«Менимча, Нобел тинчлик мукофотини Трамп олиши мумкин, деган ҳазил шунчалик узоққа бордики, одамлар ҳақиқатдан ҳам «Трамп Нобел олармикан?» деб ўйлаб қолишибди.

Албатта, бунга асосий сабаб Трампнинг ўзи, «Нобел мукофотини менга беринглар», деб очиқча талаб ва таҳдид ҳам қилди-ку?!

Норвегия Трамп Нобел ололмаса бизга уруш очиб, тарифларни қўймасин, деб тайёрланяпти.

[Трампнинг] сиёсати нафрат қўзғатишга таянган;

Канада/Гренландия/Панамани босиб оламиз, деб тинимсиз жиддий гапириб ўз вазирларини ўша мамлакатларга аҳоли орасида бу ғояни тарғиб қилиш учун юборган;

Ғазо ва Украинадаги урушларни дарҳол тугатмай улар давом этишини таъминлаган (босқин остидагиларнинг ўзлари айбдор деб);

Венесуэла қирғоқларида сузиб кетаётган қайиқларни ичидаги одамлари билан далилларсиз бомбардимон қилаётган ва айнан ҳозирги кунларда АҚШ аҳолисининг ярмини сиёсий душманлар деб бир қанча АҚШ шаҳарларига қуролланган миллий гвардия ва армияни юборган;

Нафақат иммигрантлар балки АҚШ фуқаролари орасида қўрқувни кўпайтирган одам тинчлик учун Нобел мукофотига қанчалик муносиб экан?

Агар шундай қилмишлар учун Нобел тинчлик мукофоти берилса ёки ҳақиқатдан ҳам номзоди кўриб чиқилган бўлса, унда бу мукофот ўз легитимлигини тўлиқ йўқотган бўлади. Ундан олдин ким ва нима учун олганлиги эса иккинчи даражали масала.

Ҳозирча эса Трампнинг Нобел олишга қилган очиқча PR кампанияси мағлубият билан тугади».

👉 @uzbekonomics

Подкастимизда яна депутат меҳмон бўлди. Олий Мажлиси Қонунчилик палатаси Халқаро ишлар, мудофаа ва хавфсизлик масалалари қўмитаси аъзоси Умид Ёқубхўжаев билан мамлакатимизнинг ташқи сиёсати, Туркий давлатлар ташкилотидаги иштироки ҳамда минтақавий ҳамкорликнинг истиқболлари ҳақида суҳбатлашдик.

Суҳбат давомида Ўзбекистоннинг халқаро майдондаги ўрни, дипломатик йўналишлар, Туркий дунё билан алоқаларнинг маънавий ва стратегик жиҳатлари ҳақида фикр алмашилди.

Youtubeʼда томоша қилинг:
👉 https://youtu.be/nAeqojHV2kA

#oʻzbekchilik #birdamjamiyat

➡️ @shokirjonov