradi, albatta. Xalqimiz ertasini, millat kelajagini sizlar sadoqat bilan yaratyapsiz, yuksaltiryapsiz.

Aziz pedagoglar!

Sizlarga yana bir bor oʻzimning eng ezgu tilaklarimni bildirgan holda, barchangizga sihat-salomatlik, oilaviy xotirjamlik, sharafli va masʼuliyatli kasbiy faoliyatingizda ulkan zafarlar tilayman.

Bayramingiz muborak boʻlsin, qadrli ustozlar!

Eʻzoza Karimova,
Maktabgacha va maktab taʻlimi vaziri

Hurmatli ustoz va murabbiylar!

Siz azizlarni 1-oktabr — O‘qituvchi va murabbiylar kuni munosabati bilan chin qalbimdan samimiy muborakbod etaman.

Bugun yurtimizda ta’lim-tarbiya tizimiga, ustoz va murabbiylarga bo‘lgan e’tibor yangi bosqichga ko‘tarilmoqda. Jamiyatimizda o‘qituvchining o‘rni va ta’siri tobora ortib, maqomi yanada mustahkamlanmoqda. Bu esa Davlatimiz rahbari boshchiligida amalga oshirilayotgan izchil islohotlarning amaliy samarasidir.

Prezidentimizning shu yilning sentabr oyida ustozlar bilan qilgan muloqotida ham siz azizlar uchun yangi imtiyozlar va yangiliklar e'lon qilindi. Bu tarixiy yangiliklar va o‘zgarishlarga esa pedagoglarimiz doimo fidoyilik va yuksak mas’uliyat bilan javob berib kelmoqda.

Aziz pedagoglar!

Sizlar — jamiyatimizning tayanchi, kelajak bunyodkorlari bo‘lgan yosh avlodni tarbiyalovchi ulug‘ zotlarsiz. Sizning mehringiz va saboqlaringiz tufayli yoshlarimiz barkamol inson, Vatanimizga sadoqatli farzand bo‘lib ulg‘aymoqda.

Sizlarga sihat-salomatlik, oilaviy xotirjamlik, ijodiy yutuqlar, sharafli va mas’uliyatli kasbingizda zafarlar tilayman.

Kasb bayramingiz muborak bo‘lsin!

Hilola Umarova,
O‘zbekiston Respublikasi Prezidenti Administratsiyasi rahbari o‘rinbosari

#Ustozga_ehtirom

🔹 Namangan davlat pedagogika instituti talabalari bayram munosabati bilan ustozlarini gullar bilan “Jonli yo’lak”da kutib olishdi.

🌍🌍🌍🌍🌍🌍

Bizni kuzating

❤ Telegram 🌐 Instagram
🌐 You Tube 🌐 Facebook

#Ustozga_ehtirom

🔹 Nizomiy nomidagi O‘zbekiston milliy pedagogika universiteti rahbariyati tomonidan universitetimizda uzoq yillar faoliyat ko'rsatib talabalarga ta’lim va tarbiya berishda oʻzining mehnati bilan oʻchmas iz qoldirgan, faxriy ustozlarimizni 1-oktyabr “Ustoz va murabbiylar” kuni munosabati bilan hollaridan xabar olish maqsadida xonadonlariga tashrif buyurildi.

✅ Faxriy ustozlarga universitet rektori nomidan qimmatbaho sovg‘alar hamda tabriknoma topshirildi.

✅Bayramingiz muborak bo’lsin aziz ustozlar.

🌍🌍🌍🌍🌍🌍

Bizni kuzating

❤ Telegram 🌐 Instagram
🌐 You Tube 🌐 Facebook

🔹 YANGI O‘ZBEKISTON TAYANCHI, SIZ – AZIZ USTOZLAR!” shiori ostida o‘tkazilayotgan Ustoz va murabbiylar kuniga bag‘ishlangan navbatdagi madaniy-ma’rifiy tadbir o‘tkazildi.

✅ Tadbirni Yoshlar masalalari va ma’naviy-ma’rifiy ishlar bo‘yicha birinchi prorektor Rajapov Vohobjon To‘rajonovich kirish so‘zi bilan ochib berdi va tadbir ishtirokchilarga universitet rektorining tabrigini yo‘lladi.

✅ Shuningdek, Nizomiy nomidagi O‘zbekiston milliy pedagogika universitetida 1-oktyabr “O‘qituvchi va murabbiylar” kuni munosabati bilan "Rektor kubogi" sport musobaqalari g‘oliblariga universitet rektori faxriy yorliqlari hamda universitet kasaba uyushmasining qimmatbaho sovg‘alari bilan taqdirlandilar.

🌍🌍🌍🌍🌍🌍

Bizni kuzating

❤ Telegram 🌐 Instagram
🌐 You Tube 🌐 Facebook

Ўзбекистон ўқитувчи ва мураббийларига табрик
—
Поздравление учителям и наставникам Узбекистана

Prezident.uz|Facebook|Instagram|YouTube|X