"Боруссия" "Челси"дан Анселминони ижарага сўрабди, "Челси" эса агар Чуквуемекани сотиб олсангиз, Анселминони ижарага берамиз, деб жавоб берибди.

Ҳали нима бўлади номаълум, лекин "Челси"нинг бозорда ишларни тез ва осон ҳал қилишига тан бермасдан иложи йўқ. Сўнгги чиқиш - Ренато Вейга - бир йил олдин 12 миллионга сотиб олинган, "Челси"да 1-2 ўйинда майдонга тушди, "Ювентус"га ярим йилга ижарага бериб, мана энди салкам 30 миллионга сотяпти.

Агар шу трансферниям қўшсак, "Челси"нинг сотишлари 260 миллион еврога етади. Сотиб олишга кетган ҳаражат эса 280 миллион евро. "Челси" яна Бадиашил, Чуквуемека, Жексон, Стерлинг, Нкункуларни ҳам сотишини инобатга олсак, 100 миллиондан ортиқ пул бўлади. Тасаввур қиляпсизми, "Челси" бир ойнада Педро, Гиттенс, Хато, Делап, Эстевао, Гарначо, Симонсни сотиб олиши, камида 3-4 нафари асосий таркибга, шунда ҳам трансфер ойнасидан плюсда чиқиши мумкин. Масалан, "Арсенал" ва "МЮ" ҳали бирорта футболчисини сота олгани йўқ.

Шу билан бирга масаланинг бошқа томони бор. Аввал ҳам ёзгандим, "Челси"да анъаналар ва мероснинг йўқолиб бораётгани. Абрамович ҳам илк йилларида жуда кўп футболчиларни сотиб олган, лекин ўша асос узоқ йиллар "Челси"нинг юзи бўлган - Терри, Лэмпард, Коул, Дрогба ва бошқалар дарҳол кўз олдимизга келади. Бугунги "Челси"да ундай дейиш қийин, кимлар кетяпти, янгилар келяпти, гўёки бошқарувчилар учун ҳар бир футболчи пулга айлантириш мумкин бўлган активдек. Бунақа ҳолатда мухлисларгаям қийин, футболчилар билан қанақадир эмоционал алоқа бўлмаса, шунчаки жамоа номига, либосига мухлислик қилиш қийин.

@aslanov_futbol

Yorug' ibodatxonalar, daryo bo'yidagi sukunat, va ekzotik shahar manzaralari Sizga ilhom bag'ishlaydi.

✨ Tinchlik, rang-baranglik va ichki uyg'unlik — Bangkokda barchasi mavjud.
Sayohatingizni unutilmas xotiraga aylantiring!

💰 Chipta narxlari — 3 mln so'mdan.
Sayt orqali hoziroq buyurtma bering va yo'lga chiqing!

Bandlash

#reklama 16+
booking.centrum-air.com

Талаб ва таклиф эластиклиги деган ибора бор. Масалан, нонвойлар таннархи 2 минг сўм бўлган нонни 5 мингдан сотса, ҳамма олаверади, лекин улар нархни 10 минг сўмга чиқаришса, одамлар ун олиб уйида нон пиширишни бошлайди. Савдоям, фойда ҳам тушиб кетади.

Португалия, Нидерландия клублари шу пайтгача Лотин Америкаси футболчилари устидан юритган сиёсат мана шундай тугаши аниқ эди. Энцо, Фелиш, Дарвин, Антони каби футболчиларнинг нархи атиги бир-икки яхши мавсумдан кейин 100 миллионга яқин кўтарилиши адекват эмасди табиийки. Топ клублар бой бўлгани билан, албатта пул санашни ҳам билишади. Аввал "Реал" бошлаб берди, кейин "Челси", "Манчестер Сити", яқинда бу одатий тажрибага айланади, АПЛ клублари билан тўғридан тўғри келишувлар кўпаяди. Қўшимча катта сумма Португалия клуби чўнтагига кетгандан кўра, бироз меҳнат, изланиш билан ўша футболчини эртароқ сотиб олиб, ижарага берган анча афзал. Бу эса "Бенфика", "Аякс" каби клубларнинг нонини яримта қилади.

Индамай, 30-40 миллиондан сотиб юравермасмидинг, бир кўприк сифатида узоқ йиллар нон ҳам сотиларди, бизнес ҳам юрарди.

@aslanov_futbol

Моуриньонинг «Фенербахче»си сўнгги 20 дақиқа бир киши кўп бўлиб ўйнаганига қарамасдан, ғалаба голини ура олмади - 0:0.

Ўша сўнгги 20 дақиқада турклар «Бенфика» дарвозасига фақат жарима майдони ташқарисидан зарба беришди холос. Бирортаям хавфли вазият ярата олмади.

Бу ЕЧЛ гуруҳ босқичига чиқиш учун биринчи ўйин. Ҳаммаси Португалияда ҳал бўлади.

@aslanov_futbol