ام جعفر, [2 نوفمبر، 2025 عند 2:47 AM]
فزاعيه حول الزهراء



اريد وياج. يا شچاية الهم

ييمه البيت بعدج صار مظلم


اخذيني وياج يمه من تشيلين
المن ضاله ولو ما تعودين
اريد احذاج يل بل هم تشركين
رحتي والحزن بالروح خيم



يا شجاية اهمومي ولاحزان
اخلافج ما انام وكلبي تعبان
عليج مكدره والحيل خلصان
وجرحي عليج يمه عيب يلم



خلصانه وغيابج مالي حيله
واريد وياج والفركه ثجيله
وحشه الدار والغيبه طويله
ومتعودين يمه عليج نلتم



نلتم لا بعد هيهات يمهه
وعنه بعيد شالت كل حملهه
نجي والشيلتج نبجي ونشمهه
وعطرج بل نزل يا يمه نشتم




نشتم بالعطر وهدومج اليوم
ونعثر بالهدم ما نكدر انكوم
خذيتي العافيه وخليتي الهموم
مغيمه اكلوبنه ومتروسه بس غم


لخادمة الزهراء. العلويه ام جعفر
غير مبري الذمه من يحذف الاسم وياخذ الكلام وينسبه له ج. القصيده الى روح امواتي جميعا والى روح المرحومه الشابه عسل بنت المله ام مهدي بصره




https://telegram.me/am_jafar

ام جعفر, [أكتوبر ⁨28⁩، ⁨2025⁩ في ⁨1:23 AM⁩]
قصيده حول الزهراء



يا يمه ما اريد العمر

وياج اريدن للكبر

يا بعد العيون يا بعد العيون




وحشه بعد عينج احس كل دنيتي تدريهه
والتفكد امهه من وكت بس الحزن يكضيهه
ظلمه حياتي بغيبتج غير القهر ما بيهه
مكسوره اضل بحسرتي. وعيني الدمع يعميهه

اشبع بعد عينج قهر
وياج اريدن للكبر

يا بعد العيون يا بعد العيون



هوه العمر شنهي تره اخلافج ابد ماريده
وشخصج فكدته ومايرد وعني الدروب بعيده
مهظومه وعيوني تصب بالله الكلب شيهيده
ممرود من گد القهر وادري بعد شيفيده

وشخصج عليه ما يمر

وياج اريدن للكبر

يا بعد العيون يا بعد العيون



اتمرين ما ظنه الي واكعد واشوف عيونج
يا ام المحنه وكل شي الي تدرين اموت بدونج
المن اضل ونتي الهوه. واشتم اريد امتونج
بفراگنه اشلونج بعد يا يمه بالله شلونچ

وطال الغياب وهل سفر

وياج اريدن للكبر

يا بعد العيون يا بعد العيون



ما تنحمل يا فركتج. وكلش ثجيله علينه
واليفكد امه من وكت بس الدموع بعينه
زغار ونحن كل ساعه الج حيل البعد ياذينه
بنفوسنه العشره تره. ليش بعجل عفتينه

واليتم حط بينه كسر

وياج اريدن للكبر

يا بعيد العيون يا بعيد العيون



كسر اليتم ما ينحمل. وكلوبنه خلصت تره
وعفتينه ليش بهل عجل. وتوسديتي المكبره
نشتاك والملگه صعب والنار بينه موجره
ياهو اليسد فيج بعد. لا ما تصح مثلج مره

يل ما يرد بيج الدهر

وياج اريدن للكبر

يا بعد العيون يا بعد العيون



لخادمة الزهراء. العلويه ام جعفر
غير مبري الذمه من يحذف الاسم وياخذ الكلام وينسبه له ج


https://telegram.me/am_jafar

ــ
اعداد المجلس: خادمتكم ام علي العطوان.
النعي:شاعرة و خادمة اهل البيت عليهم السلام العلوية ام جعفر الموسوي.

https://t.me/temperature90

نعي حول الزهراء



دافن دليله حيدر ابليل
وراجع البيته ودمعته تسيل
الله يعينه اشلون كلبه
الفكد الزجيه منيله الحيل


هال التراب وجرت عينه
وبل مكبره واضح ونينه
كسره جبير وشال حاله
الفاكد الزهره الله اليعينه


بل لحد حطاها وبجه بصوت
ويم الزجيه رايد الموت
التشرك بهمه غابت اليوم
وحده علي شايل التابوت


ورد عله بيته وشاف بيته
خالي صفه وحشه ثنيته
ماشافهه اليله ام الحسين
ومختنك وتمنه منيته


بت عمه شالت والحزن لاح
ومن المصايب حدب وطاح
مابي بعد مهظوم وينوح
والحيل وياها مشه وراح

شالت ام عياله وكسر بيه
والبيت يوحش صاير عليه
يسكت بزينب بويه اصبري
وكلبج اريد الله اليسليه


اصبري يبويه وصبري الحسين
وهذه الافراك يطول اسنين
كاضي الحسن زينب تشوفيه
وكلبي عله امج صار نصين


اتكله الافراك اشلون احمله
وكلبي عله امي البعد سله
راحت وخلتنه تره ابنوح
الفاكد عزيزه بعمره شله


نشتاك كل ساعه الحضنهه
وبعدنه ولا شبعينه منهه
ازغار اليتم جاليش اجانه
وخذه الوالده وانريد يمهه

انحن عليهه ونبجي كل ساع
والنار تلهب جوه الاضلاع
تاخذنه ليهه انشوفهه اشواي
ونكلهه يزهره اشسوه الاوداع


لخادمة الزهراء العلويه ام جعفر
غير مبري الذمه من يحذف الاسم وياخذ الكلام وينسبه له ج


https://telegram.me/am_jafar

قصيده حول الزهراء




اذا ضاكت الدنيه وحرنه بيهه

انروح الفاطمه ونقسم عليهه

عليج ابداعت حسين والجفين والعين



اذا ضاكت الدنيه والوكت حيل
انحشم فاطمه يا فاطمه تخيل
احضرينه بعجل ودموعنه اتسيل

وبس انتي التكدرين. والجفين والعين

انروح الفاطمه ونقسم عليهه




تعبنه هواي وانتي ادره بل احوال
ومهظومين والهم فاطمه اشكال
انحلفج يالزجيه بذيج الاعيال

والضلو مطاعين. والجفين والعين

انروح الفاطمه ونقسم عليهه




عليج ابداعت حسين وغربته
الج همي وحزن مولاتي جبته
اريد ابجاه ابو الغيره وجربته

منه لا تقصرين. والجفين والعين



اجينه وحالنه يالزهره تعبان
وسولفنه عليج وندري خلصان
اليتعنه الج بت سيد الاكوان


مگضيه تكولين. والجفين والعين



ضاكت كلش وبس انتي عدنه
وجبنه اليوم الج كله حملنه
وكفنه ابابج ويجري دمعنه

الغيرج نمشي لاوين. والجفين والعين



وين انروح لو بابج تسديه
والمسكين بس انتي التضيفيه
نضره انريد والطايح تكوميه

وبجفج تكرمين. والجفين والعين



لخادمة الزهراء. العلويه ام جعفر
غير مبري الذمه من يحذف الاسم وياخذ الكلام وينسبه له ج



https://telegram.me/am_jafar

رباطات حول استشهاد الزهراء



باليل شالاها. وحده الغاليه باليل شالها

ويكول مابيه حيدر شالهه ويكول مابيه

بل هظم دافنهه عمة عيني عليه بل هظم دافنهه

وحدي تخليني عليش ام الحسن وحدي تخليني

ذباها العمامه. من هال الترب ذباها العمامه

ومكسور دفناها الله يساعده ومكسور دفناها

والدار مابيهه. مضيع فاطمه والدار مابيهه

ماترجع علينه. يزينب كالها ما ترجع عليه

جاوين عايفهه. يبويه الوالده جاوين عايفهه

عاليتم ما بيه. وحك عينك علي عاليتم مابيه

وياها اريد امشي تاخذني ردت وياهت اريد امشي

اشلون اصد ليهه. دارج فارغه. وشلون اصد ليهه


والشيله اشم بيهه. بفراكج كمت والشيله اشم بيهه

يا نارها بكلبي. اليوم الغربت يا نارها بكلبي

والدار تعميني. وحشه وخاليه والدار تعميني

والعشره شلتيهه. وليش بهل عجل والعشره شلتيهه


وشلون اطب ليهه. غرفتج فارغه وشلون اطب ليهه


لخادمة الزهراء العلويه ام جعفر
غير مبري الذمه من يحذف الاسم وياخذ الكلام وينسبه له ج



https://telegram.me/am_jafar

ام جعفر, [⁨3⁩ نوفمبر، ⁨2025⁩ عند ⁨4:53 PM⁩]
ام جعفر, [⁨2⁩ نوفمبر، ⁨2025⁩ عند ⁨12:55 PM⁩]
فزاعيه حول الزهراء



يزينب عاليتم. بعدج زغيرونه

وحالج بعد عين الوالده شلونه


كلبج عاليتم يا زينب شحاله
وفكد امج ثجيل وابد ما شاله
زغيرونه تره والفركه جتاله
وروحج عالزجيه بكت مسحونه



الله بعون حالج من مشو بيهه
وغرب يا نعشهه وراح حاديهه
اشلون الدار بعيونج نضرتيهه
وشخص امج بعد راحو يدفنونه



الفكد امج يزينب بعدج زغيره
وكسرتهه بدليلج كلش چبيره
محتاره بغياب الوالده حيره
والفارك حنان الحزن بعيونه


بعيونج هظم ينشاف يا حره
وصعبه اتشيل عنج فاطمه الزهره
كسر الغاليه جاياهو اليجبره
مهظومه وعليهه حيل محزونه


زغيرونه يزينب واليتم محنه
وكلبج والصور عالبال هدنه
بعد عين الزجيه عاشري الونه
وحيلج راح وياها يشيلونه



لخادمة الزهراء العلويه ام جعفر
غير مبري الذمه من يحذف الاسم وياخذ الكلام وينسبه له ج


https://telegram.me/am_jafar