من تغمض عينج

بين امصابه وبينج اللّٰه ايعين حسينج
من تغمض عينج يايمه يايمه
.......

حنيت ورجف قلبي وصارت راحتي الونه
اذا منج ضلع مكسور حسين الخيل داسنه
اذا صاب الضلع بسمار حسين اسهام صابنه
وما يكدر اخيي ايكوم انه حرت منين الزمنه

كلساع يسحكونه وبالخيل ايرضونه
والدم اعله عيونه يايمه يايمه
.......
الج حيدر لمن عصروج واخوي حسين اله اللّٰه
اذا عالكاع صليتي حسين اعله الرمح صلى
اذا محسن اكبالج مات ذبحوا بيده عبد اللّٰه
شرب دمه ولذيذ الماي كام ايصيحله اسم اللّٰه

ست اشهور اوليده واشكد فرفج بيده
منه الماي ايريده يايمه يايمه
.......
اذا حركوا عليج الدار حسين اخيامه حركوها
واذا مو يم علي ضربوج زينب يمه ضربوها
شفتيلج اخو من الخيل حته اثيابه سلبوها
وشفتيلج مره بهالليل تباري ايتام خلوها

راحو مني اخواني ودهري شكد سلاني
شيخلصها احزاني يايمه يايمه
.......
على مصاب الغريب حسين نارج تسعر وناري
عفته بخطه الميدان امسلب والجسد عاري
كلها اتجفنت وحسين بالطف جفنه الذاري
وكد ما ابروحه اجروحه يقبض روحه اجه الباري

ملك الموت اتعذر لمن شاف المنحر
بدمه حسين اتعفر يايمه يايمه
.......
اقارن بينج وبينه وعالخد دمعتي اتلالي
اذا نفرض نسيت حسين اشيمسح رسمه من بالي
شفت بالدنيا كلشي يموت من يسافر الغالي
مو بس الخيم من راح ضل حته الهوى خالي

جانت حلوه ايامه ماتت ليش احلامه
راح الجان احزامه يايمه يايمه
.......
اذا امج خديجة حسين امه فاطمة الزهرة
وجم مره رسول اللّٰه باس حسين من نحره
منو مثله بثواب اللّٰه كام يثوب بصدره
احله من الشهد اسمه ويعطر حلك اليذكره

حتى الله يحب روحه شكد حسين اجروحه
جم آيه المذبوحه يايمه يايمه
.......
https://youtu.be/11LBMoUrfnw

قناة دمعة فاطمة لمحرم وصفر انشر تؤجر
https://t.me/dam3tfatima3